رواية حلم واقع الفصل الحادي والعشرون21والثاني والعشرون22بقلم رانيا عماره
جوز حنان :مانا عايز اعرف ايه الـ جوا البضاعه دي.. ده انا لما كنت في المخزن الاولاني الواد حماده كان قاعدلي زي الخازوق لا عارف ابص ولا اخد راحتي بس اما ليه المعلم فتحي قالي ملكش دعوه بـ حاجه وانت الـ ليك تنضف وتنقل وبس.. طب والله لـ انا باصص مانا مش هسيب الفضول يموتني
وجاب مشرط وفك علبه فيهم
جوز حنان :يانهار اسود ومنيل!!! بودره وحشيش اتاريك عمال تقولي متهوبش ناحيه المخزن ولا ليك دعوه بـ حاجه فيه وانا اقول عايش في العز ده كله منين
وراح مطلع الموبايل واتصل بـ ياسر
جوز حنان :انا قلبت في البضاعه الـ عند فتحي
ياسر:تمام ولقيت ايه؟
جوز حنان:المعلم بيتاجر في الحشيش والبودره يااستاذ
ياسر:تمام اقفل العلبه زي ماكانت ولا كأنك عارف حاجه لو حسسته انك عرفت هيغير كل الـ هو مخططله عايزوا يديلك الامان
جوز حنان:لا متقلقش انا مش هحسسه بأي حاجه بس ياتري هتديني كام بعد ده كله
ياسر:هديك الـ انت عايزوا احنا في نص الطريق لما نوصل لأخره هديك الحلو كله
جوز حنان :ده انا كده اشتغلك بضمير
ياسر:وده الـ انا عايزوا يلا ركز في المخزن ورجع كل حاجه زي ما كانت واوعى حد يحس بحاجه وصورلي المخزن حته حته علي موبايلك
جوز حنان:من العين دي قبل العين دي
وبعد ماخلص كلام مع ياسر بدأ يصور المخزن ويصور الكرتونه الـ فتحها
جوز حنان :كده زياده امان
عند عبير في القسم
عبير(دموع تمثيل) :طيب امشي انا؟
الظابط:اتفضلي بس يكون في علمك هنحتاجك تاني
عبير(بدموع تمثيل) :وانا تحت امركم
الظابط:اتفضلي
وقامت عبير وهي عماله تفكر هتعمل ايه
عبير( في سرها) :ايه الـ انا عملته في نفسي ده
*وراحت لـ خالتها ماجده وخبطت فـ هبه فتحت*
هبه(بـ استغراب) :ايه ده عبير في حاجه ولا ايه
عبير (بتدخل) :طيب ماتقوليلي اتفضلي الاول ولا انا غريبه
هبه:غريبه؟ لا البيت بيتك اقعدي مال وشك متغير ليه هو في حاجه حصلت؟
عبير:علي في المستشفى
هبه:ليه ايه الـ حصل
عبير :رجعت من برا لقيته سايح في دمه والشباك مفتوح شكل حد دخل وكان نيته يخلص عليه وروحت النيابه وفضلوا يسألوني وقعدت شويه ورجعت
هبه(بتبص علي شنطتها) :وانتي هتقعدي هنا ولا ايه
عبير :اه هقعد معاكم لحد مانشوف الدنيا اخرتها ايه بس اياكي حد يعرف اني عندكم
هبه:لا من الناحيه دي متقلقيش
عبير:طيب امال خالتي ماجده فين
هبه:راحت لـ خالي فتحي
عبير:خالي ده بتاع مصلحته يابت ياهبه اما مشوفتوش في خطوبتي ولا كتب الكتاب
هبه:وانتي كنتي عزمتيه لما يجي
عبير:اسكتي اعزمه ايه هو انا ناقصه لـ كان يحط علي في دماغه اكمنه شراني وبتاع مشاكل
هبه:اهاا قولتيلي بقي ان علي في المستشفى
عبير:اه ليه
هبه:ومروحتش معاه ليه؟؟
عبير(بتوتر) :ابداا عادي هو لازم اكون معاه ممم وبعدين انا اعصابي تعبانه من منظر الدم وبعدين انتي يابت هتقعدي تحققي معايا ولا ايه
هبه:وانا هحقق معاكي ليه انا بسأل عادي يعني
عبير(بتوتر) :ااه طب خليكى في حالك اما مفيش اخبار جديده عن اختك حنان
هبه:لا مفيش الدنيا ضاربانا مليون قلم مره اختي ومره بنت فتحي
عبير :مالها بنت فتحي؟
هبه:البت خرجت من درسها متعرفيش راحت فين قلبوا عليها الدنيا وخالك فتحي مرضاش يروح القسم خايف يعتب عليه يقوموا ساحبينه
عبير:شده وتزول
*فـ جات ماجده من برا*
ماجده:ايه ده عبير ازيك
عبير:ازيك ياخالتي عامله ايه
*وبتقوم وبتبوسها*
ماجده:هكون عامله ايه في الـ انا فيه ده
البت منار مخطوفه بنت خالك فتحي و قالبين عليها الدنيا
عبير:ما هبه قالتلي اكيد ياخالتي هيلاقوها يمكن البنت تايهه ولا حاجه
ماجده(بتقعد) :تايهه وهي عمرها تاهت فتحي وعياله عينيهم في نص راسهم
عبير:زيك كده ياخالتي
ماجده:هو انا في زي اما ايه ده انتي جايبه شنطتك وجايه ليه؟
