رواية احتواء القاسي الفصل السابع والثلاثون37بقلم سوسو تويكس
بقيت اتكلم معاهو بنانفعال وصوت عالي، عسا ولعل زول يسمعني ويجي يلحقني، مع صوتي ده، معتصم جا طالع من البيت فتح الباب لمن انا اتخلعتا بتين هو جا، والولد اتخلع اكتر فكا يدي وقبل ما معتصم يستوعب الحاصل، جرا علي ركشتو دورها_بقا يعاين لي بنظرات خلتني ارجف من الخوف، عايزه اتكلم قالي: ادخلي نتفاهم جوا_ دخلتا البيت وقبل ما افتح خشمي، انفعل فيني:مارقه وبدون ما تستأذني، لي؟ كيس جوافه قدامك ولا كراع عنقريب، معقوله ياخ حتى تلفونك ما بتردي عليهو،ولو ما طلعتا الله يعلم كان حصل ليك شنو_انا اصلا عايزة ابكي طوالي انفقعتا في البكا لدرجه بقول كلام ما مفهوم، شال نفس طويل عشان يهدي نفسو، قعدني في الكرسي الفي الصاله، مسك يديني وقالي بهدؤ :ننتي ينفع كده، يعني اجي القاك بره البيت وتلفونك ما بتردي عليهو، انتي ما عارفه انا خفتا عليك قدر شنو، والحيوان الكان برا ده، حسي لو كان عمل ليك شي و.... الخ_طبعا من قالي ننتي طوالي وقفت بكا، ياخ والله اشتقتا الكلمه دي، بقيت ما سامعه زاتو بقول _معتصم:حسي انتي كنتي وين _مسحتا دموعي وانا بقول:مشيت لي ناس اماني، بس انت الرجعك بدري شنو_معتصم:اماني مشيتي ليها لي شنو _احترتا من سؤالو ده لانو قالو لي بخلعه كده:عادي يعني الناس بمشو لبعض لشنو، لي حاسه كانك اتخلعتا، في شي في مشيتي ليها دي_رده لي بارتباك واضح :لالا ا. انا ما قصدي كده(غير الموضوع) خلينا من ده، حسي انتي تاني لو طالعه اي محل وما كلمتيني ما ح يحصل خير فاهمه_هزيت ليهو راسي قام شال الورق الكان في الصاله وقال :رجعتا عشان نسيت ورق مهم في البيت وجيت اشيلو وراجع _لينه:معتصم انت لي بقيت كده، تتعامل معاي كده انا غلطتا معاك في شنو، حاساك دايما بتتجنبني_رجع وقف قدامي وقالي :مضغوط مع الشغل بس_ ما صدقتو لانو مستحيل الشغل يخلي يتغير كده،لينه: معناها ما اعطلك عن شغلك _عايزه ادخل الغرفه بزعل، مسك يدي قالي :كلو الا زعلك، واسبوعي الفات ده ما كان تمام، عشان ما بسمع '' رافقتك السلامه'' _فكيت منو يدي وانا بقول:احساس انو فارقه معاك للدرجه دي_كشبت خليتو واقف في الصاله، بعد مسافه سمعتا صوت الباب شكلو مرق، انفجرتا في البكا وانا بتذكر حالنا كان كيف وبقا كيف، بكيت بحرقه لمن راسي صدع، دخلتا الواتس رفعتا لي حاله حزينه، قفلت التلفون،
في ناس كتاار بسأل من التكمله وما لقوها مع العلم اني نشرتها، ودي المره التانيه بنشرها للما لقاها
