![](https://blogger.googleusercontent.com/img/b/R29vZ2xl/AVvXsEhmL4rRiidw8P0AZMHDdamEZIQNOWmCPkfI_I5Crk-Aq-b8vDtP63Gi0QqUHaCrzIvOe3sjhwFom_MTXd9_6okM9qLg4ZWeMbnFSBe1XgpcIdkdtAaBA1-M0sJaDsibYFcJOxe5L7jNjTQ7yGXlbghndOz4iOH3y7j5dd9HEmnh7Tgj1cO2QgEbZ0ygGEFo/s320-rw/FB_IMG_1715283058049.jpg)
رواية حلم واقع الفصل الخامس والعشرون25والسادس والعشرون26بقلم رانيا عماره
ساره :خلص بسرعه يا ياسر قبل ماحد يجي على الصوت
ياسر:مانا بعمل اهو خلاص قربت
ساره:طيب خلص وانا هدخل اعملك شاي
ياسر :لا بلاش اعمليلي قهوه
ساره:حاضر
وهي داخله المطبخ لقيت الجرس بيرن راحت تبص لقيتها ماجده!!!!!
ساره:يانهار اسود
وطلعت تجري دخلت لـ ياسر
ساره:هنعمل ايه؟؟؟ ماجده برا!!
ياسر:وايه الـ جابها هي ليها علاقه بيكي؟؟
ساره:ولا عمري قابلتها طيب هنتصرف ازاي دلوقت
ياسر:انا هستخبي في الدولاب واقفلي الاوضه ومتخليش حد يدخل
ساره:حاضر
ودخل في الدولاب واستخبي وساره طلعت تفتح
ساره(متفاجئه) :شو رايده؟
ماجده(بتدخل) :هنتكلم علي الباب ولا ايه وسعي كده
وزقتها ودخلت قعدت
ساره:شو عم تعملي؟؟
ماجده(بزعيق) :بقولك ايه يابت ان مبقتيش في صفنا هنقلب حياتك عاليها واطيها
ساره:فتحي اخوكي النصاب يلي بينصب على الخلق بدون وجه حق
ماجده:احترمي نفسك انا اخويا فتحي اشرف من الشرف مش مشكلته انه اتجوز واحده مش عارفه قيمته
ساره:فتحي اخوكي نصاب وما إله خير في حدا
ماجده:بقولك ايه انتي هتصاحبيني هتروحي تغيري اقوالك في القسم وتقولي ان فتحي مظلوم وان حد زاقك تقولي الكلمتين دول
ساره:هاد شهاده زور!
ماجده:ملناش فيه انا قولت كلمه ومش هعيدها والا بقي هتخليني اعمل حاجات هتزعلك
ساره(بـ ثقه) :شو هاد الحاجات؟
ماجده:لا دي مفاجئه من العيار التقيل.. انا قولت كلام ومش هعيده والبادي أظلم سلام
*وخدت نفسها ومشيت وساره دخلت لـ ياسر*
ساره:اخرج خلاص مشيت
ياسر:اوف عايزين نخلص بسرعه
ساره:كمل ولا كأن حاجه حصلت
عند عبير والست الـ جات قعدت جنبها في الحجز
_انا شايفاكي زعلانه كده من ساعه ماجيتي وواخده جنب
عبير:الدنيا هي الـ مزعلاني
_مهما كانت ذنوبك في الدنيا، قومي صلي ركعتين لله واستغفري ربك ان الله غفور رحيم كلنا بنغلط ومحدش معصوم من الغلط يابنتي
عبير:انتي قولتي كل حاجه مناسبه للـ جوايا مع اني محكيتش ولا اتكلمت
_الكلمتين دول حل لأي حد مهموم زيك، الكلمتين دول مش بيتجزأوا والوحيدين الـ اجابه لأي سؤال
عبير:متشكره مش عارفه اقولك ايه
_انتي زي بنتي روحي ربنا يسترك ويكرمك
عبير(بحزن) :ياااارب
عند لين وتيم بعد ماكلوا قامت لين تديله علاجه وبعد ماخده غطته وحطتله الكمادات
لين:ان شاء الله حرارتك هتنزل
وبتطبطب علي ايده راح تيم ماسك ايد لين بكل حب وحنيه لدرجه ان لين اتحرجت
لين(بإحراج) :انا في الاوضه الـ جنبك ياتيم لو احتاجت اي حاجه اتصل بيا وهتلاقيني عندك
تيم:شكرا يالين علي تعبك معايا
لين(بإبتسامه) :العفو
وخدت نفسها ورجعت اوضتها ونامت علي السرير وغمضت عينيها وراحت في سابع نومه
______عند فتحي____
كان لم رجالته وراحوا الجبل يتداروا من الشرطه وكان قاعد على اعصابه
فتحي:الحكومه زمانها قالبه عليا الدنيا دلوقت
_وهتعمل ايه يامعلم فتحي
فتحي:هنفضل هنا لحد مانشوف الدنيا هترسي على ايه بالظبط
_ربك يسترها يامعلم
فتحي:ياارب ياخويا
وبعد ٥ دقايق بدأ يظهر عليه اعراض انسحابيه
فتحي(بيهرش في جسمه) :ااه جسمي فيه دبابيس كأن حد ماسكها وبيدغز في جسمي
_مالك يامعلم فتحي؟
