رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية ذئاب لا تعرف الحب الجزء الثاني2الفصل الرابع  والاربعون44بقلم نجمه براقه

بِجاد

كنت راجع  شايل شُنط خضار وطلبات للبيت وعند المدخل شوفت اللي صعقني و وقع الشنط من ايدي ولجم لساني عن الكلام  ،  شوفت احمد  ، احمد ابو فاطمة اللي لو كان عرفها يبقي كل حاجه انتهت وانا كمان انتهيت 

_ الدكتووور بِجاد..  عجزت وشعرك بقا ابيض يا راجل 

قالهالي وهو فارد درعاته ليه وبيحضني حضن سريع  وانا متجمد مكاني مش قادر حتي استدير ليه وهو بيحوم حولية لغيت ما جه قدامي تاني وقال بإبتسامة 

_ ياااه ، كام سنة دلوقتي 

_... 

_ ساكت ليه  ولا تكون لسة شايل مني 

قولت بعد ما استجمعت نفسي 

_ إيه جابك هنا  وعاوز إيه 

_ جاي اسلم  ، واسألك سؤالين صغيرين وهمشي 

_ سؤالين اية

_ عرفت ازاي ان أيسل بنتي.. وليه محكتلهاش اللي حصل زمان 

_ جاي المشوار ده كله علشان تسأل السؤال ده 

_ افتكر انه سؤال يستاهل اجي عشانه المشوار ده  .. إيه؟  ، حد منعك ولا محبتش تشوه صورتي قدام بنتي 

_ لا ده ولا ده

_ امال ايه 

_ زعلان  اني مقولتش  ،  تحب اروح  اقولها 

_ انا بسالك مقولتش ليه؟ 

_ ماشي هقولك  ..  لا انا مخوفتش اشوه صورتك قدامها ولا  حاجة  بس لقيت ان ده موضوع عدا عليه عُمر واتنسا ومش عايز افتحه قدام العيال اللي ملهمش ذنب في حاجة 

مط شفايفة بعدم اقتناع وقال

_ اه  ، كلام معقول.. طيب والسؤال التاني بقا... عرفت منين انها بنتي 

_ هو انت جاي تحقق معايا علشان مقولتلهاش ان ابوها كان صايع وبيهتك الاعراض 

_ انا مش بحقق  ، انا كنت عاوز افهم ليه مقولتش  ،  بيني وبينك كنت شاكك فيك وقولت اكيد ناوي علي حاجة 

_ مش ناوي علي حاجه  اللي راح راح وانا مفيش حيل للمناهدة والدخول في مشاكل مع حد  روح لحالك 

قولت كده وبدأت الم الشنط ف قالي 

_ اوكي بس خلي بالك لو بتفكر في حاجة هتتقلب ضدك وانت دلوقتي مبقتش لوحدك.. حرام بنتك تتبهدل 

كلمته شعلت النار جوايا ف سيبت الشنط وقمت مسكت فيه وقولت

_ لو جبت سيرة بنتي علي لسانك هقطعهولك

قال ببرود وهو بيشيل ايدي

_ كويس انك عارف احساس الاب تجاه بنته وخوفه عليها بيكون عامل ازاي   .. وانا كمان يا بِجاد لو حاجه حصلت قصاد بنتي او صورتي اتشوهت قدامها  متلومش إلا نفسك 

_ دي مشكلتك؟.. صورتك متتشوهش قدامها  بس  ،  ده انا كنت فاكرك هتقول متقربلهاش 

_ لا مانت مش هتقدر تقربلها اساسا

_ ليه مقدرش... صعب قوي.. ده انا سمعت ان بنتك اتخطفت قبل كده  

_ ايوة حصل وعشان كده محدش هيقدر يقرب لتانية..و ياريت يكون صح مقتنع ان عمر فات ومفيش داعي نقلب في  الماضي  ،  علشان انت بس اللي هتخسر لأن انا معنديش استعداد اخسر بنتي التانيه  .. اه سلملي علي بدر 

قال كده ومشي ناحية عربيته ف قولت 

_ انت اللي جاي عندي مش انا.. يعني انا اللي اهدد 

استدار ليه وقال 

_ ليه نصيب اشوفك تاني واشوف بنتك وابن اختك اللي  معاها فوق وانت مش موجود.. اجري شوفهم 

قال كده وطلع في العربية وبعد ما مشي دخلت البيت لقيت بِجاد هناك وهي علي الكرسي المقابل ليه ولابسة النقاب بس رفعاه عن وشها  يعني اكيد خبت وشها منه 

#فاطمة 

من اول ما دخل علينا جدت ملامح بِجاد  وبقا يتلكم برسمية وكأن في حاجة حصلت  ومع انشغالي بالتغيير ده بس تجاهلته وسألت بابا 

_ مين احمد ده يا بابا

_ انتي شوفتيه

_ اه هو جه يسأل عليك وبيقول انه صاحبك 

_ ابدا  ده واحد معرفة قديمة كنت شغال معاه... المهم انا جيبت كل الحاجات اللي هنحتاجها شوفي كده لو ناسي حاجة 

_ حاضر 

سيبتهم وروحت ناحية الشنط دخلتهم جوه وانا راجعه بعد ما فرزتهم لقيت بابا متوتر جداً وملامح بيجاد زادت حده قربت منهم وقولت

_ مالكم

قال بِجاد 

_ قال خايف عليكي معايا لو خرجنا..  شوفتي 

قال بابا 

_ خلاص خدها.. بس متتأخروش.. وانا هاخد الدوا وانام شوية 

قولت وانا بقعد جمبه

_ حضرتك كويس 

_ ايوة بس نفسي انام منمتش كويس الليلة اللي فاتت.. روحي مع بجاد وخدي المفتاح معاكي

