رواية مزاولة حب الفصل الحادي والعشرون21والثانى والعشرون22بقلم دودو محمد
وقف يوسف يقنع تمارا أنها ترفض ياسين وياسين كان مصر على طلب الجواز من تمارا والاتنين مسكوا فى بعض وقعدوا يضربوا بعض وفى الوقت ده قالت تمارا
تمارا :- بس انت وهو انا خلاص اخد قرارى
الاتنين واقفوا وبصوا ليها علشان يعرفوا ايه هو القرار
تمارا :- انا موافقه اتجوزك يا ياسين
ياسين :- بفرحه راح مسك ايديها وقال بحب بجد يا تمارا
يوسف :- بصدمه لالالا متعمليش كده يا تمارا بلاش عندك يضيعك ارجوكى بلاش تهورك ده هتندمى عليه بعدين
تمارا :- انا عارفه مصلحة نفسى كويس يا يوسف
يوسف :- تمارا اللى اسمه ياسين ده انتى لسه متعرفه عليه من قريب ومتعرفيش اى حاجه عنه ازاى بس هتوافقى عليه
تمارا :- وايه المشكله هو لازم اكون بعرفه من زمان يعنى اللى كنت اعرفهم من زمان اخد منهم ايه روح يا يوسف وملكش دعوه باللى بيحصل فى حياتى
مالك :- مسك يوسف من دراعه وقال تعال معايا يا يوسف
يوسف :- اوعى يا مالك مستحيل هسمح بالمهزله دى تحصل
مالك :- تعال بس معايا وشده من دراعه وراحوا عند العربيه
تمارا :- غمضت عينيها علشان تحبس الدموع فيها
ياسين :- فتحى عيونك يا تمارا وسيبى دموعك تنزل علشان من هنا ورايح مش هتنزل منك تانى
تمارا :- اخدت نفس وفتحت عيونها وقالت مبقاش فيه حاجه فى الدنيا تستاهلى دموعى يا ياسين وابتسمت ليه
ياسين :- اكتر حاجه شدانى ليكى شخصيتك يا تمارا من اول مره شوفتك فيها وانا اتشديت لشخصيتك القويه كنت مستغرب ازاى بنت وعندها القوه دى وقدرة التحمل الرهيبه اللى عندك انا كل يوم بتشد ليكى اكتر من اللى قابله
تمارا :- اتنهدت وقالت شوف الميعاد اللى يناسبك علشان تيجى تقابل بابا فيه
ياسين :- انا لو عليا عايز اروح من دلوقتى
تمارا :- لاء طبعآ مش هينفع خليها بكره كويس
ياسين :- مفيش مشكله يبقى بكره أن شاءالله
تمارا :- ابتسمت ليه بتوتر وهزت راسها ليه وقالت اه إن شاءالله انا لازم اروح
ياسين :- اوك روحى وانا هبقى اكلمك
تمارا :- باى وراحت ركبت العربيه واتنهدت بوجع وقالت واخرت اللى انتى فيه ده ايه يا تمارا وشغلت العربيه وروحت على الفيلا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة مالك
يوسف كان متعصب ومالك بيهدى فيه وقال
مالك :- اهدا يا يوسف دى حياتها وهى حره فيها سيبك من انانيتك دى بقى يا اخى
يوسف :- بدموع والله خايف عليها والله العظيم كمان مره انا خايف عليها منه قلبى مش مرتاحله وحاسس أن تمارا هتتعذب معاه وانا مش هقدر استحمل عذابها ده حتى لو كانت هى اللى رايحه ليه برجليها
مالك :- وحد الله بس وأهدا كدا ومحدش هيحصله حاجه مش مكتوبه عند ربنا كل حاجه بأمره واللى مكتوب هو اللى هنشوفه يا يوسف سيبها على ربنا وان شاءالله يخيب ظنك ويطلع كويس ويعوض تمارا عن وجع القلب اللى شافته منك
يوسف :- بكره افكرك يا مالك تمارا هتتعذب اوى معاه وبرضه مش هتقدر تنسانى لأنها بتحبنى انا مش هو هى وافقت بس عند فيا بترد ليا القلم علشان اتجوزت ارين
مالك :- اختيارها وهى حره فيه سيبها براحتها يا يوسف
يوسف :- وقف وقال ماشى تتحمل هى نتيجة اختيارها
مالك :- رايح فين
يوسف :- فى ستين داهيه وخرج وسابه
مالك :- اتنهد وقال لما اشوف ندى مالها مختفيه النهارده ليه ومسك تليفونه وطلب رقمها وانتظر ردها
ندى :- بصوت حزين ايوه يا مالك
مالك :- مال صوتك
ندى :- مفيش
مالك :- هو ايه اللى مفيش انتى النهارده غريبه انا حتى مشوفتكيش فى الشركه خالص ومشيتى قبل ما انزل فيه ايه مالك
ندي :- اتنهدت بوجع وقالت مفيش يا مالك انا تعبانه شويه
مالك :- ندى اتكلمى فيه ايه
ندي :- بدموع انس عايزنى ابعد عن يارا
مالك :- ليه
ندي :- علشان يارا رفضت تروح معاه كرامته وجعته وطلب منى مكلمش يارا تانى
مالك :- اخوكى ده غبى ومش بيفهم وعايش الدنيا قفش يعنى المفروض بيحبها يكون حنين معاها يحاول يقربها منه مش يبعدها
ندى :- تقول لمين الكلام ده بس ، انس اخويه ميعرفش التفاهم أبدآ بيسمع اللى فى دماغه وبس
مالك :- انا عارف يارا حبيته على ايه
ندى :- والله العظيم صعبت عليا اوى النهارده ده طلع عارف كل حاجه وحاسس بيها وكان عامل نفسه مش فاهم حاجه ده انا لو مكانها كنت زمانى اتشليت والله
مالك :- بعد الشر عنك يا قلبى
ندى :- ربنا معاها بجد
مالك :- اهم حاجه مش عايزك تزعلى نفسك وحاولى مطوليش معاه فى الكلام علشان ميمدش أيده عليكى انا لو مد أيده عليكى مش عارف هعمل فيه ايه انا ممكن اموته فيها
ندي :- ها ل.ل لاء انس عمره ما يمد أيده عليا
مالك :- مش عايز بعد كده اسمع النبره الحزينه اللى فى صوتك دى تانى فاهمه
ندى :- ابتسمت وقالت حاضر
مالك :- بحبك
ندى :- احم ا.ا.انا لازم اقفل دلوقتى باى وقفلت السكه
مالك :- ابتسم وحط تليفونه على الترابيزه وطلع اوضه يغير هدومه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند رحمه وبدر ويارا
وصلوا التلاته الشقه ودخلت رحمه مع يارا الاوضه بتاعتها ويارا اترمت على السرير وقعدت تعيط رحمه قعدت جمبها وطبطبت عليها وقالت
رحمه :- أهدى يا يارا
