![](https://blogger.googleusercontent.com/img/b/R29vZ2xl/AVvXsEjVGuhE2772toGpG9wWUrm9yzqjqjOJ9MmRbB2H_IQ0MAUC5Xv-MMO0GlTNGcJVe_-asepdtyOb2b2T0HcpjhaF1PwZ25wXzqbeHmMwxy05qzZqeALWgnJ0xVrc4zB91q3hXsmYSB-mzR1QJ9qBoKSvjEwS0_csIKbR9z8_jtyax56QjifpkUwvqeUgG3ra/s320-rw/FB_IMG_1715644431771.jpg)
رواية مزاولة حب الفصل الحادي والاربعون41والثاني والاربعون42بقلم دودو محمد
اشرقت شمس صباح يوم جديد بنورها الساطع فى سماء القاهره لتبدء تمارا بفتح عيونها قامت قعدت على السرير بتعب وفاجئه قامت تجرى دخلت الحمام ورجعت وبعد وقت خرجت من الحمام وراحت وقفت فى الشباك وبصت على الفيلا شافت يوسف وهو خارج وبيركب عربيته ومشى بيها دخلت وقعدت على حرف السرير واتنهدت وفكرت شويه وقامت وقفت وراحت فتحت الدولاب واخدت هدوم وغيرت هدومها ونزلت تحت وقالت
تمارا :- صباح الخير
عماد وسميه :- بأستغراب صباح النور
كريم :- رايحه فين كده
تمارا :- الشغل
سميه :- بعصبيه شغل ايه ده اللى هتروحيه مفيش نزول الشغل
تمارا :- ليه بقى أن شاءالله
سميه :- علشان اللى فى بطنك
تمارا :- متخافيش مش هتعب نفسى فى الشغل
سميه :- ما تقول حاجه يا عماد
عماد :- سبيها براحتها يا سميه هى حره وعارفه مصلحة نفسها
سميه :- لاء مش حره ونزولها الشغل ده هيأذيها وهى حامل
تمارا :- ماما متتعبيش نفسك انا هنزل الشغل يعنى هنزل الشغل
كريم :- عناديه اوى يا تمارا
تمارا :- مش موضوع عناد بس انا مبحبش قعدت البيت هروح الشغل ومش هتعب نفسى متقلقوش ووقفت وقالت يلا سلام وخرجت وركبت عربيتها
سميه :- عجبك اللى بنتك بتعمله ده
عماد :- لاء بس هتتعدل الايام الجايه
سميه :- يعنى ايه مش فاهمه
عماد :- مش لازم تفهمى موضوع العناد زاد اوى عندها ولازم نوقفها بقى
كريم :- سبحان الله تقريبآ كده فهمت قصدك يا بابا
عماد :- اول مره تفهم
كريم :- تشكر يا حاج ثقه عمياء في ذكائى والله وقعد يضحك
عماد :- بص لكريم وضحك على كلامه وكملوا اكلهم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الشركه
وصلت تمارا الشركه ودخلت على المكتب بتاعها وقعدت على الكرسى بتاعها ومشيت ايديها على المكتب وقالت
تمارا :- ياااااه واحشنى اوى مكتبى وكل حاجه فيه ومسكت تليفون المكتب وطلبت السكرتيره وقالت تجيب ليها الملفات الجديده كلها لشركه وقفلت معاها وبعد شويه دخلت السكرتيره وجابت ليها الملفات وحطتها على المكتب وخرجت وقفلت الباب وراها مسكت تمارا الملفات وبصت فيها ووقفت عند ملف اتغاظت وقالت كده يا يوسف ماشى وخرجت من المكتب بتاعها وهى متعصبه ودخلت مكتب يوسف وحدفت الملف قصاده على المكتب
يوسف :- رفع راسه وبصلها وقال ايه ده ؟
تمارا :- انت رجعت الشغل تانى مع الشركه دى ليه
يوسف :- عجبنى العرض بتاعها
تمارا :- شركتنا مش هتشتغل مع الشركه دى تانى فاهم
يوسف :- وقف وراح عندها وربع أيده على صدره وقال ليه بقى
تمارا :- انت عارف
يوسف :- لاء مش عارف
تمارا :- بعصبيه لاء عارف احنا فسخنا معاهم العقد ليه علشان صاحبة الشركه واحده مش محترمه وحاولت تلعب عليك
يوسف :- قرب ليها وقال وده يخصك فى ايه
تمارا :- ها ك.ك.كده شركتنا متتعاملش مع الاشكال دى
يوسف :- اوعى تكونى غيرانه
تمارا :- ل.ل.لاء مش غيرانه وانا هغير عليك ليه
يوسف :- رجع قعد على مكتبه وقال ما انا قولت كده برضه ايه هيخليكى تغيرى عليا واحنا خلاص هنطلق
تمارا :- بصت ليه بصدمه وقالت ها
يوسف :- ايه هو عمى عماد مقالش ليكى ولا ايه
تمارا :- بعدم فهم قالى ايه
يوسف :- انا وافقت على طلبك وهنفذلك رغبتك وهطلقك
تمارا :- مسكت الدموع فى عينيها وقالت ا.ا.احسن برضه
يوسف :- اصل قعد افكر مع نفسى وقولت مش معقول هيعشك معايا غصب عنك واحنا مش اول ناس ولا آخر ناس هتطلق وابنى اللى فى بطنك كده كده هشوفه علطول لانه هيكون قصادى، اصل مدام مش بتثقى فيا يبقى الحياة مش هتستمر ما بينا
تمارا :- ياريت تطلقنى فى اسرع وقت لو سمحت
يوسف :- من دلوقتى لو عايزه
تمارا :- دمعه نزلت من عينيها وقالت لاء مش هينفع هنا بليل لما نروح
يوسف :- اللى يريحك وفى الوقت ده دخل السكرتير وبلغ يوسف أن صاحبة شركة Qn عايزه تقابله ابتسم وقاله يدخلها وبص لتمارا وقال تقدرى تروحى مكتبك
تمارا :- بغيظ يا بجاحتها وكمان جايه الشركه برجليها
يوسف :- اهلا اهلا مدام يسرا نورتى الشركه والله وقام وقف وسلم عليها
يسرا :- ميرسى يا استاذ يوسف المكان منور بأصحابه
يوسف :- اتفضلى اقعدى
يسرا :- قعدت وابتسمت ليه وقالت ميرسى
يوسف :- تشربى ايه
يسرا :- ملهوش لزوم
يوسف :- ودى تيجى برضه لازم تشربى حاجه
يسرا :- اممممم يبقى واحد قهوه مظبوط
يوسف :- بص لتمارا وقال بليز يا تمارا وانتى خارجه بلغيهم بره يجيبوا اتنين قهوه مظبوط
تمارا :- قعدت وقالت عندك التليفون بلغهم بنفسك اصل انا مش خارجه دلوقتى
