رواية الروح المنكسره
الفصل الثامن8
بقلم لولو وائل
وخرجت روح من السجن بعد فتره وقابلت الشابان لتعرف المطلوب منها
روح:اتفضل عايز منى اى
كرم:فى تاجر مخدرات وسلاح بيخبى أعماله المشبوهه بشغل وصفقات كبيره احنا بقى عايزينك تدورى على حاجه تثبت بإنه بيتاجر علشان نعرف نقبض عليه
روح:وده مين ده وهدخل عنده ازاى
كرم:هتشتغلى عنده سكرتيره هتبقى السكرتيره الخاص بيه هو دلوقتى عامله مقابلات وانتى هتروحى تقدمى وانا عارفه انك معاكى لغات كتيره
روح:تمام
هشام:خدى التليفون ده ده الى هتتوصلى معانا بيه
روح:ماشى
وعلمت نور بخروج روح وقالت لها أن تبقى لديها بالفيلا ولكن رفضت وقالت لها انها سوف تذهب إلى منزل والدها وأرسلت نور أشخاص لينظفو منزل روح حتى أصبح جاهز وعندما وصلت اليه روح كان نظيف ابدلت روح ملابسها وذهبت لمقابلة العمل
اخذت سياره وذهب الى الشركه وعندما وصلت وجدت الكثير من البنات هناك لهذه الوظيفه لكن بملابس جريئه جدا ومنهم بملابس جيده وجلست وتنتظر دورها حتى وجدت فتاه خارجه تبكى خافت كثيرا ان ترفض فى هذه الوظيفه وبعد وقت اتى دورها وذهبت الى الداخل
•••••••••••••••
سليم:اسمك اى
روح فى بالها:طب اعمل اى دلوقتى انا خايفه الاسم الى حطته نور يتكشف مش عارفه ليه غيرت أسمى هو كده كده ميعرفنيش ربنا يستر
سليم:يا انسه كل ده علشان سألتك اسمك اى هو السؤال صعب اوى كده
روح:انا أسمى حور
سليم:ماشى ياحور اى المؤهلات الى معاكى
روح:ده السى فى بتاعى
سليم:مم معاكى لغات كتير
روح:اه معايا انجليزى وفرنسى والمانى وايطالى واسبانى
سليم:تمام انتى اتعينتى
روح بصدمه :بسرعه دى
سليم:لو مش عايزه الوظيفه خلاص
روح:لا عايزاها طب وهبدا من امتى
سليم:من بكره تكونى عندى الساعه 8 مش بحب التأخير تمام
روح:تمام
وذهبت روح وهى تشعر بالخوف والفرح لانها لاتعرف هل سوف تعانى من هذه الوظيفه ام لا
سليم:يارا مشى الباقى الى برا ومعلش هتيجى بكره تعلمى البنت هتعمل اى وبعدين تقدرى تمشى
يارا:تمام
يوسف:هاا يا سليم عينت حد ولا لسه انا لقيت كذا بنت خارجه معيطه
سليم:اه عينت بنت مؤهلاتها كويسه جدا
يوسف:طب كويس اومال شكلك مش على بعضك ليه
سليم:مش عارف بس البنت الى كانت قدامى لما سألتها انتى اسمك اى قعدت كتير عقبال ما ردت لكن باقى الاسئله ردت بسرعه كأنها كانت بتكدب عليه وبتألف اسم
يوسف:لا يعم مش للدرجه هتألف عليك اسم ليه هو انت كنت عدوها
سليم:لازم نتأكد احتياطي
يوسف:ماشى
••••••••••••••••
روح:نور يا نوررر
نور:روحى علمتى اى فى المقابله
روح:اتقبلت
نور:طب حلو اوى اومال شكلك مش مبسوط ليه اى الى حصل
روح:انا حاسه ان فى حاجه غلط يا نور مش مصدقه الراجل الى بيقولى مهمه وطنيه والراجل الى قدمت معاه علشان ابقى السكرتيره بتاعته باين عليه راجل عادى مش بتاع مخدرات ولا حاجه
نور:ومين قالك اصلا ان الى بيتاجرو بيبينو ده اكيد لازم يخفو كل ده بسهوله علشان يخلى الناس تصدق انها ناس نضيفه وكويسين زى ما انتى صدقتى كده
روح:عندك حق طب ليه خلتينى اغير أسمى وغيرتى أسمى فى السى فى اى لازمت كل ده وهو كده كده ميعرفنيش
نور:احتياطي افرضى فكر يدور على الماضى بتاعك هتعملى اى
روح:عندك حق طيب انا هروح بقى علشان تعبانه اوى بجد
نور:متباتى معايا تعالى نامى فى حضنى اى رايك زى ما كنا بنعمل