فتحي(تعبان) :اجري... اجري روح هات اي دكتور من الـ هنا بسرعه... بسرعه متتأخرش
_حاضر دقايق ويكون عندك
وبدأ فتحي يقوم من مكانه وجسمه يعرق والدبابيس تشتغل وعينيه تدمع
عند ياسر وساره كانوا فتحوا الخزنه
ياسر:اخيرا اتفتحت ده انا اتذليت علشان افتحها
ساره:ايه الـ جوا ده
وشدته لقيت مكتوب فيه (مفيش فلوس هنا ههههههه)
ياسر(بياخد الورقه منها) :ايه ده؟ هو فتحي عارف حاجه؟
ساره:لا بالعكس ميعرفش اي حاجه يمكن ده مقلب عامله فـ الـ يفتحه
ياسر:انا هنزل الشقه الـ تحت
ساره:خد بالك يا ياسر الا بصماتك تنور عندهم
ياسر:متقلقيش عامل حسابي
وطلع من الشنطه جوانتي ونزل من المنور على المواسير ودخل من حمام الشقه وكان حذر جدا الا بصماته تبصم فيها لحد مالقي خزنه كبيره تحت السجاده في المكتب
بدأ يحاول فيها وكل مره بيفشل انه يفتحها لحد مافتحت اخيراا ولقي فيها الفيزا بتاعت فتحي ومبلغ ٣٠٠٠ جنيه وشويه اوراق
ياسر(بإبتسامه انتصار) :مش عارف اعبرلك يافتحي عن فرحتي بيك ازاي
وبيفتح الاوراق لقاها عباره عن عقود جواز عرفي
ياسر(بيضحك) :وهو ده جديد عليك يعني
*وفتح اخر ورقه واتصدم*
ياسر:يانهار اسود ده عقد اتجار في الأعضاء البشريه!! معقول فتحي اخد كِليه الست دي بمبلغ نص مليون جنيه!! يعني كان معاه الفلوس وبخلان علي كل الـ ظالمهم.. ده انت وقعتلي وقعه زي الفل مش خساره فيك
ولسه بيكمل كلام مع نفسه لقي صوت حد بيفتح باب الشقه رغم ان الشقه متشمعه!
ياسر(بـ ارتباك) :شكلهم الشرطه!
وراح قافل كل ده بسرعه وراح ناطط وقفل وراه كانوا هما دخلوا
الظابط:عايزك تجيبلي كل الحاجات الـ تخص فتحي
_تحت امرك يافندم
راح ياسر واخد نفسه ونازل ورجع البيت
ساره(في التليفون) :عملت ايه؟
عند هبه بنت ماجده راحت لـ خطيبها في بيته
هبه:مش بترد عليا ليه
_وارد ليه هو في بينا حاجه عشان ارد
هبه:احنا مخطوبين ولا انت نسيت
_ كنا لكن دلوقت الموضوع يختلف ويلا اتكلي علي الله متخليش الناس تاكل وشي
هبه:تاكل وشك ليه فيا عيب ولا فيا عيب
_يلا يابنت الحلال اتكلي على الله وشبكتي ترجعلي الا قسما...
ولسه بيكمل كلامه هبه قاطعته
هبه:انت متشرفش بص لـ روحك انت وامك
وراحت قالعه الـ ف رجليها وحدفته في وشه
_ااه وديني لأوديكي في داهيه يابنت السحاره واعرفك شغلك تمام
وراح رازعها قلمين فضلت تصوت
هبه(بصويت) :بقي تضربني انا ياعره العرر ده انا الـ هوديك في ٦٠ داهيه
_هو انتي كنتي لاقيه حد يعبرك انتي واختك يازباله
هبه(بصويت) :ده انت وعيلتك كلهم الـ زباله
فـ خرجت امه وطردتها
=يلا يابت امشي من هنا لو شوفت رجليكي هنا تاني هقطعهالك يلااا
وراحوا داخلين ورازعين الباب في وشها
هبه(بصويت) :ورحمه امك لأوريكي ياعبير مفيش غيرك الـ يعمل كده
وراحت ماشيه وراجعه البيت
عند عبير كانت بدأت تحس بالذنب وتستحقر نفسها بسبب طمعها الـ اداها قلم قوي كانت فاكره انها هتغلط وخالتها وبناتها هيقفوا جنبها ويداروا وراها بالعكس كانوا اول ناس باعوها
عبير(بتصلي) :أعوذ بالله من الشيطان الرجيم بسم الله الرحمن الرحيم
وبعد ماخلصت صلاه وهي بتعيط فضلت ساجده تدعي ربنا
عبير(ساجده بتعيط) :سامحني يارب سامحني انا غلطت كتير اووي وذنوبي اكبر من حسناتي انا كنت فاكره اني لما هغلط هلاقي الـ يقف جنبي ويداري عليا مصايبي كنت فاكره ان الفلوس والمظاهر هي كل حاجه بسبب طمعي بقيت هنا واتحطيت في اختبار صعب اوي انا مش قده سامحني انا عارفه اني غلطت وغلطت اوي بس انت غفور رحيم
