رواية حلم واقع الفصل السابع7والثامن8بقلم رانيا عماره
مشيت لين وشافت حد لدرجه انها اتوترت رغم انها لابسه نقاب ومحدش هيشوفها ولا يعرف دي مين؟
لين:ده جوز حنان!!
فـ فضلت ماشيه وراه من غير مايحس وعرفت بيته فين واتصلت بـ تيم يجيلها في مكان محدد
وبالفعل جه
تيم:ازيك يالين
لين:الحمدلله
تيم:هنروح للدكتور امتي؟
لين:كمان شويه.. انا شوفت جوز حنان
تيم:حنان مين؟
لين: بنت ماجده
تيم:ااها طب وهنعمل ايه دلوقت
لين:لازم نوصله
فـ اتصلت بـ ياسر فاكرينه؟
لين:ايوه يا ياسر اخبارك ايه؟.. انا بخير.. كنت محتاجاك ف موضوع.. ايوه انا رجعت مصر من بدري... متقلقش انا ظبطت كل حاجه... ايوه عايزاك....ف موضوع تاني... اوكي هبعتلك اللوكيشن علي الواتساب
وبعتتله اللوكيشن وكان تيم مدايق اوي بس مش قادر يتكلم وملامحه بدأت تتغير لحد ما ياسر جه بعدها ب ساعه
ياسر:ازيك يالين اخبارك ايه؟
لين:الحمدلله
ياسر:نتعرف؟
لين:ممم ده تيم خطيبي
ف تيم فرح اوي من جواه لما لين قالت كده
ياسر:الف مبروك ومقولتيش ليه انك مخطوبه؟
لين:ممم عادي مجاتش الفرصه بس المهم عايزاك في موضوع مهم
وحكيتله علي كل حاجه
ياسر:تمام سهله دي
تيم:هنديك نسبه كبيره بس نفذ الـ هنطلبه منك
ياسر:مفيش مشكله انا هبعتله ساره هي متخصصه في الحوارات دي كلها وهتعرف تسلك معاه وتجر رجليه
لين :مش عايزين نتكشف ولا حد يعرف اننا الـ ورا الموضوع ده!!
ياسر:لالا متقلقيش من اي حاجه احنا قدام اوي فـ الحوارات دي كلها المهم تشربوا ايه؟
تيم:لا متشكرين احنا هنمشي.. يلا يالين
لين:هكلمك وقت تاني يا ياسر باي
ياسر:اوكي باي
ومشوا وراحوا للدكتور النفسي
عند عبير كانوا واخدين اجازه من الشركه وقاعده لواحدها في البيت قدام التلفزيون ف الجرس رن و قامت تفتح
عبير(بصدمه) :ايه ده حنان
حنان(بتريقه) :اه حنان اتصدمتي كده ليه؟
عبير(بتوتر) :ولا اتصدمت ولا حاجه هتصدم ليه يعني وعلشان ايه.. ادخلي
حنان:هالله هالله عايشه لواحدك لا راجل يقرفك وينكد عليكي زي المخفي جوزي
عبير:كده احسن
حنان:اما قوليلي ياعبير مش ناويه تتجوزي ياختي وتعمليلك بيت واسره بدل مانتي بوزك ف بوز الحيطه ليل نهار
عبير(بتكيدها) :قريب اووي ومش هتبقي اسره وبس لالااا ده بيت واسره وعربيات وفلل والدنيا هتسقط عليا فلوس زي الرز
حنان:ليه واقعه علي واحد مريش وانا معرفش؟
عبير(بسهوكه) : اه وهيعيشني احلي واجمل عيشه أصله بيحبني متعرفيش لما بيشوفني بيعمل ايه
حنان: طيب ماتعرفينا عليه
عبير:قريب اوي كله هيعرفه اما تشربي ايه صحيح ينفع افضل ارغي كده من غير مااضايفك
حنان:كوبايه شاي تقيله اصل انا في كل حاجه تقيله ومفيش مني اتنين
عبير:طبعاا هو انتي في زيك ياحنان، ها سكرك ايه؟
نرجع لـ لين وتيم عند الدكتور النفسي
لين:يادكتور انا بقالي داخل في سنتين بحلم بيه وكل يوم حلم جديد بس كان جوايا احساس قوي جدا اني هقابله رغم ان كله بيقولي ده وهم ومجرد شخص وهمي!!
الدكتور:طب وانت يا تَيِمْ
تيم:الحقيقه ان انا بحلم بيها من زمان عنها بس محكيتش لحد عن الموضوع ده وكنت محتفظ بيه جوا نفسي وكان برضه عندي احساس اني هقابلها
الدكتور:ولما اتقابلتوا، احلامكم كانت مستمره؟
لين:انا عن نفسي يادكتور اول يوم قابلته فيه بطلت احلم
تيم:انا برضه بطلت احلم
الدكتور(بيتنهد) :الموضوع ده غريب جدا اول مره يقابلني في حياتي، بس علي مااعتقد ان ده في علم النفس يُدعي "تلاقي الارواح" أو تجاذبها بس الكلام ده ينطبق على الأشخاص الـ يعرفوا بعض انما الغريبه انكم مشوفتوش بعض قبل كده وحصل كل ده!!