روح:ماشى انتو صح فراحكو امتى
نور:احنا اتجوزنا لما انتى كنتى فى السجن
روح:ازاى اومال لى لما كنت بسألك بتقولى خطيبى
نور:احنا اتجوزنا وعزمنا صحابو وصحابي وشوايه من القرايب لان اهلى مرضيوش انى ارجع البيت وانا مكنش ينفع اعيش مع عمر كده من غير جواز علشان كدا اتجوزنا
روح:احسن قرار اخدتو الناس مش بتسكت ابدا
نور:اهم حاجه انك متكونيش زعلانه منى
روح:لا مش زعلانه متخافيش انا هروح البيت بقى علشان انام
نور:مش قولنا هنبات مع بعض
روح:لاعلشان خاطر جوزك يأخد راحته وانا اخد راحتى معلش
نور:مش عمر ده اخوكى برضو
روح:نور انا كده مرتاحه معلش
نور:ماشى على راحتك
ذهبت روح الى منزل والدها
••••••••••••
روح:مش مصدقه انى خلصت من السجن وهمه بجد يارب الايام الجايه تبقى كويسه ومفهاش مشاكل
ونامت روح من التعب وبداية يوم جديد
روح بنوم:يلهوى الساعه ٧ونص لازم اللحق اروح قبل ٨
واستيقظت روح واغتسلت وادت فريضتها وارتدت ملابسها بسرعه وذهبت الى الشركه
••••••••••••
يوسف:اى يا سليم متأخر يعنى مش عوايدك
سليم:انا اتأخرت قصد علشان عايز اعرف هى هتوصل بدرى ولا لا الإنسان بيبان من اول يوم
يوسف:طيب يلا
ووصلت روح الى الشركه
روح:الحمدلله وصلت قبل معادى ب٥ دقايق
وذهبت الى المكتب ووجدت يارا وبدأت تعلمها ما المطلوب فعله الى ان وصل المدير
سليم:يارا تعالى على مكتبى عايزك
يارا:تمام اشتغلى انتى ياحور على دول وانا هجيلك تانى
روح:تمام
••••••••••••••••
سليم:هى حور
يارا بمقاطعه:والله مانت سأل حور جايه قبل معادها بخمس دقايق وكنت بعلمها عقبال ما حضرتك تيجى تكمل معاها علشان أمشى بقى
سليم:انتى حفظتى كل حاجه للدرجاتى
يارا:دول مش كان يوم اتعملت فيهم مع حضرتك ده كام سنه
سليم:ماشى يا يارا تقدرى تروحى خلاص كده دورك خلص بس نادى على حور قبل ما تمشى
يارا:ماشى
وذهبت يارا وفعلت ما طلبه منها مديرها وبعدها ذهبت خارج الشركه
••••••••••••••
روح:حضرتك طلبتني
سليم:اقعدى يا حور لازم تفهمي كويس اوى اننا عندنا قواعد وأهم حاجه منها بلاش تأخير تمام
روح:تمام
سليم:انا هعلمك بقيت الشغل الى بدأتوا معاكى يارا ماشى
روح:تمام
••••••••••••••
عمر:مالك يا نور
نور:حاسه ان روح زعلانه منى
عمر:زعلانه ليه
نور:انا قولتلها اننا اتجوزنا حسيتها زعلت اننا خبينا عنها
عمر:قولتلك قوليلها انتى الى قولتى لا اى الى كان هيحصل لو عرفت فى السجن
نور:أنت عارف ان كل لما بتيجى فرصه علشان اقولها بتحصل مشاكل وملحقتش اقولها اعمل اى
عمر:خلاص اهدى طيب روح عاقله وهتفهم موقفك واكيد مش هتزعل منك
نور:طب هى مرديتش تبات معايا ليه امبارح
عمر:يابنتى هى تعبانه اكيد عايزه ترتاح سيبها براحتها اى المشكله متعمليش مشكله من لا شئ
نور:حاضر
••••••••••••••
سليم:بس يا ستى كده كل حاجه عرفتيها تقدرى بقى تبدأى شغل علشان عندنا اجتماع مع وفد روسى
نور:تمام
سليم:تقدرى تخرجى دلوقتى وابعتيلى يوسف
نور:تمام
خرجت نور وفعلت كما طلب منها سليم
يوسف:كنت عايزنى فى اى
سليم:المترجم مجاش ليه لحد دلوقتى
يوسف:مهو بصراحه
سليم:فى اى يا يوسف
يوسف:هو مش هيجى
سليم:نعم اومال مين الى هيترجم امى
يوسف:اى ده هى امك بتعرف تتكلم روسى
سليم:احنا هنهزر هنعمل اى دلوقتى فى المشكله دى
يوسف:مش عارف
•••••••••••
روح:سليم بيه
سليم:نعم يا حور
روح:الوفد الروسى وصل
يوسف:ابلع