رواية احتواء القاسي
الفصل الثالث والخمسون 53
بقلم سوسو تويكس
انا ملاذ اخت معتصم متأكده انو معظمكم بعرفوني، انا عكس ساره تماماََ ومن زمان كنت شايفه في بينهم تدفق كيمياء 😂، حتى وقت يتشاكلو وهم اصلا ما كان عندهم شي غير المشاكل 😂، وبرضو ما استغربت لمن هي وافقت على الزواج لانو في الفتره الاخيره عرفتها بدت تتعلق معتصم، مرت الايام مع المشاكل، ناس امي كلهم زعلو من معتصم وقت قال اتزوج الا انا ما صدقتو،لو كان ركزو في عيونو ح يشوفو الهم والوجع الهو شايلو كانو في كلام كتيير جواهو بس ما قادر يقولو، معتصم ده ممكن تقولو اكتر واحده بتفهم من النظرات من لمن كنا صغار،واتاكدتا لمن مشيت مع لينه المستشفى، ما كان بقصدي اتصنت عليهم كنت داخله عشان سمعتا صوت اماني بتبكي وسمعت كل شي، بس ما بينت _كنا قاعدين بقلق لانو معتصم مشا يفتش لينه أنشأ الله يلقاها، جانا داخل وهو شايلها و الخوف باين في عيونو بس في نظرات تانيه كانو غضبان، بعد ما دخلوهاواحده من الغرف، الدكتورة دخلت تفحصا، في المسافه ديك كلنا قاعدين برا في الانتظار، اتجه علي وبغضب وهو بقول :انا مش وقت مسافر خليتها امانه عندك، طيب كيف حسي تنسيها في مكان الحادث وانتي عارفه وضعها _اتهجمتا طبعا ما عرفتا ارد بشنو، وقت جا بكري داخل عيونو دي ولعت شرار يا دوب فهمتا هو غضبان لشنو شكلو لقا لينه مع بكري، لكن معتصم ده جادي؟! ده ما وضع يغار فيهو، الناس في شنو وهو في شنو، الدكتوره طلعت وسالتنا:هي أخذت مهدئ حبوب او اتطعنتو حقنه _ملاذ:ايي عشان تهدأ من الانفعال الدكتور أداها حقنه مهدى _قالت لينا ده شي طبيعي لانو مفعول المهدئ بدا، كلها ساعة وحاجه بتصحا_معتصم:ماف شي خطير عادي تطلع من المستشفى _الدكتوره:ايي ماف شي خطير _بعد ما الدكتوره مشت معتصم شال نفس عميق وقعد في كرسي من كراسي الانتظار، قال لينا:انتو ارجعو بعد _ابوي وماجد ديل اصرو انو يقعدو عشان يقومو بالواجب مع أصحابو، وقالو بكري يوصل جزو مننا والباقي يأجر ركشه _طوالي معتصم قام مخلوع من مكانو وقال:ماجد انت ح تمشي توصل ناس امي، والباقين ممكن يمشو مع... بكري_ما عارفه اذا انا بس اللاحظته ولا الناس كلهم كلمة بكري دي طلعها بالغصب من خشمو كانو ما عايز يقول اسمو زاتو _لينه بسمه ما وعت عشان كده مشا شالها ووصلا العربيه، وقت كلهم ركبو فضل انا بس ناداني وهو بقول بحنيه :اسف بعتذر لاني صرختا فيك، بس انا كن.. _ملاذ:كنت غيران وح تنفجر من الغيره، وماف داعي تعتذر انا متفهماك_ابتسم وهو بقول:دايما فاهماني،الله يخليك لي_ملاذ:ادردق وين انا انبرش وين اليله في زول قالي الله يخليك لي🐸_ضحك فيني بخفه وهو بقول:مجنونه، اسمعيني بكري ده كان جا هناك يسلم او يطمن على لينه ايا.... _ملاذ:ما ح اخليها تطلع ده وعد مني يا سيد غيور😂_ودعني ورجع المستشفى جوا_وطول الطريق كلو ما اتذكر شكلو وملامحو وهو غيران بضحك ببقا زي الطفل المتملك بس😂، اتمنيت بعدين سندي يكون غيور بالشكل ده عندنا معلومه غلط بنقولها الغيره مرضه خطيره،بالعكس احساس انك تشوف زول غيران عليك بالشكل ده براهو بالدنيا واحساس ما بتوصف، بالزات لو كانت زي غيرة معتصم دي فيها قسوه وتحكم بطريقه تخليك تتمنا تكون مكان لينه