يارا :- بدموع شوفتى يا رحمه عمل معايا ايه وبكل وقاحه بيقولى كنتى هتموتى عليا يعنى كان حاسس بيا من زمان ومش معبرنى فرحان بتعذيبه ليا انا بكرهوا يا رحمه بكرهوا
رحمه :- ولما انتى بتكرهيه بتعيطى ليه
يارا :- علشان بحبه واترمت فى حضنها وقعدت تعيط
رحمه :- اللى زى انس ده عايز خطه نطلع بيها عينيه على اللى عمره فيكى ده وعلى فكره بقى هو كمان بيحبك وواضح اوى من نظراته ليكى بس هو كرامته وجعته شويتين لما رفضى تروحى معاه
يارا :- بصت بدموع لرحمه وقالت بجد انس بيحبينى
رحمه :- ايوه علشان كده طلعى عينيه وصدقينى فى الاخر هو اللى هيجرى وراكى
يارا :- مسحت دموعها وابتسمت وقالت بجد يا رحمه يعنى هو ممكن يعمل اى حاجه علشان ابقى ليه
رحمه :- احم هو بصى بيحبك اه وهتبقى ليه بس الله اعلم هيعمل ايه علشان تبقى ليه ممكن يكسرك دماغك مثلا يعنى من الاخر المتوقع من انس كله عنف
يارا :- ابتسمت وقالت عنف عنف بس فى الاخر نبقى لبعض
رحمه :- ابتسمت وقالت إن شاءالله يا قلبى وقامت وقفت
يارا :- رايحه فين
رحمه :- همشى انا مرضتش اسيبك وانتى فى الحاله دى
يارا:- شكرآ يا رحمه
رحمه :- بس هبل بتشكرينى على ايه بس احنا مش اخوات
يارا :- ابتسمت وقالت اخوات طبعآ ربنا ميحرمنيش منك
رحمه :- ولا منك يلا باى
يارا :- لسه هتقوم معاها
رحمه :- خليكى زى ما انتى انا هخرج لوحدى وبعتت ليها بوسه وفتحت الباب وخرجت
بدر :- طلع يجرى عليها وقال رايحه فين
رحمه :- ماشيه
بدر :- طيب ما تخليكى قاعده معانا شويه
رحمه :- مش هينفع هتأخر عليهم فى البيت
بدر :- بس انا ملحقتش اشبع منك
رحمه :- ها ا.ا.اصل معلش اتأخرت
بدر :- استنى اوصلك
رحمه :- ل.ل.لاء خليك انت انا هركب تاكسى
بدر :- مينفعش مش هبقى مطمن عليكى وانتى لوحدك يلا انزلى معايا
رحمه :- ابتسمت ليه ونزلت معاه وقعدت تبص ليه كتير
بدر :- بأستغراب انتى بتبصى ليا كده ليه
رحمه :- ابتسمت ليه ونزلت عينيها وقالت ولا حاجه
بدر :- لا بجد قولى
رحمه :- مش عارفه بس كل ما بعرفك اكتر كل ما بكتشف فيك حاجات كتير حلو اوى
بدر :- ابتسم وقال انتى بتعاكسينى بقى
رحمه :- اتكسفت وقالت ها ل.ل لاء
بدر :- على فكره انا بهزر وبعدين انا برضه كل ما بعرفك بشوف حاجات كتير حلوه بشوف طيبة قلبك والبنت الجدعه والاصيله المتواضعة بشوف جمال وشك بملامحه الطفوليه بشوف نظرة عيونك البريئه والجريئه فى نفس الوقت بشوف الادب والاحترام فى شكلك وطريقة معاملتك مع الناس ولسه فيه حاجات كتير اوى حلوه فيكى علشان اوصفها ليكى محتاج سنين كتير اوى
رحمه :- بصت ليه بكسوف وبصت فى الارض وقالت م.م.مش عارفه اقولك ايه بعد كلامك ده
بدر :- مش لازم تقولى حاجه كفايه عليا ضحكتك دى عندى بالدنيا
رحمه :- بصت ليه بحب
بدر :- اتنهد ومسك ايديها وقال رحمه انا عارف ان اللى هقوله ده جنان وان اللى هقوله حاجه مش من حقى احلم بيها وفيه فرق كبير اوى ما بين السما والار
رحمه :- قطعته وحطت ايديها على بؤقه وقالت انا بحبك
بدر :- مصدقش نفسه وبصلها بصدمه
رحمه :- ايوه انا بحبك وكل الكلام العبيط اللى انت قولته دلوقتى ده مش عايزه اسمعه تانى كلنا فى الاخر ولاد حوا وادم ومخلوقين من طين ومفيش حد احسن من حد كل واحد فينا ربنا خلقه بحاجه حلوه من جواه ملهاش دعوه بقى بغنى ولا فقير بس عندنا قلب كل مهمته أنه يدق لشخص حبه ويديلوا معنى للحياة وحبك انت اللى عمل فيا كده يا بدر
بدر :- بصلها بحب وقال بحبك يا رحمه
رحمه :- ابتسمت ليه بحب وبصت فى الارض
بدر :- انا سعيد اوى بكلامك ده يا رحمه واوعدك انك مش هتندمى أبدآ على حبك ليا ده
رحمه :- بحب وانا واثقه فيك يلا بقى نمشى علشان اتأخرت
بدر :- ابتسم ليها وقال يلا ووقف تاكسى وراح وصلها عند باب الفيلا بتاعتها ورجع تانى على بيته
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
دخل يوسف وهو متعصب على الاوضه اللى قاعد فيها وقعد على السرير وقال
يوسف :- كده يا تمارا ماشى براحتك بكره ترجعى تبكى بدل دموعك دم وقام غير هدومه وخرج من اوضه راح اوضت الجيم الخاصه بيه وقعد يلعب رياضه بعصبيه شديده وجسمه كله عرق وفى الوقت ده تمارا كانت داخله تشوف رحمه جات ولا لاء وشافت اوضت الجيم مفتوحه عرفت أن يوسف متعصب اتنهدت وراحت عنده وقالت
تمارا :- مساء النور
يوسف :- غمض عينه بعصبيه وقال بصوت مرهق امشى يا تمارا
تمارا :- على فكره غلط اللى انت عامله فى نفسك ده نفسك سريع جدآ
يوسف :- داس على أسنانه وقال امشى دلوقتى يا تمارا
تمارا :- يعنى هتستفاد ايه لما تعمل فى نفسك كده ايآ كان اللى معصبك متوصلش لدرجه دى
يوسف :- راح عندها بعصبيه وقال انتى عايزه ايه بالظبط
تمارا :- بتوتر م م.مش عايزه ا.ا انا بقول يعنى تريح شويه ع.ع.علشان غلط اللى انت عامله فى نفسك
يوسف :- داس على أسنانه وقال بعصبيه انتى مالك اياكش اولع بجاز واروح فيها شاغله بالك بيا ليه مش اختارتى واحد غيرى
تمارا :- و.و وانا هشغل بالى بيك ليه اولع وبعدين ما انت اختارت واحده غيرى ايه المشكله
يوسف :- شدها سندها على الحيطه وقرب منها وقال هو مش عند يا تمارا انا غلط ودفعت التمن ومازلت بدفع بس هصلح الغلط ده قريب اوى انتى ليه تغلطى غلطتى على الأقل انا راجل مخسرتش حاجه إنما انتى هتخسرى كتير صدقينى
