![](https://blogger.googleusercontent.com/img/b/R29vZ2xl/AVvXsEjVGuhE2772toGpG9wWUrm9yzqjqjOJ9MmRbB2H_IQ0MAUC5Xv-MMO0GlTNGcJVe_-asepdtyOb2b2T0HcpjhaF1PwZ25wXzqbeHmMwxy05qzZqeALWgnJ0xVrc4zB91q3hXsmYSB-mzR1QJ9qBoKSvjEwS0_csIKbR9z8_jtyax56QjifpkUwvqeUgG3ra/s320-rw/FB_IMG_1715644431771.jpg)
رواية مزاولة حب الفصل السابع7والثامن8بقلم دودو محمد
انتهى وقت العمل ونزلوا الأربع بنات من الشركه وقالت تمارا
تمارا :- فرصه لن تعوض مين عايزنى أوصله
ندي :- انا انشالله تنسترى يارب احسن زهقت من مواصلات كل يوم
تمارا :- واكيد يارا هتبقى معانا علشان رايحه تشوف حبيب القلب
يارا :- يا سلام عليكى يا ترعة ذكاء متنقله ما انا قايله فوق هروح مع ندي
تمارا :-بصت لندى وقالت إنبى يا شيخه لما تتهزق ابقى صوريها ليا وابعتيها
ندي :- عونيا بس كده انت تأمر يا عسل
رحمه :- هو انا ليه حاسه ان انا واقفه مع شلة ولاد مش بنات
تمارا :- ماشاءالله عليكى وفين البنات دى بقى يارا جعفر ولا ندى برعى ولا تمارا الزماره بنات احنا شلة ولاد يا بنتى بس متنكرين
رحمه :- ضحكت وقالت نهار اسوح على الاسامى
تمارا :- انتى بقى هسميكى رحمه مستندات بحكم شغلك وكده وضحكت
يارا :- تصدقى اسم حلو
ندي :- على بركة الله نأيد الاسم بقى رحمه مستندات
رحمه :- احيه على كده وقعدت تضحك وقالت اقسم بالله انتو شله فقر مشكله
وفى الوقت ده نزل يوسف ومالك وراحوا عند البنات وقالوا
يوسف :- انتوا واقفين كده ليه يا بنات
رحمه :- بضحك كانوا بيحفظونى اساميهم التانيه
مالك :- وهما ليهم اسامى تانيه
رحمه :- اه اسمهم
تمارا :- حطت ايديها على بؤق رحمه وقالت ليها اقسم بالله لو نطقتى الاسامى هخلى وشك شوارع
رحمه :- هزت راسها بمعنى ماشى
تمارا :- بصت ليها وقالت شطوره وشالت ايديها
يوسف :- ما تسبيها تقول الاسامى
تمارا :- وانت مالك بالاسامى بتاعتنا
يوسف :- بأستفزاز قال فضول
تمارا :- بس أنا طول عمرى اعرف ان الفضول ده بيبقى عند البنات بس
رحمه :- اوباااا قصف جبهه جامد اقسم بالله
يوسف :- داس على أسنانه وقال لمى لسانك
تمارا :- مالك اتحمقت اوى كده ليه وانا قولت ايه غلط
مالك :- فيه ايه بس يا جماعه أهدوا شويه
رحمه :- لاء انت لسه شوفت حاجه ده انت هتشوف جثث دلوقتى بتترمى فى الارض
مالك :- لدرجاتى
رحمه :- اكتر وحياتك
ندي :- كانت متابعه رحمه ومالك وبتبص عليهم وهما بيتكلموا مع بعض
رحمه :- بصوت واطى قالت المزه منزلتش عينيها من عليك
مالك :- مزه مين
رحمه :- بص قصادك وانت تعرف
مالك :- بص قصاده لاقه ندى بتبص عليه ابتسم وقرب من رحمه وقال بصوت واطى تصدقى صح
رحمه :- طيب عد الجمايل بقى وضحكت
يوسف :- بغيظ يلا بينا يا رحمه
رحمه :- روح انت هاجى مع تمارا
يوسف :- بعصبيه قولتلك يلا
رحمه :- احم م.م.ما انا بقولك يلا نركب عربيتك ومشيت قدامه وركبت العربيه وركب يوسف العربيه وراحوا على الفيلا
مالك :- بضحك جبانه اوى البت دى
تمارا :- بضحك طول عمرها وهى جبانه كده
مالك:- انتى هتقوليلى دى فى إيطاليا كان يزعق فيها فى ثانيه الاقيها اختفت وقعد يضحك
ندى :- سرحت فى ضحكته
يارا :- بصوت واطى يخربيت سنينك مالك مبحلقه فى الراجل كده هياخد باله
ندى :- بصوت واطى بس مسموع قالت هييييح أصله حلو اوى وبيزيد حلاوه لما بيضحك
تمارا :- سمعت وحطت ايديها على وشها وقالت يا بت العبيطه الدنيا كلها سمعت
مالك :- سمعها وقال شكرآ على فكره
ندي :- بصدمه ها أنت سمعت احلف كده انك سمعت اوعى اوعى تقول انك سمعت
مالك :- بضحك والله سمعت
ندي :- نهار اسوح وطلعت تجرى ركبت عربية تمارا وقعدت تهوى بأيديها على وشها وقالت احيه على الكسفه السوده يا انى يا اما هبص فى وشه تانى ازاى
مالك :- بص على ندي وهى بتجرى وقعد يضحك على منظرها وقال يلا يا بنات عايزين حاجه
تمارا :- وهى كاتمه ضحكتها قالت لاء سلامتك
مالك :- راح ركب عربيته وهو مش قادر يبطل ضحك ومشى بيها
تمارا ويارا راحوا ركبوا العربيه وقعدوا يضحكوا على اللى حصل لندى
ندى :- بتضحكوا
تمارا :- بضحك يا بنتى مش قادره تخلى صوتك اوطى من كده شويه
ندى :- معرفش بقى أنكم هتسمعوا صوتى
يارا :- انتى حتى من غير كلام نظراتك ليه فضحاكى ده انتى منزلتيش عينك من عليه ولا ثانيه
ندي :- هبص فى وشه تانى ازاى
تمارا :- الصراحه مشكله تخيلى كده الصبح داخل المكتب وبيقولك بنحنحه صباح الخير يا انسه ندي يا نهار كسوف وقعدت تضحك
يارا :- ولا مصيبه سوده لو فتح معاها كلام فى اللى حصل من شويه ده هيبقى حتة موقف تتحسدى عليه الصراحه وقعدت تضحك
ندي :- وحياة امك منك ليها طيب كل واحده تقعد على خيبتها وتتكتم ماشي
تمارا :- مبروك لقد اكتمل عدد الخيبات وبقى ثلاثه وذالك لإضافة خيبة الانسه ندي وفضلت تضحك
يارا :- ايوه بقى يا تيمو يا جامد ده انتى استاذه فى قصف الجبهات
تمارا :- ده الطبيعى بتاعى يا بنتى ده انا خبرررره
ندي :- هتروحينا ولا ننزل نركب اى زفت وخلاص
تمارا :- كتمت ضحكتها وقالت خلاص خلاص هروحكم وشغلت العربيه ووصلت يارا وندى عند بيتهم وروحت هى على الفيلا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة ندي
طلعت ندى ويارا ورنت الجرس وفتحت ليهم امها دخلوا وقالت ندى
ندي :- بصوت واطى انس هنا
ام ندي :- فى اوضه
ندي :- هوف ماشى
ام ندي :- عامله ايه يا بنتى
يارا :- الحمدالله يا طنط
ندى :- الاكل اتعمل ولا لسه
ام ندى :- ادخلى غيرى هدومك على ما احضرك الاكل
ندى :- تسلم ايدك مقدمآ يا جميل وبصت ليارا وقالت تعالى يلا
يارا :- كانت بتبص على باب الاوضه بتاعة انس
ندى :- مسكتها من ايديها وشدتها وقالت يا بنتى امشى ودخلوا الأوضه
