رواية مأمني وأماني
الفصل الرابع 4
بقلم توسل محمد طه
*اسميتك مأمني وأماني فلا تكن لي جرح لا استطيع الشفاء من ألامه*😔❤
سكتت م ردت جراها عليه وقال ليها اعيدها😉
طوالي زحت منوو ومشت قدامو لحقها ومسك يدها وطلع
ركبو العربيه توسل وعلاء وراء وقداام شيماء ويامن وشيماء شايله يلدز ويزن ويزن د م خلا شي م قالو 😹 فضح شيماء ويامن يتكلم مع علاء لانو اتعلق بيهو شديد قاعد قدام ومقبل على علاء واقف في النص عرفتو
المهم شغال ليه عموو علاء وعلاء قال ليه عيون عمو علاء انت😹🤍
اسي انت وتأثل( تأثل دي يعني توسل😹🤍) عرثتو زي ماما وبابا
ااي بقينا زي ماما وبابا وقريب كمان نجيب لينا توم حلو زيك كدا بدل عمو علاء يقول لي بابا علاء وقبل على توسل غمز ليها😹🤍 وشيماء ويامن ديل يضحكو😹
يعني انت تاني بتعمل لي تأثل زي م بابا بعمل لي ماما
وبابا بعمل شنو ان شاءالله وعاين لي يامن وضحك 😹 يامن يضحك وشغال لي شيماء سكتي ولدك دا😹 قال ليه بابا بثلم على ماما في جبينها لمن يطلع ولمن يجي راجع البيت (طبعا الكلام كلام الشفع داك باللجنه وكدا فهمتو وم ننسى أجمل صفه يزن بتكلم بالثاء😹🤍) قعدو يضحكو قال ليه ااي بعمل لي تأثل زي بابا يزن ضحك وسكت😹 (شفع الززمن😹)
تاني شيماء ويامن انشغلوا مع يزن ويلدز او عملو فيها انشغلو🌚
تأثل
انت كمان عايز تبقا زي يزن😹
ااي عجبني الإسم احتمال اعتمدو😹🤍
كوويس
انتي عارفه
لا م عارفه😹
ح اعمل ليك كل صباح زي م ابو يزن بعمل لي أم يلدز😹
كوويس م قصرت😹
بس عارفه الاختلاف ح يكون وين🌚
لا ح يكون وين
قرب منها وباسها في خدها وقال ليها ابو يزن ببوس الرأس بس انا خدك💋
توسل بقت ترجف علاء نحن م برانا في العربيه دي
يعني عايزه نكون برانا😉
لا م قصدي كدا ي وسخ😹
ضحك وبقو يتهامسو ويضحكو لحد م وصلو الصاله قبل ينزلو علاء قال ليها:
توسل
ايواا
م تجي نلغي الصاله ونمشي طوالي😉
علاء بطل قله ادب اسي ح اغير راااي😹
لالا خلاص ارح
وشيماء دي مراقبه الوضع لمن ماف طريقه وتضحك😹 نسيت م وريتكم لابسه شنو كانت
طبعا مطقمه هي وعيلتها شيماء كانت لابسه توب تيفاني ساده واكسسوار بالاسود مع كعب عالي ويامن اللهم بارك لابسها بدله تيفانيه والببيونه بالاسود ويزن نفس بدله ابوه اما يلدز فستان تيفاني معاهو تاج وجزمه سودا واكسسوار بسيط بالأسود كانو طالعين اللهم بااارك بسس🤍
دخلو الصاله ولقو جوا ام توسل وابوها واتخيلو برضو لابسين كيف ام توسل توب اسود وكانت كاسراهو بالتيفاني وابو توسل بدله سودا وببيونه تيفانيه يعني عكس عيله شيماء😹🤍
اما اهل علاء لابسين زيتي كلهم مشكاه وسوما فساتين زيتيه وأم علاء توب زيتي والأولاد اللي هم احمد وابو علاء بدل زيتيه وعلاء بدله بيضاء وتوسل فستان ابيض وصفتو ليكم لمن كنا في الكوفير😹
المهم دخلو الصاله
