![](https://blogger.googleusercontent.com/img/b/R29vZ2xl/AVvXsEjVGuhE2772toGpG9wWUrm9yzqjqjOJ9MmRbB2H_IQ0MAUC5Xv-MMO0GlTNGcJVe_-asepdtyOb2b2T0HcpjhaF1PwZ25wXzqbeHmMwxy05qzZqeALWgnJ0xVrc4zB91q3hXsmYSB-mzR1QJ9qBoKSvjEwS0_csIKbR9z8_jtyax56QjifpkUwvqeUgG3ra/s320-rw/FB_IMG_1715644431771.jpg)
رواية مزاولة حب الفصل الخامس عشر15والسادس عشر16بقلم دودو محمد
دخلت تمارا الشاليه وهى حزينه لاقت ابوها قاعد قعدت جمبه وقالت
تمارا :- انا اتخنقت وعايزه ارجع القاهره تانى
عماد :- ليه يا حبيبتى كده الاجازه لسه فى أولها
تمارا :- انا لا حاسه بأجازه ولا بفرحه اصلا
عماد :- يا حبيبتى متبقيش ضعيفه كده فين بنتى تمارا القويه اللى مهما حصل بتفضل الضحكه مرسومه على شفايفها
تمارا :- بحاول والله يا بابا بس مش قادره فكرة وجود يوسف قدامى علطول مع مراته بتكسرنى كل ما احاول اقف واكون قويه اشوفه قصادى اتكسر وارجع أضعف من الاول انا خلاص يا بابا عيونى بقت كتاب مفتوح لكل الناس كل اللى يبص فيهم يعرف أن انا مكسوره وموجوعه انا نفسى ارجع تمارا بتاعت زمان واحشتنى نفسى اوى يا بابا
عماد :- حضنها وقال ياريت كان فى ايدى حاجه اريح بيها قلبك كنت عملتها والله
تمارا :-كفايه عليا حضنك اللى لما بكون فيه بنسى كل وجعى وحزنى
عماد :- باس راسها وقال ربنا يريح قلبك ويسعدك يا بنتى
تمارا :- ابتسمت ليه وقالت هدخل اريح شويه فى اوضى وباست خده وقامت دخلت اوضتها ونامت على السرير واتنهدت بوجع وحست بصوت غريب فى الاوضه بتاعتها طالع من وراه الستاره قامت براحه ومشيت واحده واحده وراحت فتحت الستاره مره واحده وقالت انت!!! بتعمل هنا ايه ودخلت اوضى ازاى
يوسف :- دخلت من الشباك انا لازم اتكلم معاكى وتسمعينى من غير عناد يا تمارا
تمارا :- لو سمحت أخرج من اوضى من مكان ما دخلت احسن ما انادى عليهم فى البيت واخليهم هما يتصرافوا معاك
يوسف :- راح عندها ومسكها من دراعها وقال تمارا عقابك ليا صعب اوى انا عارف ان غلطتى كانت أكبر بس ارجوكى بلاش معاملتك اللى بتتعاملى معايا بيها دى
تمارا :- انت عايز منى ايه بقى يا اخى انت مش خلاص اتجوزت اللى قلبك حبها واختارها ابعد عنى و خلينى اشوف حياتى انا كمان
يوسف :- لاء مش هى اللى اخترتها وحبيتها انا بحبك انتى وقلبى اختارك انتى يا تمارا وجيت وطلبت منك أننا نتجوز انتى اللى رفضى وركبتى دماغك انا اعترفتلك بغلطى واتأسفت ليكى اعمل ايه تانى علشان تسامحينى
تمارا :- متعملش حاجه يا يوسف ابعد عنى وسبنى فى حالى انا مش ليك ولا عمرى هكون ليك حتى لو كنت اخر راجل فى العالم فاهم واتفضل اطلع بره احسنلك يا يوسف
يوسف :- شد تمارا اكتر ليه وقرب منها اكتر وقال تمارا انا عارف ومتأكد انك بتحبينى بس عنادك منعك تعترفى بكده
تمارا :- زقته بعيد عنها وبعدت وقالت انا لا بحبك ولا نيله انت كل يوم بأفعالك دى بتكرهنى فيك اكتر وفى الوقت ده سمعوا صوت خبط على الباب اتوترت وقالت م.م.مين
عماد :- انتى فيه حد عندك يا بنتى
تمارا :- ها ل.ل لاء يا بابا ده التليفون وبصت ليوسف وقالت بصوت واطى ممكن تمشى بقى
يوسف :- تمارا
تمارا :- يوووووه بقى قولتلك امشى يا يوسف
يوسف :- بص ليها بدموع وقال انا مش هتنازل عنك حتى لو هدفع عمرى كله فى مقابل انك تسامحينى وراح عند الشباك وخرج منه
تمارا :- بصت على يوسف وهو خارج واتنهدت بوجع وحدفت نفسها على السرير وقعدت تعيط
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شاليه انس
دخلت ندى الشاليه ومعاها يارا وهما بيتكلموا مع بعض ومره واحده واقفوا اول ما شافوا انس واقف قصادهم
يارا بصت لندى بتوتر
ندى :- ا.ا.انس فيه حاجه
انس :- كنتوا فين كده
ندي :- ها ك.ك.كنا بنتمشى على البحر شويه
انس :- بتتمشوا مع خطيبها برضه وبص ليارا
يارا :- ها خ.خ.خطيبى ا.ا.انا مش مخطوبه
ندي :- قرصة يارا وقالت ا.ا.اه مع مالك
انس :- ايه نسيتى انك مخطوبه ولا ايه يا انسه يارا
يارا :- ها ه.ه.هو لسه مش خطيبى ا.ا انا مش موافقه عليه اصلا
انس :- والله واللى مش موافق على عريس يروح ويجى معاه عادى كده
يارا :- بصت لندى بتوتر علشان تتصرف ومسكت فيها اكتر
ندي :- ها م.م.ما انا قولتلك هو بيحاول معاها لسه
انس :- عمومآ هى حره تعمل اللى تعمله انا ليا انتى وبس مش عايز اشوفك ماشيه معاها هى واللى اسمه مالك ده فاهمه وبص ليهم الاتنين ومشى
يارا:- ه.ه.هو يقصد ايه بكلامه ده
ندي :- هزت كتافها وقالت معرفش
يارا :- لاء انا لازم اتكلم مع اخوكى ده وأعرفه لما يتكلم معايا يتكلم بأسلوب احسن من كده
ندى :- بلاش تهورك ده علشان بتتهورى وترجعى تعيطى
يارا :- لاء من النهارده لازم اتعامل معاه بأسلوب أشد من كده ومشيت وسابتها
ندي :- الله يرحمك يا اختى هتبقى كفته ودخلت على اوضتها
يارا :- راحت عند انس وقالت ل ل لو سمحت
انس :- بص ليها بأستغراب وقال عايزه ايه
يارا :- بخوف لو سمحت م.م.ممكن ت.ت تقولى تقصد ايه بكلامك ده
انس :- والله مش مسؤوليتى أن اوضحلك كلامى افهمى اللى تفهميه
يارا :- ه.ه.هو انت ب.ب.بتتكلم معايا كده ليه
انس :- وقف وقال بتكلم معاكى ازاى
يارا :- بخوف ها و.و.ولا حاجه انا ماشيه ولسه هتمشى
انس :- مسكها من دراعها وقال انتى عايزه ايه بالظبط ها
يارا :- بدموع والله العظيم مش عايزه سبنى بالله عليك
انس :- داس اجمد على دراعها وداس على أسنانه وقال بلاش انا علشان لو حطيتك فى دماغى هكرهك فى عيشتك فاهمه
يارا :- بخوف ف.ف.فاهمه
انس :- بص ليها مده وبعدين ساب دراعها وقال امشى وحسك عينك تحاولى تستفزينى ماشى
يارا :- بصت ليه بدموع وطلعت تجرى
ندي :- شافتها وهى بتجرى طلعت تجرى وراها وقالت يارا بت يا يارا استنى الله يحرقك يا بت قطعتى نفسى ومسكتها من دراعها وقفتها وقالت يخربيتك ايه قطر