يارا :- لاء انا لازم اشوفه مليش دعوه ده وحشنى اوى
ندي :- اصبرى هو شويه وهيخرج من اوضه علشان يروح الشغل انا هدخل اغير هدومى فى الحمام واخدت هدومها ودخلت الحمام
يارا :- سمعت صوت باب اوضة انس بيتفتح طلعت تجرى وفتحت باب اوضت ندى فتحه صغيره خالص وقعدت تبص عليه منها واتصدمت لما لاقته جاى على الباب قفلت الباب بسرعه وسمعت خبط على الباب اتوترت وقعدت تبص على الباب بخوف
ندي :- خرجت من الحمام وقالت ما تشوفى مين على الباب تلاقيها ماما جايبه الاكل
يارا :- هزت راسها بمعنى لاء مش هى
الباب خبط تانى راحت ندى فتحت الباب وقالت
ندى :- انس
انس :- بعصبيه بقالى ساعه بخبط على الباب مش بتفتحى ليه
ندي :- ك.ك.كنت فى الحمام بغير هدومى
انس :- بص بغيظ على يارا وقال طيب ما دى كانت موجوده فى الاوضه مفتحتش ردت عليا ليه ولا كانت هى كمان فى الحمام
ندي :- ل.ل.لا م.م.مكانتش فى الحمام بس
انس :- قطعها وقال خلاص خلصنا لا بس ولا مش بس المهم فيه عندك الشربات بتاعتى فى الاوضه اغسليها قبل ما تنامى وعلى الله حد يدخل اوضى غريب مفهوم وبص ليارا
ندي :- ح.ح.حاضر
انس :- قال بصوت عالى يا اما انا ماشى وراح فتح الباب ونزل
ندى :- قفلت الباب وقالت هوووف حاجه خنيقه اوى الصراحه وبصت على يارا لاقتها واقفه مكانها مش بتتحرك قالت يارا انتى سمعانى ولا اتحنطى ولا ايه
يارا :- دموعها نزلت منها وقالت هو ليه اخوكى قاصد يوجعنى بكلامه ونظراته
ندى :- هو مش معاكى انتى بس كده هو مع الكل كده حتى انا اللى اسمه أخته بيعاملنى بنفس الاسلوب ده يا بنتى
يارا :- ضربت نحية قلبها وقالت ده غبى غبى معرفش بيحبه على ايه نفسى يكرهوا وينسا بس للاسف بيتعلق بيه اكتر واكتر
ندى :- اخدتها فى حضنها وقالت أهدى يا يارا انا قولتلك من الاول بلاش اخويه انس
يارا :- بدموع مش بأيديا يا ندى مفيش حاجه فى ايدى غير أن انا احبه وخلاص لأن اللى زى اخوكى ده عمره ما هيحس بيا
ندي :- طبطبت عليها وقالت مفيش حاجه بعيده عن ربنا لو ربنا كاتب ليكم الحياه مع بعض هيجى يوم ويقربكم من بعض بأى طريقه
يارا :- بدموع يارب يا ندى يارب
ندي :- يلا ادخلى اغسلى وشك وتعالى علشان ناكل لقمه احسن هموت من الجوع
يارا :- ابتسمت ليها وقالت ماشى ودخلت غسلت وشها وخرجت وقعدوا ياكلوا هما الاتنين مع بعض وبعد وقت روحت يارا على البيت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
وصلت يارا ودخلت لاقت امها قاعده مع سميحه قالت
تمارا :- السلام عليكم
سميحه وسميه :- وعليكم السلام ورحمة الله وبركاته
سميحه :- يوسف ورحمه فين
تمارا :- زمانهم وصلوا فى الفيلا هناك
سميحه :- طيب لما اقوم بقى علشان اكلهم
سميه :- خليكى ناكل هنا كلنا مع بعض وكده كده لا عماد ولا حسام هنا
تمارا :- ايه ده لسه مرجعوش من الصبح
سميحه :- لاء لسه
تمارا :- اول مره تحصل يقعدوا بره البيت الوقت الطويل ده
سميه :- محدش يعرف راحوا فين وكل ما اكلم ابوكى فى الفون يقولى اقفلى دلوقتى مش فاضى
تمارا :- امممم الواضح كده حد فيهم بيتجوز والتانى بيشهد ليه على العقد ولا ممكن الاتنين بيتجوزوا عليكم خليكم انتوا كده قاعدين ولا بتعملوا اى حاجه لحد ما تلاقيهم داخلين عليكم بأتنين صاروخ ارض جو
سميه :- صاروخ لما يفرتك دماغك انتى هتخوفينى ليه بقى
سميحه :- يا وليه يا هبله انتى هتصدقى الكلام ده برضه
سميه :- اه ومصدقش ليه أن شاءالله ما هما طول النهار بره ومش راضين يقولوا هما فين
تمارا :- وهى كاتمه ضحكتها قالت طيب أنا طالعه اغير هدومى حد عايز منى حاجه
سميحه :- ضحكت وقالت انتى مشكله يا تيمو
تمارا :- ضحكت وطلعت على اوضتها راحت عند الشباك وبصت على اوضت يوسف لاقته لابس بنطلون بس ومن فوق عريان حطت ايديها على وشها بكسوف وفتحت ما بين صوابعها وبصت منهم لاقته بيبص عليها دخلت تجرى بكسوف وغيرت هدومها واتوضت وأدت فرضها ونزلت ليهم تحت وقالت جعاااااااانه
سميه :- طنطك سميحه راحت تنادى على يوسف ورحمه تعالى نحضر الاكل لحد ما هما يجوا
تمارا :- اوك ودخلت مع امها المطبخ وحضروا الاكل على السفره وفى الوقت ده دخل عماد وحسام
سميه :- اول ما شفتهم قالت انتوا كنتوا فين من الصبح
عماد :- كنا فى مشوار
سميه :- كنت فى مشوار ولا كنت بتتجوز عليا
عماد :- بصدمه اتجوز عليكى ايه الكلام العبيط ده
سميه :- ايوه بتتجوز عليا انت عمرك ما خرجت كده من الصبح من غير ما تقولى رايح فين
عماد :- يا وليه العيب اللى انتى بتقوليه ده احنا كبرنا على الكلام ده
سميه :- انا مكبرتش انت اللى كبرت وعلشان كده رايح تتجوز عليا
عماد :- خبط على أيده بأستعجاب وقال اموت واعرف مين اللى لعب فى دماغك بالطريقه دى
تمارا :- وهى ماسكه ضحكتها ما خلاص يا جماعه أهدوا شويه مش كده ويلا احسن الاكل هيبرد
عماد :- شكلك انتى يا سوسه اللى لعبتى فى دماغها
تمارا :- قعدت تضحك وقالت الصراحه اه انا
حسام :- بضحك فرحانه كده فى اللى بيحصل ده
تمارا :- اعمل ايه ما ماما اللى خفيفه وبتصدق اى حاجه هى لو عندها ثقه فيه مكانتش عملت كده
حسام :- لاء ده انتى كده هتخليها حريقه
تمارا :- اتعديت من رحمه وقعدت تضحك وفى الوقت ده دخل يوسف ورحمه وارين وسميحه بصت لارين بغيظ وقالت اهى بورص الحيط شرفت نفسى اديكى كام شبشب واخلص منك يا مكنسه
رحمه :- تيمو انتى بتكلمى نفسك
تمارا :- بصت لارين بغيظ وقالت الواحد بقى يكلم نفسه من الأشكال اللى بيشوفها دى
رحمه :- كتمت ضحكتها وقالت عندك حق والله
سميحه :- انت جيت يا حبيبى
تمارا :- لاء لسه يا طنط هو بعت خياله والباقى جاى كمان شويه
الكل ضحك على كلام تمارا
حسام :- قرصها من خدها وقال بطلى لماضه واقعدى كلى