طبعا لين وتيم مينفعش يظهروا في الصوره تماما لانهم معروفين حتي لو غيروا اسمهم هيتعرفوا سواء من فتحي او اخته ماجده فـ كان لازم يستعينوا بـ ياسر.. وياسر يستعين بـ ناس تانيه زي ساره وجوز حنان وفي الاخر كل واحد هياخد حق تعبه في المهمه الصعبه دي
-----عند تيم و لين و ياسر ------
تيم:انا ليه حاسس الدنيا متعقده يا ياسر للدرجادي والموضوع ده مش عايز ينتهي
ياسر:امال احنا بنعمل ايه مااحنا شغالين علي آخرنا اهو وبنعمل الـ علينا وعايز اقولك ان فتحي الترامادول كمان جرعتين بالكتير وهيكون ماشي في دمه ادمان
تيم:طيب ومفيش اي جديد عن فتحي مفيش مصيبه جديده؟
لين:وهو الـ زي فتحي مصايبه بتخلص
ياسر:جوز حنان لما راح المخزن التاني فتح كرتونه منهم لقاها عباره عن بودره وحشيش واللذي منه
تيم:حلو وايه تاني
ياسر:بس وصبري صورلي شويه فيديوهات عنب حتى بص
*وشغلهم الفيديو وجوز حنان بيصور المخزن وبيفتح كرتونه منهم وبيطلع منهم البودره والحشيش*
تيم:الفيديو ده ميتمسحش هنحتاجه بعدين
عند منال وجده تيم كانوا قاعدين بيتفرجوا علي فيلم وحاطين قدامهم عصير ومكسرات
منال(بتضحك) :ههههه الفيلم ده تحفه
جده تيم(بتضحك) :ياه يابنتي ده الواحد مضحكش بقاله زمن
منال(بتضحك) :علي رايك اهو خلاص خلص
جده تيم(بتلف لـ منال) :اما قوليلي يامنال مش ناويه تتجوزي تاني
منال:لا اتجوز ايه هو انا عبيطه ولا عقلي مفوت لما اكرر غلطتي من جديد ده انا ماصدقت اني خلصت من كل ده تقوليلي مش ناويه تتجوزي تاني
جده تيم:يعني ست جميله في حلاوتك وطعامتك دي تقفل باب الجواز في وشها ليه
منال:ياحبيبه قلبي ربنا عرفوه بالعقل انا غلطت مرتين وربنا موفقنيش فيهم ليه احط نفسي في نفس المكان تاني
جده تيم:ماتجربي تعيشي وتفرحي يمكن المره دي فيها الخير ليكي
منال:لا ما خلاص بقي راحت عليا انا كل الـ يهمني دلوقت اجوز لين واشوفها في بيتها
جده تيم:راحت عليكي؟ ده لو راحت عليكي اروح انا ادفن نفسي؟ وبعدين بنتك عروسه زي القمر طالعالك وانا اقول جايبه الحلاوه دي من مين
منال:لا بعد الشر عليكي.. لين لسه صغيره انما انا الشقي والعجز بدأوا يبانوا عليا بعد موت ابوها
جده تيم:انا مش برخم عليكي يامنال يابنتي بس ايه الـ حصل
منال:لا ياحبيبتي اسألي براحتك
جده تيم:حبيبتي
منال:هو اختفي فجأه ومحدش عرفله طريق ولما سألنا قالوا استعوضوا ربنا فيه بس ان جينا للحق ابو لين كان جدع وطيب بس هي الدنيا كده بتاخد الحلو وتسيبلنا الوحش
جده تيم:وفتحي ده جالك من بعده
منال:اه وكان اختيار غير موفق وكان سني لسه صغير المهم بعدها من قريب قابلت واحد ودخلي من المدخل الرئيسي كلام حلو واهتمام وكل حاجه حلوه
جده تيم:وعرفتيه فين في الشغل؟
منال: لالا مش شغل ولا حاجه
فلاش باك
() انا كنت لسه راجعه من الشغل لقيت الباب بيخبط فـ فتحت لقيته راجل
منال:خير حضرتك مين؟
فريد:مساء الخير معلش متعرفيش بيت الحاج فتحي فين
منال:انا طليقته في حاجه؟
فريد:معلش كنت محتاجه في كلمتين
منال:لا الحقيقه هو مش هنا ومابقاش له حاجه هنا
.. وبدأ يدوخ ويتعب فـ دخلت بسرعه جيبتله كرسي قدام باب الشقه وقعد
منال:حضرتك كويس؟
فريد:لا دوخه شغل معلش يامدام اصل شغال من الصبح والشغل مرمطه
منال:لا طيب حضرتك محتاج مساعده
فريد(بيقوم) :لا متشكر لو تعرفي طريق فتحي دليني عليه ده ناصب عليا في فلوس وانا عايز ارجع حقي
منال:فلوس ايه دي
وبعد كلام كتير وهو ماشي اداني الكارت بتاعه
فريد:ده الكارت بتاعي عندي شركه صحافه احب انك تنوريني
وطبعا انا بما اني صحفيه فـ الموضوع ده كان شاغلني جدا ()
جده تيم:طيب واتجوزتوا يامنال؟
منال:لا الحمدلله متجوزناش ولا حتي اتخطبنا ده كان مجرد كلام مش اكتر
فلاش باك في خيال منال.. المكان كافيه
() فريد:انا كنت عاوز افاتحك في موضوع يامنال
منال:موضوع ايه ده
فريد:مش عارف ابدأها معاكي منين
منال:اتكلم يافريد
