.
رواية مأمني وأماني
الفصل السادس عشر 16
بقلم توسل محمد طه
*ظننتك رجلاً، ونسيت إن بعض الظن إثم*💔
جوري نزلت منو وبقت تبكي وافكارها جايطه عايزه ترجع البيت يجي فياض منزل قزاز العربيه يقول ليها اركبي
وقفت تفكر معقوله يكون كلام خالد صح وفياض داير منها حاجه معينه ولا خالد كذااب وعايز يخرب بينها وبين فياض بس أفكارها بقت جايطه شديد وقطع أفكارها فياض وهو بقول ليها ي حب اركبي ارححح
قررت انها تركب وتشوف بعينها الحب كاني عامي قلبها د هو الحب الأعمى البقولو عليه حبها لفياض اتغلب على كل شي حتى على أغلى شي مش كل شي اتغلب على محافظتها على نفسها وركبت معاه💔
سرحانه وين ي جميل
ااا لالا ولا مكان
مالك؟
مالي!
كنتي بتبكي؟
لا
طيب
فياض
عيون وقلب وحياة فياض انتي
انت بتحبني؟
جوابي ليك قبل شويه د م كفاك؟
جاوب
ااي بحبك
ومستعد تتزوجني؟
م ح اتزوج غيرك اصلا
انت ماشي بي الشقه ليه؟
كيف ليه؟ عيد ميلاد صحبي نسيتي
انا عرفت كل شي ماف عيد ميلاد ي فياض😭
فياض وقف العربيه وعرفتي من وين؟
يعني حقيقه؟
قعد يضحك اااي ي حب حقيقه😹 انتي فاكره سايقك شقه عشان عيد ميلاد لا ي حلوه انا سايقك اقضي حاجتي معاك بس وارميك
والزواج💔
زواج شنوو😹 انتي فاكره اني ح اعرسك يعني؟ تحبي تعرفي ليه م ح اعرسك؟
جوري بقت تبكي بس دموعها زي السيل
م ح اعرسك لانو انتي بالنسبه لي مجرد نزوه فهمتي م حب لا وانا مدام مشيت معاك ونزلت معاك ومسكت يدك م ح اعرسك
لمن مسكت يدك حسيت بي دفئ وانتي حسيتي اني سندك بس م ح اعرسك
لمن قربت منك مره وانتي اترددتي ومره بعد مره وافقتي وخضعتي لي انا وقتها شفتك احقر وارخص بنت في الكون واكيد م ح اعرسك
تتذكري لم يوم سالتيني وقلتي لي لو يوم عرفت انو اختك مرتبطه ح تعمل شنو؟ وقل ليك ح اقعد معاهو واشوفو لو راجل يستاهلها م عندي مشكله ودي سنه الحياه الارتباط والحب انا قلت كدا عشان اقنعك لكن جوابي الحقيقي كان انو اختي محترمه م زيك
ولم بترسلي لي صورك وانتي م لابسه طرحه او بملابس البيت وبتقولي لي امسحها وبقول ليك مسحتها لا ي فالحه م مسحتها واصحابي كلهم شافوها ولسه قاعده
تفتكري اني ح اتزوج وحده رخصت نفسها لولد؟ اضمن كيف انك م تعملي مع ولد تاني نفس العملتيهو معاي
انا داير لي اولادي ام تكون محترمه م زيك
جوري بقت تبكي وجات تنزل فياض امن الباب وقال ليها:
ماشه وين يحلوه نحن لسه م انتهينا😘
فياض نزلني😭
بعد جيتي معاي عيب انزلك سااي ياااخ😉 واصلا نحن م بعاد ي قلب ودور العربيه وجوري بتبكي وتصرخ وفياض كأنو م سامعها ولا على بالو ابليس قدر يسيطر عليه ونسا انو دي بت جيرانهم ونسا انو حراام ونسا انو ممكن يرجع في اخواتو كان حبو للحرام مسيطر عليه
فياض وصل الشقه ونزل جوري جاريها من يدها دخل جوا لقا جاسر قاعد
ج: مالك اتاخرت ي مان
ف: الحلوه دي فهمت الحنك ي مكنه
ج: لالا يااخ الوراها منوو
ف: ماف غير خالد اصلا او عروه
ج: لالا م عروه لانو اسي رسل لي قال لي عزز اخوك بالتصوير م تنسى ولو عجبني الوضع أمكن اجي معناها ياهو خالد
ف: خلاص خلينا ننجز سريع سريع ي مان
جوري كانت قاعده وبتبكي وشايفه حياتها ح تدمر قدامها وهي السبب في دا كلوو
عرفت انو فياض واحد تافه وياريت لو سمعت كلام جواد وبعدت منو وياريت لو سمعت كلام خالد بقت بس تفكر
جا فياض ارح ي مزه وداير يشيلها قالت ليه برااي بمشي وبعمل العايزنو مني بس م تصورو موافق؟
قعد يضحك وقبل على جاسر قمز ليه وقال ليها موافق
ج: طلعت صادق ي مان ونحن القايلنها شافعه بريئه دي طلعت وحده تافهه جداً🤣
جوري سامعه الكلام ودموعها ماشه ممكن امشي اغسل وشي واشرب مويه؟
فياض قال ليها امشي انتي الليله عروس تعملي العايزاه😘
________
صباح اليوم التاني توسل صحت بصوت سند قعد يبكي قامت شالتو وجهزت ليه لبن ونومتو راجع وعلاء لسه نايم قالت تقوم ترتب البيت
رتبت البيت وجات تكنس علاء مسكها
ع: بتعملي في شنو؟
بنضف م شايف😹
ي زوله انتي طالعه من عمليه انا م جبتك من بيت امك عشان اتعبك هنا
