![](https://blogger.googleusercontent.com/img/b/R29vZ2xl/AVvXsEhcouq4a1IJGXYSGN5zh9uKVSnvwjyQbJPPVLtCimUjyBX6_3iKYHPnKfe2GPPTKGK24JZoItCOXTWm4JKTEzplBEvVTBReAVQLRcB3YSv4RIOl_4P7c9ztM4Gh-KhuoIqMfFb6AMPRkkwTleGdtz1lQrWTaw6uZ-3V8PgP9kR9GaxFATF4qJ4WY8XrG8dz/s320-rw/FB_IMG_1715256979969.jpg)
رواية جوازة ميراث الفصل الخامس عشر15والسادس عشر16بقلم رانيا عماره
رشاد(مصدوم) :يعني مروه وجايده هما اللي ورا كل ده؟؟؟
والد رشاد:ازاي بس اكيد في حاجه غلط!
الظابط:مفيش حاجه غلط..وانتوا كل اللي ليكم دلوقتي ان يوسف يرجع
رشاد(مصدوم) :ازاي وعلشان ايه!!
الظابط:اللي اقدر اقولهولك ان الطمع يعمل أكتر من كده..ومروه مرات اخوك..الطمع كان عاميها..خصوصاً انها كانت شايله كتير من مراتك دينا الله يرحمها..وقررت تحط ايديها في ايد جايده علشان يوجعوا قلبكم
والد رشاد(متعصب) :دول شياطين مش بشر!!..ازاي يإذونا كل الأذيه دي؟؟
الظابط:واللي متعرفهوش ان كل ده بالاتفاق مع زعيم العصابه ضياء لاشين
رشاد(بزعيق) :يانهار اسود...مروه وجايده على علاقه بـ ضياء لاشين؟؟...ازااااااي!!!!!...ازااي!!!
والد رشاد(بحزن) :ليه كده يامروه!.. ده انا ابني كان بيحبك وواثق فيكي!..تقومي تخوني ثقتنا كلنا؟؟
رشاد(مدايق) :وعملوا كل ده مقابل ايه؟؟
الظابط:مقابل 5 مليون جنيه لكل واحده..ده بعد ما المهمه نجحت طبعاً..بس متقلقوش احنا هنلاقي ضياء لاشين قريب جداً
رشاد(بحزن) :مروه ساعدت في قتل مراتي وخطف ابني!..بالاتفاق مع الانسانه اللي كنت عايز اتجوزها زمان!..الاتنين خاينين!..ميستحقوش دمعه واحده تنزل عليهم..انا ومصطفى ضحية طمعهم!
الظابط:متقلقش يااستاذ رشاد..هتلاقي ابنك قريب انا واثق من كده
••بص له رشاد وهو كله حزن وحسره، وخرج هو وساهر••
والد رشاد:متتكلمش قصاد أخوك في حاجه كفايه اللي هو فيه
رشاد:مع ان المفروض يعرف حقيقتها الزباله! أحسن ما يكون على عماه
والد رشاد:متتكلمش قصاده في أي حاجه لحد مايخف ويقف على رجليه..اخوك مش هيستحمل..ضربتين في الراس بتوجع
رشاد:مش هتكلم..مش هيبقى انا وهو..كفايه واحد بس
والد رشاد:ارجع على شغلك ويبقى يحلها ربنا
رشاد(بحزن) :ماشي
••ومشى كل واحد فيهم..ورجع على شغله..وكانت داليدا قاعده في المكتب مبتعملش حاجه..لحد ما رشاد جه وقعد على المكتب ومكنش عايز يتكلم نص كلمه••
داليدا:حمدالله على السلامه
رشاد:__________
داليدا:هو في حاجه حصلت؟
رشاد:__________
داليدا: انت كويس؟
رشاد:مش عايز اتكلم يا داليدا..مش وقت كلام
••ولما داليدا حسيت ان نبرة صوته متغيره معاها..سكتت ومردتش..وفضلت قاعده شويه وبعدين قامت خرجت برا..وجوا كان رشاد دماغه هتنفجر من الصدمه اللي اتصدمها في مراته اخوه وجايده اللي كان عايز يتجوزها••
رشاد:ازاي طيب؟؟..كل ده مستحيل يكون حقيقه!.. أكيد انا بحلم!..مروه وجايده على علاقه بـ ضياء لاشين طب ازاي؟..تبيع جوزها علشان الفلوس!!!...ده عمل علشانها اللي محدش عمله!..وقف قصادنا كلنا علشان يتجوزها!!..للدرجادي في ناس تبيع أبوها علشان الفلوس!..ايه ده؟؟؟
<عـنـد حـسـنـاء>
••كانت لسه قاعده مع بنت خالها جليله..وجوزها وولادها••
حسناء:انا هقوم أسخنلكم أكل..نتعشى سوا
جليله:لالا متعمليش حاجه احنا جايبين نقعد شويه ونمشي مش هنطول
حسناء:ازاي بس يا جليله ودي تيجي برضه؟.. انتوا لازم تدوقوا عمايل ايديا
ماهر:خير ربنا كتير..لازم تتعشوا معانا
سعد(بيضحك) :لا احنا عاملين ريجيم
ماهر:ريجيم ايه بس وكلام فاضي ايه..ده مفيش أحلى من الأكل..وخصوصاً لو اللي بتعمله وشاطره زي حسناء
جليله:مانا عارفه..حسناء ماشاءالله عليها.. اما قوليلي بتعملي صينية البطاطس بالفراخ ازاي؟
حسناء:مع انها سر الصنعه ومبقولش لحد ابداً بس هقولك ده ربنا العالم انتي غاليه عند قد ايه ياجليله
جليله:الله يخليكي يا حسناء، منتحرمش منك
••وجوا كانت صفاء بتاخد رقم زينه••
صفاء:قوليلي بقى رقمك كام
زينه:اكتبي ورايا... 01114891375
صفاء:حلو..هديكي رنه سجليني عندك صفصف
زينه:من عينيا.. وانتي سجليني زوزا
صفاء:حاضر
••وبعد ماسجلوا بعض اديتها رنه••
صفاء:كده تمام؟
زينه:اه تمام.. بس انا قلبي ارتاحلك لله في لله
صفاء:وانا كمان.. ده القلوب عند بعضها
زينه:حبيبة قلبي
<عـنـد ضـيـاء>
••كان واقف قصاد الشباك وفي ايده كاس..لقى واحد من عصابته جاي ووشه متغير••
_مروه وجايده اتمسكوا ياضياء بيه..والحكومه عرفت انك ورا كل ده وبيدوروا عليك
