![](https://blogger.googleusercontent.com/img/b/R29vZ2xl/AVvXsEh3et0Y8PfWAplhr7RQo-Qzw1ITTmR7MJnS5Ss1L0mQhwzB387WuO5AE-clR_CUilKvG_wUWtTYbrzoV_XyoWdAPFS7gp_YO3lAc8aXbfQPDzCUFw3Ad4f1kWfzzg2jRxpXYXWxLes6YY6QVi2ZwOb3OSSqqZo0j1y1wPwH7PB8qZI1hDB3Kxggmdo-IoZg/s320-rw/FB_IMG_1715201675987.jpg)
رواية سكن الفصل الثاني2بقلم رانيا عماره
لما فتحت عينيا وملقتش حد فضلت انده!..مش يمكن حد بيهزر معايا؟ ولما خرجت من الحمام ملقتش حد في الطُرقه خالص!.. حتى معظم
الأوض مقفوله بالقفل..رجعت أوضتي ونمت على السرير وانا ماسكه موبايلي..و بالصدفه لقيت صاحبتي بتتصل بتسألني
اجيبلك ايه معايا وانا جايه؟..ولسه ببص يمين لمحت حاجه عدت بسرعة الضوء!..ولما اعصابي تعبت مقدرتش ارد عليها.
.فضلت تكلمني وانا مكنتش هنا..وشويه ولقيت حد بيخبط على الباب..اتخضيت.. متعرفش ليه اعصابي بقيت ضعيفه اوي كده!.. لحد ما قومت افتح لقيت بنت لسه جايه
جديد..وعايزه تتعرف عليا بما انها في الاوضة التانيه اللي جنبنا..ابتسمتلها وبدأنا نتعرف وروحت معاها الأوضه بتاعتها وابتدينا نروقها سوا.. وفي وسط كلامنا لقيتها تعبت وقعدت على السرير
..سألتها مالك.. قالت انها عندها هبوط من السفر..جريت على أوضتي اجيبلها عصير وحاجه تاكلها..وبعد مادخلت الأوضه لقيت صاحبتي قاعده بس شكلها متغير..كل مااكلمها
مابتردش.. قاعده على السرير وساكته وبس!.. قفلت عيني وبقيت أقرأ قرآن في سري لحد مافتحت عيني ولقيتها اختفت.. وفي ساعتها اتصلت بيها وسألتها انتي رجعتي؟.. قالتلي لا احنا لسه عندنا محاضرات بس ليه!..قولتلها مفيش
وبعد ماخلصت كلام معاها رجعت لـ زميلتنا اللي لسه جايه جديد..ملقتهاش في الأوضه! روحت نازله للمشرفه وقولتلها هى بنت اللي لسه جايه جديد في اوضه رقم(25)راحت فين؟ قالتلي الأوضه مفيهاش حد..ومتأجرتش لسه!..
اتعصبت وقولتلها ازاي مفيهاش حد.. البنت جات وكلمتني ودخلت انضف معاها الأوضه!..قالتلي هى اسمها ايه؟ وبعد مابصيت في الكشف ملقيتش اسمها..قالتلي تعالي معايا وبالفعل طلعت
معايا فوق وأول ماقربنا من الأوضه لقينا عليها قفل..والقفل عليه خيوط عنكبوت! معنى كده انه مقفول من زمان اوي!
.. ساعتها بصيتلي بصة انتصار اللي هو انا كلامي صح وانتي كنتي بتقاوحي معايا على
الفاضي!.. نزلت المشرفه وسابتني.. وبعد ربع ساعه كان صحباتي رجعوا كنت ببصلهم بصة خوف انتوا هتطلعوا حقيقه ولا زي
كل مره؟..فضلوا يبصولي بإستغراب وسألوني مالك؟.. قولتلهم انتوا مش قولتوا ان عندكم محاضرات ومش هترجعوا دلوقت؟ قالولي ايوه آخر محاضرتين اتلغوا لـ حسن
الحظ.. وقتها قلبي ارتاح ان انا مش هكون لواحدي تاني!..وبعد ماغيروا هدومهم..قعدنا ناكل سوا..كانوا طول القاعده موراهمش غير حكايات عن الدكاتره اللي في الكليه.. وفلانه عملت
وفلانه سويت!..وانا كنت في دنيا تانيه وتايهه مابين أفكاري..سألوني انتي كويسه؟ قولتلهم ايوه وحاولت اتوه الموضوع..شويه ولقيت بنت من البنات اللي جنبنا بتصوت زي ليلة امبارح..
قومنا لقينا البنات كلها ملمومه..والصدمه اللي شوفتها.. كانت البنت سايحه في دمها وشكلها كانت بتحاول تنتحر!..طلعوا المشرفين أول ماسمعوا صويت البنات.. ومسكوا
البنت وفضلوا يحركوها على أمل انها تكون عايشه وفيها الروح..وفي ساعتها اتصلوا بالاسعاف..ولما وصلوا كشفوا على البنت وقالوا انها ماتت..بس لازم تروح الطب الشرعي يتاكدوا من
سبب الوفاه رغم ان كان باين جداً انها محاولة انتحار منها.. ولما سألت بنت من البنات قالوا ان ضهرها كان كله دم..وده اللي خلاهم يودوها الطب الشرعي.. والليله دي كانت ليله قاسيه
علينا كلنا ومحدش فينا كان قادر ينام!..كنا متجمعين احنا التلاته في الأوضه لحد ماسمعنا صويت للمره التالته والمره دي كانت المشرفه بتاعتنا!