رواية مأمني وأماني
الفصل الثالث والعشرون 23 الاخير
بقلم توسل محمد طه
*أسميته سند، فكان نعم السند، في حياتي وحتى بعد وفاتي* 🥺🤍♥️
ع: سندد سندد قول بسم الله في شنوو؟؟ وقوم الصلاه (سند كان نايم وبحلم🤣 ولسه م صحو للصلاه ولا قرأ سوره يوسف مع اخوه ولا شي😹 ودا كلوو حلم او رؤيا بالأصح لانو كان قبل الفجر وفي الثلث الأخيرمن الليل تعتبر رؤيا مش حلم )
سند قام مخلوع ولقا ابوه في وشوو حضنو وقعد يبكي وابوه شالو وشغال ليه بسم الله الرحمن الرحیم مالك سند كان حااضنو شديد كأنو بودع فيهو بي حضنو د لانو خايف يفقدو وفي الحلم فات من غير يودعو عشان كدا كان حاضنو عليهو شديددد لمن علاء استغرب بس م قال شي حضنو عليهو هو كمان🤍
علاء بعد سندد هدأ شويه قال ليهو يلا نمشي الفجر سند قال ليهو ويوسف؟ ضحك وقال ليهو برضو يمشي😹 مش انت نفسك تمشي تصلي الفجر في المسجد معااي؟
س: ااي نفسي اصلي معاك في المسجدد🥺
ع: علاء طيب يلا نصلي الفجر ونجي نصلي اربعه ركعات بسوره يوسف كلها انت تصلي بينا اتنين وانا اصلي بيكم اتنين اها موافق😌😉
سند قعد يضحك اااي موافق ونصلي بي ....
علاء قاطع كلامو ااي ح نقرأ آيات من آل عمران برضوو😹
سندد حضنو شديد واطمن وعلاء م سألو من الحلم ولا سندد جااب ليهو سيره
اتوضو علاء وسند ويوسف ومشو يصلو الفجر التلاته مع بعض في المسجدد🤍
علاء كان الإمام واولادو الاتنين واقفين وراه بعد كبر وقرا سوره الفاتحه قرأ سورة الفجر ولمن وصل قوله تعالى" *یَـٰۤأَیَّتُهَا ٱلنَّفۡسُ ٱلۡمُطۡمَئنَّةُ، ٱرۡجِعِیۤ إِلَىٰ رَبِّكِ رَاضِیَةࣰ مَّرۡضِیَّةࣰ، فَٱدۡخُلِی فِی عِبَـٰدِی، وَٱدۡخُلِی جَنَّتِی* "
سند اتذكر الحلم وقعد يبكي وفي السجود كانت كل دعواتو انو ربنا يخلي ليهو ابوه ويطول في عمرو وبعد سلمو علاء قبل على سند ومسك يدو يعني اطمئن🤍
ورجعو البيت علاء ماسك سند بجهه ويوسف بجهه اول م وصلو لقو اسيل جهزت ليهم المصالي ولابسه عبايتها حقت الصلاه هي وامها😹🤍 وجاات جاريه على ابوها ككل يوم شالها وباسها والمره دي حضنت سند وعاينت في عيونو وقالت ليه أنا بهبك سند ضحك وقعد في الأرض وقال ليها وانا كمان بههههههههبك شديد😹 سند كان شايل طول ابوه عشان كدا قعد في الأرض لي اختو القصيره زي امها😹🤍
فرشو المصلايه والركعتين الأوائل الإمام فيهم سند🤍 وقت وصل الأيه بتاعت اقتلتو يوسف او اطرحه ارضاً يوسف بكا فعلا😹 بس سندد في حاجه قبضتو في قلبو م ضحك بعد سلم يوسف قال ليهو ليه يقتلوني😭 علاء قعد يضحك وحكا ليه قصه سيدنا يوسف وانو بقا ملك م قتلوه😹 يوسف قشا دموعو ومشا لي سند قال ليه انا الملك انا الملك😹توسل وعلاء يضحكو بس سندد لا كان خايف لانو د نفس الشي الشافو في الحلم قطع تفكيرو وجوطه يوسف علاء وهو بكبر للصلاه وتم الركعتين بباقي السوره🤍 سلموو وقعدو يتونسو اسيل قالت ليهم الليله نحن ماشين مكان حلوو شديددد صح
