رواية مأمني وأماني
الفصل التاسع 9
بقلم توسل محمد طه
*وتظن انك غارقُ لا مُحاله ثم ينجيك الله بلطفه*😔♥️
يزن بتكلم مع اسيل وبهبش في بطن توسل
توسل بقت تضحك وم منتبهه قدامها دخل فيهم دفاار
عملو حاادث والعربيه اتقلبت بيهم والناس اتلمو حوليهم واتصلو على الإسعاف جاات نقلتهم مستشفى(......)
دخلو توسل عمليه لانو اتضربت في رأسها ويزن نزف دم كتيير دخلوهم العمليات وشالو تلفون توسل يشوفو يتصلو على منوو لقو اخر مكالمه من رقم مسجل ام التيمان♥️
اتصلوو على الرقم...يرن....
_______
يلدز ي بت جيبي لي تلفوني
حاضر ماما
شيماء شالت التلفون لقت اتصال من مرت علاء♥️ متصله لي ليه ي ربي؟😹وردت
شنووو لكن م قدرتي تعيشي من غيري ولا يزن تعبك ي ام المستقبل😹
السلام علیکم ورحمة الله
شيماء استغربت ورجعت عاينت للرقم تاني تتأكد من الصوت والرقم صح او غلط لقتو فعلا مسجل بي مرت علاء♥️
وعليكم السلام ورحمة الله
وقبل تتكلم وتسألو منو معااي جاها نفس الصوت
لقينا اخر مكالمه من الرقم دا في تلفون المريضه عايزين نعرف هل بتعرفيها؟
شيماء اتخلعت ودموعها نزلو وقلبها وجعها شديد ختت يدها على قلبها وقالت ليه
مريضه منوو دا رقم توسل... توسل كويسه؟ ويزن💔 يزن ولدي وين😭 وانت منوو؟ الووو😭
انا من مستشفى(.......) وجاتنا حاله طوارئ بنت ومعاها طفل عاملين حادث واسي دخلوهم حاله طارئه غرفه العمليات الاتنين ولقينا التلفون دا في شنطه المريضه ممكن تجو مستشفى(....)
شيماء قفلت منوو من غير م تقول كلمه وبقت تبكي وتصرخ يزن يزن💔 جاريه جري لقت يامن وعلاء داخلين على البيت من شافوها جاريه وبتبكي علاء قلبو قبضو شديددد وجوها بسرعه في شنوو مالك يامن مسكها عليهو وعلاء شغال ليها
توسل؟؟؟
شيماء بقت تبكي وقعدت في الأرض يامن قعد معاها وبحاول يهدي فيها في شنو ي شيماء احكي لينا وعلاء خلاص انهاار
قالت ليهم توسل ويزن عملو حادث واسي في مستشفى(....) علاء حسااا كأنو قطعه من قلبو اتأذت او بالأصح قلبو كلو م قطعه منو بس💔
وطلع قبلهم لحقو يامن وشيماء ويلدز بعربيه يامن وصلو المستشفى سريع
دخلو وكانو ببكو كلهم راجل على مره
مشو على الاستقبال الحادث الجاكم قبل شويه💔وصفو ليهم الغرفه الفيها العمليات وجرو عليها اثناء م ماشين شافو طفل مغطى بقطعه بيضاء وناس بتبكي شيماء من شافت حجم الطفل زي حجم يزن وقعت من طولا اغمى عليها💔
يامن دموعو جاريه وبخطوات ثابته وقلب ضعيف مشا على الطفل اول م وصل شااف يد الطفل لونها اسمر ابتسم رقم الوجع م يزن م يزن الحمدلله رب العالمين الحمدلله دا م يزن يزن حلبي ودا اسمر الحمدلله م يزن ولدي😭💔 وبقا يبكي علاء م فاهم حاجه ومحتاج زول يسندو بس هو السند يامن بعد م نقلو شيماء غرفه وركبوا ليها درب
علاء دا م يزن افتكرتو يزن حجمو زي حجم يزن ي علاء😭 لو كان يزن انا كنت ح اموت روحي معلقه فيهو😭 طلع م يزن ي علاء الحمدلله😭الحمدلله انو لسه عايش على الأقل😭قدر اخف من قدر الحمدلله😭 وطلعو على غرفه العمليات
وبقو منتظرين شيماء صحت ولقت يامن م جنبها ولا يزن م جنبها بس يلدز نايمه في الكنبه حاولت تقوم جاتها ممرضه ارتاحي قالت ليها يزن ودموعها نزلت😭قالت ليها لسه في العمليات
يعني عايش ولدي عايش لسه😭وحاولت تقوم بس الممرضه منعتها وادتها حقنه مهدئه خلتها تنوم وهي بتتكلم بتقول يزن حبيبي ح تكون كويس ي عيون امك ح تكون كويس حبيبي انا🥺💔
طلع الدكتور من غرفه العمليات مشو عليهو يامن وعلاء بعيون كلها لهفه منتظرين الدكتور يقول خبر يشيل السواد الهم فيهو الدكتور اتكلم قال:
الطفل محتاج دم وزمرة دمو نادره شديد وصعب نلقاها (-O) أو سالب
علاء قال ليه وتوسل🥺
د. ادعي ليها بس وانت ي استاذ ابو الطفل؟
ي: ايواا انا ابوهو بسس🥺
بسس شنوو؟
بس يزن زمرة دموو م بتتطابق معااي
ع: انا بعرف زول زمرة دمو بتتطابق مع يزن
التفت عليهو الدكتور ويامن بعيون كلها لهفه وشوق وقال ليه منوو🥺؟
