رواية حلم واقع الفصل التاسع عشر19والعشرون20بقلم رانيا عماره
فتحي:يااه علي الراحه ده انا ايدي كانت وجعاني بشكل هو العيب في الممرضه ولا الحقنه
ساره:لالا الحقنه كتير بتوجع الكل مو انت وبس
فتحي :اه علشان كده اما بقولك يااستاذه كارولين قصدي يادكتوره فكرتي في الموضوع الـ قولتلك عليه؟
ساره:أي فكرت
فتحي:وقررتي ايه؟
ساره :قررت اتزوجك
وكان ياسر سامع كل كلمه بتتقال
ياسر:يانهار اسود مكنش اتفاقنا
فتحي:انتي بتتكلمي بجد يعني موافقه؟
ساره:أي موافقه متي راح نتزوچ؟
فتحي:من دلوقت لو تحبي
ساره:لا دلوقت شو مابقدر راح اجهز احوالي
فتحي:علي اقل من مهلك المهم انك وافقتي ومنين ماتحبي تتفقي علي كتب الكتاب هتلاقيني لحد عندك
ساره :اوكي مستر فتحي
فتحي:لا مستر ايه بقى قوليلي فتحي عالطول ده انا حتي هبقي جوزك
وطبعا ياسر كان هيتجنن لان ده مكنش اتفاقهم
راح مكسر التليفزيون بـ ايده من كتر العصبيه
ساره :اكيد
فتحي:يلا هستأذن عشان ورايا اكل عيش
ساره:اتفضل
فتحي:يلا سلامو عليكو
ساره(بقرف) :باي
وبعد مامشي اتصلت بـ ياسر بس مكنش راضي يرد عليها
ساره(بإستغراب) :غريبه اول مره ميردش؟
راح ياسر خد نفسه وراح المكان السري بتاعه
حنان(بعياط) :خرجني عايزه ارجع لأمي وبيتي
ياسر(بعصبيه) :اخرااااسي
وراح رازعها قلم جامد
حنان (بصويت) :ااااه انا هوديك فـ 60 داهيه لما اعرف انت مين الاول
ياسر(بعصبيه) :اخراااسي بقولك
وضربها كمان ألم وهي بقيت تصوت
ياسر(في التليفون) :عملت الـ قولتلك عليه ولالا؟؟
جوز حنان :انا مستني البت قصاد الدرس بتاعها اول ماتطلع هسحبها
ياسر(بعصبيه) :خلص الحوار بسرعه فاهم ولالا
جوز حنان :كله في التمام
ياسر:ده انا هوديكم في داهيه ياكلااب
حنان(بصويت) :ااااه
ياسر(بيضربها) :بقي خالك يعمل فينا كل ده؟؟؟ فاكر نفسه هيروح مننا فين؟؟
حنان(بصويت) :خرجني ياكلب يازباله
ياسر(يزعيق) :أخرسي مسمعش صوتك ده انا هندم امك علي اليوم الـ قررت تلعب معانا فيه
عند جوز حنان كان مستني البنت تخرج من الدرس واول ماخرجت مع صحابها
جوز حنان :ازيك ياحلوه
منار:انت مين
جوز حنان :انا عمو محمد وجايبلك حاجات حلوه بابا مستنيكي هناك
منار:بابا قالي متروحيش مع حد
جوز حنان:وهو انا حد؟ ده انا عمك التاني
منار:انت عمي؟
جوز حنان :ايوه وابوكي قالي خدها بعد الدرس وديها الملاهي وهاتلها حاجات حلوه
منار :بابا فين
جوز حنان :هناك مستنيكي في الملاهي
منار:انت هتوديني الملاهي
جوز حنان :اه هوديكي تعالي معايا قبل ماتقفل
*وخدها ومشي*
عند تيم و لين في البلاكونه بتاعت اوضه لين
لين:ماما وحشتني اوي
تيم:ايه رايك نكلمهم فيديو كول؟
لين:وانا موافقه طيب استني
وبدأت تتصل علي مامتها فيديو كانت منال نايمه في الوقت ده
منال(بتفوق) :مين الـ بيتصل
وبتبص في الموبايل لقيتها لين فـ فرحت
منال(بتقوم) :ازيك ياحبيبه قلبي عامله ايه
لين:انا كويسه انتي عامله ايه ياماما؟
منال:الحمدلله عامله ايه هناك بتاكلي كويس؟ بتعرفي تنامي؟
لين:ايوه ياماما متقلقيش المهم انتي عامله ايه وتيته؟
منال :الحمدلله استني هقوم اروحلها
وراحت لـ جده تيم
منال:انتي صاحيه؟
جده تيم:ايوه يابنتي ادخلي
منال:لين اتصلت بيا فيديو وعايزه تسلم عليكي
جده تيم:يااهلا يالين يابنتي اخبارك ايه
لين:الحمدلله ياتيته طمنيني عليكي وعلي صحتك
جده تيم:انا بخير اما الواد تيم فين؟
تيم(بيشد الموبايل) :انا اهو ياتيته عامله ايه وحشاني اوي
جده تيم:كده ياواد انت متسألش علي جدتك حبيبتك