سند قلبو قبضو وقال ليها ماشين وين😥
ي: ماشين الجنه
علاء قال ليهو آمين آمين وضحك
بس سند قلبو قبضو شديد
توسل قالت ليهم يلا عشان فعلا نحن طالعين وماشين مكان حلو ولي ناس حلوين😹
علاء قال ليها نمشي من الصباح كدا😹
ااي امس اتصلو قالو لي من الصباح تكونو هنا عشان الفطور هناك قال ليها تمام وجهزو
سند قال ليهم م تمشو عليكم الله وقعد يبكيى😭 قالو ليه م نمشي م جاوبهم بس قعد يبكي
ع: سند تعال عايزك
علاء ساقو ودخل الغرفه وخلا توسل واولادها عاملين كدا😑 دخلو الغرفه وقفلوها عليهم وطلع سند بعدها كويس م قاعد يبكي وقال ليهم ارح بقو عاملين كدا😒🙂..😹
في الغرفه دار حوار بين علاء وسند
ع: احكي لي في شنوو ي سند؟
س: مافي حاجه وكان ببكي شديد
ع: انت م بتثق في ابوك؟
بثق
طيب احكي لي ي سندي
انا ي بابا حلمت حلم كعب وقعد يبكي
ان شاءالله خيير اهاا
سند حكا ليهو الحلم من بدايتو انو كان عايز يمشي يصلي معاه ويوسف بكا والايات وكانو طالعين ماشين لي ناس مشكاة يسلمو عليهم وعملو حادث وفقدوه لحد تفاصيل القبر قرأ ليهو وهم جنب قبره وكان ببكي شديد وهو بحكي
علاء دموعو نزلت مع ولدو م عشان خاف من الموت بالعكس الزي علاء بكون مشتاق عشان يلاقي ربو بس لانو ولدو كان ببكي شديد وقلبو وجعو على ولدو لو فعلا هو ماات💔 الحيحصل عليهو شنو عشان كدا قرر يتكلم معاه وغشا دموعو من غير سند يشوفها وزحاهو منو وخت يديهو في وش سند وقال ليه
خلاص خلاص ي سند اسكت عشان نتفاهم
سند حاول يسكت اهاا
طيب ي سند انت مؤمن بالقدر او لا؟
مؤمن ي بابا
ومؤمن بالموت او لا؟
مؤمن ي بابا
طيب لو سألتك بتحبني انا ولا سيدنا محمد صلى الله عليه وسلم
سند دنقر راسو وقال ليهو سيدنا محمد صلى الله عليه وسلم
علاء ضحك ورفع راس ولدو م تخجل مني أنا زاتي بحبو اكتر من امي وابوي😹
سند ابتسم ليه
طيب لو خيروك اموت انا او سيدنا محمد بتختار منو؟
انت ودموعو جرت
علاء قش ليهو دموعو طيب ي سند اسي الدنيا دي تستاهل منو فينا انا ولا سيدنا محمد
سيدنا محمد ي بابا
طيب ي سندي سيدنا محمد بعظمته وقدره وحبه العالم ليهو وحب ربنا ليه مات واتدفن تحت التراب ي ولدي يبقى انا كتيير على ربي ي ولدي؟
لا💔
طيب خليني انا اسي انت لو خيروك قالو ليك تعيش مع ربنا في الجنه ولا معاي هنا؟
اعيش في الجنه
خلاص انا زاتي داير اعيش في الجنه تعيش فيها براك ي حقار😒
سند قعد يضحك💔
طيب انا عايز اديك وصيه
شنو؟
لو انا مت او امك او اخوك او اختك انا م عايزك تضعف ي سندي عارف ليه؟
ليه؟
لانو انت سندنا حتى لو مت ح تكون سندي بالدعاء صح؟
سند سكت
م ح تدعي لي ي سندي؟
ح ادعي ودموعو جرت