تمارا :- بضحك حاضر حاضر وقعدت على الكرسى اللى قصاد يوسف وقالت فين الولا كريم منزلش ياكل ليه ولا مش فاضى وعنده رقصه على التيك توك
سميه :- اخوكى لسه مجاش اتصل بيا وقال إنه طالع على واحد صاحبه يذاكر معاه شويه
تمارا :- تلاقيه هيذاكر معاه كيف تحرك حواجبك بأشكال مختلفة فاهمنى يا سميه ها
سميه :- يا بت اسكتى شويه وكلى
تمارا :- حاضر امامى
ارين :- كل يا حبيبى مش بتاكل ليه
يوسف :- مردش عليها
تمارا :- ما لازم نفسه تتسد وهو قاعد جنبه اشكال تسد النفس اصلا
ارين :- تعرفى انتى تخليكى فى حالك
تمارا :- ولما اخلينى فى حالى مين هياخد باله من حالكم بس
رحمه :- كاتمه ضحكتها على كلام تمارا
ارين :- يوسف حبيبى انت مش بترد عليا ليه
تمارا :- مش سمعك اصلا انتى لا ترى إلا بالعين المجردة وصوتك صوت ضفدع اصلا
رحمه :- لالالا مش قادره خلاص همممموت
تمارا :- بعد الشر عليكى يا رحومتى انشالله ارين يارب
رحمه :- يا بنتى اسكتى بقى هفطس
ارين :- انا مش عارفه انتى بتستخفى دمك على ايه الصراحه دمك تقيل اوى على فكره
تمارا :- هبقى اخففه ليكى بشوية شربات يا شربات
ارين :- سم وحطت ايديها على دراع يوسف وقالت يوسف رد عليا
يوسف :- سحب دراعه ووقف وقال الحمدالله شبعت عن اذنكم
سميه :- يا ابنى اقعد كل انت مأكلتش حاجه
يوسف :- الحمدالله يا طنط وخرج وسابهم
ارين :- بصت على يوسف وهو ماشى وطلعت تجرى وراه
تمارا :- قربت من رحمه وقالت بت يا رحمه
رحمه :- وهى بتاكل قالت امممم
تمارا :- شكلهم متخانقين مع بعض
رحمه :- ايوه
تمارا :- يعنى متخانقين
رحمه :- معرفش بس شكلهم كده
تمارا :- بفرحه يارب يولع فيها ورجعت عدلت نفسها وكملت اكلها
عماد :- كان متابع كل اللى بتعمله تمارا بغيظ
وبعد وقت الكل اكل وقامت تمارا وقالت
تمارا :- الحمدالله عن اذنكم
عماد :- رايحه فين
تمارا :- هروح اقعد فى الجنينه شويه انا ورحمه
رحمه :- رحمه مين
تمارا :- داست على رجليها وقالت رحمه انتى قومى اخلصى
رحمه :- بألم اااه حاضر وقامت وقفت وخرجوا الاتنين الجنينه وقعدوا على الكرسى وقالت قوليلى بقى كنت متغاظه من ارين ليه وهى قاعده جنب يوسف
تمارا :- و.و.وانا هتغاظ ليه
رحمه :- يا بت يعنى مش علشان غيرانه على يوسف منها وغمزت ليها
تمارا :- و.و.وانا هغير عليه ليه هو انا اللى خطيبته ولا هى ما يولعوا الاتنين
رحمه :- يا بت عيونك بتقول كلام غير ده
تمارا :- ب.ب بقولك ايه بلاش كلام عبيط شكلك مهيسه وعايزه تنامى روحى نامى بلاش التخاريف دى
رحمه :- قامت وقفت وقالت ده مش تهيس يا تيمو ده انتى بس اللى غيرتك كانت واضحه اوى عليه تصبحى على خير يا بطتى وسابتها وراحت على اوضتها
تمارا :- غمضت عينيها بوجع وقالت سيطرى على غيرتك شويه يا تمارا الكل اخد باله وفى الوقت ده سمعت صوت يوسف بيزعق راحت على المكان اللى صوت يوسف جاى منه لاقته فى الجنينه بتاعة فيلا حسام بصت عليه لاقته بيقول لارين
يوسف :- انتى ازاى تخرجى من غير ما تقولى ليا
ارين :- وفيها ايه يا حبيبى كنت زهقانه من قعدت البيت خرجت اعمل شوبينج وافك عن نفسى شويه
يوسف :- برضه كنتى متخرجيش غير لما اصحه من نومى أو ارجع من بره خروجك بره البيت من غير ما اعرف ده ميتكررش تانى مفهوم
ارين :- بدموع حاضر
يوسف :- بعصبيه انا مش كل ما اكلمك كلمتين تعيطى
ارين :- انت اتغيرت اوى معايا يا يوسف
يوسف :- بعصبيه بطلى تقوليلى الكلمتين دول انا متغيرتش ولا زفت كل الحكايه أن هنا غير ايطاليا
ارين :- واحده واحده هتعلم انا عيشت حياتى فى إيطاليا بنظام تانى خالص بحريه مطلقه متجيش انت فى يوم وليله عايز تخلينى اتعود على عادات وتقاليد هنا اصبر عليا شويه وانا هتعلم علشان بحبك يا يوسف
يوسف :- اتنهد وغمض عينه وراح مسكها من دراعها وقال يا ارين الناس هنا بتبقى متحفظه زياده عن اللزوم وفى نفس الوقت بيحبوا الكلام الكتير وانا مش هقبل مراتى حد يتكلم عليها بطريقه مش حلوه
ارين.:- حاضر انا اسفه ومش هعمل كده تانى
يوسف :- ضمها فى حضنه وباس راسها
ارين :- يوسف
يوسف :- نعم
ارين :- هتكلموا مامى امته علشان تقدم ميعاد الفرح انت واحشتنى اوى ووحشنى حضنك
يوسف :- بأرتباك م.م.ما انتى شايفه اهو بابا خرج من الصبح ولسه راجع من شويه ومكانش فيه مجال أكلمه فى الموضوع
ارين :- اوك يا حبيبى يعنى هتكلمه بكره
يوسف :- ا.ا.اه أن شاءالله
ارين :- بفرحه بحبك اوى يا يوسف اوى
تمارا :- سمعت كل كلامهم ودموعها نزلت منها وقالت يعنى خلاص يا يوسف هتعيش حياتك مع غيرى وانا كان عندى امل ان اقدر ارجعك ليا ليه يا يوسف تكسرنى كده ليه وطلعت تجرى على اوضتها واترمت على سريرها وقعدت تعيط لحد ما عينيها راحت فى النوم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى اوضت يوسف
دخل اوضه وراح عند الشباك وبص على اوضت تمارا لاقه النور منور بس هى مش باينه اتنهد بوجع ودخل نام على سريره وقال
يوسف :- هتعمل ايه فى اللى انت فيه ده يا يوسف لا قادر تحب ارين ولا قادر تكره وتنسى تماره كل حركه كل كلمه بشوف فيها تماره استحوذت على كل تفكيري اعقل يا يوسف اعقل مينفعش تفكر فى حد غير ارين هى دى اللى هتبقى مراتك ومن حقها تفكر فيها وتهتم بيها غير اى حد وغمض عينه ونام لصبح
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد بنورها الساطع فى سماء العاصمه لتبدء تمارا بفتح عيونها قامت قعدت ومسكت رقابتها ودعكتها بألم وقامت دخلت الحمام اخدت شاور واتوضت وخرجت لبست هدومها وأدت فرضها وراحت عند الشباك بصت منه على يوسف لاقته قاعد فى الجنينه وبيشرب قهوته اتنهدت بوجع وخرجت السلسله ومسكتها بأيديها وقالت بوجع
