![](https://blogger.googleusercontent.com/img/b/R29vZ2xl/AVvXsEgDbY83w5FYDQgyVa3L5PoBaw1OEPNsWM_GgbXFyjVqR4iGJM1er30PJqAIl8_-qIzt5embFwMBq47GzY4Kk4a-0-4HO_-IgGzIi7oBbdNr_AoL64DddnFSJiZeeVnLWVTIymFIL-OOI-z5cbL5xIcZpQitJ6RYih95HoNNQisW2GrvUTBW1WHWm0lWoCRh/s320-rw/img_1715775940125.jpg)
رواية سدره الفصل الثالث3والرابع4بقلم نعمه شرابي
سدرة.. مش عارفه ترد مزهوله من تصرف ماجد واول مرة يعمل كدا مع طالبه عنده
نفس الموضوع فارس مستغرب موقف عمه انه رن جابه من البيت من اجل ان يشرح لسدرة المحاضرات
فارس. انسة سدرة تحبي نقعد هنا ولا في الكافتريا زى ما تحبي
سدرة.. لاء لاء لاء في الكافتريا افضل
ماجد.. لاء هنا افضل عشان محدش من الطلبة يتكلم عليكى كلمة المكتب أهون يا فارس وانا عندى محاضرة الفرقة الاولي
هخلصها واجى مش تمشي غير لما اجى
ودى المحاضرات اللي فاتت الانسة
وخرج ماجد من المكتب وفضلت انا وفارس جلس امامى وبيننا طربيزة صغيرة يشرح عليها وانا أنصت لكل كلمه قالها حتي حفظت المحاضرة عن ظهر قلب كان طول ما هو بيشرح ينظر الي
الي ان جاءت اعيننا في اعين بعض
فارس..عيونك غريبة زى أسمك لا هى خضرا ولا هي رصاصي ونادرة
سدرة...لم أرد ووجهت وجهى الي الارض من شدة الكسوف فكان فارس شديد الجراءة التى لم اتوقعها
فارس..ارفعى وشك من الارض وتانى مرة اكلمك متعمليش كدا خليكى قوية
انتي مش خايفة اقول لدكتور ماجد انك
شتمتى علية ولا حاجة
سدرة..لاء مش خايفة لانى عارفة انك انسان كويس ومش هتقول له انا بس زهلت لما عرفت انه عمك بس فرق السن مش كبير قوى ده اللي استغربته
فارس.. عادى جدا هو مميز ومتفوق جدا ولعلمك انت واخدة فكرة غلط عن دكتور ماجد هو بس جد كتير مش شوية وصارم في تعاملاته بس من جواه انسان كبير وحنين وانا فعلا مش قادر احلل الموقف ده انه يجبنى اشرح محاضرات لطالبة عنده اول مرة يعملها
سدرة.. هههههههههههه الحال من بعضه انا النهارده المفاجأت نزله ترف علي دماغي من الصبح شئ خيالى انا فكرت هيتردنى من محاضراته طول السنه
تعرفش انت بيعمل كدا لية
فارس.. الله اعلم علمي علمك
انتى من هنا من القاهرة يا سدرة
سدرة.. لاء م آخر الجيزة اول طريق الفيوم في اول بيت وانت داخل الفيوم
فارس.. انا من الفيوم ودكتور ماجد
والعيله وبيتنا هناك طيب انتى بتروحى الزاى كل يوم كدا تعب عليكى
سدرة.. ولا تعب ولا حاجة بحضر العملي بس ومحاضرات دكتور ماجد ونور صاحبتي بتجيب لي باقي السكاشن والمحاضرات والحمد لله بذاكر
فارس..هو بيتكم قريب من شركة الادوية
سدرة.. اه احنا البيت ابو جنينه صغيرة اللي قبله لونه ابيض اه احنا البيت الابيض
فارس..ضحك عليها الشركة دى بتاعتنا
سدرة..اية ده هو عمار الرشيدي يبقي ابوك
فارس.. لاء عمى واخو عمى ماجد انا والدى متوفي هو ووالدتى واللي ربانى
