رواية احتواء القاسي
الفصل الثالث3
بقلم سوسو تويكس
نمتا ما حسيت بالوقت من التعب لقيتها الساعه ٤ معقوله نمتا قدر ده، استحميت، وصليت، لبستا لي بنطلون وقميص وطرحه ختيتها في راسي ده بالنسبه لي محترم شديد كفكفتا يدين القميص طلعتا لقيتهم قاعدين بتونس سلمتا عليهم وقاعدين نتونس بعد شويه عمي سليمان ومعاهو المنفسن داك شكلو يا داب جو من الشغل، وكالعاده سلم على ناس امو بس وانا ولا عبرني، واثناء ما بتونس مندمجه في الونسه مع ماجد وملاذ طرحتي وقعت وما انتبهت ليها لاني ما متعوده عليها،ملاذ قامت تخد الغدا وانا مشيت ساعدتها ورصيتو في السفره التفت عايزه امشي المطبخ القا ليك المنفسن داك قدامي قالي ببرود:بت أمريكا امورك دي ما بتنفع وتاني شعرك ده لو شفتو كاشف تأكدي بقطعو ليك-عايزه اردح ليهو كده لقيتو قرب علي اتجمدتا في مكاني وقلبي عايز يطلع من محلو، لقيتو بلف لي الطرحه في راسي وهو بعاين لي ببرود عكسي طبعا انا القربتا ادروخ من ريحة عطرو وهي بتختلط مع انفاسي، وماف زول شايفنا لانو السفرة بعيده عن الصاله وملاذ مشغوله في المطبخ، بعد عني وهو بقول:كدي بس القاك ما لابسه طرحتك شوفي كان ما كسرتو ليك_ورجع الصاله، وانا لسه مصدومه كيف سكتت ليهو، هو منو عشان يامرني رجع لي حركات زمان تاني، خلصتا الرص وملاذ نادتهم للغدا، وقت شفتو اتذكرتا الموقف وانا بحمر ليهو متوترة في نفس الوقت، وقت رفع عينو لقاني بحمر ليهو انا لمن اتشرقتا، تاني عيني من الصحن ما رفعتها، بعد الغدا حنست حالتو ساميه عشان تخليني اسوي الشاي وانو انا نا غريبه، انا عادي بشتغل وباكل الاكل السوداني لانو نص حياتي في السودان+ايام الدراسه كنت بقعد مع حبوبه، سويت الشاي وكبيتو اديت اي زول كبايتو وقت جا دورو قالي ببرود وهو شغال بالتلفون:ما داير_قلتا بصوت واطي:تدور الشقا_شكلو سمعني رفع عيونو الناعسه ديك وعاين لي ببرود، وكلنا بتونس الا هو شغال بتلفون،المغرب اذن وعمو وماجد المنفسن داك فاتو الجامع واي زول اتفكفك غرفتو، مره اسبوع من آخر موقف وانا طرحتي من راسي ما بنزلها قلتا مادام قاعده في بيت الناس ما اقل أدبي، ونفس الروتين الساعه اي زول بمشي غرفتو للنوم، زي الساعه١٠ كان البيت كلو مضلم الا الجنينه فيها نور خافت نسيت وطلعت بي بجامتي، وبتكلم مكالمه فيديو مع اصحابي وصحباتي الفي امريكا واثناء ما بتكلم شوفتا المنفسن واقف بعاين لي ببرود..
يتبع