فريد:انا طالبك للجواز
منال:طالبني للجواز؟؟ ()
جده تيم:معلش يابنتي قلبت عليكي المواجع
منال:مواجع ايه ده كويس انك فكرتيني علشان اتعلم من غلطي
جده تيم:ربنا يرزقك بالـ فيه الخير
منال:اللهم أمين
عند عبير في بيت خالتها ماجده
عبير:خايفه اكون بتقل عليكي ياخالتي
ماجده(بـ خبث) :متقوليش كده يابت انتي مقامك من مقام بناتي
عبير:شكرا ياخالتي مش عارفه اقولك ايه
ماجده(بـ خبث) :اما الفيلا والعربيه اخبارهم ايه
عبير(بتغير الموضوع) :اوعي تعرفي حد ان انا عندكم
ماجده(بـ خبث) :لا متقلقيش اما مقولتيش يعني العربيه والفيلا اخبارهم ايه؟
عبير(في سرها) :برضه مصممه
عبير:كويسين بيسلموا عليكي
ماجده:يعني ايه كويسين بيسلموا عليا ماتردي عدل يابت
عبير:الله ما جرا ايه ياخالتي عايزه توصلي لـ ايه؟
ماجده:اداكي الخازوق مش كده
عبير(بإستغراب) :خازوق ايه؟
ماجده:هبه... ياهبه... هبه
هبه(جايه) :نعم ياماما في ايه
ماجده:طلعي الفيديو ياقلب امك
عبير(بإستغراب) :فيديو ايه؟؟
هبه:اهو
ماجده:اتفرجي معانا كده
((((الفيديو كان عباره عن خناقتهم لما هي اكتشفت ان كل ده نصب
عبير(بتكسر الباب وبتزعق) :بقي تستغفلني وتفهمني اننا متجوزين علي سنه الله ورسوله؟؟ بتلعب بيا ياروح امك وانا اقول مفيش حد موجود ليه يوم كتب الكتاب ومفيش غيري انا وانت ليه؟؟ اتاااري بيتلعب بياااا
علي(بيقوم وبيزعق) :ماتتعدلي يابت لـ تكوني فكرتي نفسك ست بحق وحقيقي انا اتجوزتك علشان كنت محتاج قرشين اصل انا مقولتلكيش؟ انا ابويا ميت من زمان اووي وسايبني اخبط في الدنيا يمين وشمال وشمال ويمين ههههه عجبك القلم؟
عبير(بصدمه) :انت ابوك ميت؟؟؟ امال الشركه دي بتاعت مين؟؟
علي(بيضحك) :الشركه الـ انتي فيها ياحلوه دي شركه راجل خليجي عايش برا في بلده هههه
عبير(بصدمه) :يعني ايه؟ يعني انت ابوك طلع ميت والشركه مش بتاعتكم؟ ومدير بصفتك ايه؟؟))))))
عبير(بصدمه) :انتي جيبتي الفيديو ده منين وازاي؟؟؟
*وقامت من مكانها*
ماجده(بتضحك) :هو انا مقولتلكيش انا زرعتلك كاميرتين واحده في الريسيبشن تحت وواحده في اوضه النوم هههههه
عبير(بزعيق) :زرعتيهم ازاي؟؟حد يرد عليا
ماجده:عادي ياعبير متبقيش مقفله كده هو انتي فاكره الحاجات دي هتصعب عليا لا ده انا هبه قالتلي بتشتغل ازاي أصلها ياقلب امها مكنتش فاضيه تقوم بالمهمه دي
عبير(بزعيق) :وانتي تعملي كده ليه اساسا؟؟ وبتدوري ورايا ليه؟؟
ماجده:استني بس انتي مكملتيش الفيديو لسه الحته الجايه وانتي بتضربيه
عبير(بزعيق) :بتستغفليني ياخالتي ده انا هوديكم في ستين داهيه
ماجده:تودي مين ياروح امك انتي نسيتي ان الفيديو بتاعك معانا يعني لو طلعت بيه علي النيابه شوفي بقي هيعملوا ايه وخصوصا لما يعرفوا انك الـ ورا كل ده
عبير:انتي كنتي متفقه معاه علي كل الـ حصلي؟؟؟
ماجده:ابدا
*وراحت مطلعه الفلوس من شنطتها*
ماجده :ده يادوب اداني دول علشان نقنعك ان ده جواز علي سنه الله ورسوله
عبير(بصويت) :يعني كلكم استغفلتوني؟؟؟
ماجده:انتي الـ طماعه وبتجري ورا الفلوس سبحان الله طالعه زي امك بالظبط
عند تيم و لين في الشركه وهما مروحين بعد مااليوم خلص
تيم:زي ماقولتلك متدايقش كله بالاسم وبمجرد ماالموضوع ينتهي كل حاجه هترجع للاول
ياسر :مش قادر اتخيل ياتيم ان ساره هتكتب كتابها بكرا الصبح علي فتحي
تيم:هتعدي يا ياسر بس متفكرش في الموضوع كتير
لين:خلاص بقي يا ياسر هي مش هتتجوزه بجد وهي وعدتك ان الموضوع مجرد رجوع حقوق لأصحابها
ياسر:طيب يا لين يلا خد بالك منها ياتيم وانا همشي بعد منكم
تيم:تمام يلا عايز حاجه
ياسر:سلامتك
تيم:سلام
ياسر:سلام
وخرج تيم هو و لين
لين:خلاص هانت
تيم:مستني الحق يرجع بفارغ الصبر
لين:هيرجع ياتيم وقريب اوي
تيم(بإبتسامه) :طيب يلا بينا نجيب اكل ونروح
لين(بإبتسامه) :اوكي يلا
وراحوا يجيبوا اكل ورجعوا الاوتيل
