رواية زهرة وسط اشواك الفصل التاسع والعشرون29والثلاثون30بقلم فريدة احمد
امال لو قولتلك ان امه اللي ساعدتني واتفقت مع الدكتورة تقولهم اني حامل. هتقولي ايه
قالتها سهر ل مامتها في التليفون
مامتها.... متأمنيش ليها اوي كده.دي اكيد في دماغها حاجة تانية بتخططلها. المهم اوعي حد يكشفك تاني خدي بالك
سهر.... متقلقيش
كملت بأصرار وقالت.... بس انا كده كده لازم احمل بجد. انا مش هسيبها تلهفو مني.. وحتي لو محملتش.. دي لو وصلت اني اتبني طفل وقولهم دا ابنكم هعمل كده. المهم افضل معاه مش اخرج من مولد بلا حمص
كل الكلام ده سمعتو صافية اللي كانت داخلة اوضتها لكن وقفت بصدمة لما سمعت سهر وهي بتقول كده
صفية بزهول وصدمة وهي واقفة بعد مابعدت شوية عن الاوضة وهي بتكلم نفسها.... يانهار اسود. البت جاية تنصب علينا. لا وكمان امينة اللي ساعدتها. للدرجادي
وهي مش قادرة تستوعب.... للدرجادي يا امينة كرهك ل زهرة وصلك تعملي كده في ابنك وتعيشيه في كدبة.
فاقت من شرودها علي صوت حمزة من وراها بيقولها... مالك ياعمتي
صفية لفت ليه .. هاا. حمزة
حمزة ببتسامة.... عاملة ايه ياست الكل
صفية... الحمدلله ياحبيبي..
حمزة لاحظ ان فيه حاجه.... في حاجه ولا ايه ياعمتي
صفية... ها.لا لا. انا داخلة انام.. تصبح علي خير
حمزة.... وانتي من اهلو
صفية دخلت اوضتها وحمزة فتح الاوضة علي سهر اللي لسه بتكلم مامتها
سهر اول ما الباب اتفتح رمت الفون من ايدها وقالت بتوتر وارتباك... حـ. حـ حمزة
حمزة بصلها بشك وغموض.... مالك. متوترة ليه
سهر قامت.... ا. ابدا. ا. انا بـ بس اتخضيت لما فتحت الباب مرة واحدة
حمزة.... المفروض افتحه علي مراحل ولا ايه
وهو بيبص للتليفون اللي رمته من ايدها بشك وقرب مسكه
سهر كانت واقفة مرعوبة وضربات قلبها سريعة وهي خايفة لا يكون سمع اللي قالته
حمزة قلب في التليفون عرف انها كانت بتكلم مامتها هو عارف ان مامتها مش سهلة وطمعانة فيه لكن متكلمش لانه مسمعش حاجة ولا سأل سهر علي حاجة اللي كانت واقفة بتبلع ريقها برعب من غموضه
حمزة ساب التليفون من ايده واخد سجايرو والولاعة وطلع البلكونة
وفي نفس الوقت زهرة كانت واقفة في بلكونة اوضتها وهي وحمزة بصو لبعض بس متكلموش لأن كل واحد كان واقف شارد
فجأة سهر دخلت ل حمزة البلكونة واول ما لمحت زهرة قربت علي حمزة بدلع وجات من وراه وحضنته وهي بتقول.... حبيبي. مش هتنام
حمزة.... ادخلي نامي لو عاوزة
سهر وقفت قدامه وهي بتحاوط رقبتو وهي قاصدة تغيظ زهرة بحراكتها هي كدة كدة زهرة مش سامعة لكن شايفة.
سهر.... حمزة. هو انا مش وحشاك
زهرة محبتش تفضل واقفة راحت دخلت وقفلت البلكونة
حمزة فك ايدين سهر بهدوء وهو بيكمل السيجارة وقال... ادخلي
سهر بصتله بضيق ودخلت
.............................