يوسف :- ابتسم ليها ومسك تليفونه وطلب القهوه
تمارا :- هات ليا واحد ليمون
يوسف :- طلب ليها واحد ليمون
يسرا :- ازيك يا مدام يارا
تمارا :- بقرف تمارا مش يارا
يسرا :- اه سورى
يوسف :- انا سعيد جدآ أن الشركتين رجعوا اشتغلوا تانى مع بعض
يسرا :- وانا والله انا مصدقتش نفسى لما بلغونى انكم رجعتوا الشغل معانا من تانى
يوسف :- ده شرف لينا يا فندم
يسرا :-طيب وراك حاجه بليل علشان نحتفل بالمناسبه السعيده دى
يوسف :- لاء مفيش حاجه ورايا بليل
تمارا :- لاء فيه بس حضرتك ناسى
يوسف :- لاء الموضوع ده مش هياخد خمس دقايق اخلصه واجيلك علطول يا مدام يسرا
تمارا :- بصت ليه بغيظ
يسرا :- وقفت ومدت ايديها وسلمت على يوسف وقالت هنتظرك بليل
يوسف :- سلم عليها وقال إن شاءالله طيب خليكى لما تشربى القهوه بتاعتك الاول
يسرا :- ميرسى لازم امشى دلوقتى اشوفك بليل باى وخرجت من مكتب يوسف
تمارا :- وقفت بعصبيه وقالت انت ازاى تقبل تقابلها بليل
يوسف :- عادى ايه المشكله
تمارا :- بغيظ ب.ب.بليل انت مش فاضى
يوسف :- لاء فاضى هطلقك واروح اقابلها
تمارا :- بغيظ لاء مش هتروح ليها
يوسف :- راح عندها وقال وانتى مالك يخصك فى ايه اروح ولا مروحش انتى كلها كام ساعه وهتبقى طلقتى وانا حر بقى ملكيش دعوه باللى انا اعمله
تمارا :- بغيظ لاء ليا ع.ع.علشان سمعتك تخص اللى فى بطنى
يوسف :- لاء ملكيش دعوه سمعتى تخصنى انا
تمارا :- مش هتروح يا يوسف
يوسف :- قرب منها جدا وقال مالك مش على بعضك ليه مدام غيرانه اوى كده طالبه الطلاق ليه
تمارا :- بتوتر م.م مش غيرانه وانت حر اعمل اللى تعمله وزقته ومشيت على المكتب بتاعها
يوسف :-ضحك ورجع قعد تانى على مكتبه وبدء يشوف شغله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى مكتب رحمه
دخل بدر على رحمه لاقها قاعده وشكلها تعبان قفل الباب وراح عندها وقال بقلق
بدر :- مالك يا رحمه
رحمه :- مفيش يا بدر حاجه بسيطه
بدر :- حاجه بسيطه ايه وشك اصفر اوى وباين عليكى التعب
رحمه :- بتعب عادى يا بدر شويه وكل ده هيروح
بدر :- طيب تعالى اكشفلك مش هرتاح غير لما اطمن عليكى
رحمه :- مشيت ايديها على وشها وقالت يا بدر دى حاجه طبيعيه انا واخده على التعب ده هشرب حاجه سخنه وهبقى تمام
بدر :- يا بنتى بلاش عند وتعالى اكشفلك
رحمه :- ياربى على الغباء بص يا حبيبى روح وابقى تعالى كمان شويه
بدر :- مش هقدر اسيبك وانتى كده اطمن عليكى الاول
رحمه :-بنفاذ صبر قالت بص انا على أخرى انا مقدره خوفك عليا وكل حاجه بس مش طالبه غباء خالص يا بدر
بدر :- غباء ليه بس
رحمه :- من الاخر التعب اللى عندى شئ طبيعى بيجي كل شهر ابوس ايدك اوعى تكون مفهمتش
بدر :- مشى أيده على شعره وقال احم اه خلاص فهمت طيب انا هبلغهم يبعته ليكى حاجه سخنه
رحمه :- ياريت بسرعه
بدر :- خرج من عندها وراح بلغهم يبعتوا حاجه سخنه لمكتب رحمه
رحمه :- حطت راسها على المكتب ومسكت بطنها بتعب وقالت اه يا بطنى ياانى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
صحيت يارا من نومها بصت جمبها على انس وهو نايم ومشيت ايديها على وشه بحب وقربت من خده وباسته برقه ولسه هتقوم
انس :- مسكها من ايديها وقال صباح الخير
يارا :- رجعت تانى لحضنه وقالت صباح النور
انس :- باس طرف مناخيرها وقال كنتى رايحه فين كده
يارا :- هقوم اخد شاور
انس :- لاء اصبرى عايزك
يارا :- بصت ليه بأستغراب وقالت خير
انس :- احنا لازم نفكر هنعمل ايه فى ايامنا الجايه علشان اللى جاى ده
يارا :- نعمل ايه فى ايه
انس :- لازم نعمل مشروع علشان نقدر نصرف منه انتى عارفه أن خلاص بقى صعب ارجع شغلى فى الجيش تانى واللى جاى ده هيكون محتاج مصاريف كتير ولازم نعمل حساب المستقبل والمرتب اللى هيطلع لينا مش هيعمل حاجه
يارا :- طيب هنعمل مشروع ايه
انس :- مش عارف والله انتى شايفه ايه
يارا :- ايه رأيك فى شركة حراسه
انس :- فكره حلوه بس مش هيكون معايا سيوله كافيه للمشروع ده
يارا :- ممكن اصحابك يشاركوك فى الشركه دى وهيبقى مستقبل ليهم برضه
انس :- مش عارف هقولهم وأشوف ردهم ايه
يارا :- أن شاءالله هيوافقوا وهتبقى اكبر شركة حراسه فى مصر كلها
انس :- ضمها فى حضنه وباسها وقال ربنا يخليكى ليا يا اجمل شئ فى حياتى
يارا :- ويخليك ليا يا اجمل واحلى راجل فى الدنيا كلها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الشركه .....فى مكتب مالك
مسك مالك تليفونه وطلب رقم ندى وانتظر الرد
ندى :- بصوت نعسان الو
مالك :- انتى لسه نايمه ولا ايه
ندى :- اممم صحيت على صوت الفون
مالك :- معلش صحيتك بس مقدرتش استنى اكتر من كده اصل صوتك واحشنى اوى
ندى :- انا بقى صوتك مش واحشنى انت كلك على بعضك واحشتنى نمت امبارح بصعوبه علشان مش نايمه فى حضنك
مالك :- وانا والله امبارح معرفتش انام وانتى مش جمبى على السرير
