رواية نبضات قلب الفصل السابع عشر17بقلم منة محرم
ادهم خرج وراها ومسك اديها: انتي راحه فين
ملاك بدموع: راحه لجلال
ادهم ساب اديها بصدمه: انتي عرفتي
ملاك: مش هو عايز يقتلني انا هروحلو
ادهم: استنيي انتي عرفتي منين
ملاك: تعرف مين الي قالي هو
فلاش بااك
••••••••••••••••••
ملاك: الو
جلال: مش هسيبك مبسوطه وفكرك لما حبيب القلب ياخدك بعيد مش هجيبك لا هجيبك وهقتلك مستحيل اشوفك مع حد غيري انا انتي فاهمه هبعتلك عنوان تجيلي عليه ولو مجتيش اترحمي علي اختك
ملاك بخوف: ج جلال انت عايز مني ايه سبني في حالي بقه الو الوو
بااااك
••••••••••••••••••
ملاك بانهيار: معرفش انا ذنبي ايه كل ده علشان رفضته واتجوز اختي انا بجد تعبت منه انا مبقتش عارفه اعيش حياتي طبيعي وكمان هدتني بااختي ياادهم هدتني بيها اني لو مروحتلوش هيموتها
ادهم خدها في حضنه: ششش اهدي ممكن تهدي
ملاك: مقولتليش ليه من الاول انت ناسي انك وعدتني انك مش هتخبي حاجه عني تاني ليه ليه بتخبي عني
ادهم: كنت خايف عليكي ملاك انا مبحبش اشوف دموعك مش بحب اشوفك مضايقه ولا شايله الهم علشان انا بح
ملاك: اختي ياادهم اختي في خطر لازم الحقها
ادهم: اهدي اختك في شقتي الي في سته اكتوبر مش عايزك تخافي هي في امان دلوقتي
ملاك: هطلقني بعد ما يتمسك
ادهم طلعها من حضنه: ايوه يا ملاك لو انتي حابه تطلقي هطلقك انا عارف انك لسه بتحبي محمد ومحدش هياخد مكانه
ملاك: ششش ايه الي انت بتقوله ده انا بعد مااتجوزتك وبقيت مراتك انا مفكرتش في محمد مستحيل افكر في راجل غير جوزي انا لما بشوف صورته بدعيله برحمه محمد ايوه كنت بحبه بس محمد خلاص راح عند الي احسن مني ومنك لما نفتكره ندعيله
ادهم: يعني ممكن تديني فرصه
ملاك: انا اصلا مش عايزه اطلق بس لو انت احم يعني في قلبك حد خلاص الي يريحك
ادهم: انا مش في قلبي حد غ
ملاك بمقاطعه: انا هخش اشوف حياه
ادهم: يووووه استني بقه ملاك انا انا بحبك
ملاك ببتسامه: طيب
ادهم: طيب ايه انتي مش بتحبيني
ملاك: ادهم انا مش عارفه بس صدقني هيجي اليوم اكيد وهقولهالك
ادهم: وانا هستناها منك يا ملاك
ملاك: يلا ندخل
ادهم: يلا
بعد مرور اسبوع
••••••••••••••••••
ادهم: ايوه
=انت نايم
ادهم : تخيل
=طيب احنا عرفنا مكان جلال
ادهم اتعدل: بجد طيب كتفوه وخدو شقتي الي في التجمع اكيد انت عارفها صح
=اه بس هنخشها ازاي
ادهم: البواب معاه مفتاح علشان بيطلع ينضفها كل فتره خدو منه وانت هناك خليه يكلمني علشان اكيد مش هيرضا يدهولك
=تمام
ملاك بصت علي الارض: ادهم في ايه
ادهم: مافيش حاجه
ملاك: ههههههه هو انت غاوي تصحا تلاقي نفسك علي الارض
ادهم: والله يابنتي انا زهقت وضهري خلاص اتفرتك نفسي انام علي السرير انا معرفش ايه غايتهم انهم ينيموني علي الارض
