رواية احتواء قلب
الفصل الثاني والاربعون42
بقلم عبير سليم
يقف ليرحب به : أهلا وسهلا بيك يا اشرف الشركه حتنور بشغلك معانا ان شاء الله
اشرف : الشركه فعلا منورة بيك و بسمعتك اللي ما شاء الله عليها زي الطبل انا و الله من يوم ما اتقابلت معاك و مع البشمهندس يونس في الفرح و انا حابب اتعامل معاكم يارب تكون بداية حلوة و فاتحة خير علينا أن شاء الله
هادي : يارب اللهم امين و بمناسبة بداية الشغل مع بعض اتمنى تقبل دعوتي حضرتك و المدام عالعشا بكرة ان شاء الله في بيتي
اشرف : ماشي بكرة ان شاء الله نكون عندكم بأمر الله
هادي : تمام و نسيب الستات يقعدوا مع بعض و ياخدوا على بعض و احنا نتكلم في الشغل براحتنا
مدام حضرتك حتنبسط مع مراتي ان شاء الله احنا ملحقناش نتعرف على بعض في الفرح فدي حتبقى فرصه كويسه نتعرف على بعض بشكل أفضل
اشرف : أكيد طبعا و ده شرف لينا و الله يا هادي و سبحان الله و الله هما تحسهم شبه بعض و اكيد ان شاء الله حيرتاحوا لبعض دي حتى الصورة االي اخدتوها معانا في الفرح و الله كل اللي يشوفها يفتكرهم اخوات
هادي : عشان هما ماشاء الله عليهم محجبات زي بعض و روحهم واحده ربنا يباركلنا فيهم يارب
اشرف : يارب و ربنا يقومهالك بالف سلامه أن شاء الله
هادي : يارب و عقبالكم انتوا كمان ان شاء الله
اشرف : اللهم امين
يتكلموا مع بعض شويه في الشغل و بعد كده يسلموا على بعض و يخرج معاه هادي يوصله لبرة و يرجع تاني مكتبه
وقتها كانت همسه بتاخد شغل من واحده زميلتها و راجعه بيه مكتبها و فجأة اتخبطت فيه و هي بتبص في الورق
بترفع عينها عشان تعتذر للي خبطت فيه انا اس..... تتفاجئ انه اشرف
همسه : استاذ أشرف
اشرف : ازيك يا همسه عامله ايه
همسه : الحمد لله بخير و الف مبروك عالجواز
اشرف: الله يبارك فيكي يا همسه انا ان شاء الله حيبقى لية شغل معاكم هنا
همسه : ربنا يوفقك ان شاء الله
اشرف : صراحه هادي انسان محترم جدا و بيتعامل برقي و بيجبر اي حد يعرفه انه يحبه و انا حبيت اني اشتغل معاه
همسه : مفيش حد في الدنيا دي كلها زي ابيه هادي
اشرف : أيوة فعلا همسه انا عارف انك زعلانه مني
همسه : انا و انا حزعل منك ليه يا استاذ أشرف هو حضرتك عملتلي حاجه تزعلني
اشرف : عشان آخر مرة اتقابلت فيها مع ذكرى و عشان الكلام اللي قلتهولها
همسه : كل واحد بيتكلم من وجهة نظره اللي شايفها صح و مقتنع بيها و بعدين حضرتك مقلتش حاجه غلط و ورتها حقيقتها و كشفتها ادام نفسها يبقى حزعل ليه
اشرف : انا عارف اني كنت قا.. سي معاها و كلامي ليها كان كلام جارح لكن و ربنا انا ما كان قصدي غير اني افوقها قبل ما يفوت الأوان و كنت انا كمان بفوق نفسي معاها كنت بواجه نفسي و بواجهها انا و الله ما بتمنالها غير كل خير و ربنا يعفي عنها و يشفيها يارب
همسه : اللهم آمين استاذ أشرف متشغلش بالك بحاجه انا معاها و مش حسيبها و ان شاء الله ذكرى حتفوق و حتبقى كويسه و محدش بيتعلم ببلاش
اشرف : انا اهم حاجه عندي انك متزعليش مني لاني بجد بعتبرك اختي الصغيره و محبش ان اختي تزعل مني ابدا
همسه : انا اذا كنت زعلت منك فيمكن عشان الكلام ده مكنش وقته و هي حالتها بالشكل ده و لو تفتكر اني طلبت منك تكون رحيم بيها عشان الحاله النفسيه مهمه جدا لعلاجها لكن خلاص اللي حصل حصل
و صدقني لو قلتلك انها لو كانت عرضت عليك انها تفضل معاك حتى لو من غير جواز فده من غلبها و يأسها و احساسها بالضعف و انها خلاص معادش ليها حد ذكرى اتكسرت خلاص اتكسرت اوي يا استاذ اشرف و للأسف ان بعد ما حالتها كانت بدأت تتحسن شويه رجعت تعبت اكتر من الاول بس الحمد لله على كل حال
اشرف : انا اسف يا همسه اسف بجد و الله ما كنت اقصد اني اتعبها او اكون سبب في تاخير شفاءها ربنا يعلم اني بتمنالها ربنا يشفيها و يكون لسه ادامها الفرصه انها تتوب و تبقى كويسه
