رواية نبضات قلب الفصل الحادي عشر11بقلم منة محرم
ادهم: ياما
حنين: ادهم بقه ركز معايا الله يكرمك
ادهم: هيح ايوه ياستي
حنين: بص ياسيدي ليا واحده صحبتي عارفاك هي صحبتي من زمان اوي اوي
ادهم: طب ربنا يخليكو لبعض ايه هتسيبو بعض يعني ولا ايه مش فاهم
حنين: اهدا بقه المهم هي من واحنا عيال وهي معجبه بيك اول ما عرفت اني نزلت مصر وهي واكله دماغي
ادهم: واكله دماغك ازاي يعني ماانتي قدامي اهو ودماغك معاكي
حنين: يبني خفه دمك دي هتموتني
ادهم: عايزه ايه يا حنين اخلصي
حنين: ممكن يعني تتقدملها ده بت غلبانه، و ادهم استني بس هفهمك
ادهم: شششش اخرجي برا ياختي انا ناقص متاخديني بيتها بلمره عرفيني علي اهلها جيبالي عروسه يا حنيييييين في ايه يا جدعان انا عامل ازمه في البيت يعني ولا ايه واكل اكلكو لاحول ولاقوه الا بالله مهو انا لما اتجوز مش هسيب الڤيلا كده كده
حنين: لطفي استنا يا لطفي بس
ملاك فجاه ضحكت بصوت عالي
••••••••••••••••••
ادهم: ايه جيبالي عروسه انتي كمان
ملاك: هههههه مشكله حنين دي والله ما تروح يابني خلينا ناكل جاتوه بقه الواحد عايز يفرح
ادهم: تؤ مش هأكلك جاتوه ماما ياااا كوثر ياست الحبايببب
كوثر: في ايه يعيال ضحكوني معاكو
ملاك: ياستي ادهم جايلو عريس اده قصدي عروسه
كلهم ضحكو علي ملاك معادا ادهم بصلها بغيظ
ملاك بخوف: طب يا جماعه هستاذن انا
بعد شويه
••••••••••••••••••
ملاك: حاضر ثواني لبست ملاك الاسدال وراحت فتحت باب اوضتها ومكنش في حد وفضلت تبص يمين وشمال ولسه هتخش لقت علبه علي الارض نزلت لمستواها وفتحتها لقت فيها جاتوه ومحطوط جمبها ورقه فتحتها ملاك بهدوء وهي متاكده قبل ما تفتحها ان الي جابلها الجاتوه ادهم
( حققتلك حاجه لاكن انك تفرحي بيا دي معتقدتش تيكير اه صحيح انا ادهم اكيد عرفتيني يعني)
ملاك: هههههه مجنون والله
ادهم كان واقف وساند علي الحيطه: سمعتك
ملاك بصت جمبها: عااااااا ودخلت اوضتها وقفلت الباب
بقلمي/menna moharam
ادهم: طب افتحي خدي علبه الجاتوه
ملاك: انت هتموتني يابني
ادهم: بعد الشر عليكي افتحي خدي علبه الجاتوه
ملاك فتحت الباب وخدتها ودخلت وبعدين فتحت الباب تاني
ادهم: خير
ملاك: انا راحه عند هبه
ادهم: ايه
ملاك: وحشتني اوي بقالي كتير مشوفتهاش
ادهم: هتقعدي عندها
ملاك: لا مش هقعد عندها علشان جوزها وكمان حياه مش هتحب تعيش هناك حياه بتحبك ومش عايزه احرمها منك
ادهم: طيب شويه وهتيجي
ملاك: ان شاء الله
ادهم: طيب انا داخل اخد شاور وهوصلك في طريقي
ملاك: ملوش لزوم
ادهم: بس انا عايز اخد شاور
ملاك: ههههه يبني مش قصدي بقولك ملوش لزوم علي انك تيجي توصلني
ادهم: بطلي هبل انا هاخدك في طريقي ياريت تسمعي الكلام
ملاك: انا هروح عادي لوحدي
ادهم: لالا
ملاك: طب هخش البس
ادهم: تمام
في اوضه ادهم
••••••••••••••••••
هبه: حاضر هعاملها احسن معامله هو انا عندي اعز منها
ادهم: جو الاستهبال ده مش عليا ها اقسم بالله لو سمعت بس انكو زعلتوها هتشوفو وش مش هيعجيكو
هبه: احم انا محتاجه فلوس
ادهم: مجهزهم من غير ما تقولي
هبه: هاخدهم ازاي
ادهم: انا جاي اوصل ملاك سلام
داليا: فكرك الي بتعمله ده صح
ادهم بص وراه: داليا
داليا: اه داليا يا ادهم
ادهم راح ولبس ساعته: مش فاضي يا داليا لما ارجع نتكلم