لقيت ايد بتطبطب علي ضهرها بتبص لقيتها الست الـ كانت بتنصحها مدالها ايدها
_حرما
عبير:جمعا
_قومي معايا يابنتي وامسحي دموعك دي
عبير(بعياط) :غصب عني
_مفيش حاجه غصب عننا كلنا بنقع بـ اختيارنا وفـ الاول والاخر كله قضاء وقدر
عبير(بتعيط) :انا كل الـ طالباه من ربنا انه يسترها معايا ولو مش عشاني فـ عشان ابني او بنتي الـ جاي جه في الحرام وانا معرفش انا اتضحك عليا كنت فاكره اني متجوزه جواز شرعي زي اي بنت طلعت مغفله ومضحوك عليا
_وانتي فاكره ان الـ ظلمك هيهرب من ربنا ده كله يوم الصراط هيفر يهرب من ابوه وامه وابنه واقرب الناس له كل واحد هيقول نفسي نفسي والـ كان بيشجعك علي الغلط هو اول واحد هيهرب منك في دنيته واخرته
عبير(بعياط) :انا عايزه اصفي حساباتي مع ربنا ويغفرلي واخرج واربي ابني او بنتي من اول وجديد ونعيش عيشه حلال كلها رضا بـ نصيب ربنا
_بدل مانتي مموته نفسك من الزعل قومي وانسي علشان ابنك ميضعفش خصوصا انتي في أصعب ايام ولازم تعدي منها علي خير يابنتي
عبير:تفتكري هيعدي علي خير
_ربنا قادر علي كل شئ.. يقول للشئ كن فـ يكون
عبير:مع ان انا مش فاهمه كلامك اوي بس بتمني من ربنا يعوضني
_هيعوضك ربنا مش بيظلم حد
عند فتحي جابوله الدكتور يشوف ماله وخد منه عينه دم واستنوا نص ساعه
فتحي(بـ تعب شديد) :مش قادر مش قادر
الدكتور:خلاص خلصنا انت عندك نسبه ترامادول كبيره في جسمك
فتحي(بـ تعب شديد) :ترامادول ايه؟؟ ايه الـ بتقوله ده انا عمري ماخدت ترامادول
الدكتور:انا عارف بقولك ايه انت دمك فيه نسبه ترامادول كبيره وهي الـ مسببالك الاعراض الانسحابيه
فتحي(بتفكير) :والترامادول ده جالي ازاي؟
الدكتور:عن طريق الدم عموما انت محتاج تتحجز في مصحه علاج الادمان لانك هتدخل في مراحل احنا في غني عنها.. عن اذنك
فتحي(بتفكير) :كارولين!!! ايوه هي كارولين انا مكنتش باخد حقن غير عندها! وايه مصلحتها؟ هو صحيح ازاي الواد الـ خطف منار جاب التحليل بتاعي؟؟ وانا محللتش غير عند كارولين؟ انا مغفل!!!!مغفااااال!!
وبدأ يكسر في كل الحاجات الـ حواليه وهو متعصب
فتحي(بـ انفعال) :مش هسيبك ياكارولين مش هسيبك!!!... انت يازفت... مش بنده عليك؟
حماده:انت كويس يامعلم فتحي؟
فتحي(بـ انفعال) :تجيبلي كارولين من تحت الارض فاهم ولالا؟
حماده:ليه
فتحي(بـ انفعال) :هو ايه الـ ليه انت هتصاحبني نفذ الـ بقولك عليه
حماده:حاضر انا تحت امرك
فتحي(بـ انفعال) :غور من وشي يلاااا
عند لين كانت فاقت من النوم وتيم وحشها فـ اتصلت بيه
لين :مساء الخير ياتيم
تيم:مساء النور طمنيني عليكي يا لين
لين:انا بخير انت كويس؟
تيم:اه الحمدلله احسن من الاول
لين:طيب ممكن اجي اديك علاجك؟
تيم:تعالي حتي لو مش هتديني العلاج كفايه اشوفك
لين(بإبتسامه) :خلاص انا جايه
تيم(بإبتسامه) : ماشي مستنيكي يا لين
قفلت لين معاه وراحت جابتله اكل وراحتله
تيم(بيفتحلها) :تعالي اتفضلي
ودخلت وسابت الباب مفتوح وقعدت قدامه
لين:يلا علشان تاكل
وبتطلع الاكل
تيم:الاكل حسابه كام
لين:ايه ياتيم الـ بتقوله ده؟
تيم:عادي يا لين ماهو مينفعش تصرفي من معاكي وانا قاعد حاطط ايدي علي خدي
لين:لا طبعا مش بتتسمي كده هي بتتسمي ان انا بساعد حد قريب مني لحد مايقوم بالسلامه ويرجع احسن من الاول
تيم:انا عارف كل الكلام ده بس صدقيني هرتاح اكتر وبعدين انتي بتستغلي اني تعبان
لين:اكيد لا
تيم:يبقي عرفيني حساب الحاجات دي كام
عند هبه بنت ماجده رجعت البيت وهي بتعيط والشر مالي عينيها
هبه(بتخبط) :افتحووولي افتحوا
