رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية عودة الجاحد الفصل الرابع والثلاثون34بقلم الاء الرحمن

هنا دخلت نقاء وسيف في ايدها 

نقاء : مساء الخير 

الكل اتصدم وسيف جري على اطلس : بااااااااااااااااااابا 

اطلس اتصدم جدا وخده في حضنه وهو باص لنقاء بصدمة 

زين بصدمة : ازاي 

اطلس بلهفة: انت كويس 

سيف بفرحة : كويس وواحشني قووي 

اطلس وقف وبص لنقاء بعدم فهم وغموض : ازاي 

نقاء بسخرية : مش انت خدته تدرسه بره انا رجعته بقى اصلي ما اقدرش على بعده 

اطلس بص لوالدته : اهتموا فيه يا امي على ما ارجع 

وشد نقاء معاه وطلع اوضته وزقها جوا الاوضة : ازاااااي اتكلمي وقرب منها بغضب عملتيله ايه عشان يرجعلك سيف هاه ايه المقابل 

نقاء قربت منه وبصت في عينيه : صح انت كنت عايزني اسلمه نفسي واقرب منه مش ده الكلام الي قلته لسهم الصبح

اطلس بغضب وصراخ :اتكلمي بقولك عملتيله ايه ايه المقابل الي ادتيهوله ما تستفزينيش اكتر من كده انا على اخري ما تختبريش صبري

نقاء بصتله بخذلان : لو تعرف انا كنت شايفاك ازاي ودلوقت بقيت في عيني ازاي كنت في عيني حاجة كبيرة قوي يا امير وبدموع لكن دلوقت شايفاك صغير صغير قوي 

اطلس بصلها بغضب وقرب منها بصراخ : لمسك اتكلمي انا على اخري

نقاء بصتله بصدمة وذهول : ده الي يهمك وبصراخ ده الي يهمك انا ما اهمكش للدرجادي خالص 

اطلس لف ظهره ليها وهو متعصب جامد من فكرة انه نقاء بجد سلمت  نفسها لفريد حس انه صغير جدا زي ما قالت نقاء 

اطلس بصلها بغضب : مش عايزك في بيتي فاهمه لمي هدومك ومن الصبح تخرجي من هنا ومن حياتي كلها فاهمه انتي وبص في عنيها بلا تردد انتي طالق يا نقاء

نقاء مسحت دموعها : انت  بتقول ليا انا كده لكن تعرف انت بجد عملت الصح انا  الي غلطانه من الاول انا اسفه  جدا انا الي تعلقت  بانسان اناني شبهك كل العالم شايفاك على حقيقتك وانك ما بتحبنيش حتى والدك شايف ده الا قلبي المغفل شايفك حاجة تانية خالص انا بكرهك بكرهك يا امير ابعد عني وعن حياتي

ومسحت دموعها من تاني

 انا فعلا هخرج من حياتك ومش هرجعلك تاني اوعدك وخد ده وعد من ست حبتك بكل حاجة فيها  يا اطلس  

وسابته ودخلت الحمام غسلت وشها وخرجت كان مش في الاوضه لمت هدومها 

وراحت لاوضة سيف لمت هدومه  

ولسى هتخرج شافها امان بصلها باستغراب 

امان قرب منها : نقاء انتي كويسة 

نقاء بصتله والدموع في عينيها : سيف فين 

امان بقلق : انتي كويسة جاوبيني

نقاء سابته ونزلت عندهم كان الجميع متواجد واطلس باص لناحية البلكونه 

سيف جري على والدته : مااااما 

نقاء حطت الشنط وحضنته ونزلت لمستواه وبصت في عينيه : انت هتمشي معايا دلوقت وانا هفهمك كل حاجة بعدين وبتعب ارجوك ما تسألش حاجة دلوقت ارجوك يا حبيبي 

سيف اومألها بدماغه 

زين لما شاف معاها الشنط وقف وبص لاطلس واطلس لسى على حالته

زين بص لاطلس : على فين واخده شنطك ورايحه فين 

نقاء قربت منه وبصت في عينيه : من اول ما انت جيت وانت كارهني وانا مش عارفة سبب الكره ده ايه لكن انا والله حسيتك والدي مش والد جوزي يمكن انت شايف بعلاقتنا حاجة انا ما كنتش شايفاها لكن انا خلاص هريحك واهو ابنك حررني من العلاقة دي برضاه

