رواية حلم واقع الفصل الاول1الثاني2بقلم رانيا عماره
لين:ماما من فضلك انتي متأكده اني عمري مااكدب في اي حاجه انا فعلا شوفته، كل يوم بيجيلي في الحلم، ارجوكي صدقيني
منال :يا لين بلاش وجع دماغ يابنتي انا عندي ميتينج بكرا الصبح، يعني لازم اصحى مفوقه وإلا مش هعرف اشتغل ابداا
لين(بندم) :انا غلطانه ياماما ان حكيتلك اي حاجه بعد كل ال بتعمليه معايا، من الواضح اني كنت لازم ارجع اعيش مع بابا
منال(بتريقه) :وانتي فكرك ان ابوكي هيعمل معاكي زي مانا عملت معاكي، ابوكي دلوقت مع واحده تانيه عارفه يعني ايه واحده تانيه يعني مش فاضيلك عنده اسره تانيه غيرك ومن امتي بيسأل فيكي، روحيله يا لين وانتي عارفه ومتأكده انك هترجعيلي تاني وكلك ندم
مشيت لين وهي مش مهتمه ل كلام مامتها لان السيناريو ده بيتكرر كل يوم لحد ماحفظته
لين(بتحاول تهدي نفسها ف أوضتها) :كنت عارفه.. كنت عارفه ان كل ده هيحصل.. محدش فيهم مهتم بيا.. محدش فيهم عارف يعني ايه بنت عايشه في اسره مفككه.. لحد امتي هفضل كده.. لازم اعتمد علي نفسي
تتصل صاحبتها نور
لين(بصوت مهزوز) :ايوه يانور
نور:مالك يالين فيكي ايه صوتك ماله؟
لين(بتتمالك اعصابها) :مفيش حاجة
نور:الكلام ده عليا انا برضه يالين ده انا حافظاكي كويس جدا
لين :نور انا محتاجه اشتغل تعرفي حد محتاج ناس؟
نور(بإستغراب) :ممم اه اعرف بس من امتي وانتي بتشتغلي يالين؟
لين:عادي هعتمد علي نفسي
نور:اوكي هقابلك بكرا ف الجامعه في كلام كتير لازم نقوله
لين:ماشي تصبحي على خير
نور:وانتي من اهله
نامت لين وهي دموعها علي خدها ومش عارفه هتعمل ايه في حياتها المقلوبه دي مفيهاش جانب واحد حلو يهون عليا وتاني يوم صحيت وعينيها وارمه من كتر العياط ووشها أحمر.. لبست نضارتها وراحت الجامعه
لين(بتتلفت حواليها) :راحت فين بس ماهي قالت هنتقابل بكرا.. وبعدين بقي عمرها ماجات بدري مره
وراحت قعدت وحطت راسها علي شنطتها صحيت لقيت نفسها ماشيه ع البحر
لين:انا فين؟؟ جيت هنا ازاي؟
لين(بتنده) :حد يساعدني انا معرفش انا هنا بعمل ايه؟
يجي شاب وسيم
لين(بإستغراب) :انت تاني؟
الشاب:تعالي يالين
وشدها وخدها قعدوا علي ترابيزه فيها اكل وحواليهم ورد وشموع
الشاب:كل ده انا عملته علشانك يا لين
لين:انت مين وعايز مني ايه؟
الشاب:انا الحلم ال حلمتيه وصحيتي بتسألي نفسك وبتقولي ده حلم ولا خيال
لين:بس انا...