*تيم علي باب اوضه لين*
تيم:خدي بالك من نفسك يا لين
لين:اوكي وانت كمان
تيم:حاضر انا هدخل ولو احتاجتي حاجه كلميني
لين(بإبتسامه) :ماشي
وشاورتله وكل واحد دخل اوضته وبعد ماغيرت هدومها وقعدت بدأت تفتكر كل حاجه حلوه شافتها مع تيم من اول ماكانت بتحلم بيه والكل بيكدبها وبيقولها انه مجرد حلم ومش هيتحقق بس يقينها بأنها هتشوفه كان اكبر بكتير من كلام اي حد ولا يوم ماعلياء صاحبتها شافته وجات شدتها وراحت معاها ومكنتش مصدقه كانت بتفتكر كل موقف عدوه مع بعض كانت بتفكر ليه تيم متكلمش معاها لحد دلوقت وقالها بالـ في قلبه ناحيتها
لين:انا بقالي كتير مكلمتش علياء وانا وعدتها اني هشوفها
ومسكت موبايلها واتصلت بيها
لين:مش بترد.. هتصل تاني
ورجعت تتصل تاني لحد ماردت
علياء:لين!! وحشتيني اوووي اوووي فينك كل المده دي؟؟
لين:حبيبتي انتي كمان جدا سامحيني كان ورايا مليون حاجه الفتره الـ فاتت المهم انتي عامله ايه؟
علياء:انا زعلانه منك يا لين بقي كل ده متتكلميش معايا
لين :صدقيني كان عندي حاجات كتير اوي وبعدين انا كلمتك اهو
علياء:جايه تفتكريني بعد الفتره دي مكنش العشم ياستي
لين(بتضحك) :خلاص بقي ياعلياء وبعدين مانا كلمتك اهو هو انا ليا حد غيرك دي كانت احلي ايام لما كنا في تركيا واه علفكرا ماما موجوده هناك
علياء:مامتك موجوده هنا؟
لين:ايوه ماما موجوده لكن انا في مصر
علياء :طيب ماتقوليلي العنوان عايزه اشوفها اوي
لين:حاضر ياستي هبعتلك اللوكيشن بتاعها وهبلغها انك هتروحي
علياء:ياريت نفسي اشوف طنط اوي
لين:انا متأكده انكم هتحبوا بعض اوي
علياء :نفس احساسي
عند تيم في اوضته كانت بيقلب في صور لين ومبتسم مع كل صوره ليها بتقابله وبيفكر هل لو قالها هتستجيب وتوافق ولا هترفض وكل الـ حلم بيه هيضيع علي الفاضي
تيم(بيبعت مسدج) :لين انتي صاحيه؟
لين :ايوه قول لي بتعمل ايه
تيم:ده انا كنت قاعد زهقان ماتطلعي البلاكونه اشوفك
لين:هفكر
تيم:لا اطلعي انا مستنيكي انتي لسه هتفكري
لين: خلاص اوكي هطلع😂😂😂
وراحت طالعه وطبعا البلاكونتين جنب بعض فـ بيشوفوا بعض بسهوله
تيم:انا بصراحه يعني كنت زهقان قولت نتكلم شويه
لين:انا كمان كنت زهقانه
تيم:ايه رايك ناكل مع بعض؟
لين:انت لسه مكلتش؟
تيم:لا الحقيقه مكلتش ومجاليش نفس اكل من غيرك
لين(بتضحك) :انا كمان مكلتش طيب استني هدخل اجيب الاكل
ودخلت جابت الاكل وطلعتله تاني
تيم:حلو الاكل ده
لين:اكيد حلو لانك الـ جايبه ياتيم
تيم(بيضحك) :ايه ده انا بيتقالي كلام حلو
لين(بتضحك) :لا مش اوي يعني
تيم(بيضحك) :تعرفي يالين انتي الوحيده الـ مهونه وحدتي
لين:وحدتك؟ ليه انت وحيد؟ شكلي هاخد اكلي وادخل جوا🙄
تيم(بيضحك) :لالا بهزر معاكي.. انتي مهونه عليا كل التعب الـ مريت بيه حتي وانا مع جدتي حاسس اني وحيد هي كتر الف خيرها انها قايمه بدور الام بس دماغنا بعيده عن بعض
لين:ده طبيعي جدتك ست كبيره ومش سهل تفهم دماغك.. طيب لو كان عندك حد فاهمك هل كنت هتقولي نفس الكلام ده؟
تيم:بصراحه اه كنت هقوله برضه
لين(بتضحك) :آهاا
تيم(بيضحك) :كلي
عند عبير كانت لمت حاجتها وهربت من عند ماجده لان واضح ان ماجده مش هتستر عليها وهي الـ هتكون سبب في دخولها السجن
عبير(بتشاور لـ تاكسي) :لو سمحت
ووقفلها وركبت وقالتله العنوان الـ عايزه تروحه
ولما وصلت ونزلت كانت حاره قديمه والناس الـ فيها مش سهله خالص
عبير:ممم لو سمحت متعرفش بيت الحاجه ام وائل
_انتي مين يامزه وايه الـ دخلك عندنا الساعه دي
عبير:لا بقولك ايه ده انا بنت بلد واخربلك الدنيا متفكرش انها سايبه
_عايزه مين يابت ومالك ومال ام وائل تعرفيها منين
عبير:الله عاوزاها انت مالك
_انتي عارفه دي مين
عبير:وهو انا لو مش عارفه كنت سألتك
_تعالي ورايا
وخدها لحد البيت وخبطت وفتحت ام وائل
ام وائل:ايه ده عبير!!!