والدته : انتي بتقولي ايه ليه يا بنتي حصل ايه المفروض انه ابنكم رجع لازم تتبسطوا وتفرحوا مع بعض 

مريم التزمت الصمت

نقاء بصت ناحية اطلس الي لسى مصدرلها ظهره وبس : سامحوني  وافتكروني بالخير يالله يا سيف 

ولسى هتوصل الباب : استني عندك هنا 

سيف بص لوالده باستغراب من عصبيته الظاهرة على ملامح وشه : عايزة تمشي بالسلامة لكن ابني محدش هيربيه غيري هيفضل تحت حمايتي انا 

نقاء : يعني ايه 

اطلس قرب منها وشد سيف ورى ظهره : يعني ابني هيفضل في بيت ابوه فاهمه ولا لا 

نقاء بقلق : لا انت مش هتعمل كده صح ما اقدرش اعيش من غيره هموت ارجوك 

اطلس بصلها بخزي : انتي موتي اصلا بالنسبالي من النهارده 

زين حط ايده على كتف ابنه : اهدا وما تعملش حاجة تندم عليها 

نقاء هزت دماغها بلا : لا لا انا متت ميت مرة على شان يرجع ليا مش هسمحلك تاخده مني 

اطلس مسك دراعها بغضب : موتي ميت مرة ازاي هاه عملتي ايه عشان يرجع اديتيله ايه هاه عشان يرجعه بعتيله نفسك اديتيه حاجة ليا انا انا بعتيله جسمك 

نقاء ضؤيته بالالم بغضب وقهر كبير : اخرس اخرس مش عايزه اسمعك اخرس 

اطلس بصلها بغضب اكبر وبتهديد : هخليكي تندمي عاليوم ده كتير قوي  اطلعي بره بره 

وشدها من دراعها ورماها بره البيت : مش عايز المح صورتك هنا خالص وابنك تشوفيه بالمحكمة فاهمة وقفل الباب وراها والكل بيعاتبه ومش موافقين على الي عمله معاها وسيف خايف ومريم حاضناه 

نقاء خبطت عالباب جامد عايزة ابنها لكن بلا امل وقلب حجر اتحط لاطلس بدله بالحب الي كان فيه او من الاساس ما كانش حب كان تحدي وبس

نقاء راحت لبيتها ودموعها مش مفارقاها خالص ونامت وهي حاضنه هدوم سيف 

.....................................................................................................................

عند فريد 

راح لبيته وهو تايه للدرجادي نظره واحده من نقاء تخليه بالحالة دي لكن كان خايف عليها لانه عارف تفكير اطلس رايح لفين وهيفتكر نقاء سلمته نفسها وكده هو الي هيكسب نقاء ويظهرلها حبه المدفون لسنين كتيرة قوي

ضربتله مريم 

فريد مسح دمعه نزلت منه ورد عليها 

فريد بابتسامة مصطنعه : مريم وحشتيني قووي 

مريم فضلت ساكتة 

فريد باسنغراب : الوو مريم انتي كويسة 

مريم بدموع صامتة : انت بجد بتحب نقاء وسبب كرهك لاطلس وكرهه ليك نقاء 

فريد اتوتر لكن تمالك نفسه : ايه الهبل ده مهي كانت قدامي طول السنين الي غابها اخوكي ما اتجوزتهاش ليه لو بحبها 

سبب كرهنا لبعض المشفى والبزنس وبس 

مين الي غرس في دماغك الهبل ده 

مريم بدموع : بجد 

فريد : انا لو حبيت حد في حياتي حبيتك انتي وبس انتي الوحيدة الي قلبي دق ليها بحبك يا مريم بحبك اكتر من اي حد 

مريم بابتسامة وخجل : وانا كمان بحبك اوي 

فريد بمكر : لكن صوتك حزين كده ليه 

مريم : مدايقة قوي على نقاء اطلس طردها بره البيت بعد ما جابت سيف وقلها حاجات ما فهمتهاش قلها اديتيله ايه عشان يرجع سيف سلمتيه نفسك وحاجات كده 

فريد وقف بفرحة وصدمة : يعني اطلس طلق نقاء انتي بتهزري 

مريم : والله ده الي حصل انا مدايقة قوي عليها اطلس ما سمحش لسيف يروح معاها وهي محرومة منه بقالها اسابيع انا مدايقة عليها قوي 

فريد : مريم هشوفك بكره يا حبيبتي جالي فون شغل من بره سلام 

وقفل معاها وسجد لله من فرحته وكان دعائه مقتصر على انه نقاء تكون ليه وان ربنا يسامحه  على اي حاجه عملها 

.......................................................................................................................