تيم:غصب عني ياتيته الشغل زاد اوي وبعدين انا متطمن عليكي مع طنط منال
منال:متقلقوش علينا احنا كل يوم بنصحي من النوم ونفطر ونروح الجيم وبعد مانخلص بنروح نتغدا ونلف شويه ونرجع علي البيت بس مقولكوش الجو يجنن وخصوصا بالليل
تيم:انا عارف ياطنط ان الجو حلو علشان كده وديتكم هناك لانه أأمن مكان ليكم
منال:انت عملت فينا خير مش هنسهولك
جده تيم:طيب انتوا هتيجوا امتي؟
تيم:لا لسه شويه لازم نصفي حساباتنا
منال:خد بالك من نفسك ومن لين
لين:حاضر ياماما متقلقيش عليا
تيم:متقلقيش ياطنط.. لين في عينيا
عند فريد فاكرينه؟ راح بيت منال علشان يكمل لعبته الـ اتفق عليها مع فتحي وفضل يخبط علي الباب
فريد(بيخبط) :هو مفيش حد هنا ولا ايه.. انتوا ياناس يالي هنا
فلاش باك فريد وفتحي
() فتحي :انا عايزك تروح لـ منال طليقتي وتعمل نفسك بتسأل علي اي حد وبعد ما تعمل نفسك دايخ وشويتين لو ساعدتك اشكرها وقولها انك عندك شركه صحافه فاهم؟
فريد: من عينيا ده انت تؤمر وانا انفذ بس كله بـ تمنه يافتحي
فتحي:هديك الـ انت عايزوا بس تنفذ
فريد:وانا تحت التنفيذ ()
فريد:الله هو محدش بيفتح ليه
وراح واخد نفسه وماشي واتصل بـ فتحي
فريد:انا روحت وملقتش حد
فتحي:ازاي يعني ايه ودي هتروح فين يعني؟
فريد:ده انا لقيت الباب مقفول بالقفل وعليه تراب يعني شكله مقفول من زمن
فتحي:ودي راحت فين لـ تكون سافرت بس علي مين هي هتروح مني فين انا وراها وراها ولو لآخر الكون
فريد:انت أمرتني وانا نفذت مش مشكلتي اني ملقتهاش عايز حق مجيتي لحد عندها
فتحي(بتريقه) :عايز حق مجيتي لحد عندها اتنيل هو انا هضحك عليك مانت عارف مكاني ومنين ماتحب تاخد حقك هتاخده علي داير مليم
فريد:وانا عارف انك مش هتخم وتديني بالقفا
فتحي:مش انا الـ اعمل كده ويلا اتكل على الله الا حد يشك
عند جوز حنان كان خد البنت وراح بيها المكان السري بتاع ياسر وياسر استلمها منه ومشي علشان مراته متشوفهوش وتعرف انه تبع المشوار ده
ياسر:اوعي يكون حد شافك
جوز حنان :لا ده انا خدتها وجيت علي هنا عالطول لا من شاف ولا من دري
ياسر:جدع يلا ارجع عند فتحي وانا هقعد اسمع كل كلمه بتتقال اوعي تلبخ بالكلام ولا تتلغبط انا عارفك
جوز حنان :لا من الناحيه دي متقلقش ده انا مفيش حاجه تهزني ولا تأثر عليا
ياسر:جدع
جوز حنان :يلا بالاذن
وخد نفسه ومشي وياسر خد البنت ودخلها جوا
وربطها الا تفك حنان ويهربوا هما الاتنين وطبعا لابس الماسك ومحدش شايفه
منار:عمو هو انت واخدني فين
ياسر:هربطك اصل ابوكي وجب مع كل الناس فـ انا قولت أوجب معاه ومتقلقيش هجيبلك حاجات حلوه كل يوم
منار:يعني انت لو ربطتني هتجيبلي حاجات حلوه
ياسر:ايوه هجيبلك كل يوم
وربطها وشال الغطا من علي وش حنان
حنان(بصويت) :ايه ده؟؟ دي منار بت خالي فتحي؟
ياسر:ومين قالك انها بنته هو انا مش قولتلك ان فتحي مبيخلفش يعني نسوانه الاتنين مقرطسينه ومدينه علي قفاه ماهو اصل الـ سكته شمال هيقع في اكتر ناس شمال
حنان(بصويت) :ده انا هوديك في 60 داهيه انت والـ خلفوك ياكلب
فـ ياسر ضحك من غير اهتمام وخد نفسه ومشي ورجع الشركه
عند جوز حنان كان وصل المخزن
جوز حنان :ازيك يامعلم فتحي
فتحي(بيشرب شيشه) :يااهلا كنت فين
جوز حنان:ده انا كنت جاي من البيت كنت باكل لقمتين كان نفسي أكلهم معاك يامعلم
فتحي:وانت تاكلهم معايا ليه ايه بينا علشان يكون بينا عشم
جوز حنان :ابدا ده انا حتي كل ماحد يسألني مين اكتر واحد بتحبه اقولهم المعلم فتحي ده انا وهو الروح بالروح
