رواية زهرة وسط اشواك الفصل الثالث والثلاثون33والرابع والثلاثون34بقلم فريدة احمد
هقدم الخلع ياحمزة واهينك. طالما مش عاوز تطلقني بهدوء.. انا هرفع القضية. هقل منك قدام الناس واخلي شكلك ميسواش حاجة واهينـ...
قالتها زهرة بقوة وتحدي لكن ملحقتش تكمل كلامها
لان حمزة محسش بنفسه غير وهو نازل علي وشها بالقلم
حطت زهرة ايدها علي خدها بصدمة وبصتله بكره وقالت ... هتفضل طول عمرك حيو..
بس علطول صفية لحقتها وحطت ايدها علي بوقها قبل ماتكمل.... بس يازهرة. بس عيب كده
وهي بتهديها و في نفس الوقت بتحميها من حمزة اللي رفع ايده وكان هيضربها تاني
و رجعت بصت ل حمزة بلوم وعتاب.... لييه كده ياحمزة. ليه بس كده يابني
ليلي هي كمان بصت لحمزة بلوم .... ليه ياحمزة. الزاي تمد ايدك عليها كده.
حمزة بغضب ... مش شايفين واقفة بتقل ادبها وبتبجح الزاي
وبص ل زهرة وبتحذير..... اقسم بديني لو لسانك ده طول بعد كده وفكرتي تقلي ادبك تاني لاكسرلك دماغك. سااامعة
زهرة.... انا بكرهك
حمزة.... وهخليكي تكرهيني اكتر
كانت زهرة واقفة بتبصله بكره وغضب شديد وهي كاتمة دموعها
حمزة... لأخر مرة هحذرك. هتهبلي في الكلام وتقلي ادبك هكسرلك عضمك.
و خرج بغضب وهو مش طايق نفسه
فوق علي السلم كانت واقفة حبيبة وهي بتبص علي زهرة بشماته وراحت علطول لأمينه تقولها وهي مبسوطة باللي حمزة عملو في زهرة
دخلت حبيبة الاوضة لامينه وهي بتقول.... الحقي ياخالتي.
وهي مرسوم علي وشها ابتسامة شماتة
امينة.... في ايه. ومالك مبسوطة كده
حبيبة ببتسامة تشفي.... حمزة اتخانق في زهرة تحت وضربها
امينة ... دا بجد. وليه. ايه اللي حصل
حبيبة وهي بتقعد علي الكنبة... قلت ادبها عليه ف ضربها. تستاهل
مكانتش امينة مبسوطة باللي سمعته بالعكس كانت اول مرة تحس انها متضايقة ان في مشكلة حصلت بين حمزة وزهرة وده اللي لاحظتو حبيبة اللي خدت بالها انها مفرحتش زي كل مرة وسالتها وقالت... حساكي مش مبسوطة ياخالتي
اتنهدت امينة وقالت.... اكيد مش هبقي مبسوطة لما اعرف انهم اتخانقو. ربنا يهديهم لبعض
بصتلها حبيبة باستغراب وشك... مالك ياخالتي.. هو انتي مبقتيش عاوزاهم يتطلقو
قالت امينة .... ابني بيحبها وسعادتو معاها ياحبيبة. وانا عمري ما هبقي مبسوطة وانا شايفة ابني تعيس. ربنا يصلح مابينهم ويرجعو لبعض
حبيبة وهي مش مصدقة قالت بجنون... بتقولي ايه ياخالتي. واناا. انتي وعديتني انك هتجوزيهولي
امينة.... انسيه ياحبيبة. انسيه. حمزة مش ليكي. هو بيحب زهرة من صغره. وانتي ياحبيبتي مليون واحد يتمنوكي
..
تحت
بصت صفية لزهرة وقالت.. ينفع اللي عملتيه ده.. مفيش واحدة تعمل كده
صفية كانت بتكلمها وهي بتحملها الغلط وبتلوم عليها
بصتلها زهرة جامد وهي مش مصدقة ... عملت ايه. انا عملت ايه ياعمتو
صفية.... مفيش واحدة ترد علي جوزها كده مهما يكون. في حدود في الكلام. انتي غلطتي يازهرة
زهرة بدموع.... وهو ايه. مغلطتش.. دا ضربني
قربت صفية حضنتها بزعل عليها.... ياحبيبتي مش بقول انو مش غلطان.. انتي بس مكانش ينفع تردي عليه كده.وتخليه يتعصب ويمد ايده. مفيش راجل يستحمل ان مراتو تهينو حتي لو بالكلام.. وانتي غلطتي جامد
ليلي... مكانش ينفع يازهرة تقوليلو كده.. انتي عارفة انو عصبي. دا غير ان مفيش اي راجل هيستحمل مراتو تقولو كلام زي ده
زهرة وهي مش مصدقة موقفهم.... يعني دلوقتي بقيت انا اللي غلطانة وهو الملاك البرئ.. انتو الزاي كده..