و الله العظيم و انا في الحج دعتلها بظهر الغيب ان ربنا يشفيها و يهديها و يتوب عليها و يغفر لها و يسامحها و يفتحلها باب توبته و رحمته كلنا بشر يا همسه و كلنا بنغلط و رب العباد فاتح بابه لكل تائب و انا غلطت انا كمان و رحتله ندمان و تائب
همسه : ربنا يتوب علينا جميعا يا رب شكرا يا استاذ أشرف وحج مبرور وذنب مغفور إن شاء الله ربنا يتقبل منك يارب ان شاء الله ذكرى حتخف و انا حفضل معاها مش حسيبها غير لما ترجع لنفسها و تتوب عن كل حاجه وحشه عملتها فحياتها
اشرف : ان شاء الله
همسه : معلش حستئذن حضرتك عشان عندي شغل و الله
اشرف : اتفضلي يا همسه
يمشي اشرف وهو بيدعيلها اللهم اشفها و اعفو عنها و اغفر لها اللهم افتح لها ابواب فضلك و ابواب رحمتك اللهم اهدها اللهم لا تاخذها الا و انت راض عنها
ترجع همسه مكتبها و تكلم نفسها : يا خساره يا ذكرى يا خساره ليه عملتي فنفسك كده ليه ليه اخدتي ايه عاوزة اعرف الكل بقوا مع بعض و انتي اللي بقيتي لوحدك اخدتي ايه من كل اللي سعيتي ليه و جريتي وراه غير الوحده مين دلوقتي معاكي مين اللي بيسال عليكي مين بيرفع سماعة التليفون يسأل عنك كان ماله ابيه هادي كان بيجيك و بيحققلك كل اللي بتحلمي بيه و اكتر سيبتيه طب و بعدين شوفي انتي فين و هو فين دلوقتى
هو ربنا كرمه و عوضه بزوجه تستاهل قلبه الأبيض و قريب اوي ان شاء الله ربنا حيرزقه بالذريه الصالحه اللي كان نفسه فيها
و انتي اهوه بقيتي مجرد حطام انثى اتنسيتي و لا حد بقى فاكرك و لا حد عاوزك فحياته ضيعتي نفسك بايدك يا ذكرى الله يسامحك يا اختي الله يسامحك
تنهي عملها و تروح تطمن عليها قبل ما ترجع بيتها و هي منهاره على حالها تفتح الباب و تسلم على جدتها و تقوللها ان ذكرى نايمه تقعد همسه و تحكيلها كل اللي حصل و هي منهاره
جدتها : منه لله ابوكي يا همسه منه لله هو السبب في كل اللي اختك وصلتله ده اختك انا مبعفيهاش من الغلط اللي عملته لكن صدقيني لو قلتلك إنها ضحيه ابوكي
من يوم ما وعيت عالدنيا و هو حاطط في دماغها ان الفلوس أهم من أي حاجه في الدنيا و ان الواحد لازم يعمل اي حاجه عشان يوصلها طول عمره يقوللها انتي جميله و مفيش حد فجمالك و لازم تستغلي جمالك ده لصالحك فضل يزرع جواها زرعه الشي... طاني لحد ما خلاص بقى كلامه ده هو اللي عايشه عليه و امك زي خيبتها لا بتهش و لا بتنش يا ما قلتلها اطلقك منه ده مينفعش يبقى اب خللي بالك من بنتك لازم توعيها و تعرفيها الصح من الغلط ابوها حيضيعها لكن هيا و دن من طين و ودن من عجين من امتى احنا عندنا واحده تطلق و تروح تعيش لوحدها و منعرفش عنها حاجه من امتى واحده تبقى لابسه و في ايدها الدهب و الالماظ و راكبه العربيات و منسالهاش ده منين لو اختك كانت عارفه ان وراها اب عمرها ما كانت عملت كده و دلوقتي اهوه و لا بيفتكر فيها و اللا جوزها الراجل الطيب المحترم اللي ضيعته من ايدها حسبي الله ونعم الوكيل فيك يا جوز بتي ربنا لا يكسبك و لا يربحك ربنا ينتقم منك بحق ما ضيعتها و كنت السبب في كل اللي هيا فيه دلوقتي
همسه : انا داخلالها يا تيته
جدتها : ادخليلها يا همسه ادخليلها
تدخل همسه عندها و تتفاجئ بيها تشهق همسه من صدمتها : مش ممكن مش معقوله ذكرى اختي
ذكرى على سجادة الصلاه و ساجده لربنا و بتدعيه و هي بتبكي
تنهي ذكرى صلاتها و تسلم و هي بتبكي بقهرة
تقعد همسه ادامها و تحضنها : يا حبيبتي يا ذكرى الف حمد الله على سلامتك يا حبيبتي
ذكرى : انا تعبانه تعبانه اوي يا همسه و عاوزه ارتاح انا عارفه اني تعبتكم معايا و شيلتكم همي نفسي بقى ربنا ياخدني عشان ارتاح و اريحكم
همسه : متقوليش كده يا ذكرى احنا اخوات يا حييبتي و ملناش غير بعض و ان شاء الله حتخفي و تبقي زي الفل كلنا بنغلط يا ذكرى محدش فينا معصوم من الغلط يا حبيبتي و ربنا فاتح باب توبته مبيقفلهاش ادام حد و انتي لما تكون توبتك صادقه ان شاء الله ربنا حيغفرلك و يسامحك