ضياء(ببرود) :طب مايدوروا! اعملهم ايه يعني؟
_بس حضرتك كده في خطر
ضياء(ببرود) :اطلع برا
_حاضر
••خرج من الأوضه..وضياء قعد على الكرسي وهو بيكمل كاسه..ومبتسم ابتسامة برود••
ضياء:ايه المشكله يعني لما يدوروا عليا؟..ولا حاجه!..انا تمام..محدش هيقدر يوصلي!.. ايوه انا تمام
••وكان بيتكلم كلام غريب مالوش معنى من أثر السُكر••
ضياء(ببرود) :عاجبك اللي بقيتي فيه يا لميس؟.. هههههه...ضيعتي نفسك علشان هبله وعبيطه!...حد يرفص النعمه؟.. ده انا أمنيه لأي واحده..انتي اللي مكنتيش مقدره قيمتي....ههههه مجدي.... مجدي قال ايه عاجبها..لأ وايه داخل دماغها لكن انا... كخه... ههههه...ماشي يالميس
<عـنـد دالـيـدا>
••رشاد لاحظ ان داليدا اتأخرت برا ومدخلتش المكتب..راح قايم لقاها قاعده برا على كرسي وماسكه الموبايل••
رشاد:في شغل متعملش؟
داليدا:كله متسجل على اللابتوب
رشاد:طيب...انتي قاعده هنا ليه؟
داليدا:حضرتك محتاج حاجه؟
رشاد(مستغرب) :حضرتك؟...هو في حاجه يا داليدا؟
داليدا:لا خالص يااستاذ رشاد
رشاد(متردد):طيب انتي...انتي زعلانه من حاجه؟
داليدا(بإبتسامه) :لا انا كويسه
••وقامت داليدا وهى مبتسمه..ومشيت دخلت الحمام..وجوا كانت واقفه قصاد المرايا..وبتبص لـ نفسها لحد ماابتدت تعيط ودموعها نزلت منها غصب عنها..وكل ماتنزل ترجع تمسحها وتبتسم لـ نفسها في المرايا••
داليدا(مبتسمه) :انا كويسه..ومفيش حاجه!..عايزه أخلص شغل وارجع البيت أشوف اللي ورايا...اه واهم حاجه لازم أقول لأستاذ رشاد يخصم الايجار من مرتبي..مينفعش اقعد ببلاش دي مش شقتي!..انا مش عايزه حد يدايق مني مهما يحصل او احس ان انا تقيله عليه..انا بجد كويسه مفيش حاجه
••وغصب عنها دموعها نزلت تاني..وفجأه لقيت نفسها بتحط ايديها على قلبها وبتبكي بحرقه..لحد ماطلعت المناديل ومسحت عينيها وحاولت تداريها بالميك اب..وخرجت وكانت بتحاول تكون متماسكه لحد ما لقيت رشاد في وشها••
رشاد:كنتي بتعيطي ليه؟
داليدا:انا؟..امتى ده؟
رشاد:بصي على نفسك وانتي هتعرفي
••وطلع منديل واداهولها..فااتحرجت وبصيت في الأرض••
رشاد:انا اسف لو اتكلمت بطريقه مش كويسه..هو مش لو.. لا انا فعلاً اتكلمت بطريقه مش كويسه..اعذريني يا داليدا انا في مشكله كبيره وكان غصب عني..انا عارف انك انتي كمان عندك مشاكل ومش مستحمله..بس غصب عني!
••ابتسمت داليدا••
داليدا:انا كنت بعيط افتكرت بابا الله يرحمه
رشاد:الله يرحمه..بس انا عارف السبب الحقيقي وبقولك لتاني مره انا آسفلك!
••ابتسمتله داليدا ودخلت المطبخ تتابع الشغل وهو رجع المكتب..جالها الشيف وهو بيضحك••
الشيف:انا شغال مع أستاذ رشاد بقالي 5 سنين..مفتكرش مره انه اتأسف لحد فينا..كان يتعصب ويزعق ويمشي ميتكلمش.. هو اه كان بيصالحنا بطريقه تانيه بس مكنش بيعمل اللي عمله ده..اقولك حاجه انا متفائل
داليدا:تقصد ايه يعني؟
الشيف:اقصد اللي اقصده انا كلامي مفهوم
داليدا:طب كمل شغل في اوردرات كتير مستنيه
الشيف:من عينيا
<تـانـي يـوم>
••راح رشاد..المستشفى يشوف أخوه..مع أهله••
سلمى:الف سلامه عليك يامصطفى
مصطفى:الله يسلمك
عائشه:انا من امبارح وبتحايل عليه ياكل لقمه تسنده وهو مش عايز..ينفع كده؟
رشاد:كل يامصطفى..اهتم بصحتك
مصطفى:مش عايز مليش نفس
والد رشاد:الدكتور قالنا ان جزء من علاجك..انك تهتم بأكلك..علشان تقف على رجليك من تاني وصحتك ترد
مصطفى:مابقتش فارقه
رشاد:بلاش السلبيه دي...خليك ايجابي شويه عن كده
مصطفى:وهجيبها منين؟..وانا كل حاجه محاوطاني زفت..هجيب نفس آكل واشرب واعيش منين؟
سلمى:احنا كلنا واثقين انك هتقوملنا بألف سلامه
مصطفى:برضه مش ناوي تقولي ايه اللي حصل؟
والد رشاد:مانا قولتلك يابني ان مفيش حاجه
مصطفى(بعصبيه) :منين لقوا مروه هناك ومنين مفيش حاجه؟
والد رشاد:مروه كانت مخطوفه والحمدلله بقيت كويسه
مصطفى:ولما هى مخطوفه ورجعت.. مجاتش تشوفني ليه؟
والد رشاد:البنت مخطوفه بقالها فتره وعايزه ترتاح في بيتها بعد اللي شافته!
مصطفى(بزعيق) :هو انت بتحور عليا ليه وبتتعامل معايا على إني عيل صغير؟؟..انت فاكر ان انا مصدق اي حاجه من اللي قولتها؟..مروه وراها مصيبه كبيره وكلكم مخبين
عائشه:لا ياحبيبي كلام باباك صح هو مش بيكدب عليك ولا حاجه
مصطفى:ريحني يا رشاد وقولي!.. انا كده بتعذب بالعكس مش مرتاح!
••بص له رشاد وهو متردد يتكلم ولالا••
والد رشاد(بزعيق) :إياك تتكلم نص كلمه!...مسمعش صوت حد فيكم!