دموعها نزلت اكتر.... انتو مش عارفين انا فيا ايه ولا حاسة بإيه. انتو الزاي. الزاي مش حاسين بياا
مسكت ليلي ايدها وقالت .... والله ماقصدي.. انا حاسة بيكي والله. ومكنتش عاوزاكي تردي عليه كده علشان ميعملش اللي عمله ده. مكنتيش تستفزيه يازهرة و تديله فرصة يمد ايده عليكي
صفية.... ياحبيبتي كنتي استحملي شوية مفيش راجل بييجي بالطريقة دي. مفيش راجل بييجي بالعند والتحدي
زهرة مسحت دموعها وهي بتقول.... عندكو حق. انا غلطانة فعلا. انا اللي سمحتلو يعمل فيا كده ويتحكم فيا.. انا غلطانة اني سايبة الكل يتحكمو فيا ويختارولي حياتي. غلطانة علشان قولت لا مش عاوزة اكمل معاه. غلطت المفروض مقولش كده صح الزاي اقول كده واعترض. الزاااي . المفروض احط في بوقي جزمة قديمة وارضي بحياتي معاه اللي اتفرضت عليا واسكت..
نزلت دموعها وهي بتقول..... طيب انا مش ضمناه ومش واثقة فيه. مش قادرة اثق فيه... طيب يسيبلي الحرية. هو انا مش من حقي اختار حياتي
صرخت فيهم... اناا من حقي اختاااار. من حقي
كملت بصوت ضعيف.. دي اقل حقوقي لاني مش ملك حد
صفية... محدش قال كده. ومن حقك تختاري ياحبيبتي
زهرة.... يبقي يسيبني . يديني الحرية. انا مش قادرة اكمل. ومش عاوزة اكمل. لان لو كان فيه امل 1% اني اكمل معاه. دلوقتي خلاص الواحد ده مبقاش موجود بعد اللي عملو.
وخرجت من البيت وهي بتعيط من غير ما ترد عليهم
اما حمزة ف كان خد عربيته ومشي بلا وجهة محددة وهو مخنوق و حاسس بالندم وغضبان من نفسو بعد اللي عملو
....
وقفت زهرة قدام باب الفيلا وهي بتعيط بقهر وفتحت الباب ودخلت بس بمجرد مادخلت اتفاجات ب رحيم نازل من علي السلم بيلبس في ساعتو باستعجال وهو بيكلم حد علي التليفون وبيقول... مسافة السكة وهكون عندك
زهرة علطول مسحت دموعها قبل مارحيم ياخد بالو
لكن رحيم كان خد بالو فعلا وقرب عليها بقلق... مالك يازهرة
زهرة وهي حابسة دوعها.. مفيش
وهي بتحاول متبصلوش ومنزلة وشها في الارض علشان ميشوفش خدها اللي معلم عليه القلم ولسه هتطلع
رحيم وقفها.... استني
زهرة.... نعم
رحيم بشك وقلق وهو شايف منظرها.... فيه ايه.. مالك
وهو بيرفع وشها بإيده واول ما شاف مكان القلم معلم علي وشها اتصدم
رحيم.... مين اللي عمل فيكي كده
زهرة .... مفيش
رحيم بحدة وغضب.... مين اللي ضربك.انطقيي
زهرة بتوتر وخوف .... مفيش يارحيم. دا. دا
رحيم مسك وشها بين ايديه وبحنية... مين ياحبيبتي اللي عمل فيكي كده.. اتكلمي. وانا اقسم بالله لاجبلك حقك. مين يازهرة
زهرة بلعت ريقها بخوف .... قولتلك محدش.انا طالعة انام. تصبحـ.
رحيم وقفها و بحدة ..... مييين اللي عمل فيكي كده. قولي
زهرة بدموع مقدرتش تمنعها.... حمزة
وهي بتعيط
رحيم غمض عينه بغصب وهو بيقول... يابن الكااالب.. ورحمة امي ماهسيبو
زهرة بسرعة.... لا يارحيم. متتخانقش معاه بسببي
بلعت ريقها وقالت... انا اساسا اللي استفزيتو
بس رحيم مكانش سامعها الغضب كان عاميه من حمزة وهو بيتوعدلو ... اقسم بالله لاندمو. هعرفو الزاي يرفع ايده عليكي
وهو بياخد مفاتيحة من علي الترابيزة وبيتحرك علشان يروح لحمزة
لكن زهرة علطول لحقته وهي بتقول.... علشان خاطري يارحيم بلاش متتخانقش معاه بسببي. علشان خاطري.. قولتلك انا اللي غلطانة. انا غلطت فيه. علشان كده عمل اللي عملو
رحيم وقف وبصلها بتركيز... غلطتي الزاي يعني
زهرة.... قولتلو كلام ميصحش اقوله
رحيم.... ايا كان ميرفعش ايده عليكي
وباسها علي راسها وقالها... وغلاوتك عندي لأجبلك حقك
وسابها وخرج وهو مستحلف ل حمزة
وزهرة طلعت اوضتها وهي قلقانة وخايفة
..