تاني يوم
رحيم دخل ل ياسمين الاوضة اللي كانت قاعده بتلاعب كنز بنته.
رحيم باس كنز وقالها.... روحي عند زهرة ياحبيبتي
كنز خرجت
ورحيم بص لياسمين وقال.... اجهزي
وقبل مايكمل.... ياسمين وكأنها حست ردت
و قالت... ا. اجهز ل ايه
رحيم.... مش كنتي عاوزة ترجعي لأهلك. هرجعك
ياسمين.... بس انا مش عاوزة..
قربت منو وقالت.... انا عاوزة افضل معاك يارحيم
رحيم... مش هينفع
ياسمين بعصبية.... ليه. ليه مش هينفع. انا مراتك
رحيم... هطلقك
ياسمين.... يااه. هي سهله اوي كده. هتطلقني.
بصتله بوجع وقالت.... ولما ناوي تطلقني. اتجوزتني ليه.
كملت بصريخ.... قربت مني لييييه.
رقت نبرتها شوية... ليه ادتني امل اني ابقي معاك تاني..وعشمتني تاني. ودلوقتي جاي بكل بساطة وتقولي هسيبك.. انت ايه. انت ازاي اناني كده
قعدت علي الارض بضعف... بتعمل فيا كده ليه
ودموعها بتنزل بألم وهي بتقول ... دي مش اول مرة.. دي تاني مرة. تاني مرة تاخد اللي انت عاوزه وتسيبني
وهي بتعيط اوي ومنهارة
رحيم ميل عليها وهو بيقومها.... قومي يا ياسمين.. انا هسيبك تعيشي حياتك. اعملي اللي انتي عاوزة. مش هقرب منك
ياسمين بانهيار... ومين قالك اني عاوزاك تبعد عني.. انت ليه مش حاسس بيااا...ليييه .ليه حرام عليك. ط. طب انا ذنبي ايه اتعذب كده.. سيبتني زمان وطلقتني.اتخليت عني علشان ترضي ابوك.. ودلوقتي بتكرر نفس اللي حصل..
رحيم.... دلوقتي مش هينفع اخسر بيتي وبنتي
ياسمين.... وانا. انا بني ادمة حرام عليك. ذنبي ايه تعمل فيا كده
رحيم بندم .... انا اسف.. عارف اني ظلمتك. اسف. مش قادر اقولك سامحيني لأني مستاهلش تسامحيني
قام وقف وقال..... انا مستنيكي تحت في العربية
وخرج من الاوضة وفي نفس الوقت زهرة خرجت من اوضتها علي صوت ياسمين لاقت رحيم في وشها نازل وباين عليه الزعل
دخلت علطول ل ياسمين اللي لسه قاعدة علي الارض وبتعيط ومنهارة
زهرة بسرعة قربت عليها.... ياسمين. في ايه
ياسمين اترمت في حضنها وهي منهارة وبتقول.... عاوز يسيبني تاني يازهرة
زهرة بحزن عليها.... ممكن متعمليش في نفسك كده
وهي بتطبطب عليها.... انا حاسه بيكي. حاسة بيكي والله سكتت ثواني وقالت... بس هو كمان بيخسر بيته
ياسمين.. يعني ايه. واناا. انا ايه
مسحت دموعها... هو من حقي انا. انا اللي كنت مراتو قبلها.. يعني اذا كان حد ليه الحق يبقي انا مش هي
هزت راسها بثقة ... انا عارفة انو بيحبني. زي ما بحبو. انا متأكدة.
مسكت ايد زهرة بترجي.... كلميه يازهرة. قوليلو ميسينيش.. انا بحبو. حاولت كتير انساه معرفتش.. كلميه يازهرة
زهرة كانت شفقانة عليها وعلي حالتها لكن قالت.... مقدرش. ليلي كمان صعبانة عليا. لاني هحط نفسي مكانها. انا اسفة. حاسه بيكي. بس مش هقدر اجي معاكي علي حساب ليلي
ياسمين مسحت دموعها وقامت من غير ولا كلمه جهزت ونزلت
..........................................