طيب ي سند انت إمام المستقبل وامام الحرم كمان م ااي امام يااخ صوتك السمح د البكاء الكتير بخربو😹
طيب ي ابوي لو مت انا؟
لو مت انت انا ح ادعي ليك في كل الأوقات وعد مني
وانا ح ادعي ليك في كل الأوقات كمان
ع: وح تكون صابر وقوي صح م ح تتكسر لا ح تكون قوي شديد تكمل مشوار ابوك تختم المصحف وتبقا إمام وانا اتباهى بيك واقول د ولدي 😌
ان شاءالله والبموت فينا اول ي بابا يكلم ربو عن التاني موافق
علاء ضحك وقال ليهو موافق بحجز ليك قصر جنبي م تخاف😹
وانا بحجز ليك قصر معااي😌😹
ضحك وقشا ليهو دموعو وطلعو🤍
علاء قال ليهم اقرو الإخلاص تلاته مرات عشان تبني ليكم قصر في الجنه
سند قال ليهو انت م تقرأ ي بابا ولا انت ي ماما بسكنكم معااي😹
علاء وتوسل ضحكو وقالو ليهو ولدنا البار عافين منك يااخ😹🤍
طلعو كانو ماشين يسلمو على ناس مشكاة عشان نزلو للعرس
ركبو العربيه سند ويوسف ورا واسيل مع امها وابوها قدام 😹
كانو بضحكو وبتونسو ومبسوطين شديد بس فجاءه ظهرت قدامهم عربيه فاقده السيطره على الطريق ودخلت فيهم
عربية ناس علاء اتقلبت كم قلبه في الظلط وناس علاء جواها💔 وحلم سند اتحقق💔
بس المره دي سند هو الكان واعي م توسل💔 عاين لقا يوسف جنبو مليان دم شديد وماسك في قميصو بي يديهو الاتنين وعلاء وشو مغطى بالدم وماسك يدوو عاين لي امو لقاها حاضنه اسيل عليها واسيل في قزاز في رقبتها وامو في وشها💔 سند حاول يتحرك بس م قدر لانو يوسف ماسكو بجهه وعلاء ماسكو بجهه تانيه💔 واغمى عليه💔
____
جوري ويوسف وسوما وجواد كانو في بريطانيا مع بعض لم جاهم اتصال من جمانه لي جواد
ي هلا بي جمانه مشتاقين يااخ
م جاهو رد سامع صوت صريخ جواد اتخلع جمانه في شنوو؟ دي شنو الأصوات دي؟
ج: توسل ي جواد توسل وعلاء واولادهم عملو حاادث😭 واتوفى فيهو توسل وعلاء واسيل ويوسف💔
جواد وقف على حيلو وقال لا حولا ولا قوه الا بالله العلي العظيم انا لله وانا اليه راجعون ودمعتو نزلت💔
يوسف وسوما وجوري اتخلعو ووقفوا معاهو كلهم
ي: في شنو ي جواد؟
جواد حضن يوسف عليهو وقال ليهو انا لله وانا اليه راجعون ي يوسف💔
ي: الاتوفى منو ي جواد م تحرق اعصابي الاتوفى منو؟
جواد عاين لي سوما ومسك يدها وعاين لي يوسف وقال ليهو توسل وعلاء واولادهم عملو حادث واتوفى فيهو توسل وعلاء واسيل ويوسف
يوسف قال ليهو لالا يااخ لالا م تقول كدا م تهظر معاي كدا ي جواد م تهظر كدا جوري كانت بتبكي ومسكت يوسف ضمتو عليها وقالت ليه انا لله وانا اليه راجعون ي يوسف م غاليين على ربهم ي يوسف ربنا يرحمهم
جواد مسك سوما كانت بتصرخ وتبكي شديد لالا مستحيل مستحيل علاء علاء اخوي لا ي جواد م تقول كدا امي حالتها بتكون كيف ابوي واحمد يااخي لالا علاء م بموت م بموت انا متأكده وتوسل واولادها كلهم بخيير انا متاكده