بس لينه برضو كان قامت للغيره ما هينه😂،وتاني بقولها:بيناتهم تدفق كيمياء حتى وقت يتشاكلو😂___ مضى 3يوم من يوم الحادثه وحرق الأعصاب والمعاناة العشتها، وفي ال3يرم دي وشو ما لمحتو، كان مضغوط مع عزا اصحابو، بمرق من الصباح ما بجي الا بليل، ووقت يتصل بي بكون نايمه، ووقت ارجع ليهو بكون مشغول_غايتو مشت لي كانو 3سنه اليله اليوم الرابع بالعصر كده سمعتا انو معتصم ح يجي يتغدا هنا_ياخ من الفرحه بقيت بس ماسكة التلفون بعاين للساعه وارجع اسأل ملاذ هو لي اتأخر كده، وهي ميته من الضحك، الباب دقا مشيت افتحو وقبلي ما افتحو انا شميت ريحة عطرو ياخ قلبي بقا يدق بعنف من الفرحه، وصلتا فتحتا الباب وفعلا ياهو زاتو معتصم، ما عارفه جاتني الجراءة من وين ولاده من الفرحه اول نا شفتو ضميتو على وانا بقول بعتاب قربتا ابكي:لي اتاخرت كده ياخ _فتحتا عيوني بس اشوف ليك ماجد ورا معتصم، لزيتو بسرعه وانا بعاين تحت متمنيه الأرض تنشق وتبلعني وماحد زادها وقت قال:شنو يعني راعو السنجل الوراكم ده، الله يجيبك يا مرتي عشان يستقبلوني بالطريقه دي😂😂_والله دموعي نزلو عديل من الخجل، معتصم ضرب ماحد بخفه على راسو وهو بقول:احترم نفسك شوف حسي البت بقت تبكي بسببك_دخل وهو بقول لينا :تمو تمو، اصلا داخل جوا، لانو شويه كده بموت ليكم من الجفاف🙂_بعد دخل عايزه ادخل مسكني من يدي وهو بقول:ايي ما بتتجرئي الا في اللحظه الغلط، لكن لمن نرجع بيتنا بس_طبعا بقيت اتبسم ساي من كلمة بيتنا دي والله اشتقتا ليها عديل، دخلتا وهو دخل وراي، بعد سلم على ناس خالتي ساميه، ملاذ مشت تخت الغده بعد تحانسي خلتني امشي اساعدها، وده كلو عشان اتجنب نظرات معتصم، وماجد الكلو ما اعاين ليهو يضحك،وبرضو في الغدا ما سلمت من نظرات معتصم وملاذ تشاغل فيني ساي، ياخ الأكل ابا يمشي لي، بعد الغدا ملاذ جابت الشاي وقاعدين مجتمعين كلنا، سليمان :بعد بكره ح نبضح ونعمل كرامة لي سلامتك، انا عزمت الناس فضل انت شوف عايز تعزم منو_معتصم:أنشأ الله بكره نمشتري البهيمه من السوق_عاين بي نظره كده وقال لي:يلا نتحرك بعده الواطه ليلت_سليمان:ما دام اصلا الكرامه بعد بكره اليومين ديل تقعدو معانا_عاين لي وقال بي ابتسامه جانبيه:انا دي ما بقد لكن لينه لو عل.... _قاطعتو وانا بقول بسرعه :لالالا (كلهم بقو يعاينو لي ومعتصم وملاذ وماجد ديل كاتم صحتهم بالجلاله) قق.. قصدي انا عندي حاجات نسيتهم هناك في البيت عشان كده لازم ارجع_سليمان:خلاص تمام_طبعا بقيت احمر لي معتصم هو قال كده قاصد عشان عارفني عايزه ارجع معاهو داير يبوظ اعصابي، قالي بضحكة :يلا نتحرك، مع السلامه يا جماعه، ابوي بكره بجيك بالمغرب عشان نمشي نشتري_سليمان:عديله يا زول _ودعناهم وطلعنا طبعا عربيتو مكرشه من وقت كان مسافر، ركبنا العربيه وضربتو في كتفو وقلت وانا على وشك البكا:لي قلت كده؟ ما عايزني ارجع معاك صاح _وقف العربيه جمب الطريق وهو بقول:هو انا ما صدقتا لميت فيك تقولي ما عايزك ترجعي_لينه:وتفسير عملتك دي شنو _رجع يسوق العربيه وقالي بغمزه وابتسامه :تفسييير كتير خلي نصل بيتنا بس، وبعدين انتي ما بتتجرئي الا في اوقات غلط لي🙂_تاني رجعتا للكبكبه والخجل عايز يشقني قعد يضحك فيني.....