مصطفى(بزعيق) :عرفتوا انكم مخبين عليا!!..كلكم متفقين عليا وبتحوروا!!.. انا من حقي افهم زيكم!!!
رشاد(بزعيق) :مروه وجايده على علاقه بضياء لاشين..وهما اللي اتسببوا في قتل دينا وخطف يوسف علشان ينتقموا مننا
••بص له مصطفى وهو مش مصدق اللي اتقال••
مصطفى(بصدمه) :مروه؟...مروه مراتي انا؟؟؟...مروه؟؟؟
والد رشاد(بزعيق) :انتوا ايه مابتفهموش!!!.. مش قولت محدش فيك يتنيل يتكلم نص كلمه!!..لا دي الظروف المناسب ولا ده الوقت المناسب!!
رشاد(بزعيق) :كان لازم يعرف حقيقتها الزباله..بدل مايعيش على عماه..وهو فاكرها ملاك بجناحين!
مصطفى:ازاي طيب؟..دي...دي كانت خايفه على نفسها وخايفه يحصلها زي ماحصل لـ دينا!.. ده احنا كنا كل يوم بنتخانق بسبب الموضوع ده!
رشاد(بزعيق) :بتوهمك علشان تبعد عنها الشك!!..وانت صدقتها ومفكرتش للحظه انها ورا كل ده!
مصطفى(بزعيق) :انا بقيت عاجز بسببها!!!!.. وفوق كل ده خانت ثقتي فيها!!...عاشت معايا كل ده وهى بتكدب عليا وانا اللي متخلف علشان صدقتها!!
عائشه(بعياط) :اهدى يابني والله ماتستاهلك!
مصطفى(بزعيق) :مروه دمرتلنا حياتنا كلنااا..دمرت اللي فاضل مننا!!!!... انا كرهتها...ومش عايز اشوفها تاني مهما يحصل!...يامااماااا
••قربت عائشه منه وحضنته••
عائشه(بعياط):خلاص ياحبيبي... خلاص...ربنا هيعوضك...هيعوضنا كلنا وهنفرح... متخافش
••خرج رشاد ودخل أوضة لميس مرات ضياء..وكانت في عالم تاني..بصلها وخرج وراح الشغل••
<عـنـد دالـيـدا>
••كانت بتجهز الساندوتشات لأختها تاخدها معاها الدروس بما ان اليوم طويل وهى برا••
داليدا:خدي يا فريده..الساندوتشات والمايه اهو
فريده:ماشي
••راحت داليدا مطلعه 50 جنيه واديتها لـ فريده••
داليدا:خلي دي معاكي احتياطي..وبعد ماتخلصي الدروس عدي عليا زي مااحنا متعودين
فريده:حاضر
داليدا:خدي بالك من نفسك
فريده:حاضر وانتي كمان
داليدا:ماشي
••وحضنتها ونزلت..وداليدا لبست الشوز وراحت الشغل••
داليدا:ازيك يااستاذ رشاد؟
رشاد:استاذ رشاد؟.. يبقى لسه زعلانه من امبارح
داليدا:لا خالص بجد مفيش حاجه
••وقعدت••
رشاد:اتمنى انك متكونيش زعلانه وتقدري موقفي
داليدا:لا مفيش حاجه..انت اللي كويس؟
رشاد(بتنهيده) :لا مش كويس..هبقى كويس ازاي بس بعد كل اللي بيحصل؟
داليدا:هو في حاجه جديده حصلت؟
رشاد(بحزن) :مرات اخويا...طلعت هى اللي ورا كل ده..ومش كده وبس..البنت اللي كنت بحبها زمان وعايز اتجوزها طلعت هى سبب المصايب دي كلها
داليدا(مصدومه) :معقول؟..وحضرتك عرفت ازاي؟
رشاد:انا كنت قايلك قبل كده انها مطلعتش مخطوفه واننا شوفناها وفعلاً طلع ده حوار معمول علينا كلنا علشان تبعد الشك عنها
داليدا:ياه هو في حد كده؟..بجد ربنا يصبركم اكيد استاذ مصطفى تعب جداً لما عرف الخبر ده
رشاد:فعلاً.. بابا مكنش عايزوا يعرف حاجه بس كان لازم يعرف
داليدا:هو المفروض مكنش يعرف حاجه خصوصاً في الظروف اللي هو فيها دي..كنتوا استنيتوا شويه أحسن
رشاد:هو اللي كان مصمم يعرف وانا مكنش ينفع أخبي أكتر من كده
داليدا:طيب والموضوع وصل لـ ايه؟
رشاد:بيدوروا على الكلب اللي ورا كل ده..وخلاص مروه و جايده مش خارجين منها..وقريب حبل المشنقه هيتلف حوالين رقبتهم
داليدا:يستاهلوا..طب هما ليه عملوا كده؟
رشاد:الطمع يعمل أكتر من كده
داليدا:متزعلش أكيد ربنا هيرجعلكم حقكم منها ومن أي حد أذاكم
رشاد:يارب
••رن موبايل داليدا..فا ردت••
داليدا:الو مين معايا؟
_انا دنيا صاحبة فريده...فريده اتخطفت قدامنا ومعرفناش نعمل حاجه
••قامت داليدا ووقفت مصدومه!!••
داليدا(بصويت) :يعني ايه اتخطفت؟؟..فريده اتخطفت ازاي؟
رشاد(مصدوم) :في ايه؟؟
••وقام وقف هو كمان••
داليدا(بصويت) :انتوا فين؟؟؟
_احنا عند مستر محمد كريم، درس العلوم
داليدا(بصويت) :خليكوا مكانكم انا جايه دلوقتي
رشاد:في ايه ياداليدا؟؟؟
داليدا(بعياط) :فريده أختي اتخطفت
رشاد:ازاي؟؟...انتي عارفه هى كانت فين؟
داليدا(بعياط) :ايوه عارفه...انا هروح هناك عند درسها
رشاد:استني انا جاي معاكي
••وخد داليدا..وراحوا مكان الدرس..وهناك كانوا صاحبات فريده واقفين مع المستر••
داليدا(بعياط) :ايه اللي حصل لأختي يامستر محمد؟
المستر(بحزن) :انا كنت بدي حصه جوا لقيت البنات برا بتصوت..خرجت لقيتهم بيقولوا واحد شد فريده في عربيه وهرب
داليدا(بعياط) :اللي شد فريده شكله عامل ازاي؟
_بشرته بيضه..وجسمه لا رفيع ولا تخين..و مناخيره طويله
داليدا:هو سامي...ياااارب...اعمل ايه
رشاد:شد وفريده وراح بيها فين؟؟
_العربيه مشيت من الاتجاه ده
رشاد:حضرتك عندك كاميرات؟
المستر:لا معنديش.. بس المحل اللي جنبي فيه.. تقدروا ترجعوا الكاميرات وتشوفوا
رشاد:تمام.. يلا ياداليدا
داليدا(بعياط) :استنى يارشاد..انا عرفته ده سامي ابن عمي.. أكيد عمل كده علشان ارجعله مذلوله..مفيش حد هيعمل كده غيره
رشاد:انتي عارفه مكانه؟
داليدا:ايوه.. بس هنتصرف ازاي؟
رشاد:انا عارف هنعمل ايه!