عمى عمار.وماجد وجدتي ولي اخت
في اولي ثانوى اسمها ولاء
سدرة.. اية ده ولاء مجدى الراشيدى اختك دى صاحبة اختي سجى
فارس.. اه انت تعرفيها
سدرة ..آه بتيجى لاختي سجى كتير هما اصحاب من ابتدائي
فارس.. سجي المنصورى تبقي اختك
سدرة.. اه اختي وانا سدرة شحاته المنصورى وبلا فخر
فارس.ضحك طلعنا جيران وزيتنا في دقيقنا وطلما اخواتنا اصحاب نبقي احنا كمان اصحاب اية رئيك
سدرة.. بس مفيش صحوبية بين ولد وبنت بيبقي لها معنى تانى
فارس.. وهو دة المطلوب من اول ما شوفتك وانا مشدود لكي
سدرة ..وقفت وقالت استأذن انا عشان عندى محاضرة كمان ربع ساعة
فارس.. اهربي اهربي بلاش الضعف ده
سدرة.. عمرى ما ودخل دكتور ماجد
ماجد.. اية يا سدرة فهمتي من فارس
ولا لسة عاوزة حاجة أوضحها لكى
سدرة.. لاء شكرا يا دكتور استأذن انا
فارس.. انسة سدرة لو خلصتى ممكن اخدك في طريقي وانا مروح
ماجد.. اية ده انتم اتعرفتوا علي بعض
فارس.. لاء انا عارف سدرة من زمان
سدرة اخت سجى صاحبة ولاء اختى
ماجد.. بجد انت من بلدنا يا سدرة
اومأت براسها هى محرجة من كلام فارس الذى وضعها امام الامر الواقع
سدرة.. لاء يا دكتور فارس انا لسة عندى محاضرة وسكشن هحضرهم بعد اذنكم خرجت وانا في حاله لم استوعب فيها فارس وجرأته في الكلام ووضعه لي امام
أمام ماجد في هذا الموقف
ذهبت الى نورا وقصصت عليها كل ما حدث
نورا. . يا لاهوى يابت الواد وعمه واقعين
سدرة.. اتلمى يا نورا اصل وربنا ما عنت اقولك علي حاجة نهائي
نورا
.. نهائي كأس الأمم الإفريقية يلا يا هبله يلا نلحق المحاضرة خلينا نروح
سدرة.. يلا يا آخرة صبري
وعدى اليوم وفي اليوم التالي كنت قد قمت من النوم مبكرا وذهبت كي اجلب الفطار من داخل البلد فركبت دراجتى الجميلة.. التي تغنينى عن اى مواصله داخل بلدتي الصغيرة
وقفت امام محل الفول والفلافل وطلبت من البائع ان يجهزهم الي ان احضر العيش من الفران وارجع أخذهم وبعدما جلبت العيش واخذت الفطار وفي طريقى إلى البيت وجدت سيارة ورائي وصوت بوقها عالي حاولت اخذ جانب ولكنه تقرب منى حتى فلت زمام دراجتى ووقعت علي الارض ومر هو وقفت وشتمت من كان يقودها وقلت
مش تفتح ياحمار يا غبي افرض جرا لي حاجة كل هذا وانا انفض ملابسي من الغبار فترجل هو من سيارته ورفع نظارته الشمسية ونظر الي نظرة وعيد
ماجد.. الكلام ده لي انا صعقت
عندما نظرنا الي بعضنا
سدرة..ان
سدرة أنا أنا اسفة حضرتك بس معرفش انه حضرتك فكرتك واحد بيعاكس
أنا آسفه كتير يا دكتور ماجد
ماجد.. بزهول معقول سدرة تعجب عندما رائنى ارتدى بنطال من القماش الاسودالواسع وفوقه بلوز قصيرة من اللون الاسود وفوقها طرحه من اللون الموف ونظارتى الشمسية فوق راسي
ماجد.. اخر حاجة اتصورها اشوفك هنا انتى راحة فين