ذكرى : بس البشر مبيسامحوش و مبيفتحوش بابهم لحد
همسه : البشر و مين في البشر مبيغلطش و بعدين احنا مالنا بالبشر احنا اللي يهمنا ربنا و بس رضا البشر عننا مش هو اللي حينفعنا اللي حينفعنا ربنا هو اللي بايده كل شئ هو اللي يقدر يتوب علينا ويغفر لنا و احنا عبيده و ربنا احن علينا من اي حد ربنا حنين اوي يا ذكرى و سيدنا عيسى عليه السلام قال : من كان منكم بلا خطيئه فليرمها بحجر
محدش مبيغلطش يا ذكرى و الحمد لله يا حبيبتي الحمد لله ان ربنا نور بصيرتك و هداكي ليه اللهم لك الحمد اللهم لك الحمد حتخفي حتخفي و الله و حتبقي كويسه و حترجعي ذكرى القمر اللي الكل كان بيحسدها على جمالها بس مش حترجعي ذكرى القديمه لاء حترجعي ذكرى جديده واحده تانيه خالص واحده قلبها مفيهوش غير الحب و الخير و ربنا ربنا و بس يا ذكري
تترمي ذكرى فحضنها و هي بتبكي بقهره آآآآه آآآآه انا تعبانه اوي يا همسه تعبانه اوي و مش قادره اتحمل وجعي اكتر من كده
همسه و هي حاضنه وشها بايديها و بتكلمها و عيونهم فعيون بعض : حتتحملي حتتحملي عشان نفسك و عشاني ذكرى انا حامل
ذكرى بفرحه : حامل بجد انتي حامل يا همسه
همسه : ايوة و الله انا حامل و ان شاء الله حجيب بنوته قمر زي خالتها و حتبقى بنتك يا حبيبتى اللي وجودها حيعوضك عن كل حاجه وحشه حصلتلك فحياتك
ذكرى و هي بتحضنها : يا حبيبتي يا همسه الف مبروك يا حبيبتي الف مبروك ربنا يكملك على خير يارب
طب ابعدي عني ابعدي عني عشان متتعبيش و لا اؤذيكي يا حبيبتي
همسه : عمر ما قربي منك حيكون فيه اذية لية ابدا يا ذكرى انتي بس لما ان شاء الله تخلصي جلساتك و تعملي الاشعاع وقتها معلش مش حقدر اكون جمبك لانه حيكون غلط عالبيبي لكن حبقى معاكي بردو حبيبتي و عمري ما حسيبك ابدا يا ذكرى
يحضنوا بعض و يقعدوا يبكوا فحضن بعض كتير
...............................................
بعد مرور عدة أيام في إحدى المستشفيات حيث يقفون جميعهم امام غرفة العمليات منتظرين خروجهما لهما بالف سلامه : ما تقعد بقى فحته تعبتلي اعصابي يا فهد
فهد : البت نجلاء مش سامعلها صوت لا بتص.. وت و لا بتص.. رخ تكون ما**تت
هادي : استغفر الله العظيم ياربي فال الله ولا فالك يابني اهدى شويه عشان خاطري انا متوتر لوحدي و مش ناقص
الهام : معلش يا حبيبي ده بس عشان اول بيبي بعد كده حتنزل تشرب شيشتك عالقهوة و تقول لما تولد ابعتولي
فهد : تفتكري يا ماما
الهام : طبعا با روح ماما هو ده الراجل المصري يا حبيبي بتبقى واخداه الجلاله بس في اول طلعه بعد كده خلاص بتجيله مناعه
فهد : ماشي بس بردو انا عاوز اعرف هي مبتصو.. تش ليه
الهام : و هي حاتص.. وت ليه و هي بتولد قيصري انت حتجلطني يا فهد دي واخده بنج يا حبيب امك يعني مش حسه بحاجه اسكت بقى الله يهديك
فهد : اوووبه دي احلوت اوي
حمايا حبيبي جه و مزتي القمر وصلت
صلاح : بنتي فين يا فهد بنتي فين قللي
فهد : هو ايه اللي بنتي فين بنتي فين هي تا.. يهه و جاي يدور عليها يعني حتكون فين في البحر ما هي جوة في العمليات بتولد
فاديه : ربنا يخرجهالنا بألف سلامة يارب
يسلموا على الهام و عارف
ناديه كانت مبتتكلمش بتدعي ربنا لبنتها و لنجلاء و جميله قاعده بتقرا قرآن : يارب قر عيني بذرية ابني يارب يا رب انا اتحرمت من حضن ابني متحرمنيش من حضن بنته يارب
بعد مرور بعض الوقت
يخرج لهم الدكتور : ألف حمد الله على سلامتهم مدام جنه جابت بنوته زي القمر و مدام نجلاء جابت ولد زي العسل
هادي : وجنه و نجلاء كويسين يا دكتور
الدكتور : زي الفل بيقفلولهم و نص ساعه ان شاء الله و حيكونوا في الاوضة
جميله و فاديه : لوووولي لوووولي
تاخد جميله هادي فحضنها : ألف مبروك يا حبيبي تتربى فعزك يا ضنايا
هادي و هو بيبكي من فرحته : الله يبارك فيكي يا ماما