_  لا انا هقعد معاك باين عليك تعبان 

_ انا كويس بس محتاج ارتاح شويه يلا روحي 

قال بجاد

_ قالك روحي يلا مستنيكي 

#بِجاد 

بعد ما دخلت توجه ليه بكل جسمه وقال

_ اوعي فاطمة تحس بحاجة  ممكن تروح فيها 

_ وانا لو كنت هحسسها كنت بقيت ساكت لغيت ما جيت.. مش هقول بس هنعجل بالجواز  بعد الترم الاول ما يخلص هنعمل الفرح 

_ لا.. فاطمة مش هتجوز غير لما انا اموت وبعدين اتجوزوا براحتكم

_ ربنا يبارك في عمرك.. بس بالشكل ده هي اللي هتموت الأول.. هنتجوز وممكن نعيش كلنا مع بعض  ،  واتمني ان السر ده ميتكشفش قدامها لوقتها 

قال بتنهيدة ممزوجه الحزن 

_ مين عارف مش يمكن اموت قبل الترم ما يخلص .. ربنا يسهل.. سيبها ل ربنا  

_ ونعم بالله  

بصلي وقال

_  مخترتش تسيبها ليه لما عرفت 

_ وهي ذنبها إيه 

_ مقولتش انها جايه من الحرام ومتنفعنيش 

_ قولت بس بعدين لقيت انها ملهاش ذنب.. انا اخترتها هي مش اهلها .. وحبي ليها كان أكبر من اني افكر في نفسي 

_... 

_ ايوة حبي ليها كان اكبر.. انا وانتي ياخالي كدة مبنهتمش باي حاجة محيطة   ،  هي البنت وبس.. ولا نسيت عمتي

قال بتنهيدة 

_ عمري مانسيت  ، واتمني حظك يكون احسن من حظي 

عبست ملامحه وهو بيكمل ويقول

_ فاطمة وبجاد وفاطمة وبجاد.. دكتور وطالبة في الجامعة ودكتور وطالبة في الجامعة.. والاتنين منتقبات.. يارب ميكونش الزمن بيعيد نفسه 

_ ويعيد نفسه ليه هي لا من نجع العربي ولا في سبب يمنع جوازي بيها  ،  الزمن مش هيعيد نفسه وحتي لو عاد نفسه انا مش هسمح ان القصتين يتشابهوا 

بعد وقت خرجت لابسه عباية والنقاب وخدتها وخرجنا وبعد مسافة مشيناها بالعربية قالت 

_ في حاجه مع بابا 

_ حاجة ايه 

_ حاسة ان في حاجة كنتوا بتتكلموا فيها ومش عاوزني اعرفها

_ فاطمة وقفي احساسك النهاردة مش عايز كلمة حسيت دي نهائي  حسي بيه انا وبس 

_ طيب قولي في ايه 

_ ماااشي   ، انا عارفك لو مقولتلكش هتقلبيها مناحة.. الموضوع ياستي اني طلبت منه نعمل الفرح بعد نهاية الترم الاول علي طول  زعل بقا واتخض وقال متسبنيش  ف قولتله نعيش مع بعض كلنا 

_ وبعدين 

_ وافق طبعاً 

_ ياسلام.. انتوا اتكلمتوا  واتفقتوا وانا صاحبة الشأن فين 

_ في قلبي 

_ مبهزرش

_ وانا والله ما بهزر انتي في قلبي بجد .. ثم شوفي هقولك حاجة.. احنا نعمل الفرح بما يرضي الله والا بقا هتهور كل شويه بما لا يرضي الله.. انا بتكلم في اللي فيه المصلحة 

_ بس انا مش موافقه 

_ كدة تبقي عاوزة ما لا يرضي الله 

_ هههههههه مبهزرش 

_ ولا انا والله.. معاكي لاجازة الترم بعد كده وااااالله هعمل حاجات عيب 

_ انت مجنون 

_ قووووي ف اتقي شري بقا و وافقي 

_ هههههههه 

_ طيب إيه 

_ انت اجبرتني خلاص موافقة 

_ حبيبتي مراتي بتسمع الكلام.. يلا  انزلي بقا هنتمشي شوية 

_ اوكي 

نزلنا مع بعض واتمشينا علي الرصيف  ولما جيت امسك ايدها حاولت تشدها مني ف رجعت امسكها بقوة واقول

_ بتشديها ليه 

_  عيب احنا في الشارع 

_ وايه يعني مانتي مراتي 

وقفت قصادها وقولت

_ بطلي عبط عادي قوي لما امسك ايدك 

كملت وانا بشبك صوابعي في فراغات ايديها 

_ ده انا حبيت نكتب الكتاب علشان محرمش نفسي من البصة ليكي ولا مسك ايدك  ولا خروجنا مع بعض في أي وقت عاوزينه

وطت رأسها ومردتش ف قولت بإبتسامة 

_ النقاب ده مضايقني ما ترفعيه مفيش حد قريب 

_ لا ممكن حد يعدي بعربية ولا حاجه 

_ اممم اوكي...

