رواية حلم واقع الفصل السابع والعشرون27والثامن والعشرون28بقلم رانيا عماره
_قومي ياروح امك من هنا
عبير:وانا اقوم ليه؟؟
_انا كيفي كده، قومي فزي طولك
عبير:وانا مش هقوم عندك اماكن كتير فاضيه
_يعني مش هتقومي
عبير:مش هقوم
_طيب تعاليلي
وراحت ضارباها في بطنها جامد والناس فضلوا يسلكوا مابينهم لحد ماسابتها
_ماشي ياروح امك هتروحي مني فين
=تعالي بس سيبك منها دي شكلها جديده هنا
ومشيت وعبير بتبص لقيت الدم نازل علي رجليها
عبير(بصويت) :اااااااااااه
وراحت واقعه في الأرض وخدوها علي مستشفى السجن
عند حنان كانت صاحيه طول الليل عماله تفكر ومستغربه ان كل ده يحصلهم وهما واخدين بالهم كويس اوي لحد ما ماجده خرجت
ماجده:لولا الـ انا فيه لـ كنت قطعت رقبتها
حنان:بتتكلمي عن مين
ماجده:هو في غيرها الـ يعمل العمله دي
حنان:قصدك عبير؟
ماجده:اه بقي البت تقلب السحر عليا بقي ماجده يحصل فيها كل ده بسبب بت متسواش
حنان:وانتي إيه دليلك انها هي
ماجده:قلبي حاسس وانا قلبي مبيكدبش علي العموم انا عملت الصح معاها
حنان:عملتي معاها ايه انا مش فاهمه حاجه
ماجده:بعتلها واحده عدمتها العافيه
حنان:تستاهلها
ماجده:دي تستاهل قطم رقبتها اما قوليلي مالك يابت ضاربه بوز ليه
حنان:ابداا مفيش يادوب صبري جه ورمي عليا يمين الطلاق
ماجده :يامصيبتي؟ وده حصل امتي
حنان:امبارح بس انا مسكتلوش وعرفته مقامه
ماجده(بـ زعيق) :هو بعد الـ انتي استحملتيه معاه له عين يطلقك
حنان:كان له عين بس انا خزوقتهاله عموما الـ بيجي عليا مابيكسبش
ماجده:ولا تزعلي نفسك ياحنان راح قرد يجي مكانه غزال يابت مانا اتطلقت واتجوزت هو اه انا مكنش ليا حظ في ولا واحد بس انا متأكده انك ليكي وهتعوضي الـ امك معوضتهوش زمان
حنان:ومالك بتتكلمي بـ ثقه كده ليه كأن في عريس يعني
ماجده:مفيش بس قريب هيبقي في ده انا يابت نفسي اشيل عيالك
حنان:يلا هنعمل ايه اهو نصيب
عند تيم وياسر والمحامي راحوا القسم بالأوراق الـ جهزوها
الظابط:انت المحامي؟
المحامي:ايوه يافندم
وسحب منه الاوراق وبدأ يبص فيها
ياسر:احنا لازم نتحرك في اقرب وقت
الظابط:واحنا هنبدأ نتحرك بس لازم نلاقي طرف الخيط الاول
تيم:حضرتك في واحد احنا نعرفه معرفه شخصيه هو شغال مع فتحي بس في مكان غير الـ هو فيه حاليا ممكن نستعين بيه
الظابط:انا محتاجه يجي ضروري
ياسر:انا هتصل بيه
وقام بعيد واتصل بـ طليق حنان
ياسر(بصوت واطي) :صبري بقولك تعالالي حالا في قسم مصر الجديده
صبري(بـ توتر) :ليه في ايه؟ في حاجه حصلت
ياسر:تعالي متخافش
صبري(بـ توتر) :ماهو اصل اصل.. اصل
ياسر:في ايه انت هنجت؟ بقولك متخافش احنا عايزينك في مهمه جديده
صبري:انا هاجي علي ضمانتك وكلي ثقه فيك خايفك تغدر بيا لعدم اللمؤاخذه
ياسر:بقولك تعالي وانا لو عايز اغدر بيك كنت غدرت بيك من بدري.. تعالي ياصبري متقلقش
صبري(بتفكير) :انا مقتلتش حد
ياسر:وهو حد قال انك قتلت حد انا بقولك عايزينك في مهمه جديده اخدمنا شويه علشان تاخد حقك وانت مرتاح
صبري:وهتديني كام بعد كل المرمطه دي
ياسر:هديك الـ انت عايزوا بس تعالي
صبري:مسافه الطريق واكون عندك سلام
ياسر:مستنيك سلام.. صبري جاي في الطريق
عند منال وجده تيم في تركيا 🇹🇷
لقوا الباب بيخبط فـ منال فتحت لقيت بنت من سن لين بنتها وشها بشوش
علياء(بـ ابتسامه) :حضرتك طنط منال؟
منال(بإستغراب) :ايوه انا، انتي تعرفيني؟
جده تيم:مين الـ علي الباب
منال:مش عارفه.. انتي مين ياحبيبتي؟
علياء:انا زميله لين بنت حضرتك كنا شغالين مع بعض لما كانت هنا وقضينا مع بعض ايام حلوه ولما كلمتها وعرفت ان حضرتك هنا اصريت اجي اتعرف عليكي
منال:كلك خير حتي انا اول ماشوفتك حاسه اني اعرفك من زمان طيب اتفضلي
علياء(بتدخل) :متشكره لـ حضرتك
جده تيم(بتخرج) :مين الحلوه دي؟
منال:دي زميله لين واول ماعرفت اننا هنا صممت تيجي تسلم علينا
جده تيم :كلك خير ياحبيبتي اتفضلي اقعدي
علياء:متشكره
جده تيم:قولولي تحبي تشربي ايه؟
علياء:لا ولا اي حاجة ياطنط
منال:ازاي احنا بيت كرم والـ يدخل عندنا لازم نعمل معاه الواجب وبـ زياده
علياء:خلاص قهوه زياده
منال:احلي قهوه زياده منوره الدنيا
جده تيم:لا يامنال سيبيها عليا انا عليا فنجان قهوه انما ايه.. اقعدي انتي وارتاحي وانا هدخل اخلصه وجايه
منال:مش عايزه اتعبك ياحبيبتي
جده تيم:هو انا أطول اتعبلكم يلا انا داخله
*ودخلت تعملهم القهوه*
منال:اما اتصل بـ لين ده والله ماكلمتها بقالي يومين الرصيد كان خلصان ولسه شاحنه دي هتفرح اوي لما تعرف انك جيتي واتقابلنا
علياء(بـ إبتسامه) :اكيد ياطنط دي فرصه سعيده اني قابلتك
منال(بـ إبتسامه) :حبيبتي انا اسعد
*وطلعت الموبايل واتصلت بـ لين*
منال(بـ استغراب) :غريبه مش بترد!
