![](https://blogger.googleusercontent.com/img/b/R29vZ2xl/AVvXsEhWolJIdqGHcLRqcq6CE9c8j_5qMe_lnP1f8A1jc_wwm5soj9EdxRqxM0UV30t0wGxzKbDDH-J_H5xyi3nN2EPLexfPmYyXMqUxgTOc4Kx2-fCOTnZFZR9VkmJAnYDdjM9epsXsQ70Q3fcBwHy2kohXJGM3-ZHYOcYydFLBAjOBOBmSgHimkIhUgOLmqhw1/s320-rw/FB_IMG_1716658224528.jpg)
بعد وقت حور روحت وغيرت هدومها وكلت
لسه هتنام لقت مريم بترن عليها
حور: أى يروحى
مريم بعياط: حور انا هفضل قاعده هنا ومش هروح علشان أنا مش هروح تانى خالص
حور بصدمه:ازاى مش فاهمه فهمينى
مريم بعياط:بعد م أنتى مشيتى هيثم كلمنى (هيثم ده يبقا جوز مريم)
حور بقلق:طب أهدى وبطلى عياط وبراحه كده وفهمينى
مريم فضلت تعيط شويه وبعدين هديت وكل ده وحور معاها على الخط
مريم ببعض الهدوء: هيثم كلمنى وكنا بنتكلمو عادى ف بيقولى أى بقا أجى اخدك أمته قولتله متسبنى كام يوم مع ماما واهلى علشان واحشنى أوى لقيته قالى
فللللاش بوك
هيثم: أى يامريوم عامله ايه
مريم بحب:بخير ياحبيبى أنت عامل اى
هيثم بحب: وحشتينى أنتى والعيال
مريم: وأنت اكتر والله ياحبيبى
هيثم: ها بقا أجى اخدك أمته
مريم: متسبنى كام يوم مع ماما واهلى علشان واحشنى أوى ياحبيبى
هيثم بعصبيه: ازاى يعنى أنا كنت رافض أصلا إنك تباتى بره البيت علشان مش عايز أعود العيال على كده وقولت معلش ياهيثم تعالى على نفسك شويه دول أهلها خليها تقعد معاهم يوم بس أنتى تقدرى ده لأ طبعاً سوقتى فيها اكتر
مريم بحزن: أنت بتتعصب وبتعلى صوتك ليه فهمنى براحه وبعدين ماما تعبانه شويه ياهيثم لازم أقعد معاها
هيثم بعصبية:خلاص يبقا تجيبى العيال معايا وخليكى هناك عند امك
مريم بعصبية: أنا عيالى مش هيباتو بره حضنى وركز بقا فى كلامى كويس يا هيثم أنا مش راجعه تانى دى مبقتش عيشه كل حاجه لأ لأ لأ أنا هفضل قاعده عند اهلى لحد متتظبط وتتعدل ولو محصلش كده يبقا كل واحد فينا يروح ل حاله
هيثم بعصبية: اقفلى
وقفل فى وشها
باااااااااااك
مريم:وبس يا حور ده كل اللي حصل ولما حكيت ل إياد أخويا قالى هيبقا يتكلم معاه وقال أنتو الاتنين غلطانين
حور بتفهم: فعلاً أنتو الاتنين غلطانين بس أهدى دلوقتي وأنا هجيلك بكره إن شاء الله
مريم: إن شاء الله ماشى يحبيبتى هقفل معاكى دلوقتي علشان العيال هتنام
حور: ماشى يروحى تصبحى على خير
مريم: وأنتى بخير
وفى صباح يوم جديد على أبطالنا
عند حور صحيت من النوم وخدت شاور وصلت فرضها
حور: صباح الخير
كمال وفاطمه: صباح النور ياحبيبتي
حور: أنا نازله بقا الكليه وهطلع من الكليه هروح ل مريم علشان عندها مشاكل
فاطمه باستغراب:مشاكل أى يبنتى
حور:متخانقه هى وهيثم مع بعض
فاطمه بحزن:لا حول ولا قوة إلا بالله طب يحبيبتى مش تيجى تتغدى الأول
حور: لأ مهو أنا ممكن اخدها ونتغدوا بره أنا همشى بقا علشان اتاخرت