تمارا :- صحبك خلاص كلها كام يوم وهيتكب على اسمه واحده غيرى اخر امل ليا راح كان عندى حلم ولو بسيط أن يوسف يسيب ارين ويرجعلى بس خلاص قرر يتجوز ويبقى عنده بيبى من واحده غيرى وفى الوقت ده الباب خبط بتاع اوضتها مسحت دموعها وقالت ادخل
عماد :- فتح الباب وقال صباح الخير يا بنتى
تمارا :- بأبتسامه صباح النور يا بابا تعال ادخل
عماد :- دخل وقفل الباب وراه وقعد على حرف السرير وقال تعالى يا بنتى اقعدى جنبى عايزك فى كلمتين
تمارا :- دخلت السلسله تانى جوه هدومها وراحت قعدت جنب ابوها وقالت خير يا بابا
عماد :- انا جاى اتكلم معاكى بخصوص اللى حصل امبارح على السفره
تمارا :- غمضت عينيها بوجع وقالت اسفه يا بابا بس ده كان مجرد هزار مش اكتر
عماد :- يا حبيبتى احنا مش صغيرين احنا كبار وفاهمين اللى انتى عمرك ما تقدرى تفهميه وغيرتك على يوسف كانت واضحه اوى امبارح
تمارا :- سكتت وبصت الاتجاه التانى ودموعها نزلت منها
عماد :- اتنهد ولف وشها ليه وقال اتكلمى يا تمارا قولى يا بنتى كل اللى فى قلبك مش هتلاقى حد عايز مصلحتك وخايف عليكى زى
تمارا :- وقفت وقالت بدموع هقول ايه يا بابا هقولك على خيبة الأمل اللى اخدها من يوسف على عمرى اللى راح كله فى حبه وانتظار رجوعه ويوم ما يرجع الاقيه مع واحده غيرى ومش بيفكر فيا اصلا على كسرة قلبى لما بشوفه على وجع قلبى كل ما افتكر أنه هياخدها فى حضنه وهتبقى هى ام لأولاده مش انا زى ما حلمت عمرى كله يوسف مش حب عادى وخلاص يوسف حب الطفوله اللى عاش جوايا وكبر معايا
عماد :- اتنهد وقام اخد تماره فى حضنه وقعد يطبطب عليها
تمارا :- مسكت فى ابوها اكتر وقعدت تعيط
عماد :- شششش أهدى يا حبيبتى ومسك وشها بين ايديه وقال مش عايز اشوف دموعك دى تانى مفيش اى حاجه فى الدنيا دى تستاهل دموعك يا بنتى انتى قويه وتقدرى تنسيه ممكن يكون اللى انتى حاسه بيه ده اتجاه يوسف يكون حب تعود طفله كانت تسمع دايمآ كلمة تمارا ليوسف كبرتى وكبرت الفكره فى دماغك وده اكبر غلط الأهالى بيعملوها لما يتكلموا قصاد الاطفال ويفضلوا يقولوا دى لده مع أن لا يعلم الغيب الا الله لازم نبطل العاده السيئه دى لأننا بنحفر الفكره فى دماغ الاطفال
الذنب مش ذنبك الذنب ذنب امك وسميحه لما عملوا كده انسيه يا بنتى وفكرى فى نفسك وبكره هيجى ليكى اللى يحبك بجد وتبقى ليه ويبقى ليكى يوسف خلاص يا تمارا مبقاش ليكى
تمارا :- هزت راسها وقالت عارفه يا بابا وهحاول أخرجه من حياتى
عماد :- جدعه يا حبيبتى انا عارف انك قويه وهتقدرى تعملى كده وتنسيه يلا ادخلى اغسلى وشك وانزلى علشان تفطرى
تمارا :- حاضر
عماد :- طبطب على خدها وابتسم ليها وسابها وخرج
تمارا :- اتنهدت بوجع ودخلت الحمام غسلت وشها وخرجت من اوضتها ونزلت تحت لاقت سميحه قاعده مع امها قالت صباح الخير
سميحه وسميه :- صباح النور
سميه :- اقعدى افطرى
تمارا :- قعدت وقالت رحمه خلصت ولا لسه
سميحه :- خلصت ومشيت هى ويوسف
تمارا :- اوك
سميحه :- شوفتى اللى حصل يا سميه
سميه :- ايه اللى حصل
سميحه :- يوسف طلب من ابوه أنه يقدم ميعاد الفرح عايزه اخر الاسبوع ده
سميه :- ايه يعنى ارين هتبقى مرات ابنك ازاى راضين بكده يا سميحه
سميحه :- نعمل ايه مصمم وابوه كلم امها واتفقوا على اخر الاسبوع الفرح
تمارا :- كانت بتسمع الكلام ودموعها نازله منها وقامت وقفت وقالت أنا ماشيه عن اذنكم وخرجت ركبت العربيه وقعدت تعيط بوجع وبعد وقت مسحت دموعها وشغلت العربيه وراحت على الشركه
🦋مزاولة حب 🦋 8
📌الفصل الثامن📌
فى الشركه
وصلت تمارا الشركه وهى حزينه ودخلت على مكتبها وقعدت على المكتب بتاعها من غير ولا كلمه ندى ويارا بصوا لبعض بأستغراب
ندي :- طيب قولى صباح الخير السلام عليكم اى حاجه
تمارا :-معلش يا بنات متزعلوش منى وقعدت تشوف شغلها
يارا :- قامت من على مكتبها وراحت عند تمارا وقالت مالك يا تيمو
تمارا :- وهى ماسكه دموعها قالت مفيش سبونى لوحدى لو سمحتوا
ندي :- قامت هى كمان وراحت عندها وقالت ومن امته لما واحده فينا بتبقى زعلانه بنسبوها لوحدها يا تمارا
تمارا :- دموعها نزلت منها وقالت بوجع فرح يوسف اخر الاسبوع
يارا:- بصت لندى بصدمه واخدت تمارا فى حضنها وقالت طيب ما ده المتوقع يا تمارا ده واحد خاطب واكيد هيتجوز دلوقتى ولا بعدين
تمارا :- بدموع عارفه بس مش قادره اتقبل الوضع ده انا وسكتت
ندى :- انتى ايه
تمارا :- بدموع انا قولت دى خطوبه وممكن ميحصلش نصيب ما بينهم ويسيبها ويرجعلى إنما لو اتجوزوا يبقى بكده فقدت الامل خالص
يارا :- غلط يا تمارا ليه تخلى نفسك فى الاحتياطى هو لو كان بيحبك انتى كان نفذ وعده ليكى ورجع ليكى انتى إنما هو منفذش وعده ونساكى وحب غيرك واختار واحده غيرك يكمل حياته معاها يبقى ليه تقللى من نفسك علشان حد
تمارا :- بدموع علشان بحبه
ندي :- يلعن ابو الحب اللى يقلل من صاحبه الحب اللى بجد هو اللى يعليكى مش يقلل منك وحبك ليوسف قلل من قمتك يا تمارا
تمارا :- اترمت تانى فى حضن يارا وقالت بدموع قلبى وجعنى اوى اوى يا بنات
يارا :- طبطبت عليها ودموعها نزلت منها وقالت يقطع الحب وسنينه اللى وجعنا بالطريقه دى ياريت كان بأيدينا الحب كان اختارنا نبعد عنهم ومنفكرش فيهم خالص وقلبنا ارتاح من الوجع والعذاب ده
ندي :- اهدوا بقى انتوا الاتنين احسن دمعتى قريبه اوى وهتخلونى اعيط يقطع الحب وسنينه
مالك :- صباح الخير يا بنات
ندي :- بصت ليه وعيطت وقالت عااااااااا
مالك :- بأستغراب مالك
ندي :- و.و وانت مالك
مالك :- ربع أيده على صدره وضحك وقال طيب من عارف ان انا اسمى مالك
تمارا :- بصت ليارا وضحكوا على كلمة مالك
