رواية احتواء القاسي
الفصل الثاني والاربعون 42
بقلم سوسو تويكس
وصلتا المستشفى وانا شايلها ولسه نزيفها زايد واغمى عليها من الألم، استلموها مني ودخلوها غرفة الطوارئ،راسي كان لافي وماقادر استوعب الحصل، همي كلو الجنين ما يحصل ليهو شي، قعدتا في كرسي من كراسي الانتظار، وانا بتذكر الحصل كلو، وحياتي الاتغيرت من قبل شهرين، للان بتذكر اليوم ده يوم١٧ رمضان، بعد الشغل قلتا امشي أزور ناس خالتي سيده بسرعه على الواقف لاني طولتا منهم، المهم مشيت ليهم ولقيت عمي اسماعيل قاعد في الصالون واثناء ما بتونس معاهو سمعنا صوت خالتو سيده بتكورك، قمنا مخلوعين، مشينا على اتجاه الصوت وكان جاي من غرفة اماني مع دخلتي الغرفه وعمو إسماعيل وراي سمعتا خالتو ساميه بتقول :حامل من منو، ما تبكي لي انطفى غلطتي مع منو_كانت عايزه تتكلم بس وقت شافتني انا وعمو إسماعيل بقت ترجف من الخوف وقالت بخلعه:مم..عتصم!!_خالتو ساميه اتلفتت وشافتنا، في نفس الوقت عمو إسماعيل وقع وقت سمع الكلام ده، ضغطو ارتفع، الا شلناهو جرينا بيهو المستشفى، واثناء ما نحنا في المستشفى لينه اتصلت لي لاني اتاخرت في الرجعه رديت ليها اني مشغول وقفلتا الخط عشان ما اديها مجال للاسئله، بعد مسافه الدكتور طلع وقال : ضغط مرتفع شديد حتى الادويه ما بتنزلو، لازم يبعد عن الحاجات البترفع ضغطو والتوتر والانفعالات، المرة دي نجا بشويه من الشلل، تاني ضغطو لو اترفع اكتر من كده اول احتمال انو يتشلا_خالتو سيده بقت تبكي و تضرب في اماني الكانت هي زاتها منهارة، وتقول ليها:كلو بسببك، ابوك ده لو حصل ليهو حاجه ما برحمك فاهماني _معتصم:خالتو سيده الموضوع ده ما بنتكلم فيهو هنا في المستشفى اهدي لحدي ما نرجع البيت وانشا الله بنلقا حل _وفعلاََ خرجونا في نفس اليوم وصلنا البيت وعمو إسماعيل ده رافض يعاين زاتو لي اماني، قال :انا كان عندي بت واحده ياها امنيه وماتت، أما انتي لا بتي ولا بعرفك_سالتها قدامهم بهدؤ محاول ما ارتكب فيها جريمه :ورينا منو الزول الغلطتي معاهو ده وبدون كذب ولوف ودوران _بقت تبكي وتقول :مالك كان زميل لي في الجامعه وكنت مرتبطه بيهو و... _قاطعنا خالتو سيده وهي تضربها كف وعدلت ليها وشها بالكف التاني وكان لسه ح تضربها لو ما انا وقفتها_معتصم:اها انتي حسي عارفه مكانو وين _اماني:رجع قطر لأهلو هناك، هي بجي للقرايه بس وبرجع، ووقت وريتو نكر و.. و. وقال هو ما ابو الولد،وما بعرفني زاتو
ووقت وريتو نكر و.. و. وقال هو ما ابو الولد،وما بعرفني زاتو، وقت اتصلتا ليهو كتير حظرني رقمي وحظرني في باقي مواقع التواصل عشان ما اصل ليهو_مسحتا وشي وانا بحاول اهدي نفسي يعني معقوله هي غبيه للدرجه دي لمن تنفذ اي حاجه هو بقولا،عمرو الحب ما كان كده او بالطريقه دي_سكتنا مسافه اي زول بفكر في حل للمشكله دي وحتى لو دسو عاجلاََ ام اجلا الناس ح تعرف ده ما شي بدسو_فجاءة خالتو سيده وقفت َجات اتجاهي وهي بتقول:خلي معتصم يعقد عليها_اسماعيل:انتي بتقولي شنو يا وليه، ذنب شنو يتحمل غلط بتك ويسجل اسم ولد ما ولدو باسمو، وبعده ح يكون فيها خراب بيوت يا دوب ليهو شهرين ولسه عريس _سيده:معتصم ما غريب عننا، يمكن الله ما ادنا ولد بس ادانا معتصم (وجات على ومسكت يديني وهي بتبكي) الله يرضا عليك يا ولدي زواج للستره بس، شهرين بس وطلقها، الله يرضى عليك، مودي وشنا وين لو الناس عرفت، وو.. وعمك إسماعيل ده يمكن يروح فيها لو سمع كلام من الناس، عشان خاطر العشره الطويله البيناتنا ومعزة امنيه الله يرحما العندك، الله يرضى عليك ما لينا غيرك عشان نتعشم فيهو_بعد كلامها ده ما قدرت أرفض وخصوصا اني شايف نظره الترجي الفي عيونها هي وعمو سليمان كاني املهم الوحيد _معتصم:ما دام زواج ستره انا ما عندي مشكله _سيده:باقي اليوم ده تمشو تعقدو عند مؤذون الحله انت واسماعيل_اماني:بس انا ما موافقه، ما بقدر اعمل كده في لينه، معتصم ما لازم يتحمل غلطي، انا بطلع بخلي البيت وو... _خالتي سيده مشت تاني تضرب فيها:اسكتوا حسك ده ما اسمعو كان تفكري في العواقب قبلي ما تمشي تغلطي يا حيوانه، لمن لقيتي ليك زول يسترك جايه تتكلمي _اماني:بس لينه يا أمي ما بقدر أعم.... _سيده:قلنا قفلي خشمك ده، ما اسمع منك ولا نفس_وفعلاََ في اليوم داك مشينا عقدنا، رجعت البيت وانا ضايع عدييل لينه لو عرفت نا ح تتفهم خصوصا اني ما ح اقدر اوريها السبب لانو خالتو سيده حلفتني بالمصحف ماف زول يعرف والكلام ده ما يطلع من البيت، اها لو سالتني عن السبب ح اقول شنو، باقي الايام كنت بهرب منها، ما بقدر اكذب عليها وانا بعاين في عيونها، ونفس الوقت ما عندي الشجاعه اوريها، خايف تكرهني وما بعيد انو تخليني وخصوصا اني ما ح اقدر اقول ليها السبب شنو الخلاني اعمل كده_بعد اسبوع معناة من الكلام ده قدرتا اتشجع وأمشي عشان اوريها، بس اتفاجأتا بأنها حامل.
ظلمتو معتصم ساي💔🙂