تفتكروا مين ام وائل دي؟؟؟
الفصل الثاني والعشرون
_عايزه مين يابت ومالك ومال ام وائل تعرفيها منين
عبير:الله عاوزاها انت مالك
_انتي عارفه دي مين
عبير:وهو انا لو مش عارفه كنت سألتك
_تعالي ورايا
وخدها لحد البيت وخبطت وفتحت ام وائل
ام وائل:ايه ده عبير!!!
عبير(بتحضنها) :ازيك ياخالتي
ام وائل :يخربيتك يابت فينك كل ده تعالي تعالي ادخلي
عبير:يااه بيتك زي ماهو متغيرش
ام وائل:وانا اقدر اغير فيه حاجه
عبير:عامله ايه ياخالتي وحشاني
ام وائل :بخير انتي عامله ايه طمنيني عليكي
عبير :اهو ماشي الحال
ام وائل:هو في حاجه حصلت ولا ايه
عبير:لا ابدا انا جايه اقعد عندك يومين بس اوعي حد يعرف اني قاعده هنا
ام وائل:طب ماتقوليلي ده انا خالتك برضه
عبير:يعني اتخانقت مع جوزي وكده
ام وائل:ايه ده انتي اتجوزتي امتي يابت؟
عبير:من فتره
ام وائل:ومحدش بلغني واتصل عليا ليه؟
عبير:معلش ياخالتي كانت علي الضيق كده المهم عيالك عاملين ايه
ام وائل:اهو كل واحد مع مراته ولا حد بيسأل فيا
عبير:معلش بقي اشغال اما فين اوضتي
ام وائل:قومي معايا شايفه الـ هناك دي هتبقى اوضتك بس انتي منوره الدنيا
عبير :الله يخليكي منوره بيكي وبـ أصحاب البيت
ام وائل:يااهلا يااهلا ادخلي
_______تاني يوم______
كان ياسر منامش طول الليل ورايح جاي في الشقه وهيتجنن
ياسر:اكيد انا بحلم ماهو مش معقول ساره تتجوزه.. مايمكن هي الـ عايزه كده وجايباها حجه... وهي هتعوز كده ليه من جمال فتحي اوي... لا انا مابقتش مستحمل
وراح لابس هدومه ورايح لـ تيم في الاوتيل
ياسر:لو سمحت ممكن اعرف اوضه تيم فين
الموظف:اوضه ١٢
ياسر :متشكر
وراح خبط عليه كان تيم نايم
تيم:مين الـ بيخبط في الوقت ده
وقام يفتح
تيم:ايه ده ياسر ادخل
ياسر(دخل) :معلش بقي اني جاي بدري شويه بس مش قادر ياتيم هتجنن معقول ساره هترمي نفسها لـ فتحي
تيم:اهدي بس
وجابله عصير وقعد قدامه
تيم:خد روق اعصابك.. انت مدايق ليه ماقولنا ساره هتخلص المهمه وكل حاجه هترجع لـ طبيعتها من الاول
ياسر:مش قادر اتخيل الـ بيحصل ده ساره عمرها ماعملت كده
تيم:انا مقدر الـ انت فيه بس الامور مش بتتاخد كده
ياسر:حط نفسك مكاني يعني لو لين هي الـ هتتجوز قولي هتعمل ايه؟
تيم(مدايق) :طيب ومالك ومال لين دلوقت؟
ياسر:شوفت انك اتدايقت!!من مجرد كلام مش هيحصل انما انا الـ شايف كل ده بيحصل قصادي هعمل ايه؟
تيم:ياسر من فضلك حاول تهدي شويه عن كده
*عند لين بدأت تصحي ووقفت قدام المرايا وافتكرت تيم وهي بتعمل شعرها وفضلت تضحك*
لين:اما اشوفه نايم ولا لسه
واتصلت بيه
لين :ايوه صباح الخير عامل ايه يا تَيِم
تيم:صباح النور يالين صاحيه من امتي
لين:لسه صاحيه حالا
تيم :طيب اعملي حسابك ياسر عندي هننزل نروح اي مطعم نتكلم هناك شويه فـ اجهزي
لين:اوكي حاضر هلبس واكلمك
تيم(بصوت حنين) :ماشي يلا باي
لين(بإبتسامه) :باي
ودخلت التواليت خدت شاور وخرجت لبست وعملت اللوك بتاعها واتصلت بـ تيم
تيم:اهدي بقي يا ياسر اكيد ليها حل
ياسر:بحاول ياتيم
تيم :الو يا لين ها خلصتي؟
لين:اه انا جاهزه
تيم:طيب هنعدي عليكي
لين:اوكي مستنيه
وخرجوا لـ لين خدوها وراحوا علي المطعم
عند فتحي و ساره بما ان ساره واخده شقه في العماره بتاعت فتحي الـ هو ساكن فيها فـ كانت جاهزه ومستعده ان فتحي يعدي عليها ياخدها
مراته:رايح فين يافتحي وايه الـ انت لابسه ده انت رايح فرح مين ع الصبح؟
فتحي(بيضحك) :رايح كتب كتابي