تمارا :- كانت متوتره من قرب يوسف ليها وقالت ل.ل.لو سمحت ابعد مينفعش كده
يوسف :- قرب اكتر ليها ومسك وشها ما بين ايديه وقال تمارا تعالى ننسى كل اللى فات ونبدء من جديد انا مش قادر اعيش من غيرك وانتى كمان يا تمارا بتحبينى ومش قادره تعيشى من غيرى بلاش العناد يبعدنا عن بعض
تمارا :- كانت ساكته ومتوتره من قرب يوسف ليها
يوسف :- تمارا ردى عليا ارجوكى
تمارا :- بتوتر ا.ا.ارد على ايه
يوسف :- اننا نسى كل اللى فات ارفضى ياسين يا تمارا وانا هطلق ارين ونعيش مع بعض بقى
تمارا :- بلعت ريقها وبصت ليه وغمضت عينيها بتوتر
يوسف :- بص على شفايفها وقرب منها علشان يبوسها
تمارا :-فتحت عينيها و ضربته بالقلم وزقته وطلعت تجرى من عنده
يوسف :- حط أيده على وشه مكان القلم واتعصب اكتر وقال عااااااا ماشى يا تمارا ماشى ودخل كمل لعب الرياضه بعصبيه اكبر
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
دخلت تمارا تجرى على اوضتها وقفلت الباب وراها ووقفت وراه وغمضت عينيها بتوتر ونفسها كان سريع وحطت ايديها على قلبها وقالت
تمارا :- انت غبى ليه بدق بالطريقه دى لما يكون قريب منك أنساه بقى أنساه كفايه تعذيب فيا وفى الوقت ده الباب خبط اخدت نفس علشان تهدا وفتحت الباب لاقتها رحمه قالت تعالى يا رحمه
رحمه :- بفرحه قالى وقولتله واترمت على السرير
تمارا :- بأستغراب هو مين ده
رحمه قامت سندت راسها على ايديها وبصت لتمارا وابتسمت بحب وقالت بدر
تمارا :- العبيط
رحمه :- عبيط فى عينك ده راجل اوى وطيب اوى وحنين اوى اوى وكله على بعضه عسل
تمارا :- قعدت جمبها وقالت وايه كمان
رحمه :- لسه هتتكلم بصت ليها بأستغراب وقالت انتى مالك وشك اصفر كده ومفهوش ولا نقطة دم
تمارا :- ها م.م.مفيش ع.ع.عادى يعنى شوية إرهاق
رحمه :- غمضت عينيها وقالت شكله مش إرهاق خالص الموضوع فيه يوسف
تمارا :- وقفت وقالت ل.ل لاء ايه هيجيب يوسف هنا يعنى
رحمه :- تماااااارا
تمارا :- احم ا.ا.انا اللى كنت عنده
رحمه :- طيب ما تقولى كده من الاول وكنتى بتعملى ايه عنده يا حلوه
تمارا:- ر.ر.روحت علشان اغيظه بياسين لاقته بيلعب رياضه بعنف ونفسه سريع جدآ قولت أهديه شويه و.و.وبس
رحمه :- بت انتى هتستعبطى متقصيش الموضوع احكى بسلاسه يا شجرة الدر
تمارا :- بت انتى مش علشان فرحانه شويه هطلعيهم عليا
رحمه :- علشان خاطرى يا تيمو قوليلى يوسف عمل ايه خلى الدم هرب من وشك كده ايه باسك
تمارا :- اتلمى يا قليلة الادب
رحمه :- تمارا اتكلمى متوجعيش قلبى
تمارا :- احم ه.ه.هو حاول يبوسنى بس انا ضربته بالقلم وطلعت اجرى
رحمه :- اوبااااا دى شكلها ولعت يا معلم
تمارا :- انا لو كنت فضلت ثانيه واحده بعد القلم اللى اخده منى كان عملنى كفته
رحمه :- ضحكت وقالت وكان هيبقى اسمك المرحومه كفته
تمارا :- هه خفه
رحمه :- لاء بجد يلا اجهزى اكيد اللى ما تتسمى هتنزل دلوقتى
تمارا :- اوك روحى وانا جايه وراكى
رحمه :- متتأخريش
تمارا :- لاء مش هتأخر
رحمه :- خرجت من اوضت تمارا وقفلت الباب وراها
تمارا :- اخدت نفس وراحت بصت من الشباك بتاعها على يوسف وهو فى اوضت الجيم لاقته لسه مستمر فى العنف قالت اتعصب اتعصب اياكش تتخبط دلوقتى فى صوباع رجلك الصغير يطير عقلك من نفوخك وبصت عليه شويه وخرجت راحت عند رحمه وقالت ايه الاخبار
رحمه :- المسكينه تعبانه ودخلت تنام
تمارا :- نوم العوافي يا شابه وابتسمت لرحمه وراحوا بعيد يتابعوا حركة ارين لاقوها لابسه وخارجه من الباب اللى وراه الجنينه وركبت عربيتها ومشيت والاتنين راحوا ركبوا العربيه وطلعوا وراها علشان يراقبوها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى بيت انس
دخل انس الاوضه عند ندى لاقها قاعده وماسكه التليفون بتاعها قعد جمبها من غير ولا كلمه ندى بصت ليه بأستغراب وقالت
ندى :- محتاج اقوم اعملك حاجه
انس :- مش عايز منك حاجه
ندى :- طيب خير
انس :- تعرفى تحطى لسانك جوه بؤقك وتسكتى شويه
ندى :-اتنهدت وقالت حاضر اتكتمت اهو
انس :- انا من يوم ما مات بابا وانا بعتبرك بنتى مش اختى عمرى ما مديت ايدى عليكى بس لما توصل تكلمى اخوكى الاكبر منك بأسلوب مش كويس كان لازم اديكى قلم يفوقك علشان تتعدلى
ندى :- اه وبعدين يعنى انت جاى علشان تقولى الكلمتين دول
انس :- هتسكتى ولا اكسرك نفوخك
ندى :- سكت
انس :- انا عايزك تراجعى نفسك وتشوفى نفسك كنتى غلطانه ولا لاء لما اتكلمتى معايا بالاسلوب ده ومش عايزك تكررى الموضوع ده تانى المرادى اكتفيت بضربك بالقلم المره الجايه هكسرك رقابتك لازم تتعلمى الادب وتتعلمى ازاى تتكلمى مع الأكبر منك
ندى :- يعنى انا فكرتك جاى تصالحنى على اللى انت عملته فيا الصبح الاقيك جاى تغلطنى شكرآ ليك بجد شكرآ ليكى يا مصر علشان اتخلق على ارضك شخصيه عظيمه زى اخويه انس
انس :- داس على أسنانه وقال بصى انتى بتعصبينى ازاى وترجعى تزعلى لما أمد ايدى عليكى
ندى :- وقفت وقالت هو انت هتخسر ايه لما تصالحنى وتقولى متزعليش منى يا ندى غصب عنى اتعصبت عليكى والله العظيم ما هيحصل حاجه الدنيا ابسط من كده يا انس، يا نهار ازرق مش باين ليه ملامح يعنى تاعب نفسك وجاى عندى علشان تحدف الدبش المعتاد بتاعك وتمشى طيب شايف وشى عمل ازاى من ايدك لما ضربتنى بالقلم مش هتخسر حاجه لما تخدنى فى حضنك وتقولى متزعليش انا هتشل وربنا