ماجده(بتفتح) :ايه ده مالك ياهبه؟
هبه(بتدخل وبتزعق ) :انتوا ضيعتولي حياتي لو مكنتوش بلغتوا عنها مكنش كل ده حصل هي عملت كل ده علشان تنتقم مننا بعد مابلغتوا عنها انا خلاص حياتي اتدمرت
حنان(بتقوم) :وايه الـ حصل يعني لما خطيبك سابك مانا جوزي مرمطني ومرمط بـ كرامتي الأرض ولا هو حلال بيتي يتخرب وحرام عليكي
هبه(بـ زعيق) :انا مالي ومالكم؟؟ انتوا حريين في الـ بتعملوه لكن انا مالي عشان يحصلي كل ده من تحت راسكم؟؟ انتي عارفه ده العريس الكام يطفش!!! اعمل ايه تاني لا عمل نافع ولا حاجه نافعه كله بسببكم انتوا
حنان(بتضحك) :وانا كنت عملت ايه؟ كنت انا الـ روحت بلغت؟ مين بلغ ردي ياماما؟
ماجده(بـ زعيق) :اسكتي يابت منك ليها جرالكم ايه؟؟ هتقطعوا في بعض علي آخر الزمن؟ وانتي ياحنان مالك ومال اختك مانتوا الاتنين بيتكم اتخرب بدل ماتقفوا جنب بعض عمالين تاكلوا في بعض
حنان:شوفي بنتك بتتكلم ازاي ماهي الـ عماله تقول اي كلام وخلاص
هبه:لا انا مش بقول اي كلام انا حياتي اتدمرت بسببكم... اتدمرت
وراحت داخله اوضتها
ماجده:ايه الـ حصل للبنات بس ماكانوا كويسين
عند ياسر اتصل بـ جوز حنان
ياسر:ايه الاخبار
جوز حنان:الحمدلله نشكر ربنا انت ايه الدنيا عندك يااستاذ ياسر؟
ياسر:حلو لقيت شويه أوراق لـ فتحي انما ايه عنب ده فتحي بـ شويه المصايب الـ عاملها يادوب ياخدله مؤبد
جوز حنان:يستاهلها ده راجل قله قتل مراته وبيني وبينك انا سمعت طراطيف كلام كده
ياسر:كلام ايه؟
جوز حنان:سمعت الواد حماده بيكلم المعلم فتحي في التليفون قبل مايروحله
فلاش باك
() حماده:الو يامعلم فتحي قتلته خلصت عليه؟.. اجيلك امتي؟... طيب متدايقش روحك يامعلم ماهو الـ غدر بيك واتجوز مراتك من وراك وفـ الآخر طلع العياله عياله... مكنش القصد يامعلم انا مش بقلب عليك المواجع بس زعلان علشانك ومتأثر والـ يجي عليك يبقي جه عليا... الله يخليك... حاضر نص ساعه واكون عندك وكله هيتداري ()
جوز حنان:وانا كنت متداري وعامل نفسي بنضف لقيته جالي وقالي خد بالك من المخزن قال ايه رايح للمعلم فتحي يجيبله شويه ادويه ميعرفش اني بسمع دبه النمله
ياسر:حلو والله ووقعتلنا يافتحي المهم بقولك ماتكمل نص دينك وتتجوز فكك من حنان دي انا بشفق عليك انت متبهدل بسببها
جوز حنان:الصراحه نفسي اعملها من زمان بس الفلوس يادوب
ياسر:سيبك من الفلوس انت قول ياجواز وهتلاقي ١٠٠ ايد بتساعدك
جوز حنان:افهم ايه من الكلام ده
ياسر:يعني شاور علي الـ تشاور عليها وانا هساعدك
جوز حنان:ياريت ده انت تكون عملت فيا جميل مش هنساه
ياسر:فرحنا انت بس والباقي علي الله وانا عندي ليك عروسه مال وجمال
جوز حنان :الله يخليك كلك كرم
ياسر :طيب اقفل دلوقت ساره بتتصل بيا
*وقفل معاه و رد على ساره*
ياسر:ايوه يا ساره في ايه؟؟
ساره(بتتكلم بسرعه) :الحقني يا ياسر في ٣ رجاله قدام باب الشقه بيحاولوا يكسروه
ياسر:افتحي الشباك وانزلي منه بسرعه
ساره(بصويت) :لاااااا الحقني يا يااااسر
والخط اتقفل
الفصل السادس والعشرون
ياسر:ايوه يا ساره في ايه؟؟
ساره(بتتكلم بسرعه) :الحقني يا ياسر في ٣ رجاله قدام باب الشقه بيحاولوا يكسروه
ياسر:افتحي الشباك وانزلي منه بسرعه
ساره(بصويت) :لاااااا الحقني يا يااااسر
والخط اتقفل
ياسر(بـ قلق) :الو ساره.. ساره... الخط اتقفل... اعمل ايه دلوقت اعمل ايه؟
وبقي عمال يلف حوالين نفسه لحد مااتصل بـ تيم وكان تيم في الوقت ده قاعد مع لين
تيم:ايوه يا ياسر
ياسر:الحق ياتيم.. ساره اتخطفت!!