سدرة .. أنا أنا مروحه اصل اصل كنت بجيب فطار وعيش عشان نفطر قبل ما اروح الجامعة
ماجد.. وانت بقا بتروحى الجامعة بالباسكت دى ولا موصلات
سدرة.. لاء بروح بالمترو واوقات الباص
ماجد.. طب يلا الحقي افطرى علي ما اخلص شغلي في الشركة واخدك معاية في سكتى هستناكى قدام الشركة
سدرة.. ملوش لازمه خالص حضرتك متعطلش نفسك عشانى انا هروح لوحدى
ماجد.. انا قلت كلمه ومش هعيدها وركب سيارته وذهب واطلق الغبار وعلي ملابسي غضبت وقلت روح الله يعفر عليك يا بعيد منك لله مربيلي الرعب
في الجامعة وفي بلدى كمان
روحت وفطرنا واخدت شنتطي ووقفت امام باب البيت لا أجد ماجد امام الشركة يقف بطلته الساحرة التى تخطف قلوب الفتيات فقد كان وسيم للغاية يسند علي باب السيارة ويلبس نظارته الشمسيه
ونظر ناحيتى خوفت منه الصراحة
لانه شديد وصارم ولا يحب التجاوز
نظرت الي جانبي كى اتاكد انا امى لا ترانى فإن راتني سوف تجعل ايامى غامقة ولأتجنب كلامها
مشيت بجوار الحائط حتى وصلت الية
سدرة.. عافينى انا يا دكتور وانا هركب المترو بدل ما اعطل حضرتك يا دكتور
ماجد.. اركببي ومش عاوز كلام كتير
ركبت وانا متوترة وركب وعندما ركب
فاحت رائحة البرفيوم بتاعة يهوس
كدت اذوب في رائحته وسرحت بكلام نورا لي شكله واقع تبسمت دون وعي
ماجد.. اية حاله هستريا دى بتضحكى لوحدك خير ضحكينا معاكى
سدرة..هه لا ابدا بس كنت بفكر في ماما لو كانت شفتنى بركب مع حضرتك العربية كانت عملت اية فينا
ماجد.. هتعمل اية يعني انتى وراكي محاضرات لحد امتي
سدرة .. هخلص علي اربعة كدا
ماجد.. خلاص نروح سوا
سدرة.. لاء شكرا مش تتعب نفسك هركب الباص بيعدى في الميعاد ده شكرا لحضرتك يا دكتور
ماجد.. انا قلت كلمه ومش بعيدها والدك
شغال اية يا سدرة
سدرة.. بابا بابا انا اه شغال مدرس انجلش في مدرسة الثانوية اللي في بلدنا
ماجد..له دخل تانى غير شغله
سدرة.. لاء وآلله ماما طلبت منه كتير يعطى دروس خاصة وهو ديما رافض
بيقول حرام استغل الناس وبيساعد بفصول تقوية بالمدرسة
ماجد.. طيب وصلنا يلا عندى محاضرة
نزلت وأنا اخشي ان يرانى احد معه حتي لا يتكلم احد بكلمه واحده عني
نورا.. بت يا سدرة سرحانه في اية يا جذمه بكلمك م الصبح
سدرة.. اسكتي يا نورا معرفتيش اية حصلي النهارة يا لاهووووى
نورا.. اي اللي حصل يا اختي بت بقولك تعالي الاول نحضر المحاضرة وبعدين نتكلم واشوف اخرتها معاكى
دخلنا المحاضرة ولم نخرج فجلسنا بالمدرج وقصصت علي نورا ما حدث
نورا.. مش قلت لك واقع ومسبل ههههههههههه باضت لك في الافص يا بنت زينب ووقعتي في حبك ماجد
سدرة.. بس اكتمى انا مبحبوش ده اسلوبه مستفذ وبحس انه بارد عكس ابن اخوه عسول وقمر وروحه حلوه كدا يا لاهوووى
ع القمر فارس ده اى بنت تحلم يكون بطل روايتها ورمانسيتها العشق يا بت سعاد
نورا... معقول دكتور ماجد