، واتذكرتا معتصم كان بقول لي :كلو ما تحسي نفسك متضايقه او زعلانه اقرى قران _صاح ان هو اتغير بس وصياتو وكلامو كلو لسه بنفذو بالحرف _بديت اقرى سورة '' يس''، لقيت اشعارات رسايل حقت واتس، في الاول ما كنت عايزه ارد، بس وقت كترت، شلتا التلفون وفتحتا الرسايل لقيتها من رقم سوداني عاينت لصوره البرو لقيتها صوره بكري_اتذكرت اني وقت حظرتو كان برقمو الأمريكي لانو الوقت داك كان في أمريكا، وحسي ده رقم سوداني شكلو رجع السودان، فتحتا رسايلو وكان عايز يطمن على لانو شاف الحاله الحزينه الرفعتها،ما كنت قادره اكتب، عشان كده رديت على رسايلو ريكودات، حسا من صوتي اني ما كويسه قام اتصل علي مكالمة، في الاول ما كنت عايزه ارد، تاني قلتا ما فيها شي لو رديت، طول المكالمه كان عايز يعرف انا المزعلني شنو للدرجه دي، صراحه لانو البيست حقي وصديق الطفوله ومن زمان انا بفضفض ليهو، وفي لحظة ضعف وغير وعي لقيت نفسي بحكي ليهو كل شي وعن تغير معتصم، عارفه انو ما كان لازم اعمل كده بس انا كنت محتاجه افضفض لي زول يتعاطى معاي في الكلام، وفرصة بكري جاتني على طبق من دهب، حاول يطمني وانو فعلا بكون مشغول مع الشغل و... الخ،بس انا متاكدة احساس قوي جواي بقول لي انو ما من الشغل _عدو تلاته يوم بنفس النمط بس بقا هو البصحيني للصبح وبصلي معاي وطوالي بطلع تاني ما بجي الا بليل، كانو هربان مني، كم مره بقول لي عايز اتكلم معاك في موضوع، تاني يتردد وبقول لي انسي، معقوله الموضوع ده يكون الطلاق، ايي اصلا ماف تفسير تصرفاتو دي غير انو عايز يطلقني _وخلاص نفسيتي انهارت زياده بقيت اكل ما باكل، قبلي يوم الوقفة حقت العيد ملاذ اتصلت لي قالت:ماشين السوق لحاجات العيد انا وساره وقلنا نكلمك تجي معانا_شفتا اصلا ما عندي موضوع وقاعده في البيت زهجانه وعقلي مشغول مع معتصم، فقلت احسن اطلع معاهم يمكن اغير جو و نفسيتي تتحسن حبه_الصباح بعد ما صلى بي وكان طالع، وقفت، لينه:اليله طالعه السوق مع ناس ملاذ، كلمتك عشان تكون عارف_ معتصم:خلاص سمح، ما دام كده خلي اوصلك معاي بالمره لي بيتنا هناك _ما ناقشتو، اتجهزتا لبستا وجبت طالعه وقفني وجوا لي الطرحه غطا بيها شعري القدام، لينه:كويس والله، على الاقل لسه في شويه غيره واهتمام_ معتصم:قصدك شنو_لينه:قصدي انت عارفو كوييس، حسي خلينا نطلع_ما ناقشني وطلعنا ركبتا العربيه الكانت مليانه بريحة عطرو، رجع لي ذكريات زمان _المهم وصلني قدام البيت وقال هو مستعجل، اداني ربطة قروش ودور العربيه وفات، المهم جا وقت السوق اول ما دخلنا السوق وكان زحمة نفسي كتم وحسيت نفسي دايخه وبطني طمت ما وعيت الا وانا في الأرض والناس اتلمو فيني الرؤيه قدامي انعدمت_اول ما صحيت لقيت نفسي في المستشفى وساره وملاذ واقفين جمبي وكان الدكتوره بتتكلم معاهم ما ركزت الا مع جملة:ح توعىبعد شوية، ده شي طبيعي لكل واحده في بداية حملها_اتكلمت وانا بستعدل رقدتي في السرير:ك.. كدي عيدي قلتي شنو اا. نا حامل_ردت لي الدكتوره:ايي وفي الشهر التاني الف مبروك_ساره وملاذ استقبلوني باحضان من الفرحه وانا كل همي بتين اطلع عشان أوري معتصم بالخبر ده، انا متأكده ان الخبر ده ح يرجع معتصم زي زمان ويصلح بيناتنا تاني....
يتبع