عند حمزة
دخل رحيم وبدون اي مقدمات قرب علي حمزة اللي واقف شارد ناحية الشباك ولكمة في وشه
حمزة رجع لورا خطوتين علي اثرها وهو حاطط ايده علي بوقة اللي جاب د،م... يابن الل...
رحيم بغضب .. اقسم بالله لو مديت ايدك علي زهرة تاني لأقطعهالك. ساااااامع... انا كنت لحد النهاردة بتعامل معاك علي انك اخويا وابن عمي. بس تمد ايدك عليها اقسم بالله هتشوف مني تعامل تاني. لا هعتمد قرابة ولا اخوة.. زهرة خط احمر فاااااهم.
وبتحذير.... لو قربتلها متلومش الا نفسك
قرب منو وقال بتهديد... و هتطلقها زي ماطلبت. اخر مهلة ليك بكرة. بعد بكرة هتشوف مني تصرف تاني خالص مش هيعجبك ياحمزة. وانت عارف انا ممكن اعمل ايه...
اخرك بكرة
وسابه وخرج
...
في اخر الليل
حست زهرة بخنقة قامت فتحت البلكونة اتفاجات بحمزة اللي قاعد في عربيته مغمض عينه و سرحان وهو بيانب في نفسه
كانت زهرة بتبص عليه بدموع وهي بتعاتبه في نفسها وبتقول...... ليه عملت كده. ليه
وهي دموعها بتنزل.. كان نفسي تكون احن عليا من كده. حتي لو غلطت فيك او شتمتك. كنت نفسي تستحملني. تحسسني انك معايا وجمبي مهما اعمل او اغلط. تستحملني. تحسسني انك انت اماني الوحيد..
حمزة كمان في نفسه.... مكنتش حابب اعمل كده وازعلك مني. ليه اضرتيني اعمل كده. ليه. ليه يازهرة. انا مش عاوز اخسرك.
كانت دموعها بتنزل بوجع وهي بتقول... مش هسامحك ياحمزة. مش هسامحك.
لكن مرة واحدة مسحت دموعها بعنف وقالت ... بس خلاص.انا مش عاوزاك معايا. ولازم اندمك
وهي بتحط ايدها علي بطنها
اتنهدت ودخلت وقفت قدام المرايا وهي بتبص علي وجهها بحزن
لكن كانت بتتوعدلو بداخلها وبتقول ... اقسم بديني ياحمزة لاندمك علي القلم ده وادفعك تمنه غالي اووي بس بطريقتي. هعرف الزاي اندمك واوجعك بجد
تاني يوم صباحا
قامت زهرة ولبست وخرجت وهي واخدة قرارها
وراحت للدكتورة اللي اول ماكشفت عليها قالت.... ماشاء الله البيبي كويس وصحته زي الفل
وقامت قعدت علي كرسي مكتبها وابتدت تكتبلها علي علاج
قامت زهرة عدلت هدومها وقعدت قصادها
الدكتورة.... ودي شوية فيتاميـ..
قاطعتها زهرة لما قالت.... انا جيالك علشان انزل البيبي يادكتورة
الدكتورة سابت القلم من ايدها بصدمة واستغراب... ايه. ليه
زهرة.... عاوزة انزله.. ممكن تعمليلي العمليه
الدكتورة.... ليه. ليه عاوزة تجهضي نفسك
زهرة... دي اسباب شخصيه و انا محتاجة انزله. لو سمحتي موافقة تعمليلي العملية
وقبل ماالدكتورة ترد زهرو قالتلها.. ارجوكي وافقي
الدكتورة..... اسفة يا مدام. انا مش بشتغل في العمليات دي
طلعت زهرة من شنطتها فلوس كتير وحطتها قدام الدكتورة وقالت... كل اللي تطلبيه انا تحت امرك
وبعد محاولات كتير من زهرة الدكتورة واقفت لانها كمان لما شافت الفلوس طمعت لأن زهرة عرضت عليها مبلغ كبير جدا
وبعد ما اخدت المعاد مع الدكتورة اللي اتفقت معاها انها تروحلها تاني يوم
راحت زهرة تاني يوم بعد ماحسمت امرها وجهزت نفسها خلاص للعملية ووصلت المستشفى ومن هناك كلمت شيري لانها كانت لوحدها بعد ماحست انها خايفة تكون لوحدها في وقت زي ده
وبمجرد ما شيري عرفت راحتلها فورا وهي قصدها تقنعها تتنازل عن اللي في دماغها وفضلت تحاول معاها لكن زهرة كانت واخدة قراراها ومصممة
شيري .... يازهرة بلاش. علشان خاطري. انتي كده بتضري نفسك. فكري انتي كده بتنتقمي من نفسك مش منو
زهرة وهي مش مدياها فرصة.. شيري انا كلمتك علشان تبقي جمبي وقت مابعمل العملية. لكن انا واخدة قراري ومش هتنازل
شيري بعصبية وغضب .... وانا مش هسمحلك تعملي كده.سااامعة.مش هسمحلك