كمال:طب لما تخلصى وتطلعى من الكليه رنى عليا عرفينى ولما توصلى عند مريم عرفينى برضو ولو طلعتى بره تتغدو عرفينى علشان أكون عارف انتى فين
حور باحترام: حاضر يابابا ياله سلام
كمال وفاطمه:سلام
فاطمه: خلى بالك من نفسك يبنتى
حور: حاضر
حور وهى راكبه تاكسي وفى طريقها إلى الكليه شافت الواد إياد😂وهو كمان شافها😉
بس إياد ركز فى طريقه وكمل سواقه وحور كملت طريقها
وبعد مرور وقت حور خلصت الكليه ورنت على كمال
حور:الوو يابابا
كمال: أى ياحبيبتي خلصتى الكليه
حور:اه ياحبيبي....وهروح دلوقتي عند مريم
كمال:ماشى يا بنتي خلى بالك من نفسك
حور: حاضر ياله سلام
وذهبت حور إلى منزل عائلت مريم
حور رنت على مريم
حور: أى يامريوم أنا تحت البيت اهو
مريم: ماشى يا حبيبتي اطلعى
حور:البوابه مقفوله
مريم:طيب أنا نازله اهو
حور بتلف وراها لقت إياد
إياد:اذيك
حور:تمام الحمدلله
إياد:طالعه فوق صح
حور: اه
إياد:طب تعالى اتفضلي
وفتح ليها البوابه ومرضاش يطلع علشان هى متتحرجش
وطلعت حور ل مريم
مريم: الله مهى مفتوحه اهى
حور: إياد اللى فتحلى
مريم: أيوه ياعم أنت واياد بقا
حور:بس يبت مفيش حاجه بينا أصلا والله كل الموضوع إنه لقانى واقفه فتحلى أى اللى فيها يعنى
مريم:مع الأيام هتعرفى إللى فيها أدخلى تعالى
ودخلت مريم وحور
واياد طلع وألقى السلام ودخل اوضته
وبعد وقت حور ومريم اتكلمو مع بعض
حور: أنا همشى أنا بقا
وهنا إياد طلع
مريم: م تقعدى شويه ياحور
حور: لأ بقا علشان المواصلات
إياد:حد هيجى ياخدك ولا لأ
حور: لأ همشى لوحدى
إياد:طب اوصلك؟
حور: لأ لأ شكرا
إياد:طب تعالى اركبك
حور: لأ خليك والله شكرا
إياد:ياحور مينفعش الوقت أتأخر تعالى بس اركبك
وبعد إلحاح وافقت حور
سلمت على مريم والعيال ونزلت هى واياد
فضلو واقفين عشر دقايق ومكانش فيه مواصلات خالص
حور:شكل كده مفيش مواصلات
إياد: أه أصل النهارده اكتريت السواقين بياخدو اجازه
حور:طب أنا هاخدها ماشى بقا
إياد: لأ لأ تعالى وانا اوصلك
حور: لأ والله بجد أنا عايزه اخدها ماشى
إياد:طب دقيقه أنا معايا رقم عمى كمال هرن عليه
رن إياد على كمال
إياد: السلام عليكم اذيك يا عمى عامل اى
كمال: وعليكم السلام يبنى أى أخبارك
إياد: بخير الحمدلله بقول لحضرتك دلوقتي مفيش مواصلات خالص لأن اكتريت السواقين بياخدو أجازه النهارده وحور مش عايزه تركب معايا وقالت إنها عايزه تاخدها ماشى حضرتك عندك مانع أمشى معاه لحد موصلها علشان الوقت متأخر
كمال: لأ طبعاً يبنى معنديش مانع الوقت متأخر متمشيش لوحدها خلى بالك منها يااياد
إياد: حاضر يعمى
إياد لحور:عمى قالى خدها مشى معاها ياله بينا
حور مشت مع إياد
إياد حاطط أيده فى جيبه وماشى جنب حور
إياد:عامله ايه فى دراستك
حور: أهو ماشى الحال
إياد:ربنا يقويكى
وفضلو يتكلمو مع بعض وقت كتير
لحد م حور شافت...... وطلعت تجرى عليه وحضنته