الشاب:بس متقوليش حاجه خلينا نستمتع بالمنظر الجميل ده وبالمناسبه انا جايبلك هديه بسيطه، اتمني تقبليها مني 💞
لين:ايه ده حلوه اووي السلسله ميرسي
الشاب :ممكن تلبسيها اشوفها عليكي
صحيت لين من حلمها علي صوت صاحبتها نور
نور(بعصبيه) :انتي يازفته ردي انتي جايه تنامي هنا.. لين فوقي انا بصحي فيكي من بدري
لين(بتفوق) :ايه نور؟
نور:اه ياماما نور انتي منمتيش كويس امبارح ولا ايه ولا جايه تنامي هنا
لين: اسكتي يانور انتي انسانه فصيله
نور:فصيله دي تقوليها لما اصحيكي وانتي ف بيتكم، انما احنا ف الجامعه ياماما يلا ورانا محاضرات كتير اوي
في حين ان ماجده عمه(لين) قاعده علي الكنبه بتقرا الجرنال
ماجده:ياخبر ده الأسعار ارتفعت اوي هعمل ايه ف عزومه خطيب البت هبه(بنتها)
هبه:صباح الخير ياحجه
ماجده :يااهلا ياختي هو كل يوم صحيالي متأخر والاكل ال ورانا نعمل في ايه
هبه:جرا ايه ياماما ماخلاص قولتلك نعمل حاجات بسيطه ل سامي(خطيب هبه)
ماجده :وهما دول بيعجبوهم العجب ولا الصيام ف رجب يابت ولا انتي مش هتكملي ف ال اتفقنا عليه
هبه:خلاص حاضر
يرن الجرس
ماجده :قومي افتحي شوفي مين ع الباب
تقوم هبه تفتح
هبه:ازيك ياخالو تعالي شوف اختك عامله فينا ايه
فتحي:ايه ياماجده مزعله بنتك ليه
ماجده :وانا عملتلها حاجه يافتحي مانت عارف بنات اليومين دول بيقفوا ع الواحده اما قولي عامل ايه انت ومراتك وبناتك
فتحي(بيتنهد) :يااه فكرتيني ليه ياشيخه يعني انا هربان منهم اجي هنا تفكريني بيهم
ماجده:بنتك لازم تجوزها ل عدلها ال يسترها ويستر عليها كفايه عليها دي كبرت
فتحي:وانا ياختي كنت اشتكيتلك وبعدين انا مالي هعملها ايه يعني خلي امها تراعيها هي مش طلبت تكون حضانه البت معاها وهي صغيره
ماجده :ياما قولتلك بلاش منال دي مش من توبنا هتبهدلك وهتطلع عينك قعدت تتنحنح وتقولي بحبها ياماجده اديك اتجوزتها وجيبت منها البت واديتك الصابونه
فتحي:ماتتعوجي وتتكلمي عدل هو انا جاي علشان تقطميني وبعدين ماعاش ولا كان ال يديني الصابونه انتي نسيتي انا ال عملت ايه ولا احنا هنكدب الكدبه ونصدقها مااحنا دافنينه سوا ياختي
ماجده :على رايك المهم سيبك من كل اللت ال فات ده دول فلوس الجمعيه واصبر ع الباقي بعدين
نرجع ل لين ونور في المحاضره
لين(بصوت واطي) :انا عايزه امشي
نور(بصوت واطي) :مانتي عارفه الدكتور ده كلامه مابيخلصش بيلت زي الستات بالظبط
لين(بتضحك) :على رايك هو فعلا مابيبطلش
نور:هانت اهي وهنخرج يامسهل يارب
لين:اسكتي بقي الا يطردنا
نور:يطرد مين هو يقدر
الدكتور:انتي يالي بتتكلمي هناك قومي
نور(بخوف) :ده سمعني.. انا؟
الدكتور:امال امي.. قومي
نور:-------
الدكتور:انا كنت بقول ايه
نور:-------
الدكتور:طبعا مش عارفه من كتر الرغي تعاليلي وهاتي الكارنيه بتاعك
ف جابت الكارنيه وراحتله
الدكتور:بعد كده لما الدكتور يتكلم تتخرسي ومسمعش صوتك وعلفكرا انا مش هدخلك انا هسيبك برا وهعمل معاكي الواجب ف اعمال السنه
شاب(بيستظرف) :وتعمل معاها الواجب ليه يااستاذ هي عيله صغيره ماتعمله هي
*الدفعه كلها بتضحك*
الدكتور (بعصبيه) :اطلع يامحترم علشان نعمله احنا التلاته مع بعض وبعد المحاضره تيجوا ورايا ل مكتب العميد علشان نحل الواجب... يلا نكمل المحاضره الجايه
نور:يانهار اسود هي وصلت للعميد
لين(بتضحك) :استحملي بقي انتي ال جيبتيه ل نفسك
نور:مانتي كنتي بتتكلمي انتي كمان ولا هو حلال ليكي وحرام ليا بس مااشي انا مش حضرالك محاضرات تاني
لين(بتضحك) :ده ان ادوكي فرصه جديده 😂
نور(بغيظ) :ماشي
ومشيت ولين رجعت البيت لانها كانت تعبانه ومكنش في حد ف البيت غيرها هي والكلب بتاعها (ريكو)
لين:ريكو عامل ايه وحشتني
وبتحضن الكلب
لين:حاضر هجهزلك الاكل بس هغير الاول
ودخلت غيرت وعملتله الاكل بتاعه ودخلت تنام
لين:انا بعمل ايه هنا؟
وكانت لين ماشيه في شوارع فاضيه مفيهاش حد تماما والشمس كانت بتغرب ف لقيت كلاب مفترسه بتقرب منها جسمها بدأ يترعش وفضلت تجري لحد ماحد شدها ودخلها ف أوضه جوا وحط ايده علي بؤها
الشاب :متخافيش
لين(بتنهيده) :ان.. انت تاني؟
الشاب (بإبتسامه) :متخافيش طول مانتي معايا يا لين انا هحميكي من اي حاجه ممكن تإذيكي انا هنا لحمايتك.. حمايتك وبس يا لين!