فتحي(بيضحك) :ومن امتي الحب ده
جوز حنان :من زمان اوي اوي بس انت مش حاسس يامعلم
فتحي:حلو الكلام لو بتحبني فعلا عايزك تروح المخزن التاني وتنقل فيه كام يوم انا مابقتش محتاجك هنا
جوز حنان :ليه كده يامعلم
فتحي:ماالواد حماده شايف شغله هنا انا عايزك هناك احسن واضمن
جوز حنان :وانا تحت امرك
فتحي:استني ياض المدام بتتصل ايوه عاوزه ايه
فتحي(بيقف) :ايه؟؟؟ يعني ايه روحتي تجيبيها ملقيتيهاش؟؟ مين ده الـ راح وخدها؟؟
وطبعا جوز حنان وشه بدأ يقلب اول ماسمع الكلمتين دول
فتحي(بزعيق) :كله الا منااار هو انا مش قايلك مليون مره تروحي تقفي قبل ميعاد خروجها البت لو راحت مني انا هطربق الدنيا فوق دماغ الكل.. طيب اقفلي دلوقت اقفلي بقولك
جوز حنان(بتوتر) :في ايه يامعلم قلقتني؟
فتحي:البت منار اتخطفت
جوز حنان :لا بقي بص يامعلم فتحي ده الـ عمل كده شكله حاطك في دماغه مش معقول مراتي تتخطف وبعدين بنتك تتخطف الموضوع في إنه
فتحي(بزعيق) :هو ايه الـ بيحصل ده بنت اختي وبنتي يتخطفوا مره واحده؟؟ الله هو في ايه؟؟
جوز حنان (بتمثيل) :ياعيني عليكي يامنار دي بت كانت زي النسمه ميطلعلهاش صوت ولا حس كانت دايما تقول لـ حنان بحبك ياطنط وبحب عمو صبري يااه يامنار يااه
فتحي: انا هروح اشوف المصيبه دي اخرتها ايه وانت خليك هنا وركز كويس خلي عينك وسط راسك
جوز حنان :من عينيا يامعلم
عند منال وجده تيم كانوا قاعدين في البلاكونه بياكلوا والمنظر قدامهم كان تحفه
منال:ايه رايك انا الـ عامله الاكل ده علشان تعرفي انك مش لواحدك الـ بتعرفي تطبخي
جده تيم:مانا عارفه يامنال يابنتي انك شاطره وبعدين ده انتي الله اكبر بنتك عروسه معقول هتقعدي كل ده من غير تعليم طب تعرفي ده وانا اصغر من بنتك لين كنت متعلمه كل حاجه من أمي اكل وتنضيف وترويق وكل حاجه كان امي عندها 3بنات كل يوم بنت عليها يوم
منال:ماشاء الله طب واخواتك راحوا فين؟
جده تيم:منهم الـ سافر ومنهم الـ توفي اهي الدنيا فرقتنا شويه بـ شويه حتي بنتي توفيت وسابت ابنها عيل صغير كانت صعبه عليه اوي ياقلب امه
منال:في الجنه ان شاء الله وبعدين تيم كبر وبقي راجل اهو طيب معندكيش حد غير بنتك الله يرحمها؟
جده تيم :عندي طبعا عندي ولد وبنت كمان بس مسافرين برا وحتي مش هاين عليهم يرفعوا سماعه التليفون ويسألوا عليا
منال:ليه كده طب ياريت انا امي كانت عايشه كان زماني جنبها 24ساعه
جده تيم:اهو احنا بنكمل بعض يابنتي انا بنتي ماتت وانتي والدتك توفيت
منال:بس انا ربنا عوضني بأحلي ام في الدنيا
جده تيم:زي مانا ربنا عوضني بأحلي بنت في الدنيا؟
منال(بتضحك) :طبعا ياحبيبه قلبي ربنا ميحرمناش منك
جده تيم:ولا يحرمني منكم ابدا ابداا
عند عبير كانت قاعده في الريسيبشن مقهوره من الـ علي عمله وبتخططله ترجع حقها ازاي
عبير:بقي انا تعمل معايا كده ياعلي بقي تتغدي بيا قبل مااتعشي بيك بتعملها قبلي وبقي عارف كل ده ومرقدلي وعاملي فيها الملاك الـ بجناحين ورحمه امي لـ اعلمك ازاي تسرقني
بتبص لقيته داخل ومعاه واحده شكلها مش مظبوط وعمالين يضحكوا وشكله سكران
علي(سكران) :هههه ادخلي ادخلي
_ ادخل فين هههه
علي (سكران) :هيكون فين في المطبخ امال احنا فين دلوقت هههه
عبير(بتقوم) :يانهارك اسود ومش فايت مين الـ جايبها معاك دي؟
علي (سكران) :ادخلي الا أمي هتعملي حوار هههه
_هي دي امك؟
علي(سكران) :هههه امال خالتي
عبير(بصويت) :ايه الـ انت بتعمله ده؟
علي(سكران) :اوعي يا غاده من طريقي
عبير(بصدمه) :غاده مين؟؟ انا مراتك!!