ندى :- طيب تعالى خدنى النهارده وهروح معاك مش هقدر ابعد عنك يوم تانى
مالك :- مش هينفع يا حبيبتى مين هياخد باله منك فى الفيلا
ندى :- انا مش هعمل مجهود والله اوعدك هاخد بالى من نفسى كويس اوى اهم حاجه انام فى حضنك طول الليل
مالك :- خلاص هجبلك واحده تخدمك
ندى :- لالالا بلاش
مالك :- ليه بس
ندى :- ك.ك.كده
مالك :- قولى علشان خاطرى مش عايزه ليه
ندى :- خ.خ.خايف تعجبك وتخونى معاها
مالك :- نعم يا اختى
ندى :- ايه مش بقولك الحقيقه
مالك :- يا بنتى اعقلى وربنا بحبك والله العظيم بعشقك وعيونى دى مش شايفه غيرك انتى وبس يا ندى يارب بقى نفهم
ندى :- برضه مش عايزه تجيب ليا حد انا هاخد بالى على نفسى كويس اوى علشان خاطرى يا موكه
مالك :- طيب خلى مامتك تيجى معاكى
ندى :- مش راضيه اتحايلت عليها كتير ومرضتش
مالك :- مش عارف اقولك ايه
ندى :- وافق علشان خاطرى وافق
مالك :- اتنهد وقال جهزى نفسك هاجى اخدك بعد الشغل ما انا مقدرش ارفض ليكى طلب
ندى :- هييييييا حبيب قلبى يا موكه بعشقك وربنا
مالك :- وانا بموت فيكى يا عمرى يلا قومى بقى وافطرى وكلى كويس اوى فاهمه
ندى :- بحب حاضر
مالك :- متتحركيش كتير
ندى :- ماما مش بترضى تخلينى اتحرك اصلا
مالك :- ربنا يخليها ليكى يارب يلا يا قلبى باى وقفل السكه وقام راح عند مكتب يوسف ودخل وقعد على الكرسى وقال ممكن افهم ايه اللى بيحصل
يوسف :- على ايه
مالك :- ازاى ترجع الشغل تانى مع شركة Qn
يوسف :- عادى فيها ايه
مالك :- لاء فيها كتير انت عارف ان صاحبة الشركه دى واحده شمال وحصلت مشكله كبيره قبل كده معاك انت ومراتك وهى حاولت تقرب منك كتير يبقى تسمى ايه اللى بيحصل دلوقتى ده
يوسف :- اتنهد وقام راح عنده وقعد على الكرسى اللى قصاده وقال هقولك رجعت الشغل معاها ليه
مالك :- اممم قول واشجينى
يوسف :-...........
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
روحت تمارا من الشركه ودخلت اترمت على سريرها وقعدت تعيط وبعد وقت دخل ابوها الاوضه وقال
عماد :- يوسف تحت علشان يطلقك
تمارا :- بصت لابوها بدموع وقامت اترمت فى حضنه وقعدت تعيط
عماد :- راجعى نفسك يا بنتى وبلاش عند احنا لسه فيها ومحصلش حاجه
تمارا :- بعدت عن حضن ابوها وقالت لاء يا بابا انا هطلق من يوسف أنا اخد قرارى خلاص
عماد :- اللى يريحك يا بنتى امشى معايا
تمارا :- نزلت مع ابوها وقعدت تدعك ايديها فى بعض ووقفت قصاد يوسف وقالت طلقنى
يوسف :- بص ليها مده طويله ومردش عليها
تمارا :- طلقنى
يوسف :- بص فى عينيها وقال انتى طالق يا تمارا
تمارا :- بصت ليه بدموع وحست أن الدنيا بتلف بيها ومره واحده اغمى عليها وبعد وقت فاقت وبصت حاوليها وقالت ايه اللى حصل
كريم :- اغمى عليكى بعد ما يوسف طلقك
تمارا :- بصت حاوليها وقالت وهو راح فين
عماد :- طلقك ومشى قال وراه مشوار مهم
تمارا :- قامت قعدت ودموعها نزلت منها وقالت اكيد راح يقابلها
سميه :- هى مين دى
تمارا :- عميله عندنا فى الشركه
كريم :- هو دلوقتى حر يعمل اللى عايزه انتى اللى صممتى على الطلاق
تمارا :- بدموع فى ستين داهيه وقامت وقفت فى الشباك بدموع وقالت انا كده بقى هعيش مرتاحه وانتبه لنفسى ولابنى
عماد :- بتمنى يا بنتى تفؤقى لنفسك بقى وتركزى فى حياتك وبص لكريم وقال تعالى يا ابنى سيب اختك ترتاح وخرجوا الاتنين من الاوضه وسابوا تمارا لوحدها
تمارا :- بصت ليهم وهما خارجين وبصت على الفيلا عند يوسف وقعدت على حرف السرير وحطت ايديها على وشها وقعدت تعيط
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا مالك
دخل مالك ومعاه ندى وقفل الباب وراهم واتفاجئ بندى بتترمى فى حضنه حضنها وباسها من راسها
ندى :: واحشتنى اوى يا مالك اوى
مالك :- البيت مكانش ليه طعم وانتى مش فيه يا عمرى
ندى :- بصت ليه بكسوف ورفعت ليه التيشيرت
مالك :- ضحك وقال انتى ايه حكايتك مع التيشيرت يا بنتى
ندى :- مش بحبه عليك الله وقلعته ليه وقربت من صدره وباسته ورفعت راسها بصت ليه وقربت من شفايفه وباسته
مالك :- عمق البوسه وشالها وطلع بيها الاوضه دخل وقفل الباب برجله ونزل ندى على الارض ومد أيده فتح ليها زارير الشميز بتاعها
ندى :- لفت دراعها حاولين رقابته وبصت فى عينه وقالت بحبك
مالك :- قرب من شفايفها وباسها ونيمها على السرير و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مر اسبوعين بدون احداث تذكر على ابطالنا
صحيت رحمه من نومها على صوت تليفونها مدت ايديها واخدت التليفون وردت عليه بصوت نعسان وقالت
رحمه :- الو
بدر :- صباح الخير يا عمرى
رحمه :- ابتسمت وقال صباح النور يا قلبى
بدر :- لسه كل ده نايمه فؤقى بقى يا عروسه لسه وراكى حاجات كتير
رحمه :- مش قادره اصدق ان النهارده هكون فى بيتك بجد حاسه نفسى بحلم