عند سهم 

فضل مراقب بيت ريم لحد ما اتقفلت الانوار بتاعتها وراح لبيته

دخل اوضته وخد شاور ولما خرج كانت ريتا موجودة ومعاها اتنين قهوة 

ريتا بصتله بحب : اتاخرت يا سهم 

سهم بلا مبالاة : كان عندي شغل اقفلي النور ريتا عايز انام 

ريتا : انا عملت القهوة هتكسفني

سهم بصلها وقعد : اقعدي يا ريتا انا عايز اصلا اتكلم معاكي 

ريتا : اوعى تقلي الطلاق من تاني 

سهم : انا وانتي ما ننفعش لبعض نطلق بالحب كده احسن ما انتي عاملة في روحك كده وشوفي حد تاني تحبيه ويحبك لانك عارفه ومتاكدة انا قلبي مع مين انا بحب ريم وكل حاجة فيا مش شايفة غيرها ومش طالب حد غيرها ارحمي نفسك بقى وارحميني ووقعي على اوراق الطلاق ارجوكي 

ريتا فضلت ساكتة وهي باصه عليه وهو بيشرب قهوته 

سهم ابتدت اعراض الدواء الي حطاهوله تاثر فيه 

ريتا قربت منه : هنطلق بعد ا نقضي اليوم ده مع بعض اوعدك 

وقربت منه وقبلته 

سهم حاول يتمالك نفسه تحت الاغراء بتاعها ومش عارف هو من امتى بيتاثر فيها كده 

ريتا بصت فيه  باغراء ودلع : ما تفكرش بحاجه دلوقت خليك معايا 

وسهم زي اي راجل ما قدرش يقاومها وكان معها جسديا لاول مرة منذ زواجهم

.....................................................................................................

في الصباح 

فاقت نقاء وخدت شاور ولبست هدومها وضربت على فريد 

فريد كان نايم فاق على صوت الفون واستغرب لما شاف اسمها 

رد بلهفة : الو نقاء انتي كويسة 

نقاء مسحت دمعتها : عايزة مساعدة 

فريد عدل نفسه : تأمري وانا انفذ

نقاء بغضب مكتوم: عايزة محامي شاطر يقدر يجيبلي سيف من اطلس

فريد بعدم فهم مصطنع : ليه في ايه 

نقاء : انا واطلس اطلقنا امبارح لكن عايزة كل حاجة رسمية فاهم عايز تساعدني ولا اشوف حد تاني 

فريد : انتي فين دلوقت 

نقاء : في بيتي 

فريد : تمام اعتبري كل حاجة هتحصل زي ما انتي عايزة بالزبط اوعدك 

نقاء : شكرا يا فريد

فريد بابتسامه : وانا في اليوم الي اسعى فيه لطلاقك هههه  لعل وعسى يهتز عرش قلبك ليا وتديني فرصتي

نقاء اتنهدت وقفلت الفون وعيطت كتير قوي لكن حلفت انها هتنتقم من اطلس وهتستغل فريد بده 

زي ما هما لاتنين بيستغلوها وهتقهر اطلس الي اتاكدت انه عمره ما حبها 

فريد خد شاور سريع ولبس بسرعة وراح للمحامي بتاعه 

................................................................................................ 