كملت بابتسامة 

_ بحبك 

_ ههههههه

_ بتضحكي ليه.. ردي عليه 

_ارد اقول ايه 

_ قولي اي حاجة   بتحبيني ولا لا 

_ لا 

_ لا والله 

_ اه والله 

_ بقا كدة 

_ اه كدة  .. علشان انا شعوري ناحيتك عدي مرحلة الحب انا بقيت دلوقتي بتنفسك

قولت باشمئزاز

_ مخدرات انا 

شدت ايدها مني وقالت

_ مخدرات 

_ اه اتنفسك  يعني انا مخدرات 

_ ايوة انت مخدرات.. مش هقولك كلام حلو تاني 

قالت كده ومشيت ف روحت وراها مسكت ايدها وقولت 

_ خلاص متزعليش تتنفسيني تتنفسيني هيجرا إيه يعني 

_ ممكن تبطل تريقة

_ دي مش تريقة والله 

_ امال ايه

_ سخرية 

_ هههههههه 

_ هههههه متزعليش  ، وانا كمان بتنفسك

_ بلاش الكلمه دي عشان بجد بقيت حساها مقرفة

_ انا حاسسها من زمان والله.. ايه بتنفسك دي

_ خلاص بقا فصلتني

وقفت قصادها وقولت وانا بظبط ليها النقاب 

_ اوكي لحظه  

_ آيه 

_ النقاب مش مظبوط 

كملت وانا برفع القماشة عن عينيها 

_ لحظة واحدة 

كملت بغزل  وانا ببص لعينيها 

_ اوووف.. إيه الجمال دة  ، حلو النقاب تصدقي 

خفضت جفونها بخجل ف قولت بإبتسامة 

_ انا بتكلم عن النقاب 

رجعت تبصلي وتقول 

_ طيب خلصت ولا لسة 

_ تؤ... عارفة؟  بجد مش مجرد كلام  بس انتي عينكي جمالهم يُسكر ويغيب العقل.. فاكر اول مره شوفتك فيها  وشوفت عينيكي ومن وقتها وانا قلبي مش معايا.. كل ما اغمض عيني اشفهم قدامي 

_... 

_ كلك جميلة يا فاطمة.. مش بس شكلك انتي نفسك جميلة  ونقية  شبه الورد 

قالت وعينيها في عينيه

_ يعني حبيت شكلي ولا شخصيتي  

_ الاتنين.. كنت في الأول محتار بينكم بس لما عرفت انكم واحد مبقاش في حيرة بقا في حب لانسانة شكلها وشخصيتها عجبوني.. وحبيتك بجد مش مجرد اعجاب.. فاطمة انا حرفيا بقيت بتنفسك

رفعت حاجبها وقالت 

_ بتتنفسني 

_ ايووه بتنفسك هههههههه ملقتش كلمة توصف شعوري اقوي من الكلمة المقرفة دي 

لمعت عيونها وهي بتقولي  

_ شعورك وصلني

_ اكيد معرفتش اوصف  ولا هعرف ازاي ممكن اشرح احساسي ناحيتك بالكلام.. اممم ابقي فكريني اقولك حاجة لما نروح 

_ حاجة إيه 

_ لما نوصل العمارة هقولك 

اتمشينا واتكلمنا كتير مع بعض وبعد ساعتين تقريباً مع دخول الليل خدتها ورجعنا البيت وقبل ما نطلع  شديت ايدها و وقفت بيها ورا السلم وحاصرتها بيني وبين الحيطة  وقولت وانا بقرب واشيل عنها النقاب 

_ استني 

قالت بارتباك 

_ إيه 

قولت وانا بتأمل شكلها واتحسس شفايفها بأيدي 

_ هموت لو معملتهاش 

_ هي ايه

 اشرت بعنيه علي شفايفها واستنيت ردها ف 

خدت نفس عميق وهديت من توترها وبعدين قربت مني وباستني بوسة سريعة  وقبل ما تبعد حيطتها بدراعي ضميتها ليه  ورجعت اضغط بشفايفي علي شفايفها في بوسة طويلة مليانه شغف وعشق رويت بيها شوقي ليها  ومكتفتش  بس كان لازم ابعد  وبعدت و وقفت للحظات عيني مش قادر اشيلها عنها وقولت بخوفت

_ كدة مش هندم واجي في الاربعين واحب اعوض اللي معملتهوش في سن العشرين 

دارت وشها عني ف قولت وانا برجعها ليه  

_ متبعديش 

زادت ابتسامتها بتوتر ف لامست شفايفها بأيدي وقولت بخفوت 

_ عايز اسمعها... قوليها 

_ اقول ايه 

_ قوليها 

خدت نفس عميق وقالت ولسه ايدي علي شفايفها وحاسس بكل حرف بتقوله 

_ بحبك 

_ ايه  ، مسمعتهاش قولي تاني كدة 

_ بحبك 

_ ودني تقيلة النهارده قوليها تاني 

_ ههههه خلاص بقا ابعد هنتمسك 

قولت بإبتسامة 

_ اوكي.. كدة كفاية علية النهاردة 

_ كفاية عليك لشهور.. اللي حصل ده مش هيحصل تاني

قولت وانا بزيد في قربي  

_ لا هيحصل  ، انا ميتقليش كفاية 

زقتني عنها  وقالت 

_ هههههه طيب اوعي كدة.. انا اللي غلطانه علشان وافقت نكتب الكتاب 

_ مش بدل ما كنت عملت كده في الحرام.. ما انا مكنتش هسيبك  

_ طيب ما ده حرام بردو 

_ نعم يختي لا مش حرام لو حرام مكنتش عملته ده انا لساعات ببحث عن المسموح بيه في  فترة كتب الكتاب 

_ هههههه يا سلام ومين افتالك... الشيخ جوجل ولا واحد صاحبك

_ ملكيش دعوة المهم انه مش حرام.. عارف ايه الحرام بالظبط

_ ايه 

مسكت ايدها وقولت 

_ تعالي جوه شويه وانا هقولك 

شدت ايدها مني وطلعت تجري لفوق ودخلت وقفلت الباب  

#خلود 

وانا في طريقي لبيت جدتي بعت ل إسلام وانا منهارة بسبب اللي حصل  وقولتله لما يفتح يكلمني  ،  ومجرد ما وصلت البيت بعتلي 

_ ايوة يافنانة  ،  مالك قلقتيني عليكى انتي تمام 

_ ايوة انا تمام.. انت طلبت نتجوز قبل كده صح 

_ ايوة صح ولسة عرضي موجود  

_ طيب انا موافقة تقدر تيجي تطلب ايدي

_ اه طبعاً هطلب ايدك بس مش تعرفيني الاول 

_ يعني اعرفك 

_ لا ولا حاجه  خلاص يا فنانة اجي من دلوقتي  خديلي معاد مع والدك 

_ مش هتروح لولدي دلوقتي ، هتروح لراجل اللي رباني الاول 

_ مين الراجل اللي رباكي ده عدم الامؤخذه 

_ هقولك عليه 

قولتله عليه وادتله العنوان وقولتله هكلمه واقوله يقدر يقابله امتي وبعدين اتصلت ب جدتي قولتلها هبات في البيت من النهاردة بقت تسأل كتير ف قولتلها 