ع: صحبة توسل
عندها وحده صحبتها اسمها ريان حمد النيل توسل حكت لي عنها قبل فتره وحكت لي انها مره مرضت وزمره دمها نادره (أو سالب-O) وتعبو شديد حتى قدرو يلقوها بس حاليا كويسة الحمدلله
ي: طيب وين ساكنه؟
ع: الفتيحاب
بتعرف بيتهم او عندك رقمها نتصل ليها ااي في تلفون توسل مسجلاها ريونتي♥️ تقريبا
علاء شال تلفون توسل واتصل على ريان اتكلم معاها وشرح ليها وريان فعلا كانت كفووو وجات واتبرعت لي يزن بالدم وحالتو بقت مستقره الحمدلله🤍
شيماء صحت وعرفت بالحاصل كلو بقت تحمد ربها على انو يزن كويس وكلهم بقو منتظرين توسل 💔
طلع الدكتور قال وين زوجها؟
ع: انا ي دكتور😔والحزن كان باين في ملامحو الجميله💔
د. نحن اسفين بس المريضه اتضررت جداا والأثر عليها اكتر انها حامل وم ح نقدر ننقذ الأم والطفل مع بعض
علاء قبل الدكتور يكمل كلامو قال ليه:
توسل ي دكتور انقذ توسل... توسل لازم تكون كويسه ي دكتور😔💔
طيب لازم توقع على الأوراق
ح أوقع على الدايرو بس توسل تكون بخيير ي دكتور لازم تكون بخير
الدكتور قال ليه تمام وعلاء مشى مع الممرض وقع الاوراق وهو مكسور شديددد
والدكتور دخل العمليات وعلاء مشا مسجد المستشفى وبقا يصلي ويدعي
__________
صحت الصباح مبسوطه شديد لانو أمس اتكلمت معاهو ونامت على صوتو هي بتحبو شديددد بس هو بحبها؟ بعاملها بقسوه شديددده لكن احيانا حنين😔 واحياناً قاسي وأحيانا تحس انو بحبها شديد وأحيانا تحس انو بقضي بيها زمن زي م قال ليها مره من المرات في مكالمه كانت الساعه ٢ صباحاً
فیاض: انتي فاكره اني ح اعرسك؟
جوري: ابداا
انا بقضي بيك زمن بس خليك عارفه
وانا زاتي بقضي بيك زمن علفكره م تكون فاكر اني بحبك؟
وقلبها من جوه اتقطع مع الكلمه دي💔اكتر انسان حبتو في حياتها قال ليها انا بقضي بيك زمن م اكتر حتى لو كان بضحك جملتو دي قعدت واتربعت في قلبها وكسرتو ليها بس رغم كل دا لسه هي بتحبو شديددد
ليه بتحبو وليه هو بالذات احيانا كتييير بجرحها بالكلام بس ليه لسه متعلقه بيه أمكن لانو هو الحبيب الأول؟ بس هو م الأول كانت معجبه بي ود جيرانهم لم قال ليها بحبك اتبادلت معاهو بعض الكلمات وانفصلو سريع لانو م كان حب اصلا أمكن م كان إعجاب زاتو يعني هو أول حب عشان كدا بتحبو للدرجه دي؟
ف: يعني انتي بتقضي بي زمن وانا بقضي بيك زمن ونحن الاتنين غاشين على بعض؟
ج: اااي"💔"
ف: كويس والله
ف: مالك سكتي؟
ج: اقول شنوو؟
ف: ااااي شي
ج: ماف شي اقولو
ف: طيب متصله بتلفون اختك ليه؟ وين هي؟
ج: نايمه
ف: هي جاتكم ليه؟
ج: متشاكله مع راجلها
ف: ليه جنهم مشاكل كدا اختك دي بتاعت مشاكل اسي مشكلتها شنو المره دي؟
ج: زي م عارف انها حامل وقالت عايزه عشا الساعه اتنين وهو قال ليها ماف اتشاكلت معاهو وجاتنا بس
ف: عشاء الساعه اتنين مطاعم ابوكم هي؟ والله انتو البنات عندكم حركات بتعرفوها براكم
ج: دا شي خارج إرادتنا اسمو وحم ي استاذ
ف: وحم شنو دا كلام فارغ اسي بعدين انتي تقولي لي عايزه عشاء الساعه اتنين والله اديك بنيه انتي والفي بطنك
جوري قعدت تضحك كأنو قبل شويه م قالو انهم بقضو زمن بي بعض بقو يخططو لي وحمها بعدين😹
بقو يتونسو لحد م الفجر قرب يأذن وقفلت منو وعملت نايمه
سألت دمعه على خدها من الذكره دي مسحتها وشالت تلفونها فتحت صورتو
ج: صباح الخير حبيبي🥺
_____________
علاء خلص صلاه وطلع منتظر الدكتور طلع وجرا عليه عشان يطمن على توسل
الدكتور قال ليه الحمدلله الأم والطفل بخيير🤍
علاء ولا كذب قدام الناس سجد سجده شكر لله🤍
حولو توسل غرفه تانيه وعلاء مشا عليها بقا حارسها تصحا وختا يدو في بطنها وبقا يقرا اكتر سوره بتحبها توسل وهي *سورة يوسف* ❤ بعد علاء خلص فتح عيونو لقا توسل بتعاين ليه ومبتسمه باسها في رأسها وطمنها على الطفل وبقا قاعد جنبها
ت: علاء
عيون علاء انتي🥺❤
نفسي في بطيخ😔