مالك :- لاء بجد فيه ايه مالكم انتوا التلاته
يارا :- احنا كويسين يا مالك متشغلش بالك
مالك :- اوك انا زى اخوكم لو محتاجين اى مساعده انا موجود وابتسم ليهم ومشوا
يارا :- ابتسمت وقالت انتى عيطى ليه
ندي :- ربعت ايديها على صدرها وقالت انا عملت كده علشان ميفتحش كلام فى اللى حصل امبارح
تمارا :- احم طيب اسكتى بقى
ندي :- بس شوفتوا عسل ازاى وهو بيقول انا زى اخوكم يا لهوى يا ناس على الطعامه وبعدين هو اخوكم انتوا إنما أنا بقى بالنسبالى حاجه تانيه خااااالص حاجه كده زى
يارا :- قطعتها وقالت لاء ما انتى عيطى علشان ميفتحش كلام فى اللى حصل امبارح هتعملى ايه بقى علشان اللى بيحصل دلوقتى
ندي :- مش فاهمه
تمارا :- ما انتى لو بصيتى وراكى هتفهمى
ندي :- بصت وراها لاقت مالك واقف وساند على الباب وبيضحك على كلامها لفت تانى وقالت سمع صح احلفوا كده وبصت ليه وقالت انت مسمعتش صح
مالك :- بضحك والله سمعت
ندي :- ربنا يطمنك وزقته وطلعت تجرى على الحمام
مالك :- نبهتوها ليه كنتوا سيبوها تكمل كلامها
يارا :- هى زمانها اغمى عليها اصلا
مالك :- طيب اطمنوا عليها طيب وسابهم ومشى وهو بيضحك
تمارا :- والله العظيم ندى دى فقره ضحكت الواحد غصب عنه
ندي :- جت وبصت حاوليها وقالت مشي
يارا :- بضحك تعالى يا هبله
ندي :- اتنهدت وقالت مش تقولوا حاجه علشان اسكت بدل ما انا بتكلم براحتى كده
تمارا :- احسن تستاهلى اصلك مش بتحرمى
ندي :- وانا ايه مدوبنى فيه غير ضحكته دى يخربيت كده يا شيخه احلى واجمل ضحكه شوفتها فى حياتى
يارا :- بت انتى مش بتحرمى
ندي :- هو فيه حد بيشبع من الحلويات
تمارا :- مالك
ندى :- بصت وراها بخضه وقالت يا بنت ال
يارا وتمارا قعدوا يضحكوا عليها وفى الوقت ده جه السكرتير وقال
السكرتير :- انسه تمارا استاذ يوسف عايزك
تمارا :- اتنهدت وقالت ماشى وبصت على السكرتير وهو ماشى وقالت خايفه دموعى تخدعنى وأضعف قدامه وتنزل
يارا :- حاول تظهرى قصاده قويه زى ما هو متعود يشوفك
تمارا :- اتنهدت وقالت هحاول وقامت وراحت عند مكتب يوسف وخبطت على الباب وسمعت صوته بيسمح ليها بالدخول فتحت الباب ودخلت وقالت نعم
يوسف :- من غير ما يبص ليها قال تعالى اقعدى يا تمارا
تمارا :- اتنهدت بوجع ودخلت قعدت على الكرسى وقالت خير يا استاذ يوسف
يوسف :- فيه ورانا شغل كتير محتاج اخلصه قبل ما الاسبوع ده يخلص
تمارا :- بكسره تقصد قبل فرحك
يوسف :- ايوه انتى عرفتى
تمارا :- اه سمعت طنط سميحه وهى بتحكى لماما مبروك
يوسف :- الله يبارك فيكى عقبالك انتى وبدر
تمارا :- ابتسمت بوجع وقالت إن شاءالله
يوسف :- بأستغراب مالك فيه حاجه مزعلاكى اوعى يكون اللى اسمه بدر ده مزعلك
تمارا :- لاء خالص بدر طيب ومش بيهون عليه زعلى انا بس تعبانه شويه
يوسف :- لا الف سلامه عليكى
تمارا :- وهى حابسه الدموع فى عينيها قالت الله يسلمك المهم شغل ايه اللى حضرتك محتاج نخلصه
يوسف :- ايه حضرتك دى من امته واحنا بنتكلم مع بعض كده
تمارا :- متنساش أن المكان ده مكان عمل مش البيت
يوسف :- صح عندك حق اتفضلى خلصى الملفات دى
تمارا :- اخدتهم وقالت هنا ولا فى مكتبى
يوسف :- مكان ما تحبى
تمارا :- تمام هروح اخلصهم فى مكتبى وقامت وقفت وراحت عند الباب ولسه هتمشي
يوسف :- تمارا
تمارا :- بصت ليه وقالت نعم
يوسف :- احم انا بقول خليكى هنا علشان نشتغل مع بعض
تمارا :- اتنهدت وقالت اللى تشوفه حضرتك ورجعت تانى قعدت على الكرسي
يوسف :- تقدرى تشتغلى
تمارا :- اوك وفتحت الملفات وقعدت تشتغل
يوسف :- قعد يبص عليها وهى شغاله وعينه منزلتش من عليها
تمارا :- رفعت راسها لاقت يوسف بيبص ليها قالت خير فيه حاجه
يوسف :- ها احم ل.ل لاء م.م.مفيش كملى شغلك وبص فى الملفات اللى قصاده
تمارا :- بصت ليه مده وبعد كده بصت فى الملفات وقعدوا يشتغلوا لمده طويله وتمارا مسكت رقابتها بألم وقالت انا تعبت
يوسف :- معلش استحملى شويه لو تعبتى من قعدت الكرسى روحى اقعدى على الكنبه اريح ليكى
تمارا :- اوك وقامت قعدت على الكنبه والملفات كانت معاها وكملت شغلها لحد ما عينيها راحت فى النوم من غير ما تحس
يوسف :- بيبص على تمارا لاقها نامت قام من على الكرسي وراح عندها قعد جنبها على الكنبه وفضل يبص ليها وهى نايمه ومد أيده مشي صوابعه على وشها بحب ولمح سلسله فى رقابتها مد أيده سحبها لاقها السلسله بتاعته اتفاجئ انها لسه لابسها وفى الوقت ده تليفون تمارا رن فتحت عينيها بخضه لاقت يوسف ماسك السلسله فى أيده اتوترت وقامت اتعدلت وسحبة السلسله من ايد يوسف ودخلتها تانى جوه الهدوم وقالت
تمارا :- احم ا.ا.انا نمت ازاى
يوسف :- ليه
تمارا :- وقفت بتوتر وقالت ل.ل ليه ايه
يوسف :- ليه قولتى ليا أنها ضاعت منك
تمارا :- احم ا.ا انا لسه لاقيها
يوسف :- كدابه يا تمارا ليه كذبتى عليا ومقولتيش انك حفظتى على وعدك ليا والسلسله زى ما هى فى رقابتك
تمارا :- وهى ماسكه دموعها فى عينيها قالت ا.ا.انا لازم امشى علشان اتأخرت ولسه هتخرج من الباب
يوسف :- سحبها وسندها على الحيطه وقال مش هتمشى غير لما تردى على سؤالى يا تمارا
تمارا :- سبنى امشي لو سمحت
يوسف :- لاء
تمارا :- دمعه نزلت منها وقالت حرام عليك بقى سبنى فى حالى انت ليه غاوى تعذبنى ليه وزقته بعيد عنها وراحت اخدت شنتطها ونزلت تجرى ركبت عربيتها ومشيت بيها وهى منهاره وبتعيط
يوسف :- بص عليها وهى ماشيه وقال بصدمه تمارا بتحبنى انا طيب ليه مقالتش ليا ليه وطلع يجرى وراها لاقها مشيت ركب عربيته وراح وراها على الفيلا ودخل ملقاش حد عند تمارا فى الفيلا بص لفوق وطلع عند اوضت تمارا وخبط على الباب وفتحه لاقها نايمه على السرير وبتعيط راح قعد جنبها وقال لما انتى لسه بتحبينى يا تمارا ليه مقولتيش ليا وكذبتى عليا وقولتيلى انك بتحبى واحد تانى