بدر :- لاء مش بتحلمى ولا حاجه النهارده فرحنا يا قلبى وهنبقى مع بعض العمر كله
رحمه :- ده انا هكلبش فيك ومش هبعد عنك ثانيه واحده بعد كده
بدر :- بحب احلى كلبشه بالنسبه ليا يلا يا قلبى قومى بقى
رحمه :- حاضر باى وقفلت السكه مع بدر وقامت دخلت الحمام واخدت شاور واتوضت وخرجت لبست هدومها وأدت فرضها ونزلت تحت وقالت صباح الخير
الكل :- صباح النور
سميحه :- بنوتى النهارده هتكون احلى واجمل عروسه
رحمه :- بفرحه انا فرحانه اوى يا ماما
حسام :- ربنا يسعدك ويفرح قلبك يا بنتى عقبال ما ربنا يصلح حال اخوكى ويهديه ويرجع لمراته
يوسف :- قام وقف وقال انا ماشى
سميحه :- كل ده نتيجة التحليل مظهرتش
يوسف :- ظهرت
رحمه :- ولما هى ظهرت مقولتش لينا ليه
يوسف :- انا لسه جايبها امبارح
حسام :- ها والنتيجه طلعت ايه
يوسف :- البنت طلعت بنتى يا بابا
سميحه :- بفرحه بجد طيب ولما هى بنتك مجبتهاش ليه
يوسف :- هجبها قريب متقلقيش يلا سلام وخرج من الفيلا فى نفس الوقت اللى تمارا كانت خارجه من عندهم بص ليها وتجاهلها وركب عربيته ولسه هيمشى
تمارا :- اتغاظت وراحت عنده وقالت انت
يوسف :- اممم خير
تمارا :- فين ورقة طلاقى
يوسف :- شاغله بالك ليه بورقة الطلاق مش خلاص طلقتك
تمارا :- ا.ا.ايوه طلقتنى بس انا عايزه ورقة الطلاق
يوسف :- من عينيا اسبوع بالكتير وهتكون عندك ممكن امشى بقى
تمارا :- انت بتتكلم معايا كده ليه
يوسف :- اللهم طولك يا روح عايزه ايه دلوقتى
تمارا :- هعوز منك ايه يعنى
يوسف :- طيب ممكن بقى امشى اصل مدام يسرا منتظرانى فى المكتب بتاعى ومش عايز أتأخر عليها
تمارا :- بصت ليه بغيظ
يوسف :- ابتسم ليها وشغل العربيه ومشى بيها
تمارا :- قعدت تهبد برجليها فى الارض بغيظ وراحت ركبت عربيتها وطلعت تجرى بيها على الشركه ودخلت تجرى على مكتب يوسف
يوسف :- تمارا خير فيه حاجه
تمارا :- هى فين اللى اسمها يسرا دى
يوسف :- قام وقف وقال وانتى مالك
تمارا :- ها ا.ا.اصل انا كنت عايزه اتكلم معاها فى الشغل
يوسف :- والله ومن امته وانتى بتتكلمى معاها فى الشغل
تمارا :- ها
يوسف :- قرب منها وقال مالك متوتره كده ليه
تمارا :- رجعت لوراه وقالت م.م.مش متوتره
يوسف :- قرب منها وقال لاء متوتره ومش على بعضك من ساعة ما عرفتى أن يسرا هنا ايه غيرانه
تمارا :- رجعت لوراه وقالت ا.ا انت اللى خيالك واسع اوى وانا هغير عليك ليه وضهرها خبط فى الحيطه
يوسف :- قرب منها وسند أيده الاتنين على الحيطه وتمارا فى النص
تمارا :- بصت على ايده وبصت ليه بتوتر
يوسف :- مشكلتك أن انا حفظك وغيرتك واضحه اوى ليا
تمارا :- ا.ا ابعد عنى خلينى اروح اشوف شغلى
يوسف :- بص على شفايفها وقرب منها ولسه هيبوسها
تمارا :- زقته وطلعت تجرى على المكتب بتاعها
يوسف :- بص عليها وهى بتجرى وقعد يضحك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
انتهى النهار وجه الليل وبدأت المعازيم تتجمع فى الجنينه بتاعة الفيلا عند حسام
فى اوضة رحمه
رحمه :- ايه رأيكم يا بنات شكلى حلو
يارا :- والله العظيم زى القمر
تمارا :- ماشاءالله يا رحمه طالعه جميله اوى
ندى :- الله يكون فى عونك يا سى بدر ده انت هتتجنن النهارده
رحمه :- اخيرآ با بنات هتباس
ندى :- بضحك هو انت اخر سقف طموحاتك فى قلة الادب البوسه ده انتى هتموتى يا سوسو
يارا :- اقسم بالله انتوا الاتنين ملكمش حل فى قلة الأدب
تمارا :- لاء دى ندى نقحت على رحمه البت مكانتش كده والله
رحمه :- الا قوليلى يا اختى هو بدر هيفضل يتكسف كتير كده ولا هشوف هيرو النهارده
ندى :- مفيش راجل بيتكسف يا اختى هو بس يطولك وهتتفاجئ بمواهب مدفونه وقعدت تضحك
يارا :- انتوا مش ملاحظين انكم اللى بتتكلموا عليه ده اخويه
ندى :- واحنا قولنا ايه ده انا حتى بمجد فى شخصيته العظيمه وقعدت تضحك
تمارا :- اقسم بالله مشوفتوش بربع جنيه تربيه
وفى الوقت ده الباب خبط وراحت تمارا تفتح الباب وقالت عمو حسام تعالى
حسام :- رحمه خلصت
تمارا :- اه يا عمو
حسام :- دخل وبص بحب لبنته وقرب منها وباس راسها وقال ماشاءالله ربنا يحميكى ويحرسك يا بنتى
رحمه :- ربنا يخليك يا بابا
حسام :- يلا يا حبيبتى عريسك مستنيكى تحت
رحمه :- اخدت نفس عميق وخرجته براحه وحطت دراعها فى دراع حسام ونزلت معاه والبنات التلاته نزلوا وراهم
حسام :- سلم على بدر وقال خلى بالك منها حطها فى عينيك
بدر :- رحمه فى عينيا وقلبى يا عمى
حسام :- ربنا يسعدكم يارب
رحمه :- حطت دراعها فى دراع بدر وابتسمت ليه بحب
بدر :- زى القمر يا قلبى
رحمه :- بحب وانت جميل اوى يا بدر انا غيرانه عليك من عيون البنات كلها الموجوده فى الفرح
بدر :- ضحك وقال أنا عينى مش شايفه غيرك يا عمرى
رحمه :- بحبك
بدر :- بعشقك ومشوا الاتنين قعدوا فى المكان المخصص ليهم
