رواية مأمني وأماني
الفصل الثاني 2
بقلم توسل محمد طه
*حين إلتقت نظراتنا لأول مره، تملكني شعور جميل، وهو الغرق ببحر عينك فهل تسمح سيدي ان تكون منقذي؟*♥️🤍
طيب موافقه😔
ايويويوييي💃
د شنو ي ماما😹😔
د فرح ي بتي😹
داايم ان شاءالله
وانتي معاااي♥️
آمين
__________________
-السلام علیکم ورحمة الله
-وعليكم السلام ورحمة الله
منو؟
-علاء الدین
-ي اهلا
-كيفك ان شاء الله بخيير
-تمام الحمد لله
-الحمدلله رب العالمين
🤍🤍🤍
-كيف اخبارك؟
-قلت ليك تمام
-الحمد لله
م ح تسأليني وتقولي لي وانت؟
-طيب وانت؟
-انا تمام لو انتِ تمام
-يبقى انا تمام وانت تمام الحمدلله
-ليه عندي احساس انك مجبوره تتكلمي معااي؟
-لانو فعلا مجبوره اتكلم معاك
-بالجد
-تحب احلف ليك؟
-بس ليه ي توسل مش انت قلتي موافقه؟!!
-وافقت صح بس بضغط من امي وابوي
-اديني فرصه وحده بس ي توسل☹️
-يااخي انا م بعرفك كيف ح اتزوجك واعيش معاك في بيت واحد؟
-دي مشكلتك؟
-محتاج غيرها؟
-اذا دي مشكلتك محلوله بإذن الله
- وكيف ان شاءالله!!!
-ساهله نعمل خطوبه🤷♂️
-بالله😒
- بتكلم جاادي علفكره
-خطوبه ح تحل مشكلتي كيف ي فاهم!!؟
-ي فاهمه انتي ربنا شرع الخطوبه ليه؟
-اها ليه؟
-عشان الزوجين يتعرفو على بعض خلال فتره الخطوبه وتكون حاجه رسميه وقداام كل الناس
-والله؟
-ااي تصدقي
-طيب
-طيب شنو؟
-طيب نخطب ح يكون طيب شنوو
بسس
-بس شنو😟
-لو م نفعت معااي بعد عرفتك🙂
-طلقيني😹
-بتكلم جاده انا🙂
-انا زاتي جادي لو م نفعت معااك م تواصلي معاي
-بس ماما وبابا
-انا بقنعهم
بسس
-بس شنوو؟
-بس انتي اديني فرصه من جواك وشوفيني هل انا استاهلك ولا م هل
-طيب
-طيب شنوو🌚
-طيب ح اديك فرصه
-من جوااك؟
-ااي
_________________
ي بتي علاء د جاء وقاعد في الصالون مع ابوك قومي سلمي عليهو
ضروري اسلم عليه يعني؟
اجي ي بتي انتي م بتستحي ولا شنوو😹 قومي قدامي
حاضر ي اسوما😹
يلا
لبست توبها وجات داخله الصالون بعد م ضربت الباب طبعا
ح يكمل ليكم علاء
**
ااي ي عمي والله انا جااهز وم عندي ااي شي مأخرني غير موافقه توسل
والله ي ولدي توسل دي عنيده شديد و م بالساهل تقتنع ليك
عاارف والله ي عمي😹
والله م بقدر اقول ليك غير ربنا يصبرك😹 بتي دي نعمه كبيره لكن مصيبه اكبر😹 م ااي زول بقدر يتعامل معاها والله
كمان عارف ي عمي وعيونو كل شويه تمشي على الباب
منتظرها ولا شنو😹
اقول ليك شنو ي عمي د شنو الهجوم دا😹😹
وأثناء م بضحكو الباب دق علاء بكل لهفه وشوق وجه عيونو على الباب وجا صوت ابوها وهو بقول ليها اتفضلي
علاء:" ي ارض إحفظي ما علييك♥️ ياااخ دا كلو جمال في انسان واحد اللهم باارك ياااخ"
تعالي ي توسل اقعدي جنبي (وكانت قاعده قصاد علاء)
حاضر
احضر عرسك
علاء: اميييييييين كبيره♥️
توسل اتخلعت من جوابو آمين ي بابا