مساءا
شيري كلمت زهرة و قالتلها انها عاوزها وطلبت تقابلها في شركتها
زهرة راحتلها واول مافتحت باب المكتب اتفاجأت ب هيام مامتها قاعدة مع شيري
شيري... تعالي يازهرة
زهرة وقفت مكانها وهي بتبص ل شيري بعد مافهمت انها مش صدفة وقالت بجمود.... مقولتيش ليه ان في حد عندك
شيري.... دي مامتك يازهرة مش حد
هيام قامت قربت عليها... مكنتيش عاوزة تشوفيني
....
عند رحيم
رحيم قاعد مع ليلي.... يلا ياليلي
ليلي.... يلا فين
رحيم.... ارجعي بيتك
ليلي بجمود.... طلقني يارحيم
رحيم..... ياسمين رجعت ل اهلها خلاص ارجعي متهديش البيت
ليلي.... والمفروض بقا دلوقتي ارجع. علشان خلاص هي مشيت
رحيم.... امال عاوزة ايه
ليلي.... عاوزاك تطلقني.
اتنهدت وقالت... احنا من الاساس جوازنا كان غلط.. انت عمرك ماحبيتني يارحيم.. كنت فاكرة اني هعرف اخليك تحبني. بس فشلت.. انت بتحبها هي. كانت بعيدة عنك بس معاك وفي قلبك.
ابتسمت بحزن وقالت.... المشكلة اني كنت عارفة وحاسة بس كنت بقول اكيد مع الوقت هينساها وهيحبني
كملت بصعوبة.... رجعها يارحيم.. بس طلقني الاول
رحيم..... انا مقدرش اعيش من غيرك انتي وكنز ياليلي. مقدرش اخسركو
ليلي... بنتك عايشة معاك في نفس البيت يعتبر. يعني مش هتبعد عنك..لكن انا هتطلقني يارحيم. وياريت علطول لأني خدت قراري خلاص
وقامت سابته ودخلت وبمجرد مادخلت وقفلت باب اوضتها قعدت علي السرير وفضلت تعيط وقلبها بيتعصر حزن
.........
عند حمزة
حمزة وقف بعربيته ومعاه سهر اللي مكانتش عارفة هو واخدها علي فين بس دب الرعب في قلبها لما لاقيته وقف بالعربية قدام مستشفى
حمزة..... انزلي
سهر.... ا. انت جايبني هنا ليه
حمزة.... عاوز اتطمن علي البيبي
سهر بخوف .... انا مش هنزله. سامع. مش هنزله ياحمزة
حمزة.... مين قال تنزليه.. انا عاوز اتطمن عليه بس وعلي صحته
وهو بينزل من العربية وبيلف الناحية التانية
فتح الباب ل سهر وشدها من دارعها.وهو بيقول.. يلا ياقلب حمزة نتطمن علي ابننا
وسهر هتموت من الرعب وهي خايفة يكشفها ويعرف الحقيقة
حمزة خدها وطلع المستشفى وهي ماشية معاه بتقدم رجل وتاخر التانية وحرفيا هتـ موت ومرعوبة
الفصل الثلاثون30
حمزة..... انزلي
سهر.... ا. انت جايبني هنا ليه
حمزة.... عاوز اتطمن علي البيبي
سهر بخوف .... انا مش هنزله. سامع. مش هنزله ياحمزة
حمزة.... مين قال تنزليه.. انا عاوز اتطمن عليه بس وعلي صحته
وهو بينزل من العربية وبيلف الناحية التانية
فتح الباب ل سهر وشدها من دارعها.وهو بيقول.. يلا ياقلب حمزة نتطمن علي ابننا
وسهر هتموت من الرعب وهي خايفة يكشفها ويعرف الحقيقة
حمزة خدها وطلع المستشفى وهي ماشية معاه بتقدم رجل وتأخر التانية وحرفيا هتـ موت ومرعوبة
....