ورقصو اسلو على اغنيه All Of Me ( طبعا لو مركزين أبطال مجنونتي أوما ولؤي رقصو على نفس الأغنيه 😹) المهم خلصو من الرقيص وقعدو والناس جات تبارك ليهم وعملو الجرتق♥️ وخلصت الحفله وخلاص جا توديع توسل🤍
امها حضنتها وبقت تبكي قالت ليها اعفي لي ي توسل لو جبرناك على العرس دا
توسل قالت ليها م تخافي ي ماما م سمعتي الحكمه البتقول اذا لم تستطع مقاومه الزواج فأستمتع به🤣 امها ضحكت وهي بتبكي وقالت ليها اصلك م بتعقلي😹 والناس بقو يضحكو علاء دا بس اكتفا انو يعاين ليها شديد ويبتسم
مسحت دموع امها وقالت ليها بتك م بخافو عليها بتك بخافو منها😹
توسل انتي م بتعرفي الكلام احسن تسكتي غايتو ي علاء ولدي اعفي لينا من حقك بسس😹 علاء قال ليها لله والله وضحك🤣🤍
تاني امها حضنتها شديد وبكت وشافت دموع ابوها وهنا توسل ضعفت بقت تبكي خلاص انا م عايزه امشي انا غيرت رأيي 😭 علاء قال ليها خلاص انتي اتدبستي فيني ماف ليك طريقه بعد دا😹 نطت شيماء واحلا تدبيسه🤣 يامن عاين ليها نظره بعنوان اصبري ح اوريك ليهو بعدين😹وهي فهمتها وسكتت طوالي😹
المهم خلونا نمشي شويه توسل ودعتهم كلهم وبكت قدرتها وعلاء ركبها العربيه بالغصب عشان قالت غيرت رايها واتحركو😹🤍
اول م وصلو نزل علاء ونزل توسل وشال الشنط دخلهم وجا مسكها من يدها قال ليها سمي الله وخشي برجلك اليمين
جات تدخل رفعها🙈
علاء د شنوو نزلني😹
معقوله اول مره تدخلي بيتك اخليك تدخلي على رجولك😉
علاء نزلني ياااخ
لا ح تدخلي بيتك وانا شايلك في يدي وقاعده في قلبي🤍
توسل سكتت ساااي (كيف م تسكت لكن😹)
المهم وصلو الغرفه ونزلها😹 هنا توسل عدلت ملابسها ولقت ليها كرسي قعدت فيهو عشان جاها هبوط لا ارادي😹
المهم علاء طلع عشان يجيب الشنط وهنا توسل اتنفست الصعداء😹
علاء جا داخل وشايل الشنط أداها شنطتها قال ليها دي حاجاتك ودا الحمام انتي استحمي هنا وانا بستحمى في الحمام البرا
قالت ليه تمام وفتح الشنطه شال ليهو غيار وطلع
وهي فتحت شنطتها وطلعت ليها بجامه طويله طبعا اشترت كل البجامات طويله😹 وطلعت ليها توب ودخلت الحمام
استحمت واتوضت وجات طالعه لابسه التوب فرشت المصلايه عايزه تصلي علاء قال ليها انتظري عايز اصلي معاك
ودخل اتوضأ وجا يصلو مع بعض وكان هو الإمام😔❤
بقا يقرا وتوسل دي لمن عيونها دمعت من جمال صوتو وجمال الأيات البقرا فيها😔❤ وهو كأنو حسا انو صوتو عجبها شديد وطول الصلاه❤
ع: السلام عليكم ورحمة الله...السلام علیکم ورحمة الله
ت: السلام علیکم ورحمة الله...السلام علیکم ورحمة الله
وبعد سلمو قبل يلتفت عليها او هي تقول كلمه رفع يدو وبقا يدعي وفي الدعاء تحسي انو نبره صوتو اتغيرت وكان بشكر ربنا كتيير شديد شديد وهو بدعي لحد م بكاا ( ااي بكا عديل اتخيلو🙂)
توسل حست الصوت متغير وفيهو انين فتحت عيونها لانها كانت مستمتعه بالدعاء وعايزه تتلذذ فيهو فغمضت عيونها
