رواية مأمني وأماني
الفصل الثاني والعشرون 22
بقلم توسل محمد طه
*الموت حق وشىء اساسي والكل دااري بس ناسي* 💔
*راح ورحل وفي رجعته مالي امل، الله على الدنيا كبير والله على جرحي بصير والاجر عند الله كثير يلطف بحالي لا رجيته، م يخيب الله شخص قال الحمد الله في كل حال* 😔💔
ناس مشكاة نزلو في بيت اهل علاء وماشين توسل وعلاء واولادهم عشان يسلمو عليها
ركبو العربيه سند ويوسف ورا واسيل مع امها وابوها قدام 😹
كانو بضحكو وبتونسو ومبسوطين شديد بس فجاءه ظهرت قدامهم عربيه فاقده السيطره على الطريق ودخلت فيهم
عربية ناس علاء اتقلبت كم قلبه في الظلط وناس علاء جواها💔
كانو جواها علاء وتوسل وسند واسيل ويوسف💔
توسل كانت واعيه شويه بس في ضربه في جبينها وبتنزف عاينت لي اسيل الراقده جنبها وعاينت ورا تشوف سند الفي ضربه في رقبتو ويوسف الدم كان مغطيهو وكان ماسك يد سند وعاينت لي علاء لقت وشو كلو مغطا بالدم م قادره تشوف ملامحو حاولت تتكلم بس م قدرت💔دموعها عايزه تنزل بس كمان م قدرت حولت تمد يدها لي اولادها ورا عشان تطمنهم وتطمن عليهم بس يدها م وصلت💔 حاولت تهز اسيل الجنبها بس ماف استجابه مدت يدها لي علاء وهزتو عشان يصحا بس كمان ماف استجابه غمضت لحظتها وم صحت الا وهي في المستشفى💔
وصلو كيف وعرفو كيف م عرفت بس صحت لقت روحها في الغرفه براها وين علاء وين سند وين اسيل ويوسف كانت بتسأل في نفسها بس ماف زول يجاوبها طلعت براا وياريتها م طلعت💔
لقت امها وابوها وشيماء ومشكاه واحمد كل واحد فيهم مقبل على الحيطه ويبكو م فهمت في شنوو بتبكو مالكم أولادي وين علاء وين الاسئله كلها كانت جواها م كانت قادره تنطق حرف كأنو صوتها ممسوك مشت عليهم شافت ام علاء قاعده في الأرض وابوه جنبها ومنها ومنهارين شديد برضو م فهمت بس اول م سمعت ام علاء بتقول في شنو الدنيا ضلمت قدامها💔
ام علاء كانت بتبكي شديد ومنهاره وبتوصف للأسف رقم انو الوصف حراام شرعاً بس وجعها م خلاها💔
ام علاء: الليله وين ي جناااي الليله مشيت وين ي حبيب قساااي مشيت وخليت امك ي روح امك مشيت ي ابو سند مشيت ي الكنت كل السند الليله وينك ي ابو اسيل وينك ي الشلت حملي التقيل الليله وين مشيت ي عشاااي الليله وينك ي حبيب قساااي يااااالله من وجعوو ي الله موتو ي الله من فراقو ي الله شلت ولدي وخليتني ي الله لحقني بيهو ي ربي الليله ي علاء وين مشيت خليت امك وين مشيت ي جناااي خليتني ورااك لمنو ي علاء ي الله تلحقني جنااي ي الله تلحقني حبيب قساااي
اول م شافت توسل زادت في بكاها الليله ي توسل مشااا وخلانا مشاا من غير م يودعنا مشاا وخلا الصغار ومشا من غير رجعه ي توسل خلاص فات فاتت من غيرر رجعه ااااااااااااااااااه اناا خلاص مات ي توسل ماااات وبقت تبكي زياده💔
توسل بعد سمعت كلام ام علاها كانت ساكته وم واعيه هم بقولو في شنو من الصدمه بس لم قالت ليهاا مااات هي وعيها رجع ليها مع صوتها ودخلت في صدمه
ت: لالا م ماات علاء م بموت ويخليني م بموت ويخلي سند ويوسف واسيل اسيل علاء بحبها شديد م بمشي يخليها قال داير يعرس ليهم قال داير يربيهم داير يحفظهم القرآن قال
لالا م بموت انتو بتهظرو سااي صح ابوها جا عليها حضنها وقال ليها انا لله وانا اليه راجعون ي بتي اصبري💔
توسل زحت منو لالا ي ابوي م تقول كدا والله علاء كويس انا متأكده ولو مات انا كان زاتي متت لانو قلبنا واحد ي ابوي
كانت بتتكلم معاهم وهي ولا دمعه م نزلت منها
مشت لي امها
امي م تبكي شيماء اسكتي احمد عليك الله م تبكي ومشت على ابو علاء ارفع راسك يااخ انت ولدك علاء الدین ارفع راسك وقش دموعك لانو علاء م حصلت ليه حاجه ومشت لي امو قعدت معاها في الأرض وقشت دموعها لالا م تبكي م تبكي ي ام علاء م تبكي عشان علاء لسه عايش انا متأكده م تبكي وأثناء م بتتكلم معاهم علاء طلعو من غرفه العمليات ومغطين ليهو وشو💔
امو لمن شافتو انهارت اكتر وتوسل جرت عليهو فتحت وشو لقتو علاء💔
هنا دموعها جررت علاء علاء بتهز فيهو بس م ماف فايده علاء قووم ديل قالو مت وانا قلت ليهم م بموت علاء حبيبي قووم