تيم:طيب يادكتور نلاقي الحل فين؟
الدكتور:من الواضح ان في شخص مشترك مابينكم هو الـ تسبب في كل ده
وبعد مامشوا من عند الدكتور كانوا بيفكروا
تيم :شخص مشترك مابينكم تسبب في كل ده؟ شخص مشترك!!!
لين(بتفكر) :شخص مشترك؟
تيم :مين مشترك بينا غير ماجده دي؟
لين :وايه علاقتها بينا واشمعنا احنا؟
وبقوا هيتجننوا مش عارفين يوصلوا لإجابه
وهما في طريقهم للبيت نور اتصلت بـ لين
لين(زعلانه) :عايزه ايه يانور؟
نور(بحزن) :سامحيني يالين اني مقدرتش اكمل معاكي طريقك
لين(زعلانه) :عادي ايه المشكله انتي برضه تعبتي مع ماما الفتره الـ فاتت وجه الوقت ترتاحي
نور(بحزن) :مش عايزاكي تزعلي مني احنا اخوات قبل مانكون اصحاب
لين(مبتسمه) : لا مش زعلانه حتى عايزاكي تكوني بعيده عن المشاكل شويه
نور (بحزن) :مشاكلك هي مشاكلي يالين احنا صحاب من سنين وياما وقفنا جنب بعض
لين(مبتسمه) :اكيد طبعا وبعدين انتي اختي
وبعد ماخلصت كلام معاها كانوا وصلوا البيت
تيم:خدي بالك من نفسك يالين
لين:ميرسي ياتيم تعبتك معايا
تيم:ولا تعب ولا حاجه المهم اني اتطمنت عليكي لو عوزتي اي حاجه اتصلي عليا وانا بكرا هعدي عليكي انتي وطنط اخدكم لان تيته مشتاقه تشوفكم اوي
لين(بإبتسامه) :اكيد اشوفك بخير
وتيم مشي ولين دخلت الشقه
------تاني يوم------
صحيت لين وحطيت أكل للكلب بتاعها ودخلت التويلت تاخد شاور ومنال صحيت جهزت الفطار وقعدت مستنياها
لين:صباح الخير ياحبيبتي
وبتبوسها
منال(بحزن وارهاق) :صباح النور يالين.. اقعدي عملتلك الاكل الـ بتحبيه
لين:تسلم ايديكي متنسيش تيم هيعدي علينا النهارده ياخدنا معاه
منال:تيم ده ابن حلال وجدع ربنا يحفظه ويخليه لـ جدته
لين:جدته طيبه اووي ياماما هتدخل قلبك اول ماتشوفيها حنيه الدنيا كلها فيها
وعلي العصر لقوا تيم جه وخدهم وراحوا لـ جدته
*عند ياسر في مكان سري*
ياسر:هتعملي كل الـ قولتلك عليه بالحرف الواحد عايزك تصاحبيه وتعرفي منه كل حاجه
ساره :مانت عارفني بنت بلد واعمل اي حاجه بس كله بمقابل
ياسر:هتاخدي فلوسك كامله مش هتنقص جنيه واحد المهم الـ قولته يتعمل بالحرف
ساره:وانا تحت التنفيذ
ولبست لبس مُغري وراحت عند جوز حنان
جوز حنان:ايوه مين... جاي اهو.. مابراحه هنطير يعني.. شكلها البت حنان عرفت غلطها ورجعت
وفتح لقاها واحده
جوز حنان(بإبتسامه) :ايه ده انتي مين
ساره :معلش يااستاذ متعرفش شقه الحاج فتحي
جوز حنان:لمؤاخذه وانتي عايزه النطع ده ف ايه دول عالم ولاد ستين فـ سبعين يامدام
ساره:تؤ تؤ انا انسه ياحبيبي الحاج فتحي مزعلك فـ ايه
جوز حنان:معلش لمؤاخذه ياآنسه...
