![](https://blogger.googleusercontent.com/img/b/R29vZ2xl/AVvXsEhk22RD5uj6IB0oN5o6qnaB6bCxMPYSu0k-R_Fa4M8FuXd6h_91NmuF__uzArt01_gofPZB8TUgqvfTyjPSmDGetHeYfXNVbNs6N5P-fSwalxmi8Vywacgw4u4lGJDi3x6ideJWLq_FGD5wxV9S8o2EDFbSEo75EQaAVp73ussnzxFy4QRGrGKjSe84uqhd/s320-rw/img_1714944286358.jpg)
رواية ضحايا ورث الديب الفصل العاشر10بقلم حور طه
رفعت وعيشه يدخل على صوت اريام
رفعت ::في ايه يا بنتي
اريام ::ريم مش موجوده انتم
متاكدين ان هي رجعت
عيشه:: ايوه يا اريام هانم رجعت
انا فتحت لها واتكلمت معايا شويه
بعد كده قالت لي هدخل انام
ولما اريام تيجي هتصحيني
رفعت بخوف ::كلميها على التليفون
شوفها ازاي ما رجعتش لحد دلوقتي البيت
اريام تجري على اوضتها تجيب التليفون
وتحاول تتصل بيها
عيشه تمسك تليفون ريم:: تليفونها موجود هنا
بس انا متاكده ان هي ما خرجتش
من ساعه ما جت ودخلت
الاوضه ما شفتهاش خرجت
اريام بدا الخوف يتسلى لقلبها::
تمام اهدوء انا هكلم صحابها يمكن
تكون خرجت من غير انت
ما تشوفيها وراحت عند حد منهم
رفعت:: طيب حاولي تعرفي هي عند مين
على ما اغير هدومي
اريام تكلم يحيى:: ريم معاك يا يحيى ادهاني فورا
يحيى ::بس ريم مش معايا يا اريام
انا اصلا ما شفتهاش النهارده
اريام ::يعني ايه ما شفتهاش
النهارده ريم حاليا مش معاك
يحيى ::قلت لك لا يا اريام مش
معايا هو في ايه ريم فين
اريام:: ريم ما رجعتش البيت لحد
دلوقتي وكمان سايبه تليفونها في البيت
يحيى:: طيب انا هنزل ادور عليها
وهروح عند اصحابها اللي اعرفها
يمكن تكون عند حد منهم
اريام:: كلمتهم ما حدش فيهم شافها النهارده
يحيى:: انا هنزل ادور عليها في كل حته
رفعت:: ها يا بنتي عرفت اختك
عند مين من صحابها خلينا نروح
نجيبها الوقت متاخر اكيد كانت
بتذاكر وما اخذتش بالها من الوقت
اريام ::ريم مش عند حد فيهم يا بابا
رفعت ::يعني ايه مش عند حد فيهم
انت متاكده يا بنتي انت كلمتي كل
اصحابها شوفي يمكن لسه في
حد منهم انت ما كلمتهوش
رفعت يجلس بتعب ويمسك قلبه
اريام ::انا هنزل ادور عليها ما تقلقش يا بابا
رفعت بتعب :: المرض بيتحكم فيا مش
قادر حتى يخليني انزل ادور على بنتي
اريام بهدوء:: حبيبي اطمن انا هنزل
اشوفها هي فين وهنرجع انا وهي ما تقلقش
اريام تنزل بسرعه وتركب عربياتها
ولكن ايشان يركب هو الثاني العربيه::
اريام ايه اللي حصل
اريام ::ريم ما رجعتش البيت لحد
دلوقتي وكلمت كل اصحابها مش
عند حد منهم حتى يحيى بيقول
ان هو ما شافهاش النهارده مش
عارفه مش عارفه هدور عليها فين
ايشان:: تمام اهدي ان شاء الله هنلاقيها
اريام:: انا مش عارفه سايبه تليفونها
في البيت ومش عند حد من اصحابها
انا مش عارفه انا هدور عليها فين
ايشان ::تمام اهدي انزلي وانا هسوق
اريام تنزل وبدله الاماكن وايشان
يسوق العربيه ويبداوا برحله البحث على ريم؟؟ !!!!
