رواية احتواء القاسي
الفصل السابع7
بقلم سوسو تويكس
بلسان:بالعصر كنت سايق جاي على البيت لقيت مكالمه من لينه في الاول رفضتا ارد مش قالت ما عندي بيها شغله لكن وقت اتصلت تاتي رديت وجاني صوتها وهي بتقول:غسان انت بتقرب لشنو، معتصم الحقني م.._الخط قطع وقلبي طلع من محلو حاولتا اتصل ليها تاني بس ماف رد بقيت اضرب في العربيه بي غضب ومن فكرة انو يحصل ليها شي لقيت رساله وكانت عن موقع عرفتا انو دي هي الرسلتو دورنا العربيه وانا سايق بسرعه لانو الموقع ما كان بعيد عني_بلسان لينه:وقت شافني عايزه ارسل اللوكيشن لي معتصم قلع مني التلفون بس الرساله مشت أنشأ الله معتصم يقراها ويصل بسرعه، بحاول اكسب وقت بقيت افلقو بي أي حاجه جمبي وانا قلبي حاسه بيهو في حلقي من الخوف بقيت اصرخ وانا شايفه وصل لعندي، ببكي وبترجاهو عشان يبعد ومن الخوف حيلي مات عديل غمصتا عيوني بخوف وقت حسيتو قرب اكتر لزيتو وانا بقول:حرام عليك يا غسان مش كنت بتقول انا زي اختك، طيب ترضى يحصل لي اخواتك كده_ضحك بسخريه وهو بقول:اخواتي بطلعو بي ملابس محتشمه وشعرهم ما بكون كاشف زيك، ولا بمسشو مع الاولاد وبدخل بيوتهم عادي، انا عارف تربيتهم، لكن انتي بأفعالك دي وعايز اني اشوفك زي اختي ههه بالجد بتضحكي، انا ح أخد العايزو منك اذا رضيتي او لا_لزيتو وانا بجري على باب الصاله بس لقيتو مقفول، بقيت اصرخ صدمني بكف لمن وقعتا قلع بالطرحه وانا خلاص بقيت ارجف من الخوف، في اللحظه دي بس اتذكرتا كلام معتصم كلو ولي قالي السودان ما زي أمريكا ولقدام ح تعرفي، بقيت اتمتم بكلام ما مفهوم من البكا وصرختا زياده لمن شرط يد القميص، املي في انو معتصم يجي انتها اكيد ما ح يجي انا سمعتو كلام قاسي جدا وطلبتا ما يدخل في حياتي اكيد ما ح يجي، همستا بين دموعي :يالله ساعدني وينك يا معتصم.....
يتبع