ساره :انسه سوزان
جوز حنان:وانتي عايزه فتحي فـ ايه ياآنسه
ساره:الراجل ناصب عليا ياخويا فـ 100 الف جنيه وناصب علي ناس تانيه كتير
جوز حنان:طيب ماتدخلي ياحلوه هنتكلم ع الباب كتير ولا ايه
ودخلت قعدت
جوز حنان:ده راجل نصاب ابن كلب ده ضربني علقه متينه وعرفت انه هو ولا بنت الكلب اخته مقويه بنتها عليا
ساره:انت مراتك غضبانه ولا ايه
جوز حنان:غضبانه فـ داهيه هي وعيلتها ناس رمه
ساره:ملهاش حق بصراحه حد يزعل الحلاوه دي
جوز حنان(خد قلم ف نفسه) :ااه امال ايه هي بس الـ مش عارفه قيمتي وامها مقوياها
نرجع لـ عبير وحنان
عبير (ابتسامه مصطنعه) :هو انتي جايه غضبانه من عند خالتي ولا ايه
حنان: لا ياحبيبتي اصل بقالي كتير مجيتش عندك قولت اجي اسليكي شويه بدل مابوزك في بوز الحيطه كل يوم
عبير:لا ياماما قريب اوي هيبقي بوزي في بوز الفيلا الجديده هههه
حنان(بـ غل) :ااه قولتيلي اما التركيبه الـ عملتيها جابت نتيجه ولا ايه
عبير:اه جابت ياختي والواد بقي ملهوف عليا
حنان(في سرها) :هتعدوا على سكتي قريب ومش هرحم حد
عبير(بإبتسامه كره) :ماتشربي ياختي يابنت خالتي الغاليه
عند جوز حنان
ساره(بـ دلع) :ياخساره بقي مراتك تعمل كل ده لا معندهاش حق
وبتقوم
جوز حنان:اه والله ياآنسه سوزان دي مبهدلاني وسايباني قاعد لواحدي ماتبقي تيجي تسليني بدل مانا وشي فـ وش الحيطه
ساره(بـ دلع) :من عينيا بس كله بشروط
جوز حنان:خير اؤمريني
ساره:المره الجايه هقولك يلا بالإذن
جوز حنان: ما لسه بدري ده انا حتى قلبي اتفتحلك
ساره: وانا كمان قلبي اتفتحلك اوووي هيهيه
جوز حنان: لا الحلاوه دي كلها كتير عليا
ساره: معلش يااستاذ يلا باي باي
ومشيت وجوز حنان بدأ يفكر فيها
عند لين ومنال اول مادخلوا البيت
تيم:تعالوا اتفضلوا
منال:متشكره يابني
فـ جدته جات
جده تيم:يااهلا وسهلا نورتوا البيت
وبتحضنهم
منال(بإبتسامه) :ازيك ياطنط
جده تيم:الله اكبر شكلك يدي 30 سنه
منال(بإبتسامه) :حبيبتي ربنا يديكي طول العمر
جده تيم:الله يخليكي يابنتي.. ازيك يالين ياحبيبتي
وبتحضنها
لين:ازيك ياتيته
جده تيم:الحمدلله وانا اقول البنت دي جميله كده ليه اتاريها طالعه لـ مامتها
منال(بفرحه) :ربنا يخليكي يارب
جده تيم:تعالوا اتفضلوا اقعدوا ده انا عاملالكم احلي اكل بس محدش يجاملني
تيم(بيضحك) :تيته شاطره اوي كل الناس بتشكر في أكلها
منال(بإبتسامه) :ايوه ياحبيبي جدتك ست محترمه ربنا يخليهالك
تيم(بإبتسامه) :يارب
منال:طب يلا بينا يا لين نساعد تيته
لين:طيب احنا مضطرين نقوم نساعد جدتك
تيم:ليه خليكوا انا هقوم اساعدها
منال:لالا انا هقوم خليك انت ولين
وقامت تساعدها
جده تيم:قومتي ليه يابنتي ينفع كده
منال: لا انتي في مقام امي وعلي راسي سيبيني بس اساعدك ولا من اولها هنعمل فرق بينا؟
جده تيم:ولا فرق ولا كل الكلام ده انا بس مش عايزاكي تتعبي
منال :لالا مفيش اي تعب يلا بس
وشالت معاها الاكل وطلعوه علي السفره
وقعدوا ياكلوا
جده تيم:اديهم ياحبيبي من الاكل الـ قدامك انتوا طبعا مش غُرب انتوا بقيتوا أصحاب بيت
منال:الله يعزك ياماما ربنا يديكي طوله العمر
جده تيم:حلوه اوي منك يا ماما دي انتي في سن مامت تيم الله يرحمها اول ماشوفتك حسيت قلبي اتفتحلك يابنتي انا فقدت بنتي وهي في عز شبابها وهي ياعيني تيم كان لسه صغير ومحتاجها منها لله الـ كانت السبب (وبدأت تعيط)
منال(بحزن) :خلاص ياطنط متزعليش نفسك احنا من النهارده اسرتك انا بنتك و لين حفيدتك زيها زي تيم بالظبط
جده تيم(بتعيط) :قلبي مقدرش يتمالك يابنتي حسيت ب حرقه اول ماشوفتك كأني شوفت بنتي الله يرحمها
تيم: خلاص بقي ياتيته مش وقت عياط يعني اول ماالناس تجيلنا تفضلي تعيطي كده
منال:ناس وهو احنا ناس غريبه؟ هزعل منك
تيم:مش قصدي ياطنط والله بس احنا جايين نتعرف علي بعض مش نزعل ونعيط الكل
لين: تيم عنده حق انسي اي حاجه ياتيته احنا بقينا عيله وماما في مقام بنت حضرتك بالظبط
جده تيم:معلش ياولاد انا اسفه اني قلبت القعده حزن المهم يلا كلوا وقولولي رايكم ده انا الـ عامله كل الاكل ده والواد ده مساعدنيش ف اي حاجه
فـ قعدوا يضحكوا كلهم
عند نور في بيتهم
نور:ماما انا كنت نازله اشوف شهادتي طلعت ولالا
مامتها:هاجي معاكي
نور:ليه ياماما؟
مامتها:ايه الـ ليه امك وعايزه تيجي معاكي ايه المشكله حتي مخرجتش بقالي كتير
نور:ياماما من فضلك احنا مش رايحين نتفسح ده انا هجيب الشهاده وراجعه عالطول
مامتها:رايحه للمحامي مش كده
نور (بتوتر) :ممم لا ده.. ده هروح الجامعه عادي
مامتها:انتي يابنتي مابتزهقيش عايزه كل دقيقه والتانيه تخرجي علي حل شعرك؟ ابوكي هيخلي ليلتنا سواد لو خرجتي ارجوكي يانور عدي اليوم علي خير مش ناقصين مشاكل
نور:ياماما بصي مش هتأخر والله قوليله راحت اي حته ونص ساعه بالظبط وهاجي بس هروح اتطمن واجي
مامتها:نص ساعه بس!!