يارا :- بدموع اخوكى ده حيوان انا بكرهه
ندي :- ما قولنا بلاش تتهورى علشان بتعيطى فى الاخر عملتى نفسك سبع الرجال وبعدين مين ده اللى بتكرهى امال لو كنتى بتحبيه كنتى عاملتى ايه
يارا :- لاء بجد انا خلاص تعبت ومن الواضح أن اخوكى عمره ما هيفكر فيا انا لازم أنساه كفايه ذل واهانه وتنزيل من كرامتى علشانه وفى الاخر ولا هنا
ندي :- ياريت تقدرى تعملى كده نفسى بقى والله العظيم زعلانه علشانك اوى والمصيبه انا عارفه اخويه انس عامل ازاى ومش هتمنى ليكى واحد زى اخويه علشان هتتعبى اوى معاه
يارا :- اتنهدت بوجع وقالت إن شاءالله عن اذنك وسابتها ومشيت
ندي :- بصت عليها بوجع ولسه هتدخل سمعت حد بيصفر ليها ابتسمت وبصت مكان الصوت لاقته مالك بصت على الشاليه بتاعهم علشان تتأكد أن انس مش واقف وراحت عنده وقالت نعم
مالك :- نسيتى الكارنيه بتاع اخوكى معايا
ندي :- يا لهوى طيب كويس انك جبته هات
مالك :- مد أيده وقال خدى جت تمد ندى ايديها علشان تخده سحب أيده تانى
ندى :- بطل الغلاسه وهاته بقى
مالك :- رفع أيده لفوق وقال خدى من فوق يا اوزعه
ندي :- حاولت ترفع ايديها عند أيده بس هى قصيره شدت دراعه علشان تنزل أيده وتاخد الكارنيه معرفتش برضه وكانت قريبه جدآ لمالك
مالك :- بلع ريقه ونفسه سرع وبص على شفايفها وقال بحبك
ندى :- رفعت راسها وبصت فى عينه بتوتر ولاقت نفسها قريبه جدآ ليه بلعت ريقها بصعوبه وبعدت عنه بسرعه وبصت على الأرض بكسوف
مالك :- حاول يهدا وقال احم خ.خ.خدى اهو ومد أيده بي
ندي :- اخدته منه وهى بتبص على الأرض بكسوف وقالت ا.ا.انا هدخل قبل ما انس يخرج ويشوفنا
مالك :- مسك ايديها وقال ندي انا بحبك وعلشان بحبك بخاف عليكى حتى من نفسى متزعليش منى مكنتش اقصد اهزر معاكى كده
ندى :- بكسوف ح.ح.حصل خير
مالك :- ابتسم ليها وقال يلا ادخلى وهبقى اكلمك قبل ما تنامى
ندى :- ابتسمت ليه وقالت حاضر باى ودخلت تجرى على الشاليه ودخلت اوضتها وحدفت نفسها على السرير وقالت ياااااه الحب حلو اوى يا جدعان وحضنة المخده وقالت مش كفايه بعشقه وهو بعيد لاء كمان بقيت اموت فيه اكتر لما قربنى لحضنه امته بقى اكون حلاله بحبه ابن اللذينه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند رحمه كانت بتتمشى على البحر ولاقت بدر قاعد فى الارض راحت عنده وقعدت جمبه وقالت
رحمه :- بتعمل ايه
بدر :- مستنى الفرج
رحمه :- ايه
بدر :- يعنى قاعد مستنيكى تيجى من بدرى اوى
رحمه :- ابتسمت وقالت مستنينى انا طيب ليه
بدر :- ها ي.ي.يعنى علشان انتى بتحبى تتمشى على البحر فى الوقت ده
رحمه :- وعرفت منين
بدر :- احم م.م.ما انا كذا مره قابلتك فى نفس الوقت
رحمه :- بس احنا اتقابلنا مره واحده بس
بدر :- ها ا.ا اه فعلا مره واحده
رحمه :- بدر بحس انك غريب فيك حاجه بتشدنى ليك مع أن انا وانت مختلفين عن بعض بس مش عارفه فيك حاجه حلوه اوى
بدر :- لاء انا اتغر بقى لما يتقال ليا الكلام ده من مزه حلوه زيك يبقى اتغر اوى
رحمه :- لا بجد والله فيك حاجه غريبه بتشدنى ليك
بدر :- ابتسم ليها وقال يمكن علشان انا بحس معاكى بنفس الشعور ده
رحمه :- بكسوف شعور ايه
بدر :- من اول مره شوفتك فيها عند الشركه وانا حسيت انك فيكى حاجه بتشدنى ليكى خفة دمك ممكن حلاوتك ممكن مش عارف ايه هى بالظبط
رحمه :- بحب بدر ما تكلمنى عن نفسك
بدر :- ما بلاش انتى غاويه نكد
رحمه :- نكد ليه بتقول كده
بدر :- علشان لو كلمتك عن نفسى هتقلب نكد لأن حياتى كلها نكد فى نكد
رحمه :- يا ساتر طيب ليه كده انت كده خلتنى عايزه اعرفك اكتر
بدر :- ماشى يا ستى انا بدر عاشور تلاتين سنه ليا اخت واحده يارا شغال فى شركة خاصه يعنى باليوميات مع مقاول أبويه ميت وانا اللى مربى يارا علشان كده مش بحب ازعلها أبدآ لأن انا بحس انها بنتى مش اختى مليش اى طموح لأن كده من الاخر مش من حق واحد زى يحلم بأى حاجه لان مفيش حاجه هتتحقق من اللى بحلم بيها امى ست طيبه جدآ بس جات فى الاخر تعبت جدآ وروحت بيها الدكتور وسكت
رحمه :- سكت ليه
بدر :- الكلام اللى هقوله ليكى ده يارا متعرفش حاجه عنه
رحمه :- متقلقش مش هقولها
بدر :- امى تعبانه بقلبها ومحتاجه عملية قلب مفتوح حاولت اعالجها على نفقة الدوله بس يومهم بسنه وعلى ما يوافقوا يكون امى حالتها تدهورت اكتر روحت أسأل علشان أعملها فى مستشفى خاصه على حسابى قالوا ليا مبلغ لو اشتغلت عمرى كله مش هعرف اعمل ربعه امى بتقولى انا كده كده هموت وفر اى قرش هتصرفه عليا لأختك علشان لما ربنا يكرمها تكون جاهز وتجوزها بيهم ومش عارف اعمل ايه
رحمه :- بدموع ياااااه لدرجاتى طيب ناوى تعمل ايه
بدر :- مش عارف بس اللى بحاول اعمله دلوقتى اشوف ليها مكان فى المستشفيات الحكومى ربنا يسهل
رحمه :- ربنا يقويك ويقومها ليك بالسلامه ويخليها ليكم يارب
بدر :- يارب اهم حاجه يارا متعرفش حاجه لو عرفت ممكن تروح فيها أصلها متعلقه اوى بأمها انا اصلا جبتها الرحله دى علشان متحسش بحاجه
رحمه :- لالالا متخافش مش هقولها حاجه
بدر :- شوفتى بقى نكد عليكى ازاى
رحمه :- بالعكس أنا فرحانه انك شركتنى وجعك
بدر :- ابتسم ليها وبعدين بص للبحر
رحمه :- بصت بوجع ليه وبعدين بصت هى كمان للبحر
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شاليه يوسف
دخل يوسف اوضه وهو متعصب قعد على السرير يفكر فى اللى حصل معاه هو وتمارا وشاف شريط برشام باين من شنطة ارين استغرب ومد أيده سحبه وبص فيه لاقه حبوب منع الحمل وفى الوقت ده دخلت ارين الاوضه بص ليها يوسف وقال
يوسف :- ايه ده
ارين :- حبوب منع الحمل
يوسف :- ما انا عارف ان دى حبوب منع الحمل بس بتعمل معاكى ايه
ارين :- باخد منها
يوسف :- وقف وقال بتخدى منها ؟!