عند ريم فاقت وبصت للفون واستغربت انه مفيش ولا مكالمة لحد دلوقت من سهم 

قامت بدلت هدومها وطلبت اوبر وراحت المشفى

دخلت مكتبها وبصت لمكتبه وسألت عنه كان لسى ما جاش

ونقاء كذلك واطلس برضه 

جت نور 

نور :صباح الخير يا دكتورة 

ريم بابتسامة : صباح النور يا نور 

نور : هو احنا جايين بدري ولا الدكاترة متاخرين 

هنا جت مريم وامان : صباح الخير

ريم : صباح النور نقاء فين ملهاش بالعادة تتاخر 

امان بص لنور : اضربيلها يا دكتورة 

جت نقاء : مفيش داعي تتضربلي انا موجودة اهو 

مريم قربت منها : انتي كويسة 

نقاء ببرود : انا بخير وبصت لنور فريد جه ولا لسى 

مريم باندفاع : عايزاه في ايه 

نقاء رفعت حاجبها بلا مبالاة ومشيت 

حصلها امان على المكتب : نقاء 

نقاء : لو سمحت مش عايزة اتكلم 

امان : انا متاكد في حاجة غلط اطلس بيحبك اوي وهيرجعك صدقيني 

نقاء : تمام عايز حاجة تاني 

امان بصلها باستغراب من تغيرها معاه 

نقاء : لو سمحت عندي شغل 

امان خرج وهو مصدوم منها ومن اسلوبها الجديد 

...................................................................................................

عند سهم 

فاق كانت ريتا جنبه وافتكر كل الي حصل وقام وكانه اتكهرب وهو مش مصدق الي عمله وبإرادته 

ريتا فاقت على حركته وبصتله واتكلمت بدلع : صباح الخير بيبي 

سهم سابها ودخل خد شاور 

ريتا عدلت نفسها وخدت سيجارة من جنبها وبتبص لأثره بانتشاء ونصر 

خرج سهم وهو متعصب من نفسه قوي 

ريتا قربت منه وحضنته من وسطه وبصت في عينيه : انت راجل اووي 

سهم بعد ايديها عنه واتكلم ببرود : ما تبنيش امال واحلام على الي حصل لحظة ضعف مش هتتكرر 

ريتا بابتسامة : انا راضية بالقليل منك بس ما تسبنيش 

سهم سابها وخرج صبح على والدته وخرج عالمشفى 

دخل مكتبه ولغى كل العيانين بتوعه 

............................................................................

عند اطلس 

ما نامش اصلا فضل فايق وهو مش عارف هو اتهمها بالباطل في وقت غضب ولا هي فعلا عملت كده 

وفريد ازاي هيستغل الفرصة دي ولا هو قاصد يرجع سيف على شان يشكك بينه وبين مراته وهو صاحبه وعارف بيفكر ازاي وحصل الي عايزه 

ونقاء معقول هتسامحه بعد الي عمله  والموقف البشع الي وقعها فيه 

خبط عليه والده ودخل 

زين : بتفكر بايه  

اطلس فضل ساكت 

زين : لو بتفكر بانك ظلمتها فانت فعلا ظلمتها ولو بتفكر ترجعها انا مش هسمحلك 

عيش حياتك واختار حد تاني بعيد عن المشاكل تعيش معاه فاهم ارحم نفسك وارحمنا خلاص 

اطلس بغضب مكتوم : عايز اتأكد لو لمسها عايز اتأكد لوسلمته نفسها 

زين : وهتستفيد ايه

اطلس: ادمرهم لاتنين انهيهم 

زين بغضب : ما تعيش حياتك وتسيبها ان شاء الله تولع انا مش هخسرك من تاني مش هخسرك فاهم 

اطلس سابه وخرج راح للمشفى يفرغ غضبه هناك 

دخل مكتبه وسأل عنها قاللوله انها موجودة وفريد برضه 

اطلس ضرب على فريد : تعال مكتبي دلوقت 

فريد قفل معاه واتعمد يعلي صوته قدام مكتب نقاء وعمل روحه بيكلم اطلس 

اطلس انا جايلك حالا انا مش فاهم انت بتتكلم عن ايه الوو الووو 

فريد دخل عليه  وهو متاكد انه نقاء خلف الباب  واتكلم ببرود : عايز ايه اتفضل

اطلس وقف وقرب منه : سيف كان فين ورجع ازاي 

فريد بضحكة ما عدتش زاوية فمه : ما اعرفش ليه هو ابنك رجع مبروك 

اطلس مسكه من قميصه وبصله بغضب : كان ايه المقابل نقاء اديتك ايه عشان ترجع ابنها 

فريد نزع ايده منه وبصله بسخرية : ما تستاهلهاش والله ما تستاهلها نقاء انظف من انك تقول عنها كده وتتهمها بده 