نور:صدقيني نص ساعه مش اكتر
مامتها:تمام خلي موبايلك مفتوح
نور:حاضر يلا باي
ومشيت
عند ياسر في مكانه السري دخلتله ساره
ياسر :ها عملتي ال قولتلك عليه؟
ساره:فتحنا السكه شويه والمره الجايه هنبدأ ننفذ
ياسر:اوعي حد يشك في حاجه لـ نروح في داهيه
ساره:متقلقش
ياسر :اقعدي بقي علشان تحكيلي عملتوا ايه
ساره:مراته غضبانه عند اهلها الـ هي الست ماجده دي وهو لا طايقها ولا طايق فتحي ولا طايق حد من عيلتهم لانه اداله علقه موت
ياسر: وعرفتي ايه تاني؟
ساره: عرفت انه عاطل وممعهوش مليم ومحتاج اي شغل
ياسر:حلو ده المدخل الـ هنوصله منه
عند نور نزلت وراحت للمحامي في المستشفى
نور: لو سمحتي أستاذ رامي عامل ايه دلوقتي؟
الدكتوره: الحمدلله فاق وحالته بدأت تتحسن
نور:طيب ينفع ادخله
الدكتوره:ممنوع الزياره
نور:هما 5 دقايق مش هكتر عليه ارجوكي
الدكتوره:اوكي متتأخريش جوا
نور:متشكره
َودخلتله
نور:ازي حضرتك يا أستاذ رامي؟
المحامي(بتعب) :الحمدلله
نور:معندكش معلومه جديده عن فتحي طليق طنط منال؟
المحامي(بتعب) :فتحي كان بيتابع عندي زمان و..
نور :كمل يااستاذ رامي
المحامي: كان متجوز واحده عرفي وخلف منها ولد ومرضاش يكتب الولد بإسمه
نور: والست دي عايشه؟
المحامي:عايشه في(العنوان)
وقالها العنوان
نرجع لـ لين ومنال عند جده تيم
بعد ماخلصوا أكل وقعدوا علي الانتريه
جده تيم: جيبتلكم شويه معمول انما ايه عمايل ايديا
منال:تسلم ايديكي ياست الكل
جده تيم:الله يخليكي يابنتي
لين:تسلم ايدك ياتيته
جده تيم:تعرفوا انتوا رجعتولي احساس الاسره من جديد كان نفسي اجوز تيم واشيل عياله ونبقي أسره مع بعض بس اقول ايه دماغه ناشفه
تيم:مانتي عارفه ياتيته اني مش هتجوز اي حد
منال:والله وانا بس لين مُضربه عن الجواز وبتقولي هفضل عايشه معاكي ياماما
لين:ايوه ياماما مانا مش هسيبك لواحدك
فـ تيم كان بيبص لـ لين وبيضحك
وخرجت نور من المستشفى واتصلت بـ لين
منال:مين بيتصل ماتردي؟
لين (مدايقه) :دي نور
تيم:ماتردي عليها يمكن عايزه تقولك حاجه مهمه
لين:هتقول ايه بس بعد الـ عملته
تيم:ردي مش هتخسري حاجه
فـ ردت
لين:ايوه يانور خير عايزه ايه؟
نور:ايه يابنتي بتتكلمي وانتي مدايقه ليه؟
لين:ولا مدايقه ولا حاجه ها عايزه ايه؟
نور:بصي ياستي انا روحت للمحامي و...
لين(بتقاطع كلامها) :وانتي بتروحيله ليه مش قولتلك شيلي ايدك من الموضوع ده!!
وقامت وقفت
نور:يابنتي انا جيبتلك معلومه جديده
لين:معلومه ايه دي؟
وكان كل ال قاعدين بيسمعوا
نور:طليق طنط منال كان متجوز واحده في السر ومخلف منها ولد!
لين:مخلف منها ولد؟؟
منال: في ايه بتتكلموا عن مين؟
تيم:ماتفهمينا ال بيحصل
ولسه نور بتكمل كلامها جه جنبها ميكروباص وسحبوها
نور:لااااا سيبوني لااااااااا اوعي بقولك يامامااااا
لين :الو نور؟؟ نور انتي كويسه؟؟؟... نووور!!!