جواد حضنها عليهو وبقا يصبر فيها
يوسف اتصل لي توسل ماف رد واتصل لي علاء برضو ماف رد اتصل على رقم ام توسل ردت ليه وحده م عرفها منوو وسمع صوت البكاء اتأكد انو الخبر السمعو صح💔 اتأكد خلاص انو فقد توسل وفقد اولادها وعلاء💔
قعد في الأرض ومسك راسو وبقا يبكي زي الشفع وسوما وجواد وجوري كانو ببكو شديد
جواد مشا يقطع تذاكر عشان ينزلو السودان وجوري مع يوسف وسوما
_______
سند كان مصدوم شديد لمن شاف امو وابو واخوه واختو مكفنين قدامو💔
كان بقرا قرآن ودموعو جاريه غصبا عنوو صوتو كان بتقطع وهو بقرا ومشا معاهم المقابر ودفن ابوه وبعدو دفن امو واخوه واختو💔 كان بدعي ليهم وبقرا في القرآن
لحد م رجع البيت وشغال لي حبوباتو الاتنين م تبكو كدا بتعذبوهم م تبكو
ام علاء حضنتو عليها شديد وكانت بتشم فيهو ريحه علاء💔 حضنتو وبكت قدرتها وهو بسكت فيها لا ي ماما جيهان كدا بتعذبي بابا ي ماما جيهان هو ح يحجز لينا قصر معاهو في الجنه واسي بكون وصلو هو وماما واسيل ويوسف بكون خلاص وصلو اسكتي ي ماما جيهان م تعذبي بابا بي دموعك ومشا ليه ام توسل عمل معاها نفس الشي كانت منهاره شديد لانها فقدت وحيدتها وفقدت الكانت بتها وولدها فقدت سندها بس خلت ليهم سند وراها
سند كان فعلا سند من اول يوم سندهم وسكتهم وكان بقول ليهم انتو بتعذبو فيهم وببكي بس كان ببكي عشان هم بتعذبو عشان كدا اهل علاء وأهل توسل كانو م ببكو قدامو عشان هو طوالي ببكي عشان عذابهم بسبب البكاء عشان كدا صبرو قدام سند
لحد م جات سوما ويوسف فتحو بيت بكاء من الأول وسند دا من وقت الوفاة م بكا مع زول الا لمن جا يوسف جرا عليهو وحضنو يوسف قعد في الأرض وحضن سند عليهو شديددد وكان ببكي بطول حسو وسند لأول مره يبكي وينسا كلامو كان حاضن يوسف وببكي شديد والناس كلهم بكو معاهم من الأول لمن سند بكا قطع قلوب الناس كلها💔 اليوم داك سند م زح من حضن يوسف ودموعو م وقفت نهائيا لا هو لا يوسف💔 لحد م نام وهو ببكي💔
يوسف شالو دخلو الغرفه
ومرت تلاته يوم من الوفاة اهل علاء قالو عايزين سند بس ام توسل بكت شديد وقالت ليهم دي اخر ريحه لي من توسل ودا عكازي بدلها م عندي غيرو ام علاء قالت ليها وم تنسي انو اخر ريحه من علاء الدین ولدي القطع قلبي بي فراقو وقعدو يبكو الاتنين دي عايزه تشيل سند ودي عايزاهو يقعد معاها
لحد م جا ابو علاء وقال لي مرتو خلي سند مع حبوبتو لانها الوحيده ال ح تقدر تعوضو حنان امو وح تكون ليهو زي امو
وحنان ابوه وريحه ابوه من البعوضو ليهم وقعدت تبكي ابو علاء سكتها واقنعها وقالت خلاص نادو لي اودعو💔
وسند جا حضنتو عليها شديد وهي شامه فيهو ريحه علاء💔 وبتبكي وسند كالعاده ااي زول يبكي يقول ليهو اسكت م تعذبهم م بكا الا اليوم داك مع يوسف وتاني م بكا خااالص ام علاء حضنتو حكايه بتاعت ربع ساعه حتى فكتو وطلعت