علي(سكران) :هتفضلي تلكي كتير وانا دماغي مش مظبوطه.. يلا بينا نطلع
وخد البنت الـ معاه وطلعوا وعبير في صدمه
عبير:ورحمه امك لأوريك واعرفك مين عبير دي
عند فتحي راح البيت لـ مراته
مراته(بصويت) :يامصيبتي البت اختفت مش لاقياها يافتحي اعمل ايه
فتحي(بزعيق) :انا غلطان اني خليتك تروحي تجيبيها كل مره كنت خليت اي حد يجيبها ماهو بسبب اهمالك
مراته(بصويت) :واحنا في ايه ولا ايه؟؟
فتحي(بزعيق) :استني بقى ماجده بتتصل.. الو ياماجده
ماجده:بتك منار ضاعت؟؟
فتحي :انتي الـ قولتيلها
مراته:ايوه انا
فتحي:ايوه ياماجده البت ضاعت انا مش عارف مين الـ حاططني في دماغه
ماجده:ماتروح تبلغ يافتحي
فتحي:أبلغ فين ده انا لو عتبت القسم مش هخرج منه انتي نسيتي؟
ماجده :يادي المصيبه والحل ايه هتعمل ايه في الـ احنا فيه ده؟؟
فتحي:مش عارف انا الـ حايشني اني لو روحت القسم هيودوني في داهيه مش عارف اعمل ايه
عند لين وتيم كانوا مكبرين دماغهم اليومين دول وكانت لين نايمه في اوضتها وبتكلم تيم في الموبايل
تيم:اكتر حاجه صبرتني علي حاجات كتير حصلت الفتره الـ فاتت هي انتي
لين(بإحراج) :وانا ياتيم مبسوطه بمعرفتي بيك غيرت حاجات كتير فيا نسيتني كل الـ فات كله
تيم(مبسوط) :حياتي قبل مااقابلك مكنتش حياه كانت موت ودمار انتي زي الـ جاب مايه وسقي الزرع في اخر لحظه له وعادله حياته علي اخر لحظه
لين:ميرسي ياتيم ده لاننا صحاب واتمني صداقتنا دي تدوم لآخر العمر
تيم:صحاب؟
لين:اكيد صحاب وانت احسن صاحب عرفته ياتيم
تيم(مدايق) : شكرا يا لين يلا انا هانام
لين:اوكي تصبح على خير
تيم:وانتي من اهله
________تاني يوم_______
كان فتحي منامش طول الليل وهيتجنن مين الـ بيعمل كده
فتحي:ماهو مين لو هنقول منال فـ هي متقدرش تعمل حاجه دي بتترعب مني وعارفه انها هتتجاب لو عملت حاجه زي دي.. مين الـ له مصلحه في كل ده
فـ لقي الباب بيخبط وفتح
فتحي:ماجده اختي!
ماجده :قلبي عندك يافتحي ياخويا منه لله الـ كان السبب لازم تشوف حل انا خايفه لـ البت تكون راحت مني
فتحي:انا هتجنن واعرف مين الـ عمل كده ومين الـ له مصلحه
ماجده:دور علي المستفيد وشوف مين هو
فتحي:هيكون مين هو انا في حد يجرأ يلعب معايا ياماجده هو انا في حد يقدر يعمل معايا الـ حصل ده.. ده كل الناس بتترعب مني وبتعملي الف حساب
ماجده:اه ياخوفي منك ياصبري لـ تكون انت الـ ورا كل ده
فتحي:وصبري جوز بنتك هيعمل كده ليه ده الواد اقوله يمين يجي يمين اقوله شمال يجي شمال زي الخاتم في صباعي
ماجده:ماتشوف يمكن حد انت ظلمته
راحت مرات فتحي طالعه ومنهاره
مراته :الحقيني ياماجده انا معرفتش انام طول الليل شويه انام وشويه اصحي والقلق واكل دماغي هيجنني
ماجده :اهدي ياختي متعمليش في نفسك كل ده مسيرنا هنعرف هو مين وهنوصله
عند عبير كانت قافله علي نفسها باب اوضتها وكانت سامعه صوت علي طول الليل وهو البنت الـ جايبها وعماله تفكر وتخططله لحد مالبست وراحت تستلم القيد العائلي الـ عملته
عبير(بصوت واطي) :لو سمحتي انا كنت طالبه منك قيد عائلي امبارح وقولتيلي تعالي بكرا
_الاسم ايه
وقالتلها الاسم واستلمت الورقه
عبير بصدمه شديده!!!!!!!!