لين(بخوف) :عايز مني ايه وانت مين اصلا؟
الشاب :مش مهم انا مين المهم اني هحميكي
وشدها وقعدوا ع الارض وكان بيديها اكل وبيطمنها وبيحسس على شعرها
لين(بتبعد ايده) :من فضلك
الشاب :اسف بس شعرك ناعم جدا
لين:شكرا
الشاب :العفو بتحبي تاكلي ايه
لين:مش بحب حاجه
ف سمعوا صوت الكلاب دخلت والكلب كسر الباب ونط علي لين ف صحيت لين وهي مخضوضه
لين(حاطه ايديها على قلبها) :وبعدين كل يوم كده
وطلعت البلاكونه تشم شويه هوا
لين(بتبص للسما وبتعيط) :هفضل لحد امتى وحيده، كان نفسي اعيش في اسره مليانه حب وأمان واطمئنان.. ملقتهمش ولا عمري هلاقيهم
ف حسيت بحاجه وراها ف اتخضت وبقيت تلف نفسها بالراحه بس طلع الكلب بتاعها
لين :تعالي ف حضني مليش غيرك
*وحضنت الكلب بتاعها*
وبعدين الباب خبط قامت لين وفتحت
لين:ماما!
مامتها:كنت عايزه اتكلم معاكي في موضوع مهم جدا بس اتمني متزعليش
لين(حزينه) :موضوع ايه اتكلمي؟
منال:انا هتجوز
لين:هتتجوزي؟
منال:انا اخدت القرار يا لين انا مش باخد رايك انا بعرفك مش معقول تكوني في نفس البيت ومتعرفيش اتجاهاتي الجايه، قبل اي كلمه لازم تفرحيلي وتعرفي ان ده من حقي، زي ماكان من حق ابوكي انه يختار حياته ويتجوز!
لين(بحزن وعياط) :خلاص كل واحد فيكم قرر يعيش حياته؟ عايزين مني ايه؟ مادام كل واحد قرر يختار حياته انا اعمل ايه؟
منال:عيشي وافرحي خصوصا انك مابقتيش صغيره
لين(بتمسح دموعها) :مفيش مشكله روحي ياماما وكملي حياتك انتي بس انسي اني موجوده، عن اذنك
وسابتها ومشيت راحت أوضه تانيه ونامت علي الكنبه وغمضت عينيها وراحت في النوم
الشاب:بتعيطي ليه، متعيطيش
وبيمسحلها دموعها وهو مبتسم
لين(بحزن) :مابقتش عارفه اعمل ايه، الحزن مكتوبلي، دايما حاسه اني غريبه حتي وسط حبايبي
الشاب :انا معاكي يا لين هتلاقيني دايما في ضهرك وقصاد عينك مش هغيب لحظه
لين:بتعمل كل ده بصفتك ايه؟
الشاب :بصفتي..
لين :كملها من فضلك
الشاب:بصفتي حد بيحبك
لين:بس انا معرفش انت مين ولحد دلوقت معرفش اسمك؟
الشاب (بدأ يدايق) :مش مهم قولتلك مش مهم
لين:خلاص خلاص اسفه
صحيت لين من نومها وهي قلبها مقبوض كان النهار طلع قامت لبست عالطول وخرجت واول مكان راحته مكتبه بتبيع ادوات الرسم وخدتهم وراحت قعدت في كافيه وبدأت ترسم
لين :مممم مش فاكره ملامحه اوي بس هرسم ال انا عارفاه وهكمل بعدين
يجي شاب تاني من بعيد
الشاب :صباح الخير
لين:صباح النور
الشاب :انا اسمي ياسر
لين:اهلا بيك في حاجه؟
ياسر:انا اتضحلي ان حضرتك بتحبي الرسم وواضح ف كنت حابب اساعدك لو حابه تعرضي موهبتك دي في جاليري
لين:طيب اتفضل اقعد
ياسر:شكرا
وقعد
لين:انا مش عايزه اعرض موهبتي ولا اي حاجه انا بخرج طاقتي السلبيه مش اكتر
ياسر :اوكي علي العموم ده الكارنيه بتاعي منين ماتحبي تعرضي موهبتك كلميني
لين:ميرسي
ياسر :عن اذنك
وهي بترسم نامت علي نفسها
الشاب(متعصب) :قعدتي معاه واتكلمتوا يعني
لين:انت مش من حقك تدايق علشاني
الشاب :من حقي يا لين انتي ليا
لين:انا مش ليك وانت مجرد حلم بدأ وهعرف ازاي انهيه انت شخص ملكش وجود
الشاب:بتنكري وجودي ومش معترفه ب حبك ليا انتي عارفه انتي بتعملي ايه
لين:انا مش بحبك انت ال عايزني احبك وخلاص انا اصلا معرفش ايه بيحصلي؟
الشاب(بزعيق) :انا حقيقه مش حلم افهمي بقي!