<عـنـد صـفـاء>
••كانت قاعده في أوضتها..بتكلم رجب••
رجب(متعصب) :بقى أخوكي يقل مني قصاد الناس ياصفاء؟
صفاء:معلش هاتها فيا ماهو برضه عنده حق.. هو في واحد هيشوف أخته ماشيه مع واحد في الشارع وهيسيبهم كده؟
رجب:لييه ده على أساس ان في بيني وبينك حاجه؟
صفاء:مانا قولتلهم اننا مجرد معرفه ومفيش بينا حاجه
رجب:الكلام ده مينفعش ياصفاء...انا لولا علشان بعزك بس كنت اتصرفت تصرف تاني!
صفاء:كتر ألف خيرك..مانا كمان بعزك.. وبعدين انا عندي احساس انك انت واخويا هتتصافوا وهتبقوا زي السمنه على العسل
رجب:علشانك بس...غير كده مكنتش هقبل حاجه زي دي.. انتي برضه غاليه عليا ده ربنا العالم
صفاء:ربنا يخليك يا رجب كلك زوق
••وسمعت سامي داخل من برا بـ فريده وهى بتصرخ••
فريده(بصويت) :سيبني...بقولك...انا هوديك في داهيه
سامي(بعنف) :ادخلي جوااا..مش اختك عاملالي فيها سبع رجاله في بعض؟..انا هعرفها مقامها..ده انا هخليها ترجعلي مذلوله تبوس على ايدي ورجلي
••خرجت حسناء وصفاء كل واحده من الأوضه••
حسناء:يخربيتك انت عملت ايه؟؟
سامي(بزعيق) :مش عايز اسمع صوت واحده فيكم وكل واحده تدخل أوضتها
صفاء:انت عبيط؟ هتجيب لنفسك مصيبه!
سامي(بزعيق) :انا عايز أجيب لنفسي مصيبه اطلعي انتي منها
حسناء(بزعيق) :انت مش ابوك قالك بلاش تتصرف من دماغك؟..ان كان على داليدا تغور في داهيه المهم احنا تودينا معاها في نفس الداهيه ليه؟
سامي(بزعيق) :انا خلاص زهقت وجيبت أخري..انا مش عايز حد فيكم يفتح بؤه بنص كلمه!
حسناء(بزعيق) :مانت كده دايماً تعمل المصيبه وتلبسهالنا معاك في الآخر
فريده(بصويت) :سيبوووني اروح...انا مش عايزاكم!!!
سامي(بزعيق) :اخرسي بقى!!!...قدامي قولت!
••وزقها في الأوضه وربطلها بؤها••
<عـنـد مـروه>
••كانت في الحجز بتعيط..لحد ما لقيت العسكري جاي ياخدها••
العسكري:مروه حمدي السيد
مروه:انا!
العسكري:قومي
••قامت مروه وخدها في مكتب الظابط..وهناك كانت هدى واقفه مستنياها••
الظابط:والدتك عايزه تشوفك
••وأول ما مروه شافت هدى..قربت تحضنها..جات هدى ضرباها بالقلم على وشها••
مروه(بعياط) :انتي بتضربيني بالقلم؟
هدى(بصوت حاد) :ولو أطول ادفنك هعملها..انا بنتي تخلي راسي في الأرض من كل الناس؟؟..للدرجادي طلعتي حقيره وواطيه!.. انتي مش تربيتي.. انا معرفكيش!!.. انتي خلفه تعر...كانت تتحرق بطني قبل ماتشيلك فيها!..انتي ازاي عملتي كده؟...جوزك عجزتيه بسببك!!...من ساعة ما شافك وهو هيتجنن عايز يعرف انتي بتعملي ايه! ولما راح المكانه الحقير اللي مصلحتك فيه.. اتضرب بالنار ورجليه اتشلت!..جوزك هيعيش عاجز بسببك.. ولسه لما يعرف حقارتك ووساختك!..هيطلقك!..شوفي انتي دمرتينا ازاي؟.. انتي مروه بنتي؟.. تؤ تؤ مستحيل!!...كلمة مستحيل دي قليله على اللي شوفته منك!.. انتي يطلع منك كل ده؟
مروه(بعياط) :سامحيني ياماما...انا اسفه..ابوس رجليكي
••ووطت على الأرض تبوس رجليها فا بعدتها••
هدى(بزعيق) :اوعي...متلمسنيش!!!
مروه(بعياط) :سامحيني ياماما..انا غلطانه...بجد انا اسفه على كل حاجه!
هدى(بصوت حاد) :قلبي غضبان عليكي ليوم الدين يامروه...امك دي تعتبريها ماتت من النهارده
مروه(بعياط) :لا ياماما متقوليش كده..انا بنتك حبيبتك...انا لما كنت بغلط كنتي بتعلميني غلطي براحه!!..ليه المره دي قاسيه عليا اوي كده!
هدى(بزعيق) :غلطك المره دي كبير اوووي..لا يغُتفر..انتي مضربتيش ولاشتمتي حد...انتي قتلتي..وسرقتي!..يوووسف فين انطقي!!!
مروه(بعياط) :صدقيني معرفش...انا معرفش ضياء وداه فين هو بس اللي يعرف!
