رواية ابي بواب وامك خدامه الفصل الحادي عشر11والثانى عشر12بقلم رانيا عماره
{بعد ما الظابط دخل و غسان شافه..قرب الظابط من غسان وكان بيبصوا لبعض نظرات غريبة}
الظابط:بطاقتك
غسان:انا ممعايش بطاقة
الظابط(بصوت حاد) :يعني ايه ممعكش بطاقة؟
غسان:نسيتها في البيت
الظابط:انت اسمك اية؟
غسان:غسان
الظابط:غسان اية؟؟
غسان:غسان رفعت مجدي الأباصيري
الظابط:اية المشكلة اللي حصلت يا دكتور؟
المدير:سوء تفاهم يا فندم..اخت الأستاذ ده خرجت من المستشفى وسجلت اسمها مغادرة، وهو هنا جاي يتهمنا بالإهمال وانها هربت بسببنا احنا لكن الحمدلله ان الحقيقة بانت!
الظابط:وانت اسمك اية؟
كمال(بتردد) :كمال أحمد شبانة
الظابط:امشوا
{خرج غسان ووراه كمال، والظابط مركز معاهم أوي}
المدير:في حاجة يافندم؟
{قعد الظابط، وخرج سيجارة يشربها بلامبالاة}
الظابط:لا مفيش
=================================
{عند حاتم ومهرة في الشغل..كانت مهره واقفة مع الزباين بتحاول تتعامل معاهم}
مهرة: Speak English (أتحدث الانجليزي)
_We also (احنا كمان)
مهرة:What you want؟..هنا يعني!
_We want three bread, three waffles, and two croissants. (نريد ثلاثة خبز، وثلاثة وافل، واثنين كرواسون)
{كانت مهره بتحاول تفهم، وكانوا بيتعاملوا مع بعض بلغة الإشاره..لحد ما خلصت طلبهم، وخدت الحساب ومشوا..راح حاتم مسقفلها}
حاتم(بيضحك) :براڨو عليكي..انتي طلعتي خارج التوقعات..انا كنت متخيل انك مش هتعرفي تتصرفي!
مهره(بغرور) :لا يا حبيبي شكلك متعرفنيش كويس..انا أعرف أتعامل في أي حتة ومع أي حد!
حاتم:ياسلام واية الغرور اللي حط عليكي فجأة ده؟
مهره(بتضحك) :ههههه مغروره اوي صح؟
حاتم(بيضحك) :اوي اوي بصراحة...عارفة يا مهره
{قرب حاتم من مهرة، وهي كانت مركزة في اللي هيقوله}
حاتم:بتحلوي أوي لما بتضحكي!
مهره(بإحراج) :بجد؟
حاتم:طبعا بجد...بتبقي زي القمر...انا بصراحة ببقى خايف عليكي من جمالك لا حد يحسدك!..خدتي الجمال كله ليكي لواحدك حتى خفة الدم والروح الحلوه!
{فرحت مهرة بالكلام الحلو اللي بيقوله حاتم، وضحكت، وكانت منتظرة حاتم يعترفلها ويقولها الكلمة اللي هي مستنياها منه من زمان}
مهرة:انا واخداهم منك..وكل اللي بتقوله عني ده..موجود فيك انت كمان بس يمكن انت اللي مش حاسس!
حاتم:انا مبسوط ان ربنا بعتلي أخت حلوة زيك كده!
{سكتت مهرة واتدايقت من حاتم واتقفلت منه}
==============================
{في بيت صاحبة بيري (عُلا)..جات علا بالعصير وقعدت مع بيري وعلى وشها إبتسامة صفرا}
علا:اهلاً بيكي يا بيري..مش كنتي تعرفيني قبل ما تيجي عشان أعمل حسابي ونطلب أكل؟
بيري:لية ياحبيبتي هو انا غريبة لكل ده؟..احنا اخوات قبل مانكون صحاب..مش كده ولا ايه؟
علا:اه طبعاً وأكتر من الأخوات كمان..اتفضلي!
{مدت بيري ايديها وخدت العصير، وفضلت ساكتة}
علا(بإستغراب) :مالك يا بيري في حاجة ولا اية؟
بيري(بحزن) :طبعاً في...كل حاجة و ليها سببها..انا بس مش عارفة أقول ايه!
علا:اتكلمي يا بيري وقولي اللي في قلبك!!
بيري(بحزن) :ماهو أصل ده كلام محرج اوي ومينفعش يتقال..بس انتي صاحبتي وبعتبرك أختي اللي بحكيلها كل حاجة..بس يعني..انا في مصيبة سوده يا علا ومش عارفة اتصرف ازاي!!
علا(بإستغراب) :مصيبة؟...مصيبة ايه دي؟
بيري(بحزن) :تخيلي إن انا اكتشفت ان علاء جوزي...امممم عنده...عنده...مش قادره أقول!!
علا(بخوف) :عنده ايه؟...ماتتكلمي!
بيري(بحزن) :علاء طلع عنده مرض الإيدز..والمصيبة انه اتنقلي..انا بجد مش عارفة اعمل ايه بس، انا مش عايزه أموت يا علا...انا عايزة أعيش وأربي بنتي!!
{وفي لحظة اتغيرت ملامح علا للصدمة، ارتبكت وملامحها اتغيرت..كانت بتحاول تداري!}
علا(بتردد) :طب انتي عرفتي منين الكلام ده؟..يمكن مش صح!
بيري(بحزن) :كان نفسي يكون مش صح..لكن للأسف انا روحت للدكتور واتأكدت..أصل علاء متعدد العلاقات..خاين يعني...كل يوم مع واحدة شكل..طب انا ذنبي ايه اتأذي معاه؟...وعشان ايه؟
علا(مصدومه) :امممم...الكلام ده من قد اية؟
بيري:من سنين وانا مكنتش أعرف!!..الموضوع بدأ يتدهور يا علا..وانا بضيع مش عارفة أروح فين ولا آجي منين بس يارب!!
{سكتت علا من صدمتها، وبيري طلعت المنديل ومسحت دموعها}
بيري:انا مش صعبان عليا غير الستات اللي زمانه نقلهم المرض..هما أه الاتنين زبالة..بس علاء أزبل منهم!.. بقى بعد كل السنين دي وبعد كل اللي استحملته..وكمان ينقلي أمراضه؟؟
علا(بخوف) :طيب اهدي يا بيري أكيد ليها حل!!
بيري:كل حاجة وليها حل إلا المرض ده..نهايته بتكون الموت...منك لله يا علاء مش مسامحاك!
==============================
{في بيت غسان..كان كمال قاعد.. لقى غسان داخل بـ جثة..قام وهو مصدوم من اللي شايفه..وقرب من غسان اللي كان بيمسح الدم من على وشه}
كمال(بزعيق) :ايه ده يا غسان؟؟..جثة؟؟...انت كل يوم هتدخل عليا بواحدة شكل؟
{زقه غسان من طريقه، وسحب الجثة ودخل بيها الأوضة..وقعد على الكنبة وهو بيمسح الدم من على وشه..قرب كمال منه وشده من هدومه}
غسان(بعصبية) :عايز اية يا كمال؟؟
كمال:انت اتجننت ولا اية؟..مش كفاية ملحد والبيت مفيهوش سنتي واحد خالي من كتب الإلحاد وسب العقيدة والأديان، كمان اتحولت لـ قتال قتلة؟...يابني انت مش خايف من الحكومة؟
غسان:خلصت كلامك؟
{كمال في صمت}
غسان(بزعيق) :انا مبخافش من حد...انا بخاف من نفسي!...وقولتلك وهفضل أقولك..انا اللي بيتعدى حدوده معايا مبيكسبش..وبتكون نهايته زي مانت شايف قدامك دلوقتي!
كمال:ايه يعني شتمك؟...تقوم تقتله زي ما عملت في
حمزة؟...ما كفاية شر وأذية بقى يا غسان؟
{قام غسان ومسك كمال من لياقته..ومكنش في وعيه}
غسان:انت اتعملك غسيل مخ من حد وانا معرفش؟..خلي بالك هتكون تحت طوعي..هتكون فوق دماغي..إنما هتكون خارج رغبتي، هتكون برا حياتي..انا مش عايز أأذيك يا كمال،خلي الفال طيب!
{سكت كمال ومقدرش يرد}
غسان(بصوت حاد) :روح هات مَساحة و زق الدم ده لحد الحمام!!...يلااا
{مشى كمال وراح الحمام...يعمل زي ما غسان قاله}
==============================
{فـي بـيـت فاتن..كانت حفيدتها في الأوضة..وفاتن في الصالة على الكنبة..والتلفزيون شغال، وبتتكلم في التليفون مع بنتها غادة}
فاتن:ودفعتوله حاجة بعد ده كلة؟
غادة:ولا رضى ياخد مليم...بس من الواضح يا ماما إنه ناوي نية سودة لـ علاء..ده من يوم اللي جرا وهو مستحلفله}
{من ١٤ سنة..كان نويري بيحب بيري وعايز يتجوزها، َفجأةً أعز أصدقاءه علاء..خطفها منه..ويوم جوازهم كان واقف قصاد القاعة بيبص عليهم وهما بيرقصوا بعيد وبيبصلهم بكل غل}
نويري:بقى انا يا علاء تعمل معايا العاملة السواد دي وتاخد مني أعز ما أملك وفاكر انها هتعدي بالساهل؟..لا ياحبيبي، وعد مني مهما عدت السنين هفضل فاكر، ويوم ماتيجي الفرصة همسك فيها بإيدي واسناني!
