رواية احتواء قلب
الفصل الاربعون40
بقلم عبير سليم
تحبي تشربي ايه حضرتك
ذكرتك : انا مش جايه لا اكل و لا اشرب انا جايه اقولك كلمتين تبلغيهم لجوزك و بس
تهاني : عاوزاني اقول ايه لعزت يا مدام
ذكرى : تقوليله اياك يجيب اسمي على لسانه و ينسى نهائي اي كلام حصل بيني و بينه
تهانى : يا سلام و هو بقى يشيلها لوحده مش كده
ذكرى : ده فصالحه قبل ما يكون في صالحي
تهاني : في صالحه ازاي ان شاء الله
انك لو قلت ان في حد هو اللي حرضك تعمل كده يبقى ده معناه ان اللي حصل ده مدبر و حتاخد حكم كبير لكن لو الموضوع خلص على أنه مكنش مقصود و صدفه حتاخد حكم مخفف
عزت : يا سلام و عاوزاني أصدق مش كده لا و حياة ابوها لجيبها معايا و يحصل اللي يحصل
تهاني : لا و النبي يا عزت متجيبش سيرتها عشان خاطري انا و ابنك
عزت : هو في ايه يا تهاني بالظبط ما تتكلمي و تخلصي هي قالتلك ايه رعبك كده عاوز افهم
تهاني و هي بتعيط : قالتلي انك لو اتكلمت او جيبت سيرتها مش حيطلع عليك صبح و انها حتبعت اللي يخلص عليك و انت هنا
و مش بس كده دي كمان قالتلي اقلق على زين لو انت اتكلمت
عزت : يا نهار ابوها اسود
تهاني : حتقدر يا عزت تؤذينا انا حسه كانت بتتكلم و هي مش هاممها حاجه مع ان شكلها كان تعبان و زي ما يكون فيها حاجه لكن بردو كانت بتتكلم بجبروت و انا خايفه عليك انت و زين
عزت : زين عامل ايه طمنيني عليه
تهاني :تعبان اوي يا عزت كل ما يبقى كويس يرجع يتعب تاني و انا خايفه عليه يروح مننا
شوف انت المحامي قالك ايه تقوله و متزودش حاجه الله يخليك
عزت : ماشي يا تهاني اخرجلهم بس و حوريهم كلهم مين هو عزت سواء هيا و اللا شهاب
...........................................
تحاول ذكرى الاتصال على أشرف كتير لكنه مبيردش عليها في الآخر تلبس و تقرر تنزل
جدتها : رايحه فين يا ذكرى
ذكرى : خارجه يا تيته
جدتها : خارجه فين يا بنتي و انتي تعبانه كده
ذكرى : مشوار مهم لازم اروحه
جدتها : هو كل يوم مشوار مهم مانتي كنتي لسه امبارح برة هو كل شويه خروج
ذكرى : تيته الله يخليكي متتعبنيش
جدتها : انتي اللي تاعبه نفسك بعمايلك دي انا خايفه عليكي يا ذكرى و لو جت همسه و لقيتك خرجتي حتضايق
ذكرى :معلش يا تيته مشوار مهم با حبيبتي مش حتاخر صدقيني ساعة زمن و راجعه على طول
تخرج و تروحله الفيلا يسمحلها الأمن بالدخول تدخل الفيلا و تقعد تنتظره ينزل
بعد دقايق ينزل السلم و هو بيرحب بيها : أهلا أهلا بالقمر اللي تقلان علينا
ذكرى : مقدرش اتقل عليك يا باشا
يسلم عليها و هو بيقبل ايدها و خدها : انتي كنتي غايبه عني الغيبه دي كلها فين
وحشتيني اوي
ذكرى : معلش يا باشا حقك علية ظروف غصب عني
عملتلي ايه يا احمد في المشوار اللي قلتلك عليه
احمد و هو بيدخن السيجار : قصدك على شهاب
ذكرى : أيوة مش حرتاح غير لما اشوفه مذ.. لول
احمد : اطمني عالآخر من ناحية حتشوفيه فمش انتي بس اللي حتشوفيه الدنيا كلها حتشوفه شهاب خلاص وقع و محدش سمى عليه هههههههه
القروض اللي اخدها و الصفقات اللي مضى اوراقها و مش قادر يمولها حتوديه ورا الشمس شهاب خلاص يا ذكرى بيفرفر و اللي هو فيه ده حلاوة رو... ح
و كلها يومين بالكتير و حتلاقي اخباره عالملاء
ذكرى : حلال فيه يستاهل كل اللي يجراله
احمد : ما هو كده يا ذكرى ما طار طير و ارتفع الا كما طار وقع