هدى(بزعيق) :انا بنتي ماتت وخدت عزاها..خسارة كل حاجه
••وسابتها ومشيت••
مروه(بصويت) :لا ياماما استني متمشيش..يامامااا..ماماااا
<عـنـد رشـاد و دالـيـدا>
••رشاد جاب ٣ بودي جاردات..وخد داليدا وراحوا على بيت عمها..وأهل المنطقه طلعوا من البلكونات واتلموا في الشارع على المنظر..لحد ما رشاد دخل في المقدمه ووراه داليدا والبودي جاردات..وخبطوا على الباب..فتحت حسناء••
رشاد(بزعيق) :فين فريده؟؟
حسناء:داليداا؟... مين دول يا داليدا؟؟
رشاد(بزعيق) :انا اللي بكلمك يبقى تردي عليا انا... فين فريده؟
••طلع سامي من الحمام وعلى كتفه الفوطه••
سامي(بزعيق) :انتوا مين؟.... ايه ده داليدا؟
داليدا(بثقه) :اه داليدا..تطلع فريده دلوقتي حالاً وإلا هخلي يومك اسود يا سامي
سامي(بزعيق) :لا بقولكم ايه الشويتين دول مش عليا يلا من هنا ياولاد الـ@#$@#...مش عايزين وجع دماغ
••بص رشاد للبودي جاردات وشاورلهم راحوا ماسكين سامي وضربوه العلقه التمام••
صفاء(بصويت) :ساااامي!!!!!يالهواااااااي
الفصل السادس عشر
سامي(بزعيق) :بقى بتأجريلي بلطجيه يضربوني يا داليدا!!
••ولكن داليدا بصيت له بقرف ومردتش عليه..وكانت بتبص عليه وهو بيتضرب••
حسناء:يالهوتااااااااي...يالهوتاااااااي
صفاء(بصويت) :الحقوونااااا...داليدا جايبه بلطجيه يضربونا...بيتعدوا علينا في بيتنا!!
••دخلت داليدا بكل ثقه تدور على فريده..ووراها حسناء وصفاء كانوا بيحاولوا يشدوها••
حسناء(بزعيق) :انتي رايحه فين؟؟استني هنا!!
صفاء(بزعيق) :استني هنا...مش هتدخلي في حته!!!
داليدا(بزعيق) :اوعي ايدك دي بدل مااقطعهالك!!.. اوعي!!
سامي(بصويت) :اااااه...مااشي ياداليدا...ماشي يابنت عمي
••فتحت داليدا الباب لقيت اختها مربوطه..جريت عليها تفكها••
داليدا(بعياط) :انتي كويسه يا فريده؟.. حد عملك حاجه؟
فريده(بعياط) :ضربني يا داليدا..وربطوني في السرير
••حضنتها داليدا وخدتها وقاموا خرجوا من الأوضه••
داليدا(بزعيق) :أختي خط احمر!!!...انا هخلي الايام الجايه سواد عليكم..وانت ياكلب يالي اسمك سامي..طول عمري كنت بقولك انك زي اخويا وبس ورغم كل ده كنت بتطاردني في كل حته..واتجوزتني غصب رغم انك عارف اني مبحبكش ومش عايزاك..واستغليتوا موت ابويا علشان تعملوا اللي انتوا عايزينه بدل ماكنتوا تقفوا في ضهري وتكونوا سندي لكن مفيش سند غير ربنا...انا هرفع عليك قضية طلاق وهتطلقني غصب عنك..ومش عايزه اشوف وشك ده ولو صدفه!!
رشاد:لا ياداليدا انتي مش هتستني لحد ماترفعي عليه قضية طلاق..هو هيطلقك دلوقتي وزي مادخلتوا بالمعروف اخرجوا بالمعروف
حسناء(بعياط) :حرام عليكي ده ابن عمك..سامي ميستاهلش منك كل ده.. سامي ده مش هتلاقي في طيبته...ده بيحبك ومش عايز غيرك ليه تعملي فينا كل ده؟
داليدا(بزعيق) :انتي تخرسي مش عايزه اسمع صوتك يا وش المصايب كلها.. انتي اللي كنتي مقوياه عليا وبدل ماكنتي تقوليله عيب وغلط لا كنتي بتشجعيه
رشاد(بصوت حاد) :ارمي عليها يمين الطلاق وبالتلاته!
سامي(بتعب) :ليه كده يا داليدا؟..مانتوا عارفين ان انا مش هقدر اعمل كده...انتي بتكرهيني كده ليه؟
داليدا(بزعيق) :انت تنفذ اللي سمعته وبس!!...طلقني انا مش عايزاك!!
سامي(بزعيق) :مش هطلقك ياداليدا..واعلى ما في خيلك اركبيه
رشاد:يعني مش هتطلقها؟
سامي:مش هطلقها
••راح رشاد باصص للبودي جاردات..قاموا مطلعين المسدسات ورافعينها في وش سامي وأمه وأخته••
حسناء(بصويت) :يالهوااااااي...ابوس ايديكم متعملوش حاجه فيه ده ابني الوحيد مليش غيره..ابوس ايديكم ورجليكم سيبوه في حاله
داليدا(بزعيق) :لو عايزه ابنك يفضل سليم يبقى يطلقني!!
حسناء(بصويت) :طلقها يا سامي وريحنا...طلقها ابوس ايدك
سامي(بتردد) :انتي....
داليدا:ها؟
سامي:انتي طالق
رشاد:طلقها بالتلاته!!!
سامي(بتردد) :انتي طالق بالتلاته يا داليدا
رشاد:مبروك يا داليدا
داليدا(مبسوطه) :الله يبارك فيك
رشاد(بصوت حاد) :لو عرفت انك قربلتها هى أو فريده...هيكون فيها موتك..داليدا لو شافتك صدفه بس انا هرجعلك والمره الجايه هتكون أقوى من المره دي..المره دي انت اتضربت ضربه خفيفه..المره اللي بعدها انت وعيلتك هتتكسروا مش هيبقى فيكم حته سليمه!
صفاء:يالهوي يالهوي
رشاد:يلا يا داليدا
••وخد داليدا ومشوا..وأثناء ماهما راكبين العربيه..نزلوا في وسط طريق صحراوي..ورشاد دفع فلوس للبودي جاردات••
رشاد:كده تمام؟
_اه يااستاذ رشاد كله تمام
=لو حضرتك احتاجت اي حاجه اتصل بينا
رشاد:ماشي شكراً... اتفضلوا
_عن اذنك
••وركبوا عربيتهم ومشوا.. ورشاد ركب العربيه••
داليدا:مش عارفه اشكرك ازاي يا رشاد على الوقفه الجامده اللي وقفتها معايا!.. انا لولاك مكنتش عرفت اتصرف ولا الاقي فريده!
رشاد:ابن عمك كان عايزك ترجعيله مذلوله ومكسوره.. كان عايزك ترجعيله تترجيه وتبوسي على ايده ورجله بس هو اتفاجئ بالعكس..وبقى أهله هما اللي بيبوسوا على ايدينا ورجلينا علشان بس نسيبه!
داليدا:بجد يا رشاد انت ساعدتني جداً في المشكله اللي حصلت دي..رغم انك غير مؤهل نفسياً وفي ظروف صعبه الايام دي..بجد انت ربنا هيقف معاك وهيساعدك زي ما ساعدتني!