الفصل العشرون
عبير(بصوت واطي) :لو سمحتي انا كنت طالبه منك قيد عائلي امبارح وقولتيلي تعالي بكرا
_الاسم ايه
وقالتلها الاسم واستلمت الورقه
عبير بصدمه شديده!!!!!!!!
عبير:انا اسمي مش موجود!!! يعني ايه؟؟ يعني علي استغفلني؟؟؟
وخدت نفسها ورجعت الفيلا وكانت داخله شايله ومعبيه ومستعده للخناق
عبير(بتكسر الباب وبتزعق) :بقي تستغفلني وتفهمني اننا متجوزين علي سنه الله ورسوله؟؟ بتلعب بيا ياروح امك وانا اقول مفيش حد موجود ليه يوم كتب الكتاب ومفيش غيري انا وانت ليه؟؟ اتاااري بيتلعب بياااا
علي(بيقوم وبيزعق) :ماتتعدلي يابت لـ تكوني فكرتي نفسك ست بحق وحقيقي انا اتجوزتك علشان كنت محتاج قرشين اصل انا مقولتلكيش؟ انا ابويا ميت من زمان اووي وسايبني اخبط في الدنيا يمين وشمال وشمال ويمين ههههه عجبك القلم؟
عبير(بصدمه) :انت ابوك ميت؟؟؟ امال الشركه دي بتاعت مين؟؟
علي(بيضحك) :الشركه الـ انتي فيها ياحلوه دي شركه راجل خليجي عايش برا في بلده هههه
عبير(بصدمه) :يعني ايه؟ يعني انت ابوك طلع ميت والشركه مش بتاعتكم؟ ومدير بصفتك ايه؟؟
علي(بيقرب منها ويضحك) :ومين قالك بس اني مدير في الشركه هو انا مقولتلكيش كمان مره ههههه
*وبيديلها ضهره وبيضحك ببرود*
علي:الشركه دي كلها شهر بالكتير وتتقفل اصل برضه الـ متعرفيهوش انها مجرد شركه وهميه عملها النصابين ال زي هههه يلا بالشفا ياقلبي
عبير (بتمسكه من هدومه) :وحيااه امكك ياعلي لأخد حقي منك علي داير مليم بقي تستغفلي وتمضيني علي اوراق وانا في دنيا تانيه؟؟ لا خطط ولعبتها صح بس انا بعرف اخطط اكتر منك
علي(بيضحك) :لو كنتي بتعرفي تخططي صح مكنش اتضحك عليكي اصلك عبيطه شويتين
عبير(بزعيق) :ايه البرود الـ انت فيه ده؟؟ ايه ده؟؟
علي (بيمسكها جامد من ايدها) :ورحمه امي لأندمك علي اليوم الـ فكرتي تلعبي معايا فيه بقي تستغفليني يابت وتحطيلي عمل في الاكل وفاكراني مش فاهم ده الكاميرات جابت قرارك بس علشان انا انسان ذكي مفضحتش نفسي ومشيت معاكي للاخر في اللعبه الـ بتلعبيها عليا بقي عايزاني اكتبلك الفيلا والعربيه بـ اسمك؟ ليه هما كانوا ب اسمي اساسا
عبير(بصدمه وصويت) :اماال فيلا وعربيه مين دي انطق عربيه مين؟؟؟؟
علي(بـ غل) :الفيلا والعربيه ايجار والـ عندك اعمليه وروحي اخبطي دماغك في أقرب حيط
عبير(بصويت) :ده انا هوديك في ستين داهيه
علي(بـ غل) :متقدريش وروحي للحكومه وقوليلهم علي عمل كذا وكذا ولو ليكي حق هتاخديه وااه صحيح
*وراحت ساحب منها الورقه وباصص فيها *
علي:ابقي بلي الورقه دي مع ورقه الجواز العرفي واشربي مايتهم
وهو لسه بيمشي راحت عبير ضارباه بالسكينه في ضهره
علي(بيتوجع) :اااه اااه ايه الـ عملتيه ده
وطبعا عبير كانت في حاله صدمه شديده لانها كانت مخططه تخطيط انها تاخد الفيلا والعربيه والشركه وتخلع بس هو سبقها وعملها ماهو الخبيثون للخبيثات
عند لين كانت نايمه لقيت ياسر بيتصل
لين(بتفوق) :ايوه يا ياسر صباح الخير
ياسر :صباح النور يا لين.. معلش الدنيا متلغبطه انا بعت جوز حنان خطف منار بنت فتحي
لين:انت مش قولت انه مش بيخلف
ياسر:فتحي فاكر انه بيخلف وان دول عياله
لين:عارفه طيب انت ليه مش بتتصل في وقتها تبلغنا
ياسر:انا دماغي كانت مقلوبه يرضيكي الـ ساره بتعمله
لين:ساره؟ ليه عملت ايه؟
ياسر:فتحي لما راحلها وفاتحها في موضوع الجواز قالتله انها موافقه وده مكنش اتفاقنا
لين:وانت مزعل نفسك ليه يا ياسر وبعدين ده انسب حل خصوصا ان حقوقنا هترجع سواء حقي او حق تيم
ياسر:يا لين افهميني انا مش قادر اتقبل الفكره دي انا من ساعه ماعرفت وانا طايح في حنان
لين:اعمل الـ انت عايزوا فيها انا النار الـ جوا قلبي متكفيش قتلهم الناس دي لازم تتشال من علي وش الارض ده غير انك غيران اوي علي ساره كده ليه هي اول مره تشتغل معاك؟
ياسر(بيتوه) :هاا لا ده.. ده عادي اصل يا لين ده مكنش اتفاقنا ولما نتفق علي حاجه يبقي تتنفذ بالحرف وهي راحت اتصرفت من دماغها
لين:يعني لو ساره كانت خدت رايك لـ تاني مره كنت هتتقبل الموضوع عادي؟
ياسر:بيني وبينك لا
لين(بتضحك) :طيب ومستني ايه ماتكلمها
ياسر:مينفعش انا مش مجهز نفسي لأي حاجه دلوقت لازم الموضوع ينتهي الاول
لين:عموما يا ياسر بلاش تهور
ياسر :انا مش متهور بس الفكره في...