و شهاب طار بكل قوته و تخطى كل الحدود اللي كان مسموحله بيها كان فاكر نفسه حيناطح السحاب و يقف ادام الكل نسى انه بالنسبه لناس كتير و لا حاجه يداس بالرجلين و اهوه جه الوقت عشان يدفع تمن كل اخطاؤه
ياما نبهته انه ميقفش ادام الريح اهيه طيرته كان فاكر نفسه ذكي هههههههههه
و بعدين ده حتى لو مكنش عمل اي حاجه كفايه انه يزعل القمر بتاعي و انا امحيه من على وش الأرض (كان بيقولها و هو بيقرب منها وبياخدها فحضنه)
ذكرى و هي بتبعد نفسها عنه : منحرمش منك يا باشا ربنا يخليك لية
احمد : كده حاف من غير حاجه حلوة معاها
ذكرى و هي بتبوسه من خده : معلش يا احمد اعذرني تعبانه شويه مش حقدر
احمد : هو انتي ايه حكايتك بالظبط بقالك فتره بتقولي تعبانه تعبانه هو انتي اتحسدتي و اللا إيه لا انا ذكرى حبيبتي مينفعش تتعب تعبانه اجيبلك الدكاترة كلهم تحت رجلك المهم تبقي تمام
هو أنتي لما تتعبي انا مين اللي حيبسطني ده مفيش ست فهمتني و عرفت تبسطني غيرك انتي يا مزة
ذكرى : حبيبي منحرمش منك لا مش للدرجه دي انا كويسه بس هما شوية تعب انا حمشي دلوقتي و حجيلك وقت تاني
احمد و هو بيشدها من ايدها : ذكرى مفيش مشي قلتلك انتي معايا و مش حسيبك تمشي وحشتيني يا ذكرى
ذكرى : مش حينفع صدقني خليها المره الجايه عشان خاطري
احمد : عشان خاطري انا بقى افهمي انا لما عرفت انك جايه ظبطت نفسي على كده
يقبلها و هو بيتكلم : بحبك يا ذكرى بحبك
ذكرى و هي بتحاول تبعده : انا تعبانه معلش
احمد : مفيش معلش عاوزك يعني عاوزك انتي فاهمه و يا اما تبقي معايا يا اما تخرجي من الباب ده و مشوفش وشك تاني
يسحبها من ايدها على غرفة النوم و يلقي بيها عالفراش و يعتليها و مياخدش باله حتى انها عامله عمليه
كانت بتحاول ترضيه و ترضي رغباته المريضه لكنها مش قادره تعبانه بتتحامل على نفسها لكن تعبها كان هو اللي ليه كلمته : اااااه آآآه كانت بتقولها من قلبها
لكن هو كان مستمتع باهاتها مش مدرك انها من التعب اللي هيا فيه
بعدته عنها بكل قوته و فضلت تبكي و تصرخ : اااه مش قادره
قام و هو بيقفل الروب عليه : مالك في ايه
ذكرى : قلتلك تعبانه تعبانه مش قادره اااه
احمد : فيكي ايه انطقي
ذكرى : عامله عمليه و مش قادره
احمد : عمليه عملية ايه
ذكرى : شلت الرحم ارتحت كده
احمد: شيلتي الرحم ليه
ذكرى : عندي كانسر في عنق الرحم و شالوا الرحم كله
احمد : ايه كانسر معقوله دي و انتي ازاي متقوليش حاجه زي دي
ذكرى : عشان مش عاوزة حد يعرف
احمد : يعني تخاطري بحياتك عشان محدش يعرف قومي البسي و امشي حالا
ذكرى : انا اسفه متزعلش مني
احمد : بتاخدي جلسات
ذكرى : أيوة
احمد : لو احتاجتي حاجه قوليلي
ذكرى و هي بتتالم : شكرا
يفتح الدرج و يرميلها عالسرير مبلغ : خدي دول خليهم معاكي
لما تبقي كويسه ابقي تعالى انا بيتي مفتوحلك فاي وقت
تلبس هدومها و تمشي و هي مش قادره لدرجة انها ركبت عربيتها و مكنتش قادره تسوق من شدة الألم اتحاملت على نفسها لحد ما رجعت شافتها همسه من البلكونه و هي بتركن العربيه خرجت جري تفتحلها و اول ما فتحتلها الباب لقت ذكرى وقعت من طولها
نادت على عمرو اللي حاول يساعدها انهم بدخلوها الأوضة و فضلوا يفوقوا فيها لحد ما فاقت
همسه : حمد الله على سلامتك يا ذكرى كنتي فين يا حبيبتي قلقتيني عليكي