رشاد:متقوليش حاجه يا داليدا.. انا عارف قد ايه انتي كنتي بتعاني من ابن عمك واهله..كان لازم اتدخل واوقفهم عند حدهم!
••بصيت له داليدا وقلبها بينبض بإحساس الحب والامان اللي محسيتوش من ساعة وفاة والدها!..وبصيتله وابتسمت وهو سايق..وديرت وشها الناحيه التانيه وهى مبتسمه! ••
<عـنـد والد رشاد>
••دخل أوضة لميس في صمت وكانت ابتدت تفوق••
لميس(بتعب) :انت مين؟
والد رشاد:مين اللي عمل فيكي كده؟
لميس(بتعب) :اعرف انت مين الأول!
والد رشاد:انا ساهر..عدو جوزك.. مش انتي لميس مرات ضياء لاشين؟
لميس(بتعب) :عرفت منين؟
والد رشاد:مش مهم..المهم انا عايزك تقفي في صفي..بس مش غريبه ان ضياء مجاش ولا مره يشوفك.. هو انتوا اتطلقتوا؟
لميس(بتعب) :وانا ايه ضمني انك مش تبع ضياء؟
والد رشاد:اسألي أي حد هيقولك ساهر وضياء ألد اعداء..هو اللي عمل فيكي كده صح؟
لميس(بتعب) :هو
والد رشاد:ممكن اعرف الاسباب؟
لميس(بتعب) :دي حاجه متخصكش
والد رشاد:اياً كانت الاسباب ايه!..بس ضياء لما بيضرب.. مبيضربش مره ويسكت..بيفضل يضرب لحد مايجيب أجل اللي قدامه..ومعتقدش انك بعد الحاله دي هو كده طلعك من دماغه!.. لا هو أكيد مستنيكي تقفي على رجلك من تاني علشان يديكي الضربه التانيه
لميس(بتعب) :انت بتقول ايه انا مش فاهمه حاجه!
والد رشاد:انا مستعد اديكي كل ثروتي مقابل انك تعرفيني كل أسرار ضياء لاشين
لميس(بتعب) :اكتبلي رقمك في ورقه
والد رشاد:من عينيا الاتنين
••وطلع ورقه من جيبه وكتبلها الرقم••
والد رشاد:ده رقمي..اسمي ساهر متنسيش!
لميس(بتعب) :اوكي
والد رشاد:فرصه سعيده
••وابتسملها وخرج من الأوضه لقى عائشه في وشه••
عائشه:انت كنت بتعمل ايه جوا؟
والد رشاد(بتردد) :كنت....أصل في واحده انا بشبه عليها فاكرها مرات واحد صاحبي..دخلت أبص بس مطلعتش هى
عائشه:مش مصدقاك يا ساهر!
والد رشاد:تقصدي ايه ياعائشه؟.. قصدك ان انا كداب؟
عائشه:لا مش قصدي..بس انت لما بتكدب بيبان عليك.. ده احنا عِشرة ٣٠ سنه
والد رشاد:هقولك بعدين ياعائشه.. انا هرجع الشغل ورايا مليون حاجه هناك..ابقي طمنيني على مصطفى
••وسابها ومشى رجع الشغل..وهى بصيت له بصة شك••
<عـنـد سـامـي>
••كان متخرشم وبيجيب دم من كل حته وجسمه مليان كدمات..دخلت حسناء من باب الشقه ووراها ماهر••
ماهر(بصويت) :يانهار اسود.. سامي!!..مالك؟..يانهار اسود بستين طين فوق دماغنا!!
حسناء(بصويت) :اااه يا سامي...يابني ياحبيبي
سامي(بتعب) :اه مش قادر..قوموني براحه
صفاء(بخوف) :كان قلبي حاسس ان كل ده هيحصل
حسناء(بعياط) :ياحبيبي يابني...ياحبيب أمك
ماهر(بزعيق) :مين اللي عمل فيك كده؟
سامي(بتعب) :داليدا...جابت بلطجيه ضربوني
ماهر(مصدوم) :داليدا يطلع منها كل ده؟.. طب ازااي؟؟
صفاء(بخوف) :جابت بلطجيه علشان ياخدوا فريده...ومرضوش يمشوا إلا لما سامي طلق داليدا
ماهر:انت طلقت داليدا؟؟
سامي(بتعب) :اه طلقتها..وإلا كانوا هيقتلوني
ماهر(بزعيق) :قوموه معايا.. انا مش هسكت على حق سامي.. حق ابني لازم يرجع!!
••وبعد ما قوموه..خدوه على المستشفى••
<عـنـد دالـيـدا>
••رجعوا الشغل وخدت أختها فريده معاها..وطول ماهي قاعده كانت حاضناها••
فريده(بعياط) :انا تعبت من الدنيا دي يا داليدا.. ياريت بابا هو اللي كان عاش وانا اللي مت
داليدا(بعياط) :بعد الشر عليكي ياحبيبتي..ربنا يخليكي ليا وأشوفك أحلى عروسه!
فريده(بعياط) :انا مش عايزه أبقى عروسه.. انا عايزه امشي من هنا خالص.. مش عايزه أكون قريبه منهم تاني
داليدا:هنبعد عنهم للابد وبكرا ميعرفوش طريقنا تاني
رشاد:خلاص يافريده متزعليش..احنا عملنا الصح مع ابن عمك..وعرفناه مقامه..خلاص مش هيقدر يقرب منكم تاني
داليدا:انا لو عيشت أشكرك طول حياتي مش هيكفي..انت عملت اللي قرايبي معملهوش!
رشاد:المهم تكونوا بخير ولو احتاجتي اي حاجه تاني عرفيني
داليدا:شكراً يا رشاد
رشاد:متشكرنيش..انا هشوفلكم شقه في مكان تاني..لان وارد الأخ ده يحاول يجي مره تانيه مع ان معتقدش انه هيجي تاني بس اهو زيادة أمان
داليدا:انا قبل موضوع الشقه ده..عايزه أخلص موضوع توثيق الطلاق في المحكمه..الورقه توصلي بس وابدأ حياه جديده!
رشاد:انتي عِدتك هتبدأ من بكرا ياداليدا..انتي خلاص مابقتيش على ذمته بس التوثيق ده زيادة أمان..لكن اتطمني
داليدا(بخوف) :انا لسه مش عارفه هعمل ايه في ورث بابا الله يرحمه..مش عارف هفضل كده لحد امتى!..انا عايزه أرجع ورثنا من عمي واعمل بيه مشروع ابدأ بيه حياتي
رشاد:هيحصل قريب جدا
داليدا:شكرا يا رشاد بجد تعبتك معايا اوي
رشاد:متقوليش شكراً دي تاني!..الناس لـ بعضها!