انس :- داس على أسنانه وقال تصدقى انا غلطان علشان جيت انبهك علشان متغلطيش تانى وتعصبينى طيب من هنا ورايح مفيش غير الضرب يا ندى وعلى الله اشوفك واقفه مع البت اللى اسمها يارا دى متلوميش غير نفسك ساعتها وانا هوديكى الشغل وهاجى اخدك بعد الشغل فاهمه وسابها ومشى
ندى :- بصت ليه بصدمه وقالت ليه يا ربى توعدنى بأخ زى ده ماله بدر بيخاف على أخته وحنين عليها وعمره ما زعلها وحطت المخده على وشها وقعدت تصرخ
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند تمارا ورحمه
الاتنين مشوا وراه عربية ارين لحد ما وصلت عند مكان غريب ونزلت من العربيه ودخلته تمارا بصت لرحمه بأستغراب وقالت
تمارا :- هى جايه مكان زى ده تعمل فيه ايه
رحمه :- بأستغراب معرفش انزلى لما نشوف
تمارا :- ننزل ايه انتى مش شايفه المنطقه عامله ازاى
رحمه :- لاء ما احنا لازم نعرف دى جايه هنا بتعمل ايه
تمارا :- بس
رحمه :- مفيش بس انزلى يلا يا تمارا علشان خاطر نعرف بتعمل ايه من وراه يوسف
تمارا :- بصت ليها بتوتر ونزلت من العربيه هى ورحمه مشوا جمب بعض وهما خايفين وماسكين فى بعض جامد ودخلوا مكان ما ارين دخلت وبصوا لبعض بصدمه وبلعوا ريقهم بالعافيه
رحمه :- بخوف ا.ا.احنا فين
تمارا :- غمضت عينيها وقالت واضح من الاشكال دى احنا فين يا رحمه وفى الوقت ده جه راجل ومشى أيده على دراع تمارا وقال
الراجل :- نورت يا قمر وضحك بصوت تخين
تمارا :- وهى مغمضه عينيها قالت لالالا اكيد ميقصدنيش انا الله يحرقك بجاز وسخ يا ارين الكلب
الراجل :- ايه يا حلوين اوضت نوم ولا وداس على شفيته بأسنانه
تمارا :- لاء شكرآ يا حضرة عندى اوضه فى بيتى والله عن اذنك وقالت يلا يا رحمه
رحمه :- كانت واقفه ومش قادره تتحرك
تمارا :- مش وقت استغراب خالص اتحركى يخربيتك
الراجل :- وقف قصادهم وقال رايحين فين يا قمرات هو دخول الحمام زى خروجه
تمارا :- م.م.معلش اصل احنا بنام بدرى
الراجل :- وبتغسلوا اسنانكم وبتشربوا اللبن قبل ما تناموا على كده
كل اللى موجودين فى المكان قعدوا يضحكوا
تمارا :- انطقى يا اختى مش دى شورتك السوده اتصرفى يا ام العريف
رحمه:- م.م.م.م.م.م
تمارا :- ما ايه انتى علقتى ولا ايه
الراجل :- ولا يا اشول تعال خد الحلوين دول على اوضت ميه واربعه
تمارا:- حضرتك ليه ها
الراجل :- ردوا عليها ليه يا رجاله وقعد يضحك
تمارا :- الواضح أننا هيتعمل علينا وليمه يا رحمه ذنب اخوكى والقلم اللى طرقع على خده
رحمه :- بخوف والعمل
تمارا :- انا هشغلهم وانتى اهربى
رحمه :- لاء طبعآ واسيبك لوحدك
تمارا :- يا غبيه روحى هاتى اى حد ينقذنى بس بسرعه
رحمه :- م.م.ماشى
تمارا :- ااااااه يا بطنى ااااااه وقعدت تصرخ
الكل اتجمع حاولين تمارا ورحمه خرجت تجرى ركبت العربيه وطلعت تجرى بيها
الراجل :- مالك يا قمر ومشى أيده على وشها
تمارا :- مغص جامد فى بطنى
الراجل :- مغص جه فجأه كده
تمارا :- تعال اقولك حاجه فى ودنك
الراجل :- قرب من تمارا
تمارا :- كلمته فى ودنه
الراجل :- بصوت تخين ااااااه يبقى خليكى مشرفه هنا اليومين دول يا حلوه ولا يا اشول خدها فى اوضت الانتظار
تمارا :- بصوت واطى انتظار انتظار احسن برضه
الراجل :- فين البت اللى كانت معاكى
تمارا :- بت مين مكانش معايا حد
الراجل :- مسك تمارا من شعرها وقال هتستعبطى فين البت اللى كانت معاكى
تمارا :- بألم اااه قولتلك مكانش فيه حد معايا
الراجل :- ااااه يبقى دى كانت لعبه منك علشان تهربيها وانتى معندكيش حاجه ماشى انا هوريكى يا بنت ال(......) وجرها من شعرها ودخلها الاوضه وحدفها فى الارض ومد أيده فتح حزام البنطلون وقلع التيشرت بتاعه و...........
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
يوسف كان مستمر بلعب الرياضه وهو متعصب وفى الوقت ده دخلت عليه ارين وراحت عنده وقربت من يوسف وقالت
ارين :- مش ناوى تسامحنى بقى وترجع اوضك
يوسف :- بعد عنها وقال روحى اوضك يا ارين
ارين :- الاوضه وحشه اوى من غيرك يا يوسف
يوسف :- اااااارين مش نقصك انا امشى بقى
ارين :- قربت منه وقالت طيب وحياة ابننا سامحنى وارجع اوضك
يوسف :- طيب روحى دلوقتى
ارين :- لفت دراعها حاولين رقبة يوسف وقالت مش هروح اوضى غير وانت معايا
يوسف :- بص الاتجاه التانى ومردش عليها
ارين :- مدت ايديها ورجعت وشه تانى ليها وقربت من شفايفه ولسه هتبوسه
يوسف :- بعد عنها وقال ق.ق.قولتلك روحى على اوضك
ارين :- بصت ليه بغيظ واتنهدت وراحت تانى لفت دراعها حاولين رقابته وقالت بدموع هو انا علشان بحبك تعمل فيا كده انا عارفه انك مش بتحبنى وان اللى فى قلبك تمارا مش انا بس انا ليا حقوق عليك يا يوسف وحطت راسها على صدره وقعدت تعيط
يوسف :- اتنهد وقال خلاص أهدى
ارين :- بدموع من اول يوم جوازنا وانا محستش بالفرحه يا يوسف حتى لما بقى هيبقى عندنا بيبى مهتمتش بيا زى اى اتنين انا محتاجك جمبى الفتره دى اوى يا يوسف
يوسف :- اتنهد ومردش عليها
ارين :- بصت ليه وقالت انا محتاجك خليك جمبى وقربت من شفايفه و...............