ذكرى : كنت في مشوار
همسه : مشوار ايه ده اللي جايه منه تعبانه بالشكل ده
ذكرى : معلش يا همسه انا تعبانه و عاوزه ارتاح شوفيلي مسكن تعبانه اوي
تجيبلها همسه مسكن تديهولها و تطلب منها ذكرى انها تخرج و تسيبها
تتألم ذكرى من الألم لحد ما تنام من التعب
عمرو : همسه انا حروح ابات مع عدي الليلادي
همسه : ماشي يا حبيبي سلملي عليه
عمرو : حاضر يا حبيبتي المهم انتي خللي بالك من نفسك يا قلبي و لو احتاجتي حاجه كلميني
همسه و هي بتحضنه : ربنا يخليك ليا يا حبيبي يارب
تفضل همسه سهرانه جمبها طول الليل و هي بتدعيلها بالشفا و ذكرى تعبانه اوي مش قادره تتحمل الألم اللي هيا فيه
اما عمرو فكان بيتكلم مع عدي طول الليل : ده انت عاوز تردهالي بقى
عمرو : هههههههه تقدر تقول كده انتم السابقون ونحن اللاحقون يا صاحبي
عدي : بس في فرق كبير بين الموضوعين يا عمرو
عمرو : إيه الفرق ان شاء الله في الحالتين واحده بتحب عاشقه ولهانه و واحد مش شايف و اللا نسيت ده لولاك كان زماني قاعد ببكي عالاطلال لحد دلوقتي
عدي : هههههههه متعرفش حاجه عنها صحيح
عمرو : اسكت مش شفتها
عدي :لا بجد فين مقلتليش
عمرو : مبحبش اجيب سيرتها و لا افتكرها جتها الهم انا مش عارف عقلي كان فين لما حبتها
عدي : انت حتقولي ما هو الحال من بعضه يا صاحبي بس مقلتليش بردو شفتها فين المنيله دي
عمرو : كنت بشتري هديه لهمسه عشان كان عيد ميلادها و انا في المحل سمعت صوت جمبي واحده بتضحك بصوت عالي حسيت ان الصوت ده مش غريب علية ببص لقيتها هيا كانت بتشتري حاجات هي كمان بس كان معاها واحده كده شكلها غريب تحسها من كوكب آخر شكلها و مكياجها تحسها شبه الغوازي اللي كانوا بييجوا في المولد زمان
عدي : و الغازبه لازم تنزل هههههه
عمرو : هههههه اه و ربنا بالظبط كده ضحكت و مشيت
عدي : تحسها كانت خربانه هبله طايره منها
عمرو : طول عمرها فاضيه هايفه معندهاش هدف و لا مبدأ و حتفضل طول عمرها كده
بقولك ايه سيبك منها خلينا احنا فموضوعنا
عدي : عمرو انت بتقول الظروف واحده لكن لاء يا عمرو مش صح ايام همسه كانت ظروفكم زي بعض لكن انا الوضع معايا مختلف نهائي
عمرو : عدي بقى الله يخليك انت ليه مصمم تحسس نفسك بالعجز مينفعش كده يا عدي انت حتبقى كويس و الله الموضوع كله محتاج وقت مش اكتر و بالعكس وجود مرام جمبك في الوقت ده و دعمها ليك حيكون اكبر تشجيع و دافع ليك انك تخف بسرعه
عدي :يعني بزمتك يرضي مبن اني اتقدملها و انا في الظروف دي دي حتى لو وافقت حتبقى شفقه منها علية ليه اجبرها على انها ممكن تعيش حياتها مع واحد زيي
عمرو : عدي مينفعش كده يابني ليه التشاؤم ده أنت حتبقى كويس و الله و بعدين مرام بتحبك و مش من دلوقتي ده من فترة و انت اللي كنت عامل من بنها كفاية عليك و عليها كده بقى و بعدين اصلا خلاص البشمهندس قرر و انت عارفه لما بيقرر محدش بيبقى ليه كلمه بعده
عدي : قرر ايه يا عمرو
عمرو : قرر يخطبهالك هههههههه
عدي : لا الله يخليك يا عمرو بلاش احراج و النبي
عمرو : بلاش احراج في ايه ان شاء الله هو احنا بنشحت احنا ناس داخلين البيت من بابه يا أهل الدار احنا طالبين القرب منكم في بنتكم القمر مرام في حد عنده اعتراض
عدي : هههههه
عمرو : ايوة كده اضحك بقى
قللي بقى حبتها يا عدي.