{وفي فترة خطوبة بيري وعلاء..بالتحديد في أوضة بيري..كانت غادة قاعدة معاها على السرير}
غادة:ياحبيبتي فكري صح وحَكمي عقلك شوية!!..نويري مالوش أي ذنب في اللي حصل ده!!..ده بيحبك وشاريكي وانا متأكدة من ده كويس اوي!
بيري(بتضحك) :حب اية وكلام فارغ اية يابنتي؟...الحب مبيأكلش عيش في الزمن ده!!...هو الحب اللي هيكسيني هدوم؟..ولا اللي هيأكلني كل
ما لذ وطاب؟..اركني الحب ده على جنب وخلينا في الفلوس!!
غادة:انتي بيعتيه عشان الفلوس يا بيري، ودي حاجة في حد ذاتها تتحط في بند الخيانة والغدر!!...انا مش فاهمة انتي ازاي كده؟...ده بابا محرمناش من أي حاجة لا حب ومشاعر ولا حنية!!
بيري:بس حرمنا من الفلوس!!...خلْتْ اللي يسوا وميسواش يتعامل معانا من مُنطلق الأعلى والأقل!!..لو انتي عاجباكي عيشة الذل اللي عيشناها في البيت ده، فاانا لا...انا مش عاجبني وهسعى بكل جهدي إني أخرج من الدايرة السودة اللي حطيتونا فيها بالغصب!!
غادة(مصدومة) :انا مش قادرة أصدق انك أختي!!...بجد انتي أبشع انسانة شوفتها في حياتي!!
بيري(بزعيق) :اطلعي برا...اطلعي
{خرجت غادة برا الأوضة وهى مندهشة من معاملة أختها ليها..وبيري ردت على علاء في الموبايل}
بيري:الو ياحبيبي، عامل اية؟
=========نهاية الفلاش باك=========
فاتن:ذنب ناس بتخلصه ناس..وانا الصراحة شوفت كتير اوي اوي من علاء
غادة:ماهو ياحبيبتي يوم ما ينتقم...مش هينتقم من علاء بس...لا!!...من علاء وبيري ولا انتي نسيتي اللي حصل زمان؟
فاتن:واختك اية دخلها في مشاكلهم؟
غادة:ازاي بس ياماما؟...اذا كان بيري هي سبب المشاكل كلها..وهي اللي اتسببت في كل اللي حصل ده!
فاتن:انا اللي يقرب من بنتي، ولا يفكر بس يإذيها..آكله بإيدي واسناني...يعمل اللي يعمله في علاء..لكن بيري لأ...وبعدين كل شئ قسمة ونصيب..روحنا كده...جينا كده...مش هيحصل غير اللي ربنا كاتبه!!
غادة:كنتي فين يا ست الشيخة زمان؟
فاتن(بزعيق) :بنت!!...احترمي نفسك..ومتنسيش ان انا والدتك!!
==============================
{بالليل عند حاتم ومهره في الماركت..بعد ما خلصوا شغل جالهم أركون...الرجل اليوناني صاحب الماركت}
أركون :Well, it looks like it's been a great day for you.(جيد، يبدو انه كان يوم رائع بالنسبه لكم)
حاتم:nice day (يوم حلو)
{طلع الفلوس، واداها لكل واحد فيهم}
حاتم:Thank you
{وخد مهرة وخرجوا برا...كانت الأجواء تحفة بالليل}
حاتم:ايه رأيك نتمشى شوية؟
مهره:يلا بينا...حلوه اوي اليونان!..انا في الأول كنت مدايقة وكان نفسي أرجع مصر اوي..بس بعد ما جيت هنا..نظرتي وإحساسي اتغيروا!
حاتم:مانا كنت كده برضة...بس بيني وبينك يا مهرة انا شايف ان دي فرصة متتعوضش..اهو على الأقل يوم مانرجع مصر...نرجع واحنا محوشين شوية فلوس!
مهره:طب قولي بقى...ناوي تعمل ايه بالفلوس بعد مانرجع؟
حاتم(بتفكير) :ياه حاجات كتير اوي اوي...افتح مشروع وأكبره لحد ما يجيبلي مبلغ محترم كل شهر...واتجوز وأجيب عربية و....
مهره(بتقاطعه) :تتجوز؟
حاتم:انتي سيبتي كل ده ومسكتي في تتجوز؟
مهره:انت ناوي تتجوز يا حاتم؟
{سكت حاتم شوية وبعدين رد }
حاتم: أه اتجوز...أكيد مش هعيش طول حياتي عازب..مانا برضة لازم اتجوز وأكون أسرة وانتي كمان تعملي كده!
مهره(بحزن) :لا انا مش هتجوز..انا هبقى أرجع بلد أهلي وأكمل حياتي هناك..بس ياريت يا حاتم متبقاش تنسى تعزمني على فرحك..متحرمنيش من حاجة زي دي!
حاتم:طب خليكي هنا ثواني يا مهرة
{دخل حاتم محل اكسسوارات، ولما خرج ملقاش مهرة}
حاتم(بإستغراب) :مهره!!!...هي راحت فين؟؟
{وقرب من ناس واقفة كان بيسألهم بالانجليزي}
حاتم: You See Girl Wearing Tall Clothes And Hijab؟
_Τι λες? (بتقول اية؟)
{مشي حاتم وهو حاسس باليأس..لحد ما رجع المركب عند القبطان..كان القبطان والمساعد و زهرة وأنيسة قاعدين مع بعض بيتكلموا...ولما القبطان شاف الحزن على وشة قام}
القبطان:مالك يا حاتم؟
حاتم:انا مش لاقي مهره!!..دخلت أجيب حاجة من محل..ويادوب خرجت ملقيتهاش!!
{ضحك القبطان وطبطب على كتف حاتم}
القبطان:مهره جوا متقلقش عليها دي قردة!
حاتم(بإستغراب) :جوا؟..وهي وصلت هنا ازاي؟
{راح القبطان رافع ايديه الاتنين ناحية السما وعمل حركة بمعنى (بقدرة ربنا)...دخل حاتم جوا كان باب الأوضة مقفول..خبط عليه كام مره ومحدش رد}
حاتم(متعصب) :مهره!!!...انتي ازاي تمشي لواحدك وانا قايلك تفضلي في مكانك متتحركيش!!...انتي ليه مبتسمعيش الكلام؟...مخوفتيش تتوهي أو يحصلك حاجة؟
{خرجت مهره من الأوضة ويبدو عليها إنها كانت معيطة، كانت باصة ناحية الحيطة ومربعة ايديها الاتنين كأن الكلام مش عاجبها}
حاتم:انتي لية مصممة تعصبيني وخلاص؟...مسمعتيش كلامي ليه ومشيتي؟؟
{جات زهرة بسرعة على زعيق حاتم}
زهرة:في اية؟...بتتخانقوا ليه؟
{وفجأة مهره اترميت في حضن زهرة وفضلت تعيط، وحاتم واقف مستغرب رد فعلها}
زهرة:مالك بس يا مهره؟؟
{َوخدت مهرة ودخلوا الأوضة وقفلوا الباب، وحاتم لسة واقف يمكن يسمع سبب عياطها!}
زهرة:مالك يا مهرة فيكي اية؟
{ولكن مهره مكنتش بتعمل أي حاجة غير انها تعيط وبس...وحاتم واقف برا سامع كلامهم}
زهرة:براحة طيب، اهدي وقوليلي مالك يا مهره؟..بتتخانقوا مع بعض لية؟
مهرة(بعياط) :انا تعبت يا زهرة..بقيت أحس في كل كلامة انه عايز يوصلي رسالة معينة وهي انها انا مبحبكيش..مش عايزك...مش معني ان القدر جمعنا مع بعض في نفس الظروف إني أحبك!!...طول الوقت بيلمحلي ان انا زي أخته...واننا اخوات وملناش غير بعض في الغربة وانه لازم يرجعني سليمة لأهلي عشان انا أمانة في رقبته!
زهرة(مصدومة) :هو انتي بتحبيه يا مهرة؟
{هزت مهره راسها وهي بتعيط}
زهرة:بس انتي تتحبي!!..وبصراحة انا حاسة انه بيحبك بس يمكن بيكابر..أو ده مش وقته المناسب لتبادل الحب والغراميات مابينكم!..انتي بعد اللي حكيتيهولي فا لأ يا مهرة انتوا في ظروف صعبة ولازم تعدوا منها الأول وبعدين تشوفوا موضوع الحب ده!