_ علشان كبرت ومبقاش ينفع اقعد هناك  وكمان في عريس متقدملي واكيد مش هيحب اني ابات في بيت فيه اربع رجالة 

_ عريس مين ده ان شاءلله 

_ لما ترجعي هقولك هو مين المهم قولي لعمي عبيدة عايز يقابلة  شوفي هيفضي امتي وبلغيني 

#زيد 

رجعت من العيادة وانا متمني تكون رجعت علي هناك او علي الاقل تكون قالتلهم سبب مقنع لمشيتها من البيت غير السبب الحقيقي 

 ولما وصلت خالتي فتحتلي سلمت عليها ودخلت وعيني بتبحث عنها في البيت كله ومشوفتهاش ف دخلت استحميت وغيرت هدومي ورجعت لصالون قعدت هناك لساعه في انتظار ظهور اي حد يقولي حاجة عنها  حاجة ولكن مفيش جديد  لغيت ما تجرأت  وسألت خالتي عن دادة امينة من خوفي انها تشك في حاجة لو جبت سيرة  خلود ف قالتلي 

_ هتبات في البيت مع خلود وتيجي الصبح 

خفيت ربكتي وانا بقول 

_وليه خلود مش هتبات هنا 

_ بتقول انها كبرت ميصحش تبات في بيت فيه اربع رجاله  وكمان بتقول ان في واحد طالب ايدها.. 

قولت بمقاطعة

_ طالب إيه؟!..مين ده وامتي  

_ معرفش امينة بتقولي انها قالتلها واحد متقدم بس لسة هتشوف ايه حكايته 

_ اه  ، والواحد ده كلم مين فيهم 

_ خلود 

_ خلود! 

شردت بتفكيري في كلام خالتي معقول يكون صحيح في حد متقدم طيب ولو فيه مجبتليش سيرة ليه ولما هو فيه وهتوافق كانت مأجلة ليه ولا كانت مستنيه اللي حصل يحصل طيب احاول اكلمها واسالها ولا اسكت طيب امنعها ولا مليش دعوة  ، طيب انا لية شاغل نفسي  ليه ليه ليه  اسألة كتير في دماغي عنها ومكنتش مرتاح وحاسس ان في دوشة في دماغي قادرة تخليني اتجن   ف قومت من مكاني دخلت الاوضه فتحت التليفون وحاولت كتير قوي اتصل وفي كل مره كنت بقفل مجرد ما اضغط اتصال وفي النهاية تجرأت وكملت ولقيتها عملالي بلوك   ،  مش بس مكلمات دي عامله من كل المواقع يعني اختارت تبني وبينها سد ومنعت اي طريقة التواصل معاها  

_ زيد 

قالهالي بشر وهو وداخل عندي ولما  وصلني كمل باستفهام 

_ انت قولت حاجه لخلود 

قولت بتهرب من نظراته

_ قولتلها ايه يعني   ،  مقولتش حاجة 

_ زيد 

_ مقولتش يابشر في ايه..  هي قالت إني قولتلها حاجة 

_ مقالتش.. مشيت وبس 

_ اه

_ طيب فهمني ايه اللي حصل خلاها تقرر تمشي  

_ معرفش أسألها هي..  انا دلوقتي عاوز انام تعبت من الشغل 

وقفني بحط ايده علي كتفي وقال 

_ مالك يا زيد.. في حاجة انت مش قادر تقولها.. احكيلي محدش هيفهمك قدي 

_ لا يابشر مفيش حاجة.. عاوز انام بس.. معلش سيبني 

_ طيب  ،  ارتاح والصبح هنتكلم وهتحكيلي مالك 

_ ان شاءلله  يا بشر.. تصبح علي خير 

طلع من عندي وانا قعدت علي السرير فتحت التليفون ودخلت علي شات اسيل هو الوحيد اللي مكنتش عملالي بلوك منه. 

 عيدت كل الرسايل من وقت ما كلمتني اول مره لغيت اخر مره كلمتها فيها وعدت الساعات وانا بحاول انساها وانام  وبصعوبة قدرت  وبعد وقت قومت وطلعت من الاوضة قعدت في الصالون فتحت الاب توب وانا لسة عقلي مشغول بيها وفجأة سمعت صوتها بتكلمني ولما رفعت وشي لقيتها جايه ناحيتي وجايبة القهوة وبتقولي 

_ القهوة 

قومت من مكاني وقولت باندهاش

_ خلود؟  .. قالولي مش جاية تاني 

مطت بوقها بعبس وقالت 

_ مقدرتش مجيش.. بتوحشيني

اترسمت ابتسامتي بسبب كلمتها قبل ما تكمل وتقول  

_ بس انا زعلانة منك 

_ ليه.. مانتي غلطتي معايا  إيه مزعلك 

_ زعلت عشان انت دائماً مصمم تطلعني بغلط وبتحبطني

قولت بزهق

_ يلعن ابو كدة  هو انتي كنتي بتعملي ايه يعني علشان تزعلي وتُحبطي بسبب كلامي يا خلود  ، بتعكي وخلاص  ، مانتي فاشلة... فااااااشلة 

_ زيد! 