عارف يحضن فهد : ألف مبروك يا فهد حمد الله على سلامتهم
فهد : الله يسلمك يا بابا
بعد شويه كلهم في الجناح اللي كانوا حاجزينه عشان يستوعب الافواج اللي حتيجي
هادي شايل بنته و بيأذن و بيكبر لها بيحضنها بحب و فرحه ملهاش وصف : ياااه حمد الله على سلامتك يا حبيبتي تعرفي انا مستنيكي بقالي اد ايه سنين عمري كلها و انا مستنيكي يا حبيبة ابوكي
يوريها لجميله بفرحه : ماما بنتي يا ماما
تاخدها جميله فحضنها و تبوسها من ايدها و هي بتبكي : يا مانت كريم يا رب يا مانت حنين يارب ترجعلي ابني و تفرحني بذريته اللهم لك الحمد
صلاح : شفتي يا فاديه الواد شبهي ازاي
فهد و هو قاعد جمب نجلاء و ماسك ايدها : شبهك مين بس يا عمي ده الواد زي القمر ده شبهي انا طبعا
صلاح : نعم شبهك ده ايه ان شاء الله ايش جابك انت ليه هي تماحيك و خلاص الواد مفهوش حاجه منك ده كله انا و نجلاء صح يا فاديه
فاديه و هي بتضحك : آه طبعا صح يا اخويا
نجلاء : فهد وحياتي عندك يا حبيبي انا تعبانه و مش حقدر اضحك اهدوا عشان خاطري
فهد : يعني انتي مش سامعه الكلام يعني بزمتك انا اللي اتعب و اشقى عشان اجيبه و بعدين يطلع مش شبهي ده انا اروح فيكم فداه.. يه و ربنا
نجلاء : شبهك طبعا يا حبيبي اسكت بقى اااه
فهد : حبيبتي انتي تعبانه
نجلاء : تعبانه اوي
فهد : تعبانه من ايه طيب
نجلاء : والده يا فهد والده و فاتحه بطني
فهد : تصدقي نسيت
نجلاء : يا لهوي حد يشيله من جمبي انا تعبانه
إلهام : سيب مراتك ترتاح يا فهد
هادي بيبوس ايد جنه : الف حمد الله على سلامتك يا جنتي
جنه : الله يسلمك يا حبيبي شفت بنتك جميله ازاي
هادي : لازم طبعا تطلع جميله و قمر زي مامتها
جنه : بس انا حساها شبهك.
هادي : معقوله انا حلو كده لا طبعا دي شبه مامتها القمر
ناديه : طب ايه رأيكم بقى انها لا شبهك و لا شبهها دي شبه جدتها جميله
جميله بفرحه : شبهي انا
ناديه : ايوة و الله بصي نفس الجبين و نفس الدقن و رسمة الشفايف يا خلاثي عالعسل و الله كلها انتي يا جميله
فهد : خلاص يا جماعه انفضينا من حوار الشبه ده دلوقتي احنا عندنا مهمه كبيرة و يارب تعدي من غير خساير عاوزين نختار اسم العرسان الصغيرين هاه مين حيبدا
هادي : جنه حبيبتي هي اللي حتسميها
جنه : ماما بتقول انها شبه ماما جميله يبقى ما دامت شبهها تتسمى على اسمها جميله اسمها جميله ان شاء الله
جميله بفرحه : جميله بنت ابني اسمها جميله على اسمي
ناديه : و هو في احلى من اسم جميله و بعدين دي اسم على مسمى جميله و هي فعلا جميله ربنا يبارك فيها و يحميها و يقر عينكم بيها يارب ربنا يسعد أيامها و حياتها و يبعد عنها العين يارب يجعل ايامك و حياتك كلها جميله يا بنت بنتي يارب
جميله و هي بتبكي من فرحتها : ربنا يجبر بخاطرك يا بنتي يارب
فهد : تمام الحمد لله اول مهمه عدت على خير و ادي اول نونة معانا و اسمها جميله
ندخل عالتاني و ربنا يستر
صلاح : طبعا يتسمى صلاح على اسمي
عارف : لا بقى معلش المفروض يتسمى عارف على اسمي انا
صلاح : اه بس انا حاجز الاسم الأول قبل منك
عارف : هو باللي يلحق انا متكلمتش لأني عارف ان ابني لازم حيسمي حفيده على اسم ابوه طبعا
صلاح : صلاح
عارف : عارف
نجلاء: يا لهوي الحقني يا فهد دي شكلها حتقلب بمعركه
فهد : بس اسكتوا حضرتك عاوزه يتسمى صلاح صح و حضرتك عاوزه يتسمى عارف صح و الله ما مزعل حد فيكم
انا حسميه إياد
صلاح مين و عارف مين انتوا عاوزين تعقدوا الواد فعيشته معلش يا عم صلاح الدين الأيوبي حقك علية و ربنا و معلش يا والدي حقك علية و الله انا عايش طول حياتي نفسي اعرف جدي جاب اسمك ده منين عارف هو جدي كان عاوز يعرف ايه بالظبط و بعدين هو اسمك ده سؤال و اللا جواب حقك علية يا بابا و الله انت حبيبي بس بلاش عارف دي الله يخليك
بت يا نوجه موافقه على اسم إياد ده يا بت و اللا عندك اعتراض عليه