رقت نبرتها شوية وحاولت تكلمها بهدوء وقالت بعد مامسكت ايدها وهي بتحاول تقنعها.... انا خايفة عليكي. صدقيني خايفة عليكي. اللي بتعمليه ده غلط. وحرام
زهرة.... متخافيش. انا عارفة بعمل ايه
شيري.... لا انتي مش عارفة. انتي مش مدركة انتي بتعملي ايه. انتي بتضري نفسك وبتخسررري. فكري يازهرة تاني. هتندمي صدقيني
لكن زهرة ردت عليها بملامح جامدة .. انا فكرت وقررت. وعارفة نتيجة اللي بعملو. متقلقيش.انا مش هخلف من حمزة. مش عاوزة حاجة تربطني بيه. لو الطفل ده اللي هيربطني بيه مش عاوزاه
زهرة كانت بتتكلم وهي بايعة مش هاممها حتي نفسها جواها اصرار غريب تنفذ اللي في دماغها
شيري بصتلها بيأس وهي مش عارفة تتصرف معاها الزاي
لكن صممت انها تمنعها بأي طريقة وبعد دقايق قامت شيري من جمبها وقالتلها انها داخلة التواليت
وراحت بعيد و بعد مااختفت عنها علطول اتصلت علي حمزة
شيري.... حمزة. الحق زهرة بسرعة. بسرعة ياحمزة
حمزة بقلق..... فيه ايه
شيري.... زهرة حامل
وقبل ماحمزة يستوعب شيري قالت..... زهرة حامل ودلوقتي في المستشفى مصممة تنزل البيبي. الحقها ارجوك. انا مش قادرة عليها
قفلت شيري مع حمزة ورجعت ل زهرة بس اتصدمت لما ملقتهاش
شيري علطول قربت علي الممرضة اللي وافقة وهي بتسألها.... فين المدام اللي كانت هنا
الممرضة....حضرتك دي دخلت العمليات من شوية
شيري بجنون..... انتي بتقولي ايه... ااووعي كده وهي بتحاول تدخلها
الممرضة برفض.... ممنوع يامدام المريضة دخلت من بدري والدكتورة حاليا ابتدت تعملها العمليه
شيري بصدمة.. انتي بتقولي ايه
الفصل الرابع والثلاثون
زهرة نايمة علي سرير في المستشفى وهي متخدرة
وحمزة قاعد قصادها بيبص عليها بجمود
وشيري واقفة بتوتر وقلق وخوف علي زهرة من حمزة
بص حمزة للدكتورة وبغضب شديد .... انا هقفلكم المستشفى دي ياولاد الكلب
الدكتورة بلعت ريقها بخوف لكن قالت... يافندم المدام اللي طلبت مني اعملها العمليه. انا ذنبي ايه
حمزة بغضب وزعيق.... كنتي ترفضي يارووح امككك
الدكتورة.... رفضت. بس هي كانت مصممة و..
سكتت
حمزة... والفلوس زغللت عينك يازبالة يابنت الكلب.. اقسم بالله لاقعدك في البيت بعد مااحولك للتحقيق
الدكتورة... يافندم ماهو محصلش حاجة والبيبي الحمدلله منزلش
حمزة.... لو كان جارلو حاجة مكانش زمانك واقفة وبتتنفسي دلوقتي. كنتي هتبقي مع الاموات ياروح امك
الدكتورة خافت و لسه هتتكلم
حمزة بغضب وزعيق.... اكشفي عليها و شوفي هتفوق امتا
وهو بيبصلها بغضب شديد
الدكتورة بخوف وتوتر.... ح. حاضر
وابتدت تشوفها و بعدين قالت.... ساعة وهتفوق
شوية وزهرة ابتدت تفتح عنيها وتفوق لكن شهقت مرة واحدة لما سمعت صوتو بيقولها
بسخرية.... حمدالله علي السلامه يامدام
زهرة وهي بترجع لاخر السرير بخوف ... ا انت ايه اللي جابك
وهي بتبص علي شيري
اللي قربت عليها بسرعة... يلا يازهرة قومي خلينا نمشي من هنا. يلا
زهرة وهي بتحط ايدها علي بطنها هي مش حاسة بأي وجع وبتبص ل شيري.... هو ايه اللي حصل
شيري لسه هتتكلم
زهرة بغضب بعد ما استوعبت و فهمت.... انتي. انتي عملتي ايه. انتي اللي قولتيلو. بتقوليلو ليه. عملتي ليه كدااا
وهي بتحاول تقوم وهي متعصبة
شيري... عملت الصح يازهرة. لحقتك قبل ماتندمي علي اللي كنتي هتعمليه
زهرة بغضب.... وانتي ماالك. انااا حرة..انتي ماالك انتيي
وهي بتقوم وبتشيل الابر وبتشد المحلول اللي معلق في ايدها بعصبية
حمزة بغضب مسكها من دراعها.... اقسم بالله ماهرحمك يازهرة بسبب اللي كنتي هتعمليه ده.
