رواية لأنها توسل
الفصل الواحد والعشرون 21
بقلم سوسو تويكس
* صحيت من النوم لقيتو لسه نايم عايزة انبرش بس اتذكرت قبلي كده ركب فيني شريحه انو نايم طوالي كسرتا حنك الانبراش😂 صحيتو للصلاة،، اتوضيت جيت اصلي لقيتو حارسني للصلاة احترتا لانو الفترة ديك كلها بمشي الجامع،، غيث:ما عايزة تصلي ولا شنو 🙂،، توسل:لالا بس مستغربه اول مرة تصلي في البيت وكده،، غيث:عايزه اعرف طعم الصلاة مع حلالي كيف،،، بقيت اتبسم برااي ضحك فيني وصلى بي وحقيقه كان صوتو جميل جدا ودي المرة التانيه اسمعو بقرا، الأولى وقت كان تلا لي متذكرين؟،، بعد صلينا كان الزمن لسه بدري شديد، سويت الشاي وبرضو اول مره نشربو سوا،، توسل:غيث،، غيث:عيون غيث،، الجمله دي بتكسرني،، توسل:اليله ما ح اقدر امشي الشغل لانو خطوبة فطوم،، قالي بجديه :واصلا شغل ليك تاني ماف الجامعات ح تفتح ولازم تركزي عليها،، من الفرحة كشحتا الشاي يخ الجامعه دي حلم حياتي وكان المفروض حسي اكون في تانيه لولا الظروف،، شافني بعاين لي بصدمه قالي:وقال طلعتي حفارة جايبه ٨٩ مشالله😂🫶،، توسل:شفتا كيف عندك مرة حفاارة لازم تحافظ عليها🙂، لكن غيث انت جادي،،عاين نظرة خلتني اسكت واعرف انو جادي يح من الفرحه قربتا اطير قعدنا نتكلم عن ح اقرى شنو...الخ،،عاين للساعه لقاها 6 قالي:اقوم اتجهز بعده وانتي اتجهز بوصلك في طريقي،، توسل:ح تجي الخطوبه صاح احمد كلمك،، غيث:والله ما عارف الشغل اليله كتير لكن بحاول اخلص بدري واجي،، اتجهزنا جينا مارقين لقيت في كيس كبير الشمار حرقني فتحتو طلع فستان رهيب كامل بطقمو والاكسس تبعو،، جا خلعني وهو بقول:بتنخسي مالك حسي خربتي المفاجأة،، توسل:ده لي انا،، غيث:لالا لجدي،،بقيت اضحك لانو غيث بقا يتكلم زيي😂،، توسل :يخ انت كلو مرة بتفاجئني بشي كده ما عدل،،، قرب وطبعها على خدي وهو بقول بغمزه:منو القال ليك كدي لمن أفضى ليك بس بعرف أخد حقي😂،، توسل:هل تعلم انك بقيت تافه🙂،،غيث:هل تعلمي اني لسه ما جيت للتافه الجد 🙂،، حاولتا اغير الموضوع وسالتو:ما حنطلع ولا شنو،، غيث:ايي حسي اهربي بعدين ماف ليك مفر😂،، توسل:غزل ح تمشي معاي عفكرة،، غيث:خلاص رسلي ليها تجهز عشان اوصلكم،، جينا طالعين وقفني جمب الباب:بعدين ما القاك مطلعه ولا سبيبه من شعرك وما تعملي مكيب ولا بتاع والله قال بقولك كان لقيت الطرحه في نص راسك،، بقيت اضحك من غيرتو الشديده..❥ـــــــــــــــــღـــــــــــــــــ❥
تكمله* بقيت اضحك من غيرت الشديده دي وقلتا:ايي أوامر تانيه يا باشه،، غيث:لا واتخارجي سرعه عشان مستعجل انا،، وصلنا انا وغزل بيت فطوم الكان جايط ناس من الصباح اتقول ما خطوبه 😂، مرة الزمن وعرفتا فطوم وغزل ع بعض وجا وقت الخطوبه طبعا رسمو لينا مع فطوم سوا واي واحده اتجهزت وانا لبستا فستان غيث الكان البيجي ومكسو بالدانتيل الفيهو لؤلؤ ومعاهو حزام وحذاي عالي بالبيج وفطوم حلفت الا يسوو لي ميكب خفيف معاها ولأنها خطوبه مختصرة في الأهل فطوم ما لبست طرحه و اقنعتني يسو لي تسريحه بسيطه واخت الطرحه في نص راسي، خليت خصل طويله اطرافها مروله، لمن ما عرفتا نفسي لكن اليله غيث بدفني وانا حيه، جا زمن الخطوبه وطلعنا وبرضو فطوم وغزل كانو قرضااات فطوم كانت لابسه فستان الكحلي اللامع مع الميمب طلعت موووزه، أما غزل دي اصلا قرضه اخت القرضه😂 ومع الفستان الكبدي والفلوس واللاينه بقت درررعه،بقيت افتش في غيث بخوف بس عيني وقعت فيهو كان لابس عالله بيجيه في تصميمات بالاسود وساعه سودا اخخ من كمية الانبراشات الفيهو 🤤سامعه البنات بسالو:ده ياهو القرضه راجل توسل، واااي لكن جابتو من وين، غايتو اللله أداها،، بقت اضحك فيهم، بس اسمعو وراي وبقول لي بصوت واطي:عملتي الحاجات المنعتك عنها كلها صاح؟ تمام حسابك بعدين،، بقيت برجف عديل من الخوف وتم الناقصه أصحاب احمد الجو يسلمو علي وشبكوها مشاغلات هو اصلا بعرفوني من زمان وزي اختهم بس اخينا داك ما عندو كلام زي ده بشرب في العصير وقت شفتا نظراتو وهو جاي علي لمن اتشرقتا اليله بقتل اولاد الناس ديل......