جاتني الكلمة دي بصوتها ولما فتحت عيني وبصيت حولية ملقتهاش ف  عرفت انه كان حلم ولقيت دادة امينة قدامي  ف غمضت عيني شويه وقولت 

_ نعم يا دادة

_ الوقت اتأخر وانت لسة نايم 

_ صحيت اهو 

_ طيب ياحبيبي فوق يكون جهزتلك الفطار  

قولت وانا بعتدل

_ حاضر 

مشيت ناحية الباب ولغيت ما وصلت وانا عايز أسألها عنها بس مقدرتش ولكن لحسن حظي انها هي وقفت ورجعت تقولي 

_ معلش يابني كنت عايزة  اسالك  عن حاجة  كدة 

_ اتفضلي يا دادة  

_ هو في حاجه حصلت مع خلود في الشغل 

_ مش فاهم.. حاجة ايه يعني.. هي قالتلك آية 

_ مقالتش اي حاجة غير انها مش فاهمه في الشغل ف سابته 

_ طيب ماهي قالتلك  ، أمال بتسالي ليه 

_ شايفاها زعلانه  متكلمتش معايا كلمتين علي بعض 

_ معرفش يا دادة... يمكن العريس مزعلها..  سمعت ان في حد متقدم.. صحيح الكلام ده 

_ ايوه وقالتلي أنه جاي النهارده يطلبها مني ومن الاستاذ عبيدة 

قولت وانا بعتدل

_ هيجي هنا 

_ اه 

_ امتي ده

_ علي العصر كدة 

_ اهاااا... لا تمام  قوي  ، اهلا وسهلا بيه ينور طبعاً 

قومت من مكاني خدت دوش وبصيت في الساعة لقيتها لسة عشرة يعني لسة فاضل حوالي ست ساعات  ، نفس معاد العيادة بس انا قررت مش رايح النهارده وهستني اشوف عريس الفاشلة 

#إسلام 

طلعت فالحة وعاوزاني ادخل البيت من بابه علي طول من غير صُحبية  وللاسف مكنش هينفع اقول لأ و وافقت وجيت قبل المعاد بساعات روحت للحلاق ظبطت شعري ودقني وبعدين رجعت لبست اللي علي الحبل ونزلت وفي السكة شوفت اكتر انسانه لزقة في البشرية كلها شيماء  لقيتها بتوقف قدامي ببنطلونها الضيق والجاكت اللي اضيق منه وشعرها المضروب اكسجين وبتقولي 

_  لابس ومتهندز ورايح  علي فين كدة  يا إسلام

_ ياااادين امي بت انتي هو انتي موركيش غيري ولا ايه حلي عن نافوخي  مش طلباكي خالص النهاردة

_ مش هحل عنك يا إسلام غير لما تفهمني بتتعوج عليه ليه 

_ مزاجي كدة  .. اتخنقت منك.. ومبقتيش تشغليني  ،  مرضية كدة 

_ لا يا عنياااا  ، مش شيماء اللي يتقالها كدة انا مش هسيبك غير لما اخد حقي منك اه ياحبيبي.. انت لازم تيجي تطلبني من ابوياا اه.. محدش هيصلح غلطتك غيرك 

_ غلطت مين يا ام غلطة يابت ده انتي مدورها مع المنطقة كلها اجي انا واتبلي بيكي غوري مش ناقصك

قالت  وهي بتوقف في طريقي

_ لاااا  بقولك ايه ده انا شيماء ولو مش عارفني اسأل مين هي شيماء والف مين يقولك عليه..دماغي سم ومضربش علي قفايا  ،  وعقلك يقولك انك تاكلني لحم وترميني عضم تبقي غلطان انا لحمي مر يا عنيه  ،  ومش بت رد سجون زي نيرة هتاخدك مني ااااه.. انت تيجي دلوقتي تطلبني من ابويا واتقي سمي 

_ سم مين يا حية.. بخي سمك بعيد عني... وانا مش بتاخد انا باخد وبس  ، وازازة الازوزة لما بنبلبعها بتترمي مبنتجوزهااش يا شيماء  يالي المنطقة كلها عرفاكي ابعدي عن خلقتي عايز امشي 

_ طيب مش هبعد غير لما اعرف ايه اللي بيدور في دماغك بالظبط   ، واية الكلام الجديد ده  ولية معوج عليه ولابس كدة ورايح علي فين  يا ااسلام.. طلعة جديده دي  صح

_ ايوووه صح  ،  انا رايح اخطب 

_ ناااااعم تخطب يعني  ايه   

_ نعم الله عليكي يا شيماء  ، ايوة انا رايح اخطب بت وتكة وجامدة مش زيك زي برميل الطرشي.. ابعدي عن خلقتي 

قولت كده وانا بوسعها  وسمعتها وهي بتقولي 

_ ماااشي يا إسلام  ، وديني لا اوريك انت والوتكة بتاعتك مين هي شيماء وعلم علي كلامي دون  

طنشت كلامها وروحت علي العنوان اللي ادتهوني وفي طريقي كلمتها وقولتلها اني وصلت قالتلي اطلع لدور التالت هما مستنينك وكملت طريقي لفوق ورنيت الجرس واللي فتحلي الدكتور اللي حكتلي عنه نيرة واللي شوفته قبل كده ماشي مع خلود عند البحر  واقف قدامي بيبصلي من تحت لفوق ويقولي 

_ إاااسلام  ؟ 

_ ايوة انا  ، انت عارفني 

_ طبعاً  ،  وانت بقا العريس 

_ اه انا  ، و واخد معاد مع عبيدة باشا هو هنا

سكت شويه يتفحص شكلي وبعدين شاورلي بايده لداخل ف دخلت لقيت ابوه  واحد تاني يظهر انه اخوه  دخلت عندهم وسلمت وبعدين قعدت ونظرات الدكتور متشالتش عني لحظة وبعد ما قولت اللي جاي علشانه قال بكبر

_ انت شغال ايه 

_ ديلفري  

_ ديلڤيري؟.. وبتسكب شغلانة الديلڤيري دي 

_ ايوة.. انا شغال فيها من زمان واعتبر شريك في المطعم  

_ شريك يعني ايه  

_ بشتغل من زمان 

_ كدة بقيت شريك 

حسيت انه مستقصدني وانا اصلا معتبر ان ليه عنده تار من الاول  ومكنتش طايقة ولكن روقت دمي  علشان مبوظش كل حاجة وقولت 

_ ايوة صاحب المطعم معتبرني ابنه وبيأمني علي كل الشغل 

قال وعينه لسة بتتفحص شكلي 

_ وتعرف خلود منين 

قال اخوه

_ مالك يا زيد ايه الاسئله دي.. يعرفها زي ما يعرفها المهم انه يكون ابن حلال 

رمقة بطرف عين وسكت ف قال ابوه

_ وانت معاك مكان تجوز فيه 

_ ايوة ياباشا شقتي جاهزة مش ناقصها غير العروسة 

قال هو 

_ وفين الشقة دي 

_ موجوده 

_ ايوة موجوده فين 

_ في البلد 

_ اي بلد

_ بلدنا اصل انا مش من اسكندريه انا من البحيره 

_ طيب ومين قالك اننا هنـ.... 

