رواية ابي بواب وامك خدامه الفصل الخامس والعشرون25والسادس والعشرون26بقلم رانيا عماره
{قرب غسان من حاتم، والشر على وشه}
غسان(بصوت حاد) :باعتينك عشان تراقبني مش كده؟
حاتم(بصوت حاد) :غسان قصادي مرة واحدة؟...انا مش مصدق نفسي!! ، ده انت قصرت عليا مشوار طويل كنت همشيه عشان بس ألاقيك!
غسان(بصوت حاد) :زهرة فين؟؟
حاتم:زهرة مين؟
غسان(بزعيق) :انت هتستعبط ياروح أمك؟...انت عارف مكان زهرة كويس أوي!!!
حاتم(بإستغراب) :ياروح أمك؟....لأ حلوه دي
{ورمى كل اللي في ايديه وضرب غسان بالبوكس في وشه، صرخ غسان..ولسة هيرد القلم لـ حاتم...نط حاتم فوق منه وقلبه في الأرض ونزل ضرب فيه بـ ايده و رجله!!...قام غسان وهو بينزل دم من بؤه وضرب حاتم وقعه على الأرض...قام حاتم وضرب غسان، ولما غسان حس ان مفيش سلاح يدافع بيه عن نفسه، طلع يجري وحاتم بيطارده عشان يمسكه، لحد ما غسان اختفى من قصاد حاتم...رجع حاتم مكانه وخد موبايلة وكيس العلاج من على الأرض، ورجع المركب عند القبطان}
القبطان:مالك يا حاتم، رجليك مالها؟
حاتم:وقعت وانا ماشي
{قام القبطان وسند حاتم يقعد}
القبطان:ادخل هاتله كمادات ماية دافيه من جوا
{دخل مساعد القبطان يجيبله الكمادات}
القبطان:اتعورت في رجليك؟
حاتم:لالا محصلش حاجة...انا تمام
{وقام تاني عشان يدخل لـ مهرة}
القبطان(بصوت عالي) :رايح فين، استني لما نعملك الكمادات الأول طيب!
حاتم:هاتهالي جوا
{دخل حاتم وخبط على الباب}
حاتم:افتحي يا مهرة
{قامت مهرة وفتحت، خدت منه العلاج وقعدت}
حاتم(بيقعد) :جيبتلك العلاج كله
مهرة:شكراً يا حبيبي، تسلملي متحرمش منك ابداً
{وبعد ما مهرة خدت العلاج، بصيت لقيت حاتم قاعد تعبان كأن حصله حاجة!}
مهرة(بإستغراب) :مالك يا حاتم، حصلك اية؟
حاتم(بتردد) :الكلب غسان
مهرة:ماله؟؟؟
حاتم:لقيته وعجنته، بس هرب مني..بس وحياه أمه ما هسيبه غير وانا مَسلمه للحكومة!
مهرة(مصدومه) :يانهار اسود وهو عرف مكانك ازاي؟
حاتم:مش عارف
مهرة(بخوف) :بقولك اية يا حاتم..احنا نرجع مصر أحسنلنا ونفضها سيره...انا مش هستنى لما يجرالك حاجة بسببه!
حاتم:وانتي فكرك اننا لو طلعناه من دماغنا، هيسيبنا في حالنا؟...الواد ده هيفضل ورانا مش هيسيبنا إلا لما انا اللي أخلص عليه!!
مهرة(بخوف) :واحنا عملنا اية لكل ده؟؟...ده واحد لا عمرنا اتعاملنا معاه ولا هو اتعامل معانا، ذنبنا اية بس من ورا ده كله!!!
حاتم:ذنبنا اننا غلابة والدنيا بتخبط فينا يمين وشمال...بس مش حاتم اللي يستسلم!!...غسان ده نهايته هتكون على أيدي!!
مهرة(بصويت) :يانهار اسود لا تكون ناوي على قتل!!...انت عايز تودي نفسك في مصيبة؟؟
حاتم:ومين قالك يا مهرة إني هقتل؟...انا كل اللي هعمله هحطه في شِوال وهسلمه للحكومة!!!
مهرة(بخوف) :كان مالنا ومال كل ده بس يارب!!
حاتم:متخافيش يا مهرة، هتعدي بـ ستر ربنا
{الباب خبط وقام حاتم يفتح لقاه مساعد القبطان وفي ايده طبق فيه ماية دافيه وقماشة، خده منه}
حاتم:تسلملي
_أي خدمة
{قفل حاتم الباب، ورجع قعد، قامت مهرة وخدته منه}
مهرة:عنك يا حاتم...وريني رجليك مالها
حاتم:لا يا مهرة اقعدي ارتاحي
مهرة:ارتاح ازاي بس وانت تعبان؟
{مشيت مهرة ايديها على رجل حاتم، تشوف الجزء اللي بيإلمه}
مهرة:هنا؟
حاتم(بألم) :لالا هنا
مهرة:سلامتك ألف سلامة
{رفعت مهرة رجل البنطلون، وحطيت الكمادات على الجزء المصاب..راح حاتم شاددها وقومها، وخدها وقعدوا على السرير}
حاتم:ده مكنش اتفاقنا يا مهرة، عرفتي انا لية مكنتش عايزك تيجي معايا؟
مهرة:متخافش، مفيش حاجه هتحصل بإذن الله، المهم اطمن عليك بس!
حاتم:طب قوليلي خدتي علاجك كله؟
مهرة:اه الحمدلله، شكلك مكنتش واخد بالك!
حاتم:اعذريني من اللي فيا يا مهرة!...المهم يلا عشان ناكل
مهرة(بإبتسامه) :يلا
{وقرب الأكل منها وابتدوا ياكلوا}
==============================
{عند بيري في مكتبها في المطعم..لقيت الظابط جاي من بعيد لحد ما دخل وقرب ناحيتها وهو بيبص حواليه في كل مكان في المطعم..لحد ما قامت وهي مترقبه أي مشكلة ممكن تحصل}
بيري:حضرتك مين؟
الظابط:انا المقدم بلال محمد شوقي
بيري:اهلاً بحضرتك
الظابط:انتي صاحبة المطعم؟
بيري:اه انا
الظابط:بطاقتك
بيري:لية في حاجة ولا اية؟
الظابط:في أمر من النيابة بمعاينة المطعم
{خرجت بيري بطاقتها وادتهاله، بص الظابط فيها وهو مركز أوي، وبعدين رجع بص لها}
الظابط:انا عايز ورق المطعم ده
بيري(بتردد) :أكيد، ثواني
{وخرجت الورق من درج المكتب، وبعد ما بص فيه}
الظابط:تمام، هنحتاجك بكرا في النيابة العامة الساعة ١٠ الصبح، في قسم شرطة مدينة نصر ثانى
بيري(بخوف) :لية في حاجة في ولا اية؟...انا ماشية قانوني والورق تمام مفيهوش حاجة!
الظابط:في بلاغ بالنصب والاحتيال مقدم من شريكتك الأستاذة علا مجدي محمد، ضدك
بيري:امممم أكيد في سوء تفاهم
الظابط:والله ده بقى اللى هنشوفه بكرا، مستنينك
{مشى الظابط، وبيري قعدت علي المكتب وهي مش عارفة هتتصرف ازاي!}
بيري(بـ شر) :مش انتي نفذتي اللي في دماغك؟...انا كمان هنفذ اللي في دماغي
{وطلعت موبايلها ودورت على رقم عادل خطيب علا...وبعتتله كل الفيديوهات والصور مع رسالة (الحق نفسك قبل ماتلبس في بني آدمة رخيصة زي دي)}
==============================
{عند عادل كان قاعد مع نبيل في الشغل وبيتكلموا}
نبيل:طب وانت هتسيبها فين لما تتجوز؟
عادل:اية ياعم الكلام ده؟...انا عمري ما اسيبها!...هتعيش معايا طبعاً!
نبيل:و علا موافقة على حاجة زي دي؟
عادل:توافق، متوافقش لية؟...وبعدين هي هتخسرها اية؟... ولا أي حاجة...هنجيب خدامة وكده كده انا اللي بصرف و....
{بيكمل كلامه سمع صوت مسدج}
عادل:هي مش هتشيل مسئوليتها في حاجة ولا حتى هتتعبها في تربيتها!!
{وفتح الموبايل يشوف اية اللي اتبعت}
نبيل:بس انا من رأي سيب ملك تعيش معايا انا و غادة...غادة علفكرا بتحبها جداً وهتفرح بيها!
{تنح عادل بعد ما شاف الفيديوهات، واتصدم صدمة عمره لما شاف علا مع علاء!!}
عادل(بزعيق) :ازاااي!!!!....ازااااي!!!
نبيل(بإستغراب) :في اية يا عادل مالك بس؟؟
عادل(بزعيق) :مُغفل وغبي!!!...انا لبست!!....ازاي مخدتش بالي ولا حسيت بحاجة الفتره اللي فاتت دي كلها؟؟؟
نبيل(بإستغراب) :انت بتتكلم عن اية، انا مش فاهم حاجة!!