🦋مزاولة حب🦋22
🐝الفصل الثانى وعشرون🐝
عند تمارا
عملت تمارا أنها بطنها بتوجعها علشان تهرب رحمه من المكان ده وبعد وقت اكتشفوا هروب رحمه مسكها الراجل من شعرها ودخلها الاوضه وحدفها فى الارض وقفل الباب وقلع الحزام وفتح قميصه وحاول يهجم على تمارا وكانت تمارا هتموت من الخوف وقامت و طلعت تجرى فى الاوضه وقالت
تمارا :- ا.ا.انت عايز ايه منى
الراجل :- انتى شايفه انا عايز ايه ؟ وراح عندها
تمارا :- بعدت عنه وقالت ط.ط.طيب ليه ترضاها على اختك حد يعمل فيها كده
الراجل :- معنديش اخوات بنات وراح عندها
تمارا :- طلعت تجرى بعيد عنه وقالت طيب ترضاها على امك
الراجل :- داس على أسنانه وقال امى ميته وراح عندها
تمارا :- بعدت عنه وقالت الله يرحمها كانت ست طيبه نرجع لموضعنا هتستفاد ايه يعنى لما تعمل فيا كده ما المكان ماشاءالله فيه بنات كتير اوى زى القمر وواضح عليهم انهم خبره وزباله اوى فى مجال قلة الأدب ده ربنا يزيد ويبارك يعنى مش بحسد ولا بقر يبقى تسيبهم وتبص ليا ده انا عامله شبه عود القصب المسوس والله نفسك حلوه انك كلمتنى اصلا
الراجل :- بت انتى عبيطه ولا هبله
تمارا :- الاتنين
الراجل :- راح عندها وقال خلصينى بقى هضيعى الكام كاس اللى شاربهم
تمارا :- بعدت عنه وقالت هو انت تعرف ارين منين
الرجل :- اريال
تمارا :- اريال مين ده جوزها اللى طلع اريال بقولك ارين
الراجل :- معرفش حد بالاسم ده
تمارا :- يا راجل قول كلام غير ده ده انا شايفها بعينى الحوله دول وهى داخله هنا
الراجل :- بت انتى انا معرفش لا اريال ولا برسيل خلصينى فى يومك اللى مش فايت ده وراح عندها
تمارا :- طلعت فوق السرير وقالت هو انا بسألك على احسن مسحوق للغسيل
الراجل :- يوووووه وطلع يجرى على السرير ومسكها نيمها على السرير
تمارا :- ابعد عنى يا حيوان بقولك ابعد وعضته فى كتفه وزقته من عليها
الراجل :- ااااااه يا بنت العضاضه ده انتى يومك مش فايت النهارده
تمارا :- طلعت تجرى وقالت يخربيتك عامل شبه الطور كده ليه اعمل مع الحمار ده ايه بس يارب
الراجل مسكها من رجليها وقعها وشالها ونيمها تانى على السرير
تمارا :- قعدت تزق فيه وبصت جمبها لاقت اباجوره اخدتها وضربت بيها الراجل على راسه من وراه
الراجل :- بألم ااااه وبعد عنها لاقه راسه بتنزل دم
تمارا :- ضربته مره تانيه
الراجل :- اغمى عليه
تمارا :- يخربيتك فرهتنى وبصت حاوليها فى الاوضه وقالت انا لازم اهرب من هنا بأى طريقه لاقت شباك راحت بصت منه لاقته واطى وقفت عليه وحاولت تنزل وفعلا قدرت توصل لشارع وطلعت تجرى بعيد عن المكان ده وجريت مسافه كبيره جدآ لحد ما حست نفسها مش قادره تاخد نفسها قعدت على الأرض بتعب ترتاح شويه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
حاولت ارين تقرب من يوسف علشان يرجع معاها الاوضه وقربت من شفايفه وقالت
ارين:- انا محتاجك جمبى يا يوسف وقربت من شفايفه ولسه هتبوسه دخلت رحمه وهى بتنهج وقالت
رحمه :- برن على تليفونك مش بترد ليه
يوسف :- بعد عن ارين وقال صامت
رحمه :- بأستغراب انتى هنا طيب ازاى
ارين :- يعنى ايه انا هنا امال هكون فين
رحمه :- مسكتها من دراعها وقالت انتى مش خرجتى من شويه
ارين :- شدت دراعها وقالت كدابه انا متحركتش من هنا
رحمه :- لاء انتى اللى كدابه انا شوفتك وانتى خارجه
يوسف :- فيه ايه يا رحمه فهمينى
رحمه :- الهانم خرجت من شويه وروحنا انا وتمارا وراها ودخلت مكان مشبوه ولما دخلنا وراها واحد منعنا اننا نخرج وتمارا حاليآ فى المكان ده وانا هربت علشان اخدك تنقذها
ارين :- انا مخرجتش من هنا ومن بدرى قاعده مع عمو حسام وطنط سميحه حتى روح اسألهم
رحمه :- مش وقته يا يوسف اهم حاجه روح انقذ تمارا بسرعه
يوسف :- بص لارين وبص لرحمه وقال تعالى بسرعه ورينى المكان ده فين وخرجوا الاتنين مع بعض ركبوا العربيه ومشوا
ارين :- بغيظ اغبيه ومسكت تليفونها وطلبت رقم وانتظرت الرد وبعد وقت قالت انتى غبيه ازاى التانيه دى هربت منكم
المتصل :- معرفش انا دخلتهم ورايا على المكان المشبوه ده وخرجت من الباب التانى معرفش ايه اللى حصل بعد كده
ارين :- ده انتى اللى يعتمد عليكى يروح في ستين داهيه اقفلى وقفلت السكه فى وشها وراحت على اوضتها وافتكرت اللى حصل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فلاش بااااااك
رجعت ارين من بره لما عرفت أن يوسف رجع الفيلا وسألت عليه وعرفت أنه نايم فى اوضه تانيه غير اوضتهم وطلعت فوق ولسه هتروح عند اوضت يوسف سمعت اسمها طالع من اوضت رحمه مشيت براحه وحطت ودنها عند باب اوضت رحمه وسمعت كلام رحمه وهى بتحكى لتمارا عن خروجها وسمعت اتفاقهم مع بعض علشان يرقبوها رجعت تانى اوضتها ودخلت قعدت على السرير وقالت
ارين :- والعمل دلوقتى لو يوسف عرف ممكن يطلقنى فيها اتصرف ازاى اتصل على ريماس هى هتعرف تتصرف، ريماس صحبتها اللى اتعرفت عليها فى النادى مسكت تليفونها واتصلت بيها وقالت انتى فين
ريماس :- انا لسه فى المكان اللى كنا قاعدين فيه انا وانتى مروحتش ليه
ارين :- طيب تعالى بسرعه ليا
ريماس :- ليه جوزك حس بحاجه
ارين :- لاء بس تعالى بسرعه وانا هقولك كل حاجه
ريماس :- اوك باى
وبعد وقت وصلت ريماس ودخلت الاوضه عند ارين وقالت خير فيه ايه
ارين :- قالت ليها كل اللى سمعته من رحمه وتمارا
ريماس :- طيب والعمل
ارين :- انتى بتسألينى انا امال انا اتصلت بيكى ليه
ريماس :- مش عارفه