مهره(بعياط) :ماهو مفيش حب من البداية أصلاً عشان احس بيه سواء دلوقتي ولا بعدين...انا محطوطة في خانة الاخت الطيبة الحنينة اللي بيشكر ربنا على وجودها في حياته طول الوقت!...انا من ساعة ما شوفتة وانا حاسة بحاجات كتير حلوه اتجاهه، لكن هو بيأكدلي كل يوم انه مش حاسس بأي حاجة حلوه ناحيتي!
زهرة:هو اية اللي حصل؟
{خرج حاتم وقعد برا مع القبطان وأنيسة}
القبطان(بإبتسامه) :كنت بتزعق ليه يا استاذ حاتم؟
حاتم(بتردد) :خوفت عليها فااتعصبت شوية..المفروض مكنتش تمشي وتستنى لحد مااخرج!
القبطان:ومخدتهاش معاك لية؟...و لية سيبتها برا؟
حاتم(بتردد) :كنت بجيبلها حاجة، بس هى استعجلت ومكملتش!
أنيسة:انا هدخل انام تصبحوا على خير
كلهم:وانتي من أهله
المساعد:انا هعمل شاي، حد عايز؟
القبطان:اعمل لينا احنا الاتنين
المساعد:ماشي
{دخلت أنيسة الأوضة...والمساعد دخل يعمل الشاي}
القبطان:انا من أول يوم شوفتكم فيه وحسيت ان في حاجة مش عادية!!
حاتم(بإستغراب) :حاجة مش عادية ازاي؟
القبطان:كأن ربنا جمعكم سوا...عشان انتوا تشبهوا لبعض كتير...ولما أقول تشبهوا لبعض..أكيد مش قصدي الشكل!
حاتم:أمال قصدك اية؟
القبطان:حاسس في مشاعر قوية مابينكم، وانتوا الاتنين مدارينها!
حاتم:يا قبطان، لا ده وقته ولا أوانه!...بص بقى انا مش هنكر عشان انا حبيتك وقلبي ارتاحلك
القبطان:وانا كمان حبيتكم وقلبي ارتاحلكم!
حاتم:أه في مشاعر، وكل يوم بتزيد..انا مش عايز أعلقها بيا، مش يمكن تتعلق بيا وفي الآخر أموت واسيبها؟...مش بذمتك هبقى كده دمرتها؟
القبطان:وانت لية بتقول كده؟
حاتم:احنا حياتنا كلها تحديات يا قبطان، وبقينا بنتحارب من مليون جهة..ومش عارفين الظروف هترسى بينا علي فين!..بس انا كل اللي أقدر أقولهولك إن انا فعلاً خايف عليها ومش عايز أكسرها!!
القبطان:وانت تكسرها لية؟...منطقك خاطئ بنسبة 100٪..اولاً الأعمار بيد الله مش بإيدينا احنا...ومحدش عارف هيعيش قد اية وهيموت امتى!!..ولو كل الناس مشيت بمنطقك ده، لا هيبقى في أحباب..ولا في أزواج وكل واحد هيقول اتجوز ليه مش يمكن أموت واسيبها؟...ثانياً السرعة مطلوبة، لو بتحبها عرفها، خليكم ايد واحدة وفي صف بعض ضد أي طرف بيحاربكم!..لو بتحبها وهي بتحبك هتنتصروا...الحب الحقيقي بيقوي يابني مش بيضعف!
حاتم(بتردد) :عندك حق في كل كلمة قولتها..ياقبطان انا مبكونش مبسوط وهي بتتعذب بسببي في كل مره بتستنى أقولها ومبقولهاش!..انا كل الحكاية ان انا خايف!
القبطان:متخافش.. و جرب انت خسران اية؟
حاتم:انت شايف كدة؟
القبطان:انا مش شايف إلا كده!
حاتم:ماشي اللي تشوفه، أمرنا لله
==============================
{تـاني يوم عند متولي في العمارة..كان في أوضته..وخرج برا..لقى حسن صاحب العمارة قدامه}
متولي:صباح الخير يااستاذ حسن
حسن:صباح النور ياعم متولي
متولي:عامل ايه واية الأخبار؟
حسن:بخير...ممعاكش رقم بيري التاني..أصل بتصل بيها على الرقم الأولاني مابتردش!
متولي:لا والله يااستاذ حسن، ولا حتي بقيت أشوفها، لا هى ولا استاذ علاء
حسن:محدش بيشوفهم حتى انا كمان بقالي فتره معرفش عنهم حاجة...ومش عارف أأجر الشقة بسببهم، بتصل على ده ميردش..واتصل على ده ميردش برضة!
متولي:يمكن المشاكل زادت مابينهم من آخر مره ست بيري جات وخدت عفش الشقة ومشيت
حسن(بإستغراب) :خدت عفش الشقة امتى؟
متولي:من مدة...والله العظيم لولايا ما كانت عرفت تدخلها خصوصاً بعد ما غير كالون الشقة..ده غير مساعدتي ليهم في نقل العفش..وبعد ده كلة لا اتقالي حمد ولا شُكرانيه!!
حسن(مصدوم) :لية كده ياعم متولي تجيب المشاكل لنفسك لية طيب؟...ده علاء لو عرف مش هيعتقك!
متولي:وهو انا يعني اللي كنت قولتلها لمي العفش وامشي؟..هما هيدخلوني في مشاكلهم لية؟
حسن:ماشي ياعم متولي، عايز حاجة؟
متولي:سلامتك...مع ألف سلامة
{خرج حسن من العمارة...ومتولي دخل الأوضة يشغل الراديو}
===============================
{في بيت غسان..كان قاعد على الكنبة في الريسيبشن بيقرأ كتاب من كتب الإلحاد، جه كمال وقعد جنبه}
كمال:صباح الخير
غسان:صباح نور الشمس
كمال(بإستغراب) :صباح نور الشمس؟
غسان:اسمع يا سيدي..النور والشمس من.....
كمال:انا مش عايز اسمع حاجة!!
غسان(مصدوم) :انت قولت اية؟؟
كمال:اللي سمعته، مش عايز أسمع حاجة!!
{قام غسان وقرب من كمال وهو متعصب}
غسان(بزعيق) :اية يا كمال مالك؟..مالك بجد؟...انت الفترة دي مابقتش عاجبني...متخلنيش أقلب عليك!
كمال:انا بقالي كتير عايز اتكلم معاك في الموضوع دة وانت مش مديني أي فرصة!!
غسان:موضوع اية؟
كمال:الأديان..انا بنصحك عشان خايف عليك من عقاب ربنا...انت مش عارف اية اللي ممكن يحصلك في حياتك بسبب اللي بتعمله ده!!
غسان(بزعيق) :وانت بقى اللي هتعرفني؟؟...وانا اللي كنت فاكرك بتفهم...طلعت حمار زيك زيهم متختلفش عنهم في حاجة!!..اطلع برا...اطلع برا بقولك!!
{وضرب كمال، وشده بعنف و زقه برا وبصق عليه}
غسان(بزعيق قوي) :مش فاهم مالكم!!...كلكم اتقلبتوا ضدي فجأة لية؟؟...زهرة تهرب و كمال يغير فِكره...في ايييه؟؟؟
{وكسر الأنتيكات اللي جنبه..وفتح باب البيت بكل غل ومشى راح المستشفى عند أنيسة و ليلى}
=============================
{عـنـد حاتم ومهرة في تاني يوم شغل..كانت مهره ساكتة ومبتتكلمش مع حاتم..وكان حاتم بيبيع لـ زباين وبعد ما خدوا حاجتهم}
_Ευχαριστώ (شكراً)
حاتم:bye (سلام)
{وبعد ما عِدل الكراتين وخلص..بص لـ مهرة لقاها زي الصنم مبتتحركش..وباصة في الحيطة مبتحركش عينيها...قرب منها وهو مبتسم..وطلع سلسلة من جيبة ولبسهالها وهي لسة مصدومه}
حاتم:انا أسف يا مهره
مهره:على اية؟
حاتم:على إن انا اتكلمت معاكي بإسلوب وحش وكنت متعصب امبارح...انتي أصلك متعرفيش انا بخاف عليكي قد اية؟
{سكتت مهرة ومردتش}
حاتم:انا بخاف عليكي أكتر من نفسي، ومش هقدر أشوف فيكي حاجة وحشة...انا أستحملها لنفسي لكن مستحملهاش عليكي يا مهره!
مهره(بحزن) :محصلش حاجة يا حاتم...انا مقدرش أزعل منك، ده انت اخويا الغالي!
{مسك حاتم ايد مهره وقالها}
حاتم:بس انا مش أخوكي..وعمرنا ما هنكون إخوات مهما يحصل!