*ورجعت اتصلت تاني وكل مره مش بترد*
علياء:يمكن لين في مشوار او نايمه دلوقت
منال:بترد عليا في اي وقت واي مكان عمرها ماعملتها
*واتصلت علي تيم كان في الوقت ده لسه في القسم*
منال:الو ازيك ياتيم يابني عامل ايه؟
تيم(بـ حزن) :ازي حضرتك
منال:اما انا بتصل بـ لين فوق الـ ١٠مرات مش بترد ليه؟ هي معاك؟ ولا عندكم شغل؟
تيم(بـ حزن) :لين في مشوار
منال(قلبها حاسس) :علفكرا لين مش كويسه لين فيها حاجه وانت بتكدب!! تيم ارجوك ريحني وعرفني لين فين؟ لين كويسه صح؟
تيم(متردد يتكلم) :لين كويسه
منال:بس صوتك بيقول غير كده! لين فيها حاجه انا قلبي حاسس
تيم(بـ حزن) :فتحي خطف لين
منال(بتقف مصدومه) :انت بتقول ايه؟؟؟ لين بنتي انا؟؟؟ لين!! دي لين بنتي عارف يعني ايه
تيم:اهدي ياطنط ارجوكي انا اعصابي تعبانه ومش عارف اعمل ايه
منال(بـ زعيق) :وانت كنت فين لما هي اتخطفت؟؟ ده الـ عندكم شغل! انا الـ غلطانه اسيب بيتي وحياتي واجي هنا في آخر الدنيا بعيد عن بنتي اهي بنتي هتروح مني هتروووح
علياء(بتطبطب عليها) : اهدي ياطنط شويه
جده تيم(مستغربه) :مالك يامنال بتزعقي كده ليه؟ ايه الـ حصل
منال(منهاره) :في ان البيه تيم حفيدك ضيع بنتي ومحافظش عليها
جده تيم:ضيعها؟ انا مش فاهمه حاجه
منال(منهاره) :اسمع ياتيم انا راجعه علي مصر في اقرب وقت وبنتي لو مرجعتش لـ حضني هوديكم في ستين داهيه فااااهم؟؟؟
*ورميت الموبايل ودخلت الاوضه تعيط وجده تيم خدت الموبايل تكلمه وتفهم*
جده تيم:في ايه يابني؟؟
تيم:مفيش حاجه ياتيته اقفلي دلوقت علشان اعصابي مشدوده
عند عبير خدوها علي مستشفى السجن ودخلوها العمليات وخرجت لقيت نفسها نايمه علي السرير في المستشفى
عبير(بـ تعب شديد) :استنى هنا.. انا حصلي ايه؟
الممرضه(متردده) :الحقيقه انك اتعرضتي لـ نزيف قوي سببلك اجهاض
عبير(بـ صويت) :لااااااا قولي انك بتهزري!! انا.. انا كنت مرتبه حاجات كتير عليه!! كنت مستنياه يكبر ويجي للدنيا اربيه من الاول وجديد!! ونعيش حياه جديده مع بعض!! قولي انك بتهزري لااااااا (وبقيت تعيط)
الممرضه(بـ حزن) :ربنا يعوضك خير
وخدت نفسها ومشيت وعبير كانت منهاره
عند تيم وياسر في القسم كان صبري وصل ودخلهم جوا
صبري:السلامو عليكو ياباشا
الظابط:انت صبري؟
صبري:ايوه ياباشا
*وكان تيم وياسر بيبصوله*
الظابط:جالي معلومات انك شغال مع فتحي
صبري:ايوه شغال معاه
الظابط:بتشتغلوا ايه؟
صبري:بيني وبينك ياباشا انا بكنس وانضف المخزن بتاع فتحي مليش اكتر من كده بس فتحي دايما يقولي اوعي تفتح الكراتين انت ملكش غير انك تنضف وبس والصراحه انا الفضول كان هيموتني روحت فاتح منهم كرتونه الـ علي الوش فل الفل انما المصيبه كلها فـ الـ متداري تحت
الظابط:ايه هو الـ متداري تحت؟
صبري:حشيش وبودره وحاجات اللهم احفظنا والـ اتضحلي ان فتحي موت شباب كتير بسبب السم الـ بيدهولهم شوف حرق كام قلب ام
الظابط:تمام وانت ايه دليلك؟
صبري:وهي دي تيجي برضه انا عامل حسابي
ياسر:وريله ياصبري
وراح مطلع الموبايل وموريله الفيديو
الظابط:وانت خدت اذن من النيابه بالتصوير؟