المهم اول م فتحت وعاينت لعلاء شافت دموعو جاريه وهو ببكي كأنو سرح بخيالو بعيد ونسا انو معاهو زول في الغرفه توسل لا اراديا دموعها نزلت مع علاء وكان شكرو لي ربو اكتر حاجه لفتت انتباها وكانت مركزه في تفاصيل علاء وملامحو شديد *ولأول مره يتحرك شي من ناحيه توسل تجاه علاء*♥️
المهم خلصو دعاء وشكر علاء فتح عيونو وقبل على توسل لقاها بتبكي معاه مسح بي يدو على وشها ومسح منو كل الدموع وبقا وش توسل بين كفينو
بتبكي ليه ي عمري😥
اتأثرت بس ولسه دموعها نازله
انتي عارفه انا كنت كل يوم طوال السنتين المرو كل يوم ي توسل ببكي وبدعي ربنا انو يجمعني بيك في الحلال وكنت بدعي وبلحح على الحاجه دي والليله ربنا كرمني بيك واستجاب دعوات القيام حقت السنتين كلهم عشان كدا م قدرت اسيطر على نفسي تجاه كرمو معااي شكرتو وحسيت نفسي اني لسه مقصر في حقو *يااخ هو اكرمني بيك انا م عارف اكافيهو بشنوو ودموعو نزلت من جديد*😔❤ ( متخيلين معااي المشهد انتو😔♥️)
توسل بقت تبكي قام علاء باس عيونها هنا وحده وهنا وحده😩❤ ( اللهم علاء ياااخ😔♥️)
توسل اتوترت بس م ظهرت ليه الحاجه دي وعلاء م انتبه وكمل كلامو
م تبكي ي توسل انتي عارفه انك مكان راحتي عارفه انك *مأمني وأماني* عارفه اني لم الدنيا تضيق علي واتذكر انو نهايه الطريق د انتي انا كل همومي بتنفرج والله العظيم بتنفرج لم اتعب واحس بالزهج واتذكر انو دا كلو عشانك كل تعبي بروح تصدقي
تصدقي انو لو الدنيا ضاقت بي بلجأ ليك لأنك أمان بالنسبه لي انتي أماني ي توسل
لم م القى زول احكي ليه او افضفض ليه بحكي ليك انتي بتخيلك قدامي بتخيلك كأنك معاي وبتقولي لي كلو يهون ي علاء انت اصبر بس انتي عارفه يعني شنو الزول يعتبرك مأمن بالنسبه ليه عارفه انك انتي ي توسل *مأمني وأماني* م تبكي ي عيون علاء انتي لانو دموعك بتقطع قلبي والله ي قلبي انتي🥺
م تبكي ي روح الروح وضماها عليه لانها زادت في بكاها ولأول مره تحس توسل بالطمأنينه في حضن غير حضن امها وابوها لأول مره تحضن انسان غريب عنها وتحسن معاهو بالأمان دا لأول مره انسان يحسسها بإنها بالجد مأمنو وأمانو حست بعظمه الكلمتين ديل حست بمعنى واحساس زول لم يقول لي زول انت *مأمني وأماني* ياااااه على جمال الحب الحلال د يااااخ حست انو بقت عندها مسؤليه كبيره بعد الكلمتين دي
مدام هي المأمن والأمان يبقى م لازم تكسرو م لازم تزعلو م لازم تجرحو وهو ساند كل حيلو فيها م لازم تبعد عشان م يقع
لو جرحتو هي وهي الزول القال عليها مأمني وأماني البداوي جروحو منو طيب؟!
توسل بقت تفكر في كل الحاجات دي وتبكي وعلاء دموعو م وقفت حاسي انو فاز بأكبر واعظم حاجه ممكن يفوز بيها حسا انو خلاص حلمو اتحقق وتوسل بين يديه حسا بالأمان الكان بفتش ليه ولقا المأمن ال ح يلجأ ليه
*وهنا ابتدت قصت حب علاء وتوسل بس بالحلال*🤍