ارين :- ايوه يا يوسف من اول مره حصلت علاقه ما بينا امال انا لحد دلوقتى محملتش منك ليه
يوسف :- اوك كنتى الاول بتخدى منه علشان مكانش فيه حاجه ما بينا رسمى إنما بتخدى منه دلوقتى ليه
ارين :- لان انا مش هحمل واولد واربى دلوقتى خالص لسه بدرى اوى على الموضوع ده يا يوسف
يوسف :- والله والقرار ده اخدي كده مع نفسك مش المفروض نتكلم فيه انا وانتى الاول
ارين :- لاء مش المفروض؛ انا اللى اخد القرار ده يا يوسف لأن انا اللى جسمى هيبوظ وانا اللى هربى يبقى القرار ده بتاعى انا لوحدى
يوسف :- داس على أسنانه بغيظ وحدف الحبوب فى الارض وخرج وسابها
ارين :- بصت عليه وهو خارج واخدت الحبوب من الأرض وحطتها تانى فى شنتطها وقعدت على السرير وقالت تصدقى فكره دى الحاجه الوحيده اللى هتخلى يوسف يتمسك بيا انا وسكتت شويه وقالت بس الحمل والولاده بتبوظ الجسم وانا هخاف على جسمى وسكتت شويه وقالت بس لما جسمى يبوظ شويه واخد بالى منه هيرجع زى الاول واحسن لكن لو يوسف راح منى مش هقدر ارجعه تانى ليا وهيروح ليها هى وشدت الحبوب وبصت ليها وضحكت
يوسف :- خرج من الشاليه اتمشى على البحر وقال وانا زعلان ليه أنها بتاخد الحبوب احسن برضه علشان متجبش منى طفل ويربطنا ببعض مدى الحياه احسن خليها تاخد الحبوب علشان يوم ما افكر ابعد عنها تكون سهله وفى الوقت ده شاف ياسين داس على أسنانه وراح عنده وقال انت عايز من تمارا ايه
ياسين :- بص ليه بقرف وقال وانت مالك
يوسف :- تمارا تخصنى ومش هسمح لحد يقرب منها فاهم
ياسين :- تمارا متخصش حد تمارا حره وبيتهيألى انك لسه عريس جديد يبقى تخصك فى ايه ان شاءالله
يوسف :- انت مالك عريس ولا مش عريس وايوه تمارا تخصنى انا
ياسين :- انت واحد انانى وواطى ومعندكش دم عايز كل حاجه ليك متعه وحب فى نفس الوقت واحد غيرك يتكسف على دمه ازاى توعد حد وتسافر وتنسى وعدك ده وتعيش حياتك وتفكر فى نفسك وتنسى أن فيه ناس هنا انت وعدهم انك هتعيش ليهم وترجع علشانهم فى المقابل هنا حصل ايه قعدت وافيه ليك محافظه على وعدها عمرها ما فكرت تخون العهد القديم وعاشت عمرها كله مستنيه اللحظه اللى ترجع ليها بس حضرتك بكل برود وقسوه راجع خاطب توقع كده شعورها ايه لما تلاقى حب عمرها راجع ومعاه خطيبته ياااااه على وجع القلب وكسرته فى اللحظه دى حسها كده مش هتقدر تستحملها صدقنى اللى انت عملته فى تمارا ده ملهوش اى علاقه بالرجوله لان الراجل اللى بجد بيحافظ على وعده مهما مرت السنين انت عارف تمارا طلعت ارجل منك مليون مره سيبها بقى تعيش حياتها فكك من انانيتك دى شويه لو لسه بتحبها زى ما بتقول ابعد عنها خليها تطيب جرح قلبها عن اذنك وسابه ومشى
يوسف :- مكانش عارف يرد عليه بأيه بص عليه وهو ماشى وقعد فى الارض ودموعه نزلت منه وفى الوقت ده جه مالك قعد جنبه وقال
مالك :- مالك يا يوسف
يوسف :- انا تعبت يا مالك نفسى تمارا تسامحنى نفسى افوق من كل اللى انا فيه ده عايز اعيش مرتاح بقى
مالك :- انت عايز ايه من كل اللى انت عملته قبل كده كنت منتظر تكون حياتك دلوقتى وردى دى نتيجه طبيعيه للى انت عملته مع ارين تقدر تقول عقاب ربنا ليك علشان لما عصيته مكنتش بتحاول تكفر عن ذنوبك وتبعد عن المعاصى كنت مستمر فيها رغم أن انا كنت بحاول افوقك واعرفك أن اللى انت بتعمله ده نهايته سوده بس انت كنت مش راضى تسمع الكلام ده معنى كلامى انك هتتعذب وهتتعذب اكتر من كده كمان متجيش تقول ليه كل اللى بيحصلى ده يارب لان انت عارف ان ده حصاد اللى انت زراعته من الاول اجمد يا بطل لان لسه اللى جاى اصعب واجمد من ده مليون مره
يوسف :- انا مستعد استحمل واكفر عن كل ذنوبى بس فى الاخر تمارا تكون ليا
مالك :- تمارا لو بقت ليك يا يوسف هيبقى فيه خطر كبير عليها
يوسف :- بعدم فهم تقصد ايه
مالك :- لازم راس الحيه تتقطع الاول وبعد كده تبقى تفكر تكفر عن ذنوبك براحتك
يوسف :- مالك انت فيه ايه مال كلامك النهارده كله الغاز
مالك :- قوم نام يا صاحبى ربنا يريح قلبك ويكفيك شر ولاد الحرام وخبط على كتفه وقال تصبح على خير وسابه ومشى
يوسف :- اتنهد وقام وقف وراح تانى على الشاليه بتاعهم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شاليه عماد
فى اوضت كريم
كان قاعد متوتر وكل شويه يبص على التليفون بتاعه وفاجئه تليفونه رن طلع يجرى وبص فيه لاقه رقم رد بسرعه وقال
كريم :- الو مين معايا
المتصل :- ها عملت ايه فى المبلغ اللى طلبته منك
كريم :- المبلغ كبير اوى ومقدرش اطلب المبلغ ده كله من بابا ولا ماما هقولهم هعمل بي ايه
المتصل :- مش ذنبى يا حيلتها اتصرف يا اما كده هيوصل لابوك كل حاجه
كريم :- لالالا بلاش تبعت اي حاجه لبابا ارجوك ادينى يومين بس وهتصرفلك فى المبلغ
المتصل :- انا هسيبك لحد بكره بليل لو الفلوس مجاتش كل حاجه هتبقى تحت ايد ابوك فاهم
كريم :- م.م.ماشى وقفل السكه مع المتصل وقال ياربى هعمل ايه بس احسن حاجه اروح لتمارا هى اللى هتقدر تتصرف وخرج من اوضه وراح خبط على باب تمارا فتحت ليه الباب وقالت
تمارا :- نعم عايز ايه
كريم :- تمارا انا واقع فى مصيبه ومش عارف اعمل ايه
تمارا :- بقلق ادخل وقفلت الباب وقالت اتكلم حصل ايه
كريم :- بدموع انا وقعت تحت ايد نصابين وطالبين منى مبلغ كبير اوى وانا مقدرش اطلبه من بابا
تمارا :- اقعد كده واحكيلى الموضوع من أوله
كريم :- بدموع كنت بعمل فيديوهات زى ما انتى عارفه ولاقيت اعلان عندى على الصفحه لو دخلت على اللينك ده هتكسب ايفون فرحت ودخلت عليه ودخلت كل المعلومات المطلوبه منى ونفذت كل الإجراءات ولاقتهم بيتصلوا بيا بيقولوا ليا أن انا كسبت فرحت وروحت على العنوان اللى قالوا عليه الاول خوفت لما شوفت المكان اللى فيه تسليم الجائزه قولت عادى ما هو مش هيبقى فى مكان فخم المهم طلعت الدور ودخلت على رقم الشقه اللى قالوا عليها ومن هنا عرفت ان دى كانت لعبه اخدوا منى الفون بتاعى وكل الفلوس اللى كانت معايا وصورونى صور فى اوضاع وحشه جدآ وطلبوا منى مبلغ كبير اوى واخر ميعاد بكره يا هيبعتوا الصور دى لبابا بابا لو شافها ممكن يحصل ليه حاجه يا تمارا
تمارا :- غبى ازاى يضحك عليك بسهوله كده انت عبيط يا ابنى وسكتت شويه وقالت الكلام ده امته وفين
كريم :- بدموع تانى يوم جينا هنا فى مكان كده غريب فى عماره لسه طالعه جديد
تمارا :- قد ايه المبلغ ده
كريم :- مية الف
تمارا :- نهار مش فايت كااااام احنا هنجيب المبلغ ده منين
كريم :- مش عارف اعمل ايه يا تمارا ابوس ايدك ساعدينى
تمارا :- قعدت على السرير بصدمه وقالت اعمل ايه دلوقتى انا هوف المبلغ كبير اوى وبعدين قالت امال التليفون اللى معاك ده بتاع مين
كريم :- بتاع ماما اخده منها وقولتلها أن التليفون بتاعى باظ
تمارا :- وجابوا رقم امك منين
كريم :- لما قالوا ندخل البيانات الشخصيه دخلت رقم بابا وماما ورقمى
تمارا :- فالح يا اخويه اعمل ايه اعمل ايه بس
كريم :- واحد بس اللى يقدر يساعدنا
تمارا :- مين
كريم :- يوسف
تمارا :- لاء يا كريم إلا ده مستحيل اطلب منه يساعدنا عمومآ انا عرفت مين هيساعدنا
كريم :- مين
تمارا :- هقولك...............