{وشد منه الموبايل، وبعد ما شاف الفيديوهات هو كمان تنح واتصدم ووشه جاب ألوان!...قام عادل وهو متعصب وخرج برا }
نبيل:استني يا عادل، رايح فين؟؟...عادل!!!
{قام نبيل وخد حاجته ومشى وراه...ركب عادل عربيته ومشي بأقصى سرعة، ووراه نبيل بـ عربيته...وبعد ما وصل عند بيت علا، طلع وهو متعصب، ونبيل بيجري وراه يندهه}
نبيل(بصوت عالي) :عادل...مالوش لازمة انك تطلع فوق والموضوع يكبر أكتر من كده!!...احنا نقدر ننهي الموضوع من برا برا...يا عادل اسمعني طيب!
{ولكن عادل مسمعش كلامه وطلع فوق عند شقة علا، وخبط عليها...لحد ما فتحت وهي بلبس الخروج...راح عادل شادد الموبايل بكل غل من ايد نبيل وفتحلها الفيديو وهو الدم بيغلي في عروقه!!}
عادل(بزعيق) :اية ده؟؟؟...انا عايز اعرف اية ده؟؟؟
{ارتبكت علا ارتباك شديد، وبقيت تترعش لما شافت الفيديوهات...ومقدرتش تنطق بنص كلمة}
عادل(بزعيق) :انا عمري ما تخيلت ولا جه على بالي صدفة انك واطية وزبالة أوي كدة...ضحكتي عليا لية طيب؟؟ انا كنت استاهل منك الكدب والخداع؟؟...شوفتي مني اية عشان تبتدي حياتك معايا بصفحة سوده؟...لية مصارحتنيش وقولتيلي الحقيقة؟....دي غلطتي ان انا مسألتش عليكي، واهي النتيجة...واحدة زبالة من زبالة الشوارع راسمة عليا دور بنت الناس!!....انا مش عايز أشوفك ولا اعرفك تاني، اياكي تيجي قصادي صدفة ساعتها همسحك من على وش الأرض!!
{ونزل وهو متعصب، ووراه نبيل...قفلت علا الباب وابتدت تعيط عياط هيستيري!...كانت بتلف في الشقة كلها من صدمتها بعد ما بيري فضحت سرها..ووقتها كان لازم علا تاخد حقها صح!}
===============================
{عند غسان غير خط سيره وسافر ليبيا بعد ما اتأكد ان زهرة مش موجودة هناك..جات مكالمة لـ حاتم من الظابط وهو في الأوضة..وفي الوقت ده كانت مهرة نايمة}
الظابط:حاتم...اعمل في حسابك ان غسان دلوقتي في طريقه لـ ليبيا، استعد يا بطل للمهمة..ونصيحتي ليك بلاش تمرمط مراتك معاك، وخليها ترجع بيت أهلها، عشان المهمة كل مادا بتصعب عن الأول
حاتم(بتردد) :امممم هو حضرتك عرفت منين ان مهرة معايا؟
الظابط:زهرة صاحبتها اللي قالتلي...ويلا خلص عايزك في خلال ٤٨ ساعة تكون في ليبيا، اتفقنا؟
حاتم:اوامرك يا باشا، اللي تشوفه
{قفل حاتم الخط مع الظابط، وبص لـ مهرة وهي نايمة وهو متردد يقولها ولالا...لحد ما حط ايده على كتفها يصحيها}
حاتم(بصوت واطي) :مهرة...مهرة....اصحي عايز أقولك حاجة مهمة!
{صحيت مهرة وفتحت عينيها}
مهرة:اية يا حاتم في اية؟
حاتم(بتردد) :انتي لازم ترجعي مصر بكرا!
{قامت مهرة وقعدت، وهي مستغربه كلام حاتم}
مهرة:ارجع مصر لية؟؟...هو احنا لحقنا نقعد هنا؟
حاتم:اسمعي اللي بقولك عليه...هترجعي مصر بكرا...الظابط لسة مكلمني...وقالي ان غسان سافر ليبيا وهناك المهمة هتكون أصعب من هنا بكتير!
مهرة:واية المشكلة؟...هاجي معاك برضة!
حاتم(بعصبية) :مهرة!!!...اللي انتي بتعمليه ده مينفعش!!!...انا مش عايز أرد عليكي ردود تزعلك، اسمعي كلامي وكفاية مقاوحة...بقولك المهمة هناك أصعب من هنا بكتير!!!
مهرة(منفعله) :حاتم ماتخليك صريح معايا وقولي في اية انت مش عايزني اعرفه؟
حاتم(بعصبية) :برضة مصممة ان في حاجة انا مداريها عليكي؟... و لية متقوليش إني خايف عليكي ومش عايزك تتعرضي للخطر؟؟
مهرة(بدموع) :وانا مش هسيبك لواحدك مهما يحصل وقولتهالك وهفضل أقولهالك!!!
حاتم(بعصبية) :متخرجنيش عن شعوري يا مهرة...واسمعي كلامي بقولك...ولا انتي مبتحترميش كلامي؟
مهرة(بدموع) :بحترمه
حاتم:يبقى خلاص، اسمعي الكلام، فاهمه!
{سكتت مهرة ومردتش عليه والدموع في عينيها}
===============================
{تاني يوم عند بيري بعد ما راحت القسم ودخلت للظابط واللي عرفته ان علا عاملالها محضر وإن الموضوع متحلش هيوصل لـ قضية...خرجت بيري من القسم وهي النار في قلبها من علا...وركبت عربيتها ورجعت البيت...وعند غسان كان وصل ليبيا، ونويري بيحضنه وعلاء واقف بعيد بيبصله بـ كره}
نويري:نورت ليبيا من جديد يا غسان، كل ده يا أخي عشان نشوفك من تاني؟
غسان:انا عرفت ان بيري عايشة مماتتش
علاء:طب جدع...باعتينك تخلص عليها، وفي الآخر تطلع حية ترزق!!..وقاعدين تقولوا غسان الجامد...غسان اللي لا قبله ولا بعده..ونازلين نفخ فيك وفي الآخر تطلع نص كم
{قرب غسان ومسك في رقبة علاء وهو متعصب}
غسان(بزعيق) :ماتلم نفسك بدل مانا اللي ألمك!!...ماتورينا شطارتك انت يا جامد، ده انت لا بتهش ولا بتنش، ده انا حتى مسميك علاء الـ*** اهو اسم على مسمي، ولا اية رأيك يا نويري؟
{وبعد ما علاء سمع اللفظ السئ اللي قاله غسان عليه،مسك في غسان..راح غسان ضاربه، وابتدا صوتهم يعلى..ومسكوا في بعض..ونويري في النص بيسلك ما بينهم}
علاء(بزعيق) :اخرس يا كلب يا زبالة الشوارع، ده انت دمرت أمك ومرات أبوك، وطلعت سلسفيل أختك، ناقص اية تاني لسة معملتوش؟..ده حتى أبوك مات بسببك، يبقي هيكون فيك خير لينا احنا يا شوية أغراب؟
غسان(بزعيق) :اللي بيني وبين ابويا وأمي متدخلش فيه، ياعلاء يا نصاب يالي سرقت المحل من مراتك، وخونتها مع صاحبتها...ده الفيديوهات بتاعتك منوره الدنيا على الانترنت
{اتغيرت ملامح علاء لصدمة}
علاء(بإستعباط) :فيديوهات اية دي؟
نويري(بزعيق) :خلاص بقى...انت يعني كنت مستني غسان يرجع عشان تتخانقوا؟؟؟
غسان:انت هتستعبط وهتعملي فيها مش عارف؟...طلع تليفونك ياحلو واكتب علاء الدين محمد جمال الدين..وشوف اية اللي هيطلعلك، ده انت فضيحتك بقيت بجلاجل
{راح علاء مطلع الموبايل وكتب اسمه، طلعله فيديوهات من مواقع كتير...كان علاء مصدوم وهو شايف كل ده قصاد عينيه}
علاء(مصدوم) :يانهار اسود ومنيل، الفيديوهات دي نزلت ازاي؟؟؟
غسان:انا عارف بقى..شوف مين بيحبك وقال يخدمك
{حدف علاء موبايله على الأرض، ومسك في غسان}
علاء(بزعيق قوي) :انت اللي عملت كده؟؟؟....جيبت الفيديوهات دي من مين؟؟؟
{زق غسان ايد علاء بعيد عنه}
غسان(بصوت حاد) :لا ياحبيبي مش أنا...عارف مين اللي عملت كده؟...بيري طليقتك
علاء(بإستغراب) :طليقتي؟؟
غسان:اه طليقتك مانت لو راجل بحق وحقيقي وكنت قاعد في بلدك وسط أهلك كنت عرفت انها خلعتك من كام شهر..لكن عشان انت جبان هتعرف منين؟
علاء(بزعيق) :يابيري يا ****.... يابيري يابنت الكلب
{وابتدا يرزع ايده في الحيطة من كتر الغل}
علاء(بزعيق) :انا راجعلك مصر، وهوريكي علاء اللي انتي مستقليه بيه ده هيعمل اية!!
