رواية احتواء القاسي
الفصل الساپع والاربعون 47
بقلم سوسو تويكس
انا اسفه والله مع انو الاعتذار نا بيعمل شي بس والله ما كان قصدي و انا مستحيل اعمل كده عن قصد كانت لحظة غضب و و... _ما قدرتا اواصل بسبب البكا _استعدلت رقدتا في السرير بالم واضح وقعدت قالت لي: كلو شي مكتوب من يوم ما اتولدنا وده قدر ربنا كده مكتوب ليهو انو ما بحي على الحياة، وانتي ما كنتي بتعلمي بالغيب فشنو ما تحملي نفسك مسؤليه الحصل _طبعا ما قادرة اتوقعتها تقول كده كنت قايلها ح تغضب وتكون زعلانه وده من حقها الطبيعي، أشرت لي تجي اقعد جمبها في السرير مشيت قعدتا، قالت لي وهي بتبكي : اعفي لي يا لينه، انا السبب في المشاكل الحصلت دي كلها _كنت عايزه اقوم لاني لسه ما نسيت العملتو فيني، مسكت يدي وهي بتقول:اسمعيني عليك الله كنت امبارح جايه اقول ليك بس انتي ما سمعتي المره دي اسمعيني _حسيت بتانيب الضمير تاني وقت اتذكرتا الحصل قعدتا بسكات وانا بسمعها قالت:اولاََ الولد ما ولد معتصم، ده ولد مالك الكان حكيت عنو_قعدتا زي دقيقتين انا ساكته بس بحاول استوعب هي بتقول شنو قلته ليها استغراب:طيب هو قدر يتزوجك كيف وانتي حامل كده ما بصح_قالت وهي بتمسح دموعها:عشان كده ما حصل العقد، وقت سالو المؤذون وراهم_لينه:طيب وكلام خالتو مريم ده شنو والناس كلها عارفه زواجكم ده_اماني:كل الحصل انو.... الخ، وقيدت معاها معتصم بحليفه بالمصحف عشان ما يوري اي زول، ده كان سبب تغيري منك كنت بهرب منك وبتجنبك لاني ما قادره اعاين في وشك واكذب وكنت عايزه اوريك بس معتصم قال انو انتي حامل وما لازم تعرضي لاي انفعال،لحدي ما عرفتي،والله ده كلو الحصل انا خجلانه من نفسي بسببي حصلت بيناتكم المشاكل دي معتصم اتضطر يتحمل ده كلو، ما بقول ليك سامحيني لانو دي حاجه صعبه، بس معتصم اديهو فرصه والله هو ما عندو ذنب عليك الله يا لينه، فكري في كلامي ده معت.... _ما خليتها تتم باقي كلامها مرقت ومنها انا راسي ضارب، يعني في الاخر يطلع ده كلو لعبه وانا اتوجعتا واتعذبتا وعانيت قدر ده عشان يطلع الكلام ده لعبه رجعتا البيت من سكات دخلتا غرفتي وانا راسي ح يضرب من التفكير، يعني كده بالساهل لازم اسامحو وانسا الحصل واديهو فرصة، ولا اعمل الفي راسي وارجع امريكا هناك واريح نفسي من العذاب ده كلو....