عدي : ايوة يا عمرو بحبها تعرف اني بستنى مكالمتها بفارغ الصبر اول ما التليفون بيرن بالنغمه اللي عاملهالها بحس ان قلبي بيدق بسرعه اوي ببقى مش عاوز المكالمه تخلص ببقى حاضن الموبيل بكون عامل شبه العيل اللي بيفرح بهدوم العيد و عاوز ينام و هي فحضنه
مفيش حدود بتعداها بيننا في المكالمه و نص المكالمه بيبقى كلام في الدين لكن كل حرف بتنطقه كل كلمه بتقولها بتبقى زي البلسم لقلبي
عمرو : والله ووقعت يا معلم
ايه ده هو الجرس رن مش كده
عدي : أيوة حد رن الجرس يا ترى مين اللي جاي دلوقتي
يروح عمرو يتفاجئ بيه ادامه : فهد
فهد : امال عفريته يعني
عمرو : انت جاي لوحدك
فهد : لاء طبعا جايبها معايا
عمرو : ههههههه يخرب عقلك يا مج.. نون
فهد : لقتها فرصه البت نجلا عند جنه بيفرشوا الفيلا و قاعده عندها يومين قمت ان بقى فكرت اروح لبابا و ماما و بعدين قلت حيفقعوا مرارتي و يعيشولي دور قيس و ليلى قلت لا انا اجي لصحابي البؤساء انتوا تتكلموا وانا اسمعكم و انا بمخمخ
عمرو : طب ادخل ادخل يا معلم
ده المعلم فهد يا عدي جاي و جايب مراته التانيه معاه هههههههه
بعد مرور عدة أيام يعلم من مصادره الخاصه بأنه سيصدر امر بالقبض عليه
فيحاول ان يتحدث إلى الكثير لوقف هذا القرار و لكن دوم جدوى
فيقرر الاختباء في احد الأماكن حتى يعد ترتيب سفره خارج البلاد
😢بيكلمها في التليفون : هي عامله ايه دلوقتي يا همسه
همسه : تعبانه اوي و الله يا استاذ أشرف كل جلسه بتاخدها بترجع منها تعبانه اوي و المشكله ان شعرها بدا يقع و ده تاعب نفسيتها اوي
اشرف : معلش يا همسه ان شاء الله تبقى كويسه فترة و تعدي ان شاء الله
همسه : يارب و حضرتك اخبارك ايه يارب تكون بخير
اشرف : بخير الحمد لله همسه انتي عارفه انك غاليه عندي و ربنا يعلم اني بعتبرك اختي الصغيره
همسه : عارفه و الله بس في ايه اتكلم حضرتك
اشرف : همسه انا بحب بنت عمتي و اتقدمتلها و حكتلها كل حاجه مخيبتش عنها حاجه خالص
همسه : و هي اشترطت عليك عشان توافق لازم تقطع علاقتك باختي بشكل نهائي حقها يا استاذ أشرف
اشرف : و الله الموضوع ما كده بس انا استغفرت ربنا عن كل اللي عملته و قررت اقفل الباب ده عشان تبقى توبتي صادقه و ربنا يتقبل مني
همسه : متخفش يا استاذ أشرف انا حبعدها عنك و مش حخليها تكلمك نهائي و هي ربنا يتولاها
اشرف : ربنا يشفيها يارب و الله يوم ما حعرف انها اتغيرت و بقت كويسه انا حفرح عشانها اوي
همسه : انك لا تهدي من احببت و الله يهدي من يشاء الف مبروك مقدما يا استاذ أشرف ربنا يهنيك و يسعدك يارب
اشرف : همسه انتي شرف لأي حد في الدنيا و يوم ما ربنا يرزقني ببنوته حتمنى انها تكون في أخلاقك همسه ممكن تعتبريني زي اخوكي و لو احتاجتي اي حاجه فيوم من الأيام متتردديش لحظه انك تكلميني حتلاقي اخ ليكي يقف جمبك
همسه : ربنا يخليك يا استاذ أشرف و ربنا يباركلك يارب
......................................... .
