![](https://blogger.googleusercontent.com/img/b/R29vZ2xl/AVvXsEh3et0Y8PfWAplhr7RQo-Qzw1ITTmR7MJnS5Ss1L0mQhwzB387WuO5AE-clR_CUilKvG_wUWtTYbrzoV_XyoWdAPFS7gp_YO3lAc8aXbfQPDzCUFw3Ad4f1kWfzzg2jRxpXYXWxLes6YY6QVi2ZwOb3OSSqqZo0j1y1wPwH7PB8qZI1hDB3Kxggmdo-IoZg/s320-rw/FB_IMG_1715201675987.jpg)
رواية سكن الفصل الثالث3بقلم رانيا عماره
بعد مانزلنا على صويت المشرفه،لقينا قطه سوده مدبوحه ومنزله دم مغرق الأرض!..
كانت المشرفه بتترعش ومش قادره تتكلم! بس اللي فهمناه انها معملتش حاجه ويادوب دخلت الاوضه وخرجت لقيتها كده!..
فضلنا نهدي فيها وجيبنالها مايه وقعدنا حواليها في الأوضه نفهم منها ايه اللي حصل!.. قالتلنا انها دخلت الأوضه وسمعت صوت حركه مش طبيعيه برا.. ولما خرجت لقيت المنظر
اللي احنا شوفناه ده!..خرجت بنت من البنات علشان تشيل القطه في كيس وترميها بس الغريب هنا انها ملقيتهاش أصلاً.. ولما المشرفه سألت كل البنات كلهم قالوا ان محدش شالها من
مكانها!..ومن بعد اللي حصل ده قررت انها تبات في الدور التاني وبدلت مكانها مع مشرفه تانيه..وأثناء مااحنا طالعين
على السلم سمعنا صوت حركه مش طبيعيه في الدور الاخير..ومعروف ان الدور ده مفيهوش حد ولسه متأجرش يعني فاضي! ده غير ان محدش بيطلعه اصلاً!..قومت استجمعت
قوتي..وقررت اطلع انا وصاحباتي الاتنين..كانوا خايفين ورفضوا في البدايه بس قولتلهم احنا مش هندخل احنا هنبص
من بعيد وهننزل عالطول مش هنتأخر!.. قالوا ماشي.. كنت انا في المقدمه وهما ورا وكنا ماشيين بـ بطئ..لحد ماوصلنا ولقينا اللمبه بتقيد وتطفي لواحدها..حتى الشباك بيفتح
ويتقفل لواحده! ده غير ان مفيش هوا!..وفجأه سمعنا صوت عياط طفله صغيره..شدتني صاحبتي من هدومي وقالتلي يلا ننزل كده هندخل نفسنا في خطر احنا مش قده!..قولتلها
استني محدش فيكم يعمل صوت!..وبعد ماسكتوا لقيت صوت العياط سكت..روحنا نزلنا تاني ورجعنا أوضتنا..وتاني يوم نزلت المحاضرات مع صحباتي..وبعد ماخلصنا
والمحاضرات ورجعنا لقيت المشرفات شكلهم متغير..سألناهم في ايه؟ قالوا ان المشرفه بتاعتنا ماتت..اتصدمنا وقتها ماتت امتى وازاي! كل ده حصل امتى اصلاً!
..محدش فيهم رد علينا.. لحد ماطلعنا الأوضه وبقينا نفكر نمشي ولا منمشيش!.. ووقتها قررنا نمشي وبالفعل روحنا للمديره وقولنالها عايزين
نمشي..قالتلنا بكل برود عايزين تمشوا امشوا..بس محدش له فلوس عندي!..وطبعاً ده كان صعب علينا نمشي ونسيب الفلوس خصوصاً انها بمبلغ غالي ولو سيبناه مش هنقدر نقعد
في مكان تاني لإن الفلوس مش هتكفي!..قولتلهم خلاص نستنى لحد آخر الترم وبعدين نمشي.. وافقوا على الفكره ورجعنا مكان ما كُنا..وأثناء ما احنا كنا قاعدين في الأوضه..
قامت واحده صاحبتنا تتكلم في الموبايل برا..وانا وصاحبتي كنا بنفكر ازاي نحمي نفسنا من المكان الملعون ده!..قالتلي ان مفيش في ايدينا حل غير اننا نستنى لآخر الشهر زي مانتي
قولتي ووقتها نقدر نتصرف.. قولتلها صح عندك حق احنا فعلاً مفيش في ايدينا حل تاني..خرجت من الأوضه واتجهت للحمام ولما دخلت وقفلت كان كل باب مش مقفول للآخر يعني في فتحه من تحت..ووقت مانا كنت
قاعده بصيت قدامي شوفت خيال واقف قدام الباب وشويه ومشى.. ولما خلصت وخرجت بقيت زي ال مجنونه ببص يمين وشمال ولكن ملقتش حد..قربت أغسل ايدي ولما خلصت
وخرجت شوفت نفس الخيال ولمن في أقل من ثانيه..وشويه ولقيت حد في ضهري بقيت ألف براحه خايفه أشوف حاجه!.. لحد مالقيتها واحده زميلتنا..بتقولي بحق انتي
هتمشي؟.. قولتلها ان انا ناويه امشي بس مش دلوقت..قالتلي انهم كلهم ناويين يعملوا كده.. وبعد ماخلصت كلام معاها ومشيت لقيت صاحبتي واقعه على الارض وحواليها دم!