ارين :- هوف يعنى لا انتى عارفه ولا انا عارفه وممكن يروحوا يقولوا ليوسف ويبقى كل اللى عملتها راحت على الفاضى
ريماس :- خلاص حاولى متخرجيش اليومين دول امان ليكى
ارين :- ما هو ده اللى هعمله بس لازم ابعد اللى اسمها تمارا دى عن حياتنا الاول
ريماس :- ازاى مش فاهمه
ارين :- بصى انتى تيجى ليا بكره على الساعه عشره وانا هعمل زى كل يوم واقول هدخل انام وطبعآ الست رحمه ما هتصدق هتجرى تبلغ المفتش كرومبو فى الوقت ده احضرك انتى هلبسك طقم من عندى وبروك نفس شعرى وانتى جسمك زى جسمى وتخرجى هيفكروا انك انتى انا هيمشوا وراكى تخديهم مكان مشبوه من بتوعك وتدفعى للرجاله يظبطوهم ويصوروهم كام صوره لذكرى ويوسف يشوفهم ويكرهه وتبعد عن حياتى بقى
ريماس :- وافرضى مدخلوش ورايا
ارين :- هيدخلوا وراكى متقلقيش هما عايزين يصورونى علشان يثبتوا ليوسف أن انا بخرج من وراه
ريماس :- طيب افرضى أخته دى بعد كده قالت الحقيقه ليوسف
ارين :- ايه الدليل مش معاهم دليل
ريماس :- طيب اخر سؤال افرضى قالوا ليوسف انك انتى السبب فى اللى هيحصل ليهم ده
ارين :- انتى اول ما تخرجى وهما يخرجوا وراكى هنزل من اوضى واقعد معاهم تحت علشان اثبت ليهم أنهم كدابين وان انا مخرجتش من الفيلا وهما اللى بيرحوا الاماكن دى وعايزين يتهمونى انا فى الموضوع ده ويظلمونى
ريماس :- ضحكت وقالت فعلا انتى مظلومه اوى ده انتى عندك شوية افكار شيطانيه
ارين :- ضحكت وقالت هما اللى بدأوا وده رد فعل طبيعى عليهم
ريماس :- اوك هروح انا وبكره هاجى ليكى فى الوقت اللى اتفقنا عليه
ارين :- اوك باى
ريماس :- روحت على بيتها
ارين :- ضحكت بشر وقالت نهايتك على ايدى يا تمارا ونامت على سريرها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
باااااااك
فاقت ارين من تفكيرها وقالت
ارين :- على الله بس يكون اتعلم عليكى يا تمارا قبل ما يوسف يوصلك وتتكسر مناخيرك اللى مرفوعه لفوق دى ويوسف يكرهك ويرجع ليا من تانى بقى مهما حصل مش هسيبه ليكى يا تمارا يوسف بتاعى انا بس واللى يفكر ياخده منى يبقى كتب نهايته بأيده ونامت على السرير وغمضت عينيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند يوسف ورحمه
يوسف كان سايق العربيه بسرعه كبيره جدا ورحمه بتوصف ليه الطريق بس مره واحده قالت رحمه
رحمه :- استنى اقف كده دى شكلها تمارا
يوسف :- وقف العربيه مره واحده وبص مكان ما رحمه شاورت ونزل يجرى من العربيه وراح عند تمارا وقال تمارا انتى كويسه
تمارا :- اتخضت اول ما سمعت صوت بس ارتاحت اول ما لاقته صوت يوسف بصت ليه وقالت انا تمام كويسه
رحمه :- تمارا انتى هربتى ازاى
تمارا :- ضربته بالاباچوره فى دماغه لحد ما اغمى عليه وخرجت من الشباك هو اصلا كان سكران ومفهوش نفس
يوسف :- انتوا ايه يوديكم مكان زى ده
رحمه :- قولتلك كنا ماشين وراه مراتك علشان نعرف هى كل يوم بتخرج من وراك وبتروح فين
يوسف :- بس ارين فعلا مخرجتش من البيت هى كانت موجوده يبقى خرجتوا ازاى وراها وبعدين ماما قالت إنها كل يوم فى البيت وبتدخل تنام فى اوضتها يبقى ازاى بتخرج كل يوم
رحمه :- والله العظيم مراتك دى كدابه وزباله وهى بتقول كل يوم انها هتنام وبتدخل تغير هدومها وبتخرج من الباب اللى وراه
يوسف :- زى النهارده مش كده مش معنى انكم بتكرهوها تقول عليها كلام كدب انا اه مش بحبها وهطلقها بس مش هاجى عليها واظلمها واقول عليها كلام محصلش
رحمه :- لسه هتتكلم
تمارا :- خلاص يا رحمه اسكتى واضح كده اخوكى بيثق فيها اكتر من نفسه سبيه هو حر احنا عملنا اللى علينا وكنا هنضيع بسببه خليه واثق فيها زى ما هو ويتحمل هو نتيجة اختياره وقامت وقفت
يوسف :- انا ليا اللى شوفته بعينى يا تمارا ارين كانت فى البيت مخرجتش فعلا وانتوا بتقولوا خرجت وكنتوا ماشين وراها ازاى بقى عفريتها اللى كان فى البيت
تمارا :- لاء يا سيدى انت صح ليكى اللى شوفته بعينك واحنا كمان لينا اللى شوفنا بعنينا ومصداقينه برضه يلا يا رحمه
وراحوا التلاته ركبوا العربيه من غير ولا كلمه
يوسف :- بص فى مراية العربيه على تمارا وراه وقال ممكن اعرف ايه اللى حصل معاكى فى المكان ده
تمارا :- ملكش فيه
يوسف :- اتنهد وقال طيب حد لمسك
تمارا :- هتفرق معاك كتير يعنى إذا كان حد لمسنى ولا لاء
يوسف :- بعصبيه اه طبعآ هتفرق يعنى لو حد قرب منك هروح اكسر المكان على أصحابه يا تمارا
تمارا :- على فكره زى ما ربنا خلقك بدراعين ربنا خلقنى انا كمان بدراعين واقدر ادافع على نفسى بيهم كويس اوى
يوسف :- اتكلمى يا تمارا حد لمسك
تمارا :- بص يا يوسف معنى أن انت مصدق أن مراتك مخرجتش يبقى كده احنا كنا رايحين المكان ده بمزاجنا ومدام انت شيفنا رايحين برجلين يبقى متسألش عن اللى حصل هناك ايه لان ده يخصنى انا وملكش دخل فيه فاهم
يوسف :- لاء يا تمارا انا عارف أخلاقك كويس اوى زى ما متأكد أن اختى لا يمكن تروح مكان مشبوه زى ده هو الموضوع ده فيه لغز ايه هو الله اعلم بس اللى متأكد منه انكم مش رايحين المكان ده بمزاجكم
رحمه :- صدقنى يا يوسف احنا كنا ماشين وراها ودخلت هى المكان ده واحنا دخلنا وراها
يوسف :- تانى يا رحمه
رحمه :- تانى وتالت ورابع ومش هسكت غير لما تصدق كلامى
تمارا :- ما خلاص يا رحمه قولتلك اسكتى وسبيه هو حر
يوسف :- مش حكايه حر يا تمارا
تمارا :- بص تصدق متصدقش انت حر اسكت بقى
يوسف :- طيب مردتيش عليا حد لمسك هناك
تمارا :- تصدق انا هنزل واروح ليهم تانى وارمى نفسى لراجل ابو كرش اللى هناك علشان استريح من زنك