مراته :انت بتهزر فيك نفس تهزر وتروح افراح وبنتك مخطوفه ومش عارفينلها طريق؟؟
فتحي:وهو احنا كنا بنعمل ايه؟ مش بندور عليها؟
مراته:رايح فين يافتحي انا لسه مخلصتش كلامي
فتحي:مش قولتلك رايح كتب كتابي
مراته:كتب كتابك؟؟ هتتجوز عليا؟
فتحي:الشرع حلل 4 ومفيهاش حاجه لما اتجوز التانيه والتالته والرابعه ده يضرك في ايه؟
مراته(بصويت) :يامصيبتي السوده يامصيبتي هتتجوز عليا يافتحي؟؟ بعد مرمطتي معاك ومع عيالك؟ هي دي شكرا الـ بتقولهالي؟
فتحي:اه هي دي شكرا الـ بقولهالك ويلا اوعي من طريقي عشان متأخرش علي المأذون
مراته(بصويت) :مش هسيبك تخرج من هنا ورجلي علي رجلك في المكان الـ تروحه ومش هسيبك تتجوز عليا
فتحي:ماجرا ايه يابت لما اقولك توعي يبقي توعي فاهمه ولالا؟؟
وزقها وطلع لـ ساره
مراته(بصويت) :مااشي يافتحي ماشي انا وانت والزمن طويل
فتحي:ها اتأخرت عليكي؟
ساره:لا مو تأخير ولا أي شئ انا كتير فرحانه مابصدق اني راح اكون مرتك
فتحي:يعني انا الـ مصدق ده انا طاير من الفرحه يااستاذه كارولين
ساره :ما تقِلي استاذه قِلي كارولين انا راح اكون مرتك يعني لازم تكون اخد عليّ
فتحي:صح عندك حق ياكارولين طيب يلا المأذون مستنينا
ساره:اوكي بينا نروح
وراحوا للمأذون
المأذون:موافقه ياانسه كارولين علي زواجك من استاذ فتحي؟
ساره:أي موافقه
المأذون:علي بركه الله
عند ماجده بعتت بنتها هبه تبلغ عن عبير لانها مينفعش تروح القسم لا هي ولا فتحي خصوصا ان فتحي متداري من الشرطه بسبب مصايبه الكتير الـ مش بتخلص
ماجده:عرفتي هتقولي ايه؟
هبه:ايوه ياماما يلا انا هنزل
ماجده:خدي بالك من نفسك ياهبه واعملي الـ قولتلك عليه بالحرف الواحد
هبه:حاضر متقلقيش
ماجده:ابقي طمنيني
هبه:حاضر يلا سلام دلوقت
ومشيت راحت القسم
هبه:لو سمحت كنت عايزه اعمل بلاغ عن محاوله قتل
العسكري:استني هنا
ودخل خد اذن الدخول من الظابط
العسكري :ادخلي
هبه:متشكره
الظابط:اقعدي
هبه:متشكره ياحضره الظابط.. انا كنت جايه اعمل بلاغ عن محاوله قتل لـ بنت خالتي ضد جوزها
الظابط:وانتي شاهده في الجريمه؟
هبه:يعتبر شاهده بس قبل اي حاجه عايزه اوري حضرتك الفيديو ده
*وفتحت الموبايل وشغلتله الفيديو وبعد ماخلص *
الظابط:القضيه دي بتاعت استاذ علي!! كويس اننا لقينا دليل قوي.. وريني بطاقتك
هبه(بتطلعها) :اتفضل
الظابط(بيبص فيها) :تمام يااستاذه هبه قوليلي بقي جيبتي الفيديو ده منين وازاي؟
هبه(بتوتر) :عبير كانت على خلافات مع جوزها علي وعرفتني انها زرعت كاميرا في اوضه النوم لانه خمورجي وبيرجع بالليل يضربها وكانت محتاجه دليل لـ اعتداءه عليها فـ قالتلي خلي البرنامج مفتوح معاكي وتابعي بحيث لو حصلي أي حاجه تبقي انتي شاهده وانا كنت متوقعه العكس ان هو الـ هيضربها اتفاجئت ب ان الخناقه كبرت مابينهم وهي الـ ضربته
الظابط:تمام وهي المفروض لو هي الـ زرعت الكاميرا يبقي طبيعي انها متقومش معاه بأي مشكله في المكان الـ متراقب ب كاميرات صح ولا ايه؟
هبه:اكيد يافندم بس هي مكنتش في وعيها والدليل انها بعد ماضربته وبلغت وخدتوها علي القسم كانت راجعه بتتكلم بطريقه غريبه اول مره تتكلم بيها وكانت في حاله صعبه
الظابط:الحاله الـ هي فيها إثر المشكله الـ حصلت انما قبلها دخلت وهي بكامل قواها العقليه؟
هبه:لا عبير متعوده علي إدمان المخدرات زي علي جوزها وهما الاتنين كانوا بيشجعوا بعض علي كده ولما دخلت كان باين عليها فيها حاجه
الظابط:لو كلامك انها كانت شاربه حاجه يبقي المفروض انه كان يبان في التحقيق معاها!