{وطلع يجري ونويري وراه}
نويري(بزعيق) :يخربيتك انت رايح فين!!...مينفعش تنزل مصر دلوقتي، هتتاخد ولا انت نسيت؟؟
{قعد غسان على الكرسي وهو حاطط رجل على رجل ومبتسم}
==============================
{عند حاتم و مهرة...كان واقف معاها هو والقبطان والمساعد مستنينها تركب المركب وترجع مصر}
مهرة(بدموع) :اوعدني انك تاخد بالك من نفسك يا حاتم وترجعلي سليم!
حاتم(متأثر) :أوعدك يا مهرة...انتي كمان اوعديني انك تاخدي بالك من نفسك ومن ابننا!
مهرة(بدموع) :أوعدك
{قرب حاتم وحضن مهرة حضن عميق وكانت مهرة بتعيط ومش عايزه تبعد عن حاتم وتسافر!}
حاتم:عشان خاطري متعيطيش يا مهرة...انا كدة كدة راجعلك تاني!
مهرة(بعياط) :خايفة عليك أوي...خايفة مشوفكش تاني!
حاتم:وانا وعدتك ان انا هرجعلك سليم، يبقي متخافيش من حاجة!...وصدقيني هكلمك كل يوم كأني معاكي بالظبط!
مهرة(بعياط) :عشان خاطري خلي بالك من نفسك، وطمني عليك كل شوية!
حاتم:حاضر متخافيش
{بعدت مهرة عن حاتم، كانت بتبصله بكل حزن لحد ما دخلت المركب، والمركب اتحرك ومشى..فضل حاتم والقبطان والمساعد واقفين لحد ما المركب اختفى}
القبطان:يلا بينا يا حاتم
حاتم:توكلنا على الله يا قبطان
{ركب حاتم المركب مع القبطان، واتحركوا متجهين لـ ليبيا}
===============================
{عند غادة كانت قاعدة على الأنتريه..لحد ما رجع جوزها من برا ووشه متغير..قامت غادة }
غادة(متعصبه) :يوم كامل برا البيت يا نبيل؟...لأ واللي يدايق اتصل بيك مش بترد!...انت كنت فين واتأخرت لية كل ده؟؟
نبيل(بحزن) :عايزة تعرفي كنت فين؟
غادة:أه
نبيل:كنت مع عادل طول اليوم ولسة راجع من عنده دلوقتي....عادل حالته صعبه أوي بعد ما عرف خيانة علا له!!
{زادت نبضات قلب غادة، واتوترت لما عرفت}
غادة:امممم...خيانتها له ازاي يعني؟
{قعد نبيل على الكنبة، وهموم الدنيا كلها فوق كتفه}
نبيل(بتردد) :مش عارف اقول اية...ماهي حاجة زي دي متتقالش!!
{قعدت غادة جنب منه، وهي خايفه يعرف انها كانت عارفه ومقالتش حاجة!}
غادة:ممكن تتكلم وتفهمني اية اللي حصل بالظبط!
نبيل(بتردد) :علا على علاقة بـ علاء طليق بيري، وفي بينهم فيديوهات وصور مكنش حد يعرف عنهم حاجة..الغريب ان الفيديوهات دي وصلتله امبارح وهو عندي في الشغل، قام زي المجنون وراح بيتها وانا وراه...ولما رجع البيت كانت حالته سيئه بشكل مش طبيعي، فكان لازم أكون جنبه!!
غادة:يانهار ابيض...هي وصلت للدرجادي يا نبيل؟...خيانة؟؟
نبيل:انا بقول حتي لو مش خيانة، والفيديوهات دي قديمة، بس اهي في الاول والآخر تدينها...ومعتقدش ان في واحد هيستحمل يكمل مع واحدة وهو عارف ماضيها الحقير اللي بالشكل ده!
غادة:امممم طب وازاي عادل ملاحظش حاجة في فترة الخطوبة، ماهو برضة بيبان!
نبيل:كان مديلها الأمان، مجاش في باله حاجة زي دي
غادة:بجد حاجة صعبه اوي...انا كنت خارجة بس مستنياك ترد ولا حتى ترجع عشان أقولك!
نبيل:انا داخل ارتاح
غادة:معلش ربنا هيحلها من عنده!
نبيل:ان شاء الله
{قام نبيل ودخل الأوضة، وغادة لبست شنطتها والشوز ونزلت جري راحت بيت بيري}
===============================
{في شقة بيري...كانت قاعدة على السرير في أوضتها، لحد ما الباب خبط...قامت تفتح لقيتها غادة..دخلت غادة ورميت الشنطة على الكنبة وهي متعصبه}
غادة:انتي اللي بعتي الفيديوهات لـ عادل؟؟
بيري(بـ ثقة) :أه انا
غادة(بعصبية) :يا بجاحتك...انتي عارفة انتي عملتي اية؟؟...انتي ولعتي الدنيا حريق!
بيري(بزعيق) :ماهو انا حقي مش هسيبه...مش هيضربوني على قفايا وهقف أسقفلهم!!!
غادة(بعصبية) :تقومي تفضحيها؟؟...هي وصلت للفضايح يا بيري؟
بيري:هو انا للدرجادي مش فارقة معاكي وأهم حاجة عندك علا؟...هو مين فينا اللي أختك، انا ولا هي؟؟
غادة:انتي...بس اللي انا ملاحظاه انك من زمان أوي وانتي بتجري ورا مصلحتك وبتحبي نفسك وبتميزيها عن الكل، انتي انانية يا بيري...وأنانيتك دي مصيرها هتجيبك الأرض!
بيري:انتي جاية لية؟
غادة:كنت جاية اتأكد اذا كنتي انتي اللي عملتي كده ولالا...والحمدلله إني اتأكدت، لعلمك لو نبيل عرف ان انا كنت أعرف حاجة عن الموضوع ده...هتزعلي أوي
{وفتحت الباب وخرجت برا}
بيري(بصوت عالي) :انا مبتهددش يا غادة!!
==============================
{وبعد ساعات، في الميناء المصرية...كانت وجيدة و زهرة مستنين مهرة...وكانت زهرة لابسة نقاب عشان محدش يعرفها...ولما المركب وصلت، قربت وجيدة وزهرة منها لحد ما مهرة خرجت، حضنتها وجيدة من اشتياقها ليها}
وجيدة:وحشتيني يا مهرة، طمنيني عليكي عاملة ايه؟
مهرة:انا بخير، انتي عاملة ايه؟
وجيدة:بألف خير ياحبيبتي
زهرة(بتحضنها) :ازيك يا مهرة
مهرة:الحمدلله بخير
زهرة:حمدالله على السلامة
مهرة:الله يسلمك
وجيدة:يلا يا بنات
{وخدتهم ورجعوا البيت..دخلت مهرة وقعدت على الكنبة...وزهرة حطيت الشنطة على الأرض، وقعدت هي ووجيدة}
وجيدة:كويس انك رجعتي..انا مكنتش موافقة على السفرية دي من الأول بس كويس انها جات من عند ربنا!!
مهرة(بحزن) :مش عارفة هعيش ازاي الفتره الجاية ولا هعمل اية!...انا مكنتش حاطة سفر حاتم لواحده ده في دماغي خالص
زهرة:انتي غلطانه انك سافرتي، وكلنا كان رأينا واحد...قولنا بلاش!
مهرة(بتنهيدة) :اهو اللي حصل حصل بقى
وجيدة:اعملي حسابك يا مهرة واعذريني لو كلامي ناشف عليكي، هتقعدي هنا و مش هتتحركي من مكانك، اللي انتي عايزاه هيجيلك..احنا مش ناقصين مصايب جديدة كفاية اللي بيحصلنا كل شوية!
مهرة:حاضر
وجيدة:حضرلك الخير يارب
================================
{وبعد كام ساعة بعد ما حاتم والقبطان والمساعد وصلوا ليبيا، واستقروا في الميناء هناك..نزل حاتم وفتح موبايله واتصل ب الظابط}
حاتم:انا وصلت ليبيا، اعمل اية تاني؟
الظابط:حمدالله على السلامه يا بطل
حاتم:الله يسلمك
الظابط:غسان دلوقتي في جبال تيبستي، فين بالتحديد معرفش!..دي مهمتك انت بقى!
حاتم:وانا هروحلها ازاي دي؟
الظابط:دي حاجة متخصنيش، اسأل وهما يقولولك
حاتم:طيب، سلام
{قفل حاتم مع الظابط}
القبطان:اية يا حاتم، هتروح فين؟
حاتم:شق طريقك انت يا قبطان على ما أخلص الحوار ده..الله أعلم هياخدله وقت قد اية!