___________🖤🥀🖤🥀في اليوم التالي_____🖤🥀
ديب ::سمعت انك رايح تبلغ عني
رامي بخوف يهز دماغه وينفي
كلامه:: ما كنتش رايح
ديب يبص لنوح بتعجب::
ايه ده يعني انت وصلت لي معلومات غلط
نوح يمسك رامي ويقعدوا على الكرسي ::
معلوماتي كلها صحيحه يا ريس انا
شغلي ما فيهوش مجله للخطا او النسيان
ديب:: يعني انا دلوقتي اصدق مين
فيكم خلاص انا عندي فكره الموضوع
ده احنا نخلصه بشكت دبوس
رامي بعدم فهم:: انت هتعمل ايه
انت لو حاولت تقرب من بنتي انا مش هرحمك
ديب:: ليه يا عم هو انت شايفني قتال قتله
عشان اقتل طفله بريئه ما لها الذنب
في الشيطان اللي بيلعب في
دماغ ابوها يروح يبلغ عني
وبعدين يرجع يبص لنوح::
هم ليه كل الناس شايفيني سيء
للدرجه دي مع ان قلبي حنين
نوح بابتسامه ساخره:: مش عارف والله
يا ريس مفكرين ان احنا ما عندناش قلب
ديب بيقترب على رامي ونوح يمسكه بقوه
ديب وهو ايده يتساقط منها الدم::
كده انا اضمن ان انت مش هتفتح
بقك علشان لسانك اللي انا قطعته ده هو الضمان
رامي كان يتالم ويتشنج من كثره الالم
نوح ::بس ده ممكن يعترف بسهوله
ديب بتفكير:: معاك حق لازما لما نبدا شغل ننهيه
نوح:: انت ناوي على ايه
ديب بضحك خبث ::هتشوف دلوقتي؟؟
__________🖤🥀🖤🥀وبعد مرور 3ايام ____🖤🥀
ايشان يمسك ايدها قبل
ما تنزل من العربيه:: انت متاكده انك
مش عايزاني اطلع معاكي
اريام:: ما تقلقش انا عارفه يحيى
كويس بس انا حاسه ان هو مخبي
عليا حاجه ؟ اكيد هو عارف
حاجه عن اختفاء ريم ده
ايشان ::خلي بالك من نفسك
ان شاء الله هنلاقيها
اريام:: النهارده اليوم التاني وبرده
ما قدرناش نوصل لها ولا نعرف عنها
حاجه اختفائها ده بدا يصور لي حاجات بشعه
ايشان باطمئنان:: اطمني ان شاء الله
هنلاقيها وهتكون بخير
اريام تنزل من العربيه
وتطلع الى شقه يحيى
___________🖤🥀🖤🥀في شقة يحيي_____🖤🥀
اريام::ارتباطكم كان واصل لحد
فين علشان يخليها تلبس لك قميص نوم زي ده
يحيي::انت غلطانه ده مش ليها
اريام انفعال ::انتوا خدعتوني مره
مش هتخدعوني تاني انا متاكده
ان القميص ده ليها
يحيى:: انا ما عنديش اكتر من
اللي قلته يا ريت تفهمي
اريام ::اللي بتحاول تخبيه مش
عايز تقوله ؟خليك صريح معايا
يحيي:: قلت لك انا ما اعرفش
حاجه العلاقه اللي كانت بيني وبينها
كان حب انا كنت بخاف عليها
اريام:: لو بتحبها ساعدني نوصل لها
اللي تعرفه مش عايز تقوله
يحيي:: انا تعبان لو سمحتي روحي
دوري على اجوبه لاسئلتك بعيد عني
اريام بانفعال ::علاقتكم كانت واصله
لحد فين يايحيي انطق
يحيى بانفعال يطلعها بره ويقفل الباب ::
سيبوني بقى روحي دوري
في مكان تاني لانها مش هنا
اريام تنزل من شقة يحيى لعربياتها واول
ما تركب ايشان بتردد ::
كلموني من قسم الشرطه لقوا ريم؟؟
اريام بفرحه:: بجد طيب اتحرك فورا
ايشان:: حاضر
___________🖤🥀🖤🥀في القسم_____🖤🥀
الظابط:: انا عارف ان الموضوع
هيبقى صعب عليك بس انت
لازم تدخلي وتتعرفي عليها
اريام بصدمه ورافضه انها تصدق ::
لا يا حضره الظابط انت اكيد غلطان
اكيد اللي جوه دي مش ريم
ايشان ::ان شاء الله ما تطلعش هي
بس انت لازم تشوفيها عشان تتاكدي
اريام تبص له وصوتها يعلى فجاه ::
قلت لكم مش هي اكيد مش هي
ايه اللي هيخلي ريم تبقى في مكان زي ده
الظابط ::ارجوكي اهدي يا استاذه ده اجراء
ولازم يتم واكيد انت عارفه
من فضلك ادخلي وتعرفي عليها
اريام كانت تقدم رجل وترجع
بالاخرى ورفض انها تصدق كل
ما يحدث حولها ولكن هي مضطره
انها تدخل وتتعرف على البنت اللي
لقوها مرميه في وسط البحر وميتها