صحيت لين علي صوت الويتر
الويتر:حضرتك كويسه يافندم؟
لين:ايوه
الويتر:تحبي تشربي حاجه؟
لين :لا ميرسي
وخدت حاجتها ومشيت ف لقيت نور صاحبتها بتتصل عليها
نور:ايه يا لي لي عامله ايه ياحبيبتي
لين:الحمدلله انتي عامله ايه
نور:كله حلو اما قوليلي انتي فين؟
لين:انا برا كنت بشتري شويه حاجات
نور:محتاجاكي نروح نتغدا سوا
لين:لالا خليها مره تانيه
نور:ليه يابنتي
لين :عادي معلش خليها يوم تاني انا اصلا هروح عايزه ارتاح شويه
نور:ماشي ياستي بس المره الجايه مش هتعرفي تهربي مني وهتيجي غصب عنك
لين:لا متقلقيش انا عند كلامي
رجعت البيت علي الساعه٤ لقيت ناس عندهم
منال:تعالي سلمي علي اونكل فريد
لين:اهلا
فريد:اهلا بنتك دي يامنال
منال(بتضحك) :ايوه انت مش شايف الشبه ال بينا ولا ايه يافريد
فريد(بيضحك) :لا لو جينا ع الشبه ف هي احلي
منال(بتضحك) :كده ياراجل طيب خليك فاكرها بقي
لين:طيب انا هدخل
ورجعت اوضتها
عند ماجده وهي واقفه في المطبخ بتكلم نفسها
ماجده(بتتنهد) :هو مش جايب مفعول ولا ايه ماالبت الكبيره اتجوزت والدنيا كانت ماشيه فل حصل ايه بس
يرن تليفونها
ماجده:ايوه في ايه ياحاج محمد مانت قولتلي انه زي الفل وماشي مع كله ولا انت بقيت تخم وفاكرنا واقعين علي ودانا
الحاج محمد:ياست الكل ومين قالك بس الكلام ده مانا مديكي المضمون والسليم كله انتي بس ال شكلك استعملتيه غلط
ماجده:ع العموم انا هرجعلك تاني ولو خدته منك ومعملش مفعول مليش تعامل معاك تاني
الحاج محمد :لا متقلقيش المره دي هيجيب مفعول ومن اول يوم كمان
ماجده:خلاص هنشوف يلا مع السلامه ورايا شغل كتير
الحاج محمد :مع السلامة
هبه:ماما هو مش سامي كل عندنا من يومين
ماجده: ايوه انا لسه مكلمه الحاج محمد ف الموضوع ده وقالك هيديكي المضمون انتي بس طري الدنيا مع خطيبك لحد مانشوف حل
هبه:ماشي ياماما
ماجده(بكل شر) :والله ووقعتلنا ف القفص يابنت منال
في احدي شركات الاستيراد والتصدير
علي:انا مش قولتلك يابني ١٠٠مره تظبط الشاي ده الواحد مش عارف يعمل مزاج ابدا
القهوجي:حقك عليا ياأستاذ علي
علي:متكررهاش تاني يلا امشي من وشي
عبير:مابراحه عليه ياعلي ولا هتفضل قاسي علي كل الناس كده كتير
علي(بيغمز) : قاسي ايه بس يابت ده انا قلبي حنيه الدنيا فيه بس عايز ال يفهمه
عبير(فاهمه) :اها ده لل يفهمه بقي ماتخلص الشغل ده عايزاك ف كلمتين
علي:وهو علشان انتي خلصتي الشغل ال وراكي هتقعدي تزني على وداني زي كل مره
عبير:ياحبيبي السرعه ف الاداء مهمه وانت سرعتك علي القد
علي:طب ماشي ياام سرعه عاليه ابقي ورينا همتك
عبير :هتشوف
علي:بكرا تيجي بدري ع الله تتأخري دقيقه هخصم منك شهر كامل
عبير(بتضحك) :شهر كامل علشان دقيقه
على :مااصل السرعه ف الاداء مهمه
عبير(بتضحك) :عنيد طول عمرك
عبير:الو ايوه ياخالتو بقولك ايه نفذي ال طلبته منك مانتي عارفه الواد مديني الوش الخشب ومش عايز يحن عليا
عند لين كانت قاعده ف أوضتها وسامعه مامتها بتهزر مع الراجل ال معاها ف الصالون
منال :ههههه عيب بقي اسكت انت مابتبطلش
فريد :هههه ومش هبطل اصل ال يقعد قصاد كل الحلاوه دي لازم يضعف
منال :تؤ عيب البنت تسمعك
فريد:هههه تسمع مين ده انا صوتي مفيش اوطي منه انتي بس ال ودانك بتسمع دبه النمله
منال:يوه وبعدين كفايه حسد مش سامعه
خرجت لين وهي علي وشها غضب الدنيا كله
لين(بإسلوب حاد) :اعتقد ان مش من الادب تقعدي مع راجل غريب ف البيت كل الوقت ده
منال (بعصبيه) :انتي اتجننتي ازاي تتكلمي معايا بالاسلوب ده؟
لين(بثقه وثبات) :انا مغلطتش ف اي حاجه قولتها
فريد(بإحراج) :ممم طيب شكلي طولت هنا بالإذن هكلمك يامنال على اتصال
ومشي
منال (بزعيق) :انتي عبيطه ازاي تتكلمي بالاسلوب ده قدام اونكل فريد؟
لين:انتي بتعملي كده ليه؟ هو ده ال هتتجوزيه مش كده؟ ده ال هتكملي حياتك معاه؟ ده بيت مش كباريه
راحت منال ضرباها بالقلم
منال(بزعيق) :اخرسي قطع لسانك قليله الادب انا شكلي معرفتش اربيكي بس هربيكي وهعلمك ازاي تتكلمي مع امك بالاسلوب ده
لين (بصويت) :اسكتي بقي حرام عليكي بكرهك بكرهك
وجريت لميت هدومها وطلعت تجري ف الشارع وهي بتعيط ودقات قلبها بتزيد ولكن وهي بتجري!