نجلاء : ايوة موافقه اسم اياد جميل اوي يا فهودتي
صلاح : شفت الولاد معبروناش ازاي يا عارف
عارف : ايوة ما هو ده آخرته احنا نخلف و نكبر و بعد كده يعملوا اللي هما عاوزينه
صلاح : طب ايه رايك بقى بالعند فيهم هما الاتنين انا حناديه بصلاح
عارف : و انا كمان حعمل زيك و حناديه بعارف
فاديه و إلهام : عوض علينا عوض الصابرين يارب
فهد : خد شيل حفيدك يا ابو صلاح شفت الواد و جماله
صلاح : قمر الله اكبر عليه ياااه انا مش مصدق نفسي اني عشت لحد ما شيلت ابن نجلاء اللهم لك الحمد
فهد : يتربى فعزك يا بابا
صلاح : يتربى فعزك انت يا حبيبي
يديه لباباه : شيل يا ابو فهد شيل يا خوفي لتعملوها فية و الاقيك جايب عم للولد
عارف : و إيه بعني عالأقل يبقوا صحاب و يدخلوا المدرسه سوا
الهام : و الله العظيم انت و ابنك دماغكم طاقه زي بعض ربنا يهديكم يارب
بعد مرور أسبوعين
تمتلئ الفيلا بالمدعوين لحضور سبوع الطفلين فلقد ألح هادي على فهد ان يقيما سبوع أولادهما عنده في الفيلا حيث اتساع المكان و لأن معظم المدعوين يعرفونهما معا فوافق فهد على طلب هادي
كانت جنه و نجلاء كالاميرات و كل واحده منهما تحمل طفلها و هي في قمة سعادتها
حفل كبير ضم الأهل و الأصحاب و الزملاء في العمل و بعض رجال الأعمال كان الجميع لا تسعهم الفرحه
تحمل مرزوقه جميله الصغيره و عيناها تبكي من شدة فرحتها : ياااه انا مش مصدقه نفسي اني شايله بنتك يا حبيبي ربنا يخليهالك و يباركلك فيها و يرزقك برزقها يا حبيبي يارب
هادي : حبيبتي يا أمي ربنا يخليكي لينا يارب و يباركلنا فعمرك يا ست الكل و تشوفيها احلى عروسه في الدنيا كلها يا رب
هي خديجه مجاتش ليه يا أمي
مرزوقه : تعبانه اوي و الله يا هادي و الدكتورة نبهت عليها متتحركش و احتمال تولدها على اول الاسبوع الجاي ان شاء الله
هادي : ربنا يقومها بالف سلامه يارب ان شاء الله بكرة حروحلها اطمن عليها
مرزوقه : ربنا يخليك لينا و مننحرموش منك يا حبيبي يارب
هادي : و لا انحرم منك يا ست الكل يارب
يجلس جاسر بصحبة زوجته و أولاده بجوار امه فلقد أتى خصيصا لمشاركة اخته في فرحتها بابنتها
جاسر و هو يحمل الصغيره : بسم الله ماشاء الله قمر يا حبيبتي ربنا يبارك فيها ويجعلها من الصالحات البارات بيكم يا رب
جنه : يا حبيبي يا جاسر ربنا يخليك لية يا حبيبي يارب
تحمل جنه ابنة جاسر : جنه كبرت ما شاء الله
زوجة جاسر : اخوكي عقله طاير بيها بيقوللي انا مستحملك انتي و والولدين دول عشان خاطر جنه
جنه : هههههههه لا طبعا ده بيهزر يا حبيبتي جاسر اخويا بيحبك و بيحب ولاده اوي ربنا يخليهلكم يا حبيبة قلبي يارب
جاسر : قوليلها و حياتك يا جنه عشان هي علطول ظلماني
يضحكوا كلهم و يخرج جاسر علبة شيك اوي و يقدمها لجنه هديه : حمد الله على سلامتك يا جنه
جنه : الله دي عشاني
جاسر : طبعا يا حبيبتي دي لجنتنا الحلوة احلى ام في الدنيا كلها
سلسله جميله منقوش عليها اسم جميله و جنه
تفرح بيها جنه اوى و تحضن اخوها و تشكره
و يقدم لجميله الصغيره علبه فيها خاتم و اسورة و سلسله
زوجة جاسر : دي بقى الشبكه يا جنه
جنه : شبكة
جاسر : ايوة احنا خلاص خطبنا جميله لآدم
ييجي فهد : هي مين دي اللي خطبتوها لا و لا مؤاخذه البنت في ناس اتكلموا عليها خلاص و قرينا الفاتحه و اللي سبأ أكل النبأ
زوجة جاسر : مين ده يا حبيبي
جاسر : هههههههه ده فهد صاحب هادي
مراته : آه صحيح انا نسيت ده اللي فرحه كان مع فرح جنه اوه سوري مخدتش بالي
فهد : لا و لا يهمك بس بعد اذنك تلموا عيالكم بتوع بلاد بره دول كده حواليكم و سيبونا احنا نشوف حالنا مع بعض
جاسر : انت عاوز ايه دلوقتي يا فهد هو انت علطول عامل مشاكل في كل حته تروحها خللي بالك انا صحيح مش عايش هنا بس أخبارك كلها عندي و عارف عنك كل حاجه يا بتاع الشيشه
فهد : بتاع الشيشه هي وصلت لكده طب خلينا حبايب بقى احسن