عند زهرة
زهرة بجمود..... مقولتليش ليه ان عندك حد
شيري.... دي مش حد يا زهرة. دي مامتك
قامت هيام قربت عليها... مكنتيش عاوزة تشوفيني يا زهرة
زهرة... اسفة. بس انا معرفكيش
وبصت ل شيري... عن اذنكو
ولفت علشان تمشي
شيري قامت بسرعة قربت عليها.... زهرة. رايحة فين
مسكت ايدها وقالت.... دي امك يازهرة. اللي اتحرمت منك سنين زي ماانتي اتحرمتي منها بالظبط.
زهرة شاورت عليها... دي قاتـ لة
هيام.... لا. لا يازهرة. انا مقـ تلتش. ومتسببتش في مـ وت حد. وأديكي عرفتي انا عملت ايه علشان انقذ يوسف
زهرة.... انتي اتسببتي في مـ وت مامت رحيم
هيام.... لا مش انا. والله ماانا دول جدك وخيلانك ورحيم خد بطاره منهم وخلص عليهم كلهم. قتـ ل اخواتي الاتنين وجدك. يعني انا اللي ليا طار عند رحيم مش هو.
قربت منها حاوطط كتافها الاتنين وهي بتقول... بس انا خلاص. سامحت. لان عارفة ان عيلتي هي اللي ابتدت.. انا دلوقتي مش عاوزة اي حاجة من الدنيا غيرك انتي يازهرة. عاوزة بنتي في حضني.عاوزة اعوضك واعوض نفسي عن السنين اللي اتحرمنا فيهم من بعض.. تعالي في حضني
وفتحت ايديها
زهرة كانت واقفة متجمدة وهي مش قادرة تقرب ليها
هيام.... تعالي يازهرة
زهرة بصت ل شيري اللي هزت راسها بمعني انها تقرب وتحضنها
زهرة فضلت ثواني مترددة وبعدين قربت بهدوء وحضنتها وهيام ضمتها ليها بحب وهي مش مصدقة ان خلاص بنتها بقت معاها وفي حضنها
هيام.... يااااه. متعرفيش كان نفسي في الحضن ده قد ايه
مسكت وشها بين ايديها وقالتلها.... من النهاردة مش هسيبك ابدا. مش هسيبك تبعدي عن حضني يازهرة
شيري قربت وباستها علي راسها وقالت ببتسامة... كدا انا هغير.. زهرة اساسا بنتي
وبصت ل زهرة... ولا ايه
زهرة ابتسمت... انا بحبك اوي ياشيري
شيىري.... وانا بموت فيكي
وباستها علي خدها
هيام..... هتيجي تعيشي معايا يازهرة
زهرة بسرعه.... لا طبعا.
بعدين قالت لما حست انها هتزعل... احم. مش قصدي. بس مش هينفع
هيام.... ليه ياحبيبتي.
زهرة سكتت وهي مش عارفه تقول ايه
هيام فهمت انها محتاجة وقت علي بال ما تاخد عليها
قالت.... طيب ممكن تيجي تقضي معايا اليوم النهاردة وتباتي معايا. عاوزة اشبع منك
زهرة..... رحيم مش هيوافق
هيام بضيق .... رحيم مالوش حاجة عندنا. انا امك وليا الحق فيكي. هو ميقدرش يعمل حاجة ولا يقدر يمنعك
شيري.... صح يازهرة هو ميقدرش يمنعك
لكن زهرة قالت .... لا لازم يبقي موافق
شيري.... خلاص كلميه وقوليلو
زهرة مسكت تليفونها واتصلت علي رحيم
زهرة.... رحيم.