تيم: في ايه؟؟؟
وقام
لين(بتوتر) :نور شكلها اتخطفت
منال:اتخطفت؟؟؟
الفصل الثامن 8
ولسه نور بتكمل كلامها جه جنبها ميكروباص وسحبوها
نور:لااااا سيبوني لااااااااا اوعي بقولك يامامااااا
لين :الو نور؟؟ نور انتي كويسه؟؟؟... نووور!!!
تيم: في ايه؟؟؟
وقام
لين(بتوتر) :نور شكلها اتخطفت
منال:اتخطفت؟؟؟
تيم:قومي يا لين بسرعه لازم نمشي
منال:هتروحوا فين دلوقت؟
جده تيم :طيب ماتطمنونا يابني؟
تيم:هنعرفكم كل حاجه بعدين
لين: يلا ياتيم مفيش وقت قبل مايعملوا حاجه فيها
وراحوا قسم الشرطه يعملوا بلاغ ان نور اتخطفت
عند مامت نور فضلت مستنيه نور ترجع لان باباها لو عرف انها خرجت هيعمل مشكله ف دخل والد نور من باب الشقه
ابو نور:مساء الخير، ايه عامله ايه النهارده
مامت نور:مساء النور لا لسه معملتش حاجه
ابو نور:طيب بلغي نور ان جايلها عريس
مامت نور(بتوتر) : طيب لما تصحي
ابو نور :لسه نايمه ولا ايه؟
وبيقعد
مامت نور(بتوتر) :ايوه دخلت تنام من شويه
ابو نور:مالك بتترعشي كده ليه ومتوتره هو في حاجه؟
مامت نور(بخوف) : لا ولا اي حاجه
ابو نور:ماتتكلمي ياام نور في ايه
مامت نور(بخوف) : لا ياحاج مفيش حاجة انا هقوم اجهزلك الغدا
ودخلت الأوضه وفضلت تتصل علي نور بس موبايلها مقفول
مامت نور(بتوتر) :يانهار ابيض البنت موبايلها مقفول اعمل ايه دلوقت ده لو محمد عرف هيهد الدنيا فوق دماغنا وانا مش ناقصه... ماتردي بقي هعمل ايه بس في المصيبه دي
عند تيم ولين كانوا وصلوا القسم
الظابط:اتفضلوا اقعدوا تشربوا حاجه؟
تيم:لا متشكر احنا جايين نعمل بلاغ
لين: صاحبتي نور اكيد حضرتك عارفها كانت بتكلمني في الموبايل وهي راجعه من عند المحامي من المستشفي وفجأه فضلت تصوت وتقولهم سيبوني وبعدها موبايلها اتقفل واحنا مش عارفين نتصرف
الظابط: كل ده حصل امتي؟؟
تيم :يعني من حوالي نص ساعه
الظابط:مع ان لازم نحقق في الموضوع ده الاول بس انا مش هينفع استني
تيم :والحل ايه؟
الظابط: هنروح المستشفى ال فيها المحامي
وخد معاه عدد من العساكر والعربيه البوكس ولين وتيم راحوا في تاكسي ودخل الظابط المستشفى وسأل هل نور جات ولالا
الظابط:اوصفيلهم شكلها؟
لين:بصي هي طويله ولونها خمري شويه وشعرها اسود وبتبقي لابسه نضاره شمس دايما
الموظفه: اه تقريبا لمحتها بس مش متأكده
الظابط:فين الكاميرات الـ هنا؟
ودخلوا أوضه المراقبه
لين: لالا رجع شويه... لا لسه مظهرتش
تيم :احنا عارفينها كويس... اهي نور
الموظف:والله احنا اخر كاميرا عندنا مش جايباها لانها عدت المسافه تقدروا تشوفوا كاميرات المطاعم الـ حوالينا يمكن حاجه تجيبها
نروح لـ نور في المكان المخطوفه فيه
نور(بصويت) :طلعوني من هناااا انا عايزه اروح انا هوديكم في 60 داهيه ياكلااااب
يطلع شخص لابس قناع علي وشه وبيضحك
_ جرا ايه يااستاذه نور ينفع الـ بتعمليه ده؟
نور(بصويت) :انت مين وعايز ايه؟؟؟
_انا الـ حذرتك وقولتلك الدور عليكي بس شكل دماغك ناشفه ومابتسمعيش الكلام فـ احنا اديناكي فرصه والـ بيجي في طريقنا مبيكسبش
نور(بصويت) :انتوا عايزين ايه سيبوني اروح
_ لالا تروحي ايه انتي مشرفه هنا لحد ماربنا يسهل ونشوف هل نقتلك ولا ناخد من اهلك الـ 70 مليون دول؟ تفتكري نختار ايه؟
نور(بصويت) :ارجوك خرجني من هنا وهديك الـ انت عايزوا بس خرجني
*فـ بصلها وضحك وقفل الباب ومشي*
نرجع لـ لين وتيم والظابط راحوا لكل المحلات في المنطقه لحد مالقوا محل جايب كل الـ حصل
لين(مركزه) :ايوه الوقت ده كانت بتكلمني فيه
تيم: بتتكلم في الموبايل... ايه ده العربيه اهي!!