زهرة بصتله وبقوة وغضب.... اوعي تفتكر انك بكدة منعتني او هتقدر تمنعني. انا هنزل اللي في بطني كده كده
حمزة بهدوء مرعب.... دا بمـ وتك. صدقيني يازهرة. لو فكرتي تجربي تعملي كده تاني.
كمل بتهديد... اقسم بالله ماهرحمك. هتشوفي مني اللي عمرك في حياتك ماتتخيليه
زهرة وهي بتتنفس بغضب .... انااا حررة. انا مش عاوزاه
حمزة بغضب وحدة... انا عاوزه..
وهو بشدد علي دارعها جامد... هعيشك اسود ايام حياتك يازهرة لو فكرتي تاذيه مرة تانيه. ومش بهددك. لو فكرتي تعملي كده تاني اقسم بالله ماهرحمك
حررت زهرة دراعها منو بقوة وهي زي المجنونة.... انت عاوز مني ايييه. مش عاوزة اخلف منك طلقني
حمزة.... طلاقك ده مش هيحصل غير بمزاجي.وقت ماييجيلي مزاجي هطلقك.غير كده هتفضلي زي البيت الوقف.لا منو متطلقة ولا متجوزة.انا كده كده مبقتش عاوزك . بس بسبب عندك ده مش هنولك اللي في دماغك.وهسيبك كده لحد ما مزاجي يجيلي
كمل بتحذير.... و ابني لو قربتي منو متلوميش غير نفسك
زهرة كانت بتبصله بغضب شديد...انت حيواان
شيري وهي بتحاول تهديهم.... ممكن تهدو شوية.. تعالي يازهرة معايا
وهي بتمسك ايدها
زهرة بعصبية وغضب... ابعدي عني. انا مش عاوزة اعرفك تاني
حمزة .... يلا قدامي علي البيت. ولسه حسابك معايا
وهو بيتوعدلها
زهرة بغضب ..... ابعد عني.ابعدو عنييي. انا مش هرجع مع حد فيكو.محدش ليه دعوة بيااا
وهي بتحط ايدها علي دماغها لانها كانت دايخة لسه من البينج اللي كانت واخداه
شيري قربت عليها بقلق.. اهدي ممكن انتي لسه دايخة
لكن زهرة زقتها بعصبية... اووعي
وهي بتحط ايدها بين شعرها بعصبية وبتتنفس بغضب...محدش يقرب مني. ابعدوو عنييي
وبتخرج من الاوضة وبتنزل من المستشفى وهي غضبانة ومتعصبة
شيري...يازهرة استني. طب انتي رايحة فين دلوقتي
وهي بتحاول تلحقها وبتبص ل حمزة بضيق... قولتلك بالراحة عليها. عجبك كده
فتحت زهرة عربيتها وقبل ماتركب شيري لحقتها... طب تعالي معايا. انتي مش هتقدري تسوقي بحالتك دي
حمزة بغضب... انتي بتحايلي في مين
وبغضب شديد بص لزهرة وهو بيشاور علي عربيته... اركبي بهدوء قبل ماتغابي عليكي.
وبزعيق..... يلااااا
زهرة زقته بقوة.... وريني هتعمل ايه وتغصبني الزاي اني اجي معاك
مسح حمزة علي وشه بغضب وقرب مسكها من شعرها.... كده ياروح امك
وهو بيفتح العربية علشان يركبها فيها بالعافية
زهرة... ابعد عني ياحيواان
شيري .... ممكن تهدوو بقاا
وهي بتحاول تخلصها من ايده.. حمزة ارجع انتا وهي هترجع معايا انا. يلا حمزة. كفاية كده بقاا. يلاا
وبصت لزهرة... وانتي يازهرة تعالي معايا
لكن زهرة كانت زي المجنونة... محدش ليه دعوة بيا. ساامعين..محدش يقرب منيي.. والعربية اهي
وهي بتخبط عربيتها برجلها بعصبية ورمت مفاتيحها في وشه.. اشبع بيها
وفضلت رايحة جاية بغضب لحد ما لمحت تاكسي معدي علطول وقفته وركبت فيه
وهي بتقول للسواق يطلع بسرعة
بصت شيري ل حمزة اللي كان رايح يلحقها ووقفته تمنعو ... سيبها ياحمزة. سيبها
حمزة... اسيبها ايه. دي مجنونة
حمزة كان قلقان لا تهرب وتروح مكان وتختفي
شيري .... متقلقش هي اكيد هتروح البيت.. بس انت ممكن بالراحة عليها شوية . بالراحة علشان خاطري.