صبري:وهو انا لازم اخد ماهو اصل ياباشا الحاجات دي لازم تتلحق في ساعتها لان فتحي مراقبني ولو شم خبر ان انا هوبت ناحيه القسم هيغير كل ده في دقايق معدوده
الظابط:انت عارف الـ عملته ده هيخليني اعمل معاك ايه؟
ياسر:اسف علي التدخل بس الشرطه في خدمه الشعب واحنا طالبين من حضرتك خدمه
تيم:ياسر عنده حق لازم حضرتك تعذرنا وتقدر موقفنا
الظابط:دي قوانين لازم نلتزم بيها عموما انا عايزك يااستاذ صبري تروح لـ فتحي في المكان الـ هو فيه دلوقت وهتاخد دي وتديها لـ الانسه المخطوفه تحطها في هدومها
ياسر:احنا محتاجين اتنين لان ساره مخطوفه مع لين ووارد جدا ان فتحي يفرقهم عن بعض
الظابط:كلام موزون
واداله كمان واحده
الظابط:ده جهاز تتبع حجمه صغير محدش هيحس بيه بس الأذكي انك تعمل كل ده من غير ماحد يحس ولا يشك فيك
تيم:متقلقش على صبري هو متعود على كده
*ولما خرجوا صبري خد المحامي علي جنب*
صبري:انا عايز ارفع قضيه طلاق ومحتاجك معايا
المحامي:مادام من طرف ياسر يبقي عينيا ليك
صبري:الله يخليك كلك كرم يلا بالاذن انا
عند منال كانت دخلت اوضتها ولمت كل الهدوم وكانت مرعوبه على لين بنتها حتى جده تيم لمت حاجتها وحجزوا تذكرتين رجوع لـ مصر
منال:الطياره باقي عليها 6 ساعات انا هاخد الشنط وهستني في المطار
علياء(بـ خوف) :ابقي طمنيني علي لين ياطنط اتمنى انكم توصلوا لـ حل
منال(بـ خوف) :يااارب يااارب انا مليش غيرها
جده تيم:انا جاهزه يامنال
منال(بـ حزن) :يلا
علياء: لا اله الا الله
منال:محمد رسول الله
علياء(بتشاورلهم) :أشوفكم بخير في رعايه الله
*وخدوا نفسهم وراحوا المطار*
عند صبري اتصل بـ حماده
صبري:الو ياض ياحماده اما بقولك انا زهقت من القعده هنا عايز ابدل انا اروح عند فتحي وانت تيجي هنا
حماده:اشمعنا؟
صبري:المعلم فتحي وحشني اووي وصعبان عليا بهدلته عايز اجي اواسيه واكون جنبه في شدته
حماده:اشطا حتي انا عاوز اسافر لأمي في البلد بقالي كتير منزلتش بس تفتكر المعلم فتحي هيرضي
صبري:وميرضاش ليه ياجدع ده انا بقولك هكون جنبه في شدته هو في اكتر من كده حب
حماده:تمام احنا في الجبل هبعتلك العنوان
*ولما بعتهوله وراح*
فتحي(بيقوم) :غريبه انت ايه الـ جابك هنا وعرفت مكاني ازاي؟؟
صبري(بيمثل الحزن) :قلبي عندك يامعلم فتحي ده انا قلبي اتقطع عليك وعلي الـ انت فيه الله يرحمها كانت ست الحسن والجمال
فتحي(بإستغراب) :الله يرحمها اما مقولتش انت جاي ليه؟
صبري(بيفكر) :ها؟..ده انا طلبت من الواد حماده اجي عشان اكون معاك في شدتك ده انت ياما وقفت جنبنا واديتنا الـ فيه النصيب جه الدور اننا نبقي جنبك
فتحي:ااه طيب اقعد ولا اقولك استني عايزك تدخل تمسي علي المزتين الـ جوا
صبري(بيستعبط) :ايه ده يامعلم مزتين ايه انا مش فاهم حاجة؟
فتحي(بيضحك) :ادخل ياض وانت تشوف عايزك تنقي واحده والواد حماده ينقي واحده
صبري:بس كده من عينيا.. تحب ارزعهم علقه تمام؟
فتحي:لالا متقربش سيب المهمه دي عليا ادخل انت بس وخلص
صبري:من عينيا يامعلم فتحي
*ودخل وكان بيبص حواليه خايف يكون حد مركز معاه وقفل الباب وراه*
لين(بإستغراب) :صبري!!