{اتحرجت مهره ومقدرتش تتكلم}
حاتم(بصوت حنين) :بحبك
{وفجأة مهره بصيت له بصدمة وهي بتحاول تستوعب الكلمة اللي قالها، كانت بتبص يمين وشمال يمكن بتحلم!}
حاتم:ايوه بحبك متستغربيش..وانتي كمان بتحبيني وكنتي مستنية اليوم ده من بدري وانا اللي كنت بأجله!!..انا كنت بأجلة لسبب واحد، وهو إني مش عايز أكسرك لو مت أو حصلي حاجة!!
{وفي ساعتها مهره حطت ايديها على بؤ حاتم}
مهره:لا ياحاتم متكملش بلاش عشان خاطري، لية الفال الوحش ده لما ممكن نتفائل خير؟...انا مش هقدر أفكر في حاجة زي دي، ولا هقدر استحملها!!..ده انت أماني وسندي بعد ابويا الله يرحمه...انا بحس معاك بحاجات عمري ما حسيتها مع أقرب الناس ليا!!
حاتم:وانا هفضل سندك وضهرك يا مهرة لحد آخر يوم في عمري!!...صدقيني انا بحبك اوي فوق ما تتخيلي..ومستعد أحارب الدنيا كلها عشان أوصلك!!
{نزلت دموع مهره، ومكنتش مصدقة}
مهره:يعني انت مش هتتجوز حد تاني يا حاتم؟
حاتم:انا لما قولت إني هتجوز فكان قصدي اتجوزك انتي!!..مش أتجوز حد تاني زي مانتي فهمتي!..انا كنت دايماً في حيره مابين أقولك ولالا...مكنتش عارف ايه ممكن يحصل بعد ما أقولك...هتفرحي ولا....
مهره:هفرح...مانا فرحت اهو!!...فرحانة ومش مصدقة...دي احلى صدفة في الدنيا كلها اللي جمعتني بيك!!
حاتم:اوعدك يا مهرة أول مانرجع مصر هنتجوز!
مهره:طب ازاي يا حاتم؟..واحنا مش عارفين ماما واخواتي وعم متولي عايشين ولالا!!...مش نعرف حصل اية الأول؟
حاتم:اياً كان اللي حصل..هنتجوز..وانا خلاص يا مهره بقى هدفي الأول اننا نتجوز ونبقى تحت سقف واحد!...لا انا ينفع أعيش من غيرك ولا انتي ينفع تعيشي من غيري!..احنا خلاص لقينا بعض!!
{ضحكت مهره وكانت بتتنطط على الأرض من فرحتها}
=============================
{عـند بيري..ركبت عربيتها وراحت تحت بيت صاحبتها علا..كانت متدارية بعيد شوية وبتراقبها..لحد ما أخيراً علا نزلت وركبت عربيتها ومشيت، ووراها بيري بعربيتها...لحد ما وصلت عند معمل تحاليل، وطلعت}
علا:صباح الخير
_صباح النور
علا: عايزة أعمل تحليل إتش آي ڨي (HIV)
_اسم حضرتك والسن هنا
علا:تمام
{وبعد ما علا كتبت اسمها وسنها}
_اتفضلي لحد ما يجي دورك
علا:حاضر
{قعدت علا تستنى دورها، وتحت كانت بيري بتبص على بانر الدكتور..وجالها مكالمة تليفونية}
بيري:الو يا فيروز؟
فيروز:انتي فين يا ماما؟
بيري:انا في مشوار برا، عايزة اية؟
فيروز:ممكن تجيبيلي كتاب الـMath...يا ماما انا مابقتش أروح المدرسة ولا أحضر الدروس البرايڨت مع صحابي، والامتحانات قربت انا كده هسقط!!
بيري:حاضر يا فيروز ابعتيلي اللي انتي عايزاه على الواتساب وانا هجيبة
فيروز:اوكي ياماما، باي
بيري:باي
{وفوق جة دور علا، فدخلت تعمل التحليل..وبعد ما خرجت}
علا:قد اية ويظهر؟
_نص ساعة، وتقدري تجيبية من على الموقع
علا:تمام، ميرسي
_العفو
{نزلت علا وركبت عربيتها، وبعد ما بيري اتأكدت انها مشيت، طلعت فوق تسأل}
بيري:صباح الخير
_صباح النور
بيري:ممكن أعرف واحدة جات هنا بإسم علا مجدي محمد كانت بتعمل تحليل اية؟
_حضرتك مين؟
بيري:انا بنت خالتها والحقيقة قلقانة عليها جداً وكنت عايزة اتطمن!
_طيب ثواني
بيري:اتفضلي
_أه كانت بتعمل تحليل HIV
بيري:ده تحليل اية ده؟
_مرض الإيدز يافندم
بيري(مصدومة) :الإيدز؟؟؟
==============================
{في المستشفى بعد ما غسان راح..وبعد ما دخل الأوضة ملقاش حد، فخرج وسأل الدكتور}
غسان:الحالات اللي كانت في الأوضة هنا..راحوا فين؟
الدكتور:هربوا من المستشفى...انت مين؟
غسان:انا ابن حالة من الحالات اللي كانوا هنا...يعني ايه هربوا؟
الدكتور:يعني هربوا ملهاش معنى تاني!!..وشوفناهم في الكاميرات لو تحب تشوف وهما متنكرين في النقاب مع واحدة مجهولة المصدر
غسان(بإندفاع) :انا عايز أشوف!!!
{دخل الدكتور أوضة المراقبة عند الموظف}
الدكتور:وريلة فيديو الحالات اللي هربت
{وبعد ما الفيديو اشتغل، اتصدم غسان لما شاف زهرة واخدة أنيسة وليلي وبتهرب بيهم من المستشفى}
غسان(بزعيق) :دي زهرة!!!!....زهرة!!!!...خدتهم وهربت...أقسملك بأم الطبيعة ما هسيبك!
{وخرج يجري من المستشفي..والموجودين مستغربين من رد فعله و ليه بيجري كده؟...لحد ما خرج}
=============================
{عـنـد حاتم ومهرة في الشغل، لقوا زهرة جاية..استغربوا جداً لما شافوها!!}
مهره(بإستغراب) :انتي جيتي هنا ازاي؟
زهرة:المسافة مش بعيدة اوي..القبطان شرحلي
مهره(بإبتسامه) :تعالي دوقي
حاتم:يااا.... يا مهره بلاش لا يطب علينا ويكلمها كلمة وحشة!
مهره:ملكش دعوه انت!..دوقي دوقي
زهرة:ده ايه ده؟
مهره:دي حاجة اسمها دوناتس...وده كرواسون كلنا عارفينة، عايزة أقولك الشيفات بيجوا الصبح يخلصوا، وبعدين يمشوا ويسيبونا احنا واقفين هنا
زهرة:طب بذمتك بيعتي كام واحدة؟
مهره(بتضحك) :هههه بصراحة ولا واحدة!
حاتم:ده احنا من ساعة ما وقفنا وهى نازلة أكل فيهم، لحد أما قربت تخلصهم!
مهره:كداب محصلش!
زهرة:الله حلو اوي..لا بيفهموا برضة..الحلويات مخدومة صح مش زي عندنا
{وفجأه أركون دخل ولقاها بتاكل}
أركون(بزعيق) :Τι κάνει αυτή η γυναίκα εδώ; (ماذا تفعل هنا هذة الامرأة؟)
{ارتبكت زهرة لما شافتة..وحاتم حاول يلم الموقف}
حاتم:customer (زبون)
{وكان بيشاور على زهرة وبيقولة انها من الزباين}
أركون(بزعيق) :Φύγε πριν σε χτυπήσω. (اخرجي برا قبل أن أضربك!!)
زهرة:هو بيقول اية؟
مهره:مش عارفة!
حاتم:يلا يا زهرة امشي..خديها يا مهره برا وارجعي
مهره:طيب
{وخدت زهرة وخرجت...كان حاتم بيحاول يعتذرلة بـ لغة الإشاره}
مهره:معلش يا زهرة...ارجعي عند القبطان لحد مااحنا نخلص شغل ونرجعلك!
زهرة:لا انا هروح اسأل على شغل، هو انا هفضل قاعدة كده لحد امتى؟...وبعدين انا حاسة اننا تقلنا اوي على القبطان.
مهره:بالعكس والله ده راجل طيب جداً
{خرج حاتم وشد مهره من ايديها}
حاتم:يلا ياستي ورانا شغل
مهره:طيب خدي بالك من نفسك
زهرة:حاضر
{دخلت مهره مع حاتم في الماركت ووقفت مكانها، وفجأة جه حد وطلب أوردر}
رامز:أعطني ثلاثة كرواسون من فضلك
حاتم ومهره(بصدمة) :رامز؟؟؟؟
الفصل الثاني عشر
حاتم:انت جيت هنا ازاي؟
رامز:جئت هنا لكي أعتذر لك عما بدر مننا، لقد علمت قدر الظلم الذي وقعت فيه بسببنا..والسبب الأكبر في كل هذا نانيس..لقد عرفت الحقيقة!