تيم(بيقوم) :اتخطفت ازاي؟ وامتي؟
ياسر:كلمتني وقالتلي الحقني في ٣ رجاله قدام الشقه وفضلت تصوت وفجأه الخط اتقفل
تيم:احنا كده اتكشفنا قدام فتحي وهنروح في ٦٠ داهيه
ياسر:وهو ده كل الـ يهمك؟ ساره لو راحت انا هوديك في داهيه انت والـ معاك
لين:في ايه ياتيم
تيم:طيب يا ياسر اقفل انت دلوقت وهفكر هنعمل ايه سلام
لين:في ايه ياتيم ماتفهمني؟
تيم:ساره اتخطفت كده كل الـ خططناله راح
لين:يانهار اسود!! وبعدين ياتيم؟
تيم:مش عارف يا لين مش عارف
لين:فتحي مش هيسيبها اكيد هيعمل فيها حاجه ده انسان مش طبيعي
عند ساره في الجبل عند فتحي
دخل فتحي وهو الشر ماليه وكان مش طبيعي
فتحي(بيضحك) :هاهاها بتستغفليني؟؟
ساره:شو رايد؟
فتحي(بـ زعيق) :الشويتين دول متعمليهمش عليا لاا ده انا فتحي فوقي لـ نفسك خلاص لعبتك اتكشفت انا بس حاجه واحده عايز افهمها انتي ليه عملتي كده؟
ساره(بـ ثقه) :مادام هي اتكشفت يبقي نتكلم بـ قلب جامد خير عايز ايه؟
فتحي(بإستغراب) :ايه ده انتي طلعتي مصريه بتتكلمي زينا؟؟ امال ايه جو لبنان الـ كنتي عاملاه في البيت ده؟
ساره:مانت مغفل صدقتني هعمل ايه بقي بس الـ زيك يستاهلها ويستاهل اكتر من كده
فتحي(بـ زعيق) :مين الـ زاقك علياااااا
ساره:مش هقولك هسيبك بـ دماغك تجيبك وتوديك
فتحي(بـ زعيق) :حاطالي ترامادول في الحقن ياروح أمك؟؟؟ده انا هشرب من دمك انتي والـ زاقك عليااا مش انا الـ يتضحك عليااا
ساره:ومش انت ليه مانت اتضحك عليك فعلا علشان نسوانجي وسككك كلها شمال
فتحي:متنسيش انك على ذمتي يعني اقدر اطلعك سابع سما وانزلك لـ سابع ارض اخليكي زي الدبانه عماله تلفي حواليا بس انا علشان اتضحك عليا فـ مش هحلك
ساره:ولا تقدر تعمل اي حاجه
فتحي:الـ قدامك ده قتل مراته والراجل الـ خانت جوزها معاه ده غير الضحايا التانيه ومستعد ارتكب جنايه جديده واقتلك انتي كمان.... حمااااده
حماده:نعم يامعلم فتحي
فتحي:جهزلي اسلاك الكهربا
ساره(بخوف) :انتوا هتعملوا ايه؟؟
فتحي:هننشف دمك يمكن تنطقي بكلمتين
*وراح مقرب منها وماسكها من شعرها*
فتحي(بكل شر) :هتنطقي مين الـ زاقك ولا نستخدم معاكي العنف؟؟
ساره(بخوف) :فكني وروحني انا معملتش حاجه
فتحي:امال مين الـ عمل؟ امي؟ميييين الـ زاقك عليا؟؟
*وفضل يلطشها بالاقلام وهي تعيط*
عند ماجده وهي قاعده حسيت بـ تعب شديد وخنقه وكأن في حاجه بتجري في دماغها من جوا قامت من مكانها والدنيا سوده
ماجده:ياحنان... يا هبه... يابنااات
حنان(بتخرج) :في ايه ياماما؟
ماجده:في حاجات بتجري في راسي ومش شايفه قدامي حاسه بحاجه مش مظبوطه
هبه(بتخرج) :فيكي ايه ماانتي كنتي كويسه؟
ماجده:مش عارفه حصلي ايه انا كنت كويسه ايه الـ حصلي
حنان:طيب ناخدك ونروح للدكتور؟
ماجده:لا... لالالا
وراحت واقعه في الأرض وفضلت تصوت وتتشنج وتعيط
ماجده(بصويت) :اه لالااالا لا
حنان(بتوطي) :مالك ياماما في ايه؟؟..اجري هاتي مايه بـ سكر بسرعه
ودخلت هبه تعمل الـ حنان طلبته منها
حنان(بصويت) :مالك فيكي ايه؟ ياماما.. ياماما
هبه(بتجري) :خدي
حنان:قومي معايا
وحاولت تشربها وفاقت شويه وخدوها للدكتور
نرجع لـ ساره
فتحي:يعني مش هتقولي مين الـ باعتك؟
ساره:----------
فتحي:تمام هات يالا الـ قولتلك عليه
ساره(بصويت) :هتعمل ايه؟؟ هتعمل اييييه
*وجاب الاسلاك وبدأ يكهربها*
ساره (بصويت) :اااه
فتحي:كفايه كده ولا نكمل؟
ساره(بعياط) :خلاص... خلاص هقولك
فتحي(بيقرب منها) :قولي
ساره(بعياط) :لين وتيم هما الـ بعتوني لكن انا مش زنب بـ اي حاجه انا نفذت الـ هما طلبوه لكن انا مليش دعوه بـ اي حاجه مليش دعوه
فتحي(بصدمه) :لين؟؟؟ هي لين عايشه؟؟؟ مش ماتت وخلصنا منها؟
ساره(بعياط) :لين مماتتش لين عايشه
فتحي(بصدمه) :وايه علاقه تيم بيها؟؟؟
ساره(بعياط) :اختك ماجده..اختك عملتلهم سحر جمعتهم بـ بعض وهما الاتنين صحاب مصلحه واحده