رحيم... ايه يازهرة
سكتت زهرة وهي مش عارفه تقولو ايه
رحيم.... انتي كويسة
زهرة... اه. كويسة . رحيم. م مكن اقضي اليوم مع امي النهارده وابات معاها
رحيم... امك مين
زهرة... امي يارحيم ماانت عارف
رحيم اتنهد بضيق.... انتي فين
زهرة.... انا معاها
رحيم.... طب ارجعي البيت
زهرة.... اسمعني بس
رحيم قاطعها بغضب.... سمعتي. ارجعي البيت حالا.
وبتحذير.... مش عاوزك تعرفي الست دي..عاوزك تنسيها. فاهمة
زهرة باندفاع.... بس دي امي يارحيم
هيام ابتسمت وهي واقفة بفرحة لما زهرة قالت امي
زهرة حاولت تتكلم بهدوء وقالت.... انا مقدرة اللي بينك وبينها. بس هي في النهاية امي. علشان خاطري بلاش تمنعني عنها. رحيم انا كان ممكن اروح عندها من غير مااقولك. بس حبيت استأذنك الاول مش عاوزة اعمل حاجة من غير رضاك.. قولت ايه. اروح
رحيم اتنهد وقال بهدوء لأنو حس انو بكده هيظلمها وهي ملهاش ذنب... روحي يازهرة
.................
عند حمزة وسهر
سهر قاعدة مرعوبة وهي مش عارفة تعمل ايه او تتصرف الزاي خلاص كلها دقايق وكدبتها تنكشف
بس من حظها ان حمزة قام يشوف الدكتور لانه تأخر
سهر اول ماحمزة قام علطول طلعت تليفونها وكلمت امينه
سهر بصوت واطي.... طنط. الحقيني ياطنط
امينه باستغراب.. في ايه يابت
سهر.... انا عند الدكتور. حمزة صمم يكشف عليا. الحقيني ياطنط ارجوكي كلها ثواني وهدخل للدكتور وهيعرف اني كدبت عليه
امينة... طيب متقلقيش انا هتصرف. اقفلي دلوقتي.
امينه قفلت معاها و في نفس الوقت كان حمزة رجع وهو بيقول ل سهر يلا. هندخل للدكتور
سهر بلعت ريقها برعب وهي متجمدة مكانها علي الكرسي
حمزة.... قومي اخلصي
سهر... ح حاضر وقامت ولسه هتتحرك معاه يدخلو للدكتور
تليفون حمزة رن
حمزة طلع التليفون من جيبه ولسه هيكنسل لاقها امه
حمزة رد عليها وقبل مايتكلم سمع صوت اخته الصغيرة دينا اللي بتقول بقلق وخوف.. حمزة الحق ماما ياحمزة
حمزة اتخض... في ايه
دينا.... ماما مغمي عليها ومش عارفين نفوقها
وبدموع... الحقها ارجوك
حمزة.... انا جاي حالا
وقفل التليفون ونزل بسرعة من المستشفى ومعاه سهر اللي كانت بتاخد نفسها براحة وهي بتحمد ربنا في سرها ان امينه اتصرفت
........
بعد وقت وصلو الفيلا حمزة طلع بسرعة علي اوضة امينه لاقها نامية علي السرير بتعب
قرب عليها بسرعة وهو بيبوس راسها وايدها وقال بقلق.... ايه اللي حصل.
امينة بتعب مصطنع... الحمدلله ياحبيبي.السكر علي عليا شوية. بس اخدت العلاج والحمدلله بقيت كويسه متقلقش
حمزة باس راسها... الف سلامة عليكي ياست الكل
..........
عند زهرة دخلت مع هيام الفيلا وهي مترددة وكانها مش حابة تدخل
هيام حست بيها.... مالك ياحبيبتي
زهرة بهدوء .... مفيش. بس
وسكتت
هيام.... زهرة انا عارفة انك صعب عليكي تدخلي البيت ده.
زهرة.... غصب عني. انا اسفة بس مش قادرة اتقبل ان العيلة اللي طول عمرها بينها وبينا طار. يطلعو عيلتي.
هيام.... هما خلاص. مبقاش حد فيهم موجود.