طيب انتو اتكلمو ي أولادي واتفقوا والعايزنو نحن معاكم اشوف امك واجي ي نور عيوني
طيب♥️
وطلع وقفل الباب وراه
توسل ساكته ومدنقره في الأرض
علاء: دة كلو خجل😹
انتي جميله شديد ولا عيوني الشايفاك كدا
توسل اتخلعت من الجراءه العندو ورفعت عيونها ولقتو بعاين ليها وأول مره عيونهم تتلاقى مباشره كدا وكانت اطول واجمل عشره ثواني فيك ي دنيا
توسل: اللهم باارك ليه كأني اول مره اشوف علاء يمكن هو كبر وزاد حلاوه
( سلام تاني ي حلوين ومشتاقين تاني والله المره دي دخلنا في القصه ودخلتكم في التفاصيل من غير حتى تتعرفو على شخصيه علاء او توسل او حتى امها وابوها بس معليش اسي تعرفوهم🤍)
علاء كان شخصيه الكاريزما بتاعتها عاليه جددددا يعني اللهم باارك كان انسان جذااب شديد
ملامحو حلوه وهاديه طويل شويه ولونو لا اسمر لا ابيض لونو قمحي كداا بتعرفو اللون القمحي😹 المهم يعني أقل من البياض وافتح من الاسمر شويه كدا ملتحي لحيه خفيفه كدا بس الشنب اللهم باارك😹 عيونو سودا عاديه زيو وزي ااي عيون😹بس فيهو رموش انا م عندي😹 وانفو عاديه لا صغيره لا كبيره مناسبه كدا يعني خريج هندسه طبيه ومقيم في سنغافورة بس نزل السودان اجازه وشاف واتعرف فيها على توسل وعدا سنتين هو بعرفها بس معرفه سطحيه محصل اتكلم معاها وكدا لحد م جاها بالباب عديل اها نسيت م قلت ليكم انو علاء دا نضيف نضافه شديده انضف من ضميري وضميركم ومعضل يااخ جنتل مان😹
اما توسل م بتقل عنو جمال بس كانت قصيره😹
بيضاء وقصيره وشعرها طويل وحريري زي الخليجيات ديلك😹عرفتوهم ناس امينه حاف والجماعه الطيبين😹 بس تشبهم في الشعر قصدي المهم كانت مقيمه في السعودية ونزلو السودان عشان جامعه توسل وهي وحيده امها وابوها م عندها لا اخ لا اخت بس عندها ود خالها اسمو يوسف دا كان الروح والنفس لي توسل وهو برضو وحيد كانت عندو اخت واتوفت وهو توسل عوضو الفراغ الفي حيات كل واحد فيهم هو بقا ليها نعم الأخ والسند وهي بقت ليه نعم الأخت الحنونه🤍
امها وابوها م صغار بس كمان م كبار شديد لكن ابوها عندو قلب وامها ضغط وسكري جاها لم ابو توسل فجاءه وقع قدامها وهي م عرفتو مالو ف الهجمه الجاتها رفعت ليها الضغط ولم عرفت بمرض ابو توسل جاها سكري بس مستقرات الحمدلله
امها وابوها م عندهم في الدنيا دي حاجه غير توسل لانها وحيدتهم وكانت وليه العهد زي م بقولو ابوها اللهم باارك كان مالك شركات السلطان للايستراد والتصدير وفاتح مستشفى السلطان وعندو جمعية خيريه وكم وكاله للسفر والسياحه يعني كانو جلابه عديل وم عندهم غير توسل وكانو خايفين المرض يغدر بيهم وم يأمنو توسل واملاكهم لزول يستحقهم وابو توسل قبل يوافق على علاء عرف قدر شنو علاء بحب توسل ومستعد يعمل المستحيل عشانها وعرف ماضيهو وحاضرو حتى اقتنع بيه وحرش ام توسل عشان تقنع بتها😹 المهم كفايه تعارف خلونا نرجع😹
ابيت م راجعين