فتحي(بصدمه) :لين عايشه!.. بقي انا تستغفلوني؟؟؟ والعزا الـ حضرته ده كان بتاع مين؟؟ وانتي عرفتي منين اني عقيم؟
ساره(بعياط) :من تحليل الدم الـ خدناه منك
فتحي(بـ عصبيه) :بتستغفلوووني اناااا؟ ده انا هطربق الدنيا فوق دماغكم
*وراح ماسك ايديها جامد بـ غل*
فتحي:فين مكان لين؟؟؟ ومنال راحت فين؟؟ انطقي
ساره(بعياط) :هقولك علي كل حاجه
عند تيم كان خايف علي لين
تيم:احنا لازم نمشي من هنا اكيد ساره اعترفت علي كل الـ حصل
لين:انا هروح الم حاجتي بسرعه
تيم:بسرعه يا لين قبل مافتحي يعرف مكانا
لين:حاضر
ودخلت تجهز الشنطه وتلم حاجتها وفجأه سمعوا ضرب نار في الفندق والشبابيك كانت بتتكسر والناس بتصوت وتجري ودخل واحد من رجاله فتحي في الريسيبشن كان رافع السلاح على الموظف
_لين في اوضه كام؟؟
الموظف(بـ خوف) :اوضه ١٢
راحوا طالعين وكاسرين الباب على لين وسحبوها
لين:لااااا سيبوني يامامااااا... ياتيم الحقني
*راح تيم خرج فـ ضربوه في دماغه ووقع علي الارض وكان كل الـ هامه لين في الوقت ده*
لين(بتصوت) :تييييم..... تييييم الحقني
*وللاسف كان تيم واقع علي الارض ومش حاسس بـ أي حاجه لحد ماخدوها الجبل عند ساره وبقوا هما الاتنين مربوطين*
لين(بعياط) :انتووووا عايزين مني ايه؟؟ مش كفايه الـ عملتوه؟؟؟
فتحي(بـ ضحكه شريره) :ههههه عاملين عليا لعبه ياروح امك منك ليها؟ باعتالي ناس يمثلوا علياا لا لعبتيها صح يابت
لين(بـ صويت) :ااه انا الـ بعتلك ناس وانا الـ ورا كل ده وحق امي وحقي هيرجع انا مش هسيب كلب زيك يدمرلنا حياتنا واحط ايدي علي خدي واقول براڨو كمل انا هاخد حقي منك تالت ومتلت
فتحي:بس بس مناقصش غير العيال هما الـ يتكلموا.. باعتالي ناس يحطولي ترامادول هههههه ماهو اصل انا طلعت مغفل مع ان سبحان الله عمرها ماحصلت ولا هتحصل تاني
لين(بـ زعيق) :تستاهلها ولو أطول اقتلك بدل المره مليون هعملها انا مش هسيب حقي فاااهم يعني ايه مش هسيب حقي؟؟
فتحي:ايه رايك تحبي تتصوري وتنزلي علي النت من التليفون ده ولا ده
لين(بـ صويت) :مش هسمحلك تعمل فيا زي ماعملت في أمي انت انسان قذر متعرفش ربنا عايش علي أذيه الناس وبس.. راحتك في موتهم
فتحي(بـ زعيق) :مش انااا الـ يتعمل معايا كده وهعرفك حق الله ومتقلقيش مش هتظهري في الفيديو لواحدك لا هتظهري انتي وصاحبتك كارولين ههههه تعالوا يارجاله
لين(بـ عياط) :مش هرحمك يافتحي هوديك في ستين داهيه وهندمك علي اليوم الـ قررت اذيتنا فيه
فتحي(ببرود) :وانا بحب اندم يلا يااالا تعالي
عند تيم كان بدأ يقوم بس مش حاسس بـ نفسه ودايخ ومكنش لسه استوعب ان لين اتخطفت فـ قام وهو كله تعب وعدم تركيز ودخل اوضته
تيم(بـ دوخه) :فين الموبايل
وراح مطلع الموبايل وكان بيطلع رقم ياسر بـ صعوبه من كتر التعب الـ هو فيه
تيم(بـ تعب) :الو.. ياسر..ياسر الحق لين اتخطفت
ياسر(بـ صدمه) :يعني ايه اتخطفت.. اتخطفت ازاي؟
تيم(بـ تعب) :تعالي وهتفهم كل حاجه
ياسر:انت فين طيب؟؟
تيم:في الفندق
ياسر:طيب انا جاي حالا
عند ماجده راحت للدكتور تكشف
الدكتور:انتي مفكيش اي مشكله
حنان:ازاي يادكتور دي وقعت مننا وفضلت تتشنج
الدكتور:زي مابقولك هي كويسه جدا مفيهاش حاجه
حنان:طيب يادكتور متشكرين
هبه:سلامتك ياماما تعالي نرجع البيت
حنان:امك مش هترجع البيت احنا هنروح للحاج محمد يشوفلنا مالها شكل الموضوع ده في إنه
ماجده(بـ تعب) :حنان اختك عندها حق.. مادام الدكتور قال مفيش حاجه يبقي نروح للحاج محمد وهو يقولنا ده ايه
هبه:ياماما انتي رجلك مش شايلاكي
حنان:ملكيش فيه انا هسندها ونروح نشوف مالها
ماجده(بـ تعب) :يلا بينا يابنات
*وراحوا للدجال*
حنان:ازيك ياحاج محمد اخبارك ايه
الدجال:يااهلا وسهلا نورتوا عالمنا
حنان:الله يخليك دلوقت امي تعبت وروحنا للدكتور قالها مليش اي حاجه
الدجال:بتشتكي من ايه ياماجده؟
ماجده(بـ تعب) :حسيت بحاجات بتجري في راسي ووقعت وجالي تشنجات وتعبانه اوي اوي