وفي الوقت ده كان تيم صحي من النوم وكان لسه بيخبط على لين فـ سمعهم بيتكلموا
لين: انا عارفه ان الحب مش حاجه سهله علي حد فينا وانت لازم تصبر شويه
تيم(بيخبط) :افتحي يا لين
لين:طيب ثواني يا ياسر هقوم افتح شكله تيم
وقامت تفتحله
تيم(بـ غيره) :كنتي بتكلمي مين
لين(مستغربه) :بكلم مين يعني ايه؟
تيم(بـ غيره) :يعني كنتي بتكلمي مين السؤال واضح
لين(مستغربه) :تيم انت بتتكلم كده ليه؟
تيم(بـ غيره) :شكلي جيت في وقت مش مناسب يمكن علشان كده امبارح لما كلمتك قولتيلي احنا صحاب وواضح ان احساسي طلع صح انا الـ كنت بكدب نفسي
لين(مش فاهمه) :تيم انت بتتكلم عن ايه؟ انا بكلم ياسر!!
تيم:وايه الـ اتغير لما اعرف انك بتكلمي ياسر؟
لين:مع اني مش ملزمه ابرر لأي مخلوق علي وجه الارض بس ياسر كان بيكلمني في موضوع ساره
وراحت سايباه ودخلت البلاكونه
لين:طيب يا ياسر هكلمك وقت تاني باي
وتيم راح قعد علي الكرسي الـ قدامها
تيم:اسف يا لين مكنش قصدي بس انا...
لين(بتقاطع كلامه) :خلاص ياتيم من فضلك كفايه ارجوك
تيم:انا اسف يالين معرفش اتكلمت بالطريقه دي كده ازاي
لين(زعلانه) :اوكي ياتيم
تيم:خليكي هنا هجيلك تاني مش هتأخر
عند فتحي كان هيتجنن ومش عارف يتصرف
ماجده:لازم تتصرف يافتحي انا مش هستني بنتي تروح مني اكتر من كده، ومراتك هتفضل محرومه من بتها لحد امتي؟
مراته:قوليله انا هتجنن هتجنن ياماجده
فتحي:ما بس بقي متوجعوش دماغي هو انا يعني عرفت انام ليله امبارح مانا طول الليل بفكر عايز اوصل لحل
ماجده:ياخويا البت بقالها كام يوم مختفيه انت لو مروحتش انا هروح ابلغ
فتحي:وماله روحي... روحي علشان انا الـ اروح في ستين داهيه ويتخرب بيتي قوليلي هتصرفي علي مراتي وعلي العيال لو انا روحت في داهيه؟ اكيد لا اخرك هتقعدي تولولي وتصدعينا
ماجده:بقي بتكلمني انا كده يافتحي؟ دي اخرتها طيب ياخويا خلينا قاعدين وحاطين ايدينا علي خدنا
فتحي:انا بفكر في حل متوجعوش دماغي
*فـ لقي ساره بتتصل بيه فـ قام بعيد يرد*
فتحي:ايوه يادكتوره كارولين
ساره :هاي مستر فتحي شو اخبارك
فتحي:زفت وطين وقطران
ساره:ليش عم بتقول هايد الكلام؟
فتحي:البت بنتي ضاعت واختفت ومش عارفين نوصل لـ مكانها
ساره :مو بتقلق الحل عندي مستر فتحي تعي بس وراح نفكر في حل
فتحي:انا مش عايز اقلقك
ساره :لااا مو قلق ولا اي شئ تعال بس
فتحي:خلاص مسافه السكه وجاي
عند عبير كانت مش عارفه تتصرف راحت واخده السكينه لافاها وردمتها في الجنينه بتاعت الفيلا ومسحت آثار الدم ال علي ايديها واتصلت بالشرطه تبلغ
عبير (بتوتر) :الو ايوه انا.. انا.. انا رجعت من برا لقيت جوزي مرمي علي الارض وسايح في دمه العنوان حاضر حاضر هقولهولكم
*وبعد ماقالتلهم العنوان راحت فاتحه شباك كأن الـ عمل كده في علي دخل منه ولما وصلوا*
عبير(بعياط) :جوزي الحقوه
والاسعاف جات مع الشرطه شالوه وخدوه علي المستشفى وخدوا عبير يحققوا معاها
وكيل النيابه:احكيلي الـ حصل من الاول
عبير(بتوتر ودموع تمثيل) :انا كنت خارجه اغير جو وقولتله ان انا خارجه رغم الـ عمله فيا
وكيل النيابه:ايه هو الـ عمله فيكي؟