العمليه ليها شهرين خلاص😹
لا الا تتمي تلاته شهور حتى اخليك تعملي حاجات بسيطه انا الشهر الفات د كلو كنت بنضف برااي واسي ح انضف لحد م تبقي كويسه وبعدين خليك مع تعب سند بس انتي😹
سند قعد يبكي توسل مشت ليه وعلاء نضف البيت♥️😹
ع: توسل
عيونها
الإمام بتاع المسجد الجنبنا رجع اهلو قالو وقبل يومين جو رجال الحله طلبو مني اني ابقى امامهم♥️
يسلللللام ي علاء😭 حاجه حلوه شديد والله اللهم بارك وربنا يقدرك ي ابو سندد🥺♥️
علاء ابتسم ليها وقال ليها انتي عارفه ي توسل غير قيام الليل الحاجه الخلتني اصلك وتبقي حلالي شنو؟
اهاا😹
مره من المرات *كنت إمام في مسجد قبل فتره طويله شديد وكنت بدعي على الملأ فسهوت وذكرت اسمك وردد الجميع آمين* ❤
علاء انا بحبك ياااخ😭❤
وانا كمان والله العظيم
انا مطمنه شديد ي علاء انو انت ابو أولادي انا م ح اخاف عليهم لأنو انت ابوهم وح يمشو في دربك وانا طبقت الحكمه البتقول *إذا أردتِ ان ينشأ أبنائك صالحين فأختاري زوجاً صالح* انا نجحت في إختيارك❤
الحمدلله على نعمه وان شاءالله أولادنا ح يقومو في حفظ القران والعمل به
ان شاء❤
علاء
عيون علاء
انت الجيران الجداد منو؟
م عارف والله لسه م جو لكن سمعت من بتاع العماره انهم عائله
ايواا
وأثناء م قاعدين جوالها اتصل علاء شالو اداهو ليها من غير م يشوف المتصل منو♥️
ابتسمت ليه وردت
ت: يااااخ مشتاااااااااااقين😭
علاء عاين ليها ومن نبرة صوتها عرفها بتتكلم مع منو شال سند ودخل بيه جوا عشان تاخد راحتها😹
ي: اقسم بالله كتيييير عديل كيف صحتك وكيف سند وابوه
كلهم بخير الحمد لله انت كيفك
تمااااام التمام افتحي الكاميرا دي اشوف سند
عيوني ليك وفتحت الكاميرا وقامت دخلت جوا يوسف سلم على علاء وبقا يتونس معاهم
وينو سندد يااخ
هداا ليهو وورتو سند
ي: كنت عارف انو بشبهني😔
ع: بشبه ابوه ي زول😑
ت: بري والله بشبهني برااي😹
وبقو التلاته يتشاكلو في سند بشبه منو😹
ي: عاينو نجيب زول يحكم بسسس
ت: وزول نجيبو ليك اسي من وين😹
ي: معاي صحبي البسي توبك اخليه يسلم عليكم ويحكم سند بشبه منو فينا
توسل لبست توبها وجا صاحب يوسف
السلام علیکم ورحمة الله
توسل وعلاء ردو ليه السلام وسلموا عليه واتعرفو عليه
ت: اها ي جواد سند بشبه منو فينا؟
ج: اقول الحقيقه م بتزعلو مني؟
ع: ااي قول الحقيقه وم تنحاز لصحبك بس
ج: لالا بقول الحقيقه بس
ت: اها سند يشبه منوو؟
ج: يشبهني انا😔🥺
توسل وعلاء ماتو بالضحك😹 ويوسف قال ليه يلا من هنا ي زول😹
ج: يااخ والله سند دا اسمح منكم التلاته م تتلصقو في الولد سااي😹
اتونسو مسافه وقفلو❤
ع: الولد دا ظريف😹
اااي شديد ماشاءالله
انتي يوسف م نازل؟
بعد شهرين قال عندهم اجازه سنه بنزل فيها بقعد ٤٥ يوم بس وبرجع
ع: ح يقعد في بيتكم؟
اااي
تمام يلا انا ماش المسجد لأنو مواعيد الصلاه جات
طيب
علاء فتح الباب ومعاهو توسل شافو بت قاعده في السلم وتبكي شديد💔
______________
جوري دخلت الحمام غسلت وشها ومشت المطبخ تشرب وشالت سكين دستها بي وراها ج فياض عليها وقال ليها:
ارح ي حب نكسب زمنا
جوري طلعت السكين وحاولت تجرح بيها فياض وفعلا ضربتو بالسكين في كتفو وقالت ليه
انا اتخدعت فيك فعلا وكنت فعلا بحبك وافتكرتك راجل م كنت قايلاك م راجل وثقت فيك وحبيتك ودا كان أكبر غلط لي وحبي ليك خلاني اغلط اكتر واكتر واتماديت انت في وسخك وفي أفعالك ولو كنت اديتك كف من اول مره قربت فيها مني م كان دا حصل بس انا خليتك تفهم انو انا موافقه بالانت بتعمل فيهو رغم اني م كنت موافقه بس كنت بحبك
لو كان ختيت نقطه بدل فاصله م كان دا كلو حصل انا بكرهك ي فياض بكرهك على قدر الحب الكنت بحبك ليه بقيت اكرهك أضعاف أضعافو بس انا صح ضعيفه قدامك لكن اااي شي والا شرفي غلطت مره وخليتك اتماديت بس م ح اعيد الغلط دا ولا ح اخليك تكسر ضهر اخواني وابوي فهمت ي اموت انا ي تموت انت وجات تضربو بالسكين جا جاسر من ورا مسكها...