صبري(بصوت واطي) :انا عرفت كل حاجه وعرفت انك زورتي أوراق وانتحلتي شخصيه مش هي عشان تجيبي حقك من فتحي بس كل ده ميهمنيش يااستاذه لين انا الـ يهمني دول وبس
*وراح مطلع جهازين التتبع من جيبه وادي لكل واحده فيهم جهاز*
صبري(بصوت واطي) :ده جهاز تتبع داروه بسرعه قبل ماحد يجي
*فـ لقي فتحي داخل راح مغير الكلام بسرعه*
صبري(بصوت عالي) :ماجرا ايه يابت منك ليها ماتتعدلوا
فتحي:مين الـ دايقك فيهم قولي وانا أأدبه من اول وجديد واعرفه مين هو فتحي ورجالته
صبري:ابداا ده البت بتقولي هو احنا بنعمل هنا ايه قولتلها متسأليش وانتي مالك.. ده المعلم فتحي يؤمر واحنا ننفذ
فتحي:جدع ياض تعالي ورايا ورانا حاجات كتير
صبري:انا تحت امرك يامعلم
عند تيم وياسر في القسم
الظابط:احنا وصلنا لـ موقعهم كل الـ علينا دلوقت نبدأ نتحرك
تيم:انا عايز احضر كل الـ بيحصل
ياسر:متقلقش ياتيم هنروح سوا يلا بينا
والشرطه بدأت تتحرك للـ مكان
فتحي:يلا ياض فرحك دلوقت هههههه
_حبيبي يامعلم فتحي انا هدخل ولما اخلص هقولك خلصت
فتحي:خد راحتك كأنك في بيتك
ولين وساره لقوا 2 رجاله داخلين عندهم وشكلهم مريب وناويين علي نيه وحشه
لين(بـ صويت) :لاااا ابعد انتوا جايين عايزين مننا ايه
ساره(بتعيط) :الـ هيقرب مني هقتله
_هههههه بتقولك هتقتلنا
=هتقتلينا ازاي ياقطه وانتي مربوطه
وعمالين يقربوا منهم لحد ماسمعوا صوت ضرب نار والشرطه دخلت المكان
الظابط(رافع السلاح) :المكان كله محاصر ارموا الاسلحه الـ معاكم
فتحي(بـ زعيق) :مين الـ بلغ عني؟؟؟ انت ياصبري؟؟؟ انت الـ بلغت؟؟ ده انا هشرب من دمك
صبري:معلش بقي يافتحي امور واتحكمت علينا وبعدين ده انا طالع بمبلغ حلو اوي من ورا قفاك الـ خدت عليه
فتحي(بـ زعيق) :بتخوني ياكلب؟؟؟ بتبلغ عني؟؟؟
الظابط:متشكر ليك ياصبري تقدر تمشي انت دلوقت
صبري:لا شكر علي واجب
تيم(بـ زعيق) :لين فيييين؟؟ عارف لو لين حصلها حاجه انا هعمل فيك ايه؟؟ مش هيكفيني قتلك!!
فتحي(بـ برود) :ليه كانت تلزمك في حاجه؟
الظابط(ماسك السلاح) :امسكوه
وفجأه المخزن الـ في الجبل بقي كله ضرب نار ورجاله فتحي بيضربوا نار علي الشرطه
لين(بصويت) :تيييييم تيييييم
تيم:متخافيش يا لين متخافيش
وجري فكها هي و ساره
تيم:يلا بسرعه
وقبضوا علي فتحي ورجالته وتمت المهمه بـ نجاح وفجأه سمعوا صوت تايمر!!!
ياسر:دي قنبله!
وتيم شال لين وياسر وساره طلعوا يجروا نطوا في البحر ولما طلعوا من البحر لقوا الشرطه مستنياهم الناحيه التانيه
الظابط:معانا أمر بـ احضار لين
تيم:يعني ايه؟؟؟ انت مش شايف هي عامله ازاي؟؟ واحده مخطوفه بقالها يومين وتقولي معانا امر بـ احضار
الظابط:دي قوانين ولازم تتنفذ
ياسر:روح معاها ياتيم متسيبهاش
وراح تيم مع لين في قسم الشرطة
الظابط:لين انتي زورتي شهاده وفاه وانتحلتي شخصيه وهميه
لين(بـ تعب) :ايوه انا عملت كده ومعترفه ومستعده اتعاقب في حاله ان فتحي ياخد جزاءه
الظابط:انتي عارفه دي عقوبتها كام سنه؟ بالكتير اوي 3 سنين شوفي هتضيعي قد ايه من عمرك بسبب تصرف غلط
لين:انا مستعده اتعاقب معنديش اي مشكله
الظابط:هنبعت اوراقك للمحكمه وهتقعدي 3 أيام علي ذمه التحقيق اكتب يابني
برا كان تيم مستنيها وخايف جداا
لحد ماخرجت في ايد العسكري
تيم(بيجري عليها) :متخافيش يا لين هتخرجي صدقيني
لين(بـ عياط) :متسيبنيش ياتيم.. متسيبنيش
تيم(بـ حزن) :مش هسيبك وهحاول بكل الطرق انك تخرجي من هنا