كملت وهي بتلوم عليه.... مكانش لازم تعاملها بعنف كده. اديك شوفت حالتها عاملة الزاي.. هي مش هتيجي بالطريقة دي. عاملها بالراحة ياحمزة وهتيجي معاك صدقني
حمزة.... مبتجيش بالراحة دي دماغها عاوزة تتكسر
شيري.... هي عنيدة انا عارفة. بس انت اصبر عليها.. اتنهدت وقالت... حمزة اللي حصل ل زهرة مش قليل. استحملها شوية... هي ثقتها في اللي حاوليها بقت معدومة. مبقاش عندها ثقة في حد. كل اللي حواليها خدعوها. هي خايفة ومتلخبطة مش حاسة بالامان.
اتنهد حمزة بتعب.... هي مش قادرة تقتنع اني بحبها. واني اتغيرت.مش عاوزة تصدق. اعمل ايه اكتر من كده. اثبتلها الزاي. دا غير انها محملاني ذنب ونتيجة كل اللي حصلها
شيري.... سيبها تخبط فيك براحتها لحد ماتهدي واستحملها .. وبعدين هي كمان مجروحة منك اللي حصل مابينكو زمان مخليها مش واثقة فيك .. عارفة انك بتحبها. بس هي صعب عليها تأمنك كده بسهولة.خصوصا بعد كل اللي حصلها واللي شافته.هي مبقاش عندها ثقة في حد اعذرها ياحمزة. زهرة تايهة ومتلخبطة ... وعلي فكرة هي لسه بتحبك. وبتحبك اكتر مانت بتحبها كمان بس هي خايفة. حاول تصبر عليها وتثبتلها حبك. زهرة اللي حصلها كتير اوي مفيش بنت في سنها تستحمله
كملت بحزن عليها... زهرة لسه صغيرة اوي واللي شافتو مش قليل. دا كفاية موضوع اغتـ صابها ده لوحدو يكسر اي بنت واللي كان نتيجتو حمل بردو. واحدة مرة واحدة لاقت نفسها حامل متعرفش الزاي ومن مين.. زهرة اتعرضت لصدمات في حياتها كتير اوي ياحمزة..سنها مايستحملش ده كلو.حرمانها من حضن امها. و حجات كتير كل اللي حصلها ياحمزة انا مش محتاجة افكرك بيه.
حمزة بهدوء .. حاسس بيها وعارف ومقدر ده
شيري ...يبقي اقف معاها وساندها رجعلها ثقتها بنفسها تاني.. طب تخيل برغم اللي هي بتعمله ده بس هي عاوزاك جمبها
حمزة بصلها بدون فهم
شيري... ايوا محتاجة حنيتك عليها وعازاك معاها برغم انها بتظهر العكس.. حسسها بكده انك معاها ومهما تخبط فيك استحملها. وهتلاقيها هديت صدقني
حمزة بقلق...حاولي كلميها شوفيها روحت ولا راحت فين
شيري.... اكيد مش هترد عليا
ضحكت وقالت... لانها دلوقتي مبقتش طيقاني انا كمان علشان عرفتك.... بس هكلم هيام تشوفها تهديها شوية
ومسكت تليفونها واتصلت علي هيام
...............
عند هيام في شركتها
كلمتها شيري علشان تلحق زهرة بعد ماحكتلها اللي حصل
وقفلت هيام مع شيري وهي بتاخد مفاتيحها وبتتحرك خارج مكتبها وهي بتتصل علي زهرة تشوفها هي فين
فتحت هيام باب المكتب وهي خارجة اتفاجت ب زهرة في وشها
زهرة بدموع.... محتاجالك
هيام...ياقلبي. تعالي
و فتحت ايدها وحضنتها وزهرة اترمت في حضنها وهي بتعيط اووي
واخدتها علي الكنبة اللي في المكتب وقعدتها في حضنها بعد ماطلبت ليها لمون وهي بتهديها وبتحاول تعرف منها ايه اللي حصل بالظبط
وبعد مازهرة حكتلها وهي بتعيط
هيام بتوعد ل حمزة ... وغلاوتك عندي لاربيهولك. وهخليه يطلقك ان مكانش بمزاجو هيبقي غصب عنو.. بس انتي متزعليش
مسكت وشها وبحنية... مش عاوزة اشوف دموعك دي ابدا..
وهي بتمسحلها دموعها... وحمزة ده ولا يشغلك ولا تخافي منو انا هعرف الزاي اخلصك منو...
