رواية لأنها توسل
الفصل الثامن والعشرون 28
بقلم سوسو تويكس
مره شهر ايواا شهر كامل وانا بحاول انسى واتخطاهو بس ما قادره وكلو ما اقول نسيت بتجي زكرى او كلمه بتهد الفات كلو شكلو عمري الجاي كلو ح يضيع على نسيانو(*فــإن كــان حنيـنـي عظيـم فـ كبـريـائي أعــظم🍷💛*) ، للان بتذكر يوم كان داخل وانا قفلتا الباب بتذكر الكلام القاسي السمعتو ليهو، ابوي القاطعني عديل من الزعل حتى بعد ما عرف القصه هو واقف مع غيث وامي البقت ما بتتكلم معاي وغيث المصر انو يجي كلو يومين عشان يحاول يتكلم معاي بس انا برفض اقابلو خايفه أضعف وأصدق الكذب البقولو، مسحتا دموعي وانا سامعاهو جا وسلم سامعه ابوي وهو بقول ليهو:بعد لازم تطلقها،، توسل:كيف الكلام ده يا عمي،، ادم:والله يا ولدي هي ما دام مصره طلقها وريح نفسك ما بتستاهلك وانشا الله ربنا بعوضك بالاحسن منها،، غيث:خير أنشأ الله بس اخر مرة اتكلم معاها لو ما وافقت انا بطلقها،، جات امي الطلعاني غصب لقيتو في الصالون قاعد اتكلمت وانا بعاين في اي مكان غير عيونو :لسه مصر، وريتك انا غير الطلاق ما عايزه شي،، غيث:للدرجه دي بهون عليك،، توسل:زي ما انا هنتا عليك،، عايز يرد تلفونو ضرب وقت رده لمحتا دمعت جرت وقتي قفل التلفون وهو بقول:توسل امي عايزاك حالاََ،، توسل:شوف كذبه غيرها انا من هنا ما طالعه،،، غيث:بو علي ه الطلاق بطلقك بس تعالي معاي لمى بتحتضر يا توسل،،، مشيت وراهو بتوبي اللابساعو بسكات عرفتو جادي وصلنا الفيله وذكريات المواجع رجعت لي دخلنا غرفتها وكان فيها غسان وغزل الواضح عليها بتبكي، وامو راقده في السرير والله شكلها يقطع القلب قالت بصوت خافت:اطلعوا عايزه توسل بس،،، ما عارضوها طلعو وخلوني معاها، أشرت لي اجي اقعد جمبها في السرير قعدتا مسكت يدي وهي بتقول: اعفي لي يا توسل....
بقولو اصعب لحظات لمن يجي الإنسان يموت وعندو الف حاجه عايز يقولها الف حقيقه عايز يطلعها الف عفو بكون عايز يطلبو،، مسكت يدي وهي بتقول :اعفي لي يا توسل اعفي عليك،، عايزه اتلكم سكتتني وهي بتقول دموعها نازله: انا ظلمتك كتير، حاولتا ابعدك عننا، افتكرتك زي القبلك طمعانه في القروش بس، ما كنت عايزه اشوف ولدي متدمر للمرة التانيه، مرحبا انا ظلمتك معاي والله عاقبني باني اشوف ولدي بتدمر وبضيع قدام عيوني بسببي، غيث ما خانك، دي اسيل المشت ليهو كانت عايزه تسجل فيديو وتفبرك فيهو الكلام و ترسلو ليك بس وقتها انتي جيتي وشوفتي الحصل هي كانت متفاجئة بس فرحت لانو خطتها نجحت قبل ما تعمل شي، بعد جات ورتني بالحصل انا شفتا ولدي بتدمر قدامي ما بتكلم معانا ولا بياكل طول الوقت في الشغل، نادر ما ينوم، نور غرفتو طبيعي فاتح، الايامات الفاتت الا ركبو ليهو دربات، طول الشهر ده ما اتكلم مع زول غير جمله واحده قالها لي:هدي توسل وضاعت العايزاهو حصل، انا ضميري مأنبني شديد بسبب عنادي حصل ده كلو بس والله انا ما عايزه اذيتو،(شالت نفس وقالت وهي بتشد على يدي) اعفي وقولي ليهو يعفي لي، غيث في امانتك يا بتي،،، دموعي جرو والله غلبني الاقولو شنو فجأءة نفسها بقا فوق ورافعه اصبعها السبابه ونظرها لي فوق لحدي ما يدها وقعت في السرير و عيونها مفتحات،، ما قدرتا اكورك او اتكلم حقيقي اصب شعور انك تشوف زول بحتضر قدامك،، حيلي ما قادر يشيلني بقيت بزحف وصلتا الباب فتحتو بعد تعب واجهني نظراتهم وهو واقفين جمب الباب بس بعاين لي في بالهم سؤال لكن ما عايزين يسالو ولا انا قادره اتكلم، غسان جرا دخل الغرفه سمعنا صوتو وهو ببكي وبقول:امي امي اصحى، امي ما قاعده تصحي يا غيث تعال شوفها،،، غزل من الصدمه اغمى عليها وغيث ده قعد في الأرض وبعاين في الفراغ كانو ما مصدق،، الشغالات جو رشو مويه في غزل صحت وهي بتتكلم بجنون : بتبكي مالك يا توسل امي كويسه ما حصل ليها شي هي نومها تقيل بس،، غيث جا واحضنها وهو بحاول يهدي فيها لزتو وهي بتدخل الغرفه وتكورك في غسان:ما تبكي امي ما ماتت اوعااا تبكي، امي اصحى عليك الله انا عارفه نومك بس تقيل وهم ما عايزين يصدقون، امييي،،، حقيقي غسان وغزل كانو منهارين وغيث صابر عشانهم...