عبير(دموع تمثيل) :علي ضحك عليا وكتب عقد جواز مزور ومضاني علي بيع البيت الـ ابويا الله يرحمه سابهولي كل ده بعد ماحطلي منوم في العصير بالاتفاق مع صاحبه
وكيل النيابه:وهو عمل كده ليه؟
عبير(دموع تمثيل) :كان طمعان فيا علشان انا ست وحيده ومليش حد غير ربنا حتي يوم كتب الكتاب مكنش في شهود ولما سألته عملت كده ليه قالي انه... انه مش محتاج شهود وكل ده على سنه الله ورسوله
وكيل النيابه:يعني هو لجأ لـ تزوير اوراق عقد الزواج الخاصه بيكم
عبير(بدموع تمثيل) :ايوه ولما قولتله هرفع عليك قضيه قالي اخبطي دماغك في الحيطه
عند تيم راح جاب هديه لـ لين وبرواز كبير وخبط علي الباب فـ فتحتله
تيم:اتأخرت عليكي؟
لين:لا خالص
تيم:طيب غمضي عينك
لين:ليه؟
تيم:غمضي بس
لين(بتغمض) :طيب اهو
وحط الهديه والبرواز علي السرير وشدها ناحيته وقالها :افتحي عينيكي
لين(بتفتح) :الله ده ليا انا؟
تيم بيهز راسه بـ اه مع ابتسامه
لين(مبسوطه) :ميرسي اوي اوي ياتيم مش عارفه اقولك ايه
تيم :انا حبيت اصالحك بالطريقه دي اتمني تكوني قبلتي اعتذاري
لين(مبسوطه) :طبعا متقبلاه خلينا نفتح الهديه ونشوف وساعتها اقرر هتقبله ولالا
تيم(بيضحك) :مانتي قولتي انك متقبلاه ايه الكلام ده بقي يعني افهم انك تقبلتي اعتذاري ولالا؟
لين(بتضحك) :متقبلاه من غير مااشوف كفايه انك تعبت نفسك علشاني ياتيم بجد ميرسي
*وبدأت تفتح الهديه وكانت عباره عن عروسه وحواليها شوكولاتات كتير 🍫 *
لين(بفرحه) :الله كل ده ليا انا؟
تيم(بفرحه) :طبعا ليكي
راحت حاضناه من كتر الفرحه وبدأت تعيط
تيم:بتعيطي ليه؟
لين:اول مره حد يفرحني كده انا طول عمري موجوعه من فقدان ابويا وقسوه فتحي ليا
تيم:انسي اي حاجه عدت اوعدك الـ جاي كله هيكون فرح وبس ليكي
*وبيمسحلها دموعها*
لين:طيب نكمل
وراحت فتحت البرواز لقيت صورتها مرسومه
تيم:الصوره دي انا رسمتها من قبل مااقابلك زي مانتي رسمتيني من قبل ماتقابليني يمكن الـ حوالينا جمعونا وهما قصدهم شر ميعرفوش ان الـ عملوه ده اكبر خير ده المعروف الوحيد الـ شوفته منهم اني قابلتك ❣️
وطبعا لين كانت بتسمع الكلام ده كله وهي مبسوطه من جواها ومش مصدقه
عند فتحي كان راح لـ ساره وطبعا ياسر قاعد يسمع كل كلمه بتتقال مابينهم
ساره:اتفضل مستر فتحي
فتحي(بيقعد) :متشكر
ساره :انا حاسه بكِل الـ انت فيه فتحي وانا اعرف ناس كتير شاطره في هيك المواضيع ممكن اكلمهم وراح نلاقي حل
فتحي:ياريت الا البت امها هتموت عليها ولا اختي هتموت على بنتها مش عارف مين الـ حاططني في دماغه
ساره :لالا راح نشوف ناس ترجعهم
فتحي:طب ماتعرفيني الناس دول مين عشان اكلمهم
ساره:لا انا هتكلم معاهم ونوصل لحل مو عايزاك تدخل نفسك في الموضوع كفايه الـ انت فيه
فتحي:ياريت بس مش عايزين نتعبك معانا
ساره :لا تعب شو ولا تعب ولا اي شيء انت تؤمر واحنا ننفذ
فتحي (مبسوط) :الله ده الكلام ده كتير عليا
ساره:مو عارفه شو أقلك بس انا ارتاحتلك من أعماق قلبي وحاسه انك شخص مناسب
فتحي :يعني قولك ايه علي كلام اخر مره؟
ساره:انا موافقه نتزوج في الوقت الـ يعجبك