حاتم:سبحان الله..كنت بدعي ربنا إن الحقيقة تبان واهي بانت..عرفت دلوقتي ان انا كنت مظلوم؟
رامز:سامحنا يا حاتم، انت احتليت مكانة كبيرة بداخل قلوبنا، ولا أحد يستطيع الابتعاد عنك أو مخاصمتك!
حاتم:وانت جاي عايز اية؟
رامز:نحن أستقرينا هنا، ووجدنا بيت كبير مهجوراً، مليئ بالغرف، وساحته واسعه، ألا تريدون أن تأتوا معنا؟
مهره(بصوت حاد) :لا مش عايزين...شكراً
حاتم:واحنا كمان لقينا بيت واسع وحلو
رامز:رائع..ألا تريدوا أن أزوركم يوماً ما انا وعائلتي؟
مهره:لا معلش أصل معانا ناس تانية
رامز(بتردد) :اممم، سعدت برؤيتكم
مهره:وآدي الكرواسون اهو، فين الحساب؟
{واديتله العلبة في ايده وهي بتبصله بـ كره لإنه بيفكرها بـ نانيس واللي عملته مع حاتم!}
رامز:كم يبلغ الحساب؟
مهره:٤٠ يورو
{خرج رامز الفلوس من جيبه وادهالها}
رامز:مع السلامة، أراكم بخير!
حاتم ومهره:سلام
{وبعد ما رامز مشى، كانت مهره متعصبه!}
حاتم:في اية يا مهرة ما خلاص مشي اهو!!
مهره(بعصبية) :قال اية عايزنا نروح عندهم، لا يلدغ المؤمن من جحر مرتين!!
============بـعـد مـرور شـهـرين==========
{كان حاتم ومهره جمعوا مبلغ كويس، عشان يتجوزوا لما يرجعوا مصر..واليوم ده كان متولي و وجيدة قاعدين في مدخل العمارة بيشربوا شاي}
وجيدة:أجدع واحد يعمل كوباية شاي، مابقتش أعرف أشربها إلا من ايدك ياعم متولي.
متولي:الله يخليكي يا ست وجيدة، ويكرم أصلك..بألف هنا وشفا..أمال بقى لو كنتي جربتي عمايل ايد حاتم ابني الله يرحمه!
وجيدة:الله يرحمه...ابن الوز عوام برضة أمال اية؟...كان ونعم الأخلاق والتربية..كنت بشوفه وهو صغير وبقول يارب اكرمني بـ عيل زيه يكون في نص أخلاقه وأدبه!
متولي:حاتم كان متربي التربية الصح، مكنش بيحب حد يتكلم معاه نص كلمة وحشة..كان عايز كل الناس تحترمه وتشيله على دماغهم!...يعني أفتكر في مره قبل ما يحصل اللي حصل...دخل أستاذ حسن علينا يوم ما ست بيري كانت طالبة طلبات العزومة...ولما حاتم شافه بيكلمني بطريقة مش كويسة..مسكتش،و رد عليه كان ناقص يمسكوا في بعض والمشكلة تكبر!
وجيدة:حاتم عنده حق بصراحة، حسن ده مش سالك..طب ده في مره زمان..عمل معايا حركة مش عايزه أقولها..من ساعتها وانا ساكتة ومكتمه في قلبي وبقول اللي يستره ربنا، ميفضحوش العبد!
==============فـلاش بـاك===========
{مـن ١٥ سنة...خرجت وجيدة من الشقة بالمقشة، كان حسن صاحب العمارة جاي..ولما شاف الزبالة اتعصب}
حسن(بزعيق) :ايه المنظر الحقير ده؟..بقى ده منظر عمارة نضيفة؟؟..خليتوا اية لمزبلة الشوارع؟
وجيدة(بإحراج) :اعذرني يااستاذ حسن، بس الزبالة دي المفروض عم متولي هو اللي يشيلها مش أنا!!
حسن(بزعيق) :طب ولو قولتلك ان عم متولي في مشوار مهم، هتقوليلي اية؟
وجيدة(بإحراج) :خلاص اللي تشوفه ياأستاذ حسن!
{و لسه وجيدة هتزق الزبالة بالمقشة}
حسن(بزعيق) :انتي بتعملي ايه؟
وجيدة:هزيح الزبالة على ما أجيب الجاروف!
حسن:لأ..وطي وشيلي الزبالة بإيديكي
وجيدة(بخوف) :حاضر
{وطت وجيدة عشان تلم الزبالة بإيديها، وفي اللحظة دي صاحب العمارة عمل معاها حركة مش لطيفة...قامت وجيدة وهى مصدومه ولطشته بالقلم وصوتت في وشه}
وجيدة(بصويت) :ياراجل يا ناقص، يازبالة يا كلب
{وفي ساعتها حسن مسك وجيدة من ايديها بكل عنف، وبرق في وشها، ونبرة صوته اتغيرت للشر}
حسن(بصوت حاد) :وطي صوتك، مش عايز أسمع حِسك...اللي حصل ده ميتقالش لأي مخلوق خلقه ربنا لو عايزة تحافظي على شغلك هنا ومرفدكيش، يبقى تسمعي الكلام بالحرف الواحد مفهوم؟
============نهاية الفلاش باك============
{ولسوء الحظ، كان حسن نازل على السلم، ولما حس ان في كلام بيتقال عليه، نزل ببطء..لحد ما وقف ورا الحيط يسمع بقيت الكلام}
متولي(مصدوم) :ده راجل نجس وكلب...ازاي تعدي كل السنين دي ومتقوليش لحد يردلك كرامتك ياست وجيدة؟؟؟
وجيدة(بعياط) :انا ست مكسورة الجناح ومليش حد غير ربنا...جوزي مات بعد ما خلفت مهره بشهرين...ومن يومها وانا أبوهم وأمهم...لو كنت اتكلمت ولا فتحت بؤي بكلمة..كان هيقطع عيشي!!
متولي:تصدقي وتآمني بالله!!
وجيدة(بعياط) :لا إلة إلا الله
متولي:انا بقالي فترة مش مرتاحله..حاسس انة وسخ وقليل الرباية لمؤاخذه في اللي بقوله يعني..عينه مبتتشالش من على أي ست معدية، بيفصصها من أولها لآخرها وبيجيب قرارها!!...اما يعني مسمع.....
{ولسة متولي بيكمل كلامه...جه حسن ووقف قصادهم..ولما وجيدة ومتولي شافوه تنحوا!}
حسن(بإبتسامة) :ها واية كمان؟..ماتكملوا سكتوا ليه؟
متولي(بخوف وتردد) :انت...محتاج حاجة ياأستاذ حسن؟
حسن(بإبتسامة) :ولازمتها اية أستاذ حسن بقى بعد كل اللي قولتوه عليا؟..ده انتوا قطعتوا في فروتي، ماشاءالله عليكم...واية اللي حصل تاني يا متولي ما تكمل؟
{قام متولي ووجيدة، وهما باصين في الأرض، ومش قادرين يبصوا في وش حسن}
حسن:انا راجل نجس؟...انا وسخ؟...طب والله عال..تحبي أقولة ياست وجيدة يالي طالعة من بيت محترم وعاملالي فيها الطاهرة الشريفة انتي كنتي عايزة مني اية؟..أقوله انا...كانت عايزاني أ....
{ولسه هيكمل الجمله، كان متولي حط ايده بسرعة على بؤ حسن، وهو خايف}
متولي(بخوف) :إن الله حليم ستار ياأستاذ حسن
وجيدة(مصدومة) :انت بتقلب الترابيزة عليا يا أستاذ حسن؟..طلبت منك اية؟؟...وكمان هتتبلى عليا؟
{وابتدت تصوت وتلطم}
وجيدة(بصويت) :كمان هتتبلى عليا وهتلبسني في حاجات لا انا قولتها ولا عملتها؟...ده انا طول عمري ماشية جنب الحيط وبخاف ربنا...بخاف أعمل حاجة غلط يقوم ربنا يعاقبني في ولادي اللي ماتوا!!
حسن(بزعيق) :انا مش هطردكم..مش عشان بعمل خير، لالا الخير لما يتعمل مع أشكالكم بيتقلب شر...انا هسيبكم كده، هتشتغلوا وهتنضفوا ومش هتاخدوا مليم ساغ مني...ولو واحد فيكم فكر يمشي من العمارة انا هعرف أجيبه تاني لو كان تحت سابع أرض...ولما تعرفوا غلطكم فيا هتيجوا تذللولي وتحبوا على ايدي ورجلي، وانا بقى ومزاجي..يااسامحكم على غلطكم فيا، يااما أوريكم أيام سودة!!