تمارا :- قامت وقفت وقالت لو سمحت اطلع بره مينفعش وجودك هنا فى الاوضه بتاعتى
يوسف :- مش هطلع غير لما تجوبينى على سؤالى
تمارا :- اتنهدت وقالت انا اه كنت بحبك بس من يوم ما رجعت مصر ولاقت قلبك انشغل بغيرى وانا نسيتك وبدر فعلا بيحبنى وانا قررت هتخطب لبدر يا يوسف
يوسف :- مسكها من دراعها وقال انتى لسه بتحبينى يا تمارا انا عارف شكلك لما بتكدبى
تمارا :- ربعت ايديها على صدرها وقالت افرض أن انا لسه بحبك هتعمل ايه
يوسف :- اتفاجئ بالسؤال ومعرفش يرد عليها
تمارا :- ضحكت بوجع وقالت مش عارف ترد طبعآ لان انت خلاص فرحك اتحدد اخر الاسبوع روح يا يوسف لارين اللى قلبك اختارها واختار يعيش معاها روح
يوسف :- تمارا انا مينفعش اسيب ارين بعد اللى حصل ما بينا أنا كنت اول راجل فى حياتها وهى حبتنى بجد وعلشان كده سلمتنى نفسها مبقاش راجل لو بعد ده كله بعد عنها ومتجوزتهاش
تمارا :- وانا مطلبتش منك انك تبعد عنها وتسيبها عارف ليه لانك انت لو حبتنى بجد مكنتش هتقدر تقرب لواحده غيرى كان حبك ليا هيشبع رغباتك وهيبعدك عن الطريق اللى مشيت فيه ده إنما أنت محبتنيش انت كانت علاقتنا بالنسبه ليك زى ما قولت لعب عيال حب طفولى عبيط ملهوش اى اهميه عندك وعلشان كده انا مطلبتش منك تبعد عنها وتيجى ليا وبصت فى عينه بتحدى وقالت ومدام مكنتش مهمه فى حياتك من الاول انت عمرك ما هتكون مهم فى حياتى بعد كده وعمرى ما هكون ليك
يوسف :- تمارا اسمعينى انا لما قربت من ارين قربت منها لان كنت محتاجك فعلا فى حياتى كنت بحاول اعوض غيابك عنى
تمارا :- ضحكت بوجع وقالت والله يعنى مسموح ليا اروح اعمل علاقه محرمه بحجت أن انا عايزه اعوض غيابك بلاش حجج ملهاش لازمه كل واحد حر فى حياته انت اخترت تكمل حياتك مع ارين انت حر دى حياتك زى ما انا قررت أكمل حياتى مع بدر وانا حره برضه دى حياتى ومحدش ليه دخل فيها وياريت تتفضل تطلع بره
يوسف :- انا عارف ومتأكد إن كلامك ده من وراه قلبك بس اللى عايزك تعرفيه أن انا عمرى ما نسيتك وتقدرى تسألى مالك انا علطول بكلمه عنك وبحكيله عن احلى ايام عمرنا تمارا انا لسه بح وفى الوقت ده جت ارين ورحمه وقطع يوسف كلامه
ارين :- يوسف انت هنا بتعمل ايه
يوسف :- ك ك.كنت بسألها على حاجه فى الشغل
ارين :- قربت منه وحضنته وقالت وحشتنى
يوسف :- بص على تمارا بوجع وقال وانتى كمان يا حبيبتى
تمارا :- بصت الاتجاه التانى وحاولت تتحكم فى دموعها
رحمه :- انتوا اتأخرتوا اوى فى الشغل النهارده
تمارا :- اصل العريس كان حجزنى معاه فى المكتب بنخلص شوية شغل قبل فرحه هو يتجوز واحنا نتعب
ارين :- وانتى عملتى ايه زياده ما ده شغلك
تمارا :- يلا كله فده عيونكم انا عندى كام يوسف وارين مبروك فرحت ليكم اوى
ارين :- مش حاسه انك فرحانه يعنى
تمارا :- اصلك عديمة الاحساس يا حبيبتى وابتسمت ليها بقرف
يوسف :- كان بيبص لتمارا بوجع
تمارا :- طيب ايه انتوا ناوين تناموا عندى فى الاوضه ولا ايه يلا كل واحد على اوضه
ارين :- مسكت ايد يوسف وقالت تعال يا حبيبى عايزاك
تمارا :- بصت على أيديهم بوجع واتنهدت وبصت الاتجاه التانى
يوسف :- مشى مع ارين وهو بيبص على تمارا لحد ما خرجوا من الاوضه
تمارا :- قعدت على السرير واتنهدت
رحمه :- مالك يا تمارا حاسه انك مضايقه من حاجه
تمارا :- ها ل.ل.لاء خالص وقامت شغلت اغانى
رحمه :- هتعملى ايه يا مجنونه
تمارا :- بضحك هرقص وقعدت ترقص ومسكت ايد رحمه وقالت ارقصى معايا
رحمه :- لاء انا تعبانه
تمارا :- براحتك وقعدت ترقص وهى بتفكر فى كلام يوسف ليها وشافت لحظة ما ارين مسكت ايد يوسف ومشى معاها وكانت بترقص بطريقه غريبه
رحمه :- لحظة طريقة رقص تمارا قامت وقفت وحاولت تكلم تمارا بس مردتش عليها طفت الاغانى وراحت عند تمارا وقالت مالك يا تمارا قلقتينى عليكى
تمارا :- بصت لرحمه واترمت فى حضنها وقعدت تعيط
رحمه :- طبطبت عليها وقالت مالك يا حبيبتى بس
تمارا :- مسكت فيها اكتر وعيطت اكتر
رحمه :- دموعك دى بسبب جواز يوسف صح
تمارا :- بعدت عنها ومسحت دموعها وقالت بكدب لاء طبعآ وانا هعيط ليه ما يتجوز عادى
رحمه :- علشان انتى بتحبيه يا تمارا
تمارا :- بصت ليها مده وحطت ايديها على وشها وقعدت تعيط
رحمه :- كان باين عليكى اوى على فكره انك غيرانه عليه من ارين ومنكرش أن انا زعلت برضه لما يوسف حدد معاد جوازه منها كنت بتمنا انها ترجع بلدها ويتجوزك انتى بس كل شئ قسمه ونصيب يا حبيبتى وبجد يوسف خسر كتير اوى أنه سابك وهيتجوز ارين
تمارا :- مسحت دموعها وقالت هنساه وهعيش حياتى هعتبره أنه لسه مرجعش من السفر انا خلاص تعبت من حرب الأعصاب اللى انا عايشه فيها دى
رحمه :- انتى كده صح وانا معاكى وجنبك يا تمارا
تمارا :- ربنا يخليكى ليا يا قلبى يلا روحى اوضك بقى علشان عايزه انام وابتسمت ليها
رحمه :- ماشي يا حبى يلا تصبحى على خير وخرجت وسابتها
تمارا :- بصت على رحمه وهى ماشيه ودموعها نزلت منها وراحت عند الشباك وبصت منه لاقت يوسف قاعد مع ارين فى الجنينه حطت ايديها على رقابتها وهى حاسه بخنقه ايديها جت على السلسله خرجتها من جوه الهدوم وبصت تانى على يوسف وارين قلعت السلسله وحدفتها من الشباك ودخلت نامت على سريرها ودموعها كانت نازله منها وشويه وندمت أنها قلعة السلسله وحست أن فيه حاجه نقصها قامت تجرى من على سريرها ونزلت تحت الشباك بتاعها مكان ما حدفت السلسله ودورت على السلسله ملاقتهاش حست بوجع فى قلبها دخلت تجرى وقالت ماما يا ماما
سميه :- ايوه يا بنتى
تمارا :- محدش شاف السلسله بتاعتى