كملت وهي بتأنبها..... لكن اللي كنتي هتعمليه ده غلط. رايحة تجهضي نفسك يازهرة. تقـ تلي ابنك بايدك
زهرة سكتت لانها فهمت غلطها وعيطت اوي بندم
هيام... خلاص ياحبيبتي كلنا بنغلط
واخدتها في حضنها
زهرة بدموع.... هو اللي اضطرني اعمل كده رفض يطلقني وكمان مد ايده عليا
هيام.... تتقطع ايده
زهرة علطول قالت.... لا متدعيش عليه
هيام بصتلها ببتسامة.... خايفة عليه
زهرة سكتت
هيام ابتسمت عليها لانها فهمت انها بتحبو
لكن قالت بخبث.... انتي عاوزة تطلقي
زهرة... ايوا انا استحالة اكمل معاه
هيام .....خلاص اتطمني. عازاكي متقلقيش خالص. كده كده هتطلقك منو. كل اللي انتي عاوزاه هيحصل
زهرة... هو عاند معايا ورافض يطلق
هيام.... يوريني هيعمل ايه. لو عاوزة يطلقك من بكرة اخليه يطلقك
زهرة مسحت دموعها... الزاي هتعملي ايه
هيام... هرفعلك الخلع وهو اكيد هيخاف علي شكلو ومش هيبقي قدامه حل غير انو يطلق
زهرة من غير تفكير قالت... لا
هيام باستغراب... لا ايه
زهرة بصتلها.... انا مش هقدر اعمل فيه كده
هيام ... الزاي. مش انتي بنفسك هددتيه ترفعي عليه خلع
زهرة.... ايوا. بس كنت بهددو بس. لكن انا مش هقدر اعمل كده بجد
هيام....خايفة.. قولتلك متخافيش منو
زهرة .. مش خايفة منو
هيام.. امال ايه
زهرة بدموع... انا بحبو. ومش هقدر اعمل فيه كده
هيام.... بتحبيه!!
زهرة بدموع هزت راسها
هيام وهي بتمشي ايدها علي شعرها بحنية.... طب ليه عاوزة تطلقي مادام بتحبيه
زهرة بدموع...علشان خايفة
هيام... من ايه ياحبيبتي.
زهرة.... خايفة يخذلني. انا مش واثقة فيه ومش ضمناه. حمزة خاني قبل كده. لو خاني تاني مش هستحمل. انا خايفة اديلو الامان يخوني تاني
هيام... بس اللي عرفتو انو كان متجوز قبلك يعني مش خيانة. وكمان طلقها علشانك. يعني معناه انو فعلا بيحبك وعاوزك
زهرة.... مش بتكلم علي جوازو... حمزة زمان خاني وانا معاه.كان دايما بيخوني وبيعرف بنات
اتجمعت الدموع في عنيها وقالت بصعوبة. ك كان بيجيبهم الشقة. كنت بشوفهم وهما خارجين من عندو. وفي الاخر كان بيقولي بحبك انتي. طب بيحبني الزاي وبيخوني
وهي بتعيط... انا مش قادرة اصدقه. حتي لو اتغير مش قادرة
هيام حضنتها بحزن عليها.. مفيش راجل يستاهل دموعك. لو مش عاوزة تكملي. متكمليش يازهرة مفيش حد هيقدر يغصبك
........
عند ليلي
ليلي واقفة في بلكونة اوضتها وهي بتبص علي رحيم اللي واقف تحت جمب عربيته وهو مشغول بيتكلم في التليفون
ليلي كانت بتبص عليه بدموع وحزن
دخلت امينة تشوفها.. ليلي ياحبيبتي منزلتيش تتعشي لـ..
وقطعت كلامها لما شافتها بتبص عليه
امينة اتنهدت بحزن عليها .... انتي كويسة ياقلب امك
ليلي مسحت دموعها وهي بتلف وتدخل جوا... ايوا ياماما
امينة بزعل عليها... هقول ايه بس. زي ماوجع قلبك كده
ربنا يوجع قلـ..
ليلي قاطعتها.... لا ياماما. متدعيش عليه.. هو معملش فيا حاجة وحشه. ولا عاملني مرة وحش ولا زعلني . هو بس محبنيش ودي حاجة ملوش ذنب فيها هو قلبه مش ملكه
انا اللي تعبت قلبي يوم ما وافقت اتجوزه وانا عارفة ان قلبه مع واحدة تانية. لكن هو مخدعنيش وصدقيني انا مش زعلانة من رحيم
امينة... ربنا يكملك بعقلك ويراضيكي ياحبيبتي.
سككت وبعدين كملت بخزي... تعرفي ياليلي ان كلامك اثر فيا اخر مرة. انا فعلا كنت عاوزة اخرب حيات اخوكي ومراتو. بس لما شوفت حزنك حسيت ان ربنا بيعاقبني فيكي. بس انا دلوقتي بقيت بتمني ربنا يصلح مابينهم ويرجعو لبعض
ليلي.... ان شاء الله هيرجعو. وحمل زهرة ده جي في وقتو اكيد هو اللي هيقربهم من بعض
امينة ابتسمت... متتخيليش بعد ماعرفت بموضوع حملها ده فرحت الزاي. مستنية حفيدي بفارغ الصبر. من زمان وانا نفسي اشوف ولاد حمزة
......