وسند بقا عايش مع ام توسل وابوها
يوسف كان لازم يرجع عشان شغلو بعد مر شهر من وفاة توسل وعلاء واولادهم
طلب من ام توسل انو تديهو سند يمشي معاهو ويربيهو بس رفضت ودعو ورجع بريطانيا
سند بقا عايش مع ام توسل وابوها وكانو بعاملوه احسن معامله وسند م خلا عادة ابوه كان بصحى من الساعه تلاته يقيم الليل ويدعي لي اهلو والفجر يمشي المسجد مع جدو ويرجع يقرا قران كان بحاول ينفذ وصيه ابوهو ويختم القرآن ومرت تلاته سنين سند عمرو بقا ٩ سنوات وحافظ القرآن وبدا يحفظ فيهو بروايه تانيه🤍 وكان كل جمعه بمشي المقابر لي امو وابو واخوه واختو💔
وسوما وجواد جابو ولد وسمتو علاء الدین على اخوها🤍
ويوسف وجوري جابو ولد سموهو سند وبت سموها توسل🤍
ومشكاة ومقدام اتزوجو ورجعو كندا وعندهم ولد اسمو خالد🤍
وخالد اتزوج وجاب بت سماها جوري😹🤍
وأهل علاء رجعو سنغافورة بعد استقرو في السودان بعد وفاة علاء م قدرو يقعدو وسند كان بجيهم في الاجازات يقعد معاهم شهرين ومرات تلاته في سنغافورة
اما فياض واصحابو الناس عرفو حقيقتهم وبقو مدمنين مخدرات💔
وعرفو انو جوري بريئه واعتذرو من أهلهم وطلبو منهم يرجعو بيتهم بس بُهيسه رفضت وقالت انو عندها ذكريات احلا منهم في الشقه دي وشقه توسل.
*بعد مرور عشره سنوات*
سند بقا عمرو 22 سنه وكان طويل زي ابوه ولونو اصفر زي امو عيونو زي عيون اسيل وابوه وخشمو يشبه خشم امو ويوسف كان لمن يعاين لنفسو في المرايه بشوف امو وابو واسيل ويوسف
الليله سند ختم القرآن بكل الروايات🤍
وح يصلي الليله اول صلاه ليهو في الحرم المكي🤍 بقا إمام في الحرم المكي🤍
اول مره ح يصلي الليله في الحرم وطلب من يوسف وسوما وأم علاء وابوه يجو السعودية عشانو
وكلهم اخدو ايجازات ونزلو السعودية🤍
جواد وجوري وسوما ويوسف واولادهم وأم علاء وابوه واحمد وشيماء بعد وفاة توسل واولادها سافرت قطر هي واولادها جو برضو ومشكاة ومقدام وأولادهم وأم توسل وابوها واهل جوري كلهم جوو واجتمعو ماشين الحرم المكي عشان يصلو فيهو وإمامهم سند ولد توسل وعلاء
وصلو الحرم ووقفوا واقامو الصلاه وسند كبر وقرا ليهم سورة الفاتحه🤍 وكان صوتو نسسسسخه من علاء الدین🥺🤍
وقرا سورة يوسف🥺 ولم وصل الأيه " *ٱقۡتُلُوا۟ یُوسُفَ أَوِ ٱطۡرَحُوهُ أَرۡضࣰا یَخۡلُ لَكُمۡ وَجۡهُ أَبِیكُمۡ وَتَكُونُوا۟ مِنۢ بَعۡدِهِۦ قَوۡمࣰا صَـٰلِحِینَ* " سند اتذكر موقفو مع يوسف اخوه وقعد يبكي وهو بقرا وبقا في كل ايه يقراها يتذكر مواقف مع ابوه لمن كانو في الصاله لمن يكاوي يوسف بي الايه دي لمن يقرأها لي امو لمن اسيل تبكي وتجي تقول ليه اقرا لي سوره يوسف لم يوسف يحاول يحفظ فيها واسيل تحاكيه لم ابوه يكون بعمل في حاجه يرتل سوره يوسف لمن امو تكون شغاله في المطبخ وترتل سورة يوسف كان ببكي مع كل ايه ومع كل ذكره🤍 كان ببكي بحرقه وهو بقرا والحرم كلو كان ببكي معاه😭💔