القبطان:هناخد لفه لفتين وهنرجع تاني، على اتصالاتنا
حاتم:تمام، مع ألف سلامة
القبطان:الله يسلمك
{مشى حاتم وسأل واحد معدي}
حاتم:انت ليبي؟
_لا أنا سوري
حاتم:طب تسمع عن حاجة اسمها جبال تيبستي؟
_ياه هاد أشهر من النار على علم
حاتم:طب ماتوريني
{خده السوري...لحد ما وصلوا للجبال...كانت عباره عن جبال ضخمة وملهاش آخر!}
_لييك
حاتم:يعني اية؟
_شوف
حاتم:طيب ياحبيبي تسلملي
{مشي الراجل وحاتم كمل الطريق لواحده، ورفع الموبايل واتصل على مهرة}
حاتم:طمنيني عليكي، وصلتي مصر؟
=============================
{عند نويري بعد ما علاء صمم انه يرجع مصر...كان واقف قدام الميناء يضرب كف على كف}
نويري(متعصب) :هنروح كلنا في ستين داهيه بسببه وبسبب غباءه!!
{وأثناء ماهو داخل الجبل لقى حاتم واقف ولما حاتم شافه وقفه}
حاتم:بقولك، انت عارف حاجة في المتاهه دي؟
نويري:اية ده انت مصري؟
حاتم:غريبه يعني انك انت كمان بتتكلم مصري!
نويري:ابن بلدي...حبيب قلبي
{وخده بالحضن، ومشوا قدام شوية..راح حاتم رافع الموبايل على ودنه وكمل كلام}
حاتم:هكلمك بعدين، سلام دلوقتي
{وبعد ما قفل مع مهرة}
نويري:أما قولي ياابن بلدي، جاي تعمل اية هنا؟
حاتم:جاي لـ ناس معارفي
نويري:طب نتعرف، اسمك اية؟
حاتم:حاتم وانت؟
{اتصدم نويري لما عرف ان ده حاتم،خصوصاً انه عمره ما شافه على الحقيقه وعالطول بيسمع عنه بس...اتغيرت ملامح نويري وسكت...ومن نظراته، حاتم حس انه عارفه!}
حاتم:مالك وشك جاب ألوان كده ليه لما عرفت؟
نويري:انت جاي عشان غسان؟
{تنح حاتم من سؤال نويري}
حاتم:غسان مين؟
نويري:هو في غيره...غسان رفعت الأباصيري...مش عايزك تقلق أوي كده..انا عالطول بسمع عنك لكن كان نفسي أشوفك...وكمان كان نفسي نحط ايدينا في ايد بعض ونخططلها سوا
حاتم(بـ شجاعة) :طب بص يا حبيبي...انا مش بتاع لف ولا دوران...أه انا جاي عشان غسان ومحدش هيجيب نهايته غيري..عايز تقوله قوله مش فارقة كتير، بس عرفه ان انا وراه لحد آخر دقيقه في عمري
نويري(بيضحك) :ومين قالك ان انا هقوله؟...شايف الحب مقطع بعضه يعني؟...انت هدفك غسان...وانا هدفي علاء وغسان، فا فيها اية لما نحط ايدينا في ايد بعض؟
حاتم:مقابل اية؟
نويري:مقابل مبلغ حلو أوي هيعجبك، بس نخلص على الاتنين، ها قولت اية؟
حاتم:وانا مالي بـ علاء ده..انا كل اللي يهمني غسان
نويري:ماهو انت لو عرفت هيكون كل همك انت تجيب الاتنين...بص ياسيدي..علاء حاطط أبوك في دماغه مش انت ابوك اسمه الحاج متولي؟
حاتم(بصوت حاد) :اه هو
نويري:تمام...من بعد ما أبوك فتح الشقة و ساعد بيري في نقل العفش وهو مغلول منه..طب عارف انه راجع يخلص عليها، ويدور عليك انت وأبوك عشان يندمكم على اللي أبوك عمله؟
حاتم:وانا اية دخل ابويا في الحوارات دي كلها؟
نويري:الله....مش هو بواب العمارة اللي كان ساكن فيها علاء وبيري؟
حاتم:وانا اية ضمني ان كلامك صح..مش يمكن فاكرني عبيط ومجهزلي فخ؟
نويري:لا ماهو نويري مبيلعبش، انا كل حاجة عندي بالاثباتات والأدله... ثواني
{ومسك موبايله وكان بيدور على التسجيل الصوتي اللي يثبت فيه صحة كلامه..وبعد ما لقاه ابتسم وشغله}
نويري:اسمع كده!
{وبعد ما سمعه وحاتم اتأكد}
حاتم:لا ده كده الموضوع إحلو أوي
نويري:مش بقولك!..لو عايز تمسك غسان فانا أقدر اساعدك
حاتم:وانت تساعدني لية؟...طب هنقول ليك مصلحة انك تخلص من علاء...طب غسان بقى عملك اية عشان تحطه في دماغك؟
نويري:عشان غسان بعد ما يخلص مهمته، هيخلص على الكل ومن ضمنهم كمال صاحبه..فا ببساطة انا عايز أتغدى بيه قبل ما يتعشى بيا!!
حاتم:وهو يخلص منك لية؟
نويري:احنا شوية أدلة ماشية على الأرض، هيخاف يتكشف وحد فينا يعترف عليه باللي حصل...غسان عمل كده مع الجروب اللي كان قبلنا، خلص عليهم كلهم واحد واحد، والمره دي هيكون دورنا احنا
حاتم:وانا مش جاي أخلص عليه، انا جاي آخده زي ماهو وأسلمه للحكومة
نويري:زي ماتحب، بس لو خرج من السجن هيخلص عليك أول واحد عشان تكون عارف!
حاتم:ساعدني نلاقي الدليل، وساعتها لا هيخرج ولا هيخلص على حد فينا من الأساس!
==============================
{بالليل عند علا..الساعة ٤ الفجر..كانت مدارية وشها ولابسة ماسك...ووصلت المطعم وفتحت ودخلت المكتب..كانت بتدور في كل ناحية على الورق بتاع بيري..لحد ما طلعت حديده من شنطتها وحاولت تفتح المكتب لحد ما طلعت ورق كتير، كانت بتبص فيه، ومن ضمنهم ورق المطعم}
=============================
{عند مهرة كانت بتكلم حاتم في الموبايل وهي على السرير}
مهرة:وحشتني اوي اوي يا حاتم..وحشتني بجد!
حاتم:وانتي كمان يا مهرة...غريبه انك لسة صاحية لحد دلوقتي!
مهرة:مجاليش نوم...كنت خايفه تطلع نايم وأكون قلقتك
حاتم:لا انا منمتش من ليلة امبارح...ومش هعرف انام غير لما الاقي مكان أستقر فيه
مهرة:انت لحد دلوقتي ملقتش مكان؟
حاتم:لا لقيت، وهحاول أنام عشان اليوم بكرا طويل، ادعيلي يا مهرة!
مهرة:روح ربنا يسترها معاك يارب، ويوفقك في طريقك، ويحفظك من كل شر
حاتم:اللهم امين...طمنيني عليكي يا مهرة، لسة تعبانه؟
مهرة:لا الحمدلله بقيت أحسن، من ساعة ما رجعت امبارح وماما حالفة عليا لا أقعد في مكاني متحركش، وانا بصراحة زهقت من الأوضة، نفسي أخرج أتمشى وأشوف الدنيا بدل الحبسة دي!
حاتم:معلش يا مهرة كله عشان مصلحتك ومصلحة ريان!
{ضحكت مهرة}
مهرة:مش يمكن تطلع بنت؟
حاتم:بس انا حاسس انه ولد!
مهرة:واية اللي حسسك بـ كده؟
حاتم:مش عارف، بس احساس جوايا بيقول ان اللي جاي ده ولد...على العموم مش هتفرق كتير، ولد أو بنت، المهم انه في الآخر منك انتي!
مهرة(بإبتسامه) :ربنا يرجعك لينا بالسلامة ومنشوفش فيك حاجة وحشه ابداً
حاتم:يارب يامهرة، خلي بالك من نفسك..وانا كل يوم هكلمك اطمن عليكي!
مهرة(بإبتسامه) :حاضر
حاتم:مع السلامة ياحبيبتي
مهرة:مع السلامة
============================
{عند علا بعد ما لميت كل الورق وخدته معاها في الشنطة...طلعت من المطعم لقيت بيري واقفه ووراها اتنين بودي جارد}
بيري(بصوت حاد) :كنتي بتعملي ايه جوا؟؟؟
الفصل السادس والعشرون
{ارتبكت علا ارتباك شديد اول ما شافت بيري قصادها، طلعت تجري، ولكن البودي جارد كانوا بيجروا وراها، لحد ما مسكوها وهي بتصرخ...قربت منها بيري بكل برود، وسحبت شنطتها، وفتحتها وطلعت كل الورق اللي فيها، وبعد ما خلصت رميت شنطتها في الزبالة}
بيري:اللي يجي عليا مبيكسبش يا علا...ودوها مكانها اللي تستحقه
علا(بصويت) :انا معملتش حاجة!!!...هيودوني فين؟؟... انا مش هروح في حته!
