رواية اميرة قلبي الفصل الثالث3بقلم ريهام
حالة من التوتر صابت القصر كله والكل بيجري واستدعوا طبيب من مملكه بعيده عشان يشوف السلطان بس أمامه تلات ايام سفر ع مايوصل للقصر
عند الاء
كنت واقفه ف منتصف القصر وببص ع باب القصر الحراس كلهم مشغولين ومفيش حد منتبه ابدا فكرت اهرب حطيت الشال ع شعري وانا براقب العيون من حواليا كان ادامي حارسين بس مشغولين بالاكل وبيتخانقوا عليه استغليت الفرصه وخرجت من البوابه بسرعه بس فوجئت بحد وقفني وشدني بعيد ف اخر سور القصر صرخت بس كمم بوقي بايده
∆وتفتكري الأمير مش هيقدر يلاقيكي بسهوله لو هربتي
حاولت ابعد أيده عني بس معرفتش
∆هبعد ايدي بس بلاش تصرخي
حركت راسي بإيماء
كنت برتعش *انا انا كنت ..
ابتسم بخبث وقاطعني ∆تخيلي لو الأمير عرف انك عاوزه تهربي وف حالة تعب والده واحتمال وفاته
عيوني دمعت وانا بتخيل أني هتعدم
∆ اهدي وبلاش دموع انا هساعدك تهربي
بصتله برجاء *بجد
∆اكيد بجد بس مش حالا ف الوقت المناسب هقولك تقدر تدخلي القصر وكأن شئ لم يحدث
حركت راسي كذا مره ودخلت القصر بسرعه كنت طالعه فوق للغرفه وبتكعبل ودموعي مغرقه وشي انتبهت أما سمعت صوت الأمير مع الطبيب فرفعت عيني له كان شكله حزين اوى فضلت واقفه بصاله لحد ما الطبيب سابه ودخل للسلطان وهو كان ساند ع باب الغرفه بتعب ومغمض عينه
قربت منه بحذر *سمو الأمير
فتح عينه ببطء وبصلي
فركت ايدي بتوتر*انا انا ممكن اساعد الطبيب انا كنت ملازمه لطبيبة قصر السلطان عز الدين
بصلي بامتنان وابتسم ودخلني غرفه السلطان كنت واقفه انا والطبيب وهو بيفحصه والأمير عرفه بيا والطبيب رحب بوجودي أما بلغته اني كنت بساعد طبيبه قصر السلطان عز الدين عدا يومين وانا بساعد الطبيب وحالة السلطان محمد كان بتتحسن ببطء جدا
ف يوم بعد العشاء كنت ف غرفة السلطان وباب الغرفه خبط فسمحت بالدخول ف دخل الأمير ليل الغرفه
_السلام عليكم
*وعليكم السلام
بص لوالده وباس أيده زي ما بيعمل كل ليله وقعد ع الكرسي بتعب وبعدها اتعدل وبصلي
_ انا حاسس بالعجز
سكتت شويه
*انت قوى وهتعدي الازمه باذن الله عن قريب
دموعه نزلت منه ومسحها بسرعه مكنتش عارفه اتصرف اذاى
*قوم صلي وادعيله
قام اتوضي و صلي وبعد ماخلص بصلي
_انا تعبتك معايا اوى وانتي ملكيش اي ذنب ف كل دا
بصيت ف الأرض ومردتش
*مفيش تعب ولا حاجه دا واجبي
ليل :ابتسمت وانا بحمد ربنا لوجود الاء معايا ،لو ياسمينا مكانها عمرها ماكانت هتفضل معايا ممكن كانت تروح قصر والدها أو تتخلي عني لأنها مدلله ومغروره
الوقت عدا وانا قاعد ع الكرسي ونمت غصب عني
الاء:كنت بتأمل فيه وهو نايم مش عارفه من حقي ولالا بس هو جميل بشرته سمرا ودقنه لايقه ع وشه بس باين عليه الإجهاد والتعب
كنت محتاجه اغير هدومي ف خرجت وروحت غرفتي أو غرفة الامير ليل بمعني أدق وبدلت هدومي وخرجت قابلت ف وشي نفس الشخص اللي منعني من الهروب
بصلي وبسخريه اتكلم ∆شايف أن السلطان بدأ يتحسن ع ايديك ي طبيبه
ارتبكت*لو سمحت انا انا لازم امشي عشان معاد دول السلطان
لسا هتحرك من ادامه
بصرامه∆استني هنا شايفك اندمجتي ف القصر اي مش عاوزه تمشي تاني
*أما السلطان يستعيد عافيته
ابتسم بسخرية
فحاولت امشي تاني بس
وقفني باشاره من ايده و طلع من جيبه زجاجه صغيره لونها ابيض
بصلي واتكلم بخبث ∆دي تدوبيها للسلطان وهو هيرتاح خالص
بصتله باستفهام *دي دي لعلاج اي؟
ضحك بصوت عالي ∆غبيه اوى انتي ي طبيبه دي سم مفعوله قوي ف خلال ساعه هيكون السلطان مات ونهرب وقتها محدش هيحس بينا
وقفت مصدومه من الكلام
ي ترا الاء هتوافق وتهرب ولا هتنقذ السلطان