لحد م سلم ورفع يديهو يدعي وكان الدعاء كلو من نصيب علاء وتوسل واسيل ويوسف وهو في الحرم🤍
بعد خلص سلم على اهلو وجات بنت جمليه شديد كانت محجبه
السلام عليكم ي شيخنا
وعليكم السلام ورحمة الله وبركاته
ممكن اعرف اسمك منو صوتك حلووو شديدد ويدخل القلب ويرق ليه الإنسان🥺🤍
انا سند علاء الدین وتوسل🤍
*كسره*
*كلكم شفتو وعشتو تفاصيل الروايه وعشتو مع توسل وعلاء فرحهم وحزنهم وكسرهم وشفتو الحب الحلال بوصل لي ياتو حد من السعاده، وبالمقابل عشتو اصعب التفاصيل في حياة كل بنت عشتوها مع فياض وجوري وعرفتو الحب الحرام ونهايتو من الألم والكسره وم ليك بس لا انتِ بتكسري نفسك اولاً ثم أهلك ثانياً، فالروايه دي بينت ليكم خيارين اما تختارتو الحب الحلال وتعيشو بسعادة إما تمشي في درب الحب الحرام وتكسري نفسك واهلك، خيارين لا ثاني لهما.*
*بينت ليكم تفاصيل جميله من عُش الزوجيه والحب الحلال، وأرجو أني م اكون خدشت الحياء العام في بعض الأجزاء او الرومنسيه المخلوطه بالكوميديا قد تجاوزت الحد، فالمعذره ان كان هذا قد حدث.*
*وحاولت من خلال الروايه أبين ليكم جمال قيام الليل وفضله وذكر ربنا في كل الأوقات اناء الليل وأطراف النهار وانو ما خاب من ذكر ربه.*
*وكمان أهم شي في الروايه جمال سورة يوسف🥺ياااخ جميله شديد السوره دي وبحبها شديد انا🥺 جربو اسمعوها بصوت ناصر القطامي ح تحبوها شديد انا متاكدة.*
*والروايه دي وضحت لينا انو الحياة م مضمونه ممكن تكون في اشد أوقاتك سعاده وفجاءه تحزن وممكن العكس فشنو خلو الجمله دي في بالكم سوا كنتو فرحانين او حزنانين هذا الوقت سيمضي ان قرأتها وانت حزين فرحت وان قرأتها وانت فرح حزنت هذا الوقت سيمضي.*
*باب التوبه مفتوح ليك الان لو كنت زي فياض وانتِ لو كنت زي جوري عساها تكون ليك بدايه! هنئيا لمن ادرك توبته قبل موته.*
*والصبر والعوض من ربنا جميل شديد كل العليكم تتوبو وربنا ح يعوضكم زي م عوض جوري بي يوسف، واعلمو ان من ترك شيئا لله عوضه خيراً منه.*
*واعملو ان الموت حق علينا ولسنا دائمين فالله ما أخذ ولله ما أعطى وانا لله وانا إليه راجعون*
*وأخيراً إذا أردتِ أن ينشأ ابنائكِ صالحين فأختاري لهم أباً صالح وعسى الله ان يرزقني وإياكم الزوج الصالح والزوجه الصالحه والذريه الصالحه*
*اللهم ارزقني زوجاً يصبُ الحبَ عليّ صبا، ويكون عابداً لله. والسلام عليكم*
*دمتم بخير إلى ان نلتقى في روايه أخرى مره جديده*🤍.
تمت بحمد الله
بكل ما هوه جديد من اللينك الظاهر امامك
🌹🌹🌹🌹 🌹🌹🌹🌹🌹🌹🌹🌹🌹🌹🌹