الظابط:احنا هنتتبع موبايلها
لين:ازاي وهو مقفول؟
الظابط:ده شغلنا يااستاذه لين المهم روحوا ولو في جديد هتصل بيكم ومتقلقوش ان شاء الله هنوصل ل نتيجه
تيم:شكرا لـ حضرتك انا واثق اننا هنلاقيها
الظابط:العفو احنا في خدمتكم
راحت ساره تقابل جوز حنان
جوز حنان:ماجرا ايه هتفضلي ماسكه التلافون ده كتير؟
ساره:معلش ياخويا برد على الناس ال عندي اصل عقبال عندك عندي شركه وموظفين انما ايه بقبضهم 5000 كل شهر
جوز حنان (بصدمه) :بس دول كتير اووي
ساره:يستحقوها مادام بيشتغلوا اما قولي انت ملقتش شغل لحد دلوقت؟
جوز حنان:ااه اعمل ايه طول عمري نحس
ساره:وانا هفكلك النحس ده ع يدي
جوز حنان:افهم ايه من كلامك ده ياانسه ساره
ساره:افهم اني هشغلك عندي ايه رايك وتاخدلك 5000 كل شهر
جوز حنان:ده انا اجيلك من بكرا الصبح
ساره :يبقى اشطا هديك العنوان
منال كانت قاعده هي وجده تيم يتكلموا ويرغوا مع بعض لحد ماتيم جه هو ولين
جده تيم:اهو جم علي السيره
منال :عملتوا ايه ياتيم
تيم:روحنا عملنا بلاغ وهما شغالين فيه
لين:الموضوع صعب اوي ياماما مش معقول كل ده يحصل لـ نور بسببنا
منال(بتنهيده) :منه لله فتحي هو الـ خربلنا حياتنا كلنا هو واخته وش المصايب
تيم: انا مش هسيب حق امي ولا حقك ياطنط!! انا بدل ماكنت عايز انتقم علشان امي ف دلوقت عايز انتقم علشانك وعلشانها ونرجع الحقوق الـ ضاعت!
منال :يابني ابعد عن طريقهم دول ناس شر
جده تيم :انا مش هرتاح وانت ضايع مني يابني كفايه امك ضاعت مني مش عايزه اخسر حد تاني
تيم :متخافيش ياتيته احنا قدها
لين:يلا ياماما علشان نروح كفايه كده
تيم:ماتباتوا هنا؟
جده تيم:ايوه صحيح ماتقعدوا معانا نونس بعض يابنتي
منال: لا ياطنط مش هينفع احنا هنيجي نزورك تاني بس فعلا لازم نروح الوقت اتأخر
جده تيم:خلاص هسيبكم علي راحتكم خد بالك منها ياتيم
تَيِم:حاضر يلا ياطنط
وخدهم ووصلهم لحد البيت وروح
-------تاني يوم--------
عند ياسر في المكان السري
ياسر :انا قولت نتقابل الصبح لان الوقت اتأخر وغير كده كان عندي شغل كتير ونمت من التعب اما قوليلي عملتي ايه
ساره:قولتله اني هشغله عندي في الشركه
ياسر:انا لازم اتصل بـ لين علشان نبدأ نشتغل
واتصل بيها
لين:ايوه يا ياسر عملت ايه؟
ياسر:عايزك تيجي انتي وتيم علشان نبدأ الشغل
لين: كله تمام يعني؟
ياسر:ايوه وهو وافق انه يشتغل عندنا بس قوليلي ماهو هيعرفك لو شافك؟
لين: لا متقلقش هو مشافنيش قبل كده ولا اتقابلنا حتي انا عارفاه من الصور الـ حنان كانت بتنزلهاله فـ مش معقول هيكون الاسم والصور صدفه
ياسر:طيب واسمك؟
لين:سهله ممكن اي اسم
ياسر :خلاص انا مستنيكم الضهر متتأخروش
لين:حاضر
واتصلت ب تيم كان لسه نايم
تيم:حاضر انا هقوم البس وجاي اخدك مش هتأخر
ووصلوا في مكان ياسر السري وكان تيم ولين وياسر وساره قاعدين يخططوا
ياسر:احنا دلوقت بعتنا ساره لـ جوز بنت عمتك الـ هي حنان دي تمام.. ومدخلناش علي موضوع الشغل مره واحده علشان ميشكش.. وساره قالتله اننا عندنا شركه ووافق يشتغل معانا دلوقت المشكله في حاجه؟
الكل:ايه هي؟
ياسر: ان احنا معندناش شركه اساسا
تيم :اسمع كويس انا معايا فلوس ورث من ابويا الله يرحمه ممكن كل واحد فينا يدفع مبلغ ونأجر شركه لمده اسبوع بس الأسبوع ده نشتغل فيه كويس اووي ونوصل لأكبر عدد معلومات
لين:فكره حلوه اوي وانا هتصرف في فلوس ونأجر الشركه ونبدأ شغل
ياسر:طيب هقولكم انا افتكرت في واحد صاحبي معرفه قديمه ممكن ناخدها منها وببلاش كام يوم لحد مانشوف الجاي ايه؟