تمارا :- دورت بعينيها على يوسف فى المكان كله ولاقيته داخل من الباب ومعاه يسرا اتغاظت وداست على أسنانها وقالت ماشى يا يوسف وراحت عندهم ومدت ايديها وقالت نورتى المكان يا مدام يسرا
يسرا :- ميرسى يا روحى
تمارا :- بصوت واطى جاتك وجعه فى روحك يا بعيده وقالت اتفضلوا ادخلوا المكان مكانك
يسرا :- ابتسمت ليها ومشيت مع يوسف
تمارا :- داست على حرف فستان يسرا
يسرا :- كانت هتوقع ومسكها يوسف
يوسف :- خلى بالك يا مدام يسرا
يسرا :- بصت وراها وقالت مش عارفه الفستان شبك فى حاجه وكنت هقع
تمارا :- بجد تلاقيه شبك فى الترابيزه ولا حاجه المهم حصل خير اتفضلى
يوسف :- قرب من ودن تمارا وقال انا عارف انك انتى اللى دوستى على حرف الفستان يا تمارا لمى الدور وملكيش دعوه بيها وسابها ومشى مع يسرا
تمارا :- عااااا دى بنى ادمه رذله
وبدأت رحمه وبدر يرقصوا مع بعض وبعد وقت شاركوا الكابلز الرقصه وقام يوسف وبدء يرقص مع يسرا وكانت تمارا متابعهم ومتغاظه وبتاكل فى ضوافيرها وبعد وقت انتهوا من الرقص ورجع يوسف مع يسرا وقعدها على الترابيزه واستأذن منها ودخل الفيلا جوه
تمارا :- دخلت وراه وقالت ياريت تحترم نفسك شويه
يوسف :- بص ليها وقال انتى بتكلمينى انا
تمارا :- اه بكلمك انت متستعبطش
يوسف :- وانا عملت ايه بقى أن شاءالله
تمارا :- حاجه فى منتهى قلة الأدب راعى انك هتكون ابو اللى فى بطنى
يوسف :- والله انا حر فى حياتى دى حاجه متخصكيش مش معنى انك حامل فى ابنى تتحكمى فى تصرفاتى انتى طلقتى يا تمارا ياريت تفهمى ده
تمارا :- بصت ليه بدموع وسابته وطلعت تجرى
يوسف :- خرج وراها وبص بصدمه ومره واحده قال تمارااااااااااااا
🐝الفصل الثانى والاربعون🐝
فى الفرح خرجت تمارا من الفيلا وهى متغاظه من يوسف ودموعها على خدها وخرج وراها يوسف وبص بصدمه وقال
يوسف :- تمارااااااا وطلع يجرى وقف قصادها وحضنها
تمارا :- استغربت اللى حصل بس فاجئه لاقت رصاصه جت فى ضهر يوسف وقفت مصدومه وهو يوسف واقع فى حضنها ومدت ايديها فى ضهره لاقت دم نازل بصت على ايديها وبدأت الدنيا تسود فى عينيها واغمى عليها ووقعت على الأرض ويوسف وقع جمبها وبعد وقت طويل بدأت تمارا تحرك راسها يمين وشمال وتفتح عينيها واحده واحده وشافت انوار كتير فى السقف غمضت عينيها تانى وفتحتها بدأت الصوره توضح قصاد عينيها وبصت حاوليها لاقيت الكل قاعد معها فى الاوضه قالت بتعب
تمارا :- انا فين
ندى :- انتى فى المستشفى يا تمارا
تمارا :- افتكرت اللى حصل ودموعها نزلت وقالت يوسف فين يوسف
يارا :- أهدى يا تمارا
تمارا :- بدموع يوسف ايه حصله انا عايزه يوسف يووووووووسف
يوسف :- أهدى يا تمارا انا كويس متخافيش
تمارا :- قامت قعدت واترمت فى حضن يوسف وقعدت تعيط
يوسف :- شششش أهدى يا تمارا
تمارا :- بدموع ا ا انت كويس
يوسف :- والله العظيم انا كويس اهو أهدى علشان خاطرى
تمارا :- بعدت عنه وقالت امال اللى حصل ده ايه
عماد :- دى كانت خطه علشان نوقع ارين يا تمارا
تمارا :- ارين
يوسف :- ايوه ارين كانت ناويه تقتلك وبعدت ناس فى الفرح علشان يقتلوكى
تمارا :- تقتلنى انا
يوسف :- ايوه
تمارا :- طيب وانتوا عرفتوا ازاى
عماد :- ياسين
تمارا :- ياسين ماله انا مش فاهمه حاجه
يوسف :- ارين زارت ياسين فى الحبس وكلامها ليه أنها عايزه تأذيكى وياسين بلغ الظابط بالكلام ده والظابط اتصل بيا وبلغنى بالكلام اللى ياسين قاله ليه وروحت لظابط وبدء يراقبها واتوقعنا انها هتستغل فرح رحمه علشان تأذيكى فيه والشرطه كانت مراقبه المكان ولبست القميص الواقى من الرصاص علشان احميكى لو حصل حاجه وكانت عينى حاوليكى طول الفرح ولما شوفت فيه حد موجهه المسدس ليكى من وراه الشجره طلعت اجرى عليكى وحضنتك بس الرصاصه كانت قويه وجرحت ضهرى جرح بسيط علشان كده فيه دم نزل واغمى عليا من الالم ولما فؤقت لاقيتك انتى منهاره والدكتور اداكى حقنه مهدأه وكلنا قعدنا جمبك لحد ما تفؤقى مفيش غير رحمه غصبنا عليها تمشى مع جوزها علشان كانت بفستان الفرح هنا ومش عايزه تمشى
تمارا :- وارين ايه مسيرها
يوسف :- ارين دلوقتى بيتحقق معاها فى اللى حصل واللى حاول يضربك بالرصاص الشرطه مسكته واعترف على ارين أنها هى اللى اتفقت معاه على قتلك
تمارا :- والبنت بنتها ايه مسيرها
يوسف :- راح اخد البنت من ايد أمه وراح بيها عند تمارا وقال دى بنتى يا تمارا
تمارا :-بصت ليه وبصت على البنت ومدت ايديها اخدتها منه وبصت ليها بتوتر وقالت دى صغننه خالص هتعيش ازاى بعيد عن مامتها
سميحه :- دى مهمتك انتى يا تمارا عوضيها حنان الام
تمارا :- بس انا دلوقتى مطلقه من ابوها
يوسف :- انتى مراتى يا تمارا
تمارا :- مراتك ازاى
عماد :- انتى فى العده ويجوز أنه يردك ليه فى اى وقت لحد ما تولدى من غير علمك
تمارا :- يعنى انت ردتنى ليك
يوسف :- ايوه فى نفس الوقت اللى طلقتك فيه انا طلقتك كده بس قرصة ودن مش اكتر علشان تعرفى أن الطلاق مش لعبه وكل شويه تطلبيه وتعرفى تحافظى على بيتك وعمى عماد عارف