هبه:عبير لما جات عندنا حكيتلي علي كل الـ حصل حتي لو حضرتك تلاحظ انها مسحت اثار الجريمه وبدأت تفوق نفسها وتمسح من عليها أثار التعب خصوصا انها هي الـ عملت كده وبالرغم من ده هي بنفسها الـ بلغت
الظابط:عبير فين؟
هبه:عبير مشيت من عندنا امبارح بالليل
الظابط :وانتي كنتي متستره علي الجريمه يعني مشتركه فيها
هبه:لا حضرتك بالعكس هي اول مادخلت وواجهتها بالفيديو فضلت تتكلم كلام غريب ولما حاولنا نحبسها ونبلغ حضرتكم زقت امي وقعتها علي الارض وهربت
الظابط:اكتب كل الكلام ده
عند تيم ولين وياسر في المطعم
تيم:اهدي بقي يا ياسر ده انت من ساعه ماجيتلي الفندق وانت قاعد علي اعصابك
ياسر:محدش فيكم حاسس بالـ انا حاسه دلوقت انا تعبان ياتيم مش مصدق ان ساره هتتجوز
لين:ممكن تهدي يا ياسر الموضوع كله اسبوع بالكتير وهينتهي
ياسر:ويفرض فتحي مرضاش يطلقها؟
تيم:امال احنا قاعدين بنعمل ايه مااحنا بنخطط ونشوف الخطوه الجايه هتكون ايه
ياسر:هنشوف
تيم:هتاكلوا ايه بقي؟
لين:ايه ده ساره بتتصل ارد؟
تيم وياسر:ردي
لين:الو ايوه يا ساره عملتي ايه؟
ساره:انا اتجوزت فتحي يا لين
لين:كتبتوا الكتاب خلاص؟
ساره :ايوه كتبناه انا حاسه بـ خنقه كبيره يالين
لين:طيب انتي بتتكلمي فين دلوقت؟
ساره:فتحي سابني وراح يجيب حاجه انا دلوقت عند المأذون وهو برا
لين:طيب خدي بالك
ساره :حاضر ياسر عامل ايه؟
لين:للاسف نفسيته وحشه جدا وعمالين نهدي فيه من ساعتها
ساره(بتتكلم بسرعه) :فهميه ان الـ حصل ده علشانك انتي وتيم وبمجرد ماالحقوق ترجع كل حاجه هترجع لـ طبيعتها.. بصي انا مضطره اقفل فتحي جاي تمام هنتكلم بعدين سلام
لين:طيب طيب سلام
ياسر(بحزن) :كتبت كتابها مش كده؟
لين:للاسف ايوه
راح ياسر خابط بـ ايده علي الترابيزه وراح قايم وواقف بعيد
تيم:طيب اعمله ايه ده وبعدين احنا مالنا احنا اديناله فلوس وهنديله الباقي علي كل الـ بيعمله مش شغلتنا احنا كل الـ بيحصل ده
لين:معلش ياتيم حط نفسك مكانه شويه هو برضه معذور الموقف مش سهل
تيم:وانا احط نفسي مكانه ليه انتي هتعملي كده يالين؟
لين(بإستغراب) :هعمل ايه؟
تيم:هتتجوزي؟؟
لين(بإستغراب) :وايه المشكله؟
تيم(مدايق) :يعني انتي ناويه تعملي كده؟
لين:اه عادي ويهمك في ايه؟
تيم:لا ابدا
وقام بعيد راح لـ ياسر وبقيت لين عماله تفكر لا هو راضي يتكلم وعمال يلمح وهي مش مريحاه بـ اجابه معقوله
ياسر:جيت دلوقت يعني
تيم:عندك حق يا ياسر انا حسيت بيك دلوقت
ياسر(بيتريق) :وايه الـ حصل يخليك تحس مانت مكنتش حاسس بأي حاجه
تيم:لا ابدا مفيش حاجه
ياسر:ايه حصل حاجه بينك وبين لين؟
راح تيم بيهز راسه بمعني اه
ياسر:يبقي الـ انا فيه ده مستاهل كده واكتر ده عذاب ياتيم عذااب
عند فتحي وساره
فتحي:الف مبروك ياعروسه معلش بقي اتأخرت عليكي
ساره:كِله يهون مادام انت معي كتير طايره من الفرحه
فتحي:هههه انا اكتر يلا بينا نرجع علي بيتنا ووعد مني بكرا هيجيلك احلي عفش جديد
ساره:لالا ما تجيب اي شئ اعطيني فلوسه وانا راح اجيب علي مزاجي
فتحي:خلاص زي ماتحبي المهم ترتاحي وتكوني مبسوطه
ساره:ميرسي
فتحي:يلا بينا
وخدها ورجعوا ودخل معاها الشقه وكانت ساره قلقانه منه قلق شديد وخايفه يقرب منها
ساره(بخوف) :شو راح تعمل؟
فتحي :الله وهو ده سؤال ده انا بقيت جوزك يعني فكي شويه
ساره(بخوف) :لالا كتير عندي ظروف محتاجه ارتاح
فتحي:ظروف ايه دي؟؟ ومقولتيش ليه ياكارولين جايه تقولي بعد كتب كتابنا بس انا ميهمنيش ظروف
*وبيقرب منها وهي بتبعد عنه*
ساره(بتزقه) :اوه لالا ابعد.. راح نشرب كاس الاول
فتحي:هو ده الكلام انا عايز اكبر كاس عندك
ساره:اوكي راح نجهز الكاسات
ودخلت جهزت كاسين وحطت في بتاعه منوم
وكان فتحي قاعد مستنيها برا
ساره:بينا نشرب.. صحتك
فتحي:وماله نشرب
وشرب الكاس من هنا ونام من الناحيه التانيه راحت ساره نقلاه علي السرير ولبسته لبس بيتي وهو مش حاسس بـ أي حاجه وغيرت ونامت جنبه وكانت مفتحه عينيها وخايفه يصحى في أي وقت
عند هبه كانت خلصت ورجعت البيت
ماجده:ها عملتي ايه طمنيني؟