صعقت ىسدرة ووقفت ونظرت خلفها لم تجد احد اخذت تضرب نورا إلى أن دخل
ماجد.. ووقف الجميع له تحية حتى قال
ماجد. .. أول واخر مره هسمح حد يدخل بعدى والنهاردة كله يطلع الكتاب
وحدد لهم بعض الصفحات التى لن يخلوا منها الامتحان وشرح محاضرته ولم تنزل عينه ومن علي سدرة طوال الوقت
وقف ماجد مكانه حتي انصرف البعض واثناء خروجى انا ونور
ماجد.. سدرة هستناكى في العربية
لم اتمالك نفسي وضغطت بيدى علي يد نورا وانا ارتعش من مجرد كلامه
سدرة.. بت يا نورا انا مش عارفه هو عاوز منى اية ده لو امى شافتنى نازله من عربيته تسود عشتي ومش بعيد تشرشحله ما انت عارفها
نورا.. روحى زمانه واقف احسن يطلع عفاريته عليكى واحنا مش ناقصين
كل هذا الكلام وماجد يقف خلف الباب سمع كل كلمه بيني وبين نورا
ذهبت الي السيارة وجدته جالس بداخلها
شاور لي كي اركب
ماجد.. اية سنه علي ما حضرتك تيجى
ومتخفيش الست والدتك عارفة من امبارح انك جناب السنيورة سدرة هتروح وتيجى معايا لانى بعت زوجت اخى لها
طلبت ايدك منها وهقابل الوالد النهاردة
سدرة.. اتلجمت ومقدرتش ارد وقد فتحت فمى من الصدمه
ماجد.. اقفلي بوقك اية
سدرة... بس بس مينفعش خالص
ماجد.. هو اية اللي ما ينفعش انا طالب اتجوزك عيب ولا حرااااااام
سدرة.. بس انا مش موافقة لسة وقطع كلامى انه اوقف السيارة مرة واحده وكان الطريق لا يوجد علية الا سيارت قليلة
ماجد.. نعم سمعيني كدا قلتي اية
سدرة.. انا انا مش موافقة
ماجد.. لية ان شاء لله مش قد مقام سعادتك ولا جناب السنيورة في حد في حياتها وشاغل بالها
سدرة.. ابدا انا اللي مش قد مقام حضرتك ولسة
الفصل الرابع
سدرة.. بس انا مش موافقة لسة وقطع كلامى انه اوقف السيارة مرة واحده وكان الطريق لا يوجد علية الا سيارت قليلة
ماجد.. نعم سمعيني كدا قلتي اية
سدرة.. انا انا مش موافقة طبعا
ماجد.. لية ان شاء لله مش قد مقام سعادتك ولا جناب السنيورة في حد في حياتها وشاغل بالها
سدرة.. ابدا انا اللي مش قد مقام حضرتك ولسة قدامى سنه وهكمل تعليمى الاول وبعدين افكر في الموضوع ده
ماجد بغضب وامسك يدى.. نعم مسمعتش وبيضغط علي يدى سمعينى كدا تانى
تمحي كلمه مش موافقة ده من قاموس حياتك احسن وحياتك عندى هتشوفي عيشة تانية غير العيشة اللي انتى عيشاها
سدرة.. لولو لو سمحت ايدى بتوجعنى
ماجد.. اولعي انا جاي لابوكي النهاردة وردك علية يكون بالموافقة
وحرك السيارة وصلنا امام البيت وسحبني الية وهمس لي هتوحشينى يا سوسو
نزلت اجرى الي داخل المنزل وقابلت أبي
بابا.. سدرة حبيبتي اية اخرك كدا
سدرة.. أبدا انا جيت بدرى النهاردة
بابا.. طيب غيري وصلي وتعالي يا بنتي عاوز اتكلم معاكى فى موضوع مهم
سدرة.. حاضر يا بابا وبدلت ملابسي وصليت العصر وجلست اقرأ في كتاب الله وغفوت علي سجادتى وجائنى نفس الحلم الذى حلمته وصحيت علي يد ابي