العسكري:يلاا ياانسه
لين(بـ عياط) :انا واثقه فيك ياتيم
والعسكري خدها ومشي وطول ماهي ماشيه كانت باصه وراها لـ تيم وعينيها مليانه دموع
وكان تيم نفسيته متدمره بسبب الـ حصل لـ لين وهو بعيد عنها فـ لقي الموبايل بيرن
تيم:ايوه مين؟
الفصل الثامن والعشرون
لين(بـ عياط) :متسيبنيش ياتيم.. متسيبنيش
تيم(بـ حزن) :مش هسيبك وهحاول بكل الطرق انك تخرجي من هنا
العسكري:يلاا ياانسه
لين(بـ عياط) :انا واثقه فيك ياتيم
والعسكري خدها ومشي وطول ماهي ماشيه كانت باصه وراها لـ تيم وعينيها مليانه دموع
وكان تيم نفسيته متدمره بسبب الـ حصل لـ لين وهو بعيد عنها فـ لقي الموبايل بيرن
تيم:ايوه مين؟
جده تيم:احنا وصلنا المطار ياتيم تعالي خدنا
تيم(بـ حزن) :طيب انا جاي
وراح يستقبلهم من المطار
عند فتحي كان وكيل النيابه بيحقق معاه
وكيل النيابه:قتلت مراتك وصاحبك ليه؟
فتحي(بـ عصبيه) :انا مقتلتش حد
وكيل النيابه:بس انت بصماتك كلها علي الاداوات الـ استعنت بيها في قتل زوجتك وصاحبك
فتحي(بـ عصبيه) :الكلام ده محصلش وانا معملتش حاجه
وكيل النيابه:انا قدامي ملف فيه كميات قواضي ليك.. انت يافتحي مفتحولك. قضايا نبدأ بأول قضيه.. قضيه قتل السيده أميره محمد احمد السيد(ملحوظه مامت تيم).. قضيه اغتصاب السيده منال محمد عبد الرحمن.. قضيه خطف الانسه نور محمد محمد الوالي...قضيه قتل الاستاذ المحامي رامي شرف الله عبد الجواد...قضيه الاتجار في الاعضاء البشريه... قضيه الاتجار في المخدرات.. قضيه خطف الانسه لين جمال محمود ناجي والانسه ساره الشريف محمد حسين...قضيه قتل زوجتك السيده ماهياء قاسم عماد الدين محمد.. وآخرا قضيه قتل السيد فريد محروس خلف الله.. ها تحب نكمل؟ اه وعايز اقولك في واحده لسه هتتضاف بس لما نتأكد منها
*ورفع سماعه التليفون*
وكيل النيابه:عايز تحليل مخدرات لـ فتحي.. تمام هنحوله علي المعمل
وقفل الخط
وكيل النيابه:خد فتحي معمل التحاليل وبـ حراسه مشدده عايزين تحليل مخدرات
_تمام يافندم
فتحي:بس انا معملتش حاجه ياباشا انا مظلوم
وكيل النيابه:مااحنا هنقطع الشك باليقين ومادام انت مظلوم اثبتلنا ظلمك.. خده يلا
فتحي(بيتمسكن) :انا معملتش حاجه ده انا راجل بتاع ربنا لا يمكن اعمل حاجه وحشه ولا أأذي حد شكلك متعرفنيش
_يلا انت هتتكلم كتير؟
فتحي:مابراحه ياعم انا بعرفه اني انسان مظلوم والـ بلغ عني كان السبب في كل ده لكن انا معملتش حاجه
_أبقي قول الكلام ده في المحكمه ياروح امك يلا قدامي
فتحي(بـ عصبيه) :ماجرا ايه ياجدع متزقش الا اوديك في داهيه انت متعرفش انا مين ولا ايه
*ولما خدوا فتحي وعمل التحليل عرفوا انه بياخد ترامادول وضافوها للملف بتاعه *
عند عبير كانت هتتجنن بعد كل الـ حصلها وكانت ساكته مابتتكلمش لدرجه انهم قرروا يجيبولها دكتور نفسي يشوف مالها
الدكتور:ممكن تتكلمي ياعبير
عبير:-----------
الدكتور:قولي اي حاجه وانا هسمعك للآخر
عبير:----------
الدكتور:انا مقدر حالتك النفسيه والـ انتي فيها دلوقت بس تفتكري سكوتك هيفيد بحاجه؟ بالعكس انتي كده بتدمري نفسك اكتر