تمارا :- انا مش تحت مزاجك تطلقنى وقت ما تحب وتردنى ليك وقت ما تحب طلقنى يا يوسف
يوسف :- نعم
تمارا :- بقولك طلقنى
يوسف :- اخد من ايديها البنت واداها لامه وقرب منها وشالها وقال بعد اذنكم يا جماعه
تمارا :- انت بتعمل ايه نزلنى بقولك وطلقنى
يوسف :- مردش عليها ونزل بيها عند العربيه وحطها جوه العربيه وقفل الباب وراح ركب الجنب التانى وشغل العربيه ومشى بيها
تمارا :- نزلنى من العربيه بقولك وقعدت تخبط على الشباك
يوسف :- وهى العربيه ماشيه شدها بأيد واحده فى حضنه وقرب من شفايفها وباسها
تمارا :- قعدت تزق فيه وتبعده عنها معرفتش لفت دراعها حاولين رقابته وعمقت البوسه
يوسف :- وقف العربيه وكمل البوسه وبعد وقت طويل بعد عنها وابتسم وقال بحبك يا مجنونه
تمارا :- اترمت فى حضنه وقالت وانا بحبك اوى
يوسف :- ولما انتى بتحبينى اوى مدوخانى معاكى ليه وحط دراعه على كتفها وشغل العربيه ومشى بيها تانى على الفيلا
تمارا :- فضلت نايمه فى حضنه لحد ما وصلوا الفيلا وطلعوا على اوضتهم
يوسف :- مسك وشها ما بين ايديه وقرب من شفايفها وباسها ومد أيده فى ضهرها وفتح ليها سوستة الفستان ونزله على الأرض
تمارا :- مدت ايديها فتحت ليه زارير القميص وقلعته ليه
يوسف :- ميل عليها وشالها حطها على السرير وقرب منها و(سكتت شهرزاد عن الكلام الغير مباح )
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة بدر
دخلوا الاتنين الشقه وهما مرهقين جدآ من اللى حصل فى الفرح وقعدوا على الكنبه بتعب وبصوا لبعض وقعدوا يضحكوا
رحمه :- اموت اعرف مين ابن الفقريه اللى نبر فى الليله دى
بدر :- وهو بيضحك قال كانت ليله اكشن جدآ يا حبيبتى قر قر مفيش كلام
رحمه :- سيبك انت المهم فى الاخر بقينا مع بعض تحت سقف واحد
بدر :- بصلها بحب وقال عندك حق المهم أن انا وانتى اخيرآ اتجوزنا
رحمه :- بصت ليه بكسوف وقربت من خده وباسته برقه
بدر :- احم طيب يلا ندخل اوضتنا وقام وقف
رحمه :- وقفت وقالت يلا بس هو انت مش هتشيلنى ولا ايه
بدر :- يا حبيبتى اشيل مين هو انا قادر اشيل نفسى امشى يلا ربنا يهديكى
رحمه :- بصت ليه بغيظ ومشيت قدامه واتفاجئت ببدر بيرفعها وبيشلها قالت طيب ما انت قدرت اهو
بدر :- علشان لو كنتى صبرتى كنت هشيلك من غير ما تقولى
رحمه :- لفت دراعها حاولين رقابته وباست خده ونامت على كتفه
بدر :- دخل بيها الاوضه ونزلها على الأرض وبص فى عينيها وقال نورتى حياتى كلها يا عمرى
رحمه :- انا مش مصدقه نفسى أننا خلاص اتجوزنا حاسه نفسى بحلم
بدر :- مسك وشها بين ايديه وقرب من شفايفها وباسها وبعد وقت بعد عنها وقال علشان تتأكدى انك مش بتحلمى
رحمه :- بصت ليه بكسوف وبصت فى الارض
بدر :- مالك مكسوفه ليه مش كنتى هتموتى على بوسه
رحمه :- ضربته على كتفه وقالت بدر بطل غلاسه بقى
بدر :- ده انا النهارده هحققلك كل اللى كان نفسك فيه
رحمه :- تقصد ايه
بدر :- متستعجليش هتعرفى كل حاجه دلوقتى بس نصلى الاول وغمز ليها
رحمه :- ابتسمت ليه بحب وقالت ماشى فك شريط الفستان بقى
بدر :- قعد يضحك
رحمه :- ايه فيه ايه
بدر :- لاء ولا حاجه بس انتى مستعجله اوى
رحمه :- تصدق انك غلس خلاص امشى مش عايزه منك حاجه
بدر :- خلاص خلاص لفى ضهرك
رحمه :- بزعل لاء
بدر :- خلاص بقى يا رحومتى لفى
رحمه :- قولتلك مش عايزه حاجه
بدر :- لف وراه ضهرها ومد أيده علشان يشد شريط الفستان
رحمه :- قولتلك لاء
بدر :- شد رحمه ليه ولف دراعه حاولين وسط رحمه وحضنها من وراه وقال خلاص بقى يا رحومتى كنت بهزر معاكى خلى الليله حلوه وقرب من رقابتها وباسها وبعد عنها وشط شريط الفستان وبدء ضهرها يظهر قرب شفايفه من ضهرها العريان وباسها وقرب من ودنها وقال اكمل ولا تكملى انتى
رحمه :- بعدت عنه بكسوف وقالت ل.ل.لاء هكمل انا
بدر :- قرب من خدها وباسها برقه وقال هدخل اغير هدومى فى الاوضه التانيه واخد هدومه وخرج من الاوضه
رحمه :- بصت عليه وهو خارج وقالت الظاهر كده عندك حق يا بت ندى ده طلع مش سهل خالص قال بيتكسف قال ونزلت الفستان من عليها واخدت قميص نوم قصير ولبسته ولبست فؤقيه الاسدال وخرجت من الاوضه لاقيت بدر خارج من الحمام وهو متوضى دخلت هى كمان اتوضت ورجعت على الاوضه وصلى بدر بيها وقال الدعاء وبص ليها وابتسم وقرب من راسها وباسها وقال
بدر :- ربنا يجعلك ليا زوجه صالحه ويرزقنا بالذريه الصالحه يارب
رحمه :- يارب
بدر :- وقف ومد أيده ليها
رحمه :- مسكت أيده وقامت وقفت قصاده
بدر :- فك الطرحه ليها ورفع الاسدال وقلعه ليها وباس كتفها برقه وبص فى عينيها وقال بحبك
رحمه :- بكسوف ب.ب.بحبك
بدر :- وهو باصص فى عينيها نزل حمالة القميص ونزل الحماله التانيه وقرب من شفايفها وباسها وميل عليها وشالها وحطها على السرير وقرب منها و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعد مرور تلت شهور