{وزق متولي وقعه على الكنبه، وخرج برا بـ غل، ووجيدة جريت ناحية متولي تشده}
متولي(بيقوم) :حسبنا الله ونعم الوكيل
==============================
{عـنـد بـيـري، كانت قاعدة في البلاكونة مع بنتها وبتشرب نسكافية...رن موبايلها ولما بصيت لقيتها علا صاحبتها، استغربت من اتصالها}
بيري:علا؟؟
{و ردت عليها}
بيري:علا...معقول افتكرتيني أخيراً؟
علا:انا منستكيش عشان أفتكرك...انتي مبتغيبيش من على بالي ولا لحظة!
بيري:طب كويس...اية سر المكالمة؟
علا:انا عازماكي على خطوبتي، اتقدملي واحد ابن حلال، وانا وأهلي وافقنا...واتفقنا على كل حاجة خلاص
بيري:بجد يا علا؟؟...هتتخطبي بجد؟
علا:طبعاً بجد، ولازم تكوني أول الحاضرين، عايزاكي أول واحدة جنبي!
بيري:أكيد ياحبيبتي، هكون عندك من صباحية ربنا، وانا أقدر اتأخر عليكي برضة؟...الف مبروك يا علا
علا:الله يبارك فيكي،هبعتلك التفاصيل في مسدج
بيري:ماشي ياحبيبتي، ربنا يتمم بخير
علا:باي
بيري:باي
{وبعد ما بيري قفلت، لقيت أختها غادة بتتصل}
غادة:كنتي نايمة وانا قلقتك؟
بيري:لالا انا صاحية، وبشرب نسكافية
غادة:طب كويس..بصي بقى يا بيري، ان شاء الله عندنا مناسبة ولازم تيجي..ومش هسمحلك تقوليلي أصل و فصل ومش هينفع، هتيجي يعني هتيجي!
بيري(بإستغراب) :مناسبة تاني؟..هو انا يا جماعة فاضية لـ مناسبات؟
غادة:سيبك من أي حد وخليكي معايا انا...عادل أخو نبيل أخيراً قرر يخطب، وكنا معاه من شوية عند أهل العروسة، وخلاص حددنا كل حاجة، تخيلي انه طلع عنينا عشان يرضى يخطب ويبدأ حياة جديدة!!
بيري:مبروك يا ستي، ربنا يكتر من الأفراح
غادة:الله يبارك فيكي، وعقبال فيروز ان شاء الله
بيري:حبيبتي
غادة:هبعتلك التفاصيل واتس اب، اوكي؟
بيري(بإستغراب) :هو في ايه النهاردة؟...طيب ماشي ابعتي
{وقفلت معاها، كانت بيري مدايقة وملهاش نفس تخرج ولا حتى تحضر مناسبات...وبعد ما بيري وصلها تفاصيل الخطوبة من صاحبتها علا...ومن أختها غادة اكتشفت ان الخطوبة دي لنفس الشخصين من بعض، علا و عادل!!!!}
بيري(مصدومة) :يانهار اسود ومنيل!!!!!
==============================
{عـند حـاتم و مهره، كانوا أجازة اليوم ده من الشغل..و زهرة وأنيسة وليلى أجروا أوضة بمبلغ صغير، وكانت زهرة مهمتها تمسح حمامات المول...كان حاتم ومهره في الدور التاني من المركب...والقبطان والمساعد كانوا في مشوار مهم}
حاتم:انا مبسوط اوي النهاردة!
مهره:اشمعنا؟
حاتم:عشان النهاردة اجازة، وانا و القمر قاعدين سوا
مهره(بتفكير) :امممم القمر؟...هو القمر بيطلع بالنهار؟
حاتم:يااه أعمل اية بس في ذكائك ده؟..كل يوم بتبهريني عن اللي قبله!
مهره(بتضحك) :مانا عارفة انك تقصدني انا...بس اعمل ايه بقى انا رخمة...استحملني!
{وفجأة حاتم اتهور، وقال لـ مهرة بحبك بصوت عالي}
حاتم(بصوت عالي) :بحبك يا مهرااااه
مهره(بإحراج) :اسكت، فضحتنا!!...اسكت بقولك!!
{وطلعت تجري دخلت جوا من شدة الإحراج..وحاتم قعد يضحك عليها وهي بتجري...لحد ما قعدت في الأوضة على السرير...لقيت حاتم جاي وبيشدها يقومها}
مهره(بإستغراب) :اية في اية؟
حاتم:انتي لسة هتقعدي؟...بقولك بحبك!!
{ضحكت مهره وزقته بعيد}
مهره:ايوة عايز ايه يعني؟
حاتم:اشكريني بقي
مهره:لية بقي ان شاء الله؟
حاتم:عشان هاخدك وهنخرج النهاردة..عايزين نلف اليونان كلها حتة حتة!!
مهره:حتة حتة مره واحدة؟...يابني حرام عليك ومين فيه حيل يعمل اللي بتقوله ده؟
حاتم(بإبتسامه) :تعالي بس، ملكيش دعوة بأي حاجة، سيبيلي نفسك!!...يلا!
مهره(بتضحك) :ماشي
{خدها حاتم من ايديها وخرجوا، وأول مكان خدها فيه الملاهي، ضحكت مهرة لما شافت المكان}
مهره(بتضحك) :ملاهي مره واحدة ؟..حد قالك ان انا طفلة؟
حاتم:طبعاً ماللي متعرفيهوش يا مهرة ان من ساعة ما حبيتك وانا معتبرك بنتي الصغيره اللي لازم آخد بالي منها كويس اوي!...وبعدين انا جايبك هنا عشان تفرفشي وتروقي، مش بذمتك بقالنا قد اية عايشين في فيلم هندي؟
مهره:كتير بصراحة
حاتم:طيب يبقى انا عندي حق ولالا؟
مهره:عندك حق..ويلا بينا بقى عايزة أركب اللعبة اللي هناك دي!!
حاتم(بتفكير) :امممم ماهو حاسس انها....
{ولسه حاتم بيفكر، شدته مهره وجروا بعيد ناحيتها}
مهره:يلا انجز!!
حاتم:طب مش ندفع فلوسها الأول؟
مهره(بتزقه) :طب ادفع يلا...يلا
حاتم:انتي عبيطة فاكراني هسيبك وامشي، ده كان زمان!
{وشدها من ايديها خدها معاه، وبعيد كان في حد بيراقبهم بالمنظار!!}
==============================
{عـنـد زهرة في حمام المول..بعد ما اديت المناديل للناس اللي خارجين من الحمام...لقيت موبايلها بيرن ولما ردت}
كمال:وحشتيني اوي يا زهرة..مش قادر أصدق ان انا مش هينفع أشوفك تاني!!
زهرة(بإستغراب) :وحشتك؟
كمال(بحزن شديد) :انا عارف ان انا اتأخرت عليكي الفتره اللي فاتت..بس غسان كان حاططني تحت المراقبة ٢٤ ساعة...انتي من ساعة ما غيبتي عني وانا متدمر...انا هجيلك يا زهرة قوليلي انتي فين!!
زهرة(بخوف) :امممم مش هينفع أقولك يا كمال، منين بتقولي انك متراقب ومنين عايز تعرف مكاني؟
كمال: انا بكلمك من تليفون تاني..اكيد مش هكلمك من تليفوني المتراقب...انا هجيلك واللي يحصل يحصل
زهرة:وتيجي ليه يا كمال؟...انت مستغني عن نفسك ولا اية؟...غسان لو عرف أي حاجة هيوديك في ستين داهية مانت عارفه!!
كمال:مش فارق معايا اللي هيحصل..انا كل اللي فارق معايا غيابك من قصاد عيني!
زهرة(بإستغراب) :اية الكلام الغريب اللي بتقوله ده يا كمال؟...انا أول مره اسمعك بتقول حاجة زي دي!!
كمال:دي الحقيقة اللي كنت مخبيها طول الفتره اللي فاتت، انا متعلق بيكي اوي وعايز أشوفك...ياعالم الأيام الجاية فيها ايه...عشان خاطري يا زهرة تقوليلي انتي فين، أبوس ايدك!...عشان خاطري!!
زهرة:خلاص طيب، اهدي وانا هقولك
{يظهر غسان جنب كمال وهو ماسك المسدس وموجهه في راسة أثناء المكالمة!!!}
===============================
{في بيت نويري، دخل نويري الحمام..لقى علاء ساجد على الأرض في الحمام، تنح من اللي شافة وجرى عليه شده}
نويري(بزعيق) :ايه اللي انت بتعمله ده؟؟؟
علاء(بهلوسة) :با...با....كنت نايم
{شده نويري وخرجه برا الحمام وقعده على الكنبة}
نويري(بصوت حاد) :يعني اية كنت نايم؟؟...هو اللي بينام... بينام في الحمام؟؟؟
علاء(بزعيق) :نويري بقولك ايه فكك مني!!!
نويري:انت مابقتش طبيعي، وانا بقيت أفكر أعرضك على دكتور نفسي..ولا أقولك انا هجيبلك شيخ أحسن
علاء:انا تعبان يانويري...تعبان اوي
نويري(بصوت حاد) :تعبان ازاي؟...بتشتكي من اية؟
علاء:سكاكين في جسمي طول الوقت، مبرتاحش غير لما بانام في الحمام!