جاسر : و هو انا لما اقول عاوز اخطب بنت اختي لابني يبقى احنا كده مش حنبقى حبايب
فهد : بص اديك قلت اهوه بنت اختك يعني حضرتك خالها انا مقلتش حاجه على راسي بس انا بقى ابقى عمها يعني العصب يا برنس يعني ابني هو الأولى معلش و ده غير كمان ان جميله و الواد اياد ابني قالوا ووواء وووواء في نفس ذات اللحظه يبقى مين احق بزمتك
جنه و مراة جاسر : هههههههه هههههههه
جنه : لا مش ممكن جماعه انتوا بتتكلموا في ايه و انت يا جاسر ده انا بقول عليك عاقل يا حبيبي سلامة عقلك يا اخويا
جاسر : و هو اللي يقعد مع فهد ده يبقى فيه عقل الله يكون في عونك يا نجلاء و الله
جنه : و حياتك هي اجن منه هههههههه
فهد : طب بعد اذنك يا باشا هات البت دي كده و عيشوا انتوا بقى حياتكم سوا
ياخد جميله منهم و يمشي و جاسر و مراته و جنه يضحكوا عليه
ماشي فهد و هو بيكلم جميله : جايلنا من بلاد بره و عاوز ياخدك عالجاهز هو فاكرها سايبه و اللا سايبه
خدي يا بت يا نجلا شيلي البت دي و خبيها
نجلاء : في إيه يا فهد
فهد : اللي اسمه جاسر ده
نجلاء : جاسر أخو جنه
فهد : أيوة يا اختي جاسر اخو جنه قال ايه عاوز يخطب جميله لابنه الملزق ده امال الواد إياد ده اعمل فيه ايه
نجلاء : هههههههه يا لهوي عليك يا فهد انت بتتكلم في ايه دي العيال لسه في اللفه ده انت تحفه و ربنا
...........................
بيسان يا بيسان
بيسان : ايوة يا أدهم
أدهم : انا عاوز اخلف انا كمان
بيسان : عاوز تخلف
أدهم : عاوز اجيب ولاد انا كمان اشمعنا هادي و فهد
بيسان : مش اللي بيجيبوا ولاد دول المتجوزين احنا لسه متجوزناش يا حبيبي
أدهم : نتجوز يا قلب حبيبك بصي انا لازم اتجوز مليش دعوة
بيسان : هههههههه و انا مالي قول لبابي
يروح ادهم ليونس و هو واقف مع ناس : عمي
يونس : نعم يا أدهم
أدهم : انا عاوز اتجوز يعني عاوز اتجوز انا مليش دعوة
يونس : هههههههه اعرفكم يا جماعه أدهم خطيب بنتي
يابني بلاش فضايح عيب كده انا واقف مع رجال اعمال كبار و انت جاي تقوللي عاوز اتجوز الناس تقول علينا ايه دلوقتي يقولوا يونس حيجوز بنته لواحد عقله طاير منه
أدهم : طب جوزني بنتك و انا حريحك مني خالص
يونس : هي مش السنويه عدت خلاص خللي باباك يكلمني و انا حجوزهالك و ربنا على الله تحل من على كتافي عشان انا تعبت منك و ربنا
يروح أدهم لفاروق : بابا
فاروق : عاوز ايه يا همي الكبير يا خلفتي المنيله
أدهم : عاوزك تحدد معاد فرحي انا مليش دعوة يا اتجوزوني يا اما حعملكم مص. يبه
فاروق : حسبي الله ونعم الوكيل انت عاوز مني ايه انا نفسي اعرف انا عملت إيه في دنيتي عشان ربنا يبتليني بواحد زيك صبرني يارب شايفه عمايل ابن اخوكي يا جميله
جميله : ههههههه جوزه يا اخويا و ريح نفسك منه
فاروق : و انتي فكرك ابن اخوكي ده عمره حيخليني اشوف الراحه بكرة تشوفي لما يتجوز ربنا يستر على سمعتنا في البلد انا راحتي من ابن اخوكي ده لما ارتاح منه للابد و اسيبهاله مخضره
غاليه : بعد الش.. ر عنك يا حبيب قلبي و نور عينيه
فاروق : و الله ما حد مصبرني على ابن ال.🐕ده غيرك انتي يا غاليه
جميله : طب اسيبكم انا بقى و اقوم عشان تاخدوا راحتكم
فاروق : هههههههه حبيبة قلب اخوكي يا جميله
يتقدمان منهما و يسلمان عليهما هو وجنه
اهلا بيكم نورتونا و الله
اشرف : ألف مبروك يا هادي ربنا يباركلك فيها و يحميها يارب الف حمد لله على سلامتك يا مدام جنه
هادي : الله يبارك فيك عقبالكم ان شاء الله
تسلم جنه على ريم : عقبالك يا حبيبتي
ريم : يارب هي فين النونه عاوزين نشوفها
هادي : الله هي فين جميله صحيح
جنه : فهد اخدها و مشى بيها معرفش راح فين
هادي : و فهد ماله ببنتي هو مش مكفيه ابنه و اللا إيه حيجلطني و ربنا
جنه : معرفش اسأله
هادي : ثواني يا جماعه حجيب جميله و اجيلكم حالا
يروح يدور عليها يلاقيها مع ناديه ياخدها منها و يوريهالهم و ريم تقدملهم هديه جميله و تشكرها جنه