الدجال:قربي مني أشوف ايه الـ جد
حنان:قومي ياماما
قامت ماجده وقربت منه وفضل يقرا عليها حاجات غريبه وبعد ماخلص
الدجال:معمولك عمل لسه طازه
ماجده:مين الـ عاملاه؟
الدجال:مقدرش اقولك حصني نفسك ياماجده
ماجده:ماتقولي مين الـ عملته مانت كل مره بتقولي
الدجال:المره دي مقدرش.. محتاج منك ٥٠٠٠ جنيه وأدلك علي مكانه
ماجده:بس ٥ ألاف كتير اووي
الدجال:مش كتير علي انه يتفك وتشتري راحتك
حنان:وهنجيبهم منين ماتخفف من علينا شويه
الدجال:ده الـ عندي فلوسكم تبقي جاهزه ساعتها ادلكم علي المكان
حنان:طيب ياحاج محمد احنا هنمشي ولما الفلوس تجهز هنرجعلك
الدجال:نورتوا مع الف سلامه
*ولما خرجوا من عنده*
هبه:واحنا هنجيب كل الفلوس دي منين
ماجده(بـ تعب) :ربك يسهلها يلا بينا
عند ياسر كان راح لـ تيم
ياسر(بيجري عليه) :مالك ياتيم ايه الـ حصل فهمني؟
تيم(بـ تعب وحزن) :خدوا لين فضلت تصوت وتستنجد بيا وانا مكنتش حاسس بـ نفسي
ياسر(بـ خوف) :كده ساره و لين اتخطفوا احنا لازم نبلغ الشرطه
تيم(بـ تعب) :مينفعش يا ياسر.. لو بلغت الشرطه هيعرفوا ان... ان لين لسه عايشه
ياسر:مفيش حل غير كده قبل ما فتحي يعمل فيهم حاجه لازم نبلغ الشرطه بس قبل مانبلغهم لازم نصفي حساباتنا مع فتحي
تيم:انا عارف انت هتعمل ايه... هات الفيزا
*فـ ياسر ادهاله وراحوا البنك*
تيم(بـ تعب) :لو سمحت عايز اسحب كل الفلوس الـ في الفيزا دي
الموظف:تمام حضرتك في عروض جديده لو حضرتك حابب تفعلها علي الفيزا؟
تيم:لالا انا عايز اسحب الفلوس وبس
الموظف:تمام يافندم
وبعد كام دقيقه كده
الموظف:الفيزا دي فيها مبلغ ٢ مليون جنيه
ياسر:حلو اسحبهم كلهم
تيم:لا يا ياسر احنا هنسحب الـ خدهم مننا وبس
*وفضل يفتكر هو نصب عليه في ايه هو ولين وهيدي ياسر وساره وجوز حنان كام*
تيم:كده بالظبط مليون ونص
ياسر:وهي جات علي النص الباقي؟
تيم:لا مجاتش اسحبلنا كل الفلوس الـ فيها
الموظف:تمام يافندم دقايق والفلوس تكون جاهزه
*ووقفوا مستنين شويه لحد ماالفلوس طلعت*
ياسر:حلو الكلام
*وخدوا الفلوس وحولوها علي الفيزا بتاعت تيم*
ياسر:مبروك عليك الفلوس الـ رجعتلك
تيم:احنا خدنا حق الفلوس انما حق بهدلتنا وحق طنط منال وغيره من الضحايا لسه مرجعش
ياسر:عندك حق دلوقت لازم نتصرف ونروح نبلغ الشرطه
*تيم وقتها كان محطوط في أمر صعب بين انه يسيب لين مخطوفه والشرطه متعرفش انها عايشه وانه يبلغ الشرطه ويعرفوا انها عايشه بس كان لازم يبلغوا الشرطه لحد ماراحوا القسم*
ياسر:احنا عايزين نعمل بلاغ بـ خطف بنتين زملاتنا
الظابط:الأسامي؟وهاتوا بطايقكم
وقالوله علي الأسامي وادوله البطايق
الظابط:البلاغ ضد مين؟
تيم:ضد فتحي
الظابط:الاسم كامل
وقاله علي اسم فتحي بالكامل
الظابط:معقول؟؟ ده انا عندي ملف لـ فتحي فيه كميه قضايا مفتوحه
ياسر:احنا تعبنا من مصايب فتحي وعايزين حد يوقفه عند حده
الظابط:محتاجين محامي يؤول عن كل القضايا دي وبإذن الله فتحي نهايته قربت
عند جوز حنان كان اخد القرار انه يطلق مراته وجاتله الجرأه والشجاعه وراح لحد عندهم
فتحت حنان لقيته هو
حنان(بـ عصبيه) :هو انت ده انا هوديك في داهيه انت والـ جابوك والـ يتشددلك بقي انا تعمل فيا كل ده ياعره يازباله
جوزها:بقولك ايه هما كلمتين وبـ خِلصو انتي طالق بالتلاته ياحنان
*فـ هبه خرجت*
هبه:ايه ده في ايه؟
حنان(بـ صويت) :انت بتطلقني ياعره الرجاله فاكر نفسك محسوب عليهم راجل لاا ياحبيبييي فوق لـ نفسك واعرف انت كنت متجوز مين هو انت تطول تتجوز واحده زي
جوز حنان:لا مطولش ومش عاوز اطول يالي امك واختك شويه سحارين ياناس ياحراميه بصي لـ نفسك يابومه في المرايه وانتي تعرفي مين فين الـ كان يطول
*وخد نفسها ونزل وحنان طلعتله قدام باب الشقه *
حنان(بتردحله) :ده انا وانت ياخوياااا كنا عايشين زي الاخوات جاي تتكلم وانت العيوب ملياك من فوقك لـ تحتك