كملت بحزن.... كلهم راحو يازهرة. وعلي ايد اخوكي
زهرة... هو كان بياخد حقو
اتنهدت هيام... عارفة..
ابتسمت وقالت... المهم.. تعالي بقا علشان عاوزة اقعد معاكي كتير واشبع منك.. عاوزة احكي معاكي للصبح واعرف عنك كل حاجة....بس ثواني اخليهم يحضرولنا عشا.... يافايزة. يافايزة
طلعت من المطبخ ست في سن الخمسين واول ماشافتها قالت ببتسامة.. حمدالله على السلامة ياهانم
هيام.. الله يسلمك
فايزة قربت علي زهرة باستغراب وهي بتقول ماشاء الله
وبصت ل هيام.... دي اكيد بنت حضرتك.صح
هيام ببتسامة.... صح.هي زهرة يافايزة
فايزة.... اللهم صلي علي النبي.قمر زيك ياهانم. ربنا يخليهالك ولايحرمك منها ابدا
هيام.... يارب. تسلمي يافايزة.. بقولك ايه اتدخلي خليهم يحضرولنا عشا
فايزة.... عيوني. ثواني و احلا عشا يكون جاهز
فايزة دخلت المطبخ وهيام اخدت زهرة وطلعت اوضتها وقعدو علي السرير يحكو
زهرة... هو ليه حضرتك مفكرتيش تتجوزي
هيام..... عمري مافكرت اتجوز بعد زيدان الله يرحمه
زهرة... كنتي بتحبيه
هيام ابتسمت بشرود... عمري ماحبيت غيره في حياتي. بس ربنا يسامحه جدك. هو اللي حرمنا من بعض
زهرة.... المشكلة انو كرر نفس اللي اتعمل معاه وعملو مع رحيم. المفروض كان يبقي اكتر حد حاسس بيه
هيام.... علشان ياسمين يعني
زهرة... اه
هيام.... اهي ياسمين دي بحسها انا. فعلا نفس اللي حصل معايا زمان. ربنا يسامحهم بقا جدودك الاتنين
زهرة.... بس انتي كنتي ممكن تكملي حياتك عادي وتتجوزي. قدرتي تكملي الزاي لوحدك
هيام.....انا مقدرتش اشوف راجل في حياتي غير ابوكي.عمري مانسيتو هو عايش جوايا لسه..وبعدين حبيت اشغل نفسي بقا. وهبت حياتي كلها للشغل..نسيت نفسي. كنت انا البنت الوحيدة علي 3 ولاد اتربيت معاهم وبقيت بشتغل احسن منهم ومسكت شركات جدك كلها
زهرة ابتسمت... حضرتك اسمك مسمع في السوق اوي
كملت بضحك .. اسمك لوحده بيخض وبيوقف اللي قاعد
هيام ضحكت.... طبعاا.. انا بيتهزلي رجالة بشنبات
زهرة بضحك.... حصل
كملت وقالت.... حضرتك ناجحة جدا. طول عمري معجبة بيكي اصلا ودايما كنت بتمني اكونbusiness woman ناجحة زيك
ابتسمت وقالت... من غير مااعرف انك امي اساسا
هيام.... بأذن الله هتكوني احسن مني. هتكوني احسنbusiness woman في مصر كلها والعالم كلو... زهرة
زهرة... نعم
هيام... ممكن تقوليلي ياماما. نفسي اسمعها منك
زهرة....
......
تاني يوم...
زهرة قاعدة مع عمتها
وفي الناحية التانية امينة وسهر قاعدين مع بعض
سهر بامتنان.... متشكرة اوي ياطنط علي اللي عملتيه. لولاكي كان حمزة عرف اني كدبت عليه
امينة.... خدي بالك. انا مش عاوزه يعرف
وهي بتبص علي زهرة بغل... لحد مايطلقها
حمزة نازل من فوق
سهر قامت قربت عليه... حمزة. انت خارج
حمزة... اه
سهر وهي بتبص ل زهرة وبتحط ايدها علي بطنها
قالت بدلع.... طيب ممكن ياحموزي تجيب ليا فسيخ.
