رواية لأنها توسل
الفصل الخامس عشر 15
بقلم سوسو تويكس
قلبي وقع وقت سمعتو قال:يبقى اكيد انتي طالعه هبلة وعويرة اذا صدقتي اني كده بطلقك، اذا راحتك في الطلاق عنك ما ترتاحي،،(افتكرتو ح يطلقني التراب في خشمكم🤣) ، قالي:يا مجنونه انا بحبك والبحب ما بتخلى عن زولو ✨،، قلتا بي سخريه وانا بتذكر تعذيب لي:بلاااي، حبيتي متين وقت تعذيبك واهانتك لي ، زي ما قلتا انا خدامه وشحاده وما من مستواك،و ما فيني حيل اتجادل معاك عشان كده طلقني واي زول يشوف طريقو،، مسحتا دموعي بي سرعه وعايزة اطلع،، قالي:عندك حق تزعلي وما تصدقيني لكن والله انا ندمان، وخلاص يا ستي مدام عايزة الطلاق بطلقك بس بعد شهر،، توسل:لأ حالاََ،، غيث:زواجنا يادوب تم شهر وحاجه ما ظريفه ترجعي بيتكم مطلقه بعد شهر من زواجك، اذا ما عشانك يبقى عشان ابوك اليادوب طلع من عمليه ليهو شهر واكيد انتي عارفه التوتر ما كويس ليهو،، ااخ دايما بلقا نقطة ضعفي،، وأضاف بي ابتسامه :+ح تديني فرصة،، توسل:اكيد لا،، غيث:انا ما شاورتك وريتك بالحيحصل،،، توسل:وانا ما موافقه،، جاوبني بي برود :معناها اقعدي على زمتي مدى الحياه،، لقيت ماف مفر غير انو اوافق بس يلا كلها شهر واتحل منو، توسل:بس اذا فكرتا تقرب علي بوري اهلك بالحقيقه وانو زواجنا تمثيل ووقتها امك بتعرف تتصرف،،، غيث:فكري اعمليها وشوفي كان ما بقيتو حقيقي،، فصلت وطلعت من المكتب بي سكات سامعه بيضحك فيني وقال:ما ح أقرب منك الا بي رضاك،، مشيت لي فطوم واستلمتني بالشمارات وانو احمد قال عايز يتقدم ليها الاسبوع الجاي البت اليوم كلو بقت تضحك 😂 جاني جفاف عاطفي منهم ما اتفاجئتا لانو عارفه من زمان احمد مكرش عليها، وما وريتها عشان ما اخرب فرحتها بي مشاكلي، مضى اليوم وانتظرت مشيت مع غيث لانو حننتقل الفيله وانا طريقها ما بعرفو مزاجو كان رايق عكسي انا الشارده في حياتي الاتغيرت قدر شنو ولسه ما معروف البيحصل انا وهو مختلفين عن بعض وانا ما حمل مشاكل مع امو دي، قطع شرودي وهو بقول: وصلنا، نزلتا بي سكات لقينا في صالة الفيله امو ومعاها صحباتها غيث سلم من بعيد وانا مشيت اسلم عليهم طاعنوني بالكلام طلعتا بي زهج اتقول انا ناقصاهم طلعنا السلالم ودخلنا جناحو بعد ما ادخل كلمه السر، كانت حاجه خورافيه كلو مفروش باللون الأسود والرمادي والأبيض جناح انضف من ضميري ،يخ انبرشتا في الجناح اكتر من انبراشي في غيث😂..