🦋مزاولة حب🦋16
📌الفصل السادس عشر📌
فى شاليه انس
دخلت تمارا هى وكريم لاقت ام ندى قاعده قالت
تمارا :- مساء الخير يا خالتى
ام ندى :- مساء النور يا بنتى تعالى
تمارا :- ربنا يخليكى ياخالتى بس هو فين انس
ام ندى :- انس قاعد بره قصاد البحر
تمارا :- ماشى يا خالتى عن اذنك وخرجت هى وكريم وراحوا عند انس وقالت مساء الخير
انس :- بأستغراب مساء النور خير
تمارا :- انا محتاجك تساعدنى
انس :- اساعدك فى ايه
تمارا :- كريم اخويه ناس ضحكت عليه وعايزين منه مبلغ كبير اوى
انس :- ممكن توضحى كلامك اكتر يا انسه تمارا
تمارا :- حكت ليه كل اللى حصل مع كريم
انس :- بص لكريم وقال تعرف تودينى المكان ده
كريم :- ا.ا.ايوه هو مش بعيد عن هنا
انس :- فين الرقم اللى كلموك منه
كريم :- طلعه على التليفون وقال ا.ا اهو
انس :- كلمهم وقولهم انك جهزت المبلغ ده
كريم :- بص لتمارا وقال ب.ب.بس انا مش معايا المبلغ ده
انس :- عارف نفذ اللى بقولك عليه
تمارا :- اسمع الكلام يا كريم
كريم :- ح.ح.حاضر واتصل على الرقم ده وانتظر الرد
المتصل :- شايفك جمد قلبك وبتتصل اهو على الله تكون جهزت الفلوس
كريم :- ا.ا.ايوه المبلغ اللى انت طلبته منى جاهز
المتصل :- جدع يالا
كريم :- ط.ط طيب هتخدهم ا.ا.ازاى
المتصل :- عارف العماره اللى انت جيت فيها
كريم :- ا.ا.ايوه
المتصل :- تستنى قصادها وفيه عربيه هتيجى تخدك
كريم :- ماشى
المتصل :- اعمل حسابك اى لعب معايا كده ولا كده الصور مع حد تانى يوم ما هيحصل ليا حاجه هتكون عند ابوك
كريم :- بص بخوف لانس وقال ل.ل لا متقلقش
المتصل :- انا عارف انك ولا نايتى وبتخاف من خيالك يلا متتأخرش وقفل السكه
كريم :- بص بخوف ليهم وقال ب.ب.بقولى الصور مع حد تانى غيره ولو لعبة معاه هيبعت الصور لابويه
انس :- اطمن متقلقش أن شاءالله مش هيحصل حاجه
تمارا :- طيب احنا دلوقتى هنعمل ايه
انس :- هقولك
«««««««««««««««««««««««««««««
فى شاليه يوسف
دخل يوسف اوضه وهو حزين لاقه ارين لابسه فستان قصير جدآ ومثير وحاطه ميكاب وراحت عنده وقالت
ارين :-لفت دراعها حاولين رقابته وقالت بدلع انا اسفه
يوسف :- شال ايديها وبعد عنها وقعد على السرير وقال خلاص يا ارين مش زعلان
ارين :- راحت قعدت جمبه وقالت مش هخد البرشام ده تانى
يوسف :- لاء خديه
ارين :- بصدمه اخده
يوسف :- ايوه انا شايف أن احنا الاتنين مش مستعدين للخطوه دى
ارين :- يعنى ايه احنا الاتنين طيب وانت مش مستعده ليه بقى
يوسف :- أن أكون اب دى لوحدها مسؤوليه وانا مش مستعد ليها
ارين :- غمضت عينيها بوجع وقالت عمومآ اللى يريحك
يوسف :- وانتى زعلتى ليه مش انتى مش شويه كنتى خايفه على جسمك ايه بقى غير رأيك وزعلك كده
ارين :- ابتسمت ليه وقالت بالعكس أنا مش زعلانه انا فرحت بقرارك ده وقربت منه وبصت فى عينيه وقالت مش هناموا بقى
يوسف :- اه هنام تصبحى على خير ونام على السرير وسابها
ارين :- بصت ليه بغيظ واتنهدت ونامت على صدره وقالت مش واخد بالك من حاجه
يوسف :- اتنهد وقال لاء
ارين :- كده يا جوى مش شايف اللى انا عامله فى نفسى ده ايه رأيك
يوسف :- حلو
ارين :- حلو بس
يوسف :- ارين انا عايز انام ولف واداها ضهره
ارين :- دموعها نزلت وقالت ماشى يا يوسف براحتك ونامت على الجنب التانى وقعدت تعيط
يوسف :- نفخ واتنهد ولف تانى وشد ارين وقال انا اسف متزعليش منى
ارين :- بدموع سيبنى يا يوسف ونام متشغلش بالك بيا
يوسف :- شدها فى حضنه وقال تعالى بس
ارين :- بصت ليه وقالت انت اتغيرت معايا اوى يا يوسف
يوسف :- مسح دموعها وقال معلش اعصابى تعبانه شويه
ارين :- من ايه
يوسف :- ها لا متشغليش بالك انتى بس ايه الجمال ده
ارين :- والله مش كان حلو وخلاص دلوقتى
يوسف :- يا بت بقى ميبقاش قلبك اسود
ارين :- يوسف متبصش لحبى ليك على أساس أنه ضعف هيجى وقت وهتعب وازهق وساعتها مش هتلاقينى
يوسف :- انا كل اللى بطلبه منك انك تستحملينى اليومين دول بس يا ارين
ارين :- باسته فى خده وقالت انا استحملك العمر كله يا حبيبى
يوسف :- باس راسها وابتسم وقال تصبحى على خير
ارين :- قربت منه اكتر وقالت لاء تصبحى على خير ايه وغمزت ليه
يوسف :- ابتسم ليها بتوتر وقرب منها و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند تمارا وانس وكريم
حضر انس شنطه فيها ورق وادها لكريم وراحوا هما التلاته المكان اللى قالوا عليه العصابه وبص لكريم وقال
انس :- اجمد ومتخافش انا متابع معاك كل حاجه وفيه الشرطه هتراقب العربيه اللى هتاخدك وانا واختك هنبقى وراك
كريم :- بص ليهم بخوف وقال اوعوا يزوغوا منكم بالله عليكم
انس :- متخافش يا ابنى اهدا كده وحاول تظهر قصادهم طبيعى علشان ميعرفوش ان احنا مراقبينكم
كريم :- ح.ح.حاضر
انس :- يلا روح
كريم :- راح عند العماره ووقف يستنا العربيه
تمارا :- بخوف يارب استر انا خايفه اوى عليه
انس :- متخافيش واسكتى بقى مش بحب الكلام الكتير وانا شغال
تمارا :- بصت ليه بغيظ وقالت ماشى
انس :- انا مش عارف ايه جابك معانا اصلا ما قولتلك اقعدى فى البيت واخوكى هيرجعلك سليم
تمارا :- بعصبيه انت بتتكلم معايا كده ليه
انس :- داس على أسنانه وقال انا اتكلم زى ما انا عايز
تمارا :- الله يكون فى عونها
انس :- هى مين دى
تمارا :- المجنونه اللى بتحبك
انس :- قصدك على مين
تمارا :- هسكت علشان حضرتك مش بتحب حد يتكلم جمبك وانت شغال
انس :- بص ليها بغيظ ورجع بص على كريم وقال هو راح فين
تمارا :- نهار اسود اخويه اخدوه ولا ايه
انس :- بعصبيه اهى دى نتيجة اللى ياخد واحده معاه فى مهمه ومسك تليفونه واتصل بالشرطه رد عليه الظابط وقال
الظابط :- اتفضل حضرتك
انس :- هما وصلوا فين
الظابط :- احنا وراهم اهو رايحين على (.....)