تيم ولين:مستني ايه
ياسر:تمام
وقام بعيد واتصل بيه
ياسر:الو ايوه يافريد عامل ايه؟
لين(بإستغراب) : فريد؟
تيم: في ايه؟
ياسر: ايوه ليك واحشه والله اما بقولك انت شركتك مركونه ليه ماتشغلها... ااه مانا عارف انك مسافر وعندك شركه برا بس هترجع امتي... لسه شويه؟ ليه كده.... طيب ماشي كنت عايزك في طلب ومش هطول.. حبيبي الله يخليك انا محتاج شركتك لمده 14 يوم... ايوه مش هطول عن كده...لا هنعملها صحافه... يعني موافق...خلاص هعدي علي اخوك واخد منه المفاتيح... حبيبي تسلم الله يخليك متشكر اوي
عند مامت نور فضلت صاحيه طول الليل ومنامتش وطبعا ابو نور الليله الـ قبلها كان فاكر نور نايمه فـ دخل ينام ولما طلع النهار
ابو نور:صباح الخير
مامت نور:------
ابو نور: مالك مش بتردي ليه؟
مامت نور بتبصله وبتسكت قلبها بيتقطع مش عارفه تقوله ايه ان البنت مرجعتش من امبارح ولا تقوله وهيحصل مشكله كبيره
ابو نور(بزعيق) :هو انا مش بكلمك الله في ايه
وراح رايح علي أوضه نور
ابو نور:يانور انتي كل ده نايمه هو انا كل مااسأل امك تقولي نايمه نايمه.... ايه ده؟؟
وراح رايح لـ مراته
ابو نور: نور فين؟؟
مامت نور(بتترعش) :نور... نور
ابو نور(بزعيق) :كملي البنت راحت فين؟
مامت نور(بتترعش) :مم هقولك..
ابو نور:ماتقولي؟؟
مامت نور(بتترعش وبتعيط) :بنتك خرجت امبارح ومعرفتش اقولك ايه بس البنت مرجعتش لحد دلوقت مرجعتش
ابو نور(بصدمه وزعيق) :وانتي مقولتيش لييييه؟؟ البت ضايعه من امبارح ومقولتيش لييييه؟؟ وقاعده ساكته ليييه؟
ام نور(بعياط) :خوفت والله خوفت هيحصل مشاكل انا منمتش الليل طول الليل صاحيه ودماغي عماله تودي وتجيب
ابو نور(بزعيق) : اقسم بالله لو البت حصلها حاجه لـ اقلب حياتك عاليها واطيها
وراح نازل ورزع باب الشقه وراح القسم
الظابط:اهدي من فضلك يااستاذ محمد احنا شغالين علي الموضوع ده وبندور وخلاص النتيجة قربت تطلع
ابو نور(بزعيق) :انا بنتي هتروح مني كل ده بسبب لين وامها منال احنا مالنا ومال مشاكلهم الـ غلط يشيل مشاكله ع دماغه ويسكت لكن انا بنتي مالها؟؟؟
الظابط:اهدي يااستاذ محمد من فضلك
عند لين وتيم راحوا مع ياسر علي مكان الشركه وكانت قديمه ومتبهدله
تيم:ياااه الشركه دي محتاجه مجهود كبير
ساره:كل واحد ايده علي ايد التاني وكله هيخلص عايزين ننجز قبل المده ماتنتهي
لين: فعلا الشركه متبهدله جداا
ياسر : هننضف
وماسك مكنسه في ايده وادوات تنضيف
وبعد 4 ساعات كانوا خلصوا لان كان معاهم عمال نضافه وكله كان بيشتغل ف اترموا ع الانتريه يرتاحوا
لين:ااه تعبت اووي
تيم :وانا كمان الموضوع مطلعش سهل
ياسر:خلاص من بكرا وهنبدأ اللعبه وانتي ياساره هتروحيله وتجيبيه لحد هنا واحنا هنغير شويه حاجات بحيث محدش يعرفنا
ساره:كله تحت السيطره المهم اخد فلوس تعبي ف الاخر
تيم:انتي وياسر ليكوا نسبتكوا بس ساعدونا
ساره:هنشوف
عند نور لقيت فتحي داخل ومبتسم
فتحي:نقول هاي ولا نقول الف مبروك
نور:علي ايه؟
فتحي:اصل انا قررت اجوزك لواحد من رجالتي
نور(بصويت) :لااااا لااااا انا عندي مرض وحش معدي بيتنقل لأي حد يقرب مني
فتحي(بيضحك) :قولي الكلام ده لأي حد عبيط واهبل انما انا قررت اجوزك ل الواد حماده ده واد طيب حتى أخره بس يسرق انما يقتل لا
نور(بصويت) :فكنااااي حرام عليك.. حرام عليك سيبني فـ حالي وابعد عني
فتحي:حماااده تعالي عايزك
_اؤمرني ياباشا
فتحي:ايه رايك في العروسه الحلوه دي
_ الـ تشوفه