{ولكن بيري مردتش عليها، ودخلت المطعم، والبودي جاردات خدوها ومشوا...دخلت بيري مكتبها وقعدت على المكتب وبصيت حواليها، وخرجت اللابتوب و رجعت الكاميرات تشوف اية اللي حصل..وبعد ما شافت كل حاجة مسحت الفيديو!...وبعد ما البودي جاردات خدوا علا.. رموها في أوضة ضلمة وقفلوا عليها...قامت علا في الضلمة وهي بتلف حوالين نفسها}
علا(بصويت) :حرام عليكم...منكم لله!!
=============================
{وبعد ما حاتم نام في الكهف والنهار طلع..لقى واحد بيصحيه، وبيديله ماسك وكاب}
حاتم(بإستغراب) :انت مين؟
_نويري بيقولك البس دول وتعالى معايا..بس خد بالك انت هناك أخرس مبتتكلمش!
حاتم:لية بقي ان شاء الله؟
_عشان المهمة تتم، ده لو انت عايز كده!
حاتم:من الواضح ان أستاذ نويري سيحلي وسطكم!
_متخافش انا تبعه
{قام حاتم ولبس الماسك والكاب}
_ورايا
{مشي حاتم ورا الشخص اللي من طرف نويري، وركب معاه العربية لحد ما وصلوا للجبل..وهناك دخل وسط ناس كتير لابسين ماسكات، ونويري وقف قصادهم ووراه غسان}
نويري:صباح الخير عليكم يا شباب
كلهم:صباح النور
نويري:النهاردة أول يوم شغل..وانا من نظرتي للواحد اعرف هو عملي ولا أي كلام...وانا أحب الناس اللي بتشوف شغلها، زي عينيا...هتشتغل بضمير هتاخد مرتبك كامل، هتشتغل أي كلام هتاخد مبلغ صغير على قد المجهود اللي بذلته!..انا هنا مبظلمش حد...احنا عندنا ٣ طلعات..وكل طلعه في مكان شكل...هنقسمكم تلاتات..انتوا عددكم كام الأول؟
{وابتدا يعد هو وغسان}
غسان: ١٦ واحد
نويري:تمام، كل مجموعه هتتكون من ٥ أفراد، وآخر مجموعة هتبقي ٦...يلا جمعولي نفسكم
{قرب غسان وابتدا ينظمهم مجموعات وبعد ما خلص}
نويري:يلا بينا يا شباب
{ومشي قدام وكلهم وراه، لحد ما ركبوا ٣ عربيات...غسان ركب مع مجموعة ومشي، والشخص اللي جه لـ حاتم...ركب مع مجموعة ومشي...ونويري خد حاتم واللي معاه وركبوا ومشوا وصلوا مكان بعيد في وسط الصحراء فيه جبال...نزلوا من العربية بالأدوات اللي معاهم ومن ضمنهم حاتم...ونويري قصادهم}
نويري:انا عايزكم تحفروا الحته دي بعمق ٢٠ متر
_بس عشرين متر كتير اوي!
نويري:ولا كتير ولا حاجة...قدامكم لحد بالليل تكونوا وصلتوا للعمق اللي انا عايزوا..عايزين الأمانة تطلع سليمة، اتفقنا؟
=اتفقنا
نويري:اتكلوا على الله
{رجع نويري للعربية وجاب كرسي وقعد يتفرج عليهم، وكان بيبص لـ حاتم وهو مبتسم..وابتدا حاتم واللي معاه يحفروا}
===============================
{عند زهرة كانت بتجهز عشان تروح الشغل مع وجيدة، لقيت الباب بيخبط، لسة وجيدة هتروح تفتح، قامت زهرة...وبعد ما فتحت لقيته كمال وعلى وشه حزن الدنيا كله!}
كمال:وحشتيني اوي يا زهرة!
زهرة(مصدومة) :انت بتعرف مكاني ازاي؟؟
كمال(بحزن) :قلبي بيحس بيكي يا زهرة!..متنسيش ان يوم ما غسان جه يقـ.ـتل اخو صاحبتك، كنت معاه!...وعارف ان ده بيت مهرة وعارف انك ملكيش غيرها ومعاها في أي مكان تروحه!
زهرة(بخوف) :انت عايز مني اية؟...وبتلف ورايا في كل مكان أروحه ليه؟...احنا اللي بينا شوية معلومات وبمجرد ما الحكومة تلاقي غسان، هيتقطع الحبل اللي بينا!
كمال:انا نفسي تسامحيني يا زهرة، وتقتنعي ان كل اللي حصل ده مكنش بمزاجي...أخوكي مبهدلني ومش مديني فرصة اتصرف من دماغي!
زهرة:وانت عايز اية برضة مفهمتش!
كمال:انا جيت أشوفك وأقولك ان انا اتغيرت...انا كنت زمان بخاف من غسان...بس من ساعة ما حبيتك والخوف اتشال من قلبي، انا بقيت واحد تاني...انا مستعد اساعدكم نخلص من غسان بس في النهاية تسامحيني وتوافقي اننا نتجوز!
زهرة:نتجوز مرة واحده؟
كمال:واية اللي يمنع يا زهرة؟..اية لسة مبتثقيش فيا؟
زهرة:هثق فيك ازاي بعد ما خونت ثقتي فيك؟
كمال:وانا مستعد اصلح اللي اتكسر، وأرجع اخليكي تثقي فيا من أول وجديد، اديني فرصة يا زهرة...ده كلنا بنغلط ومحدش معصوم من الغلط!
زهرة(بتردد) :ماشي يا كمال...ياريت تاخد بالك لا غسان يشم خبر...ساعتها انت أول واحد هيخلص منك
كمال: هاخد بالي كويس...انتي ممعاكيش تليفون لحد دلوقتي؟
زهرة:تليفوني سيبته في اليونان، وممعايش أجيب غيره
{راح كمال مطلع فلوس من جيبه واداها لـ زهرة}
كمال:خدي دول يا زهرة واشتريلك تليفون جديد، عشان اعرف اكلمك
{وطلع ورقه وقلم من جيبه وكتب رقمه}
كمال:انا عارف ان رقمي مع ست وجيدة على تليفونها، بس خلي ده معاكي زيادة أمان
زهرة(بتردد) :طيب
كمال:سلام يا زهرة
زهرة:سلام
{دخلت زهرة وقفلت الباب، وخرجت وجيدة من الحمام ودخلت تبص على مهرة}
وجيدة:احنا هنروح الشغل بقى يا مهرة، صينية الأكل جنبك، كلي ومتطنشيش، وبعد ما تاكلي خدي الدوا
مهرة:حاضر
وجيدة:مين اللي كان على الباب يا زهرة؟
زهرة(بتردد) :ده كان واحد بيسأل على حد من سكان البيت، وطلعت الشقة غلط
وجيدة:طيب، يلا عشان ست چيهان مستنيانا
زهرة:حاضر، خدي بالك من نفسك يا مهرة
مهرة:حاضر وانتي كمان
{مشيت وجيدة و زهرة وراحوا شغل العمارة..وبعد ما نزلوا بـ ٥ دقايق..الباب خبط تاني..قامت مهرة وبصيت من العين السحرية لقيت ضحى ونسمة وجوزها..استغربت جداً من زيارتهم، وعدلت الطرحة وفتحت الباب}
نسمة:السلام عليكم
مهرة:وعليكم السلام ورحمة الله وبركاته
{قربت نسمة وحضنت مهرة، ودخلت...وقربت ضحى تحضن مهرة..وعبدالله سلم على مهرة..ودخلوا كلهم قعدوا}
نسمة:عاملة ايه يا مهرة؟
مهرة:الحمدلله بخير
ضحى:نسمة أول مره تيجي من بعد جوازكم
مهرة:اه مانا مستغربه شوية
نسمة:لا متستغربيش...انا من ساعة ما عرفت وكنت عايزه آجي أشوفكم واباركلكم على خبر الحمل..مبروك ياحبيبتي ربنا يكملهالك على خير وتقومي بالسلامة يارب
مهرة:الله يبارك فيكي يا نسمة، كلك واجب
ضحى:احنا كنا هنروح هناك على الشقة اللي في البلد، بس قولنا نكلم بابا الأول يمكن تطلعوا مش هناك ولا حاجة!
مهرة:اه مانا قاعدة مع ماما لحد ما أولد ان شاء الله
نسمة:على خير بإذن الله ياحبيبتي...أمال حاتم فين؟
مهرة(بتردد) :حاتم؟....حاتم سافر في شغل
عبدالله(بإستغراب) :سافر ومقالش لحد فينا؟... ده هويدا هتعمل موال لو عرفت انه سافر من غير ما يقولها!
مهرة(بتردد) :هي طنط هويدا تعرف حاجة عن جوازي انا وحاتم؟
نسمة:يالهوي تعرف اية بس..متوجعليش بطني يا مهرة...اهو انا شايله هم لو عرفت هتعمل اية!