_حااااسبي!!!
الفصل الثاني
جريت لين لمت هدومها وطلعت تجري ف الشارع وهي بتعيط ودقات قلبها بتزيد ولكن وهي بتجري اتخبطت!
_حااااسبي!!!
وقعت على الأرض وفقدت الوعي تماما والناس اتلمت تشوف مين دي؟
_محتاجين اثبات شخصيه
وفضلوا يدوروا على البطاقه في شنطتها! وخدوها على المستشفي
الدكتور:على العمليات بسرعه!
واتصلوا على آخر رقم هي اتصلت بيه كانت صاحبتها نور وطبعا صاحبتها اول ماعرفت جات
نور(بتجري) :لين فيها ايه يادكتور؟؟
الدكتور:للاسف حادثه شديده ادعيلها هي في العمليات دلوقت
نور(بخوف) :ربنا يستر.. ربنا يستر
_انتي اختها؟
نور(بعصبيه) :انت ال خبطتها؟؟؟
_ من فضلك اهدي
نور(بعصبيه) :رد انت ال عملت كده؟؟؟
_ غصب عني انا كنت ماشي بسرعه الطريق وهي ال بتجري! و...
نور(بتقاطعه) :بس بس انت عارف قدر المصيبه ال عملتها انا صاحبتي ف العمليات بسببك!
_ انا مستعد اعمل اي حاجه
وبعد ساعتين خرج الدكتور
الدكتور:للأسف البقاء لله
نور(بصويت) :ايه؟؟؟؟ لااااا قول انك بتهزر
الدكتور:شدي حيلك
_ايه؟؟
نور(بصويت) :انت السبب انا هوديك في ٦٠ داهيه انت السبب ف كل ال حصل انا مش هسيبك الا وحبل الاعدام حوالين رقبتك!!
_بس والله انا مليش زنب هي ال غلطانه مش انا.. انا كنت ماشي بسرعه الطريق!
نور(بصويت) :اسكاااات اسكت ولا كلمه!!!
وطبعا الشرطه جات اخدته!
وكيل النيابه: انت المدعو عليه
_ايوه انا
وكيل النيابه:احكيلي كل ال حصل من الاول
جات مامت لين وهي بتصوت ومش متمالكه اعصابها
منال(منهاره) :يابنتي ياحبيبتي ياعيني عليكي ياقلب امك حقك عليا يابنتي انا غلطانه روحتي مني وسيبتيني ملحقتش افرح بيكي واجوزك واشيل عيالك.. انا كنت انانيه معاكي زي ماابوكي كان اناني وشاف حياته وكمل.. حقك عليا ياقلب امك ااااه ياحرقه قلبي ااااه
نور(بعياط) :خلاص ياطنط ادعيلها بالرحمه مابقاش ينفع الكلام ده كله مابقاش ينفع
منال(بعياط) :غلطانه وحسيت ب غلطي ف يوم وليله الدنيا اتقلبت خدت مني بنتي الوحيده ال مكنش ليا ف الدنيا غيرها.. عيشت طول عمري من هنا ل هنا كنت الاب والام ليها بس جه اليوم ال اختارت في نفسي وكنت انانيه.. انا انانيه!