نويري:مش بقولك محتاج شيخ يشوف مالك؟...وانا اللي كنت عايز أفاتحك في موضوع مهم!
علاء:موضوع ايه ده؟
نويري:لا ما خلاص بقى..بعدين لما نشوف مالك...اطلع نام يمكن ترتاح شوية!
علاء:صح المفروض انام...انا هطلع
{طلع علاء وهو تعبان وبيتسند على الحيطة}
نويري(بصوت عالي) :عايز مساعدة؟
علاء(بتعب) :لا انا تمام
{لحد ما علاء طلع ودخل الأوضة وقعد على السرير..ولما نويري دخل الحمام لقى رغاوي على الأرض مكان علاء}
==============================
{بالليل عند حاتم و مهره..اتصوروا صور فوتوغرافية مع بعض وطلعت جميلة...وبعدين قعدوا على الكورنيش...كان حاتم ومهره حبهم لبعض بيزيد كل يوم عن اللي قبله وبيتعلقوا ببعض زيادة..حاتم مكنش بيعتبر مهره مجرد حبيبة...كان بيخاف عليها كأنها بنته، من الآخر مهره كانت نقطة ضعفه!❤️}
مهره(بإبتسامه) :بحبك اوي اوي اوي اوي
حاتم(بيضحك) :كمان اوي!
مهره(بتضحك) :ههههه اوي...اوعى تبعد عني أو تسيبني في يوم من الأيام يا حاتم، خليك دايماً جنبي!
حاتم:مقدرش أبعد عنك أو أسيبك...ولا عمري أقدر أجرحك...انا لو جرحتك أبقى جرحت نفسي!...انا بقيت بمجرد ما أبصلك بنسي كل حاجة ...زعلان..مخنوق..مدايق...بنسى كله كله أول ما أبص لعينيكي الحلوين!
مهره:انت غالي عليا اوي، انت كل حاجة في حياتي!
حاتم:نفسي الدنيا كلها تعرف حبي ليكي، ويعرفوا قد اية بحبك، انتي اللي غالية عندي اوي يا مهره!!
{وفي وسط الأجواء الرومانسية..فجأة لقوا حريث جاي من بعيد، بص حاتم لـ مهره بإستغراب، ده حريث ولا بيتهيئلهم؟؟}
حاتم:هو احنا في جزر القمر ولا اليونان؟
مهره(مصدومه) :هما اية اللي بيجيبهم هنا؟
حريث(بصوت عالي) :حااتم
حاتم(بزعيق) :يخربيت أمك انت لسة عايش؟؟
{وضربه وطلع يجري هو ومهره لحد ما رجعوا المركب..كان القبطان قاعد هو والمساعد}
القبطان:اية مالكم في اية؟
{دخل حاتم ومهره جوا ومحدش رد عليه، فااستغرب}
القبطان:طب ماتفهموني طيب!!
{وعند حريث كان بيجري بيدور عليهم ولما فقد الأمل مشى!}
=============يوم خطوبة علا===========
{كانت بيري بتجهز قصاد المرايا، دخلت فاتن}
فاتن:ماشاء الله عليكي زي القمر، تقوليش انتي العروسة مش علا؟
بيري(بنظرة غريبة) :ملبستيش ليه يا ماما؟...انتي ناوية تأخرينا ولا اية؟
فاتن:بفكر مروحش
بيري:لية؟
فاتن:مش عارفة بس مليش مزاج أحضر مناسبات، انا هقعد هنا أشوف اللي ورايا..وروحي انتي وفيروز
بيري:لا انا مش هاخد فيروز، هروح لواحدي
فاتن:لية ماتاخدي البنت معاكي تغير جو!
بيري:تغير جو اية ياماما هي رحلة؟...ده هي نص ساعة وراجعة تاني...مش هطول
فيروز:بس انا عايزة أجي معاكي يا ماما!
بيري:لا ياحبيبتي خليكي، وانا هبقي أعوضك وأجيبلك حاجة كان نفسك فيها اوي من زمان!
فيروز:بجد؟...امتي طيب؟
بيري:قريب اوي، يلا انا نازلة...باي
فاتن:خدي بالك من نفسك
{نزلت بيري وركبت العربية واتجهت للقاعة..وأول ما دخلت لقيت غادة ونبيل و ملك بنت أخوه}
غادة(بتحضنها) :عاملة ايه؟
بيري:الحمدلله..ازيك يا نبيل؟
نبيل:بخير انتي عاملة اية؟
بيري:تمام...ازيك يا ملك؟
ملك:كويسة
بيري:العروسة مجاتش ولا اية؟
غادة :زمانها جاية، تعالي نقعد
{وراحوا قعدوا...وشوية كان العريس والعروسة وصلوا، و المعازيم واقفين يستقبلوهم ويرموا عليهم ورد...وبعد ما وصلوا الكوشة...قامت بيري وغادة ونبيل و ملك يسلموا عليهم...وكانت الخطوبة ابتدت والأغاني اشتغلت...استأذنت بيري انها تدخل الحمام، وراحت ورجعت تاني قعدت علي الترابيزة..كانت قاعدة وحاطة رجل على رجل...ومطلعة السيجارة تشربها بلامبالاة..جات غادة فجأه وشدتها منها}
غادة(مصدومة) :اية اللي انتي بتعمليه ده يا بيري؟...بتشربي سجاير؟؟
بيري:أه بشرب...ومشربش ليه؟...مش أحسن ما انفجر من الهم اللي جوايا وأموت؟
غادة(بإستغراب) :وهو اية اللي حصل؟...يابنتي احنا في فرح يعني رقص وأغاني ودنيا حلوه..مالك بقى؟
بيري:خلاص لو مدايقاكي، هخرج أشربها برا
{قامت بيري وخدت شنطتها ولسه هتخرج..شدتها غادة وهي بتحاول تفهم أختها مالها!}
غادة:ممكن تفهميني مالك؟
{خرجت بيري برا ووراها غادة، وكانت كل ما الكاميرا تيجي عليها تبتسم، وأول ما تبعد..ترجع لطبيعتها تاني}
بيري:انسانة وقحه، مشوفتش بالقذارة دي في حياتي
غادة(بزعيق) :انتي عبيطة؟...انتي بتشتميني؟؟
بيري:أكيد مش بتكلم عليكي انتي طبعاً...انا بتكلم على الزبالة اللي جوا!!
غادة:انتي بتتكلمي على مين بالظبط؟
بيري:هو في غيرها..الأستاذة علا...اقصد مدام علا
غادة:انتي بتتكلمي عن علا خطيبة عادل؟؟
{سكتت بيري ومتكلمتش}
غادة(بزعيق) :انتي تعرفيها منين، واية مدام علا دي؟
بيري(بعصبية) :الهانم صاحبتي، شوفي سبحان الله
غادة:هى دي علا صاحبتك؟...انا معرفش ان دي علا اللي عالطول بتتكلمي عليها...بيري انا مش هعيد وأزيد بجد شكلنا بقى وحش اوي قصاد الناس...ياتتكلمي وتقولي في اية يااما هدخل جوا!!!
بيري:علاء الكلب...كان بيخوني معاها ومعايا الاثباتات كلها فيديو و صور، لو حابة تتأكدي معنديش أي مشكلة!!!
{تنحت غادة بعد الكلام اللي سمعته من بيري}
غادة:مش طبيعية...فعلا مش طبيعية!!
{راحت بيري مطلعه فيديو من الفيديوهات ووريتهملها، فجأة زادت ضربات قلب غادة من صدمتها في العروسة، وسكتت مقدرتش تتكلم!!}
بيري:يبقى مين فينا اللي مش طبيعي؟
===============================
{في بيت رامز ودينا الجديد..كانوا قاعدين سوا هما الأربعة}
دينا:بدل مااحنا قاعدين كدة وحاطين ايدينا على خدنا، قوموا نروح نزور حاتم ومهره!
رامز:انا لا أعلم أين يسكنون!
دينا:انت مش قولت انك روحت المخبز اللي شغالين فيه؟
رامز:نعم
دينا:خلاص، نروح هناك ونسأل..اللي يسأل ميتوهش
نانيس:ياريت، مهره وحشتني اوي اوي اوي
منذر:بداخلي احساس يدفعني لرؤية مهره..منذ أول يوم رأيتها فيه وانا مشدود إليها..وإلى عيناها الجميلتان، وشفاها الوردية..و.....
نانيس(بتقاطعه) :ما خلاص انت هتضربلنا بيها المثل؟..هي دي منظر؟..انت أكدتلي انك مبتفهمش أي حاجة!
منذر:تركنا لكي الفهم كلة يانانيس..وهل حاتم الذي تدورين حوله، وتحكي للجميع عن عضلاته المفتولة...وملامحة الجذابة...أهو بمنظر؟...إنه يشبه الوزغ وبالأخص ذيله!!