انس :- ماشى انا جاى وراكم علطول وقفل السكه وبص بغيظ لتمارا وراح وراهم
تمارا :- يارب رجعه بالسلامه يارب ما يحصل ليه حاجه انا خايفه اوى
انس :-بعصبيه يوووووه اسكتى بقى اسكتى
تمارا :- حاضر حاضر اتكتمت اهو وتابع حركة الشرطه لحد ما وصلوا عند العربيه اللى فيها كريم ومشوا وراهم لحد ما وصلوا عند مكان مهجور ونزلوا فيه وهما مكتفين كريم
تمارا :- بدموع بص عاملين ايه فى اخويه يا قلب اختك يا حبيبى
انس :- اه نقعد نندب هنا وبلاش نلحقه ايه رأيك
تمارا :-بصوت واطى لنفسها قالت اقسم بالله انا ما عارفه هى بتحب فيك ايه بنى أدم غتت وثقيل
انس :- تقعدى هنا متتحركيش فاهمه
تمارا :- لاء انا هروح معاكم
انس :- واحنا رايحين رحله ما تهدى بقى ونزل وسابها
تمارا :- قلبى معاكى يا يارا والله وقعدت تستنى فى العربيه وقت طويل وقالت ربنا يستر هما مالهم اتأخروا كده ليه ولسه هتنزل لاقت انس طالع هو كريم والدم فى دراع انس قالت نهار اسوح ايه اللى حصل ونزلت وطلعت تجرى عليهم وقالت فيه ايه
كريم :- اتصاب من العصابه فى دراعه
انس :- انا كويس اخوكى اهو
تمارا :- والعصابه
انس :- اتمسكت مع الشرطه دلوقتى
كريم :- والحمدلله مسحوا الصور بتاعتى كلها واتأكدنا أن مفيش نسخه تانى انا مش عارف اقولك ايه بجد
انس :- متقولش حاجه اهم حاجه بلاش تجرى وراه اعلانات النت دى لأنهم كلهم نصابين وبيلعبوا بعقول الشباب اللى فى سنك علشان ينصبوا عليكم المرادى ربنا ستر المره الجايه مش عارفين ايه هيحصل
كريم :- حرمت مش هعمل كده تانى
تمارا :- شكرآ
انس :- العفو يلا بينا
تمارا :- طيب ودراعك
انس :- ماله مفهوش حاجه دى خدشه صغيره من الرصاصه وهى معديه مجاتش فيا هروح اعقمها وخلاص
تمارا :- الف سلامه عليك وركبوا العربيه وراحوا على الشاليه من غير ما حد يحس بحاجه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
انتهت الرحله ومر شهر والكل رجع لحياته الطبيعيه فى القاهره ونزلت تمارا شغلها فى الشركه مع يوسف وكلامهم فى الشغل وبس ومحدش فيهم بيحاول يقرب لتانى ولا يتكلموا مع بعض بعيد عن الشغل
فى الشركه
كانت تمارا قاعده على مكاتبها وشغاله ومندمجه فى الشغل لاقت بوكيه ورد قدامها استغربت وبصت لفوق وقالت
تمارا :-بأستغراب ياسين
ياسين :- عامله ايه يا تمارا
تمارا :- وقفت وسلمت عليه وقالت الحمدالله ايه المفاجئه الحلوه دى
ياسين :- جيت اطمن على امى وقولت اجى اسلم عليكى واشوفك
تمارا :- اقعد اقعد
ياسين :- قعد وبص للبنات وقال مين فيكم رحمه
رحمه :- انا مين حضرتك
تمارا :- ده ياسين يا رحمه اللى قولتلك عليه اللى كان معانا فى المدرسه
رحمه :- ايوه ايوه عامل ايه انا فرحت اوى لما تمارا قالت ليا
ياسين :- انا الحمدالله كويس بس شكلك اتغير خالص عن وانتى صغيره
رحمه:- مفيش حاجه بتفضل زى ما هى يا استاذ ياسين
ياسين :- ايه استاذ ياسين دى قولى ياسين علطول
رحمه :- ضحكت وقالت ماشى يا ياسين
تمارا :- ودول باقى الشله يارا وندي
ندى ويارا :- اهلا وسهلا
تمارا :- راجع امته
ياسين :- بكره أن شاءالله
تمارا :- أن شاءالله أنا فرحانه والله إن شوفتك النهارده
ياسين :- انا اكتر
ندي :- طيب يا بنات تعالوا معايا ورانا شغل فى مكان تانى وبصت ليارا ورحمه والتلاته خرجوا
ياسين :- انا معطلك ولا حاجه
تمارا :- لاء خالص انت حتى منورنى
ياسين :- ابتسم ليها وقال عامله ايه دلوقتى بقيتى احسن
تمارا :- على ايه
ياسين :- انتى ويوسف
تمارا :- قامت وقفت وقالت احسن بكتير يكفى أن اتقبلت فكرة أن هو بقى مش ليا وبقى مع حد غيرى اصلا التعامل اللى ما بينا بقى فى الشغل وبس
ياسين :- انا كنت قلقان عليكى وجيت عند امى كذا مره بس كنت محروج اجى ليكى
تمارا :- ليه بتقول كده بس انت متعرفش انا فرحت قد ايه لما شوفتك
ياسين :- بفرحه بجد
تمارا :- ايوه بجد انت بقيت عندى زى اخويه كريم بالظبط
ياسين :- بزعل اخوكى
تمارا :- ايوه اخويه يا ياسين لما بتكلم معاك برتاح اوى وبنسى كل همومى
ياسين :- ابتسم ليها وقال شكرآ على ثقتك فيا يا تمارا
تمارا :- ابتسمت ليه وقالت ايه رأيك تخدنى عن طنط اسلم عليها
ياسين :- تقصدى امى بجد يا تمارا عايزه تيجى تسلمى عليها
تمارا :- ابتسمت وقالت لو مش عايز تخدنى عندكم براحتك
ياسين :- ايه اللى انتى بتقوليه ده لاء طبعآ ده انا من كتر كلامى عليكى لامى نفسها تشوفك بس اتحرجت اقولك كده
تمارا :- بص هو فاضل نص ساعه وقفت وقالت مش مشكله البنات هيسدوا مكانى ومسكت شنتطها وقالت يلا بينا
ياسين :- بص ليها بحب وابتسم وقال يلا ولسه هيمشوا لاقوا يوسف قصادهم بص ليهم بغيظ وقال
يوسف :- الشركه مش مكان نقابل فيها الضيوف يا استاذه تمارا
تمارا :- انا هخد ضيوفى وماشيه يا استاذ يوسف
يوسف :- بص فى الساعه وقال ماشيه ازاى لسه نص ساعه على انتهاء مواعيد العمل الرسميه
تمارا :- خلصت شغل وبعدين النص ساعه دى مش هتفرق فى حاجه
يوسف :- لاء هتفرق يا انسه تمارا دى فلوس ناس لازم نخلى بالنا عليها
تمارا :- نفخت وقالت تقدر تحط الجزا اللى يرضى بي ضميرك عن اذنك وبصت لياسين وقالت يلا بينا ونزلت معاه
يوسف :- داس على أسنانه وقال براحتك يا تمارا متزعليش من اللى هيحصل وراح على مكتبه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