ضحى:خلاص بقى يا نسمة متخوفيهاش...يمكن متعملش اللي انتي متوقعاه في دماغك ده...ويمكن الموضوع يعدي من غير مشاكل ولا حاجة!
نسمة:مش قصدي أخوفها والله، ده انا اللي خايفه..على العموم ربنا يسترها وتعدي على خير
مهرة:لا خير ان شاء الله متقلقوش، حاتم برضة له تأثير على تفكيرها..ممكن يلين دماغها بكلمتين حلوين
{وقامت مهرة من مكانها}
نسمة:لا ماانتي متعرفيهاش كويس، ماما مفيش حد يقدر عليها وعلى دماغها حتى ولو كان الجن الأزرق
مهرة:ربنا يحلها يا نسمة، سيبيها على الله...انا هدخل المطبخ ادوني ١٠ دقايق بالكتير
نسمة:لا والله مانتي عاملة حاجة..اقعدي
{وقامت لـ مهرة}
مهرة:عيب يانسمة مينفعش انتوا في بيتنا ولازم تاخدوا واجبكم!
ضحى:اقعدي بس يا مهرة احنا مش جايين نتعبك
مهرة:ياجماعة مينفعش الكلام ده والله ميصحش!
نسمة:طب اقعدي انتي، وانا هدخل اعمل بدالك
مهرة:ماشي يا نسمة اللي تشوفيه
{قعدت مهرة..ودخلت نسمة المطبخ، ولما فتحت التلاجة ملقتش فيها أكل خالص ولا حتى عصير..ضربت ايديها علي قلبها وهي مصدومة}
نسمة:يانهار اسود ده البيت مفيهوش لقمة واحدة توحد ربنا!..ده شكل الحالة ضنك...امال بتتابع عند الدكتور ازاي بس وبتجيب فلوس منين؟..لا حول ولا قوة الا بالله العلي العظيم
{وفتحت الخزنه لقيت فيها باكو شاي وعلبة سكر..راحت واخدة البراد مليته ماية..وحطيته على البوتجاز}
===============================
{عند غادة وفاتن في الأوضة كانوا قاعدين مع بعض بعد ما نبيل راح شغله، والباب مقفول عشان التكييف..كانت غادة في حالة صعبه وخايفه من رد فعل جوزها لو عرف انها كانت تعرف!}
فاتن:مالك يا غادة مش مظبوطة لية من امبارح؟
غادة(بخوف) :خايفة أوي يا ماما...خايفة نبيل يعرف إني كنت عارفة حوار خيانة علا لـ عادل ومخبيه..انا والله خبيت عشان المشاكل...و برضة لو كنت اتكلمت مكنتش ضامنة انه هيصدقني والموضوع هيعدي بسلام!...ساعات بقول لنفسي كنت قوليله واللي يحصل يحصل، احسن ما كان عادل يكمل معاها على عماه!
فاتن:احنا ملناش دعوة باللي حصل ده...ومش هنشيل غلطة غيرنا...هي اللي غلطت وهي برضة اللي تتحاسب!
غادة:بنتك غلطانه...والمشكلة انها فاكره انها كده صح، ومش قابله أي نصايح مننا...خدي بالك بيري مش هترتاح غير لما تودي نفسها في داهيه!
فاتن:هي عارفة ان انا أعرف الموضوع ده؟
غادة:لا طبعا متعرفش
فاتن:انا هيبقي ليا كلام تاني مع أختك
{وفجأة نبيل دخل الأوضة...قامت غادة وفاتن وهما مصدومين انه سمع كل كلامهم..بلعت غادة ريقها بصعوبة، وضربات قلبها زادت...قرب منهم نبيل وهو مصدوم من اللي سمعه}
غادة(بخوف شديد) :هو انت مروحتش الشغل؟
نبيل(بصوت حاد) :كنتي عارفة ومخبيه يا غادة؟...سايبه أخويا مكمل في الجوازه اللي انتي وطنط عارفين انها مش هتكمل؟
غادة(بخوف+دموع) :لا يا نبيل الموضوع مش كده..انا خبيت عشان خوفت انك متصدقنيش ويحصل مشاكل مابينا بسببهم!
نبيل(بصوت حاد) :دي كلها مبررات عبيطة ملهاش أي معنى...مفيش أي مبرر يديكي الحق انك تكوني عارفة الحقيقه وساكته..ده حتى يعني الساكت عن الحق شيطان أخرس...ولا كنتي مستنيه انه يتجوزها ويلبس فيها عشان تحني علينا وتتكلمي؟
فاتن:اية اللي انت بتقوله يا نبيل؟...انت كمان بتتصنت علينا؟...هي دي الاخلاق والمبادئ اللي أهلك ربوك عليها؟
نبيل(بصوت حاد) :انا لا كنت بتصنت ولا زفت...انا رجعت من برا عشان أجيب الورق اللي نسيته...وانتوا اللي صوتكم كان عالي...ياريت بعد كده تتكلموا بصوت واطي عشان ميجيش واحد غريب زي ويسمع الأسرار اللي مابينكم!!
غادة(بتضحك بحزن) :غريب؟...مين قال انك غريب؟...اية الكلام اللي بتقوله ده يا نبيل؟
نبيل(بصوت حاد) :دي الحقيقه مادام داريتوا عليا يبقى انا وسطكم واحد غريب...معتقدش ان انا لو منكم وعليكم كنتوا هتداروا عليا حاجة زي دي!
فاتن:انت فاهم غلط، وعمال تتكلم وخلاص، ممكن تقعد عشان نفهمك الصح؟
نبيل(بصوت حاد) :الحقيقه بانت خلاص، ومالوش لازمة الكلام..عن اذنكم!
{وخرج من الشقة وهو مدايق...قعدت غادة على الأنترية وهي بتعيط وفاتن جنبها بتطبطب عليها}
==============================
{عند بيري في شقتها..لقيت الباب بيخبط..قربت تبص لقيته البواب}
بيري(بصوت عالي) :عايز اية؟
البواب:بلم الزبالة يا ست بيري
بيري:زبالة؟... طيب ثواني
{دخلت بيري تجيب الزبالة من الباسكت وخرجت تفتح الباب، لقيت علاء في وشها بالمسدس، صرخت ورميت الزبالة ودخلت تجري ودخل وراها بعد ما رزع الباب...لحد ما دخلت الاوضة وقفلت على نفسها وهي بتصوت}
بيري(بصويت) :انت عرفت مكاني ازااااااي!!!!!
علاء(بزعيق) :أقسم بالله لأحـ.ـرق قلب أمك عليكي
{ورفع المسدس وشد أجزاء..وضرب نار على باب الأوضة..وقعت بيري ووطت على الأرض وهي مازالت بتصرخ...وعلاء نازل ضرب بالنار في الباب..خرجت بيري في البلاكونه وهي بتصوت بأعلى صوتها}
بيري(بصويت) :الحقوووني من المجرم ده...الحقوني هيـ.ـموتني!!!..الحقوني انا بموت...الحقووني
{اتلم سكان العمارة وكسروا الباب..وحاصروا علاء من كل ناحية، مكنش قدامه غير انه ينط من الشباك، لحد ما نط ونزل على المواسير وهرب...جريت ستات العمارة على بيري وهي مرميه على الأرض ومنهارة وبتلطم!}
بيري(بصويت) :كان هيموتني....كنت هموت...اااااه
_اطلبوا الشرطة بسرعة!!!
{وبالفعل اتصلوا بالشرطة...وفي قسم الشرطة، كانت بيري أعصابها سايبة من اللي حصل، والكحل سايح على وشها ومتبهدلة!}
الظابط:اية اللي حصل يا مدام بيري؟
==============================
{عند مهرة...بعد ما خرجت نسمة بالشاي وقعدت}
مهرة:بس خدي بالك المرة الجاية انا اللي هعمل، متاخديش على كده!
نسمة:المرة الجاية بإذن الله نجيلك بالشربات وانتي معاكي حبيب عمته
مهرة:ان شاء الله..أما صحيح عم متولي مجاش معاكم لية؟
نسمة:عنده شغل في العمارة وهو يقدر يسيبها ثانية؟...الناس هنا مبترحمش والله يا مهرة
مهرة:ربنا يديله الصحة
نسمة:يارب
{رن حاتم على مهرة، فقامت مهرة}
مهرة:ده حاتم، ثواني هخرج أرد عليه
ضحى:خدي وقتك
{خرجت مهرة البلاكونة و ردت على حاتم وهي قلبها بيتنطط من الفرحة أول ما شافت اسمه}
مهرة(بفرحه) :عامل ايه يا حبيبي، كويس؟
{كان حاتم واقف ورا الجبل في حته مفيهاش حد}
حاتم(بإبتسامه) :وحشتيني اوي اوي يا مهورتي!
مهرة(بفرحه) :وانت اكتر يا حبيب قلبي وروحي، مش مصدقة انك كلمتني...قولي بقي عملت اية، طمن قلبي!
