![](https://blogger.googleusercontent.com/img/b/R29vZ2xl/AVvXsEh54T6ivl2SUC2R2mkc-jHSYFiGGsZ5APZXIF9dwNi7cZZhekA_i4d08UJW-jOvIIIZ5zm1_uPYpmYPaiDiIZPHHEujOHxQXwjpYJ3-KFSkm38chXDTKMbEs8p6n1plzPINTaHTWdpLWuXSWozJvxWLTv0lgrDPLi4K8X-N3RohTaTKCDpejFep8j7wNhPv/s320-rw/img_1714993143224.png)
رواية احلامي البريئه الفصل السابع عشر17بقلم ملك روحي
احلام ركبت العربيه جنب دخالد تحت أنظار عبدالله اللي استغرب من اللي شافه والتفت لمراد لقاه نايم عالسرير بتعب ومبقاش عارف يقوله ولا يسكت عشان صحته
وصل مراد بالعربيه لمطعم راقي جدا وجميل. نزلت احلام من العربيه ودخلت مع مراد واول مادخلت المطعم لقته مكان راقي وجميل افتكرت المطعم اللي مراد عزمها فيه قبل كده قلبها انقبض والحزن بان على وشها.
د خالد ؛ اتفضلي يااحلام.
احلام؛ قعدت عالترابيزه
دخالد؛ لاحظ ان ملامحها اتغيرت.. مالك يااحلام انتي كويسه.
احلام؛ ااه كويسه الحمد لله.
د خالد؛ عجبك المكان.
احلام؛ بصت حواليها.. اه المكان حلوو..
د خالد؛ انا عايزك تاخدي راحتك وتتكلمي معايا عن نفسك. احلام انا قلتلك اني معجب بيكي وعايز أقرب منك.
احلام؛ يا دخالد انت متعرفش حاجه عني ولا عن اهلي.
د خالد؛ اولا احنا قلنا بلاش الالقاب دي قوليلي خالد علطول زي مانا مابقولك احلام وبعدين بالنسبه لأهلك اتمنى اتعرف عليهم... بقلمي #ملك روحي.
احلام؛ انا في الأول عايزه اقولك بابا بيشتغل ايه. وماما الله يرحمها ماتت من سنتين ماليش غيرهم. حابب تعرف بابا كان بيشتغل ايه.
د خالد؛ عادي يعني مش فارقه اكيد راجل عظيم عشان قدر انه يعلمك ويخليكي دكتوره وناجحه كده.
احلام؛ ايوه طبعا راجل عظيم وانا بفتخر بيه وبقدره.. بابا كان شغال جايني في فله مراد اللي جه المستشفى من يومين.
د خالد :بصدمه.. كان ايه جنايني!!
احلام؛ اه جنايني ومالك مصدوم ليه كده.
د خالد؛ هه لا ابدا مفيش صدمه ولا حاجه بس اتفاجأت مش اكتر.
احلام :ياريت تدي نفسك فرصه تفكر فيها كويس يادكتور خالد قبل ماتاخد اي قرار يخص موضوعنا.
د خالد؛ انتي بتقولي ايه يااحلام انا قلتلك اني معجب بيكي وبشخصيتك وميهمنيش اي حاجه تانيه.
احلام؛ ابتسمت وقالتله بردوو فكر تاني يادكتور خالد.
عند مراد وعبدالله.
عبدالله كان قاعد جنب مراد ووشه متغير وبيفكر. مراد صحي من النوم وشاف عبدالله قاعد سرحان.
مراد :عبدالله. مالك سرحان في ايه.
عبدالله؛ هه لا مفيش حاجة انت عاوز حاجه.
مراد؛ لا مش عايز بس انت مال وشك متغير.
عبدالله؛ متشغلش بالك انت.
وبعد مرور اسبوع والوضع زي ماهوه ودكتور خالد كان عند مراد وكشف عليه وكتبله على خروج خلاص لان حالته اتحسنت. وخرج د خالد. وعبدالله قال لمراد يلا بينا بقاا يابطل.
مراد؛ انا عايز اشوف احلام واتكلم معاها قبل ماامشي.
عبدالله :هز رأسه بالموافقه وقاله طيب انا هستناك في العربيه تحت
مراد نزل ووصل مكتب احلام وخبط عالباب وجاله صوت من جوه.. ادخل.... بقلمي #ملك روحي
مراد؛ فتح الباب ودخل وكانت احلام قاعده على مكتبها واول ماشافته اتفاجأت وقامت وقفت.
احلام؛ أنت ايه اللي جابك هنا.
مراد؛ ممكن اتكلم معاكي شويه.
احلام؛ بجديه.. مفيش بينا كلام يامراد بيه واتفضل بقاا عشان عندي شغل.
مراد؛ مش همشي غير لما نتكلم.
احلام؛ بنفاذ صبر. وقعدت عالمكتب. اتفضل قول عايز ايه.
مراد؛ انا اسف.
احلام؛ والدموع في عينيها. اسف على ايه.
مراد؛ على كل حاجه صدرت مني اسف على الكلام اللي قولتهولك واللي صدر مني في حقك ارجوكي سامحيني يااحلام.
احلام؛ وهيا الدموع متجمده في عينيها ومتصنعه الجديه. اسامحك على ايه.. على اذيتك ليا ولا اذيتك لبابا الراجل اللي فضل طول عمره يخدمك وآخرتها طلعته من بيتك بفضيحه. طيب انا ممكن اتغاضي عن حاجات كتيره حصلت. بس اتغاضي عن الوجع اللي في قلبي ازاي. قلبي اللي أمنلك ووثق فيك وحبك. انت عارف انا بحبك من امتا من وانا عيله بضفاير كنت دايما براقبك من شباك اوضتي لحد ماجه اليوم اللي قربت فيه مني حسيت اني ملكت الدنيا باللي فيها حسيت اني خلاص أحلامي بتتحقق بس انت كنت بتلعب بيا وبمشاعري عشان ترضى غرورك المريض ياريتك يااخي ماقربت مني ولا خليتني اتأمل في حاجه انا كنت راضيه بحياتي وساكته.. انت ايه يأخي وجاي دلوقتي تقولي انك اسف.. والدموع نازله من عينيها زي الشلال والغضب سيطر عليها وقالت.
اسفك مرفوض يابيه واتفضل اخرج بره..
مراد :وقلبه كان وجعه من كل كلمه قالتها احلام وحس انه دمرها وضيع الحب الكبير اللي كان موجود في قلبها ليه.. ارجوكي اهدي يااحلام انا غلطت وعايز أصلح غلطتي ارجوكي اديني فرصه.
احلام؛ بصوت عالي اتفضل اخرج بره مش عايزه اشوفك تاني في حياتي اخرررج بره.
مراد؛ انا همشي دلوقتي عشان انتي متعصبه بس انا مش هسيبك يااحلام ومش هسمحلك تضيعي الحب ده زي مانا ضيعته قبل كده..
وراح ناحيه الباب وخلاص هيمشي اتفاجأ بصوت حاجه وقعت عالارض التفت مراد وكانت احلام مغمى عليها..