هبه:حاسه انهم مكنوش مصدقين وحققوا معايا في 100 سؤال اجيلهم كده يجولي كده
ماجده:مش مهم المهم ان البت عبير مش هتقدر تظهر تاني ههههه المهم انا متأكده انها راحت عند خالتك خصوصا بعد ماالواد قش الـ وراها والـ قدامها.. اما صحيح الواد علي ده حصله ايه؟
هبه :بيقولوا حالته خطر في العنايه المركزه
ماجده(بشماته) :يلا اهي جات الحزينه تفرح ملقتلهاش مطرح هههه تستاهل
هبه(بشماته) :ده انا مستنيه حبل الاعدام وهو لافف حوالين رقبتها هههه
ماجده:كلنا مستنين يااه علي الراحه النفسيه يابت ده الخبر ده عدل دماغي اكتر من فنجان القهوه بتاع كل يوم ده
عند تيم ولين وياسر في المطعم
مكنش حد له نفس للأكل وقاعدين مدايقين وخصوصا ياسر وكانت دماغه عماله تودي وتجيب
ياسر(في سره) :ياتري حصلك ايه يا ساره انا متأكد ان فتحي مش هيسيبك الا لما يعمل الـ فـ دماغه كلهم قعدوا يقاوحوا معايا كأنهم فاهمين اكتر مني محدش حاسس بالنار الـ جوايا
لين:كل ياتيم.. كل يا ياسر انا مش هاكل لواحدي وانتوا هتتفرجوا عليا
ياسر:كل انت ياتيم انا عن نفسي مليش نفس
تيم:يعني انا الـ ليا
ياسر:انا هروح انفذ الـ اتفقنا عليه
لين:عرفنا عملت ايه
ياسر:حاضر
وطلع من المطعم وقعد في العربيه واتصل علي فتحي من رقم غريب وغير صوته بـ برنامج
ياسر:الو هما كلمتين
فتحي:الو مين؟؟
ياسر :بنتك وبنت اختك معايا انا محتاج 200 الف فديه والا هطير رقابيهم
فتحي:هههه انت فاكرني بيدخل عليا شغل العيال ده اعمل الـ تعمله
ياسر:يعني مش همك يبقي اسمع خبرهم الصبح
فتحي(بقلق) :ماجرا ايه ياجدع الكلام اخد وعطا بس الـ 200 الف كتير
ياسر:كتير؟ يعني تدفعهم ولا اطير رقبه بنتك وبنت اختك
فتحي:انا هدفعلك 100 الف وهاخد البت بتي وبس مش عايز بت اختي
ياسر:الـ 200الف بتوع بنتك انما بتوع بنت اختك لسه متكلمناش فيهم
فتحي:طب ماتديني فرصه
ياسر:قدامك بكرا تكون الفلوس موجوده علي العنوان الـ هقولهولك
فتحي:بكرا صعب اوي اوي ماتديني يومين
ياسر:بكرا الفلوس تكون عندي مش هكرر كلامي 200 الف بالتمام والكمال
فتحي:طيب طيب هعملك الـ انت عايزوا بس متقربش من البت الا هوديك في 60داهيه
ياسر:الفلوس توصل هتستلم بنتك مفيهاش خدش بس سلم واستلم
فتحي:طيب انا هجهزلك الفلوس بس لو طلع ده كله ف الاخر اشتغاله قول على نفسك يارحمن يارحيم
ياسر :مش احنا بتوع الاشتغالات وانا قد كلمتي سلام
ساره :مالك فتحي شو بك؟
فتحي:ابدا ده واحد اتصل بيا بيهددني هيقتل البت يااما ياخدله 200الف جنيه
ساره:معقول؟ طيب مو بتعرف مين هاد؟
فتحي:معرفوش ولا اعرف مين هو
ساره:انشالله نلاقي حل بس روق اعصابك فتحي
فتحي:اهو نروقها ازاي وانا بنتي مخطوفه
ساره:راح ترجع وافتكر ان كارولين قالت
فتحي:ياريت اما هو ايه الـ حصل انا مش فاكر حاجه
ساره(بتوتر) :انت كتير طلعت ثعلب مو طبيعي
فتحي(بيضحك) :ههههه طبعا امال فكرك ايه
*وبيقرب منها ف بعدته وهي قرفانه منه*
ساره:راح اجهز الاكل
وطلعت تجري دخلت المطبخ
فتحي:الله هو في ايه ده احنا لسه عرسان جداد حتي
عند عبير وخالتها التانيه ام وائل
ام وائل:الو ازيك ياماجده ياختي اخبارك ايه
ماجده:الحمدلله وانتي يااختي اخبارك ايه
ام وائل:بخير نحمد ربنا بقي جايه تفتكريني دلوقت فينك كل الفتره الـ فاتت دي
ماجده:ابدا مشغوله مع بناتي وانتي عيالك عاملين ايه
ام وائل:بخير ياختي ياحبيبتي
ماجده:يدوم اما مشوفتيش الـ حصل لـ عبير
ام وائل :ايه الـ حصل؟
ماجده:البت ضربت جوزها وقاعد في العنايه المركزه بين الحياه والموت والشرطه قالبه الدنيا عليها
ام وائل:معقول عبير تضرب جوزها؟ وانتي عرفتي منين
ماجده:اهو عرفت وخلاص وروحت بلغت الشرطه وهما دلوقت قالبين عليها الدنيا
ام وائل :بتبلغي عنها ليه ياماجده مهما كان كنتي استري عليها دي بنت اختك
ماجده :استر علي مين اسكتي دي بت فقر تستاهلها اما متعرفيش هي فين
ام وائل: لا ابدا معرفش مكانها
ماجده:ااه طيب طب ابقي سلميلي علي عيالك
ام وائل:يوصل
وكل ده وعبير سامعه كل كلمه بتتقال
عبير:يانهار اسود ومنيل!! طب وحياتك عندي ياخالتي لاطلع القديم والجديد علي جتتكم
يتبع