انتهى وقت العمل الرسمى وخرجوا البنات التلاته مع بعض ووقفوا تحت على الرصيف وقالوا
رحمه :- ايه رأيكم يا بنات فى ياسين ده
يارا :- انا شايفه أن تمارا مرتاحه ليه
ندى :- تمارا مرتاحه ليه كأخ مش اكتر
رحمه :- مش عارفه مرتحتش ليه
يارا :- ليه انا شايفه أنه مؤدب وجدع وراجل بجد ولو فعلا هو وتمارا حبوا بعض هيبقوا لايقين جدآ على بعض
ندي :- تمارا مستحيل تحبه احنا التلاته عارفين مين فى قلب تمارا وفى عقلها ومستحيل تقبل اى راجل فى حياتها
يارا :- بس برضه متنسيش ان تمارا بترتاح معاه ودى اهم حاجه فى اى علاقه الراحه النفسيه لشخص اللى قصادك
رحمه :- انا من رأى ندى شايفه أن تمارا مستحيل تحب تانى بعد يوسف
يارا :- والله اشمعنا هو قدر يحب ويغضب ربنا ويتجوز ويعيش مع واحده غيرها
ندى :- أهدى يا يارا هى متقصدش حاجه هى بتقول الحقيقه تمارا موقفه حياتها على يوسف
رحمه :- انتى ليه بتتكلمى معايا على أساس أن عجبنى اللى اخويا بيعملوا مع تمارا على فكره بقى انا زعلانه على تمارا زيكم واكتر
ندى :- متزعليش يا رحمه هى يارا اتعصبت شويه من حبها لتمارا
رحمه :- عارفه يا ندى مش علشان اخويا مفكرنى جايه معاه على تمارا
يارا :- متزعليش يا رحمه بس انا صعبان عليا الوضع اللى عايشه فيه تمارا نفسى تنسى وتعيش حياتها طبيعى زى اى حد
رحمه :- مش زعلانه وان شاءالله تمارا هتلاقى اللى يحبها ويقدرها بجد يلا هروح انا علشان يوسف بينده عليا باى وسابتهم ومشيت
ندى :- هى مقالتش حاجه غلط يا يارا انتى اللى اعصابك تعبانه وعارفه السبب
يارا :- والله وايه هو السبب
ندى :- علشان انس مشوفتهوش من يوم ما رجعنا من الرحله
يارا :- انا لا عايزه اشوفه ولا افكر فيه اصلا ودموعها نزلت منها
ندى :- ما هو واضح فعلا انك مش عايزه تشوفيه
يارا :- انا اخد قرار هنساه يعنى هنساه يا ندى انا تعبت من معاملته ليا
ندي :- وانا معاكى فى القرار ده بس اجمدى شويه وبلاش العصبيه الزياده دى
يارا :- غصب عنى اصل انا بخرج حبه من هنا وشاورت على عروق ايديها وقالت حب اخوكى بيجرى فى عروقى من سنين مش هاجى فى يوم وليله واقول خلاص نسيته لازم اتعذب واتوجع لحد ما يخرج من دمى
ندى :-يا قلبى حقك عليا والله ياريت كان فى ايدى حاجه كنت عملتها
يارا :- متقلقيش عليا يلا روحى علشان متتأخريش ويزعقلك
ندى :- كان نفسى اقولك تعالى معايا بس مش هقدر
يارا :- لاء كده كده مش هينفع علشان ماما تعبانه شويه يلا باى وباستها ومشيت
ندى :- وقفت تاكسى وروحت على البيت ورنت الجرس واتفتح الباب ودخلت وقالت لامها انس فين
انس :- انا اهو بتسألى عليا ليه
ندى :- ها ا.ا انا بطمن عليك بس
انس :- طيب ادخلى يا اختى حضرى هدوم الشغل اللى هنزل بيها
ندي :- ح ح.حاضر ولسه هتمشى
ام ندى :- البت يارا عامله ايه من يوم ما رجعنا من الرحله محدش شاف وشها
ندى :- كويسه بس اليومين دول مامتها تعبانه شويه
ام ندى:- لا حولا ولا قوه الا بالله هبقى اتصل أسأل علي امها
ندى :- ماشى ولسه هتمشى
انس :- وعملت ايه فى موضوع خطوبتها دى
ندى :- وقفت وبصت ليه بأستغراب وقالت رفضته خلاص
انس :- هو الولا اصلا شكله طرى كده وبتاع بنات
ندي :- قعدت تكح وقالت ها ا.ا اه عن اذنكم ودخلت تجرى على اوضت أنس
ام ندى :- يا ابنى ربنا يهديك وافق على البت اهى رفضت العريس خلينى افرح بيك بقى
انس :- وقف وقال مش وقته يا ماما الكلام ده وسابها وراح على اوضه
ام ندى :- هو ده الرد اللى بخده منك وتسبنى وتمشى مش وقته مش وقته امال امته وقته بس وراحت على المطبخ
انس :- دخل اوضه وقعد على السرير
ندى :- ثوانى وتكون هدومك جاهزه
انس :- هى صحبتك مش عايزه تيجى هنا علشان زعلانه من حاجه
ندى :- وهى بتكوى قالت لاء هتزعل من. ايه بس زى ما قولت لماما مامتها تعبانه شويه
انس :- لو عايزه تروحى تسألى على مامتها انا ممكن اخدك اوديكى
ندى :- بصت بصدمه لانس وقالت نعم
انس :- انا بقولك لو عايزه علشان متفضليش كل شويه تقولى بخنقها عليكى ومش بخليكى تروحى عند اصحابك البنات
ندى :- انت مين يا انس
انس :- والله
ندي :- اصل مش مصدقه نفسى أن يجى يوم واخويا انس هو اللى يطلب منى اروح عند واحده من اصحابى
انس :- تصدقى انا غلطان وخليكى قاعده فى البيت لا انتى رايحه ولا انتى جايه وسبها ودخل الحمام
ندى :- ايوه كده طمنتنى عليك كنت قلقانه لتكون سخن ولا حاجه وبعدين قالت هو ماله الاخ مهتم اوى كده ليه شكلك واقع يا انوس وضحكت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة ياسين
وصلوا الاتنين عند شقة ياسين وفتح الباب وقال
ياسين :- اتفضلى
تمارا :- دخلت وبصت ليه وقالت فين طنط
ياسين :- اتفضلى وانا هدخل اشوفها جوه
تمارا :- دخلت وقعدت وبصت على الشقه حاوليها وشويه وجه ياسين ومعاه عصير وحطه قدامها وقال اتفضلى
تمارا :- امال فين طنط
ياسين :-بتصلى على ما تشربى العصير تكون جات
تمارا :- اخدت العصير من أيده وقالت شكرآ
ياسين :- اشربى العصير احنا نضاف على فكره
تمارا :- مش قرفانه والله وشربته كله وقالت ولا تزعل يا عم بس شقتكم ماشاءالله جميله اوى
ياسين :- ابتسم وقال دول عيونكم هما اللى حلوين علشان شايفه الشقه كده
تمارا :- ابتسمت وقالت لا بجد تحس فيها كده براحه غريبه
ياسين :- خلاص خليكى قاعده معانا علطول