سميه :- لاء يا بنتى هى وقعت منك ولا ايه
تمارا :- ها ا.ا اه وقعت منى فى الجنينه ودورت عليها ملاقتهاش
سميه :- اسألى اخوكى كريم كان لسه قاعد فى الجنينه
تمارا :- ماشي وطلعت تجرى وخبطت على الباب وفتحته وقالت كريم
كريم :- يخربيت كده مليون مره اقولك خبطى الاول بتبوظى الفيديو اللى بعمله
تمارا :- مش وقته يا كريم المهم قولى مشوفتش السلسله بتاعتى فى الجنينه
كريم :- لاء مشوفتش حاجه
تمارا :- هوف بقى يعنى هتكون راحت فين بس
كريم :- الصبح دورى عليها كويس
تمارا :- اتنهدت وقالت ماشى تصبح على خير وخرجت وقفلت الباب وراها وراحت على اوضتها وقعدت على السرير وحطت راسها ما بين ايديها وقالت حتى دى راحت منى انا غبيه غبيه وحدفت نفسها لوراه وحطت ايديها على وشها وغمضت عينيها ونامت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
فى اوضت يوسف
دخل يوسف اوضه ونام على سريره وغمض عينه بوجع وافتكر اللى حصل فى مكتبه اتنهد بوجع وقال
يوسف :- طلعت غبى ازاى مأخدش بالى من حبها ليا ازاى وسكت شويه وقال يعنى لو اخد كنت هتعمل ايه هتسيب ارين بعد اللى حصل ما بينكم وسكت تانى وقال برضه غلطان وهى عندها حق لو كنت حبيتها بجد مكنتش قدرت تقرب من حد غيرها إنما أنت واحد ضعيف جريت وراه شهوتك ونسيت وعدك ليها متلمش عليها لوم على نفسك انت لوم ضعفك واستهتارك بمشاعرك هى اللى وصلتك لكده وسكت شويه وقال والعمل هتعمل ايه هتختار رجولتك ولا قلبك يا يوسف وحط أيده على وشه وقال مش عارف مش عارف واتنهد بوجع وغمض عينه ونام
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد بنورها الساطع فى سماء القاهره لتبدء تمارا بفتح عيونها قامت بحزن من على سريرها دخلت الحمام اخدت شاور واتوضت وخرجت لبست هدومها وأدت فرضها ونزلت الجنينه تدور على السلسله قعدت تدور عليها بس ملاقتهاش نفخت وقالت
تمارا :- هوف راحت فين بقى الأرض انشقت وبلعتها وفى الوقت ده جت رحمه وقالت
رحمه :- صباح الخير يا تيمو
تمارا :- صباح النور يا رحمه
رحمه :- مالك فيه حاجه راحت منك ولا ايه
تمارا :- ها ا.ا.اه الحلق بتاعى بدور عليه وقع منى ومش لاقيه
رحمه :- اه طيب استنى ادور معاكى عليه
تمارا :- ل.ل.لاء خلاص مش مشكله تعالى نفطر يلا
رحمه :- يا بنتى اصبرى ندور عليه انا وانتى
تمارا :- خلاص يا رحمه مش مشكله تعالى ندخل جوه
رحمه :- براحتك ودخلوا الاتنين جوه
تمارا :- صباح الخير يا ماما
سميه :- صباح النور يا حبيبتى وبصت لرحمه وقالت صباح الخير يا بنتى
رحمه :- صباح النور يا طنط
سميه :- لاقيتى السلس
تمارا :- قطعتها وقالت ل.ل لاء يا ماما هو بابا فين
سميه :- انا عارفه يا اختى بيقوم من الفجر وينزل هو وعمك حسام معرفش بيروحوا فين دول
تمارا :- بضحك انا قولتلك تلاقيه اتجوز عليكى وبيحاول ينظم الوقت بينك وبينها
رحمه :- يخربيت سنينك انتى ناويه تطلقيهم ولا ايه
سميه :-تانى انتى يا بت اتهدى
تمارا :- ضحكت وقالت انتى حره انا خايفه عليكى
سميه :- خايفه عليا اوى الصراحه اقعدوا يلا يا بنات وانا هروح اجيب ليكم الفطار
رحمه :- اه بسرعه يا طنط احسن الناس اللى هناك دول مش راضين يأكلونى
سميه :- من عينيا يا بنتى وقامت تحضر ليهم الفطار
رحمه :- عامله ايه النهارده
تمارا :- كويسه وزى الفل
رحمه :- بس انا حاسه بغير كده
تمارا :- لاء متقلقيش عليا انا قويه ومش حاجه زى دى هتكسرنى
رحمه :- بتمنى
وفى الوقت ده دخلت سميحه وقالت
سميحه :- صباح الخير
تمارا ورحمه :- صباح النور
سميحه :- انتى هنا يا بنتى وانا بدور عليكى علشان تفطرى
رحمه :- ما انا هفطر مع تمارا
سميحه :- ماشي فين سميه
تمارا :- ماما بتحضر لينا الفطار
سميحه :- ماشى انا داخله ليها ومشيت شويه ووقفت وقالت اه متتأخريش النهارده يا رحمه علشان تروحى مع ارين تختارى فستان الفرح معاها
تمارا :- غمضت عينيها بوجع
رحمه :- حاضر يا ماما
سميحه :- وانتى يا تيمو ابقى روحى معاهم
تمارا :- انا
سميحه :- ايوه يا حبيبتى روحى اختارى معاهم الفستان
تمارا :- ابتسمت ليها بوجع وقالت حاضر يا طنط
رحمه :- هو يوسف هيجى معانا
سميحه:- ايوه هى مصممه يروح معاكم
رحمه :- بصت لتمارا وبعدين بصت لامها وقالت ماشى يا ماما
سميحه :- سابتهم ودخلت المطبخ
رحمه :- هتروحى
تمارا :- سكتت شويه وقالت اه هروح اختار معاكم فستان الفرح علشان اثبت لاخوكى أنه بقى ولا حاجه بالنسبه ليا
رحمه :- انا رأى بلاش تروحى هتتعبى
تمارا :- ما انا قولتلك انا قويه متخفيش عليا وقامت وقفت وقالت أنا ماشيه
رحمه :- مش هتفطرى
تمارا :- لاء اصل اتأخرت هتيجى معايا اوصلك ولا هتستنى لما تفطرى
رحمه :- وقفت وقالت لاء هروح معاكى ولسه هيمشوا
سميه :- رايحين فين يا بنات مش هتفطروا
تمارا :- معلش يا ماما اتأخرنا اوى على الشغل
سميه :- ماشى يا حبيبتى ربنا معاكم
خرجوا الاتنين وركبوا العربيه وراحوا على الشركه وعملت تمارا مكالمة تليفون وبعد وقت وصلوا ونزلوا الاتنين من العربيه وسمعت تمارا صوت حد بينادى عليها بتلف لاقته بدر ابتسمت ليه وقالت
تمارا :- تعال يا بدر
رحمه :- بأستغراب مين ده
تمارا :- هبقى اقولك كل حاجه بعدين
بدر :- اول ما اتصلتى بيا وقولتيلى انك عايزانى جتلك علطول
تمارا :- شكرآ يا بدر أنك جيت كنت عايزه اطلب منك طلب
بدر :- مردش عليها وكان سرحان فى رحمه
تمارا :- بدر انت يا ابنى
بدر :- ها ا.ا.ايوه
تمارا :- فيه ايه سرحان كده ليه
بدر :- مين القمر دى
تمارا :- بصت على رحمه ورجعت بصت ليه وقالت دى رحمه اخت يوسف
بدر :-ها اخت يوسف انتى احلى طبعآ يا قلبى
تمارا :- اطمن رحمه مش غريبه عنى وزيها زى يارا اختك بالظبط