نور(بعياط) :ارجوكي ياطنط بلاش الكلام ده انتي بتوجعي قلبك وقلبي
في العزا
دخلت ماجده وبناتها (حنان - هبه)
ماجده(بشماته) :البقاء لله خلاص مابقاش في لين ولا طين
هبه:خلاص ياماما الا تسمعك
حنان:عقبالها وعقبال الحلوين
ماجده:يلا ف داهيه
ودخلت تسلم عليها وكانت منال منهاره
ماجده(دموع كدابه) :البقيه ف حياتك يامنال كلنا لها ياختي ياحبيبتي
منال(بعياط) :حياتك الباقيه، شكر الله سعيكم
هبه :البقاء لله
منال(بعياط) :ونعم بالله
حنان :البقاء لله ياطليقه خالي
منال(بزعيق) :ايه ال تقصديه بكلامك ده؟
حنان(بتضحك) :هقصد ايه يعني مانتي طليقته بحق وحقيقي انا كدبت ف حاجه ياماما؟
ماجده(بتطبلها) :لا ياقلب امك انتي مقولتيش حاجه غلط
منال(بزعيق) :انتي بتعومي علي عوم بناتك ياماجده بدل ماتعرفيهم غلطهم ولا انتوا جايين تشمتوا والضحكه علي وشكم من الخد ده للخد ده!!
ماجده:ايه ال بتقوليه ده يامنال بقي احنا هنشمت فيكي ليه ياحبيبتي كان بينا ايه غير كل خير.
يدخل فتحي(طليق منال ال هو اخو ماجده)
فتحي (بزعيق) :في ايه ياماجده
ماجده :شوف طليقتك ياخويا قال ايه بتقول اننا شمتانين فيها ليه كنا وحشين ولا وحشين!
فتحي:ماجرا ايه يامنال احنا جايين نعمل الواجب بدل ماتشيليه فوق راسك وتقولي الناس دي جات وقدرتني عموما الايام دواره يلا ياماجده انتي وبناتك
وخدهم وروحوا وقعدت منال وهي دموعها علي خدها وقلبها بيوجعها
نور(بحزن) :خلاص ياطنط شكل الناس دي شايلالك كتير اوي ومرقدين
منال(بعياط) :تفتكري يانور؟
نور(بحزن) :طبعا ياطنط بعد ال حصل ده افتكر
وبعد يومين في تركيا 🇹🇷
تظهر لين بإستايل جديد تماما شكلها كان متغير شويتين ومعاها شنطها راحت أوتيل مصري
لين:ممكن احجز أوضه 3 ليالي
السكرتير:اكيد يافندم ممكن تملي البيانات دي الاول
لين:اوكي
وبدأت تملي بياناتها وطلعت علي اوضتها رميت نفسها علي السرير وغمضت عينيها تماما
كانت لين قاعده قدام البحر والشاب ده طالع من وسط البحر وهو بيبتسملها
الشاب :ها قوليلي تحبي ناكل ايه النهارده
لين(بتضحك) :ناكل ال يعجبك
الشاب:خلاص الاكل على مزاجي النهارده وعلفكرا انا شيف شاطر جدا وهيعجبك اكلي
لين(بتضحك) :وانا واثقه من ده.. بس ليه لما بسألك عن اسمك ملامحك بتتغير؟
الشاب :يمكن مش حابب انك تعرفيه دلوقت عموما انتي هتعرفيه ولكن
لين:ولكن ايه
الشاب (بيضحك) :مسيرك هتعرفيه
لين(بإبتسامه) :انا مش مستعجله علي اني اعرفه
صحيت لين من نومها ودقات قلبها بتزيد وطلعت كراسه الرسم وبدأت تكمل ملامحه قبل ماتنساها
نيجي للشاب ال خبط لين واتسجن!
الشاب :يا بابا انا لازم اخرج من هنا قبل مايتحكم عليا والله هي ال طلعت ف طريقي فجأه انا مليش يد ف حاجه
باباه(بحزن) :عارف يابني واهو امر واتحطينا فيه متقلقش هنحاول نطلعك
وبيطبطب علي رجله
في شركه الاستيراد والتصدير
عبير:ياصباح الخير علي احلي مدير
علي:صباح النور
عبير:مالك مشغول ف ايه
على :التزمي بشغلك وسيبك من الحركات البلدي ال بتعمليها دي مش عليا
عبير (بإستغراب) :بلدي؟ كل ده علشان بقولك صباح الخير؟
على :اسلوبنا ف الشغل رسمي وبس غير كده مش هقبل واظن كلامي واضح
عبير(بإستغراب) :ع العموم انا لقيتك جاي بدري النهارده قولت اكيد مفطرش ف عملت حسابك ف حاجه بسيطه كده اتمني تقبلها مني
علي:متشكر اتفضلي علي شغلك وخلصي الاوراق ال بعتهالك دي مش عايزين تأخير اكتر من كده
عبير:حاضر عن اذنك
ورجعت مكتبها وفضلت تفكر ياتري هيجيب نتيجه؟ ولكن بعد ساعه لقيت علي بنفسه جايلها
علي:انا خلصت شويه اوراق قولت اجي اقعد معاكي شويه واعتذرلك عن ال حصل
عبير(بتعجب ف سرها ) :غريبه لحق يعني!