تمارا :- لاء انت هتلاقينى لازقه عندكم علطول
ياسين :- يا بخت امى هتقدر تشوفك كل يوم
تمارا :- ضحكت وقالت هى بقت امى انا خلاص بس هى اتأخرت كده ليه
ياسين :- اهى شرفت وقام سندها
ام ياسين :- معلش يا بنتى اتأخرت عليكى كنت بصلى فرض ربنا
تمارا :- قامت سلمت عليها وباستها وقالت ربنا يتقبل منك يا ماما
ياسين :- قعدها وقال لاء ده انا كده هغير بقى
تمارا :- ضحكت وقالت متبقاش شبه العيال الصغيره كده
ياسين :- نام على كتف أمه وقال هنا بس بحس نفسى طفل صغير ومش عايز يبعد عن حضن أمه ولا ثانيه
ام ياسين :- طبطبت على وشه وقالت ياسين ابنى طيب اوى تحسيه شبه الطفل الصغير لما بيجى بيفضل قاعد كده فى حضنى ومش عايز يتحرك سبحان من نزله النهارده علشان خاطرك
تمارا :- ربنا يبارك فى عمرك ويديكى الصحه ويخليكم لبعض
ياسين :- يارب يا تمارا
ام ياسين :- على فكره انت طلعت عبيط مش زى ما انت وصفتها ليا لاء دى احلى واجمل وأخف من وصفك بكتير
تمارا :- بكسوف شكرآ يا امى انتى اللى زى العسل وبتدخلى القلب علطول
ياسين :- يا بخت اللى امى تحبه على فكره وضحك
ام ياسين :- قوم حط الاكل على النار علشان يسخن يا ابنى علشان تمارا تتغدا معانا
تمارا :- لالالا شكرآ يا امى مش هينفع علشان هتأخر
ام ياسين :- انا كده هزعل منك ده اول طلب ليا
تمارا :- وانا مقدرش على زعلك وبصت لياسين وقالت ايه ده لسه مقومتش تسخن الاكل انا جعانه وضحكت
ياسين :- بص ليها بحب وضحك ودخل المطبخ
ام ياسين :- تعالى جمبى هنا
تمارا :- قامت قعدت جمبها ومسكت ايديها
ام ياسين :- قوليلى بقى ايه رأيك فى ابنى ياسين
تمارا :- بأستغراب طيب وجدع وراجل بجد فى وقت الشده
ام ياسين :- يعنى ينفع
تمارا :- بعدم فهم ينفع ايه
ام ياسين :- يا بت الشغل ده مش عليا متعمليش نفسك مش فاهمه كلامى
تمارا :- لاء بجد انا مش فاهمه
ام ياسين :- ماشى تقبلى تتجوزى ابنى
تمارا :- بصدمه ايه الكلام اللى بتقوليه ده يا امى ياسين زى اخويا مش اكتر
ام ياسين :- اخوكى ؟! بس ابنى بيحبك
تمارا :- بيحبنى ؟! لاء طبعآ هو بيعتبرنى صديقه ليه وزى أخته
ام ياسين :- أخته ايه ياسين قايل ليا كده بعضمة لسانه أنه اتعلق بيكى وحبك
تمارا :- بصت ليها بصدمه وفى الوقت ده خرج ياسين وقال
ياسين :- انا سخنت الاكل بس تعالى خدى منى يا تمارا
تمارا :- بصت ليه وقالت ها
ياسين :- مالك
تمارا :- ابتسمت بتوتر وقالت م.م.ماليش وبصت لام ياسين وقامت تساعد ياسين فى المطبخ
ياسين :- معلش يا تمارا هتعبك معايا
تمارا :- ها ل.ل.لاء مفيش تعب ولا حاجه بس فين الاطباق
ياسين :- فوق اهى
تمارا :- حاولت تجيب الاطباق معرفتش علشان قصيره واتفاجئت بياسين وراها بيناولها الاطباق
تمارا :- اتوترت وبصت ليه واخدت الاطباق من أيده وقالت ش.ش.شكرآ
ياسين :- ابتسم ليها وقال العفو وراح يكمل اللى كان بيعمله
تمارا :- بصت ليه وهو ماشى واخدت الاطباق حطت فيها الاكل وحطتها على الترابيزه
ياسين :- خلاص يا تمارا اقعدى بقى
ام ياسين :- تعالى اقعدى جمبى يا بنتى
تمارا :- راحت قعدت جمب ام ياسين
ياسين :- ايوه من لاقه احبابه نسى أصحابه ماشى يا ام ياسين
ام ياسين :- ضحكت وقالت كلى يا بنتى
تمارا :- ح.ح.حاضر وبدأت تاكل وعيون ياسين منزلتش من عليها وهى اخدت بالها اتوترت من نظراته وبصت ليه وابتسمت
ياسين :- ابتسم ليها
ام ياسين :- يا ابنى كل انت عمال تبصلها ومأكلتش حاجه خالص
ياسين :- اتوتر وقال ها م.م.ما انا باكل اهو يا ام ياسين وقعد يأكل وشويه ووقفت تمارا وقالت
تمارا :- الحمدالله
ام ياسين :- انتى مأكلتيش حاجه يا بنتى
تمارا :- شبعت والله يا امى تسلم ايدك الاكل تحفه
ام ياسين :- بألف هنا يا بنتى قوم يا ياسين شاور ليها على الحمام
ياسين :- حاضر يا ماما وقام وراح عند الحمام وقال اهو
تمارا :- م.م.ماشى ولسه هتدخل
ياسين :- مسكها من دراعها وقال تمارا مالك
تمارا :- م.م.مليش بس اتأخرت لازم اروح
ياسين :- تمام ادخلى الحمام ولما تطلعى هروحك
تمارا :- بصت ليه مده ودخلت الحمام وقفلت الباب وراها وسندت ضهرها على الباب وقالت معقوله ياسين بيحبنى انا طيب امته وازاى وهو عارف ان لسه بحب يوسف واتنهدت وقالت انا لازم ابعد عنه لازم وخرجت وقالت انا لازم امشى يا امى
ام ياسين :- هتيجى تانى
تمارا :- ا.ا.ان شاءالله
ياسين :- تعالى اوصلك
تمارا :- ل.ل لاء خليك انت انا هروح بالعربيه وسلمت على ام ياسين وباستها وبصت لياسين ونزلت تجرى ركبت عربيتها وراحت على الفيلا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى بيت ندى
كانت قاعده على السرير بتاعها بتكلم مالك وقعدت تضحك وقالت
ندي :- انت لو تعرف اخويا قال عليك ايه هتولع فى نفسك
مالك :- بضحك قال ايه
ندي :- بيقول عليك واد طرى وبتاع بنات وقعدت تضحك
مالك :- اسم عليه هو على الأقل انا بعرف اتكلم مع الناس كويس الدور والباقى عليه هو اللى كلامه زى الدبش
ندى :- اتلم يا مالك متتكلمش كده على اخويا انس
مالك :- يا سلام ما هو اللى بدء
ندي :- هو قال كده من غيرته على يارا
مالك :- ايه ده هو طلع بيحبها
ندي :- ضحكت وقالت اه النهارده سألنى عليها ودى تتكتب فى التاريخ لاء وكمان كان عايز يودينى عندها
مالك :- طيب ما تفرحى قلب البونيه اللى قلبها اتشحطف عليه
