رواية احتواء القاسي
الفصل الرابع عشر14
بقلم سوسو تويكس
انا كده بطبعي ما بحب زول يصرخ ويفرط قرارو على مهما كان، واثناء ما بتناقش مع معتصم جبتا سيره امنيه من غير قصد ما فضل ليهو الا يضربني كف من الغضب بلعتا ريقي بخوف وانا شايفه عروقو برزو من الغضب قالي بفحيح:انتي تطولي تكوني زي امنيه، قايله نفسك منو انتي هاا؟ورب المصحف الشريف تاني تجيبي سيرتها بسكنك المقابر، اسمها ساي في سرك ما تقولي مفهوووم_بقيت اشهق من البكا، بكا زعل بدل
خوف، معقوله لسه بحبها للدرجه دي يا ما وعيت الا على يدو وهو جاريني ورماني جوا غرفتي وقفل الباب بالمفتاح، بقيت اضرب في الباب وابكي بحرقه ما دام بحبها للدرجه دي خليني ابعد لي مصر ما اطلع _بعد ساعه من الكلام ده في زول فتح الباب طلع ده هو الحيوان عايزه انفصم فيهو سكاني وهو بقول:صلحي طرحتك وغطي شعرك ده عشان ح تنزلي تحت ابوي وخالك وولدو بكري جو عايزنك في موضوع_احترتا طبعا موضوع شنو ده؟، عايزه اطلع من الغرفه قالي بهدؤ :لو بكري اتقدم ليك بتوافقي؟ _لينه:ولد خالي وصديق طفولتي ماف منو اتنين اكيد ح اوافق _قلتا كده عشان اغيزو واسدتا حق الكلام القالو لي بس ردة فعلو بارده جدا نزل وخلاني
بفكر في سال كده لشنو؟، جاتني ملاذ قالت لي:عايزنك تحت_عرفتا الموضوع ده كبير، نزلتا معاها لقيت عمو سليمان معتصم وخالو وولدو بكري، أما خالتو ساميه وملاذ ديل لاحظتا ليهو في المطبخ _سلمتا عليهم واتونسنا حبه ومن غير مقدمات خالي قال:والله يا بتي انا جيت عايزك لي ولدي بكري من زمان وقبل ما امك تتوفى وحسي بقيتي اخر ذكرى منها وما عندك ولي من بعد المرحومه عشان كده جيت طلبنا يدك بس اتفاجأتا بي انو سليمان برضو قال عايزك لي ولدو معتصم وفتح الموضوع ده برضو مع امك من قبلي ما تتوفى، (سكت مسافه وقال:عشان كده معاك لي بعد بكرة تفكري عشان بكري راجع لي سغلو الفي امريكا في الأسبوع ده،يعني يا معتصم يا بكري والاخترتي داك نحنا وعمك ما عندنا مشكله المهم تكوني قريبه مننا _اتصدمتا شديد حاسه حلم حلم عاينتا لي معتصم لقيت ملامح عاديه وبعاين لي ببروود، احترتا دي مشكله شنو الانا وقعتا فيها دي..
يتبع