بابا.. سدرة قومى يا بنتى نامى ع السرير
سدرة.. اسفة يا بابا نمت ونسيت حضرتك
اصلي صاحية من بعد الفجر
بابا.. تعالي يا بنتي عاوز اتكلم معاكى
وجلست انا وابي علي الكنبة الصغيرة والمتوسطة الموجودة بالغرفة
بابا.. شوفي يا قلبي انتى جاى لكى عريس النهاردة جاى هو واهله بعد العشاء
وقلت اقولك تجهزى نفسك عشان تقعدى معاه وتتعرفوا على بعض هو من هنا من بلدنا واستاذ عندك في الكلية قابلية يا بنتي ولو مش موافقة مش هغصبك ع الجواز غير من اللي انتى تختاريه
سدرة.. بس انا رافضة المبدأ من الاول مش عايزة حاجة تعطلنى عن مذاكرتي
واجيب امتياز واتعين في الكلية
بابا.. طيب يا بنتي اللي تشوفية بس اقعدى معاه وبعدين نرد عليهم بالرفض
سدرة... قبلت ابى ربنا يخليك يا بابا
وميحرمنيش منك يا احن اب
وخرج وانا ارتديت ملابسي عبارة عن بنطال قماش واسع من اللون البنى وجاكت بنى اللون وقميص حرير من اللون الاصفر وطرحة مزيج من اللونين الاصفر والبنى وحذاء بيتى ««كروس»» ودخلت المطبخ جهزت ثلاث صوانى الاولي عليها أكواب العصير والثانية الجاتو والثالثة فاكهة وانا اعدها رن جرس الباب وفتح ابي لهم فقد كان والدته ماجد السيده
عواطف وزوجة اخية الاكبر السيده هدى
وفارس واخية الأكبر عمار وولاء اخت فارس دخل الجميع وعندما رئتني ولاء بالمطبخ جرت علينا انا وجنى ووقفت معنا فقد كان مطبخنا حديث مطبخ امريكى والصاله الكبيرة بها سفرة وركنة كبيرة وفي الوجة ارچ صالون كبير وبجواره محراب الصلاة وكنت اقف بجوار جنى وولاء ورفعت عينى ارى من بالصالون وعندما نظرت وقعت عيني علي فارس ونظر الي نظرة الم شديدة
عندما رايتها تقطع نياط قلبي علية
ونظرت علي ماجد وجدته وعينه علي نظرة فارس لي ونظر لي وجدنى انظر الية نظرة حب واستسماح
طلب ابي ان اقدم واجب الضيافة
وقدمت الصوانى انا والبنات
وجلست بجوار امى واذا بماجد يميل علي اخية عمار لا اعلم بما يهمس له وبعدها
عمار... أستاذ شحاته احنا النهاردة جاين نطلب منك ايد كريمتكم الدكتورة سدرة
لابن اخويا الدكتور فارس
وقفت مرة واحده انا وفارس وقد تلونت اعيوننا بلون الفرحة وقد نسينا العالم من حولنا ونحن ننظر إلى بعضنا واكمل
ماجد الخطوبة بعد الامتحانات وان كان بعد موافقة الانسة سدرة نقري الفاتحة
كل هذا دار تحت زهول امي التى تابعت
كل الكلام وظلت مصدومة من طلب عمار الذى ارسل زوجته لطلب سدرة لماجد
فكانت امى فرحة جدا وتريد ماجد
ووجدت ماجد ينظر لها نظرة لم افهمها
الي الان الجمت لسان امى عن الكلام
شكر فارس اعمامه وطلب من ابي ان يجلس معي بعض الوقت ودخلنا انا وهو الفرانده وكنت اقف وكانى ملكت الدنيا وما فيها ولم اصدق ما انا به فقد كنت اكن مشاعر حب صادقة لفارس ولكنى مازلت في صدمتى من كلام ماجد لي اليوم ومن موقفة وطلب خطبتي لابن اخية