همسه و عمرو يوصلوا و هادي يروح ناحيتهم و يسلم عليهم و يباركوله
الله يبارك فيكم يارب عقبال ما ربنا يكمل حملك على خير و افرح بولادك يارب يا حبيبتي
همسه : ربنا يخليك يا ابيه هادي يارب
تحضن جنه : ألف حمد الله على سلامتك يا جنه
جنه : الله يسلمك يا حبيبتي خدي يا ستي شيلي جميله عقبال ما ربنا يكرمك يارب
همسه : الله دي جميله اوى شوف يا عمرو جميله اموره ازاي
عمرو : يا خلاثي عالعسل ايه البنوته القمر دي الله أكبر عليها بسم الله ماشاء ربنا يبعد عنها العيون يارب
جنه : عقبال ما تجيبي يا حبيبتي يارب
تقدملها همسه هديه
جنه : الله دي حلوة اوي يا همسه عقبال ما نجيبلك يا حبيبتي يارب
و فهد ييجي يسلم عليهم هو نجلاء و معاهم إياد ابنهم و بهادوه و يشكروهم
♥️يدخل و هو ساند عالعكازين و مرام ماسكاه من ايده
يجري عليه عمرو و فهد و يسندوه
عدي : ألف حمد الله على سلامة نجلاء و اياد يا فهد مبروك ما جالك يا حبيبي
فهد : الله يبارك فيك يا عدي عقبال ما نفرح بيكم يارب
هادي : عدي تعبت نفسك و الله يا حبيبي
عدي : مش حاجي لأعز منكم يا هادي الف حمد لله على سلامة جنه و جميله يا صاحبي
هادي : الله يسلمك يا عدي عاوزين نفرح بيكم بقى
عدي و هو و ريم بيبتسموا لبعض : ان شاء الله قريب اوي
فرحه جمعت الكل كل حبايبهم جم يشاركوهم فرحتهم بولادهم صور كتيره جمعتهم بأصدقائهم و قرايبهم فيديوهات
و احلى لحظه لما اخوات هادي دقوا الهون و خللوا جنه و نجلاء يخطوا من على ولادهم و فضلوا يزغردوا : الاوله بسم الله و التانيه بسم الله و التالته بسم الله و الرابعه بسم الله و الخامسه بسم الله و الساته بسم الله و السابعه رقوة محمد بن عبداللاه لووولي لووولي
فاطمه بتدق الهون و رقيه بتهزهم في الغربال : اسمعوا كلام امكم و اسمعوا كلام ابوكم
اسمعي كلام عمتك رقيه و عمتك فاطمه و عمتك خديجه
صلاح : واد يا اياد اسمع كلام جدك و متسمعش كلام ابوك يا واد
عارف : و انا إسمع كلامي يا اياد و متسمعش كلام امك
ايوة اشمعنى مش عاوزه يسمع كلام ابوه يبقى ميسمعش كلام امه هي كمان
و يسمع كلامنا احنا بس
الهام : يبقى عليه العوض و منه العوض في الواد
اغاني السبوع تملا المكان بالفرح و بالبهجه و السعاده ليله تمر على الكل و هما سعدا و مبسوطين و الفرحه ماليه قلوبهم
تخرج من الحمام و هي بتنشف شعرها تلاقيه بيلاعبها و الفرحه ماليه قلبه : ياااه امتى حتقوليلي يا بابا نفسي اوي اسمعها منك يا حبيبتي
جنه و هي بتقعد جمبها و بتبوس ايدها : ان شاء الله يا حبيبي
هادي : أنا متشكر اوي يا جنه متشكر اوي انك اديتيني الفرصه اني اكون اب لأجمل بنوته في الدنيا
جنه : أنا اللي لازم اشكرك يا حبيبي انك وهبتني الحياه و ادتني الفرصه اني اعيش من جديد و احس بطعم الحياه و فوق كل ده حققتلي حلم عمري اني اكون ام ياما حلمت و اتمنيت اليوم ده كنت دايما بشوف صور اطفال و اتخيل كل طفل انه ابني اتخيل نفسي و انا شايلاه و ماشيه بيه بشوف نفسي و انا بلعب معاه و الحمد لله وجودك فحياتي حققلي حلمي ربنا يخليك لينا يا حبيبي يارب
هادي : ربنا يخليكي لية يا جنتي يا احلى جنه عشتها
انتي يا بت يا نجلا
نجلاء : إيه عاوز ايه
فهد : بقولك ما تروحي تسربي الواد ده عند فاديه
نجلاء : ليه ان شاء الله
فهد : وحشاني يابت
نجلاء : انت بتهزر صح انت ناسي اني لسه والده مبقاليش غير اسبوعين
فهد : وحشاني ياللي مبتفهميش هو انا موحشتكيش و اللا إيه يا نوجه
نجلاء : وحشتني طبعا يا قلب نوجه بس لو رحت ادتهم إياد حيفهموا اننا بنسربه
فهد : ما يفهموا الله هو انا شاقطك
ياللا يا بت قومي
نجلاء : ربنا يستر و ليلتك تعدي على خير
فهد : حتعدي يا مزتي الليله ليلتك يا معلم ياللا ادينا بنعمل اللي علينا عشان نبقى ما جصرنا
.............................................
