رواية احتواء القاسي
الفصل الخامس5
بقلم سوسو تويكس
بلسان لينه:مضى شهر من آخر مواجهة لينا هو اصلا ما بتكلم معاي وبعد اليوم داك بقا يتعامل كاني ما موجوده، فرحتا لانو ده العايز من الاول،وفي الشهر ده نزلتا الجامعه، اليله قمتا من النوم متأخره وكان يوم ممطر لانو ده فصل الخريف والمطره بتنقط خفيف مع الغيوم كان يوم خورافي، اتجهزتا ونزلتا تحت لقيت خالتو ساميه بتشرب في الشاي شكلو ماجد وملاذ طلعو للجامعه، واقفه مع خالتو ساميه البتحنسني اشري الشاي وانا خايفه ما القى مواصلات مع المطره دي +اني اصلا متأخرة، جا معتصم نازل من السلم صبح على خالتو ساميه وانا ولا عاين لي اصلا، وقفت خالتي ساميه وهي بتقول:اليله برضو اتاخرتا زي لينه في النوم، خلاص وصلها في طريقك للجامعه لانو ما ح تلقى مواصلات مع المطره دي_عايزه أرفض قاطعني وهو بقول:اطلعي عشان ما نتأخر_مشيت وراهو بسكات وانا تايهة في ريحة عطرو الماليه المكان لاحظتا لي فرق الطول البينا انا ما قصيره لكن هو طويل كان لابس بنطلون جينز 👖 مع قميص اسود ازرارو فاتحه وفنيله بيضه، يعني القميص لابسو كجكت ومكفكفو بحيث يدينو الشعره العروقها بارزه ظاهره، ركبتا قدام لاني شفتها شينه اركب ورا وما محتاجه اقول انو العربيه مليانه بعطرو_بلسان معتصم: في يوم قمتا متأخر وامي طلبت مني اوصلها معاي لأنها ما حتقدر تلقى مواصلات مع المطر دي وافقتا بالغصب، ركبت العربيه وريحة برفانها ملا رئتي اتذكرت البلوفر العلق فيهو برفانها لحسي محتفظ بيهو ورفصتا اغسلو ما عارف لي، غضبتا اكتر لأنها لابسه اسكيرت اسود لي نص ساقها وشاكه مع قميص ابيض منسوج مع خيوط فضيه ومكفكفه يدين القميص، وبعد طرحة سودا صغيره بحيثو شعرها معظمو ظاهر كانت عامله ضفيرتين ومطلعه خصل طويله هي اصلا انيقه ما بكذب بس ما لازم اناقتها دي تظهر لي كل الناس لانو هيئتها كانت اللهم الثبات،لاحظتا لي الروج الشاذ العامله شلتا منديل من الفي العربيه ومديتو ليها وانا بقول:هاك أمسحي الزفت الفي خشمك ده_رفعت لي حاجبها الزي لون شعرها بالبني وهي بتقول:اسكيوزمي؟_عرفتها ما حتنفذ كلامي عشان كده قربتا عليها وانا بمسح ليها الروج بالمنديل، حسيت بتوترها ودقات قلبها الانا سمعتو يدها الماسكه بيها الاسكيرت بتوتر واخيرا عيونها البنيه الاتلاقت مع عيوني، رجعتا مكاني بهدؤ لانو حتى انا بديت اتوتر سقتا العربيه وماف غير صوت المطر البدت تشد...
يتبع