علي:ها متقبله اعتذاري ولا امشي ولا ايه؟
عبير(بتضحك) :اه طبعا المهم يكون الاكل عجبك
علي:عجبني اووي تسلم ايدك
عبير(بتضحك) :لالا مش انا ال عاملاه ده تيك اواي ع السريع كده يعني
علي:بس تحفه تسلم ايدك زوقك حلو ف الاكل
عند منال مامت لين
كانت قاعده ف اوضه لين وبتبص ل صورها وهي صغيره وبتعيط
منال(بعياط) : سامحيني يا لين انا اسفه
حقك عليا ياقلب امك انا قصرت معاكي كتير المفروض كنت اديكي حقك مش هبقي انا وابوكي عليكي.. ااه لو يرجع الزمن بيا تاني.. كنت هقول ياريت بس هيفيد بايه ال راح راح
ونامت علي صوره لين وراحت في النوم ولكن عند لين كانت نزلت تشتري شويه اكل وكانت حاسه انها بدأت تاخد نفسها بعد ال حصل
لين(بإبتسامه) : اخيرا بعدت وارتاحت.. كنت دايما موجوعه بسبب كل ال حواليا.. انا خلاص قربت اخلص الرسمه و لازم اعتمد على نفسي وابدأ عُمر جديد!
وقابلت صاحب الشغل ال هتتفق معاه
لين: مساء الخير
صاحب الشغل:اتفضلي انا سمعت انك محتاجه شغل من اعلان الفيس بوك ال عملتيه
لين:ايوه ده حقيقي
صاحب الشغل:مبدأيا كده شكلك بنت حلال الشغل هنا من 9الصبح لحد 9 بالليل يعني 12ساعه شغل.. والساعه شغل ب 20دولار
لين(بحماس) :يعني حضرتك وافقت؟
صاحب الشغل:اكيد طبعا.. هجيبلك علياء تفهمك كل حاجه هنا.. علياء تعالي
علياء :نعم يااستاذ مجدي؟
صاحب الشغل:دي لين صاحبتك الجديده هنا ف الشغل عايزك تفهميها كل حاجه من الاول
علياء :حاضر
وخدت لين في المطبخ وفهمتها كل حاجه
لين:الشغل ده حلو جدا
علياء:بس بلاش اي غلطات وأهم حاجه الالتزام في الشغل الا استاذ مجدي بيتعصب جدا
لين:لا متقلقيش من حاجه
وبدأت تشتغل وتعمل زي مازميلتها قالتلها
كانت منال قاعده ف لقيت حد بيخبط علي الباب بتفتح!
منال(بتعجب) :ايه ال جابك هنا يافتحي
فتحي(بتريقه) : انا جاي نقسم الورث مابينا
منال(بإستحقار) :يابجاحتك يااخي! البت دمها لسه مبردش ف تربتها وانت جاي تقولي ورث
فتحي:ااه امال ايه احنا ناس شقيانه وبتربي عيال وفاتحين بيوت وانا بصراحه محتاج الفلوس دي اصل عقبال أملتك هجيب عربيه ل مراتي
منال(متعصبه) :ربنا ياخدك ياخي ويريحنا من وشك ده انا معرفش ازاي ف يوم من الايام وافقت عليك لا انت لوني ولا شبهي
فتحي:انا مش جاي علشان تلومي وتدخلي ف جو عتاب انا جاي اخد نصيبي ولو مش هتديني نصيبي ف نتجه للقانون بقي
منال(بصويت) :امشي من وشي امشاااي انتوا ايه كلاب فلوس؟؟ كل ال هاممكم الفلوس وبس؟؟ غور ف داهيه
وراحت قافله الباب ف وشه
فتحي(ببرود) :وماله نيجي وقت تاني شكل الدنيا حاميه دلوقت
ومشي ولا فارق معاه ال قالته وهي دخلت واعصابها تعبانه وبتترعش وقعدت ع الكنبه
وبعد شهر كانت لين جمعت مبلغ حلو من الشغل ده ف اشتريت بيه أوضه ب حمام حاجه على قدها ومضيت العقد وحطت كل حاجتها ودخلت تاخد شاور وكان مع كل نقطه مايه بتنزل كانت دمعه قصادها بتنزل كانت بتعيط ب حرقه!
وبعدين خرجت ولبست هدومها ونامت
كانت لين بتعيط ومنهاره يجي الشاب ده ومعاه مناديل بيمسحلها دموعها وياخدها ف حضنه
لين :خلاص مابقاش في حاجه اعيش علشانها
الشاب :اوعي تفتكري ان ده حل
لين: بالنسبالي حل وعلي الاقل ارتاح من كل الناس ال تاعباني
الشاب :اوعي تستسلمي طول مانا معاكي يالين
لين:بس انت وهم
الشاب :انا مش وهم انا حقيقه وموجود
لين: هشوفك امتي؟
الشاب :هيجي اليوم ال تشوفيني فيه اطمني
تاني يوم صحيت لين بدري وجهزت ونزلت على الشغل وطبعا اتصاحبت علي علياء زميلتها
علياء:يلا خلصي اول اوردر علشان عايزاكي ف كلمتين
لين :خلاص اهو قربت
علياء:هروح انا وجيالك علشان في وقت البريك هنتكلم
لين:اوكي
وبعد نص ساعه قعدوا يتكلموا في وقت البريك
علياء:قوليلي بقي ياستي مالك مين مزعلك
لين:ابداا مين قال كده؟
علياء:ملامحك منطفيه وحزينه!