ملاك: ادهمممم بقه متخوفنيش بقه انا علي تكه
ادهم: م مافيش يا حبيبتي انا بقولك يعني اني بحب انام علي الارض علشان علشان يعني والله ماانا عارف علشان ايه نامي يا حبيبتي نامي
ملاك: حببتك
ادهم غمزلها: وعقبال ماتكوني ام عيالي
ملاك بكسوف: انا انا راحه احضر الفطار علشان تاكل وعلشان حياه بتصحا تقول انا جعانه وهفتانه
ادهم اتعدل و باس اديها: خليكي براحتك انا هاخد شاور الاول علشان عندي مشوار ملاك اوعي تخرجي تمام
ملاك بصت لاديها : انت عملت ايه
بقلمي/menna moharam
ادهم: مش وقت عملت ومعملتش خلاص انا اسف
ادهم لبس ونزل ولسه هيخرج
حياه: ادهومي
ادهم: قلب ادهم انا رايح مشوار صغنن وجاي اوعي تخرجي ياحياتي اتفقنا
حياه: اتفقنا
قدام شقه ادهم الي في التجمع
••••••••••••••••••
ادهم: هو فين
=مربوط جوا
ادهم: طيب خليكو انتو هنا
=حاضر يا دكتور
فوق عند جلال
••••••••••••••••••
فتح ادهم باب الشقه ودخل الشقه وشاف جلال عمال يبص حواليه
جلال: فكونييي انتو ميننن والله العظيم ما هرحمكو
ادهم: يااااا استاذ جلال هنا بنفسه
جلال: كنت متاكد ان انت
ادهم راح عنده وضربه: بقه عايز تقتل مراتي ها لا وبتكلمها تهدتها انك هتقتل اختها طب ازاي وانت مش عارف هي فين اصلا
جلال: انت انت ودتها فين هااا انطق
ادهم: مراتك دلوقتي في مكان انت واهلك متحلموش تكونو فيه البت الغلبانه الي ضحكت عليها بكلمتين حلوين وهي صدقتك علشان بتحبك وانت استغليت ده علشان تنتقم من اختها انت ايه مجنون بس للاسف علشان مجنون ضيعت مستقبلك
جلال: هموتك انت كمان وحبيبه قلبكو الصغيره
ادهم وعنيه احمرت: وحياه امك لو جربت بسس تقرب من ملاك او حياه لموتك هيكون علي ايدي
جلال: مشيني من هنااا
ادهم: عايز تموتها يالاااا
جلال: صدقني مش هرحمك وهنفز الي في دماغي انا بكرها بكرها اوي وهفضل مخوفها كده واعيشها في قلق
ادهم: كل ده علشان رفضتك
جلال: اشمعنا هي اشمعنا هي ليه تعيش في كل العز ده بعد ما كانت خدامه عندي ليه ليه تاخد كل العز ده لوحدها ده كانت بتنام في المطبخ علي الارض
ادهم: ياااا ده انت محروق منها اوي تعرف ده عوض ربنا ليها ربنا بيحبها اوي علشان هي طيبه وغلبانه وعمرها ما جت علي حد
جلال: دبستني في اختها بنت ال*****وهي عارفه اني كنت بعشق التراب الي بتمشي عليه بنت ال*****
ادهم ضربه بلقلم: لما تتكلم علي مراتي تتكلم عنها باحترام انت فاهم
جلال فضل يزعق: والله هقتلكو كلكوووو
ادهم: ادخل يا حضره الظابط
جلال بصدمه: ا انت بلغت عني
ادهم: اهو حضرتك اكيد سمعت انه بيهدتني بلقت*ل انا ومراتي وكمان انا سجلت اعترفاتو اتفضل وكمان حاول انه يقتل*ها قبل كده
=خدوه علي البوكس