حاتم:الحمدلله بخير يا مهرة...لقيت الكلب غسان، والحمدلله لقيت اللي يساعدني بس يارب يصدق بس
مهرة:لقيته فين؟
حاتم:مستخبي في الجبل مع ناس، انا عايزوا يديلي الأمان عشان امسكه مسكة معلمين وأحدفه لحضن الحكومة وابقى كده خلصت مهمتي وارتاحت وأرجعلك بقى!
مهرة:ياريت يا حاتم ترجع..انا مش موافقة على اللي بتعمله ده، بس هعمل اية ما باليد حيلة!
حاتم:بكرا تعرفي اني بعمل كل ده لمصلحتنا..انا عايزنا نعيش في المستوى اللي بنحلم بيه من زمان، كفاية بقى الدنيا حطيت علينا بما فيه الكفاية لحد، آن الآوان نحصد اللي زرعناه الفتره اللي فاتت!
مهرة:صدقني يا حاتم، كنوز الدنيا كلها ولا تعوض شعره منك...ده انت الخير والبركة...انت مش غالي عليا انا بس...لا غالي على عم متولي واخواتك، غالي علينا كلنا والله...واه بالمناسبة نسمة وضحى وعبدالله هنا جم يباركولي
حاتم(بفرحه) :بجد يا مهرة؟
مهرة:اه والله، طب استنى كده
{دخلت مهرة الصالة واديت الموبايل لـ نسمة}
مهرة:خدي حاتم معاكي على التليفون
نسمة:الو يا حاتم..إخص عليك، كده تسافر ومتعرفش حد فينا؟...مانت خلاص شكلك اتعودت تداري ونسيت اننا أهلك!!
حاتم(بيضحك) :ازيك يا نسمة، وإزي عبدالله، عاملين اية؟
نسمة:الحمدلله، بس برضة متغيرش الموضوع...طب هويدا وقولنا ماشي عشان المشاكل ووجع الدماغ، لكن احنا كمان، لأ كده كتير!
حاتم:كل الفكره ان مجاتش مناسبة أقولكم، لكن انا لا بداري ولا حاجة...ده انتوا اخواتي وأقرب الناس ليا!
نسمة:ماشي ياسيدي سماح المرة دي، المهم طمني عليك عامل ايه في الغربة، مرتاح؟
حاتم:الحمدلله، الواحد بيستحمل أي حاجة عشان القرش
نسمة:ربنا يقويك يا حاتم، ويردك وسطنا بألف سلامة
حاتم:يارب
نسمة:قولي بقي سافرت فين؟
حاتم:ليبيا
نسمة(مصدومة) :ليبيا؟..يخربيتك اية اللي وداك هناك؟
===============================
{بالليل بعد ما خلصوا حفر ووصلوا أخيراً للأثار...قرب نويري وبص وهو مبتسم وكله فخر}
نويري:عفارم عليكم يا رجالة...عايز اتنين منكم ينزلوا يربطوه عشان الونش جاي يرفعه
{نزل اتنين وربطوا التمثال ، وبعد ما الونش جه ربطوهم في بعض وابتدوا يطلعوه...وبعد ما وصل ونزلوه على الأرض..قعد نويري على الأرض بالقرب من التمثال وهو فرحان}
نويري:يلا حطوه على العربية بس براحة لا يتخدش!
{ونقلوا التمثال وخدوه ومشوا ورجعوا مكانهم في الجبل، كانوا كلهم واقفين مع بعض..ونويري مطلع رزمة فلوس وبيوزع عليهم..وبعد ما خلص}
نويري:كل واحد يرجع على مكانه، وبكرا تكونوا عندي من النجمة
_ربنا يباركلك يا ريس
نويري:يلا اتفضلوا
{وبعد ما مشوا كلهم...رجع حاتم الكهف اللي كان قاعد فيه..واترمى على الأرض من التعب}
==============================
{وبعد مرور 4 شهور كانت مهرة في الشهر الخامس، وكانت كل حاجة زي ماهي...وحاتم كان مقرر انه يشتغل شوية قبل ما يسلم غسان للحكومة وده لانه كان نفسه يخرج من دايرة الفقر اللي عاش فيها سنين!..وبيري كانت حابسة علا في أوضة لحد ما خسيت وبقيت شبه الموميا لدرجة انها بقيت تكلم نفسها وابتدت تتجنن!..دخلت عليها بيري وهي مبتسمة، لحد ما قعدت على كرسي قصادها}
بيري:قوليلي بقى..مبسوطة بالحال اللي بقيتي فيه ده؟...بقيتي شبه الموميا...بصراحة انا شخصياً بقيت أخاف منك...كان لازمتها اية تحطي راسك بـ راسي من الأول؟...مانا حذرتك وقولتلك بلاش، وبرضة مسمعتيش كلامي!...بس عارفة...انا دلوقتي بقيت مرتاحة قولي بنسبة ٩٠٪...والـ ١٠٪ الباقيين لما علاء يتسجن...عايزة أقولك انا دلوقتي بقى معايا ٣ مليون جنية، وكمان كام شهر هكملهم ٤ ان شاء الله...أصل المطعم بيجيب فلوس حلوة أوي أوي أكتر من البيوتي سنتر بكتير!
{مكنتش علا بترد، كل اللي كانت بتعمله بتبص وهي مبرقة لـ بيري!}
بيري:لالا متبصليش كده، لعلمك انا بخاف!...اية جو الأفلام الرعب اللي بقينا فيه ده؟
{وقامت من مكانها ولفيت حوالين علا وهي بتضحك ضحكة طويلة! وصوت الكعب اللي لابساه بيرن في ودان علا...و اديتها ضهرها وكملت كلام}
بيري(بسخرية) :اية رأيك في الأوضة دي؟...بفكر أفتحها عنبر للمجانين...وتكوني انتي أول مجنونة مشرفه معانا هنا هاهاهاها...مش قادرة
{وفجأة برقت بيري، وظهرت علا من وراها وهى بتغرز حديده حامية في ضهرها}
علا(بـ شر) :اضحكي كويس...وقفتي لية؟
بيري(بصويت) :اااااه
علا(بـ شر+صويت ) :مش هسيبك يا بيري...نهايتك النهاردة هتكون على ايدي...دمرتيلي حياتي وقهرتيني وموتيني بالحياه...انا هعمل فيكي زي ما عملتي فيا وزيادة يا زبالة!!
{دخل البودي جاردات على صويت بيري وعلا...وكتفوا علا...وواحد منهم شد الحديدة من ضهر بيري وهي بتصرخ وضهرها غرقان دم!..لحد ما خدوها المستشفى!}
===============================
{عند زهرة كانت علاقتها بكمال رجعت كويسة وابتدت ترجع تثق فيه، واليوم ده كانت متفقه انها هتخرج معاه ولكن بالنقاب عشان محدش يشوفها!..ولكن حاتم كان بيكلم مهرة في الموبايل ومصمم انه يكلمها فيديو من موبايل زهرة خصوصاً ان مهرة موبايلها قديم ومفيهوش الاوبشن ده!...كانت مهرة قاعدة على الكنبة وجنبها زهرة وقصادها وجيدة}
مهرة:مانا قولتلك ان تليفوني مفيهوش النظام ده!
حاتم:مليش دعوه يا مهرة اتصرفي، انا عايز أكلم ريان لو سمحتي!
مهرة(بتضحك) :وهتكلمه ازاي بقى ان شاء الله؟
حاتم:لا دي طريقتي مش هقولك عليها
زهرة:طب خلاص يا مهرة...خدي موبايلي كلميه من عليه فيديو...موبايلي أحدث من موبايلك
مهرة:طب ماشي استنى هتصل عليك من تليفون زهرة
حاتم:ماشي وانا مستني اهو
مهرة:سلام دلوقتي
{وقفلت مع حاتم وخدت موبايل زهرة تجرب من عليه، وقصادهم وجيدة قاعدة مبتسمة..وبعد ما مهرة رنيت على حاتم وفتح، مكنتش مصدقه وفضلوا يضحكوا}
مهرة(بتضحك) :ده نفع بجد، انا مكنتش متخيله كده خالص!
حاتم(بيضحك) :يعني انا سايبك قمر، أرجع الأقيكي قمرين؟
مهرة(بتضحك) :بقى بتجاملني؟
{دخلت زهرة معاهم في كادر الكاميرا، ومسكت مناخير مهرة وضحكت}
زهرة(بتضحك) :دي حتى مناخيرها فرشت
مهرة(بتضحك) :ماشي ياستي، شكراً
حاتم(بإبتسامه) :لا والله زي القمر يا مهرة..وكل يوم بتحلوي زيادة
مهرة(بـ حب) :بس القمر مش مبسوط من غيرك!