عبير(بـ حزن) :كنت طول عمري بحلم بالفلوس والعربيات والمنصب والعيشه بتاعت الناس الكبيره كنت فاكره اني يوم مااتجوز هاخد الـ وراه والـ قدامه وانا الـ هطلع كسبانه في الأخر مكنتش اعرف ان كل ده هيحصلي انا غلطانه وعيشت حياتي غلط كنت بقلد امي.. هي ماتت ومخدتش الدرس القاسي الـ انا خدته بس الدنيا علمتني كتير اوي، حتي بعد ابني ولا بنتي الـ راح هعيش ازاي وانا مابقاش في حاجه اعيش علشانها! حتي خالتي ضحكت عليا وفضلت بناتها عليا واذوني والـ جات ضربتني انا متأكده انها تبع ماجده محدش مغلول مني اوي غيرها
الدكتور:ينفع تبدأي حياتك من جديد؟ وتنسي كل الـ فات
عبير:مابقاش عندي استعداد اعيش علي أمل بكرا وميجيش في الآخر
الدكتور:و ليه ميجيش مش ممكن يجي؟
عبير:هيجي مع مين؟ وانا باقيلي مين؟ كله باعني مع انهم كانوا سبب كل الـ انا فيه
الدكتور:مش عرفتي انهم مش بيحبوكي زي ماكانوا مفهمينك يبقي انسيهم وابدأي من جديد
عبير:انا عمري ماحسيت انهم بيحبوني بس كنت بصبر نفسي علشان اصدق ان في حد بيحبني
الدكتور:انا همشيكي علي برنامج معين صدقيني لو مشيتي عليه حياتك هتفرق كتير وانتي مش اول ولا آخر حاله اتعامل معاها
عند منال وجده تيم كان تيم ولين وصل المطار
منال(بعياط) :بنتي لين فين ياتيم؟؟ لين فين؟
تيم(بـ حزن) :تعالوا بس كلامنا مش هنا
جده تيم(بـ حزن) :اسمعي كلامه يامنال متخليش الناس تتفرج علينا
تيم(بـ حزن) :تعالوا هفهمكم كل حاجه
فـ منال بصيت لـ جده تيم بـ حزن فـ هزتلها راسها مع ابتسامه خفيفه معناها خلينا معاه للأخر
*وراحوا كافيه وكانت منال منهاره*
منال(بـ انفعال) :بنتي كويسه؟؟ ماترد ياتيم
تيم:لين في الحجز وكمان 3 ايام هيحولوا اوراقها للمحكمه
منال(بـ صويت) :يانهار اسود؟؟ بنتي انا تدخل السجن!!! هي لين كان عمرها ليها في الكلام ده؟؟ ياناااس حراام دي بنتي الوحيده
جده تيم:خلينا نفهم يامنال
تيم(بـ حزن) :ممكن تهدي اولا انا عايزك ياطنط تحطي في اعتبارك ان انا بموت مليون مره في اليوم انا مش مرتاح وتعبان تعب مؤذي، لين ضيعت نفسها اول مره، وتاني مره انا الـ ساعدتها علي كده ومعترف.. اول مره لما اتفقت مع ياسر وزورت شهاده وفاه وحرقت قلبك عليها.. تاني مره لما انا عملتلها بطاقه مزوره.. انا مستعد اخرج لين من دلوقت وانا الـ هدخل بدالها لان انا السبب في كل ده
منال(بـ زعيق) :محدش فيكم عرفنا كل ده ليه؟؟ محدش عرفنا نظام شغلكم ليه؟ بتساعدها على الغلط ياتيم وانا قولت انك الوحيد الـ عمرك ماهتإذيها.. دي اخرتها؟؟؟ ماترد عليا دي اخرتها؟؟
تيم:انا عارف اني غلطان ومستعد اعمل اي حاجه علشان لين انا هروح القسم وهبلغ عن نفسي
وقام وسابهم وجدته فضلت تنده عليه
جده تيم:تيم.. تيم... يابني رد عليا
منال(بـ عياط) :اه ياحرقه قلبي عليكي يابنتي
جده تيم:اهدي يامنال يابنتي ربنا العالم بينا احنا طول عمرنا ماشين جنب الحيط انما ولاد الحرام هما الـ اضطرونا لـ كده بنتك معذوره
منال:تعبانه اوي مش قادره اتخيل ان لين هتروح مني
جده تيم:بعد الشر لين هترجع وهنفرح انا الـ واكل قلبي علي تيم ان الواد غلبان والله وطيب
عند تيم كان مشي واتصل بـ ياسر
تيم:انا هبلغ عن نفسي يا ياسر وهقولهم ان انا السبب في كل ده و لين ملهاش زنب
ياسر:انت مجنون تبلغ عن نفسك ايه اوعي تعمل كده هو انت فكرك انك لما تبلغ عن نفسك الحكومه هتخرج لين.. لين عندها قضيتين ولو برأت نفسها من واحده هتتحاكم علي التانيه يعني كده كده لابسه
تيم:والحل ايه عاجبك الـ احنا فيه دلوقت؟ وانت خاسس ايه معاك الـ بتحبها وكنت قارفني بسببها طول الوقت لكن انا مش هسمح لأي مخلوق في الدنيا انه يخسرني لين.. لين لا فاهم!