ادهم: شكرا ان حضرتك جيت في الوقت المناسب
بعد شويه
••••••••••••••••••
ادهم. دخل الڤيلا وحياه وملاك جريو عليه
ملاك بدموع: انت كويس حصلك حاجه
ادهم: لا انا كويس الحمدلله
ملاك: طمني عملت ايه
ادهم: مسكنا جلال وخلاص هو بيتحقق معاه في النيابه دلوقتي مش عايزك خلاص ولا تقلقي ولا تخافي من اي حاجه طول ماانا جمبك
ملاك: ربنا يخليك لينا يارب
ادهم: هطلع انام لاني تعبان اوي بقه وكمان ان شاء الله بكره الصبح هنمشي انا هاين عليا نمشي دلوقتي بس مش قادر الصراحه
حياه: هييييي تيته كوثر هنشوفها
ادهم شالها: ايوه يا حبيبتي هنروح لتيته
صباح يوم جديد
••••••••••••••••••
ملاك: ادهم اصحاااا
ادهم: في ايه يا ملاك
ملاك: ادهم احنا نزلنا بلمرتبه علي الارض ازاي ممكن تقوم تفهمني
ادهم اتعدل وبص حواليه وضحك
ملاك: ادهم انت بتضحك علي ايه
حياه حضنت ملاك: ملاك انا خايفه
ملاك: ياادهم بقه ده السرير بقه من غير حاجه حته احنا سبناه ونزلنا علي الارض
ادهم: هو صعبان عليكي ولا ايه هههههه وبعدين عادي الصراحه حصلت معايا مره
ملاك: ادهم قوم نمشي يلا يلا انا مش هقدر اقعد دقيقه كمان
في ڤيلا ادهم
••••••••••••••••••
حياه: تيته كوثر
كوثر: حبيبه قلبي تعالي يا حبيبتي
حياه حضنتها: وحشتيني اوي
كوثر: انتي اكتر يا حبيبتي
ملاك: عامله ايه يا ماما
بقلمي/menna moharam
كوثر: الحمدلله يا حبيبتي انا كويسه انتي طمنيني عنك عامله ايه
ملاك: الحمدلله
كوثر: اومال ادهم فين
ادهم دخل وراح عند مامته وباس اديها: وحشتيني يا ست الكل
كوثر: الحمدلله انكو رجعتولي بسلامه يا حبايبي
حنين وداليا جريو علي ملاك: عااااا وحشتيني
ملاك: انتو اكتر يا حبايب قلبي
حنين: عامل ايه ياادهم وحشتني ياعم كل دي غيبه
ادهم: ملاك انا عايزك في موضوع برا في الجنينه
ملاك: حاضر اطلع وانا هطلع الشنط وهاجي وراك
ادهم: لا سبيها بس تعالي ورايا ضروري مستنيكي
بعد شويه
••••••••••••••••••
ملاك: كنت عايزني يا ادهم
ادهم: انا عارف ان الي هقولو صعب عليكي بس مافيش حاجه بادينا
ملاك: ادهم في ايه متوترنيش بقه الله يكرمك
هبه: السلام عليكم ورحمه الله وبركاته
ادهم: وعليكم السلام هبه اتفضلي تعالي
ملاك بصتلها بحزن ولسه هتدخل جوا
هبه: صدقيني غصب عني انتي متعرفيش كان بيحصلي ايه
ملاك بصت وراها كانت هبه واقفه ودموعها علي خدها
هبه قربت منها: تعالي في حضني لو لمره واحده وقوليلي انك مسمحاني كل حاجه عملتها فيكي غصب عني حته الفلوس الي دكتور ادهم كان بيدهالي كنت بديها لجلال كان دايما بيطلعني وحشه قدامك علشان عارف انك بتحبيني كان بيكرهك فيا علشان هو بيحب يشوف دموعك وكان عايزك تحسي شعور انك وحيده انا بحبك اوي يا ملاك وعمري مافكرت اني اكرهك وكل كلمه كانت بتطلع مني كانت غصب ببقا نفسي اخدك في حضني بس مبعرفش اليوم الي مشيتي فيه بليل انا كان قلبي بيتقطع كل كلمه قولتهالك كان جلال هو الي محفظهولي كان علي عيني امشيكي بليل بس جلال كان هيموتك