يوسف :- خلاص خلاص أهدى ووصلوا عند الفيلا وكل واحد دخل على اوضه من غير ولا كلمه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد بنورها الساطع فى سماء القاهره لتبدء يارا بفتح عيونها على صوت تليفونها بصت فيه لاقتها ندى قامت قعدت وقالت
يارا :- صباح الخير يا ندوش
ندى :- صباح النور يا يارا عامله ايه
يارا :- الحمدالله مالك يا بت
ندى :- يارا انس هيوصلنى كل يوم وهيجى يخدنى بعد الشغل
يارا :- والله! وليه ده كله أن شاءالله
ندى :- ما انتى عارفه
يارا :- حلو اوى خلى اللعب على المكشوف ماشى يا انس
ندى :- انا قولت اقولك علشان متتفاجئيش لما تشوفيه
يارا :- ماشى يا نودى ربنا يخليكى ليا يلا باى وقفلت مع ندى وقالت انت اللى بدأت يا انس استحمل بقى وقامت خرجت من اوضتها لاقت بدر محضر الفطار وقال
بدر :- صباح الورد
يارا :- صباح النور يا حبيبى
بدر :- احلى فطار لروح قلبى يارا
يارا:- حبيبى ربنا يخليك ليا هدخل الحمام واجى أفطر وتقولى ايه سر السعاده اللى فى عينيك دى وغمزت ليه وسابته ودخلت الحمام وبعد وقت خرجت ودخلت اوضتها أدت فرضها وغيرت هدومها وخرجت من اوضتها وقعدت وقالت ها اتكلم بقى ايه سر السعاده دى
بدر :- ابتسم ليها وقال رحمه اعترفت ليا بحبها
يارا :- بفرحه بجد
بدر :- ايوه امبارح جيت اعترف ليها بحبى لاقيتها هى سبقتنى وقالت ليا أنها بتحبنى
يارا :- ربنا يسعدكم ويفرح قلبك يا حبيبى
بدر :- بس برضه فرحتى نقصه كتير يا يارا ناقص وجود ماما ودعواتها ليا
يارا :- والدموع فى عينيها قالت الله يرحمها يا بدر هى عايشه جوانا وفى قلوبنا وعمرنا ما هننساها
بدر :- ربنا يرحمها المهم انا هدور على شغل تانى يا يارا
يارا :- وهتسيب اللى انت شغال فيه
بدر :- لاء هفضل فيه زى ما انا
يارا:- بس كده هيبقى تعب عليك يا بدر
بدر :- لازم اتعب يا يارا علشان اقدر اجمعلك فلوس تتجوزى بيها لما يجيلك عريس
يارا :- لاء طبعآ متشغلش بالك بيا انا شغاله زى زيك فكر فى نفسك انت وحاول تعمل حاجه لنفسك الشقه موجوده اللى احنا عيشين فيها دى اتجوز فيها بس فيه حاجات كتير تانيه غير الشقه محتاجها
بدر :- لاء طبعآ اهم حاجه انتى اجوزك واطمن عليكى وبعد كده ابقى افكر فى نفسى
يارا :- ربنا يخليك ليا يا حبيبى وقامت وقفت
بدر :- رايحه فين انتى مأكلتيش حاجه
يارا :- شبعت والله تسلم ايدك يا حبيبى وباسته فى خده ونزلت راحت على الشغل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
صحيت تمارا من نومها بتعب وإرهاق شديد قامت دخلت الحمام وبعد وقت خرجت وأدت فرضها وغيرت هدومها وخرجت من اوضتها ونزلت تحت وقالت
تمارا :- صباح الفل على الحلوين
عماد :- صباح النور يا حبيبتى
سميه :- كنتى فين امبارح يا تمارا
تمارا :- ها ك.ك.كنت فى مشوار
سميه :- مشوار ايه ده اللى ترجعى منه متأخر كده
تمارا :- ا.ا.ا اه ك.ك.كنت سهرانه مع رحمه ويوسف فى كافيه
سميه :- وده ينفع برضه أن بنت تخرج مع شاب فى وقت متأخر كده
تمارا :- ك.ك.كانت معانا رحمه وبعدين مش ده يوسف اللى كنتى زعلانه منى علشانه
سميه :- مش معنى ان زعلت منك علشان اتكلمتى معاه بأسلوب وحش تروحى تخرجى معاه فى وقت متأخر كده ما تتكلم يا عماد ساكت ليه
عماد :- علشان مليون مره اقولك انا واثق فى بنتى مهما عملت
سميه :- فين الدم عندك بقولك بنتك راجعه متأخر امبارح وكانت مع شاب
عماد :- اولا الشاب ده هى متربيه معاه واحنا عارفين يوسف كويس اوى ثانيآ هى قالت كانت معاهم رحمه أخته وثالثآ بقى حسك عينك تغلطى فيا تانى فاهمه
سميه :- ا.ا.انا اسفه مكانش قصدى اغلط فيك بس عمايل بنتك بقت تجنن الواحد
تمارا :- انا اسفه يا ماما مش هتتكرر تانى
سميه :- انا تعبت منك خلاص كل ما بتكبرى كل ما بتزيدى فيها ربنا يهديكى يا بنتى وسابتهم وقامت
تمارا :- اتنهدت وقالت انا اسفه يا بابا
عماد :- انتى اول مره تكدبى يا تمارا وده اللى خوفنى عليكى يا بنتى
تمارا :- بتوتر ا.ا اكدب
عماد :- ايوه يا بنتى انتى كدبتى على امك بس مرضتش اقولك الكلام ده قدامها بس لو حابه تقوليلى الحقيقه انا بسمعك اهو
تمارا :- بصت ليه بتوتر وقالت انا فعلا كدبت على ماما يا بابا انا مكنتش فى كافيه مع رحمه ويوسف انا كنت براقب ارين امبارح مع رحمه ودخلنا وراها مكان مشبوه وشكله كان فخ منها لينا والراجل خطفنى وكان عايز يتهجم عليا بس انا ضربته فى دماغه وهربت منه
عماد :- وليه عملتى كده يا تمارا
تمارا :- رحمه طلبت منى اساعدها
عماد :- انتى معملتيش كده علشان رحمه اللى طلبت منك يا تمارا انتى عملتى كده علشان تثبتى ليوسف أن اختياره غلط وتوريه أن هى دى اللى ميزها عليكى
تمارا :- بصت ليه بوجع وقالت ايوه يا بابا انا عملت كده علشان اخليه يندم على اختياره لارين ويعرف أن انا احسن منها مليون مره بس فعلا يا بابا ارين بتعمل حاجه من وراه دى شيطانه
عماد :- ابعدى عن يوسف يا تمارا وفكرى فى نفسك بس وهو حر يتحمل نتيجة اختياره كنتى بسببه هضيعى نفسك امبارح
تمارا :- بوجع حاضر
عماد :- انا عارف ان اللى بطلبه منك صعب وان مش بأيدك اللى فى قلبك بس انا مش هقعد اتفرج على بنتى وهى بضيع منى
تمارا :- عندك حق يا بابا وانا فعلا غلط امبارح ومش هعمل كده تانى
عماد :- عملتى ايه فى موضوع ياسين
تمارا :- يا لهوى نسيت ده جاى ليك النهارده
عماد :- يعنى موافقه عليه
تمارا :- ايوه يا بابا