فتحي:لا انا عايزك تقولي رايك مانا مش هجوزك غصب برضه
_مش ولا بد يامعلم
فتحي:خلاص احنا نكتب الكتاب النهارده ونخلي الفرح بكرا ههههه يلا ورايا
وخده ومشي
نور(بصويت) :لااااا يااارب يااارب عايزه اخرج من هنا والنبي يارب
عند الظابط وابو نور.. دخل عسكري
العسكري :وصلوا للمعلومات دي يافندم
الظابط:حلو تمام بلغهم اننا هنتحرك
ابو نور:لقوا مكان نور؟
الظابط:ايوه لقيناه
وفتحي كان قاعد ف جاله واحد من رجالته بلغه ان الشرطه عرفت مكانهم
_الشرطه عرفت مكانا يامعلم فتحي
فتحي:يانهار اسود ومنيل وهنعمل ايه
_لازم نتحرك من هنا ف اسرع وقت
وبالفعل نقلوا المكان قبل الشرطه ماتيجي
نور:سيبوني اوعي متشدش
_اسكتي يابت
ولما الشرطه وصلت ملقوش حد
الظابط(بعصبيه) :يعني ايه انتوا مدينا معلومات غلط؟؟ مش شايفين شغلكم؟؟؟؟
نروح لـ عبير وعلى في مطعم قدام النيل
علي: انا جيبتك النهارده عايزك في كلمتين
عبير (بسهوكه وضحكه متصنعه) :خير؟
علي:تتجوزيني ياعبير؟
عبير:مش معقول انت فاجئتني
علي(ب خبث) :موافقه ولالا
عبير(ضحكه متصنعه) :طبعا موافقه
علي(بيبوس ايديها) :اديني ميعاد اقابل خالتك فيه
عبير(ب إبتسامه) :هقولها
-----تاني يوم----
صحيت لين من النوم وخدت شاور ووقفت قدام المرايه ومسكت قلم الروچ وبدأت تكبر شفايفها شويه وحطت ميك اب بحيث تغير ملامحها الحقيقيه ولبست الاكستنشن(الباروكه) وعملت ستايل مختلف عن الـ هي بتلبسه و تيم لزق شنب ولبس اكستنشن(باروكه) ولبس نضاره شمس وشكله اتغير وكل واحد فيهم بدأ يلعب في شكله وملامحه بحيث محدش يعرفه
وراحوا الشركه الوهميه الـ عملوها ده غير اليافطه الـ علقوها علشان الموضوع يتدرس صح وكان شكلهم حلو جدا
ياسر: انا اسمي زي ماهو انا وساره انتوا الـ اساميكم هتتغير.. لين
لين:نعم؟
ياسر:اسمك دينا.. وانت يا تيم
تيم: ايوه؟
ياسر: اسمك زياد.. يبقي زياد ودينا محدش ينسي
تيم :تمام وساره هتيجي امتي بالاخ ده؟
ياسر:اتصلت بيها وقالتلي جايين في الطريق
ولسه بيلف ضهره لقي ساره داخله ومعاها جوز حنان
ياسر:يااهلا وسهلا نتعرف؟
ساره: ده محمد موظف جديد ف الشركه
ياسر:اهلا بيك شرفتنا
جوز حنان:الله يخليك
ساره: وده ياسر مدير الشركه
جوز حنان:تشرفنا
ياسر:شكرا.. اتفضلوا فهمتيه نظام الشغل ولالا
ساره :لا انا هسيب المهمه دي علي...
ياسر(بيحرك شفايفه بالكلام) :زِ يا د
ساره(فهمت) :هسيب المهمه دي علي زياد هو شاطر جدا وهيفهمك كل حاجه
*يرفع ياسر سماعه التليفون*
ياسر(بصوت واطي) :تعالي ياتيم ومتنساش ان اسمك الجديد زياد الا نروح فـ داهيه
تيم: حاضر جاي اهو
وجه خد جوز حنان علي أوضه الموظفين وكانت لين عامله نفسها شغاله علي الكمبيوتر
تيم:نورت الشركه انا اسمي زياد وزميلك هنا
جوز حنان:الله يخليك
عند عبير كانت خدت ميعاد مع خالتها علشان علي يقابلها
ماجده:يااهلا وسهلا نورت وانا اقول البيت منور كده ليه؟
علي: متشكر انا طبعا مش هلف وادور كتير انا جاي اتقدم لـ عبير وهي قالتلي ان حضرتك في مقام والدتها فـ جيت اطلبها منك
ماجده :طبعا ياحبيبي مش تعرفنا عندك ايه
علي:والدي عنده شركه استيراد وتصدير وانا مدير الفرع ده
ماجده: ماشاء الله وعندكم ايه كمان
علي:عندنا الحمدلله بدل العربيه اتنين وتلاته واربعه وحوالي 5فلل بس كل واحده بعيده عن التانيه بس انما ايه علي مستوي عالي
ماجده:ماشاء الله وانت شكلك واد جدع ع العموم انا موافقه لولولولولوي
هبه:مبروك ياعبير
عبير(بإبتسامه) :الله يبارك فيكي
تدخل حنان وشها عليه غضب ربنا!!!!
يتبع