••ابتسموا لبعض..وداليدا حضنت فريده اختها••
<عـنـد مـايـا>
••كانت علاقتها بـ شادي بدأت تطور أكتر من الأول..لدرجة انهم خرجوا مع بعض يزوروا الاماكن السياحيه••
مايا:حلوه اوي
شادي:مش هتكون أحلى من عينيكي
مايا(بإبتسامه) :تعرف..انا مخرجتش مع بابي ومامي من سنين.. آخر مره خرجنا فيها كنت لسه صغيره..حتى لما كنا بنخرج سوا..مكنتش برتاح معاهم وبحس في حاجه غلط
شادي:يمكن علشان هما بعيد عنك؟
مايا:ممكن..انا طول عمري حاسه بالوحده..حتى مليش اخوات..كان نفسي يكون ليا أخ او أخت يونسوني
شادي:اعتبري ان انا اخوكي وصاحبك..ولو احتاجتي اي حاجه في أي وقت هتلاقيني لحد عندك
مايا:شكراً يا شادي.. انت بجد جدع اوي
شادي:انا حلو مع الحلو...وانتي حلوه علشان كده بتصرف معاكي بجدعنه
مايا(بإبتسامه) :هو انت لسه مسيبتش الشغل؟
شادي:لا مسيبتوش بس قريب هسيبه..صاحب الشغل ابتدى يتعامل معانا اننا عبيد عنده..مش مساعدينه ودراعه اليمين واللي من غيرنا يقع ويتوه!
مايا:هو ليه بيعمل كده ؟
شادي:علشان صاحب فلوس وسلطه وعنده نفوذ في كل حته.. طبيعي يتعامل معانا من المنطلق ده اننا مجرد عرايس بيحركها على مزاجه
مايا:بس كرامة الانسان اغلى من أي فلوس!
شادي:ماهو علشان كده انا مش عايز اكمل معاه
••وعلى الناحيه الأخرى كان ساهر بيسمع كلامهم من الموبايل ••
والد رشاد:حلو اوي الكلام ده
<عـنـد مـاهـر وسـامـي>
••خدوه للدكتور يكشفوا عليه••
الدكتور:عنده كسر في مفصل الايد اليمين ومحتاج يتجبس..وفي شوية كدمات في باقي جسمه..هكتبله علاج هيجيب من الآخر
ماهر:اكتب اللي تكتبه المهم يقوملنا بالسلامه
سامي(بتعب) :ااااه اااه... منك لله ياداليدا...ربنا ينتقم منك
حسناء(بحزن) :ربنا يورينا فيها يوم...حسبنا الله ونعم الوكيل
صفاء(بحزن) :هى مره تضربه على دماغه ومره تأجرله بلطجيه يرزعوه العلقه التمام.. هى عايزه مننا ايه؟؟
ماهر(بزعيق) :مش قولنا انه وقع من على السلم؟؟.. جيبتي الكلام ده منين؟.. انا ابني جامد ومحدش يقدر عليه!
سامي(بتعب) :قولهم
حسناء(بحزن) :معلش ياسامي يابني...اهو تخفيف ذنوب
الدكتور:خدوا الروشته دي اصرفوها من أي صيدليه.. بس أنصحكم تجيبوا العلاج من الصيدليه اللي تحت العياده..فيها كل أنواع الادويه
ماهر:ماشي يادكتور تسلم... يلا بينا
••وسندوا سامي ونزلوا بيه..بعد ماعملوا تقرير طبي علشان يقدموه للشرطه ويعملوا بيه محضر••
ماهر:اسندوه عبال ماادخل اجيب العلاج
حسناء:ماشي
••دخل ماهر يجيب العلاج...وحد رن على حسناء••
حسناء:الو... مين معايا؟
مجهول:لو شوفناكم رجليكم عتبت ناحية قسم الشرطه..قولوا على نفسكم يارحمن يارحيم
حسناء(بزعيق) :انتوا مين؟...تبع داليدا مش كده؟
مجهول:انا مش هعيد كلامي تاني..رجليكم هتخطي قسم الشرطه استنوا اللي هيحصلكم..سلام
حسناء(بزعيق) :الوووو... الووو....رد ردت المايه في زورك
صفاء(بخوف) :مين ياماما؟
حسناء:بيهددونا قال ايه لو عتبنا عتبة القسم..هيرجعولنا تاني
صفاء:ااه يبقوا دول تبع داليدا
حسناء:والعمل ايه بس
صفاء:انا مش حِمل مشاكل..شكلنا متراقبين
••بصوا حواليهم لقوا واحد لابس بدله وأول ماشافوه مشى من قدامهم، رجع الرقم اتصل تاني••
مجهول:واه صحيح.. ابنك يروح بكرا المحكمه يرفع دعوى طلاق..خلص الكلام
••خرج ماهر وهو في ايده العلاج••
ماهر:يلا بينا
حسناء:الحقني ياماهر..واحد اتصل بيا بيقولي لو روحنا القسم هيخلصوا علينا..وعايزين سامي يروح بكرا يوثق الطلاق في المحكمه!
ماهر(بصدمه) :ده امتى؟؟
حسناء:لسه دلوقتي!!
<عـنـد رشـاد>
••الشخص المجهول اللي كلم حسناء..اتصل بيه••
رشاد:الو عملت ايه؟
_كله في السليم متقلقش..قولتلهم اللي انت عايزوا وبكرا هيروحوا المحكمه يثبتوا الطلاق
رشاد:برافو عليك..ابقي عدي عليا خد حقك
_اشطاا.. عاوز حاجه؟
رشاد:لا سلامتك
_سلام
داليدا:ايه اللي حصل؟
رشاد:عمل زي مااحنا اتفقنا وبكرا هيروحوا المحكمه يثبتوا الطلاق
داليدا:ويفرض مراحوش!
رشاد:هيروحوا غصب عنهم لإن اللي كان مقويهم متكسح..هيخافوا انهم يقعوا واحد ورا التاني
داليدا:يارب يحصل فعلاً!
رشاد:هيحصل
<تـانـي يـوم>
••راح سامي بالعكاز في المحكمه..وأهله ساندينه.. لحد ما أثبت طلاقه لـ داليدا..واليوم اللي بعده..كانت داليدا هناك مع رشاد وأختها يستلموا الورقه بنفسهم! ••
رشاد:مبروك يا داليدا عقبال رجوع باقي حقك
داليدا:الله يبارك فيك.. انت ليك فضل كبير عليا في إني اتخلصت من الجوازه دي! لولاك كان زماني في نفس المكان مبتحركش!