وهي لسه بتمشي ايدها علي بطنها... اصلي النهاردة حاسة ان نفسي جيباني ليه..
وهي بتبص ل زهرة.... حامل بقا وبتوحم
صفية... شوف البت والمحن اللي فيها
زهرة كانت بتبصلها بقرف ورجعت اتجاهلتها وكملت كلام مع عمتها
حمزة بهدوء .... هبعتلك
وخرج
سهر رجعت قعدت جمب امينة اللي قاتلها.... لا كيادة يابت
سهر.... عجبتك
امينة... الا عجبتيني
................................
تاني يوم صباحا
زهرة خارجة من البيت في نفس الوقت اللي حمزة خارج هو كمان وبيفتح عربيته
شاف زهرة قفل العربية تاني وقرب عليها.... علي فين يامزة
زهرة بصت للكتب اللي في ايدها ورجعت بصتله وقالت ... والله اظن واضح انا رايحة فين. اكيد مش رايحة الملاهي يعني
حمزة.... لا بقيتي بتعرفي تردي.
زهرة بصتله بضيق
حمزة.... طب اركبي يلا هوصلك
زهرة .... لا متتعبش نفسك. انا بعرف اروح
حمزة.... انتي سمعتي. اركبي
زهرة برفض .... لا مش هركب. وخليك في حالك لحد مانتطلق ممكن. يعني ملكش دعوة بيا
حمزة... والله.
زهرة.... اه. ياريت تخليك في حالك
حمزة.... طب ادخلي مفيش جامعة
زهرة... انت بتقول ايه فاكر اني هسمع كلامك
زهرة اتعصبت.... انت ملكش حكم عليا. ساامع
حمزة.... انا جوزك ياهانم واقدر امنعك تتنفسي
زهرة لماحست انو خلاص هيعند وممكن ميخلهاش تروج الجامعة بجد
راحت اتنهدت بضيق وفتحت العربية وهي بتنفخ..يلا وصلني
حمزة.... انا قولت مفيش خروج خلاص
زهرة... انت بتتلكك بقا..طب انا كده كده رايحة وريني هتمنعني الزاي
حمزة ببرود .... انتي عارفة اني اقدر امنعك
زهرة.... انت مش في الاول كنت هتوصلني. انا موافقة يلا اخلص بقا
حمزة محبش يضايقها اكتر من كده وقال... اركبي. بس
وقبل مايكمل
زهرة بهدوء مصطنع قالت... حاضر
و ركبت علطول
بعد مارزعت باب العربية وهي مش طايقة نفسها من تحكماته
حمزة... بالراحة علي الباب يابت
............
مساء..
حمزة راجع من برا وداخل البيت ولسه هيطلع
صفية نادت عليه... حمزة. عاوزاك
حمزة قرب ليها.... ايه ياعمتي
صفية خدتو علي جنب.
صفية.... بقولك ايه. هو انت متأكد ان مراتك دي حامل
حمزة بصلها بتركيز.... تقصدي ايه ياعمتي
صفية.... اصل
وسكتت
حمزة بشك.... في ايه
صفية..... البت دي مش حامل
حمزة.... الزاي
صفية.... سمعتها بتكلم حد
وحكتله علي اللي سمعته وان امه كمان ساعدتها
حمزة ملامحه اتحولت لغضب وراح يطلع ليها لكن صفيه مسكت ايده برجاء... لا يابني علشان خاطري متأذيهاش. هي بردو اكيد عملت كده علشان مش عاوزاك تطلقها
حمزة جي يطلع
صفيه... متندمينش اني قولتلك ياحمزة.. وبراحة عليها. ماشي يابني. اسمعها.. اوعي تأذيها
حمزة طلع بسرعة وهو لا سامع ولاشايف قدامه من الغضب
صفية.... ربنا يستر
حمزة فتح الباب علي سهر و