حاتم:انا نازل مصر الأسبوع ده، هسيبلك مبلغ كويس وهرجع تاني
مهرة(بحزن) :كده يا حاتم تفرحني وبعدين تزعلني؟
حاتم:غصب عني يا مهرة، وصدقيني مش هطول، سفرية المره الجايه هرجع بـ غسان، انا بس عجبني الحوار هناك وبناخد فلوس كويسة، ده غير المبلغ اللي هاخده من ورا المهمة دي
مهرة(بحزن) :طيب
حاتم(بإبتسامه) :قربي الموبايل من ريان زي مااتفقنا، ولا هتخلي بالاتفاق؟
مهرة:حاضر
{قربت مهرة الموبايل من بطنها}
حاتم:ازيك يا ريان عامل ايه؟...اتمنى اسمك يكون عاجبك،ولو مش عاجبك اديني أي اشاره عشان افهم!...ياترى مرتاح جوا ولا مستني اليوم اللي هنتقابل فيه؟...بس انا واثق انه هيكون أحلي يوم في حياتي يوم ما هقابلك وهلمسك!
{كانوا كلهم مبتسمين وهما سامعين كلام حاتم}
حاتم:ولو انتي بنت فانا سايب حرية الاختيار لـ مهرة انها هي اللي تختارلك اسمك..بس عايز أقولك اني بحبك من قبل ما اشوفك..ومستني انك تيجي للدنيا وأشيلك وتكبري قصاد عنينا لحد ما أوصلك لـ عريسك بـ ايدي!
وجيدة:ارجع بقى يا حاتم كفاية كده، اية يا أخي مزهقتش من بلاد برا؟
{راحت زهرة خدت الموبايل واديته لـ وجيدة}
حاتم:هرجع والله بس كل حاجة في وقتها...المهم انتوا خدوا بالكم من نفسكم ومن مهرة لحد مانا أرجع
وجيدة:بس عرفنا من قبلها عشان يوم رجوعك مش هيكون أي يوم...لالالا ده هيكون يوم الهنا والفرح، لازم نعملك عزومة تليق بيك يا غالي
حاتم:وهو انا غريب يا حماتي؟...ده انا ابنك التاني!
وجيدة:اه والله ربنا العالم يا حاتم...بس برضة عرفني
حاتم:حاضر، خدوا بالكم من نفسكم
وجيدة:وانت كمان يابني
حاتم:مع السلامة
وجيدة:في سلامة الله
{خدت زهرة موبايلها، وسندت مهرة تقوم}
وجيدة:يلا كل واحد يروح مشاويره، بس أمانة عليكي يا زهرة لتاخدي بالك من نفسك
زهرة:حاضر متقلقيش عليا
{نزلت زهرة، ومهرة لبست نقاب عشان محدش يعرفها ونزلت مع وجيدة وراحوا المستشفى عشان تكشف}
===============================
{عند علاء بعد ما رجع ليبيا...كان قاعد في أوضة النوم وهو متعصب، ونويري بيحاول يهديه}
علاء(بزعيق) :انا غبي...انا انسان حقير!!
نويري:اهدي بس يا علاء، مانت كنت كويس اية اللي جرالك بس؟؟
علاء(بصريخ) :انا لية عايش لحد دلوقتي؟..عايش بهبب اية في أم الدنيا دي؟...ده انا كل خططي بتفشل!!...نزلت مصر مخصوص عشان أخلص على بيري ومعرفتش!...روحت أبيع أم التمثال اللي هيغير أم حياتي...وفي الآخر يتنصب عليا في فلوس مزوره...انا غبي...غبي
{وزق الكرسي من قدامه بكل عصبية..لحد ما نويري خرج يجيبله كوباية عصير و رجع}
نويري:اهدى بس يا أخي..اشرب وهدي أعصابك...انت عارف اية اللي بيحصلك دلوقتي؟....الشيطان واقف قدامك...وشغال زن زن زن...خد اشرب بس
علاء(بزعيق) :ماهو مش كده!...اللي بيحصل ده مش معقول...هو العيب فيا ولا فيهم؟
نويري:فيهم هما طبعاً...ياكش يتحرق دمهم...انا متعودتش اشوفك متعصب للدرجادي يا علاء!...روق دمك مفيش حاجه مستاهله..امسك بس... امسك
{واداله العصير شربه وقعد على السرير يرتاح}
نويري:فداك مليون تمثال...أهم حاجة عندي انك تكون بخير
علاء:انا تعبت أوي يا نويري
نويري:لا ياسيدي، تعب اية وزفت اية، هو احنا برضة بتوع تعب؟...بكرا نكسب مليارات بس اصبر
علاء:بس متفكرش ان الحوار كده طلع من دماغي!
نويري:حوار اية؟
علاء:بيري...امال هيكون حوار اية يعني، ماتركز معايا!
نويري:معلش خدني على قد عقلي...انا بس خايف عليك انت، ان كان على بيري فا تولع عادي
علاء:مش هسيبها ولو على رقبتي، هفضل أحاول لحد ما أهزمها
===============================
{عند بيري، رجعت البيت مع غادة وفاتن وهما ساندينها..لحد ما قعدوها على السرير}
فاتن:لا حول ولا قوة الا بالله العلي العظيم
{خرجت فاتن وغادة وقعدوا في الريسيبشن وسابوا بيري ترتاح في الأوضة}
غادة:حوار ان علاء هو اللي عمل كده مش داخل دماغي
فاتن:لية بتقولي كده يا غادة؟
غادة:أصل علاء هربان برا...وبقاله شهور محدش بيشوفه
فاتن:وارد يكون بعت حد بداله عشان ميظهرش في الصورة!
غادة:مش عارفه بقى، انا مابقتش عارفة حاجة
{وقامت بشنطتها}
فاتن(بإستغراب) :رايحة فين يا غادة؟
غادة:انا رايحة مشوار وهبقي اعدي عليكي بالليل
فاتن:هاتي حاجتي معاكي وانتي جاية متنسيش
غادة:حاضر
{خرجت غادة من الشقه، واتجهت لـ مكان نبيل، وهي في نيتها تحاول معاه لآخر مره يمكن يسامحها ويرجع البيت!}
===============================
{عند زهرة بعد ما وصلت عند كمال ورفعت النقاب، ابتسم وفرح لما شافها}
كمال:تعرفي انك حلوه أوي في النقاب؟
زهرة:بجد؟
كمال:أوي...يلا بينا
{وخدها ومشوا...راحوا يقعدوا في كافية قصاد النيل}
زهرة:قولي بقى انت ناوي على اية بالظبط يا كمال، ولية مسافرتش لحد دلوقتي مع غسان؟
كمال:هجاوبك على كل اللي انتي عايزه تعرفيه..بس الأول قوليلي تشربي اية؟
زهرة:أي حاجة
كمال:لو سمحت
{جه الويتر وهو مبتسم}
كمال:ممكن اتنين شاي
الويتر:حاجة اضافية؟
كمال:خلي السكر برا
الويتر:تمام اتنين شاي
{ومشى}
كمال:انا ناوي أخلص على غسان بمساعدة حاتم
زهرة:ازاي؟
كمال:يعني هسافر وهخلص المهمة، وناخد الفلوس بالنص
زهرة:وبعد ماتخلصها ناوي على اية؟
كمال(بإبتسامه) :ناوي ان انا أتجوزك ونكمل حياتنا مع بعض، بس نخلص من الكابوس اللي على قلبنا ده الأول
زهرة(بفرحه) :وانا اية ضمني انك مش بتضحك عليا؟
كمال:برضة يا زهرة لسة مش واثقة فيا؟
زهرة:لا انا نسيت اللي حصل وبدأت معاك صفحة جديدة زي مااتفقنا، بس ازاي يعني هيبقى معاك فلوس وهتختارني انا من وسط كل الناس؟
كمال:وهو انتي حاجة قليلة ولا اية يا زهرة؟..ده انا مشوفتش في أدبك ولا اخلاقك، اللي ياريت كان غسان واخد ربعهم..بس سبحان الله انتي في الشرق وهو في الغرب ولا كأنكم اخوات من الأساس!
زهرة:على رأيك، بس كل واحد فينا طالع من تحت ايد أم شكل..وانا أمي الله يرحمها كانت ست طيبة
كمال:الله يرحمها ويغفرلها
===============================
{عند مهرة بعد ما كشفت بالسونار عند الدكتور، كانت وجيدة مستنياهم عند المكتب..ولما الدكتور قعد}
وجيدة:مهرة أخبارها اية يا دكتور؟
الدكتور(بإبتسامه) :الحمدلله حالتها الصحية زي الفل هي والجنين وكويس انكم ملتزمين بالتعليمات
{جات مهرة وقعدت قصاد وجيدة}
وجيدة:اه الحمدلله، من أول يوم عرفت ان مهرة حامل فيه وانا مبخليهاش تتحرك..أصل مهرة بنتي الوحيدة وبخاف عليها زيادة عن اللزوم
الدكتور:ربنا يباركلك فيها يا حاجة
وجيدة:يارب...طب انت مش تعرفلنا الجنين نوعه اية، دي قربت تدخل في السادس ولسة معرفناش!
الدكتور:مبروك يا حاجة وجيدة...الجنين ولد