صحيت ندى على الم جامد فى ضهرها قامت قعدت على السرير بتعب وحطت ايديها فى ضهرها وخبطت على كتف مالك وقالت
ندى :- بتعب مالك يا مالك
مالك :- امممم
ندى :- قوم بسرعه شكلى بولد
مالك :- نامى يا حبيبتى دى تفاسيح ولاده
ندى :- تفاسيح ايه بقولك بولد ااااه مش قادره
مالك :- تعالى بس نامى فى حضنى وانتى مش هتحسى بحاجه
ندى :- قامت وقفت بوجع وصرخت وقالت حضنك ايه دلوقتى بقولك بولد يا بنى أدم اااااه مش قادره ااااه
مالك :- يخربيت موال كل يوم ده يا بنتى انتى تقريبآ يوميآ بتولدى حرام عليكى يا شيخه ارحمينى بقى انا بقيت انام على نفسى فى الاجتماعات وربنا
ندى :- انت لسه هتتكلم اخلص ااااااه
مالك :- قام من على السرير وهو بيبرطم وميل عليها وشالها
ندى :- انت هتروح كده
مالك :- اه هروح بالشورت عجبك ولا انام واسيبك تولدى وانتى واقفه كده
ندى :- وانا هروح بالترنج
مالك :- بقولك ايه انتى مش رايحه فرح انتى رايحه مستشفى ها امشى ولا لسه هتعترضى على حاجه تانيه
ندى :- ااااه لا امشى بسرعه اااااه
مالك :- نزل بيها وقال ودنى يا ماما بتصرخى فى ودنى يا حبيبتى
ندى :- منك لله يا بعيد انت السبب
مالك :- يخربيت ام البؤق الحمضان ده تبقوا عايزين ووقت ما تيجوا تولدوا تجيبوا الذنب علينا ستات عايزه ضرب النار وحطها فى العربيه وركب عربيته وشغلها وراح على المستشفى حطها فى اوضت الكشف وراح جاب الدكتور وجه ودخل يكشف على ندى وبعد شويه خرج الدكتور وقال
الدكتور :- ولاده
مالك :- وهو بينام على نفسه قال طيب هدخل اخدها واروح ولسه هيدخل
الدكتور :- تخدها وتروح فين بقولك ولاده المدام هتولد
مالك :- بجد يعنى اخيرآ هتولد
الدكتور :- ايوه عن اذنك
مالك :- دخل وقال اخيرآ هتولدى
ندى :- غور من وشي من عايز اشوف وشك
مالك :- نعم يا اختى
ندى :- بكرررررررهك ااااااه
مالك :- وبتكرهينى ليه أن شاءالله
ندى :- انت السبب فى اللى حصلى ده
مالك :- والله وبالنسبه لتيشيرت اللى تعب معاكى ده هو السبب برضه ااه منكم نسوان اه
ندى :- هقتلك يا مالك هقتلللللللك
مالك :- يا شيخه روحى اتنيلى انتى قادره تتحركى
ندى :- هات ايدك يا حبيبى علشان احسن بالأمان
مالك :- ايوه كده ارجعى لطبيعتك وقرب منها ومسك ايديها
ندى :- قربت ايده من شفايفها وعضتها
مالك :- اااااااااه يا بنت العضاضه وشد أيده من بؤقها وبص عليها بألم وقال منك للى اكلت دراع جوزها يا بعيده وقعد ينفخ فيها بألم
ندى :- غور من وشى احسن والله انفجر فى وشك ااااااه وفين الدكتور ابن المضايقه ده يجى يخلصنى ويولدنى بقى ااااااااه
مالك :- اشوف فيكى يوم يا بعيده ربنا على المفترى وخرج من الاوضه ودخلت ندى تولد وكان مالك قلقان عليها جدآ ورايح جاى فى المستشفى والبنات كلهم جم مع جوازهم
تمارا :- ندى عامله ايه
مالك :- تعبانه اوى يا تمارا
يارا :- حطت ايديها على بطنها بخوف وقالت طيب هى ليه بتصوت كده
مالك :- دى من بدرى على كده
رحمه :- طيب ده طبيعى ولا ايه
مالك :- الدكتور بيقولى هو ده الطلق
يارا :- بخوف هى الولاده صعبه اوى كده
انس :- أهدى يا حبيبتى هى ندى مأڤوره شويه
تمارا :- أهدى يا يارا ما احنا اتولدنا كده هو تعب ساعه وبعد كده بتنسى كل حاجه لما يبقى ابنك ما بين ايديكى
يوسف :- حسس على بطن تمارا وقال ربنا يكملك بعقلك يا حبيبتى
مالك :- لاء كلهم بيتجننوا ساعة الولاده أسأل مجرب وشاور على أيده
بدر :- ايه ده وحمه
مالك :- لاء يا ظريف ده ختم النسر
الكل ضحك وخرجت الممرضه ومعها البيبى وقالت
الممرضه :- مين ابو البيبى
مالك :- راح اخده منها وقال ده ابنى
الممرضه :- ايوه مبروك عريس زى القمر
انس :- طيب مامته عامله ايه
الممرضه :- وهى بتضحك قالت هى ضربت نص الدكاتره جوه وهى بتولد بس هى تمام كويسه وشويه وهتدخل اوضتها واخدت البيبى ودخلت بيه الحضانه
الكل بص لبعض وقعدوا يضحكوا وباركوا لمالك وشويه وخرجت ندى من الأوضه والكل دخل عندها
تمارا :- مبروك يا ام صحيح هتسميه ايه
ندى :- حمزه
يوسف :- يتربى فى عزكم يارب
يارا :- بخوف قالت بت يا ندى الولاده بتوجع اوى
ندى :- بتوجع بس دى بتموت والله العظيم
انس :- ايه يا ام حمزه مش كده لاحظى ان هى على وش ولاده بلاش تخوفيها اكتر ما هى مرعوبه لوحدها
ندى :- الله مش بقولها الحقيقه
رحمه :- اتهدى يا بت معاكى اتنين حوامل واحده على وش ولاده والتانيه لسه قدامها شويه
ندى :- والله العظيم داعيت ليكى وانا بولد انك تطلعى حامل الشهر ده
مالك :- ده على اساس ان كان عندك وقت تدعى ده انتى شرحتى الدكاتره جوه انتى داخله تولدى ولا داخله تلعبى مصارعه
ندى :- اعملهم ايه واحد يقولى احزقى والتانى يقول خدى الحزقه لجوه والتالت بيضربنى بكوعه فى بطنى من فوق بيستكتروا عليا جوه ولاد المضايقه
