رواية لأنها توسل
الفصل الخامس والعشرون 25
بقلم سوسو تويكس
كانو بزغرتو وبباركو ام غيث من شافتني قالت وهي بتعاين لي:ربنا يتم ليكم على خير ويبعدك من اعين الحسده والحاقدين،، وقت اسيل انتبهت لي جات وهي بتبتسم باستفزاز:ماف مبروك، بس ما مشكله بعديها ليك يا.. ضرتي،، من الزعل حلقي عايز ينفجر و الرؤيه قدامي ضلام،، وعيت ب غيث بحاول يصحي فيني، لقيت نفسي في غرفتي وام غيث واسيل وامها برضو في الغرفه، وقت شافني فتحتا اتنفس بإرتياح، طوالي امو قالت :انا قلتا ليك مافيها شي يا ولدي،، وعاينت لي وقالت:خلي ننزل عشان منتظرنا تجهيزات خطوبه بكرة،، غيث:امي ده ما وقتو حسي،، طوالي بقت تحوط كيف يعني ما وقتو وانت غاشيني وما عايز تتزوجها صاح.. الخ،، غيث :خلاص حسي انزلو لمن اجيكم،، طلعو كلهم وفضلنا نحنا الاتنين،، غيث:انا والله نا كنت عارف امي المشت اتصرفت براها وخطبت وانا جيت البيت وقت غزل اتصلت لي انو اغمى عليك و...،،، قاطعتو وانا بقول:ما محتاج تبرر شي وانزل ليهم تحت لانو الايامات دي ح تكون مشغول يا... عريس،، غيث:توسل ما تصعبيها علي احساس اني عاجبني الوضع، لو سمحتي ما تبقي علي انتي وامي والدنيا،،، مسحتا دموعي هو لو فضل دموع عشان ابكي بيهم و قلتا:انا ح امش اقعد مع ناس ابوي الايامات دي،،، انفعل:لالا مستحيل ماف ليك مرقه من هنا،، انهرت وانا بقول :حرام عليك يخ انا ما بقدر اشوفك وانت بتلبسها الدبل ما بقدر اتحمل والله ما بقدر،، جا حضني وهو بقول:خلاص اهدي، اسف لاني بعرضك لي ده كلو، بس انا الفترة دي كنت محتاجك اكتر من اي وقت، لكن خلاص يا ستي، يومين بس وبجي بسوقك فهمتي؟،،، ما رديت ليهو اتحهزتا وفعلا وصلني بيتنا وقبل ما انزل من العربيه قالي : يا ريت ما تفكري بتهور وتاخذي قرار يضرنا نحنا الاتنين،، رديت ليهو بوجه خالي من التعبير:ما معروف،، نزل معاي وسلم على ناس ابوي ومرق،، امي استغربت فيني وقت سالوني، قلتا ليهم:اشتقتا ليكم بس وحابه اغير جو يومين تلاته،، دخلتا غرفتي وانا ببكي بصمت وحرقه اصلا ما عندي شي غير البكا اصلا ده غلطي ما كان لازم اتعلق بيهو من البدايه،، شويتين كده حات فطوم مداهمة غرفتي ومن غير مقدمات حضنتني وبقينا نبكي الاتنين،، بعد هديت شويه قالت لي بعتاب وزعل:يخسي عليك يا زفته ما بتوريني كتر خير غيث الحا وراني وقالي هو بحاجتك الايامات دي..
توسل:غيث؟؟،، فطوم:ايي غيث قبل شويه اتكلم معاي وراني بالقصه كلها، يعني ما كان ح اعرف لولا هو كلمني،، توسل:ما كنت عايزه اخرب فرحتك بي مشاكلي،، رصعتني وهو بتقول:انتي منقوليه ولا شنو،صحبتك على شنو لو ما وقفت جمبك وقت الحاجه، تاني قولي كده عشان اشنقك،، ومشت رقدت في سريري وقالت:معسكرة هنا اليومين دي عندك مانع،، توسل:هو انا لاقياك وين،،، ونستني وهي بتحاول تفك مزاجي حبه (وصديق يحبك بصدق خير لك من مدينه كاملة من البشر 🫂✨) واتلكمت معاي عن الموضوع وقالت:هو الموضوع صعب واي شي لكن برضو ما بنقدر نلومو،، توسل: ماده المزعلني اني ما بقدر الومو وما بقدر اتقبل الموضوع،، مضى باقي اليوم عادي وهو بتصل لي لكن ما برد، ف بيتصل على فطوم ويتطمن علي وجا يوم الخطوبه😴...