لين :لا خالص يمكن بس منمتش كويس
علياء:طيب قوليلي اهلك فين؟
لين:موجودين بس لو سمحتي غيري الموضوع ده حقيقي بيدايقني جدا
علياء:خلاص طيب انتي في حد ف حياتك؟
لين:لا مفيش وانتي
علياء:انا كنت مخطوبه بس فركشت
لين:ليه كده؟
علياء:كان بخيل في كل حاجه ماديا وف مشاعره بيستخسر فيا الكلمه الحلوه
لين:يستاهل انك تسيبيه فعلا
علياء:مكنش فيه مميزات كان كله عيوب
(وبتتنهد) يلا هنعمل ايه اهو النصيب
لين:متزعليش ال عدي انسيه متفكريش فيه تاني
علياء:صح وانتي اتقدملك ناس قبل كده؟
نروح ل منال في مكتب المحامي
المحامي:واضح ان طليقك ده مش سهل من اخر مره جيتوا فيها
منال:هو من ناحيه مش سهل ف هو مش سهل هو واخته وبناتها
المحامي:انا ممكن ألفئله قضيه تاخده10سنين سجن لو مدايقك اوي كده
منال(بتضحك) :وهو ال زي ده بيتعلم من غلطه
المحامي:بس متقلقيش القضيه تحت ايدي شغال عليها ده انا مأجل كله علشانك
منال(بإستغراب) :متشكره جدا لحضرتك ع العموم لو في حاجه جديده عرفني
المحامي:اكيد انا تحت امرك
منال:مع السلامة
المحامي:اتفضلي
خرجت منال من مكتب المحامي
وجات عربيه معديه فتحت الباب وسحبوها ورشولها منوم ف نامت ف ساعتها..
نيجي ل ماجده وبناتها (حنان-هبه)
ماجده:شوفتي يابت الدنيا بقيت ماشيه زي السكينه ف الحلاوه ازاي!
عبير( بنت اختها) :اه والله ياخالتو ده الواد بقي ملهوف عليا واتغير 180درجه بس مابيرضاش ياكل من اكلي كل مااقوله جيبالك اكل يقولي مليش نفس او سبقتك وكلت
ماجده :يابت سيبك من كل ده المهم انه كل اول مره
عبير:على رايك بس ياخوفي لو المده انتهت وجيت احطله تاني ورفض بس تعرفي ياخالتو الغريبه ان الواد ده اتضحك عليه مني ده واد سوسه مفيش حاجة بتعدي عليه
ماجده :ياختي المفروض تفرحي انك انتصرتي عليه مادام واد ناصح اوي كده
عبير:ده انا انتصرت وانتصرت اووي كمان ولسه ال جاي احلي ههههه
عند لين بالليل كانت خلصت الرسمه وعلقتها ف الأوضه وبقيت كل شويه تبص للصوره بكل حب واشتياق وبعدين ترجع تقول ل نفسها كل ده حلم بس هي حبيته وحبيت ملامحه وبقيت تنام مخصوص علشان تقابله حتى لو هي مش جايلها نوم!
لين:وحشتني رغم اني معرفش انت مين ولا اعرف اسمك حتي ساعات عقلي بيقولي ده حلم ووهم بس قلبي بيقولي هتقابليه!
عند منال كانت بتصوت وقاعده ف أوضه ضلمه
منال (بصويت) :انت مين!! وعايز مني ايه!!
يخرج شخص مغطي وشه
_انا ال قليتي معاه يامُنمُن واتهمتيه بحاجات مش فيه ده انا كنت عايز أأكل عيالي الممه مش اكتر بس انتي علفكرا قطاعه ارزاق ف انا قولت اكل عيش بس بطريقه تانيه
منال(بصويت) :هتعمل ايه؟؟
_هتبقي مفاجأه من العيار التقيل ماهو اصل انا راجل قِله ولمؤاخذه ف توقعي اي حاجه من الراجل القِله ده وشوفي هيعمل ايه
منال(بصويت) :سيبوووني في حاااالي
_نفذوا😉
ودخل حوالي4 رجاله ضربوها وقطعولها هدومها كلها وكان هو ماسك الكاميرا وبيصور
منال(بعياط) :حسبنا الله ونعم الوكيل فيك
_يلا كله بالدور كله هياخد حقه بس براحه عليها أصلها فافي اوي هههههه
وبعد ماكله خلص تفتكروا عمل ايه؟
يتبع