هبه(بزعيق) :ادخلي ياحنان كفايه... كفااايه
حنان(بتزعق) :وحياه امك ياصبري لأوريك
_____تاني يوم_____
مكنش تيم وياسر ناموا وطول الليل صاحيين وتيم كانت نفسيته زفت وخايف علي لين
ياسر:انا قفلت عيني ساعه مش عارف انام
تيم:انا بقى مجاليش نوم ولا ثانيه خايف علي لين اووي انا مقدرش اكمل حياتي من غيرها.. انا من ساعه ماهي دخلت حياتي وانا حاسس اني اتولدت من جديد.. كلامها وهزارها معايا مش بيروحوا من بالي خايف عليها اوي يا ياسر
ياسر:ومين قالك ان انا كمان مش خايف علي ساره اه عدينا مواقف كتير شبه دي بس عمرها ماوصلت للدرجادي.. انا عرفت فتحي عن طريقكم عرفت انه اكتر انسان شر علي وش الارض هو واخته جوز تعابين معندهمش لا دين ولا رحمه
تيم:لازم نلاقيهم يا ياسر قبل مافتحي يعمل حاجه فيهم.. انا مستني النهار يطلع علشان نروح للمحامي مدوقتش طعم النوم ولا هدوقه طول ما لين في خطر انا مش متطمن عليها
ياسر:قوم ياتيم بينا على المحامي
*َوراحوا للمحامي*
المحامي:يااهلا يا ياسر اخبارك ايه؟
ياسر:مش بخير ساره زميلتي اتخطفت هي وزميله تيم
المحامي:طيب اقعدوا تشربوا حاجه؟
تيم:لا شكرا
المحامي:احكولي الـ حصل من الاول
وحكوله الـ حصل
ياسر:وبس مش عارف طريقهم وخايف الا فتحي يعمل فيهم حاجه
المحامي:هنحتاج شويه اجراءات واوراق نطلع بيها علي النيابه
تيم:احنا هنعمل كل الـ انت عايزوا بس لين ترجع
المحامي :متقلقوش هترجع وهنفرح كمان
عند لين وساره كانوا مربوطين ومش عارفين يهربوا من فتحي
لين:ليه عملتي كده يا ساره؟
ساره:غصب عني يا لين.. فتحي كان بيعذبني وكنت هموت في ايده انتي لو مكاني كنتي عملتي كده واكتر
لين:عايزين نخرج من هنا انا خايفه فتحي يعمل فينا حاجه
ساره:هنخرج ازاي والاخوات الـ واقفين برا نعمل فيهم ايه ده لو شموا خبر اننا عايزين نهرب هيبلغوا الكلب الـ مسلطهم وهيطيروا رقبتنا
لين:فتحي ده اوسخ شخصيه شوفتها في حياتي لو اطول اقتله ١٠٠مره كنت عملتها هو مش مكفيه الـ عمله في ماما ولا ظلمه لينا؟
ساره:وهو الـ زي دي بيتهد ولا بيرتاح احنا لازم نتصرف ونهرب من هنا
لين:انا متأكده ان تيم تعبان دلوقت من غيري وقلقان عليا
ساره:هو مش انتي وتيم صحاب وبس؟
لين:ايوه بس انا.... انا...
ساره:انتي ايه؟
فـ لقوا فتحي داخل وعلي وشه غضب ربنا
فتحي:نقول صباح الخير ولا صباحيه مباركه؟
لين:انت عايز مني ايه؟؟ هاا عايز ايه؟
فتحي:تؤ مش عيب لما تكلمي طليق امك بالشكل ده وبعدين انتوا ليكوا عين تتكلموا بعد الـ حصل في امك ههههه ده انتي امك زمانها ماتت من وصمه العار الـ شرفت حياتها ها قولولي بقي تتجوزي مين يالين؟
لين:اتفووو عليك انسان زباله
فتحي(بـ زعيق) :بتتفي علي خلقه ربنا؟؟ خلقه ربنا الـ احسن من اشكالكم يابنت الـ@#$٪
لين(بـ زعيق) :اخرررس ياكلب.. ماما ضوفرها بـ رقبه مليون كلب زيك انت اخرك تهوهو ومحدش هيرد عليك
راح فتحي متغاظ منها وفضل يضرب فيها وهي تصوت
لين(بصويت) :اااااااه منك لله منك لله
ساره(بـ زعيق) :سيبها ياكلب احنا هنندمك على اليوم الـ جيت فيه الدنيا
فتحي:عاملين رباطيه عليا؟؟؟ حماااااده
حماده:اوامرك يامعلم فتحي
فتحي:البتين دول ميطلعوش من هنا وعينك عليهم وامنع عنهم الاكل والمايه
حماده:اوامرك يامعلم.. يلا يابت اخرسي
*وكانت لين بتعيط وساره بتزعق*
عند عبير في الحجز لقيت واحده شكلها مش مظبوط ووشها مليان غرز
_قومي ياروح امك من هنا
عبير:وانا اقوم ليه؟؟
_انا كيفي كده، قومي فزي طولك
عبير:وانا مش هقوم عندك اماكن كتير فاضيه
_يعني مش هتقومي
عبير:مش هقوم
_طيب تعاليلي
وراحت ضارباها في بطنها جامد والناس فضلوا يسلكوا مابينهم لحد ماسابتها
_ماشي ياروح امك هتروحي مني فين
=تعالي بس سيبك منها دي شكلها جديده هنا
ومشيت وعبير بتبص لقيت الدم نازل علي رجليها
عبير(بصويت) :اااااااااااه
وراحت واقعه في الأرض
يتبع