رشاد:دي ولا أي حاجه انتي تستاهلي كل خير
داليدا:الحمدلله انا مش مصدقه ان انا اتجوزته واتطلقت منه بالسرعه دي!.. بجد مش قادره استوعب!
رشاد:لا استوعبي..الكابوس اللي كان على قلبك اتشال
داليدا:الحمدلله بجد
رشاد:بالمناسبه الحلوه دي انا عازمكم برا
داليدا(بإحراج) :طب والشغل؟
رشاد:مجاتش على النهارده!
داليدا(بإبتسامه) :خلاص ماشي!.. يلا يا فريده!
<عـنـد سـامـي>
••كان في البيت بيعيط زي الستات…وأمه واخته قاعدين جنبه••
سامي:بقى انا يطلقوا داليدا مني بالعافيه؟؟
حسناء:قول الحمدلله انها جات على قد كده.. دي بت متمرده ومكنتش هتنفع معانا دي عايزه تمشي على حل شعرها
سامي:ليه ابنك مش راجل ولا ايه؟.. مانا كنت هشكمها.. ده انا مكنتش هخليها تخرج من البيت ولا تشوف الشمس!
حسناء:بلا وجع دماغ..كنت هتعيشنا في مشاكل وهم..دي مكملتش شهر وحصل كل ده امال لو كان كملت كان حصل ايه؟
صفاء:بصراحه يا سامي انا مش حاساها لايقه عليك.. انت اللي تليق عليك فعلاً البت زينه..طب والله دي زي العسل.. وأحلى من داليدا بمراحل
حسناء:اه والله دي زي السكر..ولايقه عليك اوي..ومش شايفه نفسها زي داليدا..التانيه راضيه بنصيبها ومتساهله..وغير كده الصراحه انا حاسه انها عينها منك
صفاء:شوفتي؟؟... حسيتي نفس احساسي صح؟...انا حسيت كده برضه من آخر مره كانوا عندنا
سامي(بعياط) :ماتسيبوني في حالي..انا عايز آخد حقي من داليدا بقى اروح للدكاتره مرتين بسببها وتعدي كده بالساهل؟
صفاء:انت اللي ماسك فيها بـ ايديك واسنانك وهى مش عايزاك...قولتلك فكك منها اديك جيبتلنا المشاكل
سامي(بزعيق) :اخرسي خالص يا بتاعت رجب.. انتي ليكي عين تتكلمي بعد اللي عملتيه؟
صفاء(بزعيق) :ايه اللي انا كنت عملته يعني؟.. كنت مسكت ايده ولا مسكت ايده؟
حسناء:عيب يا سامي ده اختك دي ست البنات..متقولش عليها كده..المهم بس روق دمك وبكرا تفرح وهتقول حسناء قالت مش يمكن يا خايب في حاجه احسن متشالالك؟
سامي(بزعيق) :وانا مش حاطط زينه دي في دماغي..انا عايز حقي من داليدا ومش هرتاح إلا لما أعجنها تحت ايدي
حسناء:انت حر بس لما تبقى تجيب لنفسك مصيبه متبقاش تيجي تجري علينا
<عـنـد دالـيـدا>
••راحت مع رشاد في مطعم قصاد النيل..وكان الجو تحفه والهوا يرد الروح! ••
رشاد:النهارده يوم تحقيق الأمنيات..كل واحد يتمنى أمنيه وهتحصل
داليدا:انا أمنيتي أرجع ورث بابا..وافتح مشروع ويكبر يكبر لحد ماابقى أكبر بيزنيس ومان في مصر!
رشاد:وانتي يا فريده؟
فريده:انا نفسي ابقى دكتوره
رشاد:دكتورة ايه؟
فريده:دكتورة جراحه..عشان اعالج الناس وآخد ثواب
رشاد:طب كويس جداً.. إن شاء الله هتبقى أحسن دكتوره
فريده:ان شاء الله
داليدا:وانت يا رشاد نفسك تحقق ايه؟
رشاد:انا نفسي في حاجات كتير..زي مثلاً أول حاجه الاقي يوسف ابني..ويرجع لـ حضني من تاني!
داليدا:بس كده؟
رشاد:لأ ونفسي ربنا يعوضني بـ أسره تانيه تبقى هى كل حاجه في حياتي..يكونوا نصي التاني!
داليدا:ان شاء الله ربنا هيبعتلك اسره تانيه تعوضك عن كل اللي فات بس متبقاش تنسانا!
••سكت رشاد شويه واتردد..وبعدين قالها••
رشاد:ان شاء الله يا داليدا..قولولي تحبوا تاكلوا ايه؟
داليدا:اللي انت هتاكله احنا هناكله
رشاد:لا اختاروا على مزاجكم وانا معاكم في اللي تحبوه
داليدا(بإبتسامه) :ماشي
••وقربت المنيو منها وبصيت فيه هى وأختها••
<عـنـد ضـيـاء>
••كان قاعد في المكتب وسط الضلمه..اتصلت بيه بنته يمنى••
يمنى:ازيك يا بابي؟
ضياء:ازيك يا يمنى انتي واختك
يمنى:تمام...حضرتك هتيجي امتى؟ بقالك فتره مجيتش!
ضياء:مش دلوقتي.. ورايا أشغال.. مش فاضي
يمنى:طيب..ممكن اكلم حضرتك في موضوع؟
ضياء:موضوع ايه؟
يمنى(بخوف) :انا عايزه ازور مامي
ضياء(بزعيق) :احنا مش قولنا الموضوع ده يتقفل وميتفتحش تاني!!..اعتبروا ان امكم دي ماتت!!..مش عايز حد يجيبلي سيرتها مره تانيه
يمنى(بخوف) :احنا من حقنا نتطمن على مامي!..مامي حالتها خطر وأكيد محتاجانا جنبها!
ضياء(بزعيق) :الموضوع ده لو اتفتح مره تانيه مش هتعرفي هيحصلكم ايه!.. انا خلاص مابقاش عندي لا غالي ولا عزيز.. اللي بينا امكم هدته في ثواني!
يمنى:خلاص يا بابي انا اسفه
ضياء(بزعيق) :اقفلي وكفايه استفزاز..سلاام
••وقفل السكه في وشها، وهى ابتدت تعيط..لحد ماسمع صوت سارينة شرطه بتقرب..وواحد من البودي جارد جايله••
_الحق ياضياء باشا..الشرطه تحت!!