نانيس(بصوت حاد) :لا انا مسمحلكش تتريق على حتومه حبيب قلبي...خليك انت في مهره بس، وملكش دعوه بـ حاتم!
رامز(بصوت حاد) :اسمعوا جيداً...لا أريد من أحداً منكم أن تظهر مشاعره للطرف الآخر،اجعل ثقلك كـ ثقل الجبال..لا أحد يتكلم ويبوح بشئ، وقبل أن نذهب هناك يجب ان تلتزموا التزام شديد بهذة القوانين!
نانيس:شوفي جوزك...ده هيعملنا قوانين كمان!
دينا:بس يانانيس!...ماشي يا رامز متقلقش وإن كان على نانيس فا هي تقيلة، مش خفيفة زي مانت بتقول، احنا بناتنا غاليين مش رخاص!!
رامز:اتفقنا
{قام رامز وبقيت العيلة...وراحوا يسألوا على حاتم ومهره في المخبز}
رامز:Καλησπέρα (مساء الخير)
============================
{فـي بـيـت نويري، بعد كام يوم كان علاء اتحسن...وكانوا قاعدين في جنينة الفيلا}
نويري:انا بقترح عليك تبدأ بقى وتعمل زي ماقولتلك!
علاء:اعمل اية في اية؟
نويري:المشروع، وانا هدخل معاك بالنص..شوف انت هتدفع كام وانا هدفع زيك
علاء:انا بفكر أفتح شركة
نويري:لا سيبك من جو الشركات ده...احنا عايزين حاجة تكسبنا دهب وتجيب من الآخر!
علاء:زي اية؟
نويري:زي يا سيدي، نشتريلنا أسلحة ونتاجر في السلاح...ده في ناس كتير حياتها اتغيرت من ورا الموضوع ده
علاء:وانت ايه ضمنك اننا مش هنتأذي من ورا تجارة السلاح؟
نويري:اللي قدامك ده مدرسش ادارة أعمال على الفاضي...انا قبل مااتكلم...بكون مخطط كويس...هنجيب أسلحة ونبيعها في غرب ليبيا
علاء:اشمعنا ليبيا يعني؟
نويري:بعيد وفي المضمون، وبعدين هو احنا هنروح في أي حته؟...ده احنا هنروح الجبل في الصحرا..بعيد اوي يعني!...انا بعمل كل ده عشان خاطرك، اصل انت اللي زيك مبقاش ينفع يظهر في الشارع من تاني!
علاء:وكله بفضلك ماانت اللي وصلتني لـ كده!!
نويري:ليه هو انا اللي كنت عملت مشاكل بينك وبين مراتك؟
علاء:لا انت اللي مدتنيش فرصة أطلع بمحامي، وخرجتني زي اللي ساحب بهيمة وماشي بيها في السوق!!
نويري:خلاص ياعلاء اديني فرصة أصلح غلطتي، لو هتفضل تلوم فيا كتير..انا عندي استعداد أرجعك السجن، وهبقى ابعتلك محامي..ويا تخرج، يا متخرجش بقى!
علاء:سجن اية اللي أرجعله؟؟...ده انا اتنازلك عن كل فلوسي ولا إني ارجع!!...قال سجن قال!
نويري:المهم يا علاء، احنا محتاجين شوية أوراق مهمة ليا وليك، وهقولك هنعمل بيهم اية بعدين!
=============================
{في حفلة الخطوبة، كانت غادة متوتره جداً ومش عارفة تعمل ايه!..لحد مانبيل جوزها لاحظ، وشدها بعيد يسألها}
نبيل:مالك يا غادة؟
غادة:جالي هبوط فجأة...مش عارفة لية!!
نبيل:طب اروح أجيبلك علاج من الصيدلية؟
غادة:لالا انا هروح أقعد على الكرسي وهبقى كويسة
نبيل:اسمعي الكلام بس!...يااما هاخدك ونروح المستشفى!
غادة:لا مستشفى اية وشبكة أخوك؟...انا بقول خليك معاه، وانا هرتاح هناك على الكرسي ..ولما الخطوبة تخلص نبقى نعدي على أي صيدلية!
نبيل:ماشي يا غادة على راحتك!
{مشى نبيل...وغادة قعدت على الكرسي ودماغها هتنفجر من كتر التفكير}
غادة(بصوتها الداخلي) :انا مش صعبان عليا قد عادل اللي هيتصدم في حقيقة علا...انا في نارين...مابين إني أستر عليها بس هيتدبس فيها طول عمره...او إني افضح حد واطلع سره!...اه كلنا بنغلط، بس متوصلش للدرجادي...غلط عن غلط يفرق!!..حتى نبيل مش عارفة اقوله اية..ولو عرف هيتقبل حاجة زي دي؟...ولا هتحصل مشكلة ما بينا!!..انا من رأي اسكت ومتكلمش، انا معرفش حاجة...ايوه انا معرفش حاجة!
{وفي كوشة العريس، كانت الناس بتباركله}
_الف مبروك يا عادل، شكلها بنت حلال...واهو أخيراً ربنا عوض عليك!
عادل:الله يبارك فيكي ياطنط، الحمدلله انه بعتلي هدية كبيرة زي علا
_ربنا يخليكم لبعض ويتمم على خير
عادل:يارب
=مبروك يا عادل، مبروك يا علا
عادل و علا:الله يبارك فيك
==============================
{عند غسان و كمال في الطيارة..كانوا متوجهين لليونان بعد ما عرفوا مكان زهرة}
كمال(بعصبيه) :انا ازاي سمعت كلامك!!...ازاي!!
غسان:وطي صوتك، هديك بالقلم يا كمال!!
كمال(مصدوم) :ماهو ده اللي ناقص..مانا خلاص بقيت ملطشة ليك
غسان:ايه يا حلو...حبيتها بجد ولا اية؟...ولا يمكن التمثيلية عجبتك؟
كمال:لا ارتاح ولا حبيتها ولا حاجة..انا بس ضميري بيأنبني، انا مبحبش امشي في سكة الشر ولا ليا فيها!
غسان:استحمل عشاني...صاحبك بيتغدر بيه من أقرب الناس له...زهرة ضربتني على قفايا كف لا قبله ولا بعده...بس مش غسان اللي يتعمل فيه كده ويسكت، انا هدفعها تمن القلم ده غالي!
كمال:ماشي يا غسان، انا مش هراجعك في حاجة
غسان:كده أحبك
المضيفة:The Dinner (العشاء)
كمال:Thank you
{وحطت قدامهم الأكل}
==============================
{في بيت فاتن لقيت بيري رجعت}
فاتن:كان يوم حلو؟
بيري(بتقعد) :مش عارفة
فاتن:مالك؟...حد دايقك هناك ولا اية؟
بيري:محدش يقدر
فاتن:امال في اية؟
بيري:ماما لو سمحتي انا مش عايزة اتكلم في أي حاجة دلوقتي
فاتن:براحتك انا مبتحايلش على حد
{وقامت دخلت المطبخ، رن موبايل بيري فا ردت}
بيري:جيبتلي ايميلاتها كلها؟
مجهول:لسة...انا دلوقتي مش فاضي..لما أفضى هظبطهملك
بيري:امال انت بتتصل ليه لما انت مش فاضي؟
مجهول:علاء هيتاجر في السلاح بفلوس البيوتي سنتر اللي سرقه منك، حبيت أبلغك يمكن تقدري تتصرفي!
بيري:وانت عرفت الكلام ده منين؟؟
مجهول:ملكيش فيه، احنا هندخل على شغل بعض ولا اية؟
بيري:شكراً
مجهول:العفو
بيري:لو في جديد بلغني وانا مش هتأخر عليك!
مجهول:عيوني
==============================
{عند حاتم ومهره..لقوا رامز و دينا ونانيس و منذر جايين..ولما مهره شافتهم اتعصبت وبصيت لـ حاتم}
حاتم:انتي بتبصيلي كده لية انا مقولتلهمش حاجة!!
رامز(بيحضنه) :أفتقدك كثيراً يا حاتم
حاتم:انت عرفت المكان هنا ازاي؟
دينا:اللي يسأل ميتوهش يا حاتم..ازيك يا مهره؟
{وقربت تحضن مهره}
نانيس:ازيك يا حاتم أخبارك اية؟
{سكت حاتم ومردش عليها}
نانيس:ازيك يا مهره؟
منذر:لم نراكم منذ زمن طويل، أخيراً رأيناكم؟
حاتم:اقعدوا
القبطان:مين دول يا حاتم؟
حاتم:دول ناس اتعرفنا عليهم في جزر القمر
القبطان:اهلاً بيكم نورتونا
كلهم:بنورك
رامز:كيف حالك يا رجل؟..هل استقريتم هنا؟
حاتم:لا دي فترة مؤقته لحد ما نلاقي بيت
نانيس:وحشتني اوي يا حاتم
حاتم(بيكمل كلامه) :وبعدها نرجع مصر انا ومهره عشان نتجوز
كلهم:تتجوزوا؟؟