فارس.. سدرة انت فين انا مش مصدق ان عمى عمل كدا انا كنت جاى جوايا حزن كبير لانك هتكونى لغيرى حتى لو كان عمى انا عاوز اعرف رئيك موافقة علية
سدرة.. ولا انا كلام عمك الصبح غير كلامه دلوقتى مش مستوعبة اللي حصل يا دكتور فارس مش فاهمه لية
فارس.. انا سعيد جدا ان شاء لله هتكونى من نصيبي اية موافقة
سدرة حركت راسي علامه علي الموافقة
ماجد.. فارس ممكن تسيبنى مع سدرة
عشر دقايق. استنانى مع عمك برة
فارس.. حاضر يا عمى بس كنت عاوز موافقة الانسة سدرة الاول
سدرة.. نظرت له وقالت اللي بابا يشوفه
خرج فارس وسحبنى ماجد من يدى
وجلسنا انا وهو علي المرجيحة الصغيرة التى في البلكون
ماجد.. اسمعينى يا سدرة في الكلام اللي هقوله ده وامسك يداى بين كفية
أنا حبيتك من وانتى
ماجد.. انا بحبك من وانتى في الفرقة التانية واستنيت كتير للظروف اللي أقدر اكلمك فيها ولما سمحت الفرصة قلت ادخل البيت من بابة أنا كنت جاى النهاردة
عشان اخطبك لي بس لما شوفت الحب في عيونك انت وفارس فارس انا فضلت الانسحاب عن انى ادمر قلبين وخاصة قلب فارس ..فارس ده مش مجرد ابن أخ لاء انا ربيتة رغم فرق السن بسيط
هو مش ابن اخويا وبس لاء وابنى وصحبي وأخويا الصغير فايريت تحطيه في عيونك وانا هسيبلك فارس امانة تحافظى عليها واتمنى لكم السعادة
وفرت الدموع من عين ماجد الذى وقف سريعا واخذنى بين احضانه قائلا
ماجد.. مبروووووك يا قلب ماجد آنتى تستاهلي كل خير وقبل جبينى كل هذا ولم تنطق شفتاى ببنت كلمه واحده فكلامة نزل علي كالصاعقة
ماجد..سدرة موافقة علي فارس
سدرة..اومأت براسي من فوق لاسفل عنوان انى موافقة
ماجد..طيب يلا ندخل عشان محدش
يقول اتاخرنا ومن هنا ورايح انى أخ كبير لكى وان احتجتى اى حاجه كلمينى
سدرة..حححاضر
دخلت الي الصالون وتمت قراءة الفاتحة
فرحت انا وفارس
وقامت سجى وجنى وولاء بتشغيل اغانى
ورقصوا البنات وانا وفارس في عالم آخر
تنبهنا منه عندما استاذن عمار للذهاب هو وامه وزوجته وولاء
ماجد.. أستاذ شحاته بعد اذنك هاخد سدرة وفارس يتعشوا برة
وافق ابى وذهبت انا وفارس وماجد لمطعم في فندق شيرتون القاهرة
جلسنا لتناول الطعام وفوجئت بماجد
قام استأذن وطلب من النادل وضع الطعام لي ولفارس فقط ولاول مرة ارى ماجد يدخن السجائر وعيونه بها ووهج احمر شديدة الاحمرار خوفت في داخلي
سدرة.. فارس انامش عارفه ليه عمك غير كلامة واحنا قاعدين وطلب ايدى لك بدل منه انا من وقتها مش مصدقة كل اللي حصل وقالي اخد بالي منك واوعي ازعلك خايفة يا فارس نكون كسرنا قلبه مش عارفة هو صعبان علية
فارس.. عمى ماجد ده احن قلب في البيت كله هو آه فرق السن بينا مش كبير
بس حسيت فية حنية أبويا ودايما هو اللي بيقف في صفي انا وولاء قدام عمى عمار حتي في نصيبى في الشركة هو اللي وقف لعمى عشان اخد نصيب بابا