بدر :- يعنى عارفه اللى فيها
تمارا :- لاء لسه بس هقولها انا مش بخبى عنها حاجه
بدر :- احسن برضه بس هى ليه مش بتتكلم
تمارا :- رحمه انتى كويسه
رحمه :- ها يعنى حاسه بس أن غبيه ومش فاهمه اى حاجه
تمارا :- هفهمك بعدين ده بدر حبيبى أو اللى بيمثل دور حبيبى
رحمه :- اه اهلا وسهلا
بدر :- الله صوتك حلو اوى انا بقى بدر
رحمه :- ابتسمت ليه وقالت عاشت الاسامى يا استاذ بدر
بدر :- اهلى بقى كانوا بيحبوا شاعر اسمه بدر شاكر السياب شاعر عراقى فى القرن العشرين وعلشان كده اتسميت على اسمه
رحمه :- بأستغراب اااااه
تمارا :- انت يا ابنى ركز معايا شويه
بدر :- مش قادر اصل صحبتك حلوه اوى ومشتته تركيزى
رحمه :- بعصبيه نعم
تمارا :- لاء متخديش فى بالك هو بيحب يهزر كده علطول يا ابنى خلينى اقولك الكلمتين اتأخرنا على الشغل الله يخربيتك
بدر :- وهو بيبص على رحمه قال قولى انا معاكى اهو
تمارا :- والله كده معايا
بدر :- تمارا اقولك على حاجه
تمارا :- امممم
بدر :- انا متفائل
تمارا :- احلف
بدر :- وحياة صحبتك
تمارا :- منك لله يا ندي
بدر :- ومال ندي بس انا بحلف بصحبتك رحمه
تمارا :- عاااااا الرحمه من عندك يارب
بدر :- وهو باصص على رحمه قال احلى رحمه دى ولا ايه
رحمه :- بصت الاتجاه التانى وضحكت على كلامه
تمارا :- اقولك على حاجه انا بقى
بدر :- قولى
تمارا :- يوم مطلعش ليه شمس يوم ما طلبت منك تساعدنى
بدر :- بضحك خلاص خلاص قولى عايزه ايه
تمارا :- هوف عايزاك تكون موجود هنا بعد الشغل علطول علشان هتيجى معانا مشوار
بدر :- مشوار ! مشوار فين يعنى
تمارا :- عند اتيليه نختار منه فستان الفرح لعروسة يوسف
بدر :- هو يوسف خاطب
تمارا :- ايوه يا ابنى ما انا قولتلك المره اللى فاتت
بدر :- طيب ازاى
تمارا :- هو ايه اللى ازاى
بدر :- بس انا لما شوفته المره اللى فاتت حسيت أنه بيح وفى الوقت ده نزل يوسف من فوق بعد ما شافهم واقفين من الشباك بتاع مكتبه ومد أيده وقال
يوسف :- منور يا اخ بدر وداس على أيده جامد وداس على أسنانه
بدر :- بألم بنورك يا عم انت هما بيأكلوك ايه وشد أيده من ايد يوسف بصعوبه وبص على أيده وبعدين قرب من ودن تمارا وقال انتى متأكده أنه خاطب
تمارا :- داست على أسنانها وقالت ايوه واسكت بقى هتفضحنا الله يخربيتك
يوسف :- مش هتبطلوا كلام الودان ده ولا ايه
تمارا :- بقرف وانت ايه مزعلك ما براحتنا
يوسف :- بص لتمارا بوجع وقال تمارا عايز اتكلم معاكى
تمارا :- مش فاضيه
بدر :- هو ايه عايز اتكلم معاكى دى هو انا كيس جوافه واقف
رحمه :- شافت نظرت يوسف لبدر قالت لنفسها بصوت واطى متستعجلش ده انت هتبقى عصير فواكه كمان شويه
يوسف :- بص بغيظ لبدر ومردش عليه وقال تمارا انا محتاج اتكلم معاكى ضرورى
تمارا :- لو بدر وافق انا معنديش مشكله
بدر :- بصوت واطى يخربيتك الله يخربيتك صدرتينى للوحش اشوفك متشعلقه فى حبل البلكونه يا بعيده
يوسف :- داس على أسنانه وقال ماشى وبص لبدر والشرار بينط من عينيه وقال ها ايه رأيك يا اخ بدر موافق
بدر :- بصوت متقطع ل.ل.ل اء
يوسف :- نعم مسمعتش حاجه
بدر :- م.م.مش موافق
يوسف :- طيب يا رحمه خدى تمارا واطلعوا الشغل علشان المدير كان بيسأل عليكم
تمارا :- مش طالعه
رحمه :- بصت على يوسف لاقته متعصب قالت تمارا ت.ت تعالى معايا عايزه اقولك حاجه واخدتها وطلعت الشركه
بدر :- بخوف ت.ت.تمارا بت يا تمارا
يوسف :- قولتلى انت مش ايه
بدر :- احم مش موافق
يوسف :- عمل نفسه بينفض حاجه من على كتف بدر بس بأيد تقيله وقال اممم مش موافق
بدر :- كح من كتر الألم وقال ا.ا ايوه
يوسف :- طيب تعال معايا
بدر :- بخوف ا.ا.اجى معاك فين
يوسف :- متخافش كده واجمد وخليك راجل زى ما بتعمل قدام تمارا وزقه بغيظ وقال امشى معايا والاتنين مشوا مع بعض
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى المكتب
طلعوا الاتنين على المكتب وقالوا
رحمه :- صباح الخير يا بنات
ندي :- صباح النور يا رحومه
يارا :- صباح الخير يا رحمه
تمارا :- قعدت بغيظ على المكتب وقالت عاملين ايه
يارا :- كويسين بس مالك كده على الصبح
ندى :- ابوس ايديكم محدش يذكر اسم مالك ده احسن بيجى على السيره
الكل ضحك على كلمتها
يارا :- يا بت اصبرى بس وبصت لتمارا وقالت برضه الموضوع ده
تمارا :- هوف هو فيه غيره زفت الطين يوسف
رحمه :- احم نحنوا هنا ده اخويه والله
تمارا :- سورى يا رحمه
رحمه :- ولا يهمك يا قلبى انتى عارفه مين اللى صعبان عليا فى الموضوع ده كله
تمارا :- مين
رحمه :- بضحك بدر زمانه انطحن دلوقتى
يارا :- بدر مين اخويه
تمارا :- بضحك ايوه
ندي :- ليه ايه اللى حصل
رحمه :- هو حاول يرفض طلب ليوسف اخده فى مشوار صغير كده بس متقلقيش اخويه بيضرب بس الاصابات بتبقى بسيطه وقعدت تضحك
يارا :- احيه هتموتوا الاخ اللى حيلتى منك لله يا ندي انتى السبب
ندي :- هو فيه ايه كل ما يحصل حاجه منك لله يا ندي منك لله يا ندي وانا مالى الحق عليا أن ساعدكم
تمارا :- مساعده شبه وشك الصراحه
ندي :- انا غلطانه بعد كده مش هساعدكم فى حاجه
يارا :- خليكى فى سى مالك بتاعك انتى
ندي :- هييييح مالك
رحمه :- اوووووبا هو ايه الموضوع وغمزت ليها
ندي :- الموضوع كله فى جمال عينيه وفى ضحكته حاجه كده هيبيييح خالص يعنى تخليكى كده مش على بعضك اول ما تشوفيه شكله كده حب من اول نظره يا اختى
مالك :- صباح الخير
ندي :- ايه ها ايه ما تقول ايه انت عامل معايا عقد يا ابنى بتنط فى الكلام بطريقه غريبه كده كتير بص كده كتير والله ومش متحركه من مكانى ها وزقته وطلعت تجرى على الحمام
مالك :-بص عليها وهى بتجرى وقال يا بنت المجنونه
والكل كان بيضحك على اللى حصل