تفيق من نومها على صوت هاتفها تجد رقما غريبا يتصل عليها : ألو مين معايا
_لحقتي نسيتي صوتي يا ذكرى
ذكرى : شهاب
شهاب : أيوة شهاب حتجيلي دلوقتى حالا في العنوان ده و يا ويلك لو اتاخرتي و اياكي حد يعرف انك جايالي انتي فاهمه
بعد مرور بعض الوقت توصل ذكرى العنوان اللي قالها عليه يفتحلها الأمن و يسمحولها بالدخول
ذكرى : شهاب انت هنا و الدنيا مقلوبه علبك
شهاب : بقولك ايه انتي تركزي معايا انا مش جايبك عشان نتساير انتي حتسمعي اللي حقولك عليه و بس انتي فاهمه عارفه احمد الباشا طيعا
ذكرى : احمد باشا مين
شهاب : ذكرى متستعبطيش علية اوعي تكوني فاكره اني اهبل و اللا مضروب على قفايا و اللا تكوني فاكراني صدقتك لما قولتيلي انك معرفتيش توصلي للباشا هههههه تبقى هبله يا ذكرى كل زياراتك ليه كنت على علم بيها و كل مرة رحتي فيها اتصورتوا مع بعض يا مزة بس الصراحه انتي قمتي معاه بأحلى واجب كتر خيرك الصراحه هههههه تستاهلي الفلوس اللي كان بيديهالك و الهدايا اللي كان مظبطك بيها
ذكرى : انت بتقول ايه
شهاب : بقول اني تحت ايدي فيديوهات بكل مرة كنتوا فيها مع بعض
ذكرى : استحاله أصدق اللي بتقوله ده
شهاب : لا صدقي كله بحسابه يا حلوة اي حد مهما كان مخلص بيبيع للي يدفع و انا دفعت و اخدت اللي انا عاوزه
ذكرى : انت عاوز ايه يا شهاب
شهاب : عاوزك زي الشاطره كده تبلغي الباشا انه يسفرني برة و فلوسي معايا من غير ما حد ييجي ناحيتي و بعد ما اوصل حخللي الناس اللي تبعي يسلموه الفيديوهات و اللا حيكون هو اللي جنى على نفسه و الفيديوهات حتبقى عالملاء و يوريني بقى حيعمل ايه و حيتصرف ازاي وقتها ادام اهله و مراته و اجواز بناته و رجال الأعمال هههههه ههههههههه
فجأة يسمع أصوات سيارات الشرطه تملاء المكان
شهاب : إيه ده انتي في حد جه وراكي
ذكرى : ايوة يا شهاب بعد ما كلمتني انا رحت للبوليس و قلتلهم و هما دلوقتي جم و ابقى اقعد بقى معاهم و فرجهم عالفيديوهات براحتك
شهاب : لا مش شهاب اللي يضحك عليه ده انتي نهايتك حتكون على أيدي النهارده
ذكرى : مش فارقه معايا انا خلاص مبقتش باقيه على حاجه بس انت مش حتقدر تعمل أي حاجه لأنك خلاص انتهيت يا شهاب انتهيت
شهاب : لاء انا مش حسمح لحد يضيع كل اللي عملته انا شهاب و حفضل شهاب مهما حصل وححقق كل اللي انا عاوزه
يدخل البوليس و يمسك ذكرى من رقبتها و يوجه ناحيتها سكي.... : إياك حد يقرب مني لو حد قرب مني حخ.. *لص عليها
يحاول يرجع بضهره و هي تحت ايده عشان يه.. رب تاني
و البوليس واقف مش عاوز يقرب منه عشان ميؤذيهاش
يطلب الظابط من العساكر محدش يقرب منهم
ذكرى بين ايديه و ممكن تروح فثانيه
يخرج من المكان : إياك تعملي أي حركه حضيعك انتي فاهمه اتحركي ادامي
تتحرك معاه و يروح ناحية عربيتها و يدخلها العربيه و يغر. ز ال... في جمبها تتألم بشده اااااه : سوقييييي
ذكرى : حاضر حاضر تطلع بالعربيه
شهاب و هو بيبص وراه : بسرررعه
البوليس وراهم و هو بيجبرها تجري في طرق كتيره و بسرعه عشان ميلحقوهوش و فجأة تظهر ادامها مقطورة كبيره تحاول تتفاداها تنحرف العربيه من غير ما تقدر تتحكم فيها و فجأة تنك... سر الحواجز و تنزل العربيه لأسفل تتقلب قلبات كتيرة ورا بعضها و فجأة صوت عال يدوي في المكان
ينزل رجال الشرطه من العربه و يقفون يشاهدون المنظر و يصعقون من هول ما رأوه