أصوات ضحكات عاليه تنبعث في المكان
الكل متجمع و الكل فرحان و مبسوطين اوي : إيه رأيك في الفيلا يا أمي
جميله : حلوة اوي يا حبيبي ربنا يجعلها وش السعد عليك يا حبيبي يارب
هادي و هو بيبوس ايدها : حضرتك اللي وش السعد علية يا ماما
فاروق : و الله انا ما عارف حستحمل البيت ازاي و جميله مش فيه
هادي : كلها كام شهر و بيسان و جيلان يملوا عليكم البيت
أدهم : امتى بقى انا تعبت خلاص
فاروق : تعبت من ايه ان شاء الله مانت كل يوم عندهم لما الناس زهقوا منك
أدهم : لا زهقوا مني ده ايه طب ده عمي يونس بيقوللي يا أدهم يا حبيبي لو في منك اتنين كنت اعتزلت الدنيا
فاروق : و ده ملفتش نظرك لحاجه يا حبيب ابوك
أدهم : أيوة طبعا عاوز يعتزل الدنيا عشان يقعد معايا
فاروق : لا و انت الصادق يا دكتور الهنا ده انت كرهته في الدنيا كلها و عاوز يعتزلها بسببك
أدهم : إيه بجد يا بابا تفتكر كده
فاروق : أيوة طبعا
أدهم : قشطه يبقى انا حثبت على كده عشان يزهق مني فيجوزهالي و اخدها و نخلص بقى
هادي : هههههههه انت مش ممكن ربنا يعينها عليك يارب
مراد : يعين مين يا هادي دول هما الاتنين اهبل من بعض ده احنا لما بنكون عندهم مابعرفس اقعد مع الغلبان جيلان خمس دقايق على بعض منهم اقسم بالله بحس اني في السيرك القومي دول لما يتلموا على بعض حتبقى فضيحتنا بجلال
الكل يضحك : هههههه هههههه
غاليه : امال فين الست مرزوقه و الحج مسعد كان نفسي اشوفهم و الله
هادي : كانوا هنا امبارح و الله و بيسلموا عليكم اوي
غاليه : الله يسلمهم يارب
ناديه : مش كنت قلت للبشمهندس يجيب اسماء و البنات و ييجوا يسهروا معانا
جنه : كلمهم يا حبيبي قللهم ييجوا
أدهم : اه و النبي يا هادي خللي السهره تحلى
هادي : كان على عيني يا حبيبي بس هما مش في البيت
أدهم : مش في البيت ليه راحوا فين
هادي : البشمهندس قاللي ان في واحده قريبة البشمهندسه اسماء بنتها خطوبتها الليلادي و خادتهم و راحوا يباركوا
أدهم : إيه يا ليلتهم المنيله ازاي يروحوا مكان من غير ما يستئذنوا مني
فاروق : يستئذنوا منك انت ليه ان شاء الله
أدهم : أيوة طبعا مش خطيبها
فاروق : و الله شكلك انت اللي اتخبطت فنفوخك طول ما هي فبيت ابوها انت ملكش لا حكم و لا كلمه عليها متعيشليش الدور يا فالح هاه اتلم بقى احسن لك
أدهم : لا و الله محعديها دي وقعتها منيله على دماغها ده انا حخللي ليلتها سوده عشان تبقى تعرف تخرج بعد كده من غير ما تستئذني راس كرنبه انا و اللا إيه
انا حكلمها و حتشوفوا حعمل فيها ايه قدامكم
يتصل عليها فترد عليه : أيوة يا أدهم
أدهم : انتي فين يا هانم
بيسان : انا و جيلان مع مامي عندنا خطوبه يا حبيبي
أدهم و هو بيربع رجليه عالكرسي : حبيبي الله ايه الحلاوه دي يا بسبوستي طب مش كنتي قلتيلي كنت جيت معاكم انا و الواد مراد يا روحي.