داليا: ادهم صدقني الي بتعمله ده غلط طب فكرت في ملاك لما تعرف ان حب اختها ده تمثيل وانت مشترك فيه
ادهم: انا عايزها تبقا مبسوطه
داليا: تبقا مبسوطه ازاي يعني بلعكس
ادهم: يووه انا ماشي اجبلك حاجه وانا جاي
داليا: لو ملاك عرفت مش هتسامحك ياادهم
ادهم: باااي يا داليا باي
ملاك كانت واقفه في الجنينه مستنيه ادهم ينزل وكانت كل شويه تبص تشوفه نزل ولا لسه لحد ما نزل
ادهم: اتاخرت
ملاك: مش مهم يلا
ادهم: حياه فين
ملاك: نايمه
ادهم لبس نضارته الشمس بتكبر: طيب يلا ورايا
ملاك: اقف عندك
ادهم بصلها: في ايه
ملاك مشيت قدامه وابتسمت: يلا ورايا
ادهم ابتسم ومشي
بعد شويه
••••••••••••••••••
هبه: ملاك حبيبتي وحشتيني اوي اوي
ملاك بدموع: انتي اكتر
هبه: تعالي يا حبيبتي بيتك اتفضلي اتفضلي
ملاك دخلت وشافت جلال واتوترت وادهم لاحظ ده راح وقف جمبها
ادهم: انا جمبك متخافيش
ملاك غمضت عنيها براحه وحست ان خوفها راح لما ادهم جه جمبها
جلال مد اديه: عامله ايه يا ملوكه
ملاك بصت لاديه بتوتر ولسه هتسلم كان ادهم مسك اديه جامد وسلم هو
ادهم: ملاك كويسه زي ماانت شايف كده
جلال بوجع: مش عارف كل شويه تجبلنا بودي جارد
هبه: اتفضلو اتفضلو
ادهم: شكرا
هبه: ممكن يا ادهم بيه تيجي بس هقولك علي حاجه
ملاك بصتله: حاجه ايه الي عايزه فيها
هبه: هقوله علي حاجه يا حبيبتي متقلقيش
ملاك: طب ما تقوليلو هنا
ادهم: خلاص يا ملاك اتفضلي يا هبه
هبه خدته وطلعت البلكونه
ادهم: عايزه اي كده هتشك اي خلاكي تجبيني هنا
هبه: عايزه فلوس واه انا عايزه 2000 مش 1500 مش بيكفو
ادهم: طيب بس كده
هبه: ده لو عايزني اتعامل معاها حلو يعني
ادهم: اكيد طبعا عايزك تتعاملي معاها حلو بس الصراحه انتي مش بني ادمه انك تاخدي فلوس مقابل حاجه انا عارف اني غلط بس للاسف هعمل ايه انتي واحده ***
هبه: هتغلط بقه هطلع اقولها الحقيقه كامله
ادهم: اطلعي احكيلها يلا تعرفي انتي عمرك ما هتقولي عارفه ليه علشان لو عرفت الحقيقه مش هيبقا ليه لزوم اديكي فلوس كل شهر بقه
هبه بتوتر: ا انا راحه اعلق علي الشاي
بقلمي/menna moharam
ادهم: انا ماشي يا ملاك وقت ما تحبي تمشي رني عليا هبعتلك السواق
ملاك: لا انا همشي معاك دلوقتي
ادهم: مش هتقعدي
ملاك: لالا همشي بقه انا اطمنت عليها وخلاص
ادهم: طب علي راحتك يلا
ادهم. خدها وركبو العربيه وهما في طريقهم للبيت ملاك اتكلمت بصوت مبحوح
ملاك: ليه
ادهم بصلها: ليه ايه
ملاك: وقف العربيه
ادهم: في ايه يا ملاك وبتتكلمي كده ليه وايه دموعك دي في حد ضايقك جلال ضايقك انا هلف وارجعله
ملاك: ليه ادتها فلوس مقابل انها تعاملني حلو ليه
ادهم: ملاك انتي انتي عرفتي ازاي
فلاش باااااك
••••••••••••••••••
جلال:مالك مش قاعده علي بعضك كده في ايه
ملاك بصتله بقرف وبصت ناحيه البلكونه
جلال قام وراح قعد جمبها: مالك
ملاك بخوف: ا انت قوم من جمبي
جلال: مالك ياختي متخفيش اوي كده وقام وسابها
ملاك بصتله بقرف ورجعت بصت ناحيه البلكونه وهي هتموت وتعرف بيتكلمو في ايه وقررت انها تروحلهم
ملاك قامت وراحتلهم وسمعت كلامهم
جلال: بتعملي ايه يابت
ملاك بخضه: م مش بعمل حاجه وراحت قعدت مكانها
جلال: اده اده انتي بتعيطي تعرفي اني بفرح اوي لما اشوف دموعك دي