فلاش بااااك
••••••••••••••••••
هبه: يترا جلال قام راح فين انا لازم اشوفه احسن يعمل حاجه في ملاك
قامت هبه وسمعت صوت مايه في الحمام اطمنت انه كان داخل الحمام ولسه هتدخل اوضتها بس وقفت لما شافت جلال
هبه: شافته طالع وداخل اوضه ملاك بيتسحب راحت علشان تراقبه تشوفه بيعمل ايه كان ماسك مخده وبيقرب منها ببطئ هبه دخلت عليه بسرعه
جلال اتخض وحدف المخده وراه: ا ا انتي ايه دخلك هنا
هبه في بالها: اكيد لو قولتله اني شكيت فيه ممكن يعمل فينا حاجه انا اسفه يا ملاك علي الي هقوله عليكي بس لازم تمشي من البيت ده باي طريقه انتي حياتك في خطر انا انقذتك انهارده ويعالم هعرف انقذك تاني ولا لا
ملاك: اده بسم الله الرحمن الرحيم في ايه انتو بتعملو ايه في اوضتي
جلال: هي ازاي صاحيه معقول مشربتش العصير وبص جمبها كانت كوبايه العصير الي ادهالها زي ما هي
هبه: اه يا حيوا*نه بقه بتقوليلو يجيلك قومي يابت قومييي وانا الي بقول عليكي غلبانه
ملاك: في ايه واقول لمين انت بتعمل ايه هنا انطق وعايز منييي اييييي
جلال: اه يا هبه يا حبيبتي البت دي مش كويسه مش كويسه خالص
هبه: قومي امشي اطلعي برااااا بيتي ومشوفش وشك هناااا تانييي قومييي
ملاك: هبه انتي بتقولي ايه ده النهار لسه مطلعش وبعدين صدقيني انا انا معملتش حاجه
صدقيني هو الي دخل اوضتي انا مقولتلهوش يجي حته انتي دخلتي لقتيني نايمه انا صحيت علي صوتك انتي يا هبه
هبه: اسمي مدام هبه يا حيو*انه انتي هنا خدامه اوعي تنسي نفسك
ملاك: ومش هنسي انك اختي برضوه
هبه: اختي ايه انتي مصدقه نفسك انا ماليش اخوات يا حيو*انه انتي فاهمه وبعدين احنا اخوات اه بس من الاب بس والصراحه بقه انا عمري ما شوفتك غير خدامه عندي مش كفايه مقعداكي هنا وانتي كنتي عايزه تسرقي مني جوزي قولت اتغيرتي بس شكلك لسه بتجري وراه
ملاك: هههههه اسرقه انتي بتقولي ايه
جلال جوز هبه: صدقيني هي الي قالتلي اجي كانت عايزه تقولي حاجه لا وانا غلبان صدقتها
ملاك: كداب كداب والله متصدقهوش
هبه: امشي اطلعي برا
ملاك: انا اسفه علشان خاطري بلاش تمشيني انا ماليش حد غيركو ومش عارفه لو مشيت هروح فين
هبه: وانا قولت الي عندي من بكره هعين خدامه جديده احسن منك ومترفعش عينها لجوزي
ملاك: يا هبه علشان خاطري
هبه: امشي اطلعي برا
بعد شويه
••••••••••••••••••
جلال: كنتي فين
هبه: ك كنت
جلال ضربها بلقلم: كنتي بتشوفيها فين مش. كده