فتحي :اديني فرصه ارتب ظروفي وبعدين اعملك احلي من احلي فرح
ساره:ميرسي راح يكون احلي فرح كفايه انه معك انت
ياسر(بيسمع) :بقي كده ياساره طب ماشي
_______بعد 20 يوم______
مكنش في اي جديد وفتحي لسه بيحاول يوصل لحل لحد ماراح يقابل ساره في كافيه
فتحي:انا العلاج الـ بتديهولي ده تاعبني اووي يادكتوره كارولين
ساره :ما تقولي دكتوره كارولين قولي كارولين مره واحده مو بينا اي فروقات ده غير اني راح اكون زوجتك
فتحي:انا عارف اني أجلتك داخل علي شهر بس خلاص لو مش هتلاقي حل لـ الناس الـ ضايعه هشوف غيرك
ساره:لالا خلاص هما ردوا عليا امبارح وقالولي بنتحرك وقربنا نوصل لـ حل
فتحي:اما عدم اللمؤاخذه انتي مش عايزه تبينيني في الصوره ليه؟
ساره:الـ بيحب حدا بيخاف عليه وانا بخاف عليك وكِنت حابه اساعدك لواحدي بدون اي تدخل منك بحيث تفتكرني وتقول اني ساعدتك
فتحي:شكلك بت جدعه وانا يعجبني الحريم الجدعه الـ تقف جنب الراجل من دول
ساره:اصل انا...
فتحي:خير ياانسه
ساره :حبيتك كتير كتير مو بقدر اوصفلك كميه الحب الـ في قلبي اتجاهك
فتحي :وانا كمان قلبي اتفتحلك اصل بحب اخواتنا اللبنانين اوي والا مكنتش طلبتك للجواز
ساره:وانا بحب المصريين لانهم معروفين بالشهامه والشجاعه وانت مبين هايد الموضوع في شهامتك وشجاعتك
فتحي:الله يخليكي انا حابب نكتب الكتاب بكرا
ساره :بكرا؟؟
ياسر:يانهار اسود بكرا ايه بس بكرا ايه
وراح قايم وهو متعصب
ياسر:ايه الـ بيحصل ده يعني ايه بكرا
ساره :وانا موافقه وبنتك راح ترجع لـ حضنك بكرا
ياسر :علي بركه الله نقول مبروك؟
ساره:نقول مبروك
وبعد مامشي.. تيم و لين راحوا الشركه لـ ياسر وساره رجعت هي كمان
ياسر(بعصبيه) :مكنش اتفاقنا ياساره انا متفقتش معاكي علي كده
ساره:في ايه يا ياسر مااحنا قولنا هنرجع الحقوق لأصحابها
تيم:اهدي يا ياسر من فضلك، انا عارف هنعمل ايه كويس؟
الكل:هتعمل ايه؟؟؟
عند حنان في المكان بتاع ياسر
حنان:ااه ياني عايزه اروووااااح
منار :طنط حنان انا عاوزه ارجع لـ بابا.. عمو ضحك عليا ومجابليش حاجه حلوه
حنان :ضحك عليكي انتي بس يابت ده ضحك عليا وعلي الـ جابوني ااه يادماغي الـ هتنفجر بقي تضربني ياصبري انا متأكده انك انت الـ ورا الموضوع ده كله
منار:عمو صبري مجاش ليه
حنان(بصويت) :بس يابت متجيبيليش سيرته كرهته هو والـ جابوه مابقتش طايقاه ولا طايقه سيرته يخربيت اليوم الـ عرفته فيه منك لله ياصبري الكلب
منار(بعياط) :انا عاوزه بابا ودوني لـ بابااا
حنان(بصويت) :اسكتي مبحبش زن العيال ده متوجعليش دماغي خليني اعرف افكر
منار(بعياط) :باباااا يا باباااا
حنان(بصويت) :يووه ماقولتلك اسكتي
عند جوز حنان في المخزن التاني بتاع فتحي
جوز حنان :مانا عايز اعرف ايه الـ جوا البضاعه دي.. ده انا لما كنت في المخزن الاولاني الواد حماده كان قاعدلي زي الخازوق لا عارف ابص ولا اخد راحتي بس اما ليه المعلم فتحي قالي ملكش دعوه بـ حاجه وانت الـ ليك تنضف وتنقل وبس.. طب والله لـ انا باصص مانا مش هسيب الفضول يموتني
وجاب مشرط وفك علبه فيهم
جوز حنان :يانهار اسود ومنيل!!!!
يتبع