ملاك: ماانت مش بتحب تشوفني مبسوطه يا جوز اختي
جلال ضحك علي دموعها: عيطي انتي متستاهليش غير العياط ووجع القلب
ملاك: عملتلك ايه لكل ده عملتلك ايه
جلال: انتي ناسيه اني كنت بحبك انتي ورفضتيني واتدبست في اختك بس صدقيني انا بكرهك اوي فوق ما تتخيلي وبدعي مشوفكيش مبسوطه في حياتك ابدا
ملاك: وانا مكنتش عايزاك وغير كده اختي كانت بتحبك وبعدين محدش ضربك علي ايدك تتجوزها
جلال لسه هيقوم يمد ايده عليها كان ادهم دخل و جلال رجع مكانه
ادهم: انا ماشي يا ملاك وقت ما تحبي تمشي رني عليا هبعتلك السواق
باااااااك
••••••••••••••••••
ملاك بدموع: انت لعبت بمشاعري ادتها فلوس علشان تعاملني حلو عارف يعني ايه تدي فلوس لاخت علشان تمثل حبها لاختها يااااا علي الوجع ازاي ازاي تعمل فيا كده بس
ادهم: صدقيني عارف انه غلط الي عملته بس انتي صحتك ونفسيتك مكنتش احسن حاجه عايزاني اعمل ايه وانا بسمعك بتعيطي علشان اختك بتعاملك وحش مكنش عندي حل تاني غير ده والله العظيم مكنش عندي حل تاني
ملاك مسحت دموعها: المشاعر مش بتتشري بلفلوس
ادهم: علشان خاطري انا مش عايزك تزعلي مني
ملاك مسحت دموعها: خلاص محصلش حاجه هي عمرها ما حبتني اصلا انا كنت كمان مستغربه هي ازاي اتغيرت 180درجه كده بس قولت عادي انا اختها واكيد حنت بس للاسف انا طلعت غبيه وقلبي طيب علشان صدقتها
ادهم: انا اسف
ملاك: انت ملكش ذنب ياادهم انا الي مكنش ينفع اصدقها بس تعرف ربنا عوضني بيكو احم ياريت ياادهم لو عايز نفضل اخوات واصدقاء متخبيش عني اي حاجه تخصني
ادهم: حاضر
ملاك: اوعدني ياادهم
ادهم:اوعدك اني مش هخبي عليكي حاجه تاني
ملاك: طيب هاتلي بطاطس سوري بقه
ادهم: ممممم بقه كده
ملاك: اها
بعد شويه كان وصل ادهم وملاك علي الڤيلا وكان جايب لاهله ساندوتشات وقعدو في جو عائلي جميل مفهوش مشاكل ولا دوشه وخلصو قعدتهم وكل واحد دخل اوضته
صباح يوم جديد
••••••••••••••••••
ملاك: يلا يا حياتي اصحي يلا
حياه: نو
ملاك: ايه نو دي بقه ان شاء الله
حياه: عايزه انام بس شويه صغيرين
ملاك: قومي بقه يا حبيبتي علشان تروحي الحضانه
حياه: نو
ملاك: بقه انا بتقوليلي نو طب انا زعلت وهروح اقول لادهم بقه
حياه: مش قادره اروح
ملاك: مممم بقه كده طيب
قدام اوضه ادهم كانت واقفه ملاك بتخبط
ادهم قام راح فتح الباب وهو نايم علي نفسه: ايوه
ملاك: حياه مش عايزه تقوم يا ادهم روح بالله عليك خليها تقوم تروح الحضانه بقه
ادهم: حاضر انا جاي اهو
ملاك: طيب يلا تعال
ادهم: حاضر ماشي انا اهو جاي وراكي مسافه السكه بس هلبس وانزل اشغل العربيه علشان متاخرش علي العمليه
ملاك: عربيه ايه يابني ده حياه في الاوضه الي جمبك ده انت نايم علي نفسك
ادهم: لا انا صاحي اهو
ملاك بعصبيه: ادهممم فوق كده اغسل وشك وتعال صحي حياه هي بتسمع كلامك عني
ادهم اتخض: حاضر حاضر في اي طيب انتي دخلتي ازاي هنا
ملاك: ييييي بقه ادهم انا اسفه اني صحيتك دلوقتي حقك عليا بس حياه مش عايزه تروح الحضانه
بعد شويه
••••••••••••••••••
ملاك: ادخل
ادهم: صباح الخير
ملاك: صباح النور
ادهم بص علي حياه: صباح الخيررر
حياه: مش عايزه اروح انا مش قادره اقوم
ادهم راح عندها ومسك اديها: ليه بس يا حبيبتي اده انتي حرارتك عاليه
كده لي ملاك حياه حرارتها عاليه او