هبه بدموع: ارحمني بقه حرام عليك ارحمني وارحمها انت ليه كده طب مسالتش نفسك هتروح فين من ربنا صدقني ربنا هيجبلي حقي وحق الغلبانه ملاك وساعتها هتتمني الموت
جلال: انتي مصدقاها يعني اومال ايه الشو الي عملتيه من شويه ده وامشي اطلعي برااا هههههه ده انا قولت انك بقيتي حافظه
هبه: اه يا جلال مصدقها وعملت كل ده علشان تمشي علشان تسيبها في حالها انا عارفه انك كنت هتمو*تها ايه وصلت للدرجادي
جلال: ههههه وانا اقول البت ازاي تكلمها كده ده انا بحفظها كل يوم ده انتي طلعتي مش سهله بقه
هبه: روح يا شيخ منك لله حسبي الله ونعم الوكيل فيك انت ايه
جلال: وبقيتي تعلي صوتك كمان تعالي بقه يا روح امك
باااااااك
••••••••••••••••••
هبه بدموع: مش قادره اكمل واقول الي عمله فيا انا كل حته في جس*مي بتوجعني بسبب الضر*ب
ملاك حضنتها: مسمحاكي عمري ما كرهتك
هبه:ااااه يا ملاك كان نفسي في الحضن ده من زمان كان نفسي اخدك في حضني من زمان اوي كان نفسي يجي اليوم واقولك فيه علي الحقيقه من غير خوف
بقلمي/menna moharam
ملاك بدموع: وانا كمان يا هبه
ادهم: خلاص بقه يا جماعه عايزين نفتح صفحه جديده بقه اهو خلصنا منه بلاش نجيب سيرته تاني واه بلمناسبه ده عقد الشقه رجع حقكو واحب اقولكو ان النيابه حولت ورق القضيه علي المحكمه
ملاك ببتسامه: يارب ميطلع ابدا
هبه: الحمدلله يارب الحمدلله
ادهم: مممم ناقص امضتك هنا بقه
هبه: ده ايه
ادهم: ورقه طلاقك من الزفت ده وهتكوني حره خلاص
هبه بدموع: انا مش عارفه اقولك ايه انت بجد انسان محترم وابن ناس انا مش عارفه من غيرك كنت عملت ايه
ادهم: ياهبه انا معملتش حاجه انتي زي داليا وحنين عندي
هبه مسكت العقد وحضنته بدموع: الحمدلله يارب الحمدلله ملاك بيت بابا رجع ياملاك تاني لينا
ادهم: اتفضلي يا هبه ده مفتاح شقتك الجديده وقريبه من هنا ياريت تقبلي تقعدي فيها كمان علشان تكوني قريبه مننا هي ايجار مؤقت لحد ما اظبط شقتي علشان هي علي التوب الاحمر تخلص وهخليكي تقعدي فيها
هبه: لالا انا هرجع شقه بابا الله يرحمه
ادهم: يابنتي الشقه هتفضل زي ماهي موجوده وابقي خدي ياستي ملاك وروحو كل اسبوع بصو عليها
ملاك: علشان خاطري وافقي علشان تكوني جمبي
هبه: ممم طيب
ملاك حضنتها: عاااا
هبه: انا همشي انا بقه علشان ترتاحو
ادهم: ثواني السواق هيوصلك
هبه: هتعبك
ادهم: تعب ايه بس
هبه: شكرا
ملاك سلمت عليها ولسه ملاك هتدخل جوا بس ادهم مسك اديها
ملاك ببتسامه: قولتلك هقولهالك بس مش دلوقتي بقه المهم شكرا علي كل حاجه عملتها علشاني وعلشان اختي
ادهم بص في الارض ولعب في شعره: ملاك ف
ملاك اتوترت ومسكت ايده: في حاجه ولا ايه ياادهم
ادهم: فيروز اخت محمد راجعه مصر لسه عارفه بخبر وفاه محمد ونازله
ملاك: تنور
ادهم: هي هترجع علشان خاطر حياه هتاخدها
ملاك: نعم