اطلس بغضب : ما تستفزنيش يا فريد رجعته ازاي 

فريد بسخرية : خليك كده طول عمرك شكاك واناني الشك هياكلك نقاء تستاهل حد يصونها وبس عايز تعرف نقاء ادتني ايه عشان ابنها يرجع هه ادتني بصه ودمعه من عينيها الي ما تستاهلش تشوف غير الفرح وبس ده الي ادتهولي نقاء تعرف لو هي مراتي عمري ما افكر فيها بالوساخه دي 

اطلس قرب منه بغضب : وعمرك ما هطولها عارف ليه لانها بتعشق التراب الي بمشي عليه وحتى لو اطلقنا انت اخر واحد ممكن تفكر فيك عارف ليه لانها ما اخترتكيش زمان وانت كنت هتموت عليها وما اختارتكيش وانا غايب ومش هتختارك دلوقت انت راجل مقرف صدقني محدش هيقدر يحبك خالص 

نقاء عمرها ما هتطلع من دائرتي ابدا 

فريد بغضب مكتوب : وحتى لو ما وافقتش تتجوزني كفاية عليا اني اشوفها بعيدة عن حقير ما بيحبش غير نفسه وبس 

نقاء اول ما حست انه هيخرج جريت على مكتبها والكره لاطلس بيزيد جواها

فريد اول ما خرج من عنده اتنفس بارتياح واتاكد انه نقاء سمعت كل الكلام الي اتقال راح مكتبه 

.................................................................................................

عند ريم استغربت انه سهم جه وما بصش عليها حتى خافت يكون تعبان ولا حاجة اتحججت بانه هو المشرف بتاعها 

وخبطت على الباب 

سهم بغضب : مش عايز اشوف حد 

لكن ريم كانت فتحت الباب واستغربت صراخه بالعاده سهم رايق جدا 

سهم بص للباب الي اتفتح وفي الحقيقة ريم اخر وحده عايز يشوفها النهاردة 

ريم بقلق : انت كويس في حاجة 

سهم بغضب : عايزة ايه انا قولت مش عايز اشوف حد 

ريم بدموع اتحجرت بعنيها من صراخه : انا بس كنت 

سهم بصراخ : ما بسش اطلعي بره 

ولسى هتخرج دخلت ريتا : صباح الخير 

وبصت لريم : ازيك يا ريم 

ريم اومأتلها بدماغها ولسى هتخرج كانت ريتا متعمده تجيب شعرها لجنب واحد وظهرها باين ومليه تصبغات جسدية 

ريم بعدم تصديق بصت لهم ولريتا وظهرها ومحبتش تصدق وسألتها 

ريتا هو ايه الي بظهرك ده انتي اتخبطتي باين 

ريتا بصت باصطناع في مراية المكتب : اوووه انا اسفة جدا ورجعت شعرها على ظهرها 

وبصت وقربت من سهم :الظاهر انه سهم كان بيرسم على كتفي بالليل هههههههه

ريم بصت لسهم المتعصب ودموعها فضحتها وحاولت تكابر على قد ما تقدر وجريت على مكتبها كانت نقاء موجودة عندها 

سهم بغضب : ايه الوقاحة والحقارة الي عملتيها دي ايه القرف ده 

ريتا ببراءة مصطنعه : وانا عملت ايه هي الي مركزة معايا قوي 

سهم خبط الكرسي بالارض : اطلعي بره لاشوه وشك ده دلوقت بره 

دخل اطلس عالصوت : في ايه 

ريتا جريت من عنده 

اطلس : سهم في ايه مالك 

سهم بصله بغضب من نفسه : خنتها انا خنت ريم وهي عرفت كمان 

اطلس باستغراب : انت ازاي وميت اوعى تكون ريتا

سهم هزله دماغه 

اطلس : بتهزر صح ما هي مراتك زي ريم بالزبط وماله لما تمارس حقك الشرعي معاها ما تجمد يله 

سهم بصله بغضب : انت تغيرت اووي يا اطلس اوي احيانا بقيت احس انه فريد معاه حق في بعض تصرفاته معاك

              الفصل الخامس والثلاثون من هنا 

لقراءة باقي الفصول من هنا

   

تعديل المقال