ياسر:اسمع ياتيم فكر بـ عقلك قبل اي حاجه متخليش مشاعرك هي الـ تحركك انا هخرج لين وكأن شئ لم يكن
تيم:وانت هتقدر تخرجها؟ وهتخرجها ازاي؟
ياسر:بالمحامي طبعا امال هنزور أوراق تاني انا هعمل فيك جميل هتشكرني عليه بقيت حياتك بس نستني الجلسه الجايه
تيم:ياااريت يا ياسر.. ياااريت
________بعد ٣ أيام في المحكمه_____
كانت منال وجده تيم وتيم وياسر وساره وماجده وبناتها قاعدين مستنين القاضي يخرج
_والأن سيدي الرئيس وبعد مراجعه الادله التي تحصلنا عليها من موقع مسرح الجريمه نستطيع أن نقول وبالدليل القاطع فإن المتهم الوحيد في هذه الجنايه هو يمثل امامكم فتحي هشام محمد رؤوف فالنيابه تطالب بأقصي العقوبه علي المتهم مع الاخذ في الاعتبار قامت النيابة بتوجيه ٩ تهم للمتهم.. الأول قضيه قتل السيده أميره محمد احمد السيد.. الثاني قضيه
اغتصاب السيده منال محمد عبد الرحمن.. الثالث قضيه خطف الانسه نور محمد محمد الوالي... الرابع قضيه قتل الاستاذ المحامي رامي شرف الله عبد الجواد...الخامس قضيه الاتجار في الاعضاء البشريه... السادس قضيه الاتجار في المخدرات.. السابع قضيه خطف الانسه لين جمال محمود ناجي والانسه ساره الشريف محمد حسين...الثامن قضيه قتل زوجته السيده ماهياء قاسم عماد الدين محمد.. وآخرا قضيه التاسعه قتل السيد فريد محروس خلف الله... والقضيه العاشره اخذ ماده الترامادول بعد ان تم اخذ عينه من الجاني
ياسر:كل دي مصايب
ساره:حلال فيه الاعدام
وبعد ماخلصوا المرافعه قامت منال هي وتيم
منال(بـ غل وصويت) :منك لله يافتحي اللهي ربنا ينتقم منك دنيا واخره لا يكسبك ولا يربحك ويدمرلك حياتك زي مادمرتني وخليت وشي في الأرض من المصيبه الـ عملتها فـ حقي شووف.. شوووف ربنا عمل فيك ايييه ولسه هيعمل فيك ايه.. شوف الـ سككه شمال زيك اخرته هتبقي عامله ازاي.. وانا مش مسامحاك يافتحي
تيم(بيشدها) : يلا ياطنط كفايه متوجعيش قلبك على كلب زي ده
فتحي(بـ غل) :وحياه امك هخرج وهعلمك ازاي تتكلمي معايا كده يالي كنتي مدوراها ولا نسيتي الفيديو هههههههه
_يلا قدامي
والعسكري شد فتحي فـ لقيت ماجده اخته
ماجده:شمتانه فينا يامنال
منال(بـ زعيق) :انتي تخرسي خااالص مسمعش صوتك انتي وش المصايب انتي واخوكي دمرتولي حياتي ودمرتي حياه الواد ده دمرتونا وخربتوا حياتنا ده ادني حاجه حلال فيكم القتل عملنالكم ايييه عملنا ايه بس
تيم(بـ زعيق) :ورحمه أمي الـ قتلتوها ماهسيب حقها ولا هسيب حق طنط منال انتوا زودتوها بس خلاااص قسما بالله ماهرحم حد فيكم ولا فيكم دكر واحد يطلعلي
ماجده(بـ برود) :امك مين؟ الـ كانت بتقابل راجل من ورا ابوك الـ ربنا يرحمه دي كانت مقرطساه يابت
حنان:ايوه مقرطساه لا وايه عاملين نفسكم أصحاب حق
تيم(بـ زعيق) :لولا ان انا محترم المكان الـ انا فيه لـ كنت وديتكم ورا الشمس هو في ايييه؟ انتوا هتعملوها علينا انا امي بـ رقبه ١٠٠ كلبه زيك انتي وبناتك
ماجده(بـ صدمه) :احترم لسانك يازباله يارماااااه يالي امك كانت بتقابل رجاله في البيت وابوك في الشغل ابوك الـ كان متقرطس ويوم ماعرف جه حكالي بس انا ست اصيله شيلت السر ومتكلمتش
تيم(بـ زعيق وانهيار) :وديني ماهسيبكم وحبل المشنقه هيتلف على رقبه فتحي ورقبتك قريب دورك انتي والكلاب الـ معاكي جاي
جده تيم(بـ زعيق) :انتوا عايزين مننا ايه ماتسيبونا في حالنا مش كفايه يتمتوا حفيدي وحرمتوني من بنتي انا كل ده ساكته وانا النار بتاكل في قلبي ورحمه بنتي ماهنسيبك ياماجده
منال(بـ زعيق) :محدش فينا هيسيب حقه وحقنا راجع قريب
ياسر(بيشد تيم) :يلا ياتيم
تيم(بـ زعيق) :مش هحلكم ولا هرحمكم
ياسر(بيشده) :يلا ياتيم بقولك
وياسر خد تيم.. وساره شدت منال وجده تيم ومشوا.. وماجده وبناتها لسه بيمشوا لقيت صبري في وشهم
صبري:اعملي حسابك عندنا جلسه بكرا هااا وهطلقك وارتاح من همك
ماجده(بـ زعيق) :ومين قالك انها طايقاك ياعره الرجاله
حنان(بـ زعيق) :سيبيها عليا ياماما.. ماجرا ايه ياصبري مالك ومالنا جاي في سكتنا ليه؟
صبري:ومين قالك اني جاي في سكتك بالعكس ده انا ناوي اغير طريقي اصل الـ يمشي في سكتكم ميكسبش
حنان(بـ زعيق) :وانت الـ يمشي وراك يقع في كوم قش لـ تكون فاكر نفسك راجل بـ حق وحقيقي ده انت متسواش ربع جنيه في سوق الرجاله
صبري:عندك حق علشان اميرهم بيكون على العرش بتاعه مش وسطهم
*وراح واخد نفسه وماشي راحت حنان ماشيه وراه تردحله*
حنان(بـ زعيق) :أمير ايه ياابو امير لا ياخويا فوق لـ نفسك ده انت واخد قلم في نفسك انما...