تاني يوم عند هيام في فيلتها.
كانت زهرة نايمة علي السرير وهيام جمبها بتحسس علي شعرها بحب
فتحت زهرة عنيها بنوم
هيام.... صباح الخير ياحبيبتي
زهرة وهي بتتعدل.... صباح النور
هيام.... ها احسن دلوقتي
زهرة هزت راسها بهدوء
هيام باستها علي راسها وقامت... يلا قومي خدي دش علي بال مااخليهم يحضرو الفطار
..
بعد شوية زهرة كانت قاعدة في حضن هيام اللي بتأكلها
زهرة.... مش قادرة. شبعت
هيام... طيب دي بس. علشان اللي في بطنك
زهرة بصتلها وسكتت بحزن
هيام اتنهدت .. حبيبتي. دا خير مينفعش تعترضي عليه. واللي كنتي هتعمليه ده غلط وحرام. احمدي ربنا انهم لحقوكي لانك كنتي هتندمي صدقيني
زهرة دموعها نزلت وهي بتحط ايدها علي بطنها وقالت بسرعة ... لا انا خلاص مش عاوزة انزله. انا زعلانة اني كنت هعمل كده انا والله ندمانة.مش عارفة الزاي كنت هعمل كده.
كملت بتعب... انا حاسة اني متلخبطة ومكنتش في وعيي.مش عارفة عملت كدة الزاي.مش عارفة .بس انا ندمت والله ياماما..
بصتلها وهي بتقول بخوف... هـ هو ربنا مش هيسامحني. صح
وهي خايفة من عقاب ربنا ودموعها بتنزل اكتر بندم
هيام خدتها في حضنها.. مين قال كده. ربنا كبير وبيسامح استغفري ربنا واكيد هيسامحك ياحبيبتي
زهرة مسحت دموعها وقالت.... انا هقوم اصلي واستفغر ربنا. يمكن يسامحني
هيام... هيسامحك ياحبيبتي
..
و بعد يومين قضتهم زهرة مع مامتها
زهرة خارجة من الجامعة لاقت حمزة مستنيها
حمزة.... ممكن نتكلم
زهرة بهدوء ... نتكلم في ايه
حمزة.... تعالي نروح مكان
لكن زهرة قالت ... مفيش بيني وبينك كلام ياحمزة.. واتطمن انا خلاص مش هنزل البيبي. رضيت بنصيبي خلاص
حمزة.... زهرة انا عاوز اتكلم معاكي. تعالي لو سمحتي
بصتله ومن غير ماتتكلم اتحركت وركبت معاه
حمزة قبل مايطلع بالعربية قرب علي راسها باسها
وقال.... انا عارف اني اتغابيت عليكي وعد مش همد ايدي عليكي تاني
زهرة بصتله بدموع وسكتت
طلع علبة صغيرة من العربية وفتحها وكان خاتم من الالماس... ممكن تقبلي الهدية دي
زهرة بجمود ..... مش عاوزة هدايا منك
حمزة اتضايق لكن قال في نفسه يستحمل شوية هو قرر انو يحاول معاها ويراضيها للأخر. ف رد وقال بهزار... عنك ماقبلتي انتي الخسرانة
..
بعد شوية كانو وصلو كافيه
دخلو وقعدو
حمزة.... تاكلي ايه
زهرة.... مش عاوزة.. قول اللي انت عاوزه خليني امشي
مسك حمزة ايدها ... عاوز نرجع يازهرة. كفايه كده. تعالي نرجع ونربي ابننا. انا والله بحبك
لكن زهرة ردت عليه بكل هدوء وقالت .... انا عاوزة اتطلق ياحمزة
حمزة بضيق ..... تاني يازهرة.. يعني ده اللي هيريحك
زهرة هزت راسها... ايوا
حمزة اتنهد بيأس .... تمام. واضح ان مفيش فايدة و مادام ده اللي هيريحك. انا موافق. هطلقك يازهرة. شوفي المعاد اللي يناسبك نروح للماذون
وقام وهو بيدفع الشيك
...
في اخر الليل كان حمزة في شركته وهو مهموم وحزين
وهو قاعد في مكتبه بيشرب لحد مابقي مش شايف قدامه
فضل لحد ما قام خد مفاتيحة ونزل من الشركة خد عربيته وطلع بيها وهو ماشي في الطريق فجأة عربية دخلت فيه حاول يتفادها لكن للاسف معرفش يتحكم في السواقة لانو مكانش في وعيه اوي ومرة واحدة العربية اتقلبت بيه
..
في نفس اللحظة زهرة وهي نايمة قامت مرة واحدة وهي مخضوضة وهي بتقول بهمس... حمزة