يوسف :- بضحك لاء ده انتى سافرت منك على الاخر
مالك :- علشان تعذرونى ده انا فى معاناااااه
ندى :- وحياة امك
بدر :- الصراحه ربنا معاك وبص لرحمه وقال ومعايا
رحمه :- يا سلام ايه خلاص مبقتش اعجبك
بدر :- لاء ده انتى تعجبى الباشا يا باشا
يوسف :- مش ملاحظ ان دى اختى
بدر :- لاء انت اللى مش واخد بالك انها مراتى
تمارا :- انتوا بتتخنقوا على ايه دى رحمه مستندات
رحمه :- ميرسى يا جماعه اخجلت تواضعاً والله
وفى الوقت ده دخلت ام انس وراحت حضنت ندى وقالت
ام انس :- حمدالله على سلامتك يا بنتى ربنا يجعله بار بيكم يا حبيبتى
ندى :- باست ايديها وقالت ربنا يديكى الصحه ويخليكى لينا يارب
ام انس :- فين حفيدى عايزه اشوفه
انس :- هيجبوه دلوقتى
ام انس :- عقبال ما اشيل ابنك انت كمان يا حبيبى
انس :- باس راسها وقال ربنا يخلينى لينا يارب
وفى الوقت ده جه البيبى واخده من الممرضه ومد أيده بى لام انس
ام انس :- اخدته فى حضنها وباست راسه بحنيه وفى الوقت ده رحمه اغمى عليها الكل طلع يجرى عليها وشالها بدر وخرج يجرى بيها من الاوضه ودخلها اوضه تانيه والدكتور كشف عليها وخرج والكل طلع يجرى عليه
الدكتور :- مبروك المدام حامل
بدر :- وهو مش مصدق نفسه رحمه حامل بجد يا دكتور شكرآ يا دكتور شكرآ ودخل يجرى على الاوضه وقعد جمب رحمه وباس راسها وقال مبروك يا حبيبتى انا مش مصدق نفسى بجد
رحمه :- بفرحه الله يبارك فيك يا حبيبى
يوسف :- مبروك يا رحمه اخيرآ هبقى خالو
رحمه :- بفرحه الله يبارك فيك يا يوسف
تمارا :- هتبقى ام يا مستندات مبروك
رحمه :- الله يبارك فيكى يا مرات اخويا
يارا :- مبروك يا مرات اخويا هبقى ماما قريب وكمان كام شهر هبقى عمتو
رحمه :- ضحكت وقالت اشكرينى بقى علشان هخليكى عمتو الحربايه
يارا :- حربايه فى عينك ده انا هبقى احن عمتو فى الدنيا دى كلها
انس :- ربنا يكملها على خير يارب
بدر :- يارب يا انس ويقوم يارا بالسلامه يارب
مالك :- اجمد يا بطل ده انت داخل على ايام فحلوقى ربنا معاك والله
بدر :- انتم السابقون ونحنوا اللاحقون
والكل قعد ضحك وبعد وقت الكل روح على بيته
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
فى اوضة يوسف وتمارا
كانت نايمه تمارا فى حضن يوسف وسمعت صوت عياط مكه بنت يوسف قامت تجرى وراحت اخدتها من السرير بتاعها وشالتها وقعدت تهزها وتمشى بيها فى الاوضه وتقول
تمارا :- ششش باااس بااس بلاش عياط علشان بابى نايم بس يا حبيبتى بقى ونزلت بيها عملت الرضعه ليها وخرجت من المطبخ
سميحه :- مالها يا حبيبتى
تمارا :- مش عارفه والله يا طنط عملت ليها الرضعه قولت يمكن جعانه بس مش راضيه تخدها معرفش مالها
سميحه :- شكلها عندها مغص هو السن ده كده علطول بيبقى عندهم مغص معندكيش حاجه مهدأه لتقلصات
تمارا :- اه عندى فوق
سميحه :- هاتيها طيب واطلعى هاتيه وخليها معايا كفايه عليكى انتى تعب الحمل
تمارا :- لاء سيبيها يا طنط انا مش تعبانه هطلع اديها بتاع المغص وارضعها وانيمها
سميحه :- ربنا يخليكى يا بنتى ويجزيكى خير
تمارا :- ابتسمت ليها واخدت مكه وطلعت بيها فوق على الاوضه وادتها مهدأ التقلصات ووادتها الرضعه
يوسف :- فتح عينه وبص لتمارا وقال فيه حاجه ولا ايه يا تمارا انتى كويسه يا حبيبتى
تمارا :- ششش وحطت مكه فى السرير بتاعها وهى نايمه وراحت نامت على السرير جمب يوسف وقالت الحمدالله نامت
يوسف :- اخدها فى حضنه وقال معلش يا تمارا تعبك مع بنتى
تمارا :- متقولش كده يا يوسف هزعل منك بجد بنتك تبقى بنتى وانا حبيتها اوى وبحسها انها بنتى من لحمى ودمى
يوسف :- باسها من راسها وقال اصيله والله يا تمارا ربنا يخليكى ليا
تمارا :- انت عارف انا خايفه من امها لما تخلص مدة العقاب فى الحبس تخرج وتخدها منى مش هستحمل بعدها عنى والله
يوسف :- يا بنتى دى على ما تخلص مدة العقاب بتاعتها وتخرج هتكون مكه عروسه وعرفت حقيقة امها الزباله
تمارا :- يارب ما تبعد عنى يارب
يوسف :- يارب يا قلبى طيب بقولك ايه مدام احنا الاتنين صحينا ومكه نايمه ما تيجى
تمارا :- لاء اوعى كده انا عايزه انام
يوسف :- تعالى بس دى فرصه مش هتتعوض وقرب من شفايفها ولسه هيبوسها مكه عيطت
تمارا :- زقته وقامت تجرى شالتها وقعدت تهزها
يوسف :- بص ليهم ونفخ
تمارا :- ضحكت وقالت مش مكتوبه ليك نام احسن وراك شغل الصبح بدرى
يوسف :- لو هتنام استناكى طيب
تمارا :- لاء شكلها ناويه تعملها معايا لصبح نام نام
يوسف :- طيب ما انتى هتنزلى الشغل الصبح ازاى
تمارا :- عادى انا واخده على كده هسهر معها لحد الصبح وبعد كده هى هتنام وانا هنزل الشغل
يوسف :- بس كده تعب عليكى وانتى كمان حامل
تمارا :- متقلقش ربنا بيدينى القوه على قد المجهود نام انت بس ومتشغلش بالك
يوسف :- ماشى تصبحى على خير يا قلبى
تمارا :- وانت من أهله يا حبيبى
ونام يوسف وقعدت تمارا بمكه