رواية لأنها توسل
الفصل الثالث عشر 13
بقلم سوسو تويكس
طول الطريق كان سايق بي صمت الطريق كان طويل شويه وقفنا قدام فيله كبيرة قدامها جنينه رهيبه دخلتا وراهو وانا ما مطمنه ابدا كانت خورافيه مفروشه حرجلي بي ابيض سراميكها انضف مني ومنكم😂 كنت ح اكمل انبراش في الفيله لو ما امو ومعاها بت كده شابه واخوهو داك الكان جا وقت العقد، هرشت الشغلات البنضفو عشان يخشو المطبخ، يلا بدا الاستجواب امو انفعلت وهي بتقول:يعني انا اختار ليك بنات راقيات مغتربات والأهم من مستوانا في الاخر تجي تتزوج شغاله عندنا في الشركة،، غيث:يا أمي ما.. ،،قاطعتو بي صراخ :ما تقاطعني، عايز تغلط نفس الغلط نفس الاسم والصنف عشان تسرقنا وتفضحنا تاني صاح؟،، دموعي بنزل بي حرقه وانا سامعه كلامها وقت شافتني ببكي قالت لي:انا بعرف دموع التماسيح دي طمعانه في القروش زي القبلك صاح؟،، انهرتا وعايزة اطلع بس غيث مسكني من يدي عايزة اتفك منو ضغط عليها وهو بقول:اسف يا أمي ما بسمحليك تهينيها اكتر من كده اذا ما متقبلاها انا ومرتي بنطلع نشوف اي مكان،، طبعا قلعت عيونا وخافت لانو غيث كان جادي وقت قال كده اتكلمت بي غضب وهي بتحمر لي:اقعدو هنا لكن ما تتوقع مني اعاملها كويس،، ومشت، ساقني من يدي وسط نظرات اخوه والبت ديك ركبتا وراهو السلالم لحدي ما وقفنا قدام جناح فيهو لوحه تحكم ادخل رمز كده بعداك الباب فتح عرفتا ده جناحو، نفضتا منو يدي بي زعل وانا بمسح دموعي،، قال لي:اسف على كل كلمه قالتها امي هي زوله صعب.. قاطعتو وانا بقول بسخريه:بتعتذر لي؟ مش ده الكلام الكنت بتقولو، بس شكرا ليك بقى عندي دافع قوي انو الم القروش واتطلق بأسرع وقت،، شفتو انزعج من كلامي قال لي:انتي ارتاحي هنا امس كنتي محمومه وانا ماش الشركة،، توسل: ما قاعده نسيت انو عندي دين اكفي ولا شنو،، ما ناقشني طلعتا معاهو مشينا للشقه اتجهزتا عايزة اطلع قالي :انتظري استحمي اتجهز ونمشي سوا،، استغربت لانو الفترة ديك كلها بمشي بالموصلات ما ناقشتو بعد ما دخل الحمام شلتا اكياس الهدايه الجابهم لي أحمد طلعتا على السوق، بما انو هديتو كانت طقم دهب كامل من سلسل واسورة وحلق مشيت الصايغ وبعتهم جابو قروش كويسه بتكفي الدين وبفضل، قربتا ابكي من الفرح مشيت الشركة وطوالي على مكتب غيث لقيتو مشغول بي أوراق، ختيت ليهو زمة القروش قدامو،، توسل: ده المبلغ كامل ولو ما واثق عدهم وطلقني...