*ولسه بتكمل كلامها جات عربيه خبطتها بسرعه جامده *
ماجده(بتجري عليها) :يالهوااااي حنان.. قومي حنان... حنان... ردي علي امك... حنان
هبه(بـ عياط) :اااه ياحنان ردي علينا
_لا حول ولا قوة الا بالله حصل ايه
والناس اتلمت وخدوها على المستشفى
عند علي جوز عبير كان بدأ يفوق بعد فتره لقي مراته قاعده قدامه هي وابنه
علي(بـ تعب) :انا حصلي ايه
مراته:حمدالله على السلامه ياحبيبي
علي(بـ تعب) :انا فين
مراته:في المستشفي هو انت متعرفش اصل عبير ضربتك بالسكينه يلا الحمدلله انك عايش ده بعد الـ سمعته من الدكاتره عنك عقدني خالص
علي(بـ تعب) :سمعتي ايه؟ وعرفتي موضوع عبير ازاي؟
مراته:عادي خالص اهو عرفت
علي(بـ تعب) :سمعتي عني ايه؟؟
مراته:يادوب عندك ايدز
علي(بـ تعب) :اييه؟؟؟
مراته(بـ برود) :زي ماسمعت اصل انت متعدد العلاقات بس الحمدلله عملت check up على نفسي لقيتني سليمه تماما يلا ربنا يشفيك
*وراحت قايمه*
علي(بـ خوف) :رايحه فين؟؟
مراته:ورقتي توصلي علي بيت اهلي وابنك مش هتشوفه تاني
*وخدت ابنها في ايديها ومشيت*
علي(بينده) :انا مخلصتش كلامي انا لسه بكلمك انا عايز ابني عايزوا متحرمنيش منه انا معنديش حاجه انا سليم.. سليم انتي الـ تعبانه انتي الـ نقلتهولي انا منقلتش لحد حاجه انا..انا
*وبدأت ضربات قلبه تقل *
الممرضه:يانهار اسود.. ايه الـ حصل
*وراحت ندهت على الدكتور*
الممرضه:الحقني يادكتور.. علي نبضه بيقل
الدكتور:اسبقيني حالا
وراحوا وفضلوا يعملوله جلسات كهربا على القلب بس للاسف كان مات
الدكتور(بـ حزن) :معرفناش نسيطر على الحاله
عند تيم وجدته ومنال وياسر وساره في مطعم في كافيه
منال(بـ عياط) :مقهوره.. مقهوره اووي البنت بتروح مني ياتيم هنعمل ايه في الـ وصلناله
تيم:اوعدك لين هتخرج وهتبقي معانا
ياسر:ووعد مني انا كمان خلاص هنقدم الأوراق بكرا في الجلسه بتاعتها وهنستني النطق بالحكم وانا واثق ان كل الـ بنعمله هيجي بـ نتيجه ايجابيه في الاخر
منال:خايفه اثق في كلامكم واقع علي وشي للمره المليون خايفه اووي
ساره:متقلقيش ياطنط منال.. مادام ياسر وعدك بحاجه اعرفي انها هتحصل
منال:انا همشي وراكم واتمني اننا نلاقي حل
جده تيم:خلاص بقي يامنال يابنتي هدي أعصابك بإذن الله ليها حل
منال(بـ حزن) :اتمنى
تيم:طيب يلا علشان اروحكم في مشوار مهم محتاج اروحه مع ياسر وساره
جده تيم:يلا يابنتي
وقاموا
جده تيم(بـ حزن) :عايزين حاجه ياحبايبي روحوا ربنا يسترها معاكم دنيا واخره
ياسر وساره:اللهم امين
تيم:خليك يا ياسر هوصلهم وراجعلك
*وراح وصلهم بيت منال*
تيم:خدوا بالكم من نفسكم هخلص وارجع
منال:ماشي
جده تيم:تروح وترجع بـ الف سلامه يابني
تيم:الله يسلمك يلا انا ماشي سلام
*ورجع لـ ياسر وساره يصفوا حساباتهم *
تيم:اتصل بـ صبري يجي
ياسر:ليه انا مش فاهم حاجة؟ وايه سر انك مجمعنا؟
تيم:اسمع الـ بقولك عليه
ياسر:طيب اهو
*وطلع الموبايل واتصل بيه*
ياسر:تيم عايزك تيجي
صبري:هيديني حقي وحق تعبي؟
ياسر:معرفش تعالي واحنا نفهم
صبري:طيب مسافه الطريق واكون عندك
ياسر:صبري جاي في الطريق
*ولما جه*
ياسر:اهو جه تعالي اقعد
تيم :انا جمعتكم علشان ادي كل واحد حقه
عند ماجده كانت قاعده تعيط هي وهبه في المستشفى والدكاتره طالعين داخلين
ماجده(بتعيط) :اقفي ياابله قوليلي حنان عامله ايه!
الممرضه:حضرتك والدتها؟
ماجده(بتعيط) :ايوه انا امها قوليلي البت عامله ايه؟ كويسه؟
الممرضه:معلش حضرتك بتعطليني عن شغلي انا هكمل مع الدكاتره وان شاء الله ربنا يكرم
ماجده(بتعيط) :استرهااا علينااا يارب استرها ياارب يااارب استرها
هبه(بتعيط) :خايفه عليها اوي ياماما
ماجده(بتعيط) :مش اكتر مني اااه ياقلبي الـ موجوع يارب البت تطلع سليمه
وبعدها بـ شويه الدكتور خرج فـ قاموا يجروا
ماجده(بتعيط) :بنتي مالها يادكتور؟
الدكتور:---------
ماجده(بـ زعيق) :بنتي مالها؟؟؟؟... حد يرد عليا
الدكتور:البقاء لله
يتبع