عماد :- انا عارف انك وافقتى عليه وانتى مش بتحبيه بس لازم تعملى كده علشان تقدرى تنسى يوسف وطبعآ انا مش هوافق عليه غير لما أسأل عنه كويس اوى
تمارا :- وقفت وقالت إن شاءالله يا بابا عن اذنك هروح الشغل علشان متأخرش وباسته فى خده ومشيت
كريم :- نزل وقال صباح الخير
عماد :- صباح النور اقعد افطر
كريم :- مش عايز مليش نفس عن اذنك
عماد :- استنى يا كريم
كريم :- نعم يا بابا
عماد :- اقعد
كريم :- قعد وقال خير
عماد :- انا مش عجبنى وضعك ده دلع امك فيك هيضيعك يا ابنى انا نفسى اشوفك احسن منى واحسن واحد فى الدنيا دى كلها بس بوضعك ده صعب ركز فى تعليمك وسيبك من اى حاجه تانيه شوف اختك طول عمرها جدعه ومجتهده وبتعتمد على نفسها واسمها بنت اتعلم منها وخدها قدوه ليك يا حبيبى
كريم :- عندك حق يا بابا دلع ماما فيا ضيع منى حاجات حلوه كتير وخلانى شخصيه ضعيفه وعديم المسؤوليه انا هحاول اكون حد تانى خالص يا بابا حد تفتخر بيه قدام الناس كلها وتقول انك خلفة راجل
عماد :- أن شاءالله يا حبيبى وانا فعلا فخور بيك مهما عملت
كريم :- قام باس راسه وقال ربنا يخليك لينا
عماد :- ويخليكم ليا وطبطب على كتفه وابتسم ليه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند الشركه
وصلت يارا عند الشركه ووقفت تنتظر وصول ندى وبعد وقت وصلت ندى مع انس راحت عندها وقربت منها وحضنتها وقالت
يارا :- واحشتينى يا ندوش
ندى :- ابتسمت ليها بتوتر وقالت و.و.وانتى كمان
انس :- بعصبيه مش قولتلك ابعدى عن اختى
يارا :- وانا مش ملزومه اسمع كلامك انا وندى أصحاب ومفيش اى مخلوق على الأرض هيبعدنا عن بعض
انس :- داس على أسنانه وقال ودى اختى وانا حر اخليها تكلم مين ومتكلمش مين
يارا :- ليه أن شاءالله مين انت علشان تختار ليها أصحابها هى حره مش صغيره ولا بتمص فى صوابعها
انس :- انتى مالك انا واختى متدخليش فى اللى ملكيش فيه
يارا :- لاء ادخل لما حضرتك تدخل فى علاقتى مع صديقة عمرى يبقى لازم انا ادخل فى قرارك ده
انس :- شكلك نسيتى نفسك يا يارا ومش عارفه نفسك بتعملى ايه
يارا :- لاء فاكره نفسى كويس اوى وعارفه انا بعمل ايه وقربت اكتر ليه وقالت وهى دى هتكون طريقتى معاك من هنا ورايح واعلى ما فى خيلك اركبه
انس :- مسكها من دراعها جامد وقال لا عاش ولا كان اللى يتعامل معايا بالطريقه دى يا يارا
يارا :- حاولت تظهر قويه ومتظهرش ألمها وقالت لاء عاشت وكانت يا انس وهى دى طريقتى معاك بعد كده
انس :- داس اكتر بعصبيه وقال ده انا ادفنك مكان ما انتى واقفه يا يارا
ندى :- حست أن دراع يارا هيتكسر فى ايد انس خافت عليها وقالت انس بالله عليك اهدا وسيب دراعها احسن كده هيتكسر فى ايدك والله
انس :- داس اكتر وقال مش هى عامله فيها سبع الرجال تستحمل بقى
يارا :- وهى بدارى الالم قالت وانا لو بموت مش هظهر وجعى لواحد معندهوش قلب زيك
انس :- ابتسم وقال من امته الله يرحم ايام ما كنتى هتموتى علشان ابص ليكى بصه واحده
يارا :- داست على أسنانها وقالت واحد حيوان ومعرفش كنت معجبه بيك ازاى كنت عاميه سعتها
انس :- لمى لسانك بدل ما اقطعولك يا يارا
يارا :- لاء خوفت اوى الصراحه بص يا انس انت واحد مغرور ومتعجرف وانا للاسف مكنتش شايفه الحقيقه دى فيك ودلوقتى لما شوفتها كرهتك اوى وكرهت اليوم اللى فكرة فيك
انس :- بصلها بعصبيه وداس جامد على دراعها
يارا :- غمضت عينيها من كتر الالم ودموعها نزلت منها
انس :- داس على أسنانه وزقها بعيد عنه ومشى وسابهم
يارا :- اترمت فى حضن ندى وقعدت تعيط
ندى :- انا اسفه يا يارا هو عمل فيكى كده بسببى انا
يارا :- بدموع انتى ملكيش ذنب يا ندى هو اللى حيوان بس ودينى هعرفه مين يارا
ندى :- طيب أهدى بس، احنا واقفين فى الشارع يلا تعالى نطلع الشركه واخدتها وطلعوا فوق ودخلوا قعدوا فى المكتب بتاعهم
يارا :- اخوكى ده حيوان انا عارفه امك كانت بتتوحم فيه على ايه
وفى الوقت ده دخل مالك وقال
مالك :- صباح الخير يا بنات
ندى :- حاولت تدراى وشها وقالت بتوتر ص.ص.صباح النور
يارا :- صباح النور
مالك :- دخل قعد على المكتب بتاع ندى وقال مالك يا يارا
يارا :- مفيش
مالك :- واضح كده أن ابو الهول هو اللى مزعلك صح
يارا :- ده بنى أدم مستفز
مالك :- لسه بقول لندى الكلام ده امبارح فى التليفون والله يا بنتى الله يكون فى عونك منه وبص لندى وقال صح يا ند بس قطع كلامه لما شاف وشها
ندى :- حاولت تدرى وشها
مالك :- شال ايديها وقال ايه ده
ندى :- ها م.م مفيش
مالك :- بعصبيه مد أيده عليكى صح
ندى :- ل ل لاء
مالك :- وقف بعصبيه وقال لاء ايه أيده باينه على خدك اهى انا هروح اعرفه مقامه هو مفكر نفسه مين علشان يمد أيده عليكى
ندى :- طلعت تجرى ووقفت قصاده وقالت لاء يا مالك ابوس ايدك متعملش كده ودموعها نزلت منها وقالت بلاش تعقد الامور اكتر من كده معاه
مالك :- بعصبيه ازاى يعمل فيك كده ازاى
ندى :- اول مره والله وانا اللى استفزيته وعصبته و.و.وهو جالى وصالحنى وقال مش هيعمل كده تانى
مالك :- كدابه يا ندى اللى زى ده مبيعرفش يتأسف ولا يعترف بغلطه
ندى :- والله العظيم انس اخويا طيب اوى بس هو مش بيعرف يعبر عن اللى جواه وعصبى شويه
مالك :- ماشى يا ندى انا ليا كلام تانى معاه
ندى :- بقلق ناوى تعمل ايه
مالك :- متقلقيش وسابها ومشى
ندى :- قعدت على الكرسى بدموع وقالت ربنا يستر
يارا :- مشاكل الدنيا كلها سببها اخوكى المتعجرف ده
ندى :- بصت ليها ورجعت تانى بصت مكان ما كان واقف مالك وقالت ربنا يستر