بيسان : معلش يا حبيبي ملحقتش اقولك مامي فاجئتنا و يادوب لبسنا و نزلنا علطول
أدهم : مامي ربنا يخللي مامي و بابي و يخليكي لية يا نور عينيه
بيسان : هههههههه حبيبي يا دومي
أدهم : قلب دومي و عقل دومي بت يا بسبس خللوا بالكم على نفسكم اوعوا حد يعاكسكم يا مزتي مع السلامه يا روح قلبي بت يا بسبوسه اول ما ترجعوا تطمنيني
يقفل معاها الخط يلاقيهم كلهم متنحين ليه
مراد و هو بيخبط على ضهره : لا راجل الصراحه يا أدهم تصدق اني انا نفسي اترعبت منك و انت بتتكلم
أدهم : لقتها صعبانه علية و حتعيط قلت خلاص يا واد يا ادهم عديها المره دي لكن المره الجايه لا يمكن تنزل ابدا
الكل : هههههههه هههههههه
عند بيسان و جيلان
اسماء : ياللا يا بنات تعالوا سلموا عالعرسان عشان شويه و حنمشي
جيلان : حاضر يا مامي
يروحوا للعروسه
بيسان : مبروك ياريم
مرام : الله ببارك فيكي يا بوسي عقبال فرحك ان شاء الله يا حبيبتي
جيلان : مبروك يا ميرو
ريم : الله يبارك فيكي يا جيجي عقبال فرحكم ان شاء الله يا حبيبتي
جيلان : ميرسي يا جيجي امال فين عريسك نباركله قبل ما نمشي
ريم : اهوه ثواني حناديه
اشرف يا اشرف
يلتفت ليها و ضحكته على وشه : أيوة حبيبتي
ريم : بيسان و جيلان قرايبي عاوزين يباركولك
اشرف : إيه ده انتوا توينز
ريم : أيوة توأم
اشرف : بس شبه بعض اوي انتوا تفرقوا بينهم ازاي
ريم : لاء و اضحكك بقى اتخطبوا لاتنبن توأم بردو
اشرف : معقوله بجد
بيسان : ايوة و الله ادهم و مراد
اشرف : صدفه حلوة اوي بجد
جيلان : ألف مبروك
اشرف : الله يبارك فيكي عقبال فرحنا كلنا ان شاء الله
اسماء و هي بتبصلهم و بتضحك الف مبروك يا عايده
عايده : الله يبارك فيكي يا اسماء عقبال فرح البنات يارب امال البشمهندس مجاش معاكم ليه كنت عاوزة اعرفه على أشرف احتمال كبير يطلعوا يعرفوا بعض
اسماء : معلش حبيبتي جاله مشوا و الله و اضطر يروحه
عايده : ربنا يوفقه يارب البشمهندس يونس ده مفيش زيه في الدنيا كلها و يستاهل كل خير
♥️ربنا يخليكي يارب ده من زوقك و الله يا مامت مرام
مامتها : سيماهم على وجوههم يا بشمهندس و حضرتك و الله باين عليك طيبتك و كرمك من غير ما تتكلم و مرام من وقت ما اشتغلت عند حضرتك في الشركه و هي بتقول فحضرتك قصائد شعر
يونس: دي مرام اللي يتقال فيها قصائد شعر و الله
هاه يا جماعه قلتم ايه على طلبي
والد مرام : مفيش كلام بعد كلامك يا بشمهندس مرام زي ما قلت حضرتك بنتك و انا متأكد ان حضرتك مش حتتمنالها غير كل خير
يونس : و ان شاء الله ربنا حيكتبلها الخير مع عدي
عدي ابني و انا متأكد من حبه لمرام و حكون مطمن عليها معاه لكن انتم عارفين ظروفه و أنه حيحتاج فتره لحد ما يبقى كويس هو محتاج حد معاه حد يحبه و يخاف عليه و مفيش حد غير مرام ممكن تقوم بالمهمة دي
مامت مرام : عدي ابن حلال و احنا بنحبه و ده مش من دلوقتي لا و الله ده من وقت ما وقف مع مرام و لولاه كانت ضاعت مننا احنا نديهاله و عنينا مغمضه يا بشمهندس و مرام تقف جمبه لحد ما يقف على رجليه تاني
يونس : تسلمي يا مامت عروستنا هاه و انتي يا عروستنا عاوز اسمع ردك بقى
مرام تبص في الأرض و تبتسم
يونس : السكوت علامة الرضا يعني نقول على بركة الله و نقرأ الفاتحه
والد مرام : على بركة الله
يونس : ان شاء الله عدي اول ما يقف على رجليه حنعمل الخطوبه و بعدها الفرح عاوزين نفرح بيهم بقى
والدها : ان شاء الله يا بشمهندس