ندي :- خايفه اعشمها بحاجه ومتتنفذش انس محدش يقدر يفهم اللى فى دماغه ايه
مالك :- اخوكى ده صعب اوى الصراحه سيبك انتى واحشتينى
ندي :- ها ا.ا.انا هقفل بقى علشان انام
مالك :- استنى هنا فين الكلام اللى كنت بسمعه منك عليا وانتى بتتكلمى مع اصحابك هو لازم اقفشك يعنى علشان اسمع الكلام الحلو منك
ندي :- م.م.ما هو انا مش ببقى عارفه انك موجود علشان كده بتكلم براحتى
مالك :- خلاص اعتبرينى مش موجود واتكلمى براحتك على الاخر
ندي :- ل.ل.لاء انا عايزه انام تصبح على خير
مالك :- تنامى ماشى وانتى من أهله
ندي :- قفلت السكه معاه وحضنة التليفون وقالت بحبك اوى يا ابنى الايه ونامت على السرير وغمضت عينيها وهى فرحانه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
دخلت تمارا وهى بتفكر فى كلام ام ياسين ليها لاقت سميه وسميحه وحسام وعماد ورحمه قاعدين قالت
تمارا :- مساء الخير
الكل :- مساء النور
تمارا :- قعدت جمب ابوها وحطت راسها على كتفه
عماد :- كنتى فين لحد دلوقتى يا بنتى
تمارا :- كنت مع ياسين بزور مامته فى البيت
سميه :- وانتى ازاى تروحى شقه شاب منعرفهوش لوحدك كده ومن غير ما تقولى لحد ليه حق يوسف يتحمق ويزعل
تمارا :- اولا يوسف ملهوش حاجه عندى علشان يزعل وبعدين ياسين شاب محترم وكويس وانا لو مكنتش واثقه فيه مكنتش روحت معاه وانا مش صغيره يا ماما وعارفه انا بعمل ايه
سميه :- شايف بنتك يا عماد بترد عليا ازاى
عماد :- خلاص يا سميه انا واثق فى بنتى وعارف ومتأكد انها مش هتعمل حاجه غلط
سميه :- انت ازاى عادى كده فيه اب يعرف أن بنته كانت فى شقة شاب غريب ويبقى هادى كده انت عايز تشلنى
عماد :- أمه كانت موجوده وبنتك لو كانت بتعمل غلط مكانتش قالت الحقيقه اول ما سألتها ولاخر مره بقولك انا واثق فى بنتى لابعد الحدود
تمارا :- لاء شكله سخن الموضوع كويس اوى الصراحه
رحمه :- هو كان متعصب يا تمارا ومقالش حاجه غير انك مشيتى مع اللى اسمه ياسين من الشغل
تمارا :- عمومآ محدش ليه عندى حاجه مدام بابا موافق يبقى اى كلمه تتقال تحت جزمتى وفى الوقت ده دخل يوسف ومعاه ارين وقفت تمارا وراحت عنده وسقفت وقالت برافوا عرفت تولعها بس احبك اقولك طول ما بابا فى ضهرى العالم كله تحت جزمتى
يوسف :- بصلها بغيظ ومردش عليها
ارين :- بفرحه مدام الكل موجود عايزه اقولكم خبر سعيد انا حامل
الكل اتصدم من الخبر وأولهم يوسف
يوسف :- بصدمه حامل
ارين :- ايوه يا حبيبى ايه رأيك مرضتش اقولك الخبر وقولت اقوله واحنا كلنا متجمعين
تمارا :- حبست الدموع فى عينيها وقالت وبالمناسبه السعيده دى احب اشاركم فرحتى انا كمان واقولكم أن ياسين عايز يتجوزنى
يوسف :- يتجوزك لاء طبعآ ده نصاب اكيد طمعان فى فلوسك
تمارا :- وانت مالك بتقول رأيك ليه وبعدين انا بحب ياسين وهو بيحبنى انت ايه دخلك ما بينا
يوسف :- بغيظ اه زى موضوع بدر صح
تمارا :- لاء المرادى بجد وانا موافقه وبصت لابوها وقالت بعد اذنك طبعآ يا بابا
عماد :- وانا موافق حددى معاه ميعاد وانا هقابله
يوسف :- لاء يا عمى ده اكيد بيضحك عليها حب ايه اللى فى شهر ده
تمارا :- وانت مالك يا اخى ايه البرود ده حياتى وانا حره فيها
سميحه :- وقفت وقالت بزعل يلا يا ولاد
سميه :- رايحه فين يا سميحه
سميحه :- كفايه اهانه لحد كده فى بيتك يا سميه شايفه بنتك بتتكلم ازاى
تمارا :- انا مغلطش فى حضرتك يا طنط انا برد الرد المناسب على ابنك
سميحه :- بس ده راجل مينفعش تغلطى فيه قدامنا كده أخص عليكى يا تمارا ده انا اللى مربياكى تعملى كده
تمارا :- يا طنط تربيتك على عينى وعلى راسى وحضرتك فوق راسى من فوق ومتزعليش منى بس انا مغلطش فيه هو اللى بيدخل فى اللى ملهوش فيه
سميحه :- خايف عليكى زى أخته يا بنتى ما انتو أصحاب من صغركم
تمارا :- اتنهدت وراحت باستها فى خدها وقالت متزعليش يا طنط حضرتك عارفه غلاوتك عندى قد ايه
يوسف :- بص ليها بغيظ وخرج من الفيلا ومشى
تمارا :- بصت عليه وهو ماشى بوجع وقالت عن اذنكم وطلعت على اوضتها وقفلت الباب وراها وقعدت على السرير وقالت انتى ازاى تعملى فى نفسك كده ازاى وحطت ايديها على راسها وقالت انا تعبت حياتى كلها باظت قرارتى كلها غلط فى لحظة اندفاع خلاص مبقتش قادره استحمل اكتر من كده كفايه بقى كفايه واترمت على السرير وقعدت تعيط وفى الوقت ده تليفونها رن بصت فيه لاقته ياسين ردت عليه بدموع وقالت ايوه يا ياسين
ياسين :- بخضه تمارا مالك بتعيطى ليه
تمارا :- ياسين انت عندك استعداد تتجوزنى
ياسين :- بصدمه اتجوزك
تمارا :- ايوه مش انت بتحبنى
ياسين :- ها م.م.مين قالك
تمارا :- مش وقت مين قالى يا ياسين رد عليا
ياسين :-ايوه يا تمارا انا بحبك بس وسكت
تمارا :- تتجوزنى
ياسين :- لاء
تمارا :- بصدمه ايه
ياسين :- انا عارف ان قرارك ده نتيجة اندفاعك من حاجه حصلت ليكى من يوسف وانا متعودش استغل الظروف عارف ومتأكد لما تقعدى مع نفسك وتهدى هتندمى على طلبك ده وهتقولى انا ازاى عملت كده علشان كده وفرت عليكى الندم ده ورفض من دلوقتى
تمارا :- بس انا فعلا تعبت نفسى ابدء حياتى واعيشها من جديد ومحتاجه حد يساعدنى على كده يا ياسين وانت الوحيد اللى هتقدر تعمل كده
ياسين :- سكت ومردش عليها
تمارا :- ها قولت ايه
ياسين :- ................