واللي عمله ده حاجة قليله بالنسبه لحنيته
سدرة.. ربنا يارب يفرح قلبه زى ما فرح
قلوبنا ويسعده
فارس.. آمين يارب
وانهينا الطعام ونظرت الي مكان ماجد
لم اجده قلقت وقلت لفارس
فارس.. ممكن يكون راح الحمام
سدرة.. طيب هقولك اروح الحمام واجى نمشي عشان تأخرنا كتير
وانا في طريقي الي الحمام صدمت بماجد
وكدت ان اقع ولكن حاوط خصرى بيده
ونظر في عيني ونظرت الية وجدت حب
كبير وألم وتحسر في نظرته لي
كح كح كح ممكن تسيبنى
ماجد.. آه اسف بس اخاف توقعي
سدرة.. لاء مش تخاف بعد اذنك
ماجد.. اتفضلي وياريت بسرعة من شان نروح انا قلت لولدك مش هاخرك
ذهبت الى بيتى وانا في حاله ذهول من ما حدث اليوم وذهبت للنوم
انتي لازم تموتي انتي اخدتي حته من قلبي مش ممكن اسيبك عايشة فاهمة
انت مين وعاوزة مني اية سيبني في حالي انا بحب فارس عاوزة منا اية
فااااارس فااااارس الحقنى اية انتى وخدانى فين
وخداكي لفرحك يا عيونى انت عروسةفارس وفرحك النهارده
فين فارس والناس دى لابسين اسود لية
والناس التانية لابسة ابيض فارس فين
فارس انت هنا مين الست دى رد علية
فارس لية كرفت احمر وجاكت احمر لية
فارس اية الدم ده فارس رد الله يخليك
انا خايفة متبعدش متبعدش متسبنيش فااااااااااارس
وصحيت علي رنين المنبه قمت واتوضأت واسغفرت الله وصليت الفجر وجلست اراجع دروسي وبعدها ذهبت لاحضر الفطار وفي طريقي رأيت سيارة ماجد أمام الشركة اكملت طريقي وكل تفكيرى
في ذلك الحلم الذى راودنى في الليل
جلبت الفطار وجهزته وبعدها اخذت كتبي وذهبت الي التله التى تبعد عن البيت بضعة خطوات فكانت هذه التله هي ملجأي الامن وملاذى وقت الضيق ووقت مذاكرتي جلست افكر فيما دار وما حدث بعدا فلم اري امى منذ البارحة حتي اثناء الفطار لم تكن بالبيت وسألت بابا قال ذهبت الي السوق اثناء ما كنت اجلب الفطار لكن هناك شئ وراء صمت امى هذا فهى لن تجعل الامر يمر هكذا يا ترى ما وراء صمتك هذا يا امي
رن هاتفي برقم غريب ولم ارد ف انا دائما لا ارد علي ارقام غريبة
رن الهاتف مرة أخرى وعدت مرات ولم ارد حتي وصلتني رساله من نفس الرقم
💠ردى يا قلب الفارس يا سدرة عمرى💠
انشرح قلبي ونسيت كل ما كنت افكر به
رن الهاتف مرة أخرى
فارس.. وحشتيني انتي فين صباح الخير يا قلب وعمر فارس
سدرة.. صباح الورد والياسمين يا يا دكتور فارس .. دكتور وانا خطيبك انا جيت اخدك عشان نروح ننقي شبكتك والفستان
اصلي هتلبخ في الامتحانات ومش هنعرف ولا نلحق نجيب حاجة يلا
سدرة.. حاضر دقايق واكون في البيت
فارس ..انت فين انا جاي اخدك
سدرة.. ع التله اللي في اول البلد
فارس.. ثوانى انا جايلك اخدك
دخلت البيت ومعي فارس واذا ب أمي
ماما.. انت جاى هنا بصفتك اية ان شاء لله
واوعي تفكر انى موافقة انك تاخد بنتي
بابا... زينب
يتبع