قوم ي ابو سند واسيل قوم أنصف يوسف بعد سند يبكيهو زي كل مره قوم الناس منتظرنك تصلي بيهم تاني قوم واقرا لي قران قوم علاء الدين
كانت بتتكلم بس مااف رد صرخت شديد صرخه وجع صرخه فقد صرخه ألم صرخت بأعلى حس عندها علااااااااااااااء وبرضو ماف رد وماف امل انو علاء يرجع ليها ي علاء قووم ي علاء توسل كانت قاعده جنبو في الأرض وماسكه يدو بي يديها الاتنين جوو اولادو💔
اسيل جات هزتو بابا قووم بابا انت ليه راقد م بتتحرك ي بابا وكانت بتبكي شديد وحضنو بابا انا خايفه ي بابا قووم بس م قاام ولا حضنها زي كل مره💔
يوسف كان ماسك راسو بي يديهو الاتنين ويبكي ي بابا دوووم ي بابا اسيل بتبكي ي بابا
عاين ماما ي بابا انت لشنو م صحيت لسه ي بابا وكان ببكي وهو م فاهم انو ابوهو خلاص فاات من غير رجعه💔
سند كان واقف بعيد م قرب منوو كان بعاين بس ودموعو م نزلت لحد م الممرضات شالو ومشو البيت
البيت العلاء كان ماشي يدخلو يبارك للفرح دخلو وهو جنازه💔
لمن دخلو توسل كان معاها اولادها وكانو ببكو اول م دخلو البيت توسل انهارت شديد وحضنت امو وبقو يبكو مع بعض والقلبو زي الحجر بكا معاهم💔
كنا جاينكم ي امي جايين مبسوطين وفرحانين جااين نبارك ولو قايلين روحنا بنرجع من غير علاء م كان جينا ياريتنا م جينا ياااريت م جينا وبقت تبكي وام علاء زادت بكاها مع توسل
دخلو توسل الحمام استحمت وطلعت لابسه ابيض💔 بعد م كانت الألوان وعلاء مالين حياتها الليله خلاص ودعت حياتها وودعت سعادتها وودعت الألوان وخلاص اتكتب عليها الأبيض💔 الناس لمن شافوها بالتوب الأبيض بكو معاها شديد بالذات شيماء وامها انهارو لمن شافوها بالتوب الأبيض اكتر من الأول💔
حممو علاء وخلاص ح يدفنو وسند راكب جنبو ولسه ولا دمعه م نزلت منوو كان بعاين بسس كان ماسك طرف الكفن من غير زول يشوفو💔
لمن العربيه الفيها الجثمان اتحركت ام علاء وتوسل انهارو شديد واسيل ويوسف كانو جارين ورا العربيه م تشيلو بابا مودين بابا وين ي بابا قوم تعال لينا ي بابا مسكتهم شيماء وهي بتبكي واسيل يوسف بكو الناس من جديد💔
*في المقابر* 💔
الناس نزلو علاء وصلو عليهو صلاة الجنازه وسند لسه معاهم واقف جنب جدو
وابو توسل ويامن واحمد ومعاهم جلال ابو جوري كانو شايلين الجثمان هم💔 وسند ماشي معاهم
خلاص القبر جاهز جو يدفنو علاء سند مسكو وحضنو م بخليكم تدفنو دا ابوي انا م بخليكم تدفنو ي ابوي قوم قوم وريهم انك لسه معانا قوم نحن محتاجين وجودك قوم ي ابوي م شفت اسيل ويوسف جرو وراك كيف ي ابوي م شفت ماما ي ابوي بتبكي كيف طيب امك ي ابوي م شفت دموعها مش انت م بترضى تشوف دموع امك وامي ي ابوي طيب ليه خليتهم يبكو ي ابوي قوم ارجع لينا خلاص ي ابوي قوم خلاص وكان حاضنو وببكي وكل الرجال الهناك سند بكاهم احمد شالو منو وهو ببكي وحضنو عليهم لمن شالو ينزلو القبر سند اتفك من احمد و نزل القبر قبليهو وحلف م يطلع💔 وقال ادفنوني مع ابوي بسس م بطلع م بطلع اخليهو لو دايرين تدفنوهو ادفنوني معاهو💔 وحلف م يطلع لمن جاا جدو ابو توسل شالو وحضنو عليهو وهو ببكي شديد
س: ي جدو فكني ي جدو دايرين يدفنو ابوي تحت التراب ي جدو خليني فكني ي جدو وكان بحاول يتفك وهو شايف انو ابوهو بدفنو فيهو خلاص دي اخر نظره اخر حضن وآخر مسكه وآخر ريحه منو تاني م ح يشوفو ولا ح يسمع صوتو ولا يشم ريحتو خلاص علاء فااات وفاات من غير رجعه خلاص سند اتكسر شديد لمن شاف ابوهو وهو بدفنو فيهو قدام عيونو وهو م قادر يعمل حاجه بعد خلاص دفنو حلف م يرجع معاهم الرجال بعد عزو ابو علاء واحمد وابو توسل ويامن رجعو وديل فضلو قاعدين مع سندد
سند كان ببكي وقاعد جنب راس ابوهو بس المره دي من غير يشوفو من غير يلمسو من غير يشم ريحتو قاعد جنب راسو وكان بقرا ليهو في قران وهو ببكي صوتو متقطع وهو بقرا
وديل لمن سمعو سند بقرا اتذكرو علاء لانو عندو نفسس صوت ابوه بقو يبكو معاهو ويدعو لي علاء سند بكا وقرا لحد م ناام اكعب نومه في حياتو💔 نام في قبر ابوه
جدو شالو ورجعو البيت
اول م وصلووو