قاطعه اخوه وقال 

_ زيد.. ده رأيها هي 

كمل موجه كلامه ليه وقال 

_ موضوع الشقة والسكن هي اللي تتكلم فيه 

رجع بص لدكتور وقال 

_ ده الصح  

قال ابوه 

_ طيب ياولدي سيب نمرة تلفونك واحنا هنرد عليك 

_ ماشي يا حج

قال 

_ اسمه استاذ  .. الحج ده خريج  تربية انجليزي   انت بقا خريج إيه  

_ معايا دبلوم صنايع يا باشا  ،  يعني  زيها كدة  ماهي كمان  مدخلتش كليات  .. بالاذن انا  

نهيت كلامي معاهم ومشيت وانا علي اخري منه  بسبب طريقته معايا واللي  حسيت منها انه  مش عاوزني اتجوزها  ولما اتصلت بيها وقولتلها اللي حصل وتصرفاته  دي قالتلي

_ سيبك من اي حد انا موافقه 

_ طيب هو ماله زعلان ليه.. ده شكله مش عاوزنا نتجوز 

_ ملناش دعوة بيه.. انت عملت اللي عليك وكلمتهم بعد كده انا اللي هقرر 

_ يستحسن بردو.. انا كنت عايز اروح لأهلك بس انتي اللي قولتي اجي ل دول 

_ بعدين نشوف اهلي.. انا اصلا حابه اتعرف عليك الاول  ياريت نخليها خطوبة كام شهر  انا مش مستعده لجواز دلوقتي 

_ زي ما تحبي المهم تكوني مرتاحه 

امبسطت قوي من كلامها ده  متعرفش انها ريحتني من حمل كبير بس في نفس الوقت كنت شامم ريحة استكراد في الموضوع وان بينها وبين الواد ده  حوار بس مهمنيش المهم اللي عاوزه يحصل 

#بشر 

بعد ما مشي قال ابويا ل زيد

_ مالك ياد محاملش كلمة لراجل

_ هو فين الراجل ده..  بقا الصايع ابو شعر بأكسجين ده راجل وهيتجوز خلود 

_ وميتجوزهاش ليه لو راجل كسيب وفاتح بيته..  وبعدين انت مالك حاشر نفسك ليه  هو انت كنت ولي امرها

_ ولا حاشر نفسي ولا حاجه انتوا حرين  داخل اشوف شغلي

قال كدة ومشي ف قالي ابويا 

_ إيه حكايته الواد ده 

_ مفيش حكايات يابوي  ،  بس بصراحه انا كمان الواد ده منزليش  من زور  بقا خلود هتجوز ده 

_ وانتوا مالكم ياك فاكرين علشان جه طلبها مننا لينا الحق نوافق ونرفض  هي ليها اهل يجوزوها 

_ ايوة يابوي بس علي الأقل نقول رأينا

_ لا مش هنقول.. اسكت 

_ في ايه يابوي مالك 

_ مالك انت.. خليها تجوز.. ولا عاجبك قعدتها وسطكم..  البت كبرت وانتوا كمان كبروتوا 

_ يابوي خلود اختنا ازاي تقول كده 

_ مفيش حاجه اسمها اختكم.. انتوا التلاته بهايم محدش فيكم فكر يتجوزها كنت جوزتهاله  بدل ماهي قاعدة كدة 

_ يعني لو حد فكر هتوافق 

_ اوافق امال ايه .. ليه عاوزها ياد؟.. قول انا دلوك اعقدلك عليها 

_ لا اعوزها ايه  ، ده سؤال عادي انا بس استعجبت انك مستعد لده 

_ ايوة وفيها إيه 

_ حتي بعد فيديوهاتها 

_ فيديوهات ايه دي 

_ انت مش عارف انها بتظهر علي اليوتيوب والفيسبوك وغيره وغيره

_ ايوة بس عادي نبطلوها الصرحة دي.. انوي انت بس 

_ ههههه لا يابوي خلود زي اختي

_ جكم الهم  ،  اختي قال 

بعد ما اداني كلمتين كمان دخلت عند زيد لقيته ماسك التليفون ومتنرفز قربت منه وقولت

_ مالك 

_ مفيش حاجه 

_ ياابني مالك 

_ مالي يابشر  ماالي ما انا كويس اهو 

_ كدة كويس.. ما تقول في ايه 

قال بنرفزة 

_ يعني مش عارف .. طيب ابو شعر متكهرب ده يتجوزها ازاي  ده سرسجي وبلطجي

_ اهاااا...  طيب وانت مالك 

_ بشر متنرفزنيش اقسم بالله ما حامل كلمة.. الواد ده مينفعش  ولا عاجبك

_ معجبنيش بس هي حرة  .. انا اتدخل ليه  

_ بلاش تلمحاتك دي انا واصله معايا لهنا  ،.. مفيش اي حاجة من اللي بتفكر فيها   ، ده رد فعل طبيعية لما الاقي ده عاوز يتجوزها .. انت عارف خلود..  عاقله وهادية وكلامها  رزين وجميلة ورقيقة جداً هتعيش مع ده ازاي ده مش بعيد في كل نقاش يديها مطوة في وشها 

غلبتني ضحكتي ف قال بعصبية 

_ يخربيتك   ، بشر متعصبنيش..  انا حاسس ان في حاجة غلط بتحصل.. وهي عملالي بلوك مش عارف اوصلها

#هاجر 

لما طلعت فوق تفاجأت لما لقيتهم بيتكلموا عن عريس خلود ولما دورت عليها علشان  ابهدلها لانها مقالتليش قالولي قاعدة في بيت جدتها  ، ف طلعت فوق في الدور الرابع واتصلت بيها ولكن كان تليفونها مقفول ف رجعت تحت وقبل ما اوصل شقة عمي عبيدة لقيت بشر واقف وشكله كان مستنيني قربت منه وقولت 

_ مستنيني؟ 

_ اه 

اترسمت ابتسامتي وانا بقول 

_ ليه 

_ فاضية نروح البحر 

زادت ابتسامتي وانا بقول 

_ ليه 

_ عادي.. فاضية ولا لا 

_ فاضيق 

لاحت ابتسامة خفيفه علي شفايفة وقال 

_ طيب يلا

نزلنا مع بعض واول ما وصلنا الشارع لقيت اسراء واقفة هناك وبتبصلنا قبل ما تستدير علشان تمشي ف نده عليها وقفها وسابني ورحلها بس كنت قادرة اسمع كلامه وهو بيسأل لو في جديد عن ريان وبعدين بيقولها ان مفيش حد كلمه لسه وبعد ما بينتهي الكلام بينهم بيسيبها ويجيني ويتصرف معايا كأن شيء لم يكن  وبرغم  غيظي بس متكلمتش ومشينا مع بعض ساكتين  وبعد مسافة قال 

_ ساكتة لية 

_ معنديش كلام اقوله

_ خالص 

_ خالص 

_ مع ان المفروض يكون عندك كلام كتير بعد فترة الغياب دي 

_ طيب والله كويس انك واخد بالك انا  في غياب 

_ اكيد واخد بالي ومش ناسي انك بعيدة عني 

_ لا واضح 

_ ده انتي شكلك ناسية ان انا زعلان والمفروض تصالحيني 

_ وانت مديني فرصة مانت طول الوقت بعيد ومبتردش 

_ وانتي دورك تدوري علي طريقة تجيلي بيها 

_ وده ازاي ان شاءلله 

_ والله اتصرفي مش هعلمك كل حاجه 

 فكرت للحظات وملقتش ف قولت 

_ طيب ازاي مش عارفه 

_ اممم  واضح ان الغباء رجع من تاني.. مش لاقيه إيه 

_ مش لاقيه طريقة اوصلك بيها 

_ لا والله رجع تاني 

_ انا مش غبية انت اللي صعب  

_ انا 

_ اه انت 

_ ده انا وحش وغبي.. امشي يا هاجر 

قال كده وسابني مش عارفه افهم ماله ولا عارفه طريقة اصالحه بيها 

#بشر 

ذكية جداً وبتلقطها هي وطايرة مع كل الناس الا انا.. 

بعد ما طلبت منها بنفسي نخرج علشان افتحلها مجال للكلام والصلح  تقولي مش لاقيه طريقة اوصلك بيها علي اساس اني مخفي ولما زهقت شيلت موضوع الصلح من دماغه وكلمتها عن خلود وقولت 

_ انتي وخلود صحاب صح

_ ايوة 

_ واكيد بتحكيلك كل حاجه 

_ ايوة طبعاً 

_ طيب محكتلكش حاجة عن العريس 

_ لا اول مره اسمع منكم النهارده 

_ كلنا اتفاجئنا واضح انها وافقت عليه بسبب حاجة.. حاولي تكلميها وتخليها متربطش الامور ببعض 

_ حاجة تانية زي إيه 

_ زي زيد 

_ وايه خلاك تفهم كدة 

_ باين عليها بتحبه بس هو قال كلمتين وهي سمعتهم وافتكر وافقت عشانهم

_ كلمتين إيه 

قولتلها اللي حصل ف قالت 

_ والله اخوك ده عاوز خمس اقلام علي وشه يربوه  ليه مصمم يجرحها هو عارف انها بتحبه 

_ وانا  متأكد ان هو كمان بيحبها  بس هو مش قادر يتقبل ان مراته يكون ليها صور وفيديوهات عند الشباب

_ هو قالك انه بيحبها 

_ لا 

_ امال ايه خلاك تقول كده 

_ انا فهمت 

_ عمل ايه يعني 

_ عمل اللي عمله اهو فهمت وخلاص 

_ طيب اقولها يمكن تغير رأيها في العريس

_ لا طبعاً بلاش تعشميها.. يمكن هو ميقدرش يتقبل انه يتجوزها 

_ لو بيحبها هيتقبل غصب عنه

_ لا مفيش حاجه اسمها غصب زيد عاقل ومش سهل يغير افكاره علشان بيحبها 

_ يبقي مش بيحبها 

_ المهم دلوقتي مش بيحبها ولا لا  المهم هي تسيبها من الواد ده.. ده واد سرسجي من الولاد بتوع التيك توك

_ يع خلود تجوز واحد من دول لا طبعاً انا همنعها 

#مليكة 

اديت نسخة من الملصقات لزميلي وطلبت منه ينسخهالي نسخ كتير والباقي وزعت منه شويه وخليت شويه اوزعهم في الكلية لما أروح وبعد ما طلعت من البيت تاني يوم اتصلت ب بدر اول سبب علشان اشمت فيه واسخر منه شويه  ، وتاني سبب علشان اقوله اللي عملته  ولما اتصل رد عليه عادي من غير عصبية ولا اي حاجة وقالي

_ ايوة يا مليكة 

قولت وانا ببص علي الرقم 

_ ايه دة.. مين معايا 

_ انتي متصلة علي مين

_ علي بدر.. انت بدر 

_ ايوة انا.. ايه الاخبار 

_  في ايه مش انا المفروض عملتلك مصيبة  وتكون متعصب مني دلوقتي 

_ مصيبة ليه كفالله الشر لا مصيبة ولا حاجه 

_ يعني  محصلش اي حاجة لا قلم ولا شلوط ولا شتيمة حتي.. عدت كدة  عادي 

_ لا طبعاً معدتش عادي 

_ امال إيه 

_ اللي حصل ياستي انه حذرني اعرف بنات زيك.. قالي انا عارف النوعية دي كويس وابعد عنها علشان انت مش قدهم دول يتفتلهم بلاد مخضرة  يقلبوها خراب  ، قولتله حاضر والموضوع انتها 

_ نااااعم

_ ده اللي حصل 

_ اممم طيب 

قولت كده وقفلت في وشه وبقيت اسبه واسب ابوه لغيت ما اتصل بيه تاني وقالي

_ قفلتي ليه

_ وعاوزني اعمل ايه بعد اللي قولته

_ وانا قولت إيه 

_يعني ايه حذرك تعرف النوعية اللي زيي مالها نوعيتي

_ خرابة بيوت ويتفات لها بلاد.. رايحه تفضحيني وياريت كلام صح..  ده انتي ربنا ينجدنا منك... طبعاً محدش بيقول عيب يا أم زميل

_ تاني هتقل ادب  هشتمك شتيمة من الكبيره 

_ وانا مفيش لسان يشتم ولا هتقولي جنتل مان وكدة لا ده انا العن ال....  ولا بلاش 

_ اماشي 

قولت كده وقفلت في وشه ف اتصل بيه تاني ولما رديت قال 

_ من غير  غلط... كنتي متصله ليه

_ مش مهم 

_ لا قولي فاضي موريش حاجة 

_ تصدق انك مستفز

_ انتي هتقولي ولا لا 

_ هقول ويارب تموت 

_ طيب يا محترمه قولي 

_ محترمه غصب عنك

_ الصبر يارب  طيب قولي 

_ مااشي هقول.. انا بدأت اصور الورق وكمان وزعت شوية  ، بس رقم مين اللي كاتبه 

_ رقمي

_ لا ده مش رقمك.. انطق وقول رقم مين

_ متقوليليش انطق دي تاني  بقولك رقمي بس جديد علشان محدش يعرف 

_ااااها محدددددش يعرف قولتييييلي  ، محدش يعرف  زي ابوك  كدة يعني  هاهاهاهاها هو انت وقعت ولا  الهوا حدفك عليه 

_ ايه العبط ده  ، جنان مش عايز 

_ طيب والله يا بدر لو ما اعتذرت وجبت هدية وهدية من الغالية كمان لا افضحك وسطهم  علشان تعرف عينتي ممكن تعمل فيك ايه 

_ لا وااالله 

_وااالله  ، واديني بحلفلك  ، معاك ساعتين الهدية والاعتذار يكونو عندي ومن غير  طولت لسانك ، انت صباعك تحت ضرسي 

_ اممم ماااشي.. انا فعلاً صباعي تحت ضرسك  ومقدرش ازعلك  ،  هاقابلك فين بقا

_ هقابلك امتي 

_  انا فاضي دلوقتي.. يدوب ساعة هجيب الهدية واقابلك    

_ اوكي  هبعتلك لوكيشن يا جميييييل يا بدر يا منور هاهاهاهاها  هههههههه انت ايامك  اللي جاية كلها فحلوقي  معايا 

_ هههههههه انتي مش سهلة وانا مش قدك  ... يلا ابعتي بقا 

_ ااااووووكي 

قفلت معاه وانا حاسه بانتصاري عليه وكنت مقررة اني لسه هسوية علي الفحم  واحده واحده  ورحتله واستنيته في كافية قريب ولما اتأخر عليه كلمته ف قالي 

_عربيتي عطلت في مكان قريب وبيحاول اصلحها لو هتقدري تيجي تعالي اتنيلي خدي هديتك وامشي

_ هههههههه ايوة كدة  ، اوكي جايه ياااااا جمييييل 

قفلت في وشه وروحت لقيته فاتح كبوت العربيه وبيصلح فيها  اتقدمت ناحيته وابتسامتي علي وشي  وفجأة لقيت اتنين بيجروا بموتيسكل ويضربوه بالرصاص ويجروا  وقفت مكاني متجمدة وانا شيفاه واقع علي الارض  وبعد ما فوقت من الصدمة طلعت اجري عليه شيلت دماغه علي دراعي وقولت بصراخ وانا شايفة الدم علي  قميصة 

_ بدر!!!!  الحقوني يا نااااس.. يامصيبي  الواد بيموت 

بقيت اصرخ لغيت ما لقيت تلات شباب جاين يجروا اتنين منهم مسكوه دخلوه العربيه واحد منهم ساقها بيه ومشي والاتنين اتلموا حولية وقال واحد منهم وهو بيمسك مسدس كان جمبي

_ انتي قتلتيه 

بصيت للمسدس بعيون جاحظة من الصدمة ف قال التاني 

_ عملتي كده ليه.. انا هبلغ عنك هوديكي في داهيه 

قولت ببكاء وانا جسمي بيرتعش من الخوف 

_ مش انا والله ما انا  

_ طبيعي هتقولي كدة يا مجرمة 

قال كده وحط التليفون علي ودنه وقال وهو بيبعد عني

_ الو بوليس النجدة..  قتيل.. واحده قتلت واحد في نص الشارع 

شهقت بصدمة وانا شيفاه بيكلم البوليس وبسرعة من غير تفكير مسكت شنطتي وطلعت اجري وبعد مسافة هما الاتنين جم ورايا جري لمسافة كبيرة لغيت ما وصلوني وكل واحد منهم حاوطني من ناحية  وبدؤ يحموا حولية ساعتها الدنيا لفت بيه و وقعت من طولي 

           الفصل الخامس والاربعون من هنا   

لقراءة باقي الفصول الجزء الثاني من هنالقراءة الجزء الاول جميع الفصول الفصول من هنا           

تعديل المقال