رواية احتواء القاسي
الفصل الواحد والخمسون 51
بقلم سوسو تويكس
بكري بقا يهدي فيني قعدني في كرسي جابو من المراسي القدام السوبر ماركت، قال:غسلي وشك بالمويه واهدي شويه عشان نحصل الجماعه ديل فاتو المسشتفا_ولا رديت عليهو لسه مواصله في نواحي فتح باقه المويه وغسل لي وشي مسك يديني وهو بقول :الموت حق يا لينه، وكلنا راجعين لي الله و ح نلاقي نفس المصير و انت... _بقيت ما سامعاهو وانا اصلا ما كنت سامعه وقت شميت ريحة عطر ايي ده ياهو زاتو نفس العطر الادمنتو، سكتا بكري وانا بقول بجنون :هسسس اسكت دقيقه، شامي ريحة العطر ده معتصم زاتو اييي معتصم معناها ما مات_بكري:يا لينه استهدي بالله انت... _سكتو وانا بقول :شوف داك منو_من بين الزحمه لمحتا واحد ايي ياهو نفس الملامح والعيون الناعسه والصوت المبحوح نفس كلو شي ده ياهو زاتو معتصم كان واقف بسأل في الناس بخوف واضح ما قدرتا اسمعو بقول في شنو من خلعك الفرحه كوركتا بأعلى حسي :معتتتصصم_التفت علي بفرحة تاني نظرتو اتغيرت وهو جاي علي عاينتا لمكان ما بعاين لقيت بكري الكان ماسك يديني لسه وهو مصدوم، ثواني وليقتو قدامي، وقفتا كده بس جيت واقعه ما عارفه اذا ده من حقنه المهداء ولا من خلعك فرحتي انو لسه عايش ما حسيت بنفسي الا وانا في الهوا لقيت معتصم رفعني سمعت صوتو من بعيد وهو بقول لي بنظرة لو ما كنا في الوضع ده كان عملتها في نفسي من الخوف :كويس تاني بكري صاح؟ اصبري بس لينا حساب مع بعض _غمضتا عيوني بابتسامه وانا بحاوط رقبتو بيديني عشان اتأكد ان ما حلم وتاني ما حسيت بشي.....