رواية لأنها توسل
الفصل السابع 7
بقلم سوسو تويكس
ولا اتفاهمت معاها طوالي جريتها من شعرها الإصلا طلع باروكة وظهر المستخبي نزلت ليك فيها خربيش وهي تبكي بي دموعا ال10 وتنامي في غيث ينقذها بس اه وين يا حتى غيث ما اشتغلتا بي كلامو بعداك كريتها من ملابسها ورميتها برا الشقه هي والباروكة حقتا لقيت في السفرة في كرتونة بيتزا ومعاها بيبسي شكلو عايزين ياكلوها،، قلت ليهو :بضاعتك الصينيه دي ما تجيبها لي تاني،، سفهني ومارد علي ومشى على الغرفه قعدتا في السفرة طوالي ضربتها البيتزا ضرب اصلا كنت مهويه،، مشيت الغرفه لقيتو منبطح في السرير ما عرفتا اعمل شنو لانو الشقه غرفتها واحده ف سالتو:ممكن توريني ارقد وين،، اتكلم وهو ما زال في نفس وضعيتو:الأرض لو ما شالتك امشي الشارع مكانك،، ما كان عندي خلق اتجادل معا نمتا بي توبي في الأرض وكان زمن الشتا القاسي والأرض سراميك البقا زي التلج كان فاتح المكيف المروحه وهو متغطي بالبطانيه وقت شافني بردانه وبرجف طلع، شويتين احس ليك بي موية تلج اتكبت فيني اتنفضتا مخلوعه لقيتو مبتسم وقال لي:اتكبت فيك بالغلط،، ورجع نام، وانحشرتا في زوايه الغرفه وبقيت ضامه رجليني علي وبرجف من البرد ودموعي شلال اصلا متوقعه شنو من مختل زيو، ح يخليني انوم بي سلام مثلا؟،، تاني صحيت بي مويه اتكبت فيني لقيت الصباح وكان لابس للشغل قال لي وهو مارق:افتكر عندك شغل حارسك،، توسل:بس ملابسي مبلوله والملابس الهنا ما بقدر البس،، غيث:ما بهمني الساعه ٧لو ما جيتي اعتبري نفسك مطروده،، اتكلمت بي حرقه وانا بمسح دموعي:بكررهك بي طريقه لو اتاحت لي اقتلك بعملا،، وقف مسافه وقال: شعور متبادل،، ومرق عاينتا لساعه لقيتها ٦ اتصلت لي فطوم تجيب لي من عبايتها ووصفتا ليها المكان جات ومشيت الشركة،، مرة اليوم عادي وملاقيتو ووقت يطلب شي بقول فطوم تجيبو ،، مرة اسبوعين بي نفس النمط حتى الشقه بقا ما بجي الفترة دي كلها ماشفتو وابوي اتحسن وخرجو بس متابعه حالتو من بعيد والبنسبه القروش لميت اقل من ربعها😞،، في يوم كان جمعه وماف موضوع قلتا اتصور وبما انو ما بجي الشقه اخدتا راحتي عملتا ضفيرتين بما انو هو تحت اكتافي وغزير طلع ظابط وخليت خصل طويله بي قدام وجريت اللاينه والقلوس بتصور في